#العشق_المتمرد
الجزء98/القسم الثاني
#جمان_فريد
🌟🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃
ﻭﺍﻗﻒ ﺗﺤﺖ ﻣﻈﻠﺔ ﺍﻟﻤﺮﺑﻮﻋﻪ ﺍﻟﺨﺎﺭﺟﻴﻪ ﻭﻳﺘﻜﻠﻢ ﺑﺎﻟﺘﻠﻴﻔﻮﻥ ..
ﻋﻤﺎﺩ : ﻋﻼﺵ ﺍﻧﺘﻲ ﺳﺎﻣﻌﻪ ﺣﺎﺟﻪ؟ !
ﺩﻻﻝ : ﺍﻳﻪ .. ﻗﺼﺪﻱ ﺍﻟﻠﻲ ﺳﻤﻌﺎﺗﻪ ﺍﻧﻬﻢ ﺑﺪﻭﺍ ﻳﺼﻔﻮﺍ ﻓﻴﻬﻢ ﻓﻲ ﺍﻟﻤﻌﺘﻘﻼﺕ ﻣﺘﺎﻋﻬﻢ ﻷﺳﺒﺎﺏ ﻋﻨﺼﺮﻳﻪ ﻓﺎﻫﻢ ﻋﻠﻴﺎ ﻭﻻ؟
ﻋﻤﺎﺩ : ﺗﻲ ﻻﻻ ﺩﻭﺓ ﻓﺎﺿﻴﻪ ﻣﺎﻓﻴﺶ ﻣﻨﻬﺎ ﺑﻜﻞ ﻣﺎﺩﻭﺭﻳﻬﺎﺵ .. ﺭﺍﻫﻮ ﺍﻏﻠﺐ ﺍﻟﻠﻲ ﺗﺴﻤﻌﻮﺍ ﻓﻴﻪ ﺍﺷﺎﻋﺎﺕ ﻭﺍﺧﺒﺎﺭ ﻛﺎﺫﺑﻪ ﻳﺨﻠﻘﻮﺍ ﻓﻴﻬﺎ ﺍﻃﺮﺍﻑ ﻣﻌﺎﺩﻳﻪ ﻟﺒﻌﺾ ﺑﺶ ﻳﺸﻮﻫﻮﺍ ﺑﻌﺾ ﻭﻳﺰﻳﺪﻭﺍ ﻳﻔﺘﻨﻮﺍ .. ﻻﺍﻣﺲ ﺑﺲ ﺍﻣﺲ ﻣﻜﻠﻢ ﺻﺎﺣﺐ ﺍﻟﺴﺠﻦ ﻭﻋﻄﺎﻧﻲ ﺭﻣﺰﻱ ﻫﺪﺭﺯﺕ ﻋﻠﻴﻪ .. ﻧﻘﻮﻟﻚ ﺣﺎﺟﻪ ﻣﺎﺗﺼﺪﻳﻘﻬﺎﺵ ..
ﺩﻻﻝ؛ﺷﻨﻲ؟
ﻋﻤﺎﺩ : ﺗﻌﺮﻓﻲ ﺍﻧﻬﻢ ﻳﻘﺪﺭﻭﺍ ﻓﺮﻣﺰﻱ ﻫﻠﺒﻪ ﻏﺎﺩﻱ ﻭﻣﺤﺘﺮﻣﻴﻨﻪ .. ﻭﺍﺣﺪ ﻣﻨﻬﻢ ﻗﺎﻟﻲ ﺻﺢ ﺟﻲ ﺣﺎﺭﺏ ﻓﺒﻼﺩﻧﺎ ﻟﻜﻦ ﺭﺍﺟﻞ ﻉ ﻗﺪ ﻣﺎﺣﺎﻭﻟﻨﺎ ﻓﻴﻪ ﻳﻮﻟﻲ ﻣﻌﺎﻧﺎ ﺷﻲ .. ﺭﺍﻓﺾ ﻭﻳﻘﻮﻝ ﺍﻧﻲ ﻣﺎﻧﺪﻳﺮﺵ ﺣﺎﺟﻪ ﻣﺶ ﻣﻘﺘﻨﻊ ﺑﻴﻬﺎ ﻟﻮ ﺷﻦ ﺩﺭﺗﻮﻟﻲ ..
ﺍﺑﺘﺴﻤﺖ ﺩﻻﻝ ..
ﻋﻤﺎﺩ : ﻟﻬﺪﺍ ﻳﺎﺩﻻﻝ ﻭﺻﻠﻲ ﻟﺮﺍﻧﻴﺎ ﻗﻮﻟﻴﻠﻬﺎ ﻗﺎﻝ ﻋﻤﺎﺩ ﺑﺈﺫﻥ ﺍﻟﻠﻪ ﺭﻣﺰﻱ ﻣﺎﺻﺎﻳﺮﻟﻪ ﺷﻲ ﻳﻘﻀﻲ ﻓﺘﺮﻩ ﺣﺒﺴﻪ ﻭﻳﻄﻠﻊ ﻭﻧﻔﺮﺣﻮﺍ ﺑﻴﻜﻢ ..
ﺿﺤﻜﺖ ﺩﻻﻝ ..
ﻭﻫﻮ ﺿﺤﻚ ..
ﻣﻦ ﺑﻌﻴﺪ ..
ﻣﻦ ﺭﻭﺷﻦ ﺣﻮﺵ ﺟﺪﻫﺎ ﻛﺎﻧﺖ ﻭﺍﻗﻔﻪ ﺗﺸﻮﻓﻠﻪ ﻛﻴﻒ ﻳﺘﻜﻠﻢ ﻓﺎﻟﺘﻠﻴﻔﻮﻥ ﻣﺮﺓ ﻳﺒﺘﺴﻢ ﻣﺮﺓ ﻳﻀﺤﻚ ..
ﻧﺎﺭﻫﺎ ﻧﺎﺭ ﻣﺎﺑﻄﻠﺘﺶ ﻭﻫﻲ ﺗﺎﻛﻞ ﻓﻘﻠﺒﻬﺎ .. ﻋﻴﻮﻧﻬﺎ ﺗﻌﺒﻮﺍ ﺩﻣﻮﻉ ﻭﻓﺎﺿﻮﺍ ..
ﺭﺯﺍﻥ " ﺑﺎﻫﻲ ﺗﻮ ﺗﺸﻮﻑ .."
...
ﻋﻤﺎﺩ : ﺗﻤﺎﻡ .. ﺳﻠﻤﻲ ﻉ ﺧﺎﻟﺘﻲ ﻭﻋﻤﻲ ﻋﺒﺎﻟﺴﻼﻡ ﻭﺍﻟﺸﺒﺎﺏ ﻭﻋﻀﻴﻠﻲ ﺍﻟﺼﻔﺮﻭﻧﻪ ﺍﻟﺼﻐﻴﺮﺓ ..
ﺿﺤﻜﺖ ﺩﻻﻝ ﻭﻗﺎﻟﺖ : ﻳﻮﺻﻞ .. ﺳﺎﻣﺤﻨﺎ ﻋﻤﺎﺩ ..
ﻋﻤﺎﺩ : ﻋﺪﻱ ﻋﺪﻱ .. ﻋﺪﻳﻴﻲ ..
ﺿﺤﻜﺖ ﺩﻻﻝ ﻭﺻﻜﺮﺕ ..
ﻫﻮ ﺣﻮﻝ ﺍﻟﺘﻠﻴﻔﻮﻥ ﻣﻦ ﻉ ﻭﺫﻧﻪ ﻭﻫﻮ ﻳﻀﺤﻚ ﻟﻒ ﺑﻴﺨﺶ ﻟﻠﻤﺮﺑﻮﻋﻪ ..
ﺷﺎﻑ ﻟﻠﺮﻭﺷﻦ ﻟﻘﺎﻫﺎ ﻭﺍﻗﻔﻪ ﺗﺸﻮﻓﻠﻪ ...
ﻗﻌﺪ ﻭﺍﻗﻒ ﻳﺸﺒﺤﻠﻬﺎ 💓
ﻫﻲ ﺷﺒﺤﺘﻠﻪ ﺑﺤﺪﻩ .. ﺑﻌﺪﻳﻦ ﻟﻔﺖ ﻭﻗﻌﻤﺰﺕ ...
ﺗﻨﻬﺪ ﺑﺈﺑﺘﺴﺎﻣﻪ .. ﻭﺧﺶ ﻟﻠﻤﺮﺑﻮﻋﻪ ..
🍁🍁🍁🍁
ﺭﻭﺣﻮﺍ ﺍﻟﺸﺒﺎﺏ ﻣﻦ ﺍﻋﻤﺎﻟﻬﻢ ..
ﻋﻤﺮ ﻭﻣﺤﻤﺪ ﻭﻫﺎﻧﻴﺒﺎﻝ ﻭﺻﻞ ﻣﻌﺎﻫﻢ ..
ﺑﻌﺪ ﻧﺰﻟﻮﺍ ﻣﻦ ﺳﻴﺎﺭﺍﺗﻬﻢ ..
ﻣﺸﻮﺍ ﻃﻮﻝ ﻟﻠﻤﺮﺑﻮﻋﻪ ﺍﻟﺨﺎﺭﺟﻴﻪ .. ﺧﺸﻮﺍ .. ﻃﻮﻝ ﺍﺭﺗﺴﻤﺖ ﻉ ﻭﺟﻮﻫﻬﻢ ﺍﺑﺘﺴﺎﻣﻪ ﺣﻠﻮﻩ ﻭﻳﻦ ﺷﺎﻓﻮﺍ ﺍﻟﺼﻐﺎﺭ ..
ﺣﻤﻴﺪ : ﺍﻫﻮ ﻋﻤﺎﻣﻜﻢ ﺟﻮ ..
ﺭﻣﻀﺎﻥ ﻭﺑﺎﺳﻢ ﻗﻌﺪﻭﺍ ﻳﺸﻮﻓﻮﻟﻬﻢ ﺑﺈﺑﺘﺴﺎﻣﻪ ..
ﻗﺪﻡ ﻫﺎﻧﻴﺒﺎﻝ ﺍﻷﻭﻝ ﻭﻫﻮ ﻳﻘﻮﻝ : ﻣﺎﺷﺎﺀ ﺍﻟﻠﻪ ﻣﺎﺷﺎﺀ ﺍﻟﻠﻪ ﻣﺎﺷﺎﺀ ﺍﻟﻠﻪ ..
ﻗﻌﻤﺰ ﻉ ﺭﻭﺳﻪ ﺻﺒﺎﻋﻪ ﻣﻘﺎﺑﻠﻪ : ﺷﻦ ﺍﺳﻤﻚ ..
ﺭﻣﻀﺎﻥ : ﺍﻧﻲ ﺭﻣﻀﺎﻥ ..
ﺍﺑﺘﺴﻢ ﻫﺎﻧﻴﺒﺎﻝ ﻭﻗﺮﺑﻪ ﻟﻴﻪ ﻭﺑﺎﺳﻪ ﻉ ﺭﺍﺳﻪ ..
ﻣﺤﻤﺪ ﻗﺎﻡ ﺑﺎﺳﻢ : ﻣﺎﺷﺎﺀ ﺍﻟﻠﻪ ﻻﻗﻮﺓ ﺍﻻ ﺑﺎﻟﻠﻪ .. ﺷﻨﻮ ﺍﺳﻤﻚ ﺍﻧﺖ ..
ﺑﺎﺳﻢ ﺑﺈﺑﺘﺴﺎﻣﻪ : ﺑﺎﺳﻢ ..
ﺍﺑﺘﺴﻢ ﻣﺤﻤﺪ ﻭﻗﺎﻝ : ﺑﺎﺳﻢ ﺍﻟﺰﻋﻴﻢ ..
ﻋﻤﺮ ﺑﺈﺑﺘﺴﺎﻣﻪ : ﺭﺑﻲ ﻳﺤﻔﻈﻬﻢ ..
ﺣﻤﻴﺪ ﺑﺈﺑﺘﺴﺎﻣﻪ : ﺗﺴﻠﻢ ..
ﻫﺎﻧﻴﺒﺎﻝ : ﺍﻧﻲ ﻋﻤﻜﻢ ﻫﺎﻧﻴﺒﺎﻝ ..
ﻣﺤﻤﺪ : ﺍﻧﻲ ﻣﺤﻤﺪ ..
ﻋﻤﺮ : ﻭﺍﻧﻲ ﻋﻤﻜﻢ ﺍﻟﺰﻋﻴﻢ ﻋﻤﺮ ..
ﺿﺤﻜﻮﺍ ..
ﻣﻴﻼﺩ ﺑﻀﺤﻜﻪ : ﻣﺎﺯﺍﻝ ﻓﻲ ﺑﻨﻴﻪ ﻣﺎﺷﺎﺀ ﺍﻟﻠﻪ ﻋﻠﻴﻬﺎ ..
ﻫﺎﻧﻴﺒﺎﻝ : ﻭﻳﻨﻬﺎ ..
ﺣﻤﻴﺪ ﻗﺎﻡ ﺗﻠﻴﻔﻮﻧﻪ ﻟﻮﺩﻧﻪ ﻭﻫﻮ ﻳﻘﻮﻝ : ﺷﻮﻱ ﺑﺲ ..
......
ﺯﻳﻨﺐ : ﻗﺼﺪﻙ ﺍﻧﺘﻲ ﺻﺎﺣﺒﺔ ﻗﺮﻭﺏ ﻓﺘﺎﻓﻴﺖ ﻋﺮﻭﺱ ﺍﻟﺒﺤﺮ ..
ﺍﺑﺘﺴﻤﺖ ﻭﻫﺰﺕ ﺭﺍﺳﻬﺎ ﺑﺈﻳﺠﺎﺏ ..
ﻏﺎﻟﻴﻪ ﺑﻀﺤﻜﻪ : ﺍﻟﺸﻴﻒ ﻏﺰﻻﻥ !!
ﺿﺤﻜﺖ ﻏﺰﻻﻥ ..
ﻣﺮﺍﻡ ﺑﻀﺤﻜﻪ : ﺍﺧﺘﻲ ﻓﺎﻳﺰﺓ ﻣﺨﻴﻤﻪ ﻓﺎﻟﻘﺮﻭﺏ ﻣﺘﺎﻋﻚ ..
ﺍﺑﺘﺴﻤﺖ ﻏﺰﻻﻥ ..
ﺳﻌﻴﺪﻩ : ﺗﻌﻄﻲ ﻓﺪﻭﺭﺍﺕ ..
ﻏﺰﻻﻥ؛ﺍﻳﻪ ﺍﺧﺮ ﻭﺣﺪﻩ ﺗﻤﺖ ﻣﻦ ﺷﻬﺮ ﺗﻘﺮﻳﺒﺎ ..
ﻏﺎﻟﻴﻪ : ﺷﻔﺖ ﺻﻮﺭ ﻋﻨﻬﺎ ﻧﺰﻟﺘﻴﻬﻦ ﻓﻲ ﺍﻟﻘﺮﻭﺏ ..
ﻣﺮﺍﻡ : ﺣﻤﺎﺗﻚ ﻏﺎﻟﻴﻪ ﺷﺎﻃﺮﻩ ﻓﻲ ﺍﻟﺤﻠﻮ ﻭﻓﻨﺎﻧﻪ ﻓﻴﻪ ..
ﻏﺰﻻﻥ ﺑﺮﻓﻌﺔ ﺣﻮﺍﺟﺐ : ﺍﻟﻠﻪ !
ﻏﺎﻟﻴﻪ ﺑﺨﺠﻞ : ﻣﺶ ﻟﻬﺎﻟﺪﺭﺟﻪ ..
ﻣﺮﺍﻡ : ﻻ ﻭﻳﻦ ﻣﺶ ﻟﻬﺎﻟﺪﺭﺟﻪ ﺑﺎﻟﻠﻪ ﻭﺭﻳﻬﺎ ﺻﻮﺭ ﺍﻟﺤﻠﻮﻳﺎﺕ ﺍﻟﻠﻲ ﺩﺭﺗﻴﻬﻦ ..
ﻏﺰﻻﻥ ﺑﺤﻤﺎﺱ : ﺗﺮﺍ ﻧﺸﻮﻑ ..
ﻏﺎﻟﻴﻪ ﺍﺑﺘﺴﻤﺖ ﺑﺈﺣﺮﺍﺝ ﺧﺪﺕ ﺗﻠﻴﻔﻮﻧﻬﺎ ﻓﺘﺤﺖ ﻉ ﺍﻟﺼﻮﺭ ﻭﻣﺪﺍﺗﻪ ﻟﻐﺰﻻﻥ ..
ﻏﺰﻻﻥ ﺧﺪﺍﺗﻪ ﻭﻗﻌﺪﺕ ﺗﺸﻮﻑ ﻓﺎﻟﺼﻮﺭ : ﻣﺎﺷﺎﺀ ﺍﻟﻠﻪ ﻣﺎﺷﺎﺀ ﺍﻟﻠﻪ .. ﺗﺤﻔﻪ ..
ﻏﺎﻟﻴﻪ ﻓﺮﺣﺖ ..
ﺷﺒﺤﺘﻠﻬﺎ ﻭﻗﺎﻟﺖ : ﺍﺑﺪﺍﻉ .. ﻛﻴﻒ ﺗﻌﻠﻤﺘﻲ ..
ﻏﺎﻟﻴﻪ : ﺍﻟﺘﻠﻔﺰﻳﻮﻥ ﻭﺍﻟﻨﺖ ﻉ ﺍﻟﻘﻮﻗﻞ ﻭﻫﻜﻲ ..
ﻏﺰﻻﻥ : ﺭﻭﻋﻪ ﺑﺼﺮﺍﺣﻪ ..
ﺍﺑﺘﺴﻤﻮﺍ ﻭﻫﻤﺎ ﻳﺸﻮﻓﻮﺍ ﻟﻐﺎﻟﻴﻪ ..
ﻣﺎﻋﺪﺍ ﺳﻤﻴﻪ ﺍﻟﻠﻲ ﻛﺎﻧﺖ ﺗﺸﻘﻠﺐ ﻓﻌﻴﻮﻧﻬﺎ ﺑﻤﻠﻞ ..
ﺯﻳﻨﺐ : ﻣﺶ ﻏﺎﻟﻴﻪ ﺑﺮﻭﺣﻬﺎ ﻳﺎﻏﺰﻻﻥ .. ﺣﺘﻰ ﺭﺯﺍﻥ ﺑﻨﺖ ﺧﻮﻱ ﺷﺎﻃﺮﻩ ﻓﻲ ﺍﻟﺤﻠﻮ ﻭﺍﻟﺤﺎﺭ ﺣﺎﺟﺎﺗﻬﺎ ﺗﺒﺎﺭﻙ ﺍﻟﻠﻪ ..
ﺭﺯﺍﻥ ﻭﺳﻌﻴﺪﻩ ﺷﺒﺤﻮﺍ ﻟﺰﻳﻨﺐ ..
ﻏﺰﻻﻥ ﺑﻀﺤﻜﻪ : ﺍﻧﻲ ﺑﺼﺮﺍﺣﻪ ﻣﺎﻋﻨﺪﻳﺶ ﺍﻟﺮﻭﺡ ﻣﻊ ﺷﻐﻠﻲ ﻭﻣﻊ ﺍﻱ ﺣﺪ ﺷﻐﻮﻑ ﺑﺎﻟﻄﺒﺦ ﺯﻳﻲ ﺗﺒﻴﻠﻨﺎ ﺗﻘﻌﻤﻴﺰﺓ ﺑﻌﺪﻳﻦ ..
ﺿﺤﻜﻮﺍ ..
ﻉ ﺧﺸﺔ ﻓﺎﻃﻤﻪ : ﺧﻮﺗﻜﻦ ﺭﻭﺣﻮﺍ ..
ﻧﺎﺿﺖ ﻏﺎﻟﻴﻪ ﻭﻧﺎﺿﻮﺍ ﻣﻌﺎﻫﺎ ﺭﺯﺍﻥ ﻭﻣﺮﺍﻡ ..
ﻏﺎﻟﻴﻪ : ﻫﻲ ..
ﻣﺸﻮﺍ ﺍﻟﺘﻼﺗﻪ ﻃﻠﻌﻮﺍ ... ﻭﻓﺎﻃﻤﻪ ﻭﺭﺍﻫﻢ ..
ﺯﻳﻨﺐ ﺷﺒﺤﺖ ﺑﻄﺮﻑ ﻋﻴﻨﻬﺎ ﻟﺴﻤﻴﻪ ﻟﻘﺘﻬﺎ ﺗﻠﻌﺐ ﺑﺸﻌﺮﻫﺎ ﻭﻣﺘﺠﺎﻫﻠﻪ ..
ﺭﻓﻌﺖ ﺣﺎﺟﺒﻬﺎ ﻭﺷﺒﺤﺖ ﺍﻟﻘﺪﺍﻡ ..
ﺧﺸﺖ ﻋﻠﻴﻬﻢ ﺭﻭﺍﻥ ﺟﺖ ﻷﻣﻬﺎ ﻭﻗﻌﺪﺕ ﺗﻘﻮﻝ : ﺁﺍﺍﺍ .. ﺁﺍﺍ ... ﺇﺍﺍ ..
ﺳﻤﻴﻪ ﺑﻀﺤﻜﻪ : ﻣﺎﺯﺍﻟﺖ ﺑﻜﻮﺷﻪ !
ﺷﺒﺤﺖ ﺍﻟﺒﻨﻴﻪ ﻟﺴﻤﻴﻪ ..
ﻭﺍﻣﻬﺎ ﻭﻏﺰﻻﻥ ﻭﺳﻌﻴﺪﻩ ..
ﺯﻳﻨﺐ ﺷﺒﺤﺘﻬﺎ ﻛﺎﻧﺖ ﺳﻢ ..
ﺧﻠﺖ ﺿﺤﻜﺔ ﺳﻤﻴﻪ ﺗﺘﻼﺷﻰ ..
ﺷﺒﺤﺖ ﻟﺒﻨﺘﻬﺎ ﻭﻗﺎﻟﺖ : ﺷﻦ ﺗﺒﻲ ﻣﺎﻣﺎ ..
ﺍﻟﺒﻨﻴﻪ ﺣﺮﻛﺖ ﺍﻳﺪﻳﻬﺎ ﻭﻗﻌﺪﺕ ﺗﻘﻮﻝ : ﺁﺍﺍﺍ .. ﺁﺍﺍ .. ﺍﻣﻢ ..
ﻓﻬﻤﺘﻬﺎ ﺍﻣﻬﺎ ﺗﺒﻲ ﺗﺎﻛﻞ ...
ﺳﻌﻴﺪﻩ : ﺩﺭﺗﻴﻠﻬﺎ ﺑﺨﺎﺭ ﺍﻟﻜﺴﻜﺎﺱ ..
ﺯﻳﻨﺐ : ﻣﺎﺧﻠﻴﺖ ﻣﺎﺩﺭﺕ ..
ﻏﺰﻻﻥ : ﻛﻢ ﻋﻤﺮﻫﺎ ﺗﻮﺍ؟
ﺯﻳﻨﺐ : ﻗﺮﻳﺐ ﺗﻼﺗﻪ ﺳﻨﻴﻦ ..
ﻏﺰﻻﻥ : ﻣﺰﺍﻝ ﺻﻐﻴﺮﺓ ..
ﺯﻳﻨﺐ : ﻭﻳﻦ ﺻﻐﻴﺮﺓ ﺑﻨﺖ ﺑﻨﺖ ﺍﺧﺘﻲ ﻋﻤﺮﻫﺎ ﻗﺮﻳﺐ ﻋﺎﻣﻴﻦ ﻭﺑﺪﺕ ﺗﺘﻜﻠﻢ ﻭﻫﻲ ﻻ ..
ﺍﻟﺒﻨﻴﻪ ﺗﺴﻤﻊ ﻭﺍﻟﺼﻐﺎﺭ ﻓﻬﺎﻟﻌﻤﺮ ﻳﻔﻬﻤﻮﺍ .... ﻋﻜﺲ ﻣﺎﺣﻨﻲ ﻣﻔﻜﺮﻳﻦ ..
ﻏﺰﻻﻥ : ﺗﻌﺮﻓﻲ ﻋﻨﺪﻱ ﺻﺎﺣﺒﺘﻲ ﺑﻨﺘﻬﺎ ﺑﺪﺕ ﺗﺘﻜﻠﻢ ﻓﻲ ﻋﻤﺮ 4 ﺳﻨﻮﺍﺕ .. ﻣﺶ ﺷﺮﻁ ﺍﻟﺼﻐﺎﺭ ﻛﻠﻬﻢ ﻳﻜﻮﻧﻮﺍ ﺯﻱ ﺑﻌﺾ ﻓﻲ ﺍﺳﺘﺜﻨﺎﺀﺍﺕ ..
ﺭﻥ ﺗﻠﻴﻔﻮﻥ ﺷﺎﻓﺎﺗﻪ ﻓﺤﺠﺮﻫﺎ ﺍﻟﻤﺘﺼﻞ ..
" ﺣﺒﻴﺒﻲ "
ﻟﻤﺤﺖ ﺳﻌﻴﺪﻩ ﺍﻹﺳﻢ ﺍﺑﺘﺴﻤﺖ ..
ﻓﺘﺤﺖ ﻏﺰﻻﻥ ﺍﻟﺨﻂ ﻭﺭﺩﺕ : ﺍﻳﻮﻩ ........ ﺗﻤﺎﻡ ...... ﺷﻮﻳﻪ ﺑﺲ ... ﺑﺎﻱ .. ﺻﻜﺮﺕ ﻭﺑﺪﺕ ﺗﻨﺎﺩﻱ ..
ﻏﺰﻻﻥ : ﺳﻬﻰ ... ﺳﻬﻰ ..
ﺟﺖ ﺍﻟﺒﻨﺖ ﺗﺠﺮﻱ ﻷﻣﻬﺎ ﻣﻦ ﺍﻟﺼﺎﻟﻪ ﺍﻟﻠﻲ ﻛﺎﻧﺖ ﻣﻘﻌﻤﺰﺓ ﻓﻴﻬﺎ ﺗﻠﻌﺐ ﻣﻊ ﻗﺼﻲ ..
ﺳﻬﻰ : ﻧﻌﻢ ..
ﻏﺰﻻﻥ : ﺧﻠﻴﻚ ﻭﺍﻗﻔﻪ ﻓﻲ ﺍﻟﺒﺎﺏ ﺑﺎﺑﺎ ﺑﻴﺠﻲ ﻳﺎﺧﺪﻙ ..
ﺳﻬﻰ : ﺣﺎﺿﺮ ..
ﺯﻳﻨﺐ ﻧﺎﺿﺖ ﻭﻫﻲ ﺗﺸﻮﻑ ﻟﺴﻬﻰ : ﺭﺑﻲ ﻳﺤﻔﻈﻬﺎ ..
ﻏﺰﻻﻥ : ﺗﺴﻠﻤﻲ ..
ﻃﻠﻌﺖ ﺯﻳﻨﺐ ﻫﻲ ﻭﺑﻨﺘﻬﺎ ﻟﻠﺪﺍﺭ ﻣﺘﻮﺟﻬﻪ ﻟﻠﻜﻮﺟﻴﻨﻪ ﻭﻣﺎﺯﺍﻝ ﺗﺴﺤﻦ ﻉ ﺳﻤﻴﻪ ..
ﺧﺸﺖ ﻋﻠﻴﻬﻢ ..
ﺯﻳﻨﺐ ﺑﻐﻀﺐ؛ﻟﻮﻻ ﺍﻟﻤﺮﺍﺓ ﺍﻟﻠﻲ ﺍﻭﻟﻠﻬﺎ ﺟﻴﻪ ﻫﻨﻲ ﺭﺍﻫﻮ ﻣﺴﺤﺖ ﺑﻴﻬﺎ ﺍﻟﻮﻃﺎ ﺍﻟﻜﻠﺒﻪ ﻫﺎﺩﻱ ..
ﺍﻧﺨﻠﻌﻮﺍ ...
ﺭﺯﺍﻥ ﻓﻨﺼﺖ ﻉ ﺑﺎﻟﻬﺎ ﺍﻣﻬﺎ ..
ﻏﺎﻟﻴﻪ : ﻣﻨﻲ ؟ !!
ﺯﻳﻨﺐ : ﺳﻤﻴﺔ ﺍﻟﺸﻴﺎﻃﻴﻦ ﺃﻫﻴﺎ ...
ﺭﺧﺖ ﺭﺯﺍﻥ ﻋﻴﻮﻧﻬﺎ ﺑﺮﺍﺣﻪ ..
ﻏﺎﻟﻴﻪ : ﺧﻴﺮﻫﺎ ﺍﻟﺒﻠﻮﺓ ﻫﺪﻱ ...
ﺣﻜﺘﻠﻬﻢ ﺯﻳﻨﺐ ﻉ ﺍﻟﻤﻮﻗﻒ ﺍﻟﻠﻲ ﺻﺎﺭ ..
ﻣﺮﺍﻡ ﻭﺟﻌﺘﻬﺎ ﺍﻟﺒﻨﻴﻪ ﻟﻜﻦ ﻗﻌﺪﺕ ﺳﺎﻛﺘﻪ ﻭﻣﺎﺑﺘﺶ ﺗﻌﻠﻖ ﺑﻜﻠﻤﻪ ..
ﻏﺎﻟﻴﻪ : ﺩﺭﺍﻩ ﻫﺎﻟﻜﺒﺪ ﻫﺪﻱ .. ﻓﻮﺗﻴﻬﺎ ﻣﺎﺩﻭﺭﻳﻬﺎﺵ ..
ﺗﻨﻬﺪﺕ ﺯﻳﻨﺐ ﺑﻌﺼﺒﻴﻪ ﻭﻣﺸﺖ ﻟﻠﺘﻼﺟﻪ ﻓﺘﺤﺘﻬﺎ ﺑﺲ ﺑﻄﻠﻊ ﻟﺒﻨﺘﻬﺎ ﻣﺎﺗﺎﻛﻞ ...
🍁🍁🍁🍁
ﺩﺍﺭﻭﺍ ﻏﺪﺍﻫﻢ ﻭﺗﻐﺪﻭﺍ ﻭﻛﺎﻥ ﺍﻟﺠﻮ ﺍﻻﺭﻳﺤﻲ ﻭﺣﻠﻮ ﻣﻊ ﺍﻟﻬﺪﺭﺯﺓ ﺍﻟﻠﻄﻴﻔﻪ ﺍﻟﻠﻲ ﺃﻏﻠﺒﻬﺎ ﺗﻌﺎﺭﻑ ..
🍁 ﻣﻊ ﺍﻟﺴﺎﻋﻪ 5 ﺍﻟﻌﺸﻴﻪ ..
ﺍﻟﻤﻄﺮ ﻣﻌﺎﺵ ﺻﺒﺖ ﻭﺍﻟﺸﻤﺲ ﺯﺍﺭﻗﻪ ..
ﻛﺎﻧﻮﺍ ﻓﻲ ﻫﺎﻟﻮﻗﺖ ﺣﻤﻴﺪ ﻭﻏﺰﻻﻥ ﻳﺪﻫﻮﺭﻭﺍ ﻓﻲ ﺍﻟﻘﻄﻌﻪ ﻭﺣﻤﻴﺪ ﻳﻮﺭﻱ ﻓﻴﻬﺎ ﻓﻜﻞ ﺍﻷﻣﺎﻛﻦ ..
🍁🍁🍁
ﻭﺍﻗﻔﻪ ﻉ ﺷﺠﺮﺗﻬﺎ ﻣﺘﺎﻉ ﺍﻟﻠﻴﻤﻮﻥ ﺗﻘﻄﻒ ﻓﺎﻟﻠﻴﻤﻮﻧﺎﺕ ﻣﻨﻬﺎ ..
ﻭﺳﺮﺣﺎﻧﻪ ﺑﻔﻜﺮﻫﺎ ﻓﻴﻪ ..
🍃 ﺁﻩ ﻣﻦ ﺍﻟﻌﺸﻖ ﻭﻋﺬﺍﺑﻪ ﻻﺯﻡ ﻣﺎ ﻳﺨﻠﻲ ﺍﻟﻌﻘﻞ ﻭﺍﻟﻘﻠﺐ ﻣﺸﻐﻮﻟﻴﻦ ﻃﻮﻝ ﺍﻟﻮﻗﺖ .. ﺑﺎﻟﺬﺍﺕ ﻟﻤﺎ ﻳﻜﻮﻥ ﺍﻟﻌﺎﺷﻖ ﻣﺤﺘﺎﺭ ... ﻭﺍﻟﺤﻴﺮﺓ ﺍﻟﻠﻲ ﻓﻴﻬﺎ ﺭﺯﺍﻥ ﻣﺶ ﺃﻱ ﺣﻴﺮﻩ 🍃
ﺍﻟﻤﺸﻜﻠﻪ ﺍﻥ ﻫﻮ ﻳﺰﻳﺪ ﻳﺼﻌﺐ ﻓﻴﻬﺎ ﻋﻠﻴﻬﺎ ..
" ﻳﺎﺭﻳﺘﻨﻲ ﺷﺠﺮﺓ ﻟﻴﻢ .."
ﻏﻤﻀﺖ ﻋﻴﻮﻧﻬﺎ ﺑﺄﻟﻢ .. ﺑﻌﺪﻳﻦ ﻓﺘﺤﺘﻬﻢ ﻭﺗﺼﻨﻌﺖ ﺍﺑﺘﺴﺎﻣﻪ ..
ﺍﻟﺘﻔﺘﺖ ﻭﻗﺎﻟﺖ : ﻟﻴﺶ؟
ﻫﻮ ﻟﻤﺎ ﺷﺎﻑ ﺍﺑﺘﺴﺎﻣﺘﻬﺎ ﻗﻠﺒﻪ ﺫﺍﺏ .. ﻗﺎﻝ : ﺑﺶ ﺗﺤﺒﻴﻨﻲ ﺯﻳﻬﺎ ﻭﺗﻬﺘﻤﻲ ﺑﻴﺎ ﺯﻱ ﻣﺎﻣﻬﺘﻤﻪ ﺑﻴﻬﺎ ﻭﺗﻜﻮﻧﻲ ﻗﺮﻳﺐ ﻋﻠﻴﺎ ﺯﻱ ﻣﺎﺍﻧﺘﻲ ﺗﻮﺍ ﻗﺮﻳﺒﻪ ﻋﻠﻴﻬﺎ ..
ﺭﺯﺍﻥ : ﻣﺎﺗﻘﺎﺭﻧﺶ ﺭﻭﺣﻚ ﺑﺸﻲ ﻓﺎﻟﺪﻧﻴﺎ ﻫﺎﺩﻱ ﻛﻠﻬﺎ ..
ﺍﺭﺗﺴﻤﺖ ﻉ ﻭﺟﻬﻪ ﻣﻼﻣﺢ ﺍﻟﻔﺮﺡ .. ﻭﻗﻠﺒﻪ ﻛﺎﻟﻌﺎﺩﻩ ﻫﺒﻞ ﻫﺒﻞ 💓 ﻗﺎﻟﻠﻬﺎ ﺑﺼﻮﺕ ﻫﺎﺩﻱ ﻏﻠﺒﺎﺗﻪ ﺍﻟﺒﺤﻪ : ﺟﺪﻳﺎﺕ؟ !
ﺍﺑﺘﺴﻤﺖ ﺑﺨﺠﻞ ﺑﻌﺪﻳﻦ ﺷﺒﺤﺖ ﻟﻠﺸﺠﺮﻩ ﻋﻴﻮﻧﻬﺎ ﺗﻌﺒﻮﺍ ﺩﻣﻮﻉ ..
ﻋﻤﺎﺩ : ﻗﻮﻟﻴﻬﺎ ﺭﺯﺍﻥ ﺍﺭﺟﻮﻙ ..
ﺑﻠﻌﺖ ﺭﻳﻘﻬﺎ .. ﻭﺷﺪﺕ ﺩﻣﻮﻋﻬﺎ ﺑﻘﻮﺓ ... ﻭﺗﻨﻬﺪﺕ ﺑﺄﻟﻢ ..
ﻋﻤﺎﺩ : ﺭﺯﺍﻥ ..
ﺿﻤﺖ ﺷﻔﺎﻳﻔﻬﺎ ﺑﻘﻮﺓ ﻟﺒﻌﺾ .. ﻷﻧﻬﻢ ﻛﺎﻧﻮﺍ ﺑﺎﺩﻳﻴﻦ ﻳﺘﻘﻮﺳﻮﺍ ..
ﻋﻤﺎﺩ ﻗﺪﻣﻠﻬﺎ : ﻗﻠﺒﻲ ... ﺭﺯﻭﻧﻪ ﻃﻠﻌﻲ ﺍﻟﻠﻲ ﻓﻘﻠﺒﻚ ﻭﻓﺮﺣﻴﻨﻲ .. ﻧﺒﻲ ﻧﻌﺮﻑ ﻣﻜﺎﻧﻲ ﻓﻘﻠﺒﻚ ﻧﺒﻲ ﻧﻌﺮﻑ ﺍﻧﻲ ﺷﻨﻲ ﻋﻨﺪﻙ ﻧﺒﻲ ﻧﻌﺮﻑ ﺷﻦ ﺗﺤﺴﻲ ﺟﻴﻬﺘﻲ ﺑﺼﺪﻕ ...
ﺍﻟﺒﻨﺖ ﺣﺘﻨﻬﺎﺭ ﺧﻼﺹ ..
ﺑﺲ ..
" ﻫﻬﻬﻬﻬﻬﻬﻬﻬﻪ "
ﺷﺒﺤﻮﺍ ﻟﻤﺼﺪﺭ ﺻﻮﺕ ﺍﻟﻀﺤﻚ ..
ﻟﻘﻮﺍ ﺣﻤﻴﺪ ﻭﻏﺰﻻﻥ ﻭﺍﻗﻔﻴﻦ ﺣﺪﺍ ﺍﻟﻨﺨﻠﻪ ﻳﻬﺪﺭﺯﻭﺍ ﻭﻳﻀﺤﻜﻮﺍ ..
ﺭﺯﺍﻥ : ﺯﻣﺎﻥ ﻛﺎﻧﻮﺍ ﻳﻘﻮﻟﻮﺍ ﻋﻤﻲ ﺣﻤﻴﺪ ﻳﺤﺐ ﻣﺮﺗﻪ ﻟﻄﻴﻔﻪ ﺣﺐ ﺍﻋﻤﻰ ﻣﺎﺷﻲ ﻭﺭﺍﻫﺎ ﻭﺷﻦ ﺗﺒﻲ ﻳﺪﻳﺮﻳﻠﻬﺎ ﻭﻣﺎﻳﺪﻭﺭ ﻛﺎﻥ ﻓﺮﺿﺎﻫﺎ .. ﺍﻟﻜﻞ ﺣﺴﺪﻫﺎ ﻋﻠﻴﻪ .. ﻉ ﺍﻫﺘﻤﺎﺗﻪ ﻭﺣﺒﻪ ﺍﻟﻠﻲ ﻛﻨﺎ ﻧﺸﻮﻓﻮﺍ ﻓﻴﻪ .. ﺑﺲ ﺑﻌﺪ ﺍﻟﻠﻲ ﻋﺮﻓﻨﺎﻩ ﺗﺄﻛﺪﺕ ﺍﻛﺜﺮ ﻣﻦ ﻛﻠﻤﻪ ﺍﻟﻤﻈﺎﻫﺮ ﺧﺪﺍﻋﻪ ... ﺧﺪﺍﻋﻪ ﻭﺍﺟﺪ ...
ﻋﻤﺎﺩ ﻗﻌﺪ ﻳﺸﺒﺤﻠﻬﺎ ﻭﺣﺴﻬﺎ ﺗﺮﻣﻲ ﻋﻠﻴﻪ ﻓﺎﻟﻜﻼﻡ : ﺑﺎﻫﻲ ﺍﻧﺘﻲ ﺷﻮﻓﻲ ﺍﻟﻔﺮﻕ ﺑﻴﻦ ﺣﺎﻟﺘﻲ ﺧﺎﻟﻲ ﺣﻤﻴﺪ ﻣﻊ ﻟﻄﻴﻔﻪ ﻭﺣﺎﻟﺘﻪ ﻣﻊ ﻣﺮﺗﻪ ﻫﺎﺩﻱ ..
ﺭﻛﺰﺕ ﻉ ﻋﻤﻬﺎ ﻛﻴﻒ ﺣﻴﻮﻱ ﻭﻳﻀﺤﻚ ﻭﺟﻬﻪ ﻳﺸﻊ ﺳﻌﺎﺩﻩ ..
ﻣﻊ ﻟﻄﻴﻔﻪ ﻳﻜﻮﻥ ﺭﺳﻤﻲ ﺷﻮﻱ ﻭﻗﻠﻴﻞ ﻣﺎﻳﺒﺘﺴﻢ ﻋﻼﻗﺘﻬﻢ ﻋﺎﺩﻳﻪ ﺟﺪﺍ ..
ﻋﻤﺎﺩ : ﺣﺘﻼﺣﻈﻲ ﺍﻥ ﺣﺎﻟﺘﻪ ﺗﺨﺘﻠﻒ ﻣﻊ ﻛﻞ ﻭﺣﺪﻩ ﻓﻴﻬﻢ .. ﺭﺍﻫﻮ ﻣﺶ ﻣﻨﻪ ﻫﻮ .. ﻣﻦ ﺍﻟﻠﻲ ﻣﻌﺎﻩ ﻛﻞ ﻭﺣﺪﻩ ﻭﺷﻦ ﺗﻌﻄﻴﻪ ﻣﻦ ﻣﺸﺎﻋﺮ ...
ﺭﺯﺍﻥ ﺍﻟﺘﻔﺘﺖ ﻟﻌﻤﺎﺩ ﻭﻗﺎﻟﺖ ﺑﺈﺑﺘﺴﺎﻣﻪ ﻣﺘﻬﻜﻤﻪ : ﻭﺍﻧﻲ ﻣﺎﻧﻌﻄﻲ ﻓﻴﻚ ﻓﺸﻲ ... ﻣﻌﻨﺎﻫﺎ ﻓﻲ ﻣﻦ ﺑﻌﻄﻴﻚ ﺑﺶ ﻳﺨﻠﻴﻚ ﺗﻀﺤﻚ ﻭﺟﻮﻙ ﻣﻠﻴﺢ .. ﺻﺢ !! ؟
ﺿﻴﻖ ﻋﻴﻮﻧﻪ ﻭﻫﻮ ﻳﺸﻮﻓﻠﻬﺎ .. ﻏﻴﺮ ﻋﻴﻮﻧﻪ ﻟﺨﺎﻟﻪ ﻭﻗﺎﻝ : ﺍﻧﺘﻲ ﻣﺎﺯﺍﻝ ﻣﺎﻋﻨﺪﻛﺶ ﺛﻘﻪ ﻓﻴﺎ؟ !
ﺭﺯﺍﻥ " ﺗﻮ ﺑﻴﺒﺪﺍ ﻳﺤﻠﻒ ﻭﻳﻜﺬﺏ " ﺍﺑﺘﺴﻤﺖ ﻭﻗﺎﻟﺖ : ﻻﻣﺶ ﻫﺪﻯ ﻗﺼﺪﻱ . ﺍﻧﻲ ﻋﻘﺒﺖ ﻉ ﻛﻼﻣﻚ ﺑﺲ ..
ﻋﻤﺎﺩ : ﻳﻌﻨﻲ ﺍﻧﺘﻲ ﻣﺶ ﺷﺎﻛﻪ ﻓﻴﺎ ؟
ﺭﺯﺍﻥ : ﻳﻌﻨﻲ ﻣﻊ ﺍﻟﻠﻲ ﺩﻳﺮﻳﻠﻲ ﻓﻴﻪ ﻫﺪﺍ ﻛﻠﻪ ﻣﺎﺯﺍﻝ ﺗﺒﻴﻨﻲ ﻧﺸﻚ ﻓﻴﻚ !! ﺻﻌﺐ ..
ﺍﺑﺘﺴﻢ ﺍﺑﺘﺴﺎﻣﻪ ﺣﻠﻮﺓ ﻣﻦ ﺍﻟﻘﻠﺐ ﻭﻗﺎﻝ : ﺗﻌﺮﻓﻲ ﻳﺎﺭﺯﺍﻥ ﻣﻬﻤﺎ ﺩﻳﺮﻱ ﻓﻴﺎ ﻣﻬﻤﺎ ﺩﻳﺮﻱ .. ﺗﻘﻌﺪﻱ ﺍﻧﺘﻲ ﺑﺲ ﺍﻟﻮﺣﻴﺪﻩ ﻓﻘﻠﺒﻲ ﻣﺴﺘﺤﻴﻞ ﻗﻠﺒﻲ ﻳﺘﻠﻔﺖ ﻟﻐﻴﺮﻙ ﻣﻬﻤﺎ ﺻﺎﺭ ..
ﺭﺯﺍﻥ " ﻭﺍﻧﻲ ﺻﺪﻗﺖ "! ﻗﺎﻟﺖ ﺑﺜﻘﻪ ﻣﺼﻄﻨﻌﻪ : ﻋﺎﺭﻓﻪ ...
ﺿﺤﻚ ﻭﻗﺎﻝ : ﺟﻜﺘﻮﺭﺓ ﻋﺴﻠﻲ ﺍﻧﻲ .. ﻭﻃﺎﻟﻊ ﻋﻠﻴﻬﺎ ..
ﺍﺑﺘﺴﻤﺖ ﻭﺭﺟﻌﺖ ﺷﺒﺤﺖ ﻟﻠﺸﺠﺮﻩ ﻭﻛﻤﻠﺖ ﺗﻘﻄﻴﻒ ﻭﺍﻟﺪﻣﻮﻉ ﺑﺎﻟﺰﻭﺭ ﻭﺍﻗﻔﺎﺕ ﻓﻤﺤﺠﺮ ﺍﻟﻌﻴﻦ ..
ﺭﻓﻊ ﺣﺎﺟﺒﻪ ﻭﻗﺎﻝ : ﺍﻳﻪ .. ﺗﻌﺎﻟﻲ ﺟﺎﻱ ... ﺍﻟﻠﻲ ﺻﺎﺭ ﻓﻲ ﺍﻟﻜﻠﻴﻪ ﺑﻜﺮﻱ ﻣﺎﻧﺴﻴﺘﺎﺵ .. ﺍﺭﺟﻮﻙ ﺭﺯﺍﻥ ﻗﺼﻲ ﺍﻟﺘﻌﺎﻣﻞ ﻣﻊ ﺟﻨﺲ ﺁﺩﻡ .. ﻣﺎﺗﺨﻠﻨﻴﺶ ﻧﺴﺘﺠﺮﻡ ﺗﻤﺎﻡ ..
ﻫﻲ ﺍﻟﺘﻔﺘﺖ ﻭﺷﺒﺤﺘﻠﻪ ﺑﺈﻣﺘﻌﺎﺽ : ﺑﺒﺎﻩ ..
ﺭﻓﻊ ﺣﺎﺟﺒﻪ ﻭﻗﺎﻝ : ﺑﺎﻙ ﻣﺶ ﻋﺎﺟﺒﻚ ﻳﺎﺑﺎﺯﻭﺯﺓ ..
ﺿﺤﻜﺖ ﻭﻗﺎﻟﺖ : ﻗﺎﻋﺪ ﻣﺬﻛﺮﻫﺎ ؟
ﺍﺑﺘﺴﻢ ﻭﻣﺎﺯﺍﻝ ﺣﺎﺟﺒﻪ ﻣﺮﻓﻮﻉ : ﻣﺎﺗﻐﻴﺮﻳﺶ ﺍﻟﻤﻮﺿﻮﻉ ... ﺍﺳﻤﻌﻲ ﺍﻟﻜﻼﻡ ﺧﻴﺮﻟﻚ ..
ﺭﺯﺍﻥ ﺑﻀﺤﻜﻪ : ﻳﺎﻭﺩﻱ ﺑﺎﻫﻲ ﺧﻼﺹ ﻓﻬﻤﻨﺎ ..
ﻋﻤﺎﺩ ﺑﻀﺤﻜﻪ : ﻣﺤﻼﻫﺎ ﻧﺒﺮﺓ ﺍﻟﻌﻴﻄﻪ ﺍﻟﻠﻲ ﻓﺼﻮﺗﻚ ﻓﻀﻴﻌﻪ ..
ﺿﺤﻜﺖ ﻭﻫﻲ ﺗﺤﺮﻙ ﻓﺮﺍﺳﻬﺎ ﺍﻳﻤﻴﻦ ﻭﺍﻳﺴﺎﺭ ...
ﺑﻌﺪﻳﻦ ﺭﻓﻌﺖ ﺭﻭﺣﻬﺎ ﺑﺶ ﺑﺘﻘﻄﻒ ﻭﺣﺪﻩ ﻣﺎﻟﺤﻘﺘﻬﺎﺵ ..
ﺿﺤﻚ ﻭﻗﺎﻝ : ﺗﺮﺍ ﺣﻮﻟﻲ ﻳﺎﻣﻠﻌﻘﻪ ﺣﻮﻟﻲ ..
ﺷﺒﺤﺘﻠﻪ ﺑﻄﺮﻑ ﻋﻴﻨﻬﺎ ﺑﻌﺪﻳﻦ ﻭﺧﺮﺕ ..
ﻭﻫﻮ ﻗﺪﻡ ﺭﻓﻊ ﻳﺪﻩ ﻭﻗﻄﻔﻬﺎ .. ﻭﻫﻲ ﺗﺘﺄﻣﻞ ﻓﻴﻪ ﺑﻨﻈﺮﺍﺗﻬﺎ ﺍﻟﺤﺰﻳﻨﻪ ..
ﻣﺪﻫﺎﻟﻬﺎ ..
ﺧﺪﺗﻬﺎ ﻣﻨﻪ ..
ﻉ ﺧﺸﺔ ﺣﻤﻴﺪ ﻭﻏﺰﻻﻥ ..
ﺣﻤﻴﺪ : ﻫﺎﺩﻱ ﺍﻟﺠﺮﺩﻳﻨﻪ ﺍﻟﻠﻲ ﺣﻜﻴﺘﻠﻚ ﻋﻨﻬﺎ ..
ﻏﺰﻻﻥ : ﻣﺎﺷﺎﺀ ﺍﻟﻠﻪ ..
ﻋﻤﺎﺩ ﺑﻬﻤﺲ : ﻣﺨﺒﻰ ﺑﺘﻴﺎﺑﻚ ﻳﺎﺧﺎﻝ ..
ﺭﺯﺍﻥ ﺑﺤﺪﻩ : ﻭﺍﻟﻠﻪ !!
ﺿﺤﻚ ﻋﻤﺎﺩ ..
ﻭﺭﺯﺍﻥ ﻋﺼﺒﺖ ..
ﻫﻮ ﻗﻌﺪ ﻳﺸﻮﻓﻠﻬﺎ ﻳﺤﺐ ﻏﻴﺮﺗﻬﺎ ﻋﻠﻴﻪ ﺍﻟﺤﺎﺟﻪ ﺍﻟﻮﺣﻴﺪﻩ ﺍﻟﻠﻲ ﺗﺒﻴﻦ ﻓﺤﻘﻴﻘﺔ ﻣﺸﺎﻋﺮﻫﺎ ﺟﻴﻬﺘﻪ ..
ﺟﻮﻫﻢ ﺣﻤﻴﺪ ﻭﻏﺰﻻﻥ : ﺍﻭﻭﻭﻭ ... ﺍﻳﻪ ﻫﺪﺍ ﻋﻤﺎﺩ
ﻭﻟﺪ ﺍﺧﺘﻲ ﻛﻔﺎﻳﻪ ﺍﻟﻜﺒﻴﺮ ..
ﻋﻤﺎﺩ ﻭﻋﻴﻮﻧﻪ ﻟﻮﻃﺎ : ﻛﻴﻒ ﺣﺎﻟﻚ ﻣﺮﺕ ﺧﺎﻟﻲ ..
ﻏﺰﻻﻥ ﺑﺈﺑﺘﺴﺎﻣﻪ : ﺍﻟﺤﻤﺪ ﻟﻠﻪ .. ﻛﻴﻒ ﺣﺎﻟﻚ ﺍﻧﺖ ﻭﺣﺎﻝ ﺍﻣﻚ ﻭﺑﻮﻙ ﻭﺧﻮﺗﻚ ..
ﻋﻤﺎﺩ : ﻭﺍﻟﻠﻪ ﺍﻟﺤﻤﺪ ﻟﻠﻪ ﻓﺨﻴﺎﺭ ﺍﻟﺨﻴﺮ ..
ﻏﺰﻻﻥ : ﺩﻭﻡ ﺇﻥ ﺷﺎﺀ ﺍﻟﻠﻪ ..
ﻋﻤﺎﺩ : ﻳﺪﻭﻡ ﻋﺰﻙ ..
ﻏﺰﻻﻥ : ﺗﺴﻠﻢ ..
ﻋﻤﺎﺩ : ﻫﻲ ﻣﺎﻻ ﺍﻧﻲ ﻣﺎﺷﻲ ﻣﺎﺗﺒﻮﺍ ﺷﻲ ..
ﺣﻤﻴﺪ : ﺳﻼﻣﺘﻚ ..
ﻋﻤﺎﺩ : ﺗﺴﻠﻢ ﻳﺎﺧﺎﻝ .. ﻫﻲ ﺍﻟﺴﻼﻡ ﻋﻠﻴﻜﻢ ..
ﻣﺸﻲ ﻃﻮﻝ ...
ﺷﺒﺤﺖ ﻏﺰﻻﻥ ﻟﺮﺯﺍﻥ ﺭﻛﺰﺕ ﻉ ﻧﻈﺮﺍﺗﻬﺎ ﻟﻴﻪ ..
ﺑﻌﺪﻳﻦ ﺷﺒﺤﺘﻠﻬﻢ ﺭﺯﺍﻥ ﻭﻗﺎﻟﺖ : ﻧﺴﺘﺄﺫﻥ ..
ﺣﻤﻴﺪ ﺍﺑﺘﺴﻢ : ﺍﺫﻧﻚ ﻣﻌﺎﻙ ..
ﻣﺸﺖ ﻃﻮﻝ ﻭﻏﺰﻻﻥ ﻣﻌﺎﻫﺎ ﺑﻌﻴﻮﻧﻬﺎ ..
ﻏﺰﻻﻥ؛ﻋﻤﺎﺩ ﻣﻦ ﻭﻻﺩ ﻛﻔﺎﻳﻪ ﺧﻄﻴﺒﻬﺎ ؟
ﺣﻤﻴﺪ : ﺍﻳﻪ ... ﻋﻤﺎﺩ ..
ﺍﺑﺘﺴﻤﺖ ﻏﺰﻻﻥ ..
🍁🍁🍁🍁
ﺍﺳﻔﻪ ﺍﻧﻲ ﻣﻌﺎﺵ ﻧﻘﺪﺭ ﻧﻜﻤﻞ ﻣﻌﺎﻙ ..
ﻣﺮﻭﺍﻥ ﺑﺼﺪﻣﻪ : ﺭﻓﻘﻪ ﺧﻴﺮ ﺑﻼﻙ ﺷﻦ ﺟﺎﻙ ﻗﻮﻟﻲ؟؟
ﺭﻓﻘﻪ : ﺍﻧﻲ ﻣﻌﺎﺵ ﻗﺎﺩﺭﻩ ﻧﻜﻤﻞ ﺻﺮﺍﺣﻪ .. ﻣﻌﺎﺵ ﻧﺒﻲ ﻳﻜﻮﻥ ﻓﻲ ﺣﺪ ﻓﺤﻴﺎﺗﻲ ﻏﻴﺮ ﻗﺮﺍﻳﺘﻲ ﻭﺍﻫﻠﻲ ﻭﺑﺲ .. ﺗﻘﻌﺪ ﻭﻟﺪ ﻋﻤﺘﻲ ﻉ ﻋﻴﻨﻲ ﻭﻉ ﺭﺍﺳﻲ ﻏﻴﺮ ﻫﻜﻲ ﻻ .. ﺳﺎﻣﺤﻨﻲ ..
ﺳﻜﺖ ﻣﺮﻭﺍﻥ ﺷﻮﻳﻪ ﺑﻌﺪﻳﻦ ﻗﺎﻝ : ﺗﻤﺎﻡ ﺑﺮﺍﺣﺘﻚ .. ﻭﺻﻜﺮ ..
ﻫﻲ ﺗﻔﺎﺟﺌﺖ .. ﻛﺎﻧﺖ ﺗﺤﺴﺎﺑﻪ ﺑﻴﺸﺪ ﻓﻴﻬﺎ ..
ﺍﺑﺘﺴﻤﺖ ﺑﺘﻬﻜﻢ ﻭﻗﺎﻟﺖ : ﻣﺎﺻﺪﻕ ﺍﻷﻓﻨﺪﻱ ..!! ﺑﺎﻟﻨﺎﻗﺺ ..
ﺣﻄﺖ ﺍﻟﺘﻠﻴﻔﻮﻥ ﻋﺎﺍﻟﻜﺎﻣﺪﻳﻨﻮ ﻭﺧﺪﺕ ﺷﻴﺘﻬﺎ ﺑﺘﻘﺮﺍ ..
ﻃﻖ ﺑﺎﺏ ﺩﺍﺭﻫﺎ ..
ﺭﻓﻘﻪ : ﺧﺶ ..
ﺍﻧﻔﺘﺢ ﺍﻟﺒﺎﺏ ﻭﺧﺸﺖ ﻟﻄﻴﻔﻪ ﻭﻫﻲ ﺷﺎﺩﻩ ﻓﻴﺪﻫﺎ ﻗﻔﻄﺎﻥ : ﺭﻭﻓﻲ ﻣﺎﻣﺎ ﺷﻦ ﺭﺍﻳﻚ .. ﻫﺪﺍ ﺍﺣﻼ ﻭﻻﺍﻟﻠﻲ ﻟﺒﺴﺘﻪ ﻓﻠﻤﺔ ﺑﻨﺖ ﺧﺎﻟﺘﻚ ﺍﺣﻼ؟
ﺭﻓﻘﻪ : ﺍﻟﻠﻲ ﻟﺒﺴﺘﻴﻪ ﻓﻠﻤﺔ ﻣﻴﺴﻮﻥ ﺍﺣﻼ ﻣﺒﻴﻦ ﺭﺷﺎﻗﺘﻚ ﺍﻛﺜﺮ ﻭﻳﺰﻳﺪ ﻳﺼﻐﺮ ﻓﻴﻚ ..
ﻟﻄﻴﻔﻪ ﺑﻀﺤﻜﻪ : ﻧﻔﺲ ﺭﺍﻳﻲ .. ﺷﺒﺤﺘﻠﻬﺎ ﺷﻮﻳﻪ ﺑﻌﺪﻳﻦ ﻗﺎﻟﺖ .. ﺗﻤﺸﻲ ﻣﻌﺎﻱ ..
ﻓﻜﺮﺕ ﺭﻓﻘﻪ ﻭﻫﻲ ﺗﺸﻮﻓﻠﻬﺎ ﺑﻌﺪﻳﻦ ﻗﺎﻟﺖ : ﺑﺎﻫﻲ ...
ﻟﻄﻴﻔﻪ؛ﻣﺎﻻ ﺑﺴﺮﻋﻪ ﻭﺗﻲ ﺭﻭﺣﻚ ..
ﻟﻔﺖ ﺑﺘﻄﻠﻊ ..
ﺭﻓﻘﻪ : ﻣﺎﻣﺎ ﺑﺎﺑﺎ ﻋﻼﺵ ﻣﺸﻲ ﻝ ****
ﻟﻄﻴﻔﻪ ﻭﻫﻲ ﻃﺎﻟﻌﻪ : ﻣﺶ ﻋﺎﺭﻓﻪ ﻗﺎﻝ ﻋﻨﺪﻩ ﺧﺪﻣﻪ ﻣﺎﺧﺪﻣﻪ ..
ﺭﻓﻘﻪ ﺑﺼﻮﺕ ﺍﻋﻠﻰ : ﺍﻣﺘﻰ ﻣﺮﻭﻭﺡ؟ .
ﻣﻦ ﺑﺮﺍ ..
ﻟﻄﻴﻔﻪ : ﻏﺪﻭﺓ ﺍﻟﻌﺸﻴﻪ ﻗﺎﺍﺍﻝ .. ﻫﻴﺎﺍﺍ ﺧﻔﻲ ﺭﻭﻭﻭﺣﻚ ..
ﺭﻓﻘﻪ : ﺑﺎﺍﺍﺍﻫﻲ ..
ﻣﺸﺖ ﻟﺪﻭﻻﺑﻬﺎ ﺑﺶ ﺍﻃﻠﻊ ﺣﺎﺟﻪ ﺗﻠﺒﺴﻬﺎ
🍃 ﻓﻲ ﻧﺎﺱ ﺗﺘﺄﺛﺮ ﻫﻠﺒﻪ ﺑﻘﺼﺺ ﺍﻟﺨﻴﺎﻧﻪ ﺑﺎﻟﺬﺍﺕ ﻟﻤﺎ ﺗﻜﻮﻥ ﺻﺎﻳﺮﻩ ﻟﻨﺎﺱ ﻗﺮﻳﺒﻪ ﻟﻴﻬﻢ .. ﺭﻓﻘﻪ ﺯﻱ ﻣﺎﻗﻠﺖ ﺍﻧﺴﺎﻧﻪ ﻋﻔﻮﻳﻪ ﻭﻧﻘﻴﻪ ﻭﺍﻟﻠﻲ ﺯﻳﻬﺎ ﻳﺘﺄﺛﺮ ﻫﻠﺒﻪ ﻭﺭﺩﺍﺕ ﻓﻌﻠﻬﻢ ﺗﻠﻘﺎﺋﻴﻪ ﻭﻏﻴﺮ ﻣﺤﺴﻮﺑﻪ .. ﻣﻤﻜﻦ ﺑﻌﺪﻳﻦ ﻳﻨﺪﻣﻮﺍ ﻋﻠﻴﻬﺎ ﻫﻠﺒﻪ 🍃
🍁 ﻣﺮﻭﺍﻥ ..
ﻣﺎﺧﺪﺍﺵ ﻉ ﻛﻼﻣﻬﺎ ... ﻓﺒﺎﻟﻪ ﺍﻥ ﻫﻲ ﺍﻛﻴﺪ ﻋﺮﻓﺖ ﺑﻘﺼﺔ ﺑﻮﻫﺎ ﻫﺪﺍ ﻋﻼﺵ ﻫﻜﻲ ﺗﺘﺼﺮﻑ .. ﻗﺮﺭ ﻳﺒﻌﺪ ﻋﻨﻬﺎ ﻫﺎﻟﻔﺘﺮﻩ ﻟﻴﻦ ﺗﺘﻌﺪﻝ ﻧﻔﺴﻴﺘﻬﺎ .. ﺍﻣﺎ ﺍﻧﻪ ﻳﺴﻴﺒﻬﺎ ﻓﺒﺎﻟﻨﺴﺒﻪ ﻟﻴﻪ ﻫﺎﻟﺸﻲ ﻣﺴﺘﺤﻴﻞ ...
ﻭﻻﺩ ﺳﻌﺪ ﻟﻤﺎ ﻳﺤﺒﻮﺍ ﺯﻱ ﺑﻮﻫﻢ ﻻﻳﻤﻜﻦ ﻳﺘﺨﻠﻮﺍ ﻋﻦ ﺣﺒﻬﻢ ﻭﻻﻳﺴﺘﻐﻨﻮﺍ ﻉ ﺍﻹﻧﺴﺎﻧﻪ ﺍﻟﻠﻲ ﻳﺤﺒﻮﻫﺎ 🍁...
ﺳﻌﺪ : ﺑﻨﻘﻌﺪ ﺗﻼﺗﻪ ﺍﻳﺎﻡ ..
ﺗﺮﺗﺐ ﻓﺸﻨﻄﺘﻪ ﻭﻣﻼﻣﺢ ﻭﺟﻬﻬﺎ ﺑﺎﺭﺩﻩ ..
ﺳﻌﺪ : ﻣﺮﺍﺕ ﺍﻃﻮﻝ ﺍﻟﻤﺪﻩ ..
ﻫﺰﺕ ﺭﺍﺳﻬﺎ ﺑﺈﻳﺠﺎﺏ ﻭﻫﻲ ﺗﺤﻂ ﻓﻲ ﺣﻮﺍﻳﺠﻪ ﻓﺎﻟﺸﻨﻄﺔ ..
ﺳﻌﺪ : ﻣﺮﺍﺕ ﻧﻘﻌﺪ ﺷﻬﺮ ..
ﻣﺸﺖ ﻟﻠﺪﻭﻻﺏ ﻭﻫﻲ ﺗﻘﻮﻝ : ﺗﻤﺎﻡ ..
ﺳﻌﺪ : ﺗﺒﻲ ﺗﻤﺸﻲ ﻟﺤﻮﺵ ﺍﻫﻠﻚ ..
ﻭﻟﺖ ﺣﻄﺖ ﻣﻨﻈﻔﺎﺗﻪ ﻓﻲ ﺍﻟﺸﻨﻄﻪ : ﺗﻮ ﻧﺸﻮﻑ ..
ﺣﺎﺭﻗﻪ ﺑﺮﻭﺩﻫﺎ ﻫﻠﺒﻪ .. ﻗﺒﻞ ﻟﻤﺎ ﻳﺴﺎﻓﺮ ﻣﺎﺗﺘﺤﻤﻠﺶ ﻓﻜﺮﺓ ﻏﻴﺎﺑﻪ ﻭﺗﻘﻌﺪ ﺗﺒﻜﻲ ﻭﺗﻮﺻﻲ ﻓﻴﻪ ..
ﻟﻜﻦ ﻫﺎﻟﻤﺮﺓ ﻛﺄﻧﻪ ﻣﺶ ﻓﺎﺭﻕ ﻣﻌﺎﻫﺎ ..
ﻗﺪﻣﻠﻬﺎ .. ﺷﺪ ﺫﺭﺍﻋﻬﺎ ..
ﻫﻲ ﺷﺒﺤﺖ ﻟﻴﺪﻩ ﻭﻗﺎﻟﺖ : ﺷﻦ ﻓﻲ؟ .
ﺳﻌﺪ : ﺍﻧﺘﻲ ﺍﻟﻠﻲ ﺷﻦ ﻓﻲ .. ﺧﻴﺮﻙ .. ﺷﻦ ﺻﺎﻳﺮﻟﻚ ﺷﻦ ﻣﻐﻴﺮﻙ ﻋﻼﺵ ﻫﻜﻲ ﻭﻟﻴﺘﻲ؟
ﻛﻔﺎﻳﻪ ﺑﺒﺮﻭﺩ : ﻋﻼﺵ ﻛﻴﻒ ﻭﻟﻴﺖ؟ !! ﻋﺎﺩﻳﻪ ﺟﺪﺍ ...
ﺳﻌﺪ : ﻋﺎﺩﻳﻪ ﺻﺎﺭ؟
ﻫﺰﺕ ﺭﺍﺳﻬﺎ ﺑﺈﻳﺠﺎﺏ ﻭﻫﻲ ﺗﺸﻮﻓﻠﻪ ﺑﻨﻈﺮﺍﺕ ﺑﺎﺭﺩﺓ ﺗﻤﺎﻣﺎ ..
ﻫﺎﻟﻨﻈﺮﺍﺕ ﺗﻮﺟﻊ ﻓﻘﻠﺐ ﺳﻌﺪ ﺧﻼﺗﻪ ﻳﺤﺲ ﺍﻥ ﺍﻟﻠﻲ ﻗﺪﺍﻣﻪ ﻣﺶ ﻫﻲ ﻧﻔﺴﻬﺎ ﻣﺮﺗﻪ ﺭﻓﻴﻘﻪ ﻋﻤﺮﻩ ﺍﻟﻠﻲ ﻋﺎﺷﺖ ﻣﻌﺎﻩ 26 ﺳﻨﻪ ﺍﻟﻠﻲ ﻣﻦ ﻧﻈﺮﺍﺗﻬﺎ ﻛﺎﻥ ﻳﺒﺎﻥ ﺍﻟﺤﺐ ﻉ ﻣﺮ ﺍﻟﺴﻨﻴﻦ ﻓﻜﻞ ﻣﺮﺍﺣﻞ ﻋﻤﺮﻫﻢ ﻋﻤﺮﻫﺎ ﻣﺎﺗﻐﻴﺮﺕ ﻫﺎﻟﻨﻈﺮﻩ ﺍﻻ ﻓﺎﻟﻔﺘﺮﻩ ﺍﻷﺧﻴﺮﻩ .. ﻣﺶ ﺑﺲ ﻧﻈﺮﺗﻬﺎ .. ﻛﻠﻬﺎ ﻉ ﺑﻌﻀﻬﺎ ﻣﻦ ﺩﺍﺧﻞ ﻭﻣﻦ ﺑﺮﺍ ...
ﻓﻜﺖ ﻳﺪﻫﺎ ﻭﻗﺎﻟﺖ؛ﻧﺤﻄﻠﻚ ﺑﺎﻟﻄﻮﻙ ﺍﻷﺳﻮﺩ؟
ﻫﺰ ﺭﺍﺳﻪ ﺑﺈﻳﺠﺎﺏ ﻭﻫﻮ ﻳﺸﻮﻓﻠﻬﺎ ﺑﻨﻈﺮﻩ ﺗﻌﺒﺮ ﺑﻬﻠﺒﻪ ﻛﻼﻡ 💔
ﻫﻲ ﻭﻻ ﻛﺈﻧﻬﺎ ﺗﺸﻮﻑ ﻓﺤﺎﺟﻪ ﻣﺸﺖ ﻟﻠﺪﻭﻻﺏ ﺑﺶ ﺍﻃﻠﻊ ﻣﻨﻪ ﺍﻟﺒﺎﻟﻄﻮ ..
ﻫﻮ ﻃﻮﻝ ﻣﺸﻲ ﻃﻠﻊ ﻣﻦ ﺍﻟﺪﺍﺭ ...
ﻫﻲ ﺗﺒﺪﻟﺖ ﻧﻈﺮﺗﻬﺎ ﺍﻟﺒﺎﺭﺩﻩ ﻟﻨﻈﺮﺓ ﺣﺰﻳﻨﻪ ...
ﻓﺒﺎﻟﻬﺎ ﺍﻧﻪ ﻣﺎﺷﻲ ﻭﻓﺮﺍﺳﻪ ﻣﻮﺍﻝ ﺑﻴﻐﻨﻴﻪ ...
ﻃﻮﻝ ﺟﻲ ﻓﺒﺎﻟﻬﺎ ...
》 ﺯﻳﻨﺐ : ﻉ ﺭﺍﺟﻞ ﻛﻔﺎﻳﻪ ﺳﻴﺐ ﺍﻟﺨﺪﻣﻪ ﻛﻠﻬﺎ ﻟﻌﻤﺎﺩ ..
ﺍﺑﺘﺴﻤﺖ ﺑﺮﻓﻌﺔ ﺣﺎﺟﺐ ﻭﺍﻟﺘﻔﺘﺖ ﻟﻜﻔﺎﻳﻪ : ﺭﺩﻱ ﺑﺎﻟﻚ .. ﺳﻌﺪ ﺷﻜﻠﻪ ﻳﻔﻀﻲ ﻓﺮﻭﺣﻪ ﻟﺤﺎﺟﻪ ...
ﺯﻳﻨﺐ ﻭﻛﻔﺎﻳﻪ ﺿﻴﻘﻮﺍ ﻋﻴﻮﻧﻬﻢ ﺑﺈﺳﺘﻐﺮﺍﺏ ..
ﺣﻤﻴﺪﻩ : ﺣﺒﻴﺒﺘﻲ ﺍﻓﺘﺤﻲ ﻋﻴﻮﻧﻚ ﺯﻳﻦ ﻣﺮﺍﺕ ﻳﻜﻮﻥ ﻧﺎﻭﻱ ﻳﺠﻴﺒﻠﻚ ﻭﺣﺪﻩ ﺗﻮﻧﺴﻚ 《..
ﻧﺰﻟﻮﺍ ﺩﻣﻮﻋﻬﺎ ﻭﻗﺎﻟﺖ : ﻛﻠﻬﻢ ﺯﻱ ﺑﻌﺾ ﺩﺍﻡ ﺣﻤﻴﺪ ﺩﺍﺭﻫﺎ ﻣﻌﺎﺵ ﻧﺴﺘﻐﺮﺑﻬﺎ ﻉ ﺣﺪ ﺑﻌﺪﻩ ...
🍃 ﺍﻛﺜﺮ ﻣﺎﻳﺪﻣﺮ ﺍﻟﻌﻼﻗﺎﺕ ﺍﻹﻧﺴﺎﻧﻴﻪ .. ﺍﻟﺸﻚ ﻭﺳﻮﺀ ﺍﻟﻈﻦ 🍃
🍁🍁🍁🍁🍁
ﻣﺎﺷﻴﻪ ﺑﺘﺮﻛﺐ ﻓﻮﻕ ﻟﺪﺍﺭﻫﺎ ..
ﻉ ﻧﺰﻟﺘﻪ ﻫﻮ ﻻﺣﻈﺖ ﻣﻼﻣﺢ ﻭﺟﻬﻪ ﺍﻟﻠﻲ ﻛﻠﻬﺎ ﻏﻀﺐ ..
ﻓﺮﺡ : ﺯﻳﻨﻮ ..
ﺯﻳﻦ ﻭﻫﻮ ﻧﺎﺯﻝ : ﻓﻮﺗﻴﻨﻲ ..
ﺿﺤﻜﺖ .. ﻭﻣﺸﺖ ﻧﺰﻟﺖ ﻭﺭﺍﻩ ..
ﻓﺮﺡ؛ﺯﻳﻦ .. ﻏﻴﺮ ﺷﻮﻳﻪ ﺯﻳﻨﻮ ﺍﺳﻤﻌﻨﻲ .. ﻭﻗﻒ ﺷﻮﻳﻪ ﺑﺲ ..
ﻭﻗﻒ ﻭﻫﻮ ﻳﺘﺄﻓﻒ ..
ﺟﺖ ﻗﺪﺍﻣﻪ ﻭﻗﺎﻟﺖ ﺑﻀﺤﻜﻪ : ﺯﻳﻨﻮ .. ﺍﺳﻤﻊ ﻧﺼﻴﺤﻪ ﺻﻐﻴﺮﻭﻧﻪ ﻣﻦ ﺍﺧﺘﻚ ﺍﻟﺨﺘﺸﻮﻧﻪ ..
ﺷﺒﺤﻠﻬﺎ ﺑﺤﺪﻩ ..
ﺿﺤﻜﺖ ﻭﻗﺎﻟﺖ : ﺣﺎﻭﻝ ﺗﻐﻴﺮ ﺍﺳﻠﻮﺑﻚ ﻭﺗﻜﻮﻥ ﻟﻄﻴﻒ ﺷﻮﻳﻪ ﻣﻌﺎﻫﺎ ﺻﺪﻗﻨﻲ ﺣﺘﻐﻴﺮ ﺭﺍﻳﻬﺎ ﻓﻴﻚ ..
ﺯﻳﻦ ﺑﺈﻣﺘﻌﺎﺽ : ﻛﻤﻠﺘﻲ ..
ﻓﺮﺡ ﺑﻀﺤﻜﻪ : ﻻ .. ﺧﻠﻴﻚ ﺟﻨﺘﻞ ﻭﺫﻭﻕ ﻣﻊ ﻛﻞ ﺍﻟﻨﺎﺱ ﺑﺶ ﻳﺤﺒﻮﻙ ﻭﻫﻲ ﻟﻮ ﺷﺎﻓﺖ ﺍﻟﻨﺎﺱ ﺗﺤﺒﻚ ﺍﻛﻴﺪ ﺣﺘﺤﺒﻚ .
ﺯﻳﻦ ﺑﺮﻓﻌﺔ ﺣﻮﺍﺟﺐ : ﺑﺎﻟﻠﻪ !
ﻓﺮﺡ : ﻭﺍﻟﻠﻪ ..
ﺣﻮﻟﻬﺎ ﻣﻦ ﻃﺮﻳﻘﻪ ﺑﺸﻲ ﻣﻦ ﺍﻟﻌﻨﻒ ..
ﻭﻣﺸﻲ ﻟﻠﺒﺎﺏ ﻓﺘﺤﻪ ﻭﻃﻠﻊ ...
ﻓﺮﺡ : ﻫﻬﻬﻬﻬﻬﻬﻬﻬﻪ .. ﻋﻨﺪﻫﺎ ﺍﻟﺤﻖ ﻟﻤﺎ ﻗﺎﻟﺖ ﻻﻳﻄﺎﻕ ..
🌴🌴🌴🌴🌴🌴
ﻓﻲ ﺍﻟﺒﻼﺩ ..
ﺍﻻﺟﻮﺍﺀ ﻛﺎﻧﺖ ﻣﻤﻴﺰﺓ ﺟﻮ ﺷﺘﻮﻱ .. ﻭﺍﻟﺸﺘﻲ ﻣﻮﺳﻢ ﺍﻧﺒﻌﺎﺙ ﺍﻟﻤﺸﺎﻋﺮ .. ﻣﻦ ﻛﻞ ﻧﻮﻉ .. ﺳﻠﺒﻲ ﻣﻨﻬﺎ ﻭﺍﻳﺠﺎﺑﻲ ..
ﻧﺤﺴﻮﺍ ﺑﻴﻪ ﺑﺎﻟﺤﺐ ﻣﻊ ﺍﻧﻪ ﻣﺮﺍﺕ ﻧﻜﻮﻧﻮﺍ ﻣﺶ ﻋﺎﻳﺸﻴﻦ ﻗﺼﻪ ﺣﺐ ..
ﻭﺍﻳﺎﻡ ﻧﺤﺴﻮﺍ ﺑﻴﻪ ﻓﻲ ﺍﻟﻜﺂﺑﻪ ﺑﺮﻏﻢ ﺍﻥ ﻣﺎﻓﻲ ﺷﻲ ﺻﺎﺭ ﻣﻌﺎﻧﺎ ﻳﺨﻠﻴﻨﺎ ﻣﻜﺘﺌﺒﻴﻦ ...
ﺍﻟﻜﺜﻴﺮ ﻭﺍﻟﻜﺜﻴﺮ ﻣﻦ ﺍﻟﻤﺸﺎﻋﺮ ﺍﻟﻠﻲ ﺍﻟﺸﺘﻲ ﻳﺤﺮﻛﻬﺎ ﻓﻴﻨﺎ ..
ﺑﺲ ﻫﺎﻟﻤﺮﻩ ﺍﻟﻠﻲ ﺣﺮﻙ ﺍﻟﻤﺸﺎﻋﺮ ..
ﻓﻲ ﺍﻟﻘﻄﻌﻪ ﺗﺤﺪﻳﺪﺍ ..
ﺍﻟﻀﻴﻔﻪ ﺍﻟﺠﺪﻳﺪﻩ ..
ﺣﺮﻛﺖ ﻣﺸﺎﻋﺮ ﻣﺨﺘﻠﻔﻪ ﻫﻠﺒﻪ ﻓﺴﻠﻔﺘﻬﺎ ﺍﻟﻜﺒﻴﺮﻩ ..
ﻭﺍﻭﻟﻬﻢ ﻣﺸﺎﻋﺮ ﺍﻟﻐﻴﺮﻩ .. ﺍﻟﻤﺤﻤﻮﺩﻩ ..
ﺍﻟﻠﻲ ﺗﻮﻗﺾ ﺍﻹﻧﺴﺎﻥ ﻉ ﻫﻠﺒﻪ ﺣﺎﺟﺎﺕ ..
ﺍﻟﻜﻠﻤﻪ ﺍﻟﻄﻴﺒﻪ ﻭﺍﻟﻮﺟﻪ ﺍﻟﺤﺴﻦ ﻭﺍﻟﻤﻈﻬﺮ ﺍﻟﺠﻤﻴﻞ ... ﻛﻠﻬﺎ ﺣﺎﺟﺎﺕ ﺑﺨﻠﺖ ﺑﻴﻬﻢ ﻫﻠﺒﻪ ﻉ ﻣﻴﻼﺩ ... ﺍﻟﻠﻲ ﻫﻲ ﻋﺎﺭﻓﻪ ﻭﻭﺍﺛﻘﻪ ﺛﻘﻪ ﻛﺎﻣﻠﻪ ﻣﻦ ﺣﺒﻪ ﻟﻴﻬﺎ ..
ﻣﻴﻼﺩ ﺍﻟﻠﻲ ﻛﺎﻥ ﻣﻌﺎﻫﺎ ﺩﻳﻤﺎ ﻣﻀﺤﻲ ﻭﻳﻌﻄﻲ .. ﻭﺣﺘﻰ ﻟﻮ ﺍﺳﺘﺎﺀ ﻣﻦ ﻣﻘﺎﺑﻠﺘﻬﺎ ﻟﻠﻌﻄﺎﺀ ﺍﺣﻴﺎﻧﺎ ﺑﺎﻟﺠﺤﻮﺩ ﻭﻻ ﻣﺮﺓ ﺷﻜﺎﻟﻬﺎ ﻭﻻﺷﻜﻲ ﻟﺤﺪ ﻣﻨﻬﺎ ..
ﻣﻦ ﻟﻤﺎ ﺭﻭﺣﺖ ﻣﻦ ﺣﻮﺵ ﻋﻤﻬﺎ ﺑﻌﺪ ﺍﻟﻌﺸﻲ ﻭﻫﻲ ﻣﻘﻌﻤﺰﺓ ﻣﻊ ﺭﻭﺣﻬﺎ ..
ﺳﺎﻋﺔ ﺻﻔﺎﺀ ﻣﻊ ﻧﻔﺴﻬﺎ ... ﺗﺮﺍﺟﻊ ﻓﻴﻬﺎ ﻓﻜﻞ ﺷﻲ ﻣﺮ ﻋﻠﻴﻬﺎ ﻓﺤﻴﺎﺗﻬﺎ .. ﻣﻊ ﺯﻭﺟﻬﺎ ﺑﺎﻷﺧﺺ ..
ﻗﻄﻊ ﻋﻠﻴﻬﺎ ﺟﻠﺴﺔ ﺣﺴﺎﺑﻬﺎ .. ﻫﻮ ..
ﻟﻤﺎ ﻓﺘﺢ ﺍﻟﺒﺎﺏ ﻭﺧﺶ ..
ﻣﻴﻼﺩ : ﻗﺎﻋﺪﻩ ﺗﻔﻨﺼﻲ .
ﺍﺑﺘﺴﻤﺖ ﻭﻫﻲ ﺗﺸﻮﻓﻠﻪ : ﻧﺮﺍﺟﻲ ﻓﻴﻚ ..
ﺻﻜﺮ ﺍﻟﺒﺎﺏ ﻭﺣﻮﻝ ﺑﺎﻟﻄﻮﻩ ﻭﻫﻮ ﻳﻘﻮﻝ : ﻳﺎﺳﺎﺗﺮ ..
ﺳﻌﻴﺪﻩ ﺑﻀﺤﻜﻪ : ﻳﺎﺑﺎﺭﺩ ﻧﺒﻲ ﻧﻄﻤﻦ ﻋﻠﻴﻚ ﻣﻦ ﺍﻟﺼﺒﺢ ﻭﺍﻧﺖ ﺗﺸﻜﻲ ﻣﻦ ﺭﻗﺒﺘﻚ ..
ﺿﺤﻚ ﻭﺷﺒﺤﻠﻬﺎ ﺑﺮﻓﻌﻪ ﺣﺎﺟﺐ ﻭﻫﻮ ﻳﻔﻚ ﻓﺒﻄﻠﻢ ﻛﻤﺎﻡ ﺍﻟﺴﻮﺭﻳﻪ ..
ﻫﻲ ﺿﺤﻜﺖ ﻭﻗﺎﻟﺖ : ﻭﺣﻖ ﺍﻟﻠﻪ ﻣﺎﻓﻲ ﺣﺎﺟﻪ ﻏﻴﺮ ﻫﻜﻲ ..
ﺭﻣﻲ ﺳﻮﺭﻳﺘﻪ ﺍﻟﻌﺮﺑﻴﻪ ﻭﻗﺎﻝ ﻭﻫﻮ ﻳﻀﺤﻚ : ﺑﺎﻫﻲ ..
ﻫﻲ ﻟﻤﺎ ﺷﺎﻓﺎﺗﻪ ﻗﺎﻋﺪ ﺑﺎﻟﻔﺎﻧﻴﻠﻴﺎ ﺍﻟﺪﺍﺧﻠﻴﻪ ﻧﺺ ﺍﻟﻜﻢ ﺧﺎﻓﺖ ﻋﻠﻴﻪ ..
ﻧﺎﺿﺖ ﻭﺟﺎﺗﻪ ﻃﻮﻝ : ﺣﻲ ﻋﻠﻴﻚ ﻳﻀﺮﺑﻚ ﺍﻟﺪﻡ ﻳﺎﻫﻤﻲ ..
ﺧﺪﺕ ﺑﺎﻟﻄﻮﻩ ﻭﺣﻄﺎﺗﻪ ﻉ ﻛﺘﺎﻓﻪ ..
ﻭﻓﺘﺤﺖ ﺍﻟﺪﻭﻻﺏ ﻭﻗﻌﺪﺕ ﺍﻃﻠﻌﻠﻪ ﻓﺎﻟﺘﻮﺗﻪ ..
ﻭﻫﻮ ﻳﺸﻮﻓﻠﻬﺎ ﺑﻤﻔﺎﺟﺄﺓ ..
ﻃﻠﻌﺖ ﺍﻟﺘﻮﺗﻪ ﻭﻗﺎﻟﺖ؛ﻫﺎﻙ ﺍﻟﺒﺲ ..
ﻣﺎﺧﺪﺍﻫﻤﺶ ..
ﺷﺒﺤﺘﻠﻪ : ﺍﻟﺒﺲ ..
ﺍﺑﺘﺴﻢ ﻭﺧﺪﺍﻫﻢ ﻣﻨﻬﺎ ..
ﺳﻌﻴﺪﻩ : ﺧﻞ ﻧﻌﺪﻱ ﻧﻌﺼﺮﻟﻚ ﻟﻴﻢ .. ﻟﻔﺖ ﻭﻣﺸﺖ ﻟﻠﺒﺎﺏ ﻓﺘﺤﺎﺗﻪ ﻭﻃﻠﻌﺖ ﺳﻜﺮﺍﺗﻪ ﻭﺭﺍﻫﺎ ..
ﺿﺤﻚ ﻣﻴﻼﺩ ... ﻭﻗﻠﺒﻪ ﻳﺪﻕ ﺑﺎﻟﻘﻮﺓ ... ﻭﺑﺪﻱ ﻳﻠﺒﺲ ﻓﺤﻮﺍﻳﺠﻪ ..
🍁🍁🍁🍁
ﻻﻻﺑﺲ ﻛﻮﻳﺲ ﻭﺍﻟﻠﻪ ..
ﺭﺯﺍﻥ : ﺑﺎﻫﻲ ﻟﻴﺶ ﺻﻮﺗﻚ ﻫﻜﻲ ..
ﻋﻤﺎﺩ؛ﻋﺎﺩﻱ .. ﻫﺪﺍ ﺻﻮﺗﻲ ..
ﺭﺯﺍﻥ : ﻻﻻ ﻣﺶ ﻫﻜﻲ ﺻﻮﺗﻚ ﺍﻧﻲ ﺍﻟﻠﻲ ﺣﺎﻓﻈﺎﺗﻪ ﺣﻔﻆ ..
ﺍﺑﺘﺴﻢ ﻭﻗﻠﺒﻪ ﻳﺮﻓﺮﻑ 💓
ﻓﺠﺄﺓ ﻛﺢ ﻛﺤﻪ ﺟﺎﻓﻪ ﻭﻗﻮﻳﻪ ..
ﺭﺯﺍﻥ ﺑﺨﻮﻑ : ﺣﻲ ﻋﻠﻴﺎ ﻳﺎﺭﺑﻲ ..
ﻋﻤﺎﺩ ﺑﻀﺤﻜﻪ : ﻗﻠﺒﻲ ﺧﻴﺮﻙ ﻛﺤﻪ ﻋﺎﺩﻳﻪ ..
ﺭﺯﺍﻥ ﺑﻨﺮﻓﺰﺓ : ﻋﺎﺩﻳﻪ ﻓﻌﻴﻨﻚ .. ﻗﺮﻳﺐ ﺭﻭﺣﻚ ﻃﻠﻌﺖ ﻭﺍﻧﺖ ﺗﻜﺢ ... ﺻﻜﺮ ﺻﻜﺮ ..
ﻋﻤﺎﺩ : ﻫﻬﻬﻬﻬﻬﻬﻪ .. ﺗﻲ ﻏﻴﺮ ﺭﺍﺟﻲ ﺷﻮﻳﻪ ...
ﺭﺯﺍﻥ : ﺷﻦ ﺗﺒﻲ؟ .
ﻋﻤﺎﺩ ﺑﺈﺑﺘﺴﺎﻣﻪ؛ﻳﺎﻋﻤﺮﻱ ﺍﻧﻲ ﻏﻴﺮ ﻧﻜﻠﻤﻚ ﻧﺒﺮﺍ ..
ﺭﺯﺍﻥ : ﺑﺎﻟﻠﻪ ! ﺗﺤﺴﺎﺑﻨﻲ ﺍﻛﺘﻔﻴﺪ ﻭﻻ ﺑﻨﺎﺩﻭﻝ ﺍﺻﻔﺮ ..
ﻋﻤﺎﺩ : ﻫﻬﻬﻬﻬﻬﻬﻬﻬﻬﻬﻬﻪ .. ﺍﺍﺍﻩ .. ﺗﻲ ﺍﻧﺘﻲ ﻋﺴﻞ ﻋﺴﻞ .. ﻭﺍﻟﻌﺴﻞ ﺷﻔﺎﺀ ﻟﻜﻞ ﺩﺍﺀ .. ﻳﺎﺩﺍﻱ ﺍﻟﻠﻲ ﻣﺎﻟﻘﻴﺘﻠﻪ ﺩﻭﺍ ..
ﺷﺪﺕ ﺿﺤﻜﺘﻬﺎ ..
ﻫﻮ ﻛﺢ ﻣﺮﺓ ﺗﺎﻧﻴﻪ ﺑﺲ ﻫﺎﻟﻤﺮﺓ ﺷﺪﺍﺗﻪ ﻫﻠﺒﻪ ﻭﺍﻟﻜﺤﻪ ﻗﻮﻳﻪ ﻟﻴﻦ ﺧﻼﺹ ..
ﺭﺯﺍﻥ ﻗﺮﻳﺐ ﻣﺎﺗﺖ : ﻋﻤﺎﺩ !!.
ﺣﺎﻭﻝ ﻳﻮﻗﻒ : ﻫﺎﺍ .. ﻗﻞ .. ﻣﺎﻟﺤﻘﺶ ﻳﻜﻤﻠﻬﺎ ﺍﻻ ﻭﺷﺪﺍﺗﻪ ﺍﻟﻀﺤﻜﻪ ﻭﻫﺎﻟﻤﺮﺓ ﺍﻗﻮﻯ ﻣﻦ ﺍﻟﻠﻲ ﻗﺒﻠﻬﺎ ..
ﺳﻤﻌﺖ ﻭﺍﺣﺪ ﻣﻦ ﻋﻤﺎﻣﻬﺎ ﻳﻜﻠﻢ ﻓﻴﻪ ..
" ﻋﻤﺎﺩ ﺧﻴﺮﻙ "
ﺭﺯﺍﻥ ﻫﻨﻲ ﺣﺴﺖ ﺭﻭﺣﻬﺎ ﺑﺘﻄﻠﻊ ﻣﻦ ﺧﻮﻓﻬﺎ ﻋﻠﻴﻪ ﺗﻠﻘﺎﺋﻴﺎ ﺑﺪﻭﻥ ﻣﺎﺗﺤﺲ ﻗﺎﻟﺖ ..
" ﻋﻤﺎﺩ .. ﺣﺒﻴﺒﻲ .."
ﺑﻌﺪ ﻣﺎﻗﺎﻟﺘﻬﺎ ﺑﻠﺤﻈﺎﺕ ﻓﺼﻞ ﺍﻟﺨﻂ ..
ﺩﻣﻌﻪ ﻧﺰﻟﺖ ﻣﻦ ﻋﻴﻨﻬﺎ ﺍﻹﻳﺴﺎﺭ ..
ﻃﻮﻝ ﻧﺎﺿﺖ ﻣﺸﺖ ﺟﺮﻱ ﻃﻠﻌﺖ ﻣﻦ ﺩﺍﺭﻫﺎ ..
ﻭﺻﻠﺖ ﻓﻲ ﺍﻟﺒﺎﺏ ﻟﺒﺴﺖ ﻛﻨﺪﺭﺗﻬﺎ ﻓﺘﺤﺖ ﺍﻟﺒﺎﺏ ﺑﻬﺪﻭﺀ ﻭﻃﻠﻌﺖ ..
ﺳﻜﺮﺕ ﺍﻟﺒﺎﺏ ..
ﻭﻣﺸﺖ ﻃﻮﻝ ﻟﺤﻮﺵ ﺟﺪﻫﺎ ﺑﺮﻏﻢ ﺍﻥ ﺍﻟﺠﻮ ﺻﻘﻊ ﺳﻢ ﺑﺲ ﻣﺎﻛﺎﻧﺖ ﺣﺎﺳﻪ ﺑﺸﻲ ﻏﻴﺮ ﺧﻮﻓﻬﺎ ﻋﻠﻴﻪ ..
ﻭﺻﻠﺖ ﻓﻢ ﺍﻟﺒﻮﺍﺑﻪ ..
ﻛﺎﻥ ﻣﺼﻜﺮ ..
ﺩﻓﺎﺗﻪ .. ﺍﻧﻔﺘﺢ ..
ﺧﺸﺖ ﺩﺍﺧﻞ ﻭﻫﻲ ﺗﺴﻤﻊ ﻓﺼﻮﺕ ﺍﻟﺘﻠﻴﻔﺰﻳﻮﻥ ﻣﻔﺘﻮﺡ ..
ﻛﻤﻠﺖ ﺩﺍﺧﻞ ..
ﻟﻴﻦ ﻭﺻﻠﺖ ﺍﻟﺼﺎﻟﻪ ﻃﻠﺖ ﻉ ﺍﻟﺪﺍﺭ ﺍﻟﻠﻲ ﺗﺮﻗﺪ ﻓﻴﻬﺎ ﻏﺎﻟﻴﻪ ﻟﻘﺘﻬﺎ ﻣﻘﻌﻤﺰﺓ ﺗﺘﻔﺮﺝ ..
ﺭﺯﺍﻥ : ﻋﻤﺘﻲ ..
ﺷﺒﺤﺖ ﻏﺎﻟﻴﻪ ﻟﻠﺒﺎﺏ ﺍﻧﺨﻠﻌﺖ ...
ﺭﻥ ﺗﻠﻴﻔﻮﻧﻬﺎ ﺍﻟﺰﻭﺯ ﺍﻧﺨﻠﻌﻮﺍ ..
ﺧﺪﺕ ﻏﺎﻟﻴﻪ ﺗﻠﻴﻔﻮﻧﻬﺎ ﻭﻫﻲ ﺗﺸﺒﺢ ﻟﺮﺯﺍﻥ ﻓﺘﺤﺖ ﺍﻟﺨﻂ ﻭﺭﺩﺕ : ﻫﺎﻩ ﻣﺤﻤﺪ ...... ﺧﻴﺮﻩ ......!! ﻫﻲ ﻫﻲ .. ﻧﺎﺿﺖ .. ﺑﺎﻫﻲ ﺑﺎﻫﻲ ..
ﻣﺸﺖ ﻃﻮﻝ ﻃﻠﻌﺖ ﻣﻦ ﺍﻟﺪﺍﺭ ..
ﻏﺎﻟﻴﻪ : ﺑﺎﻫﻲ ﻟﻤﺎ ﻧﻮﺗﻴﻪ ﻧﺮﻥ ﻋﻠﻴﻚ .. ﺻﻜﺮﺕ ..
ﺟﺘﻬﺎ ﺭﺯﺍﻥ ﻭﻗﺎﻟﺖ ﺑﺨﻮﻑ : ﺷﻦ ﻓﻲ؟
ﻏﺎﻟﻴﻪ : ﻋﻤﺎﺩ ﻣﺮﻳﺾ ..
ﻣﺸﺖ ﻟﻠﻜﻮﺟﻴﻨﻪ ﻭﺭﺯﺍﻥ ﻭﺭﺍﻫﺎ : ﺷﻦ ﻗﺎﻟﻮﻟﻚ ﻋﻠﻴﻪ ﺑﺎﻫﻲ؟
ﻏﺎﻟﻴﻪ : ﺻﺪﺭﻩ ﻳﻮﺟﻊ ﻓﻴﻪ ﻭﺣﺮﺍﺭﺗﻪ ﺭﺍﻗﻴﻪ ..
ﺭﺯﺍﻥ : ﺣﻲ !!
ﺧﺸﺖ ﻏﺎﻟﻴﻪ ﻟﻠﻜﻮﺟﻴﻨﻪ ﻭﺭﺯﺍﻥ ﻭﺭﺍﻫﺎ ..
🍁🍁🍁🍁
ﺍﻟﺴﺎﻋﻪ 4:00 ﻓﺠﺮﺍ ..
ﻣﻘﻌﻤﺰﺓ ﻉ ﺳﺮﻳﺮﻫﺎ ﺑﺎﻟﻄﻮﻝ ﻭﺷﺎﺩﻩ ﺗﻠﻴﻔﻮﻧﻬﺎ ﻭﺗﺸﻮﻓﻠﻪ ..
ﺗﺒﻲ ﺗﺘﺼﻞ ﺑﺲ ﻣﺎﺗﻘﺪﺭﺵ ﻷﻧﻪ ﺭﺍﻗﺪ ﻣﻊ ﻋﻤﺎﻣﻬﺎ ..
ﻗﻠﺒﻬﺎ ﻭﺍﻛﻠﻬﺎ ﻋﻠﻴﻪ .. ﻣﺶ ﻗﺎﺩﺭﻩ ﺗﺮﻗﺪ ﻟﻴﻦ ﺗﻄﻤﻦ ..
ﻗﻌﺪﺕ ﺳﺎﻫﺮﻩ ﺭﺑﻊ ﺳﺎﻋﻪ ﺗﺎﻧﻴﻪ ﺑﻌﺪﻳﻦ ﻏﻠﺒﻬﺎ ﺍﻟﻨﻮﻡ ﻭﻫﻲ ﻣﻘﻌﻤﺰﺓ ﻭﺷﺎﺩﻩ ﺍﻟﺘﻠﻴﻔﻮﻥ 💕..
🍁🍁🍁🍁
ﺍﻟﺴﺎﻋﻪ 8:00 ﺻﺒﺎﺣﺎ ..
ﻟﻔﺖ ﺍﻟﺸﺎﻝ ﻉ ﺭﻗﺒﺘﻬﺎ ..
ﻭﻟﺒﺴﺖ ﺑﺎﻟﻄﻮﻫﺎ ..
ﻟﻮﻧﻬﻢ ﻛﺎﻥ ﻋﻨﺎﺑﻲ ..
ﻉ ﻓﺎﻧﻴﻠﻪ ﺳﻤﻴﻜﻪ ﻃﻮﻳﻠﻪ ﻟﻮﻧﻬﺎ ﺍﺳﻮﺩ .. ﻭﺳﺮﻭﺍﻝ ﺟﻴﻨﺰ ﺍﺯﺭﻕ ﺩﺍﻛﻦ ﻭﻭﺷﺎﺡ ﺍﺳﻮﺩ ..
ﺧﺪﺕ ﺷﻨﻄﺔ ﻻﺑﻬﺎ ﻭﺷﻨﻄﺔ ﺍﻟﻴﺪ ﻭﻃﻠﻌﺖ ﻣﻦ ﺍﻟﺪﺍﺭ ..
ﻭﻫﻲ ﻣﺎﺷﻴﻪ ﻟﻠﺒﺎﺏ ﻣﻦ ﺍﻟﺠﻬﻪ ﺍﻟﺘﺎﻧﻴﻪ ﺧﻄﻤﺖ ﺣﺪﺍ ﺍﻟﺼﺎﻟﻪ ..
ﺳﻌﻴﺪﻩ : ﺧﻮﻙ ﻳﺮﺍﺟﻲ ﺳﻘﺪﻱ ..
ﺭﺯﺍﻥ : ﻫﺎﻧﻲ ﻃﺎﻟﻌﻪ ..
ﺧﺪﺕ ﺑﻮﺗﻬﺎ ﺍﻟﻠﻲ ﻟﻮﻧﻪ ﻣﻦ ﻟﻮﻥ ﺍﻟﺒﺎﻟﻄﻮ ﻭﺍﻟﺸﺎﻝ ﻣﻦ ﺩﻭﻻﺏ ﺍﻟﻤﺪﺧﻞ ﻭ ﻟﺒﺴﺎﺗﻪ ..
ﻭﻃﻠﻌﺖ ﻣﻦ ﺍﻟﺤﻮﺵ ..
ﻭﻫﻲ ﻧﺎﺯﻟﻪ ﻣﻦ ﺍﻟﺪﺭﻭﺝ ﺳﻤﻌﺖ ﺻﻮﺕ ﺿﺤﻜﺘﻪ ..
ﺷﺎﻓﺖ ﺟﻬﺔ ﺑﺎﺏ ﺍﻟﻤﺮﺑﻮﻋﻪ ﻟﻘﺎﺗﻪ ﻭﺍﻗﻒ ﻉ ﺧﻮﻫﺎ ﻭﺳﻨﺪ ﻭﻋﻤﺮ ﻭﻣﺤﻤﺪ ﻳﻬﺪﺭﺯﻭﺍ ..
ﺍﺭﺗﺴﻤﺖ ﻉ ﻭﺟﻬﻬﺎ ﺍﺑﺘﺴﺎﻣﻪ ﺣﻠﻮﻩ ..💓
ﻛﻤﻠﺖ ﻃﺮﻳﻘﻬﺎ ﻟﻠﺴﻴﺎﺭﺓ ..
ﻋﻤﺮ : ﺍﺧﺘﻚ ﺣﺪﺍ ﺍﻟﺴﻴﺎﺭﺓ ..
ﺷﺒﺤﻠﻬﺎ ﻃﻮﻝ ... ﻭﺍﺑﺘﺴﻢ ..
ﺗﻮﻓﻴﻖ ﺗﻠﻔﺖ ﺷﺎﻓﻬﺎ : ﻫﻲ ﻣﺎﻻ ﻧﺨﻠﻴﻜﻢ ﺗﻮ .. ﺳﻼﻡ ..
ﻭﻣﺸﻲ ﻃﻮﻝ ..
ﻭﻋﻤﺎﺩ ﻋﻴﻮﻧﻪ ﻣﺎﻏﻴﺮﻫﻤﺶ ﻋﻨﻬﺎ ..
ﻣﺤﻤﺪ ﺷﺪﻩ ﻣﻦ ﺫﺭﺍﻋﻪ ..
ﻋﻤﺎﺩ : ﺧﻠﻴﻨﻲ ﻓﺤﺎﻟﻲ ..
ﻓﻨﺺ ﻣﺤﻤﺪ ﻭﻗﺮﺻﻪ ..
ﺷﺒﺤﻠﻪ ﻋﻤﺎﺩ : ﺧﻄﻴﺒﺘﻲ ﻭﺍﻟﻠﻪ ﺧﻄﻴﺒﺘﻲ ..
ﻣﺤﻤﺪ : ﻧﻌﻄﻴﻚ ﺑﻮﻧﻲ ﻉ ﺳﻨﻮﻧﻚ ﻧﺮﻗﺪﻧﻬﻠﻚ ﺣﺪﺍ ﻛﺮﻋﻴﻚ؟ .!
ﺿﺤﻜﻮﺍ ﻋﻤﺮ ﺳﻨﺪ ..
ﻭﻫﻮ ﻗﻌﺪ ﻳﺸﻮﻑ ﻟﻤﺤﻤﺪ ﺑﺮﺑﻊ ﻋﻴﻦ ﻭﻣﺤﻤﺪ ﻳﺒﺎﺩﻝ ﻓﻴﻪ ﻧﻔﺲ ﺍﻟﻨﻈﺮﺓ ..
ﺗﺤﺮﻛﺖ ﺳﻴﺎﺭﺓ ﺗﻮﻓﻴﻖ ﺷﺒﺤﻠﻬﺎ ..
ﻭﻗﻌﺪ ﻣﻌﺎﻫﺎ ﺑﻌﻴﻮﻧﻪ ﻟﻴﻦ ﺍﺧﺘﻔﺖ ...
🍁🍁🍁🍁
ﺍﻟﺴﺎﻋﻪ 10:00 ﺻﺒﺎﺣﺎ ..
ﺟﺎﻣﻌﺔ ﻃﺮﺍﺑﻠﺲ ..
ﻛﻠﻴﺔ ﺍﻟﻬﻨﺪﺳﻪ ..
ﻳﺘﻤﺸﻮﺍ ﺍﻟﺰﻭﺯ ..
ﺭﺍﻧﻴﺎ ﺑﻀﺤﻜﻪ : ﺍﻣﻲ ﻗﺎﻟﺖ ﻋﺬﺭﺗﻪ ..
ﺩﻻﻝ : ﻉ ﺧﺎﻃﺮ ﺟﻤﺎﻟﻬﺎ ﻳﻌﻨﻲ ! ؟
ﺭﺍﻧﻴﺎ ﺑﻀﺤﻜﻪ : ﺍﺳﻠﻮﺑﻬﺎ ﺣﻠﻮ ﻗﺎﻟﺖ ﻭﻟﺒﻘﻪ ﻫﻠﺒﻪ ﻭﺍﺟﺘﻤﺎﻋﻴﻪ ﺧﺸﺖ ﻓﻴﻬﻢ ﻃﻮﻝ ..
ﺩﻻﻝ : ﺑﺼﺮﺍﺣﻪ ﻟﻮ ﺗﻜﻮﻥ ﻣﻼﻙ ﻧﺎﺯﻟﻪ ﻣﻦ ﺍﻟﺴﻤﻲ ﻣﺴﺘﺤﻴﻞ ﻧﻘﺒﻠﻬﺎ .. ﺍﻛﺜﺮ ﺣﺎﺟﻪ ﻛﺎﻧﺖ ﻣﻌﺬﺑﺘﻨﻲ ﻟﻤﺎ ﺗﺰﻭﺟﺖ ﻫﻮ ﺷﻌﻮﺭﻱ ﺑﺎﻟﺬﻧﺐ ﺟﻬﺔ ﻫﻨﺪﺍ ﻭﺻﻐﺎﺭﻫﺎ ﺣﺴﻴﺖ ﺭﻭﺣﻲ ﺧﺪﻳﺘﻪ ﻣﻨﻬﻢ ﺭﻏﻢ ﺍﻧﻬﺎ ﻻﻳﺤﺒﻬﺎ ﻭﻻﻳﺒﻴﻬﺎ ﻭﺣﺘﻰ ﺯﻭﺍﺟﻬﻢ ﻛﺎﻥ ﻉ ﻭﺭﻕ ﺯﻱ ﻣﺎﻳﻘﻮﻟﻮﺍ ﻟﻜﻦ ﻣﺎﺍﺳﺘﺮﻳﺤﺘﺶ ﻣﻦ ﻧﺎﺣﻴﺔ ﺍﻟﺸﻲ ﻫﺪﺍ ..
ﺭﺍﻧﻴﺎ : ﻏﺰﻻﻥ ﻣﺎﺧﺪﺗﺶ ﺧﺎﻟﻲ ﻣﻦ ﻋﻴﻠﺘﻪ ﻟﻮ ﺧﺪﺍﺗﻪ ﻣﻨﻬﻢ ﺭﺍﻫﻮﻣﺎﻗﻌﺪﺵ ﻫﺎﻟﺴﻨﻴﻦ ﻫﺎﺩﻱ ﻛﻠﻬﺎ ﻣﺘﺰﻭﺝ ﻓﺎﻟﺴﺮ ﻭﻣﺎﺣﺪ ﺣﺲ ﺑﻴﻪ ﺣﺘﻰ ﻟﻄﻴﻔﻪ ﺑﺬﺍﺗﻬﺎ ..
ﺩﻻﻝ ﺑﻀﺤﻜﻪ : ﺩﺍﻣﻚ ﻗﺎﺑﻠﻪ ﺍﻟﻤﻮﺿﻮﻉ ﻛﻮﻳﺲ ﻣﻦ ﺣﻆ ﺭﻣﺰﻱ ..
ﻓﻨﺼﺖ ﻭﻗﺎﻟﺖ : ﻗﻬﺮﺗﻚ !!
ﺩﻻﻝ : ﻫﻬﻬﻬﻬﻬﻬﻬﻪ ..
ﻭﺭﺍﻧﻴﺎ ﻗﻌﺪﺕ ﺗﺸﻮﻓﻠﻬﺎ ﺑﻐﻀﺐ ..
ﻫﻤﺎ ﻣﺎﺷﻴﻴﻦ ..
ﻭﺑﻌﺪﻫﻢ ﺑﻤﺴﺎﻓﻪ ﻧﺎﺻﺮ ﻣﺎﺷﻲ ﻭﺭﺍﻫﻢ .. ﺳﻤﻊ ﺿﺤﻜﺔ ﺩﻻﻝ ..
ﻧﺎﺻﺮ " ﻋﻠﻴﻚ ﺿﺤﻜﻪ ﺍﻝ "¥€£&&...&%%&
🌴🌴🌴🌴🌴🌴
ﺍﻟﻜﻠﻴﻪ ﻛﻠﻬﺎ ﺗﺤﻜﻲ ﻋﻨﻜﻢ ﺍﻣﺲ ..
ﺍﺑﺘﺴﻤﺖ ﺭﺯﺍﻥ ..
ﺗﻐﺮﻳﺪ : ﺑﺲ ﺻﺮﺍﺣﻪ ﺭﺯﺍﻥ ﺧﻄﻴﺒﻚ ﻳﻬﺒﻞ ﻳﻬﺒﻞ ..
ﻓﻨﺼﺖ ﻓﻴﻬﺎ ..
ﺿﺤﻜﺖ ﺗﻐﺮﻳﺪ ..
ﺑﻌﺪﻳﻦ ﻗﺎﻟﺖ : ﺣﺘﻰ ﺍﺣﻤﺪ ﻣﺎﺟﻲ ﺍﻟﻴﻮﻡ ..
ﺭﺯﺍﻥ : ﻋﻠﻴﻚ ﻣﻮﻗﻒ ﻣﺴﻜﻴﻦ ﻣﺎﻏﻠﻂ ﻫﻮ ..
ﺗﻐﺮﻳﺪ : ﺍﻟﺤﻖ ﻋﻠﻴﻚ ﺍﻧﺘﻲ ﺩﺍﻣﻚ ﻋﺎﺭﻓﻪ ﺍﻥ ﺧﻄﻴﺒﻚ ﻣﺎﻳﺮﺿﺎﺵ ﺑﺎﻟﺤﺎﺟﺎﺕ ﻫﺪﻱ ﻣﻔﺮﻭﺽ ﻣﺎﺩﻳﺮﻳﻬﺎ ..
ﺳﻜﺘﺖ ﺭﺯﺍﻥ ..
ﺗﻐﺮﻳﺪ ﺑﻀﺤﻜﻪ : ﻟﻜﻦ ﺑﺠﺪ ﻳﺎﺑﺨﺘﻚ ﻳﺎﺭﻳﺖ ﻧﺤﺼﻞ ﺣﺪ ﻳﺤﺒﻨﻲ ﻭﻳﻐﺎﺭ ﻋﻠﻴﺎ ﻫﻜﻲ ..
ﺍﺑﺘﺴﻤﺖ ﺭﺯﺍﻥ ﺑﺘﻬﻜﻢ ﻭﻗﺎﻟﺖ ﻓﻨﻔﺴﻬﺎ " ﺷﻦ ﺍﻟﻔﺎﻳﺪﻩ ﺩﺍﻣﻪ ﻳﺨﻮﻥ ﻓﻴﻚ .. ﻛﻞ ﺍﻟﻠﻲ ﻳﺪﻳﺮﻩ ﻣﺎﻳﺴﻮﻯ ﻓﻌﻴﻮﻧﻚ ﺣﺎﺟﻪ ﺑﻌﺪ ﺗﻌﺮﻓﻴﻪ ﺧﺎﻳﻦ .."
ﺗﻐﺮﻳﺪ : ﺗﺤﺒﻴﻪ ﺍﻧﺘﻲ؟
ﺷﺒﺤﺘﻠﻬﺎ ﺑﻌﻴﻮﻥ ﻣﻌﺒﻴﺎﺕ ﺩﻣﻮﻉ ﻭﻗﺎﻟﺖ : ﻟﻸﺳﻒ .. ﺇﻳﻪ ..
ﺗﻐﺮﻳﺪ ﺍﺳﺘﻐﺮﺑﺖ ﻓﻜﻠﻤﺘﻬﺎ ..
ﻧﺰﻟﺖ ﺩﻣﻌﻪ ﻣﻦ ﻋﻴﻦ ﺭﺯﺍﻥ ﻣﺴﺤﺘﻬﺎ ﻃﻮﻝ ﻭﻗﺎﻟﺖ : ﻫﻲ ﺗﻌﺎﻟﻲ ﻧﻌﺪﻭﺍ ﻟﻠﻘﺎﻋﻪ ﺧﻼﺹ ﺍﻟﻤﺤﺎﺿﺮﻩ ﺑﺘﺒﺪﺍ ...
ﻫﺰﺕ ﺗﻐﺮﻳﺪ ﺭﺍﺳﻬﺎ ﺑﺈﻳﺠﺎﺏ ﻭﻫﻲ ﻣﺴﺘﻐﺮﺑﻪ ..
ﻭﻣﺸﻮﺍ ﺍﻟﺰﻭﺯ ﺑﻄﺮﻳﻘﻬﻢ ﻟﻠﻘﺎﻋﻪ ..
🍁🍁🍁🍁
ﺍﻟﺴﺎﻋﻪ 11:30 ﺻﺒﺎﺣﺎ ..
ﺑﺎﻟﺴﻼﻣﻪ ﻳﺎﺣﻨﻪ ﺑﺎﻟﺴﻼﻣﻪ ..
ﻏﺰﻻﻥ : ﺭﺑﻲ ﻳﻌﻄﻴﻚ ﺻﺤﺘﻚ ... ﺑﺎﻟﺴﻼﻣﻪ ﻋﻤﺘﻲ ..
ﻓﺘﺤﺖ ﺑﺎﺏ ﺍﻟﺴﻴﺎﺭﺓ ﻭﺭﻛﺒﺖ ..
ﻭﻓﺎﻃﻤﻪ ﺻﻜﺮﺍﺗﻪ ..
ﺟﺎﻫﺎ ﻭﻟﺪﻫﺎ ﺷﺪ ﺭﺍﺳﻬﺎ ﻭﻛﺐ ﻋﻠﻴﻪ : ﻣﺎﺗﺒﻲ ﺷﻲ ﻳﻤﻲ ..
ﻓﺎﻃﻤﻪ : ﺳﻼﻣﺘﻚ ﻭﻟﺪﻱ ..
ﺣﻤﻴﺪ : ﺑﺎﻟﺴﻼﻣﻪ ..
ﻓﺎﻃﻤﻪ : ﻓﺄﻣﺎﻥ ﺍﻟﻠﻪ ..
ﻣﺸﻲ ﺭﻛﺐ ﺳﻴﺎﺭﺗﻪ ..
ﺷﻐﻠﻬﺎ ...
ﻭﺗﺤﺮﻙ ..
ﻭﻓﺎﻃﻤﻪ ﻗﻌﺪﺕ ﺗﻤﺸﻲ ﻭﺭﺍﻫﻢ ﺑﻤﺴﺎﻓﻪ ﻟﻴﻦ ﻃﻠﻌﻮﺍ ﻣﻦ ﺍﻟﻘﻄﻌﻪ ..
ﺗﻨﻬﺪﺕ ..
ﺑﻌﺪﻳﻦ ﻟﻔﺖ ﻭﻣﺸﺖ ﺑﺘﺨﺶ ﻟﻠﺤﻮﺵ ..
🍁🍁🍁🍁
ﻓﻲ ﺍﻟﻤﺴﺘﺸﻔﻰ ..
ﻣﺎﺷﻴﻪ ﺑﺶ ﺑﺘﺸﻮﻑ ﺣﺎﻻﺕ ...
" ﻏﺎﻟﻴﻪ .. ﻏﺎﻟﻴﻪ "
ﻭﻗﻔﺖ ﻭﺍﻟﺘﻔﺘﺖ : ﻓﻀﻴﻠﻪ ..
ﻓﻀﻴﻠﻪ : ﺷﻦ ﻋﻨﺪﻙ ﺧﺪﻣﻪ ﺗﻮ ..
ﻏﺎﻟﻴﻪ : ﺍﻳﻪ ﺑﻌﺘﻨﻲ ﺍﻟﺪﻛﺘﻮﺭ ﻣﺠﺪﻱ ..
ﻓﻀﻴﻠﻪ : ﺑﺎﻩ ﺑﻌﺪ ﺗﻜﻤﻠﻲ ﺗﻌﺎﻟﻲ ﻟﻠﻜﺎﻓﺘﻴﺮﻳﺎ ..
ﻏﺎﻟﻴﻪ : ﺑﺎﻫﻲ ..
ﺍﺑﺘﺴﻤﺖ ﻓﻀﻴﻠﻪ ﻭﻣﺸﺖ ..
ﻭﻏﺎﻟﻴﻪ ﻛﻤﻠﺖ ﻃﺮﻳﻘﻬﺎ ...
ﻧﺰﻟﺖ ﻣﻦ ﺍﻟﺪﺭﻭﺝ ..
ﻭﻫﻲ ﻧﺎﺯﻟﻪ ..
ﺗﻔﺎﺟﺌﺖ ﺑﺎﻟﻬﺎﺩﻱ ﺭﺍﻛﺐ ..
ﺗﻠﺨﺒﻄﺖ ..
ﻓﺎﺗﺖ ﻣﻦ ﺟﻨﺒﻪ ﻛﺄﻧﻬﺎ ﻣﺎﺗﻌﺮﻓﺎﺵ ..
ﺑﺲ ﻭﻗﻔﺖ ﻟﻤﺎ ﺳﻤﻌﺖ ..
" ﻓﻀﻴﻠﻪ .."
ﻓﻨﺼﺖ .. ﺑﻌﺪﻳﻦ ﺭﺧﺖ ﻋﻴﻮﻧﻬﺎ ﻭﺍﻟﺘﻔﺘﺖ : ﻧﻌﻢ !
ﻫﻮ ﺑﺈﺑﺘﺴﺎﻣﻪ : ﺍﻧﻲ ﺍﻟﻬﺎﺩﻱ ﻭﻟﺪ ﺟﻴﺮﺍﻧﻜﻢ ﻣﺎﻋﺮﻓﺘﻴﻨﻴﺶ ..
ﻓﻀﻴﻠﻪ : ﻻ ﻋﺮﻓﺘﻚ .. ﺗﻔﻀﻞ ..
ﺍﻟﻬﺎﺩﻱ : ﻭﻳﻦ ﻧﻠﻘﻰ ﻏﺎﻟﻴﻪ ..
ﻓﻀﻴﻠﻪ : ﻓﻲ ﺍﻟﺪﻭﺭ ﺍﻟﺘﺎﻧﻲ ﻗﺴﻢ ﺍﻟﺒﺎﻃﻨﻪ ..
ﻫﺰ ﺭﺍﺳﻪ ﺑﺈﻳﺠﺎﺏ ﻭﻗﺎﻝ : ﺷﻜﺮﺍ ..
ﻫﻲ ﻗﺎﻟﺖ : ﺍﻟﻌﻔﻮ ..
ﻭﻟﻔﺖ ﻭﻧﺰﻟﺖ ﻃﻮﻝ ..
ﻫﻮ ﺿﺤﻚ ﺿﺤﻜﻪ ﺧﻔﻴﻔﻪ ﻭﺭﻛﺐ ...
🍁🍁🍁
ﺍﻟﺴﺎﻋﻪ 4:30 ﻋﺼﺮﺍ ..
ﺷﻮﻓﻴﻠﻲ ﺍﻟﻮﻗﺖ ﺗﺮﺍ ..
ﺭﺯﺍﻥ 20: ﺩﻗﻴﻘﻪ ﻣﺎﻣﺎ ..
ﺳﻌﻴﺪﻩ : ﺑﺎﻫﻲ ..
ﺭﺯﺍﻥ ﻭﻫﻲ ﺗﻠﻢ ﻓﺤﻮﺳﺔ ﺍﻟﺼﺒﻐﻪ؛ﻗﻮﻟﻲ ﺳﻌﺪﻭﺷﻪ ﺷﻦ ﺳﺮ ﻫﺎﻟﺘﻐﻴﻴﺮ ﺍﻟﻤﻔﺎﺟﺊ ﻗﺼﻪ ﻭﺻﺒﻐﻪ ﻭﺟﻮ ..
ﺳﻌﻴﺪﻩ : ﺑﻨﻌﺪﻱ ﻧﺨﻄﺐ ﻟﻮﻟﺪﻱ ﻏﺪﻭﺓ ... ﺷﻮﻳﻪ ﻫﺪﻱ ..
ﺿﺤﻜﺖ ﺭﺯﺍﻥ ﻭﻗﺎﻟﺖ : ﻻ ﻳﺎﺣﻨﻪ ﻣﺶ ﺷﻮﻳﻪ ..
ﺿﺤﻜﺖ ﺳﻌﻴﺪﻩ : ﻣﻌﻔﻨﻪ ..
ﻧﺎﺿﺖ ﺑﺎﻟﺤﺎﺟﺎﺕ ﻭﻣﺸﺖ ﻟﻠﻜﻮﺟﻴﻨﻪ ..
ﻟﻮﺣﺘﻬﻢ ﻓﻲ ﺟﺮﺩﻝ ﺍﻟﻜﻨﺎﺳﻪ ..
ﻋﻴﻨﻬﺎ ﺟﺖ ﻉ ﺍﻟﺤﺪﻳﺪﻩ ﺍﻟﻠﻲ ﻓﻴﺪﻫﺎ ﻋﻴﻮﻧﻬﺎ ﺗﻌﺒﻮﺍ ﺩﻣﻮﻉ : ﺭﺑﻲ ﻳﻔﻚ ﺍﺳﺮﻙ ﻭﻳﻔﺮﺣﻨﺎ ﺑﻴﻚ ﻳﺎﺍﺍﺭﺏ ..
ﺗﻨﻬﺪﺕ ﺑﺄﻟﻢ .. ﻭﻃﻠﻌﺖ ﻣﻦ ﺍﻟﻜﻮﺟﻴﻨﻪ ﺑﺘﻮﻟﻲ ﻟﻠﺼﺎﻟﻪ ..
ﺳﻤﻌﺖ ﺗﻠﻴﻔﻮﻧﻬﺎ ﻳﺮﻥ ﻣﻦ ﺍﻟﺪﺍﺭ ..
ﻣﺸﺖ ﻟﺪﺍﺭﻫﺎ ..
ﺧﺸﺖ .. ﻭﺧﺪﺕ ﺗﻠﻴﻔﻮﻧﻬﺎ ﻣﻦ ﻉ ﺍﻟﺰﻳﺎﻧﻪ ... ﻓﺘﺤﺖ ﺍﻟﺨﻂ ...
ﺭﺯﺍﻥ : ﺑﺎﻫﻲ ﺍﻟﻠﻲ ﺧﻄﺮﻧﺎ ﻉ ﺑﺎﻟﻚ ..
ﺿﺤﻜﺖ ﺭﻓﻘﻪ : ﻗﺮﺍﻳﻪ ﻭﺍﻹﻣﺘﺤﺎﻧﺎﺕ ﻗﺮﻳﺐ ﺍﻧﺸﻐﻠﺖ ﻫﻠﺒﻪ ..
ﺭﺯﺍﻥ : ﻧﻜﻠﻢ ﻓﻴﻚ ﻉ ﺍﻟﺨﺎﺹ ﻓﻴﺲ ﻟﻴﺶ ﻣﺎﺗﺮﺩﻱ ..
ﺗﻨﻬﺪﺕ ﻭﻗﺎﻟﺖ : ﻧﻔﺴﻴﺘﻲ ﺯﻳﺮﻭ ... ﺳﻴﺒﺖ ﻣﺮﻭﺍﻥ ..
ﻗﻠﺐ ﺭﺯﺍﻥ ﺍﻧﻘﺒﺾ ..
ﺭﻓﻘﻪ : ﺑﺮﻏﻢ ﺍﻧﻲ ﻣﺘﺄﻛﺪﻩ ﺍﻥ ﺍﻟﻠﻲ ﺩﺭﺗﻪ ﺻﺢ .. ﺑﺲ ﻗﻠﺒﻲ ﻭﺍﺟﻌﻨﻲ ..
ﺗﻨﻬﺪﺕ ﺭﺯﺍﻥ ﺑﻀﻴﻖ ﻭﻗﻌﺪﺕ ﺳﺎﻛﺘﻪ ..
ﺭﻓﻘﻪ : ﻟﻜﻦ ﻻﺯﻡ ﻧﻌﻔﺲ ﻉ ﻗﻠﺒﻲ ... ﻧﻨﺼﺤﻚ ﺭﻭﺯﻱ ﺣﺘﻰ ﺍﻧﺘﻲ ﺍﻧﻬﻴﻬﺎ ﻣﻊ ﻋﻤﺎﺩ ﻣﻦ ﺍﻷﺧﺮ ﻭﻣﺎﺗﻮﺟﻌﻴﺶ ﻗﻠﺒﻚ ﻣﻌﺎﻩ ..
ﺭﺯﺍﻥ ﺑﻮﺟﻊ : ﺍﻳﻪ ﻧﺨﻠﻴﻪ ﻫﻜﻲ ﻋﺎﺩﻱ !! ﻳﻌﺪﻱ ﺑﻌﺪﻫﺎ ﻳﻌﻴﺶ ﺣﻴﺎﺗﻪ ﻋﺎﺩﻱ ﻭﺍﻧﻲ ﻧﻘﻌﺪ ﻣﺤﺮﻭﻗﻪ ﻭﻣﻘﻬﻮﺭﺓ ﺑﻌﺪﻩ !! ﻻﺣﺒﻴﺒﺘﻲ ﻻ ﻭﺭﺍﺳﻚ ﻣﺎﺿﺎﻟﻪ ﺍﻻ ﻣﺮﺑﺎﻳﺎﺗﻪ .. ﻭﺑﻌﺪﻳﻦ .. ﻛﻤﻠﺖ ﺑﺼﻮﺕ ﻣﺨﻨﻮﻕ .. ﻧﺴﻴﺒﻪ ..
ﺗﻨﻬﺪﺕ ﺭﻓﻘﻪ ﺑﺄﻟﻢ ﻭﺳﻜﺘﺖ ..
ﺧﺶ ﻋﻠﻴﻬﺎ ﺍﻧﺘﻈﺎﺭ ..
ﺭﻓﻘﻪ : ﺩﺭﺗﻲ ﺧﺪﻣﺔ ﺍﻹﻧﺘﻈﺎﺭ؟ !
ﺭﺯﺍﻥ ﺑﺮﻓﻌﻪ ﺣﺎﺟﺐ : ﻭﻫﺪﻱ ﻭﺣﺪﻩ ﻣﻦ ﺍﻟﺤﺎﺟﺎﺕ ﺍﻟﻠﻲ ﻧﺒﻲ ﻧﺤﺮﻗﻪ ﺑﻴﻬﻦ ...
ﺭﻓﻘﻪ : ﺭﻭﺯﻱ ... ﻧﺤﺲ ﻓﻴﻚ ﺍﻧﺘﻲ ﺗﺘﻌﺬﺑﻲ ﻣﺶ ﻫﻮ؟
ﺭﺯﺍﻥ ﺑﺤﻘﺪ ﻣﻤﺰﻭﺝ ﺑﺎﻷﻟﻢ : ﺍﻧﻲ ﺗﻮﺍ ﺑﻌﺪﻳﻦ ﻫﻮ .. ﺍﺳﻤﻌﻲ ﺭﻭﻓﻲ ﺻﻜﺮﻱ ﺗﻮﺍ ﻧﻜﻤﻠﻮﺍ ﻛﻼﻣﻨﺎ ﺑﻌﺪﻳﻦ ﻉ ﺍﻟﺨﺎﺹ ..
ﺭﻓﻘﻪ ...Ok: ﺑﺎﻱ ..
ﺭﺯﺍﻥ : ﺑﺎﻱ .. ﺣﻮﻟﺖ ﺍﻟﺘﻠﻴﻔﻮﻥ ﻣﻦ ﻉ ﻭﺫﻧﻬﺎ .
ﻓﺘﺤﺖ ﻋﻠﻴﻪ ﻭﺭﺩﺕ : ﺁﻟﻮ ..
ﻋﻤﺎﺩ : ﻣﻦ ﻛﻨﺘﻲ ﺗﻜﻠﻤﻲ؟ .
ﺭﺯﺍﻥ : ﺭﻓﻘﻪ ..
ﻋﻤﺎﺩ : ﺍﻣﻤﻢ .. ﺑﺎﻫﻲ .. ﺷﻦ ﺟﻮ ﺍﻟﺠﺎﻣﻌﻪ ..
ﺭﺯﺍﻥ؛ﺗﻤﺎﻡ ..
ﻋﻤﺎﺩ : ﻣﺎﺻﺎﺭ ﺷﻲ ..
ﺭﺯﺍﻥ : ﻻﻻ .. ﺧﻠﻴﻨﺎ ﺗﻮﺍ ﻣﻦ ﺍﻟﺠﺎﻣﻌﻪ ﻭﻗﻮﻟﻲ ﺷﻦ ﺣﺎﻝ ﺻﺪﺭﻙ ..
ﺍﺑﺘﺴﻢ ﻭﻗﺎﻝ : ﺍﺣﺴﻦ ﺑﻬﻠﺒﻪ ..
ﺭﺯﺍﻥ : ﺍﻣﺲ ﻃﻮﻝ ﺍﻟﻠﻴﻞ ﻣﺎﻗﺪﺭﺕ ﻧﺮﻗﺪ ﻏﻤﻀﻪ .. ﺣﺎﻭﻟﺖ ﻧﺘﺼﻞ ﻟﻜﻦ ﺗﺤﺸﻤﺖ ..
ﻫﻮ ﻓﺮﺣﺎﻥ ﻫﻠﺒﻪ ﺑﺎﻟﻠﻲ ﻳﺴﻤﻊ ﻓﻴﻪ ... ﺯﻳﺎﺩﻩ ﻉ ﺍﻟﻠﻲ ﺳﻤﻌﻪ ﻣﻨﻬﺎ ﻓﻲ ﺍﻟﻠﻴﻞ ...
ﻛﻠﻤﻪ ﺑﺮﻏﻢ ﺗﻌﺒﻪ ﺧﻼﺗﻪ ﻗﻤﻪ ﻓﺎﻟﺴﻌﺎﺩﻩ ﻭﻫﻲ ﻣﺎﺯﺍﻟﺖ ﺗﺮﻥ ﻓﻮﺫﻧﻪ ﻟﻬﺎﻟﻠﺤﻈﻪ ..
" ﻋﻤﺎﺩ .. ﺣﺒﻴﺒﻲ "
ﻣﺎﺑﺎﺵ ﻳﺬﻛﺮﻫﺎ ﺑﻴﻬﺎ ﺑﺶ ﻣﺎﺗﻨﻜﺮﻫﺎﺵ ﻳﺒﻲ ﻳﻘﻌﺪ ﻓﺮﺣﺎﻥ ﺑﻴﻬﺎ ...
ﻭﺑﻜﻼﻣﻬﺎ ﺍﻟﻠﻲ ﺗﻘﻮﻟﻪ ﻓﻴﻪ ..
ﻛﺎﻥ ﻃﺎﻳﺮ .. ﻫﺎﻳﻢ ﻣﻌﺎﻫﺎ .. ﻭﻫﻲ ﺗﺤﺴﺲ ﻓﻲ ﺑﺤﻨﺎﻧﻬﺎ ﻭﺧﻮﻓﻬﺎ ﻋﻠﻴﻪ ..
ﺍﻳﻪ ﻣﺎﻳﺴﻤﻌﺶ ﻓﻜﻼﻡ ﺣﺐ .. ﺑﺲ ﻛﺎﻥ ﻳﺤﺲ ﺑﺎﻹﻫﺘﻤﺎﻡ ﻳﺤﺲ ﺑﺎﻟﺤﺐ ﻣﻦ ﻫﺎﻹﻫﺘﻤﺎﻡ .. ﻭﻫﻮ ﻗﺎﻧﻊ ﺑﻬﻜﻲ ﻭﺭﺍﺿﻲ ﻭﻣﻜﺘﻔﻲ ..
ﻭﻏﺎﻓﻞ ..
ﻏﺎﻓﻞ ..
ﻏﺎﻓﻞ ..
ﻣﺶ ﻋﺎﺭﻑ ﺍﻟﻨﻴﺔ ﺍﻟﻠﻲ ﻣﺒﻴﺘﺘﻬﺎ ﺑﻨﻴﺔ ﻗﻠﺒﻪ ﺍﻟﻠﻲ ﻧﺎﻭﻳﻪ ﻓﻴﻮﻡ ﻣﻦ ﺍﻷﻳﺎﻡ ﺗﻜﺴﺮ ﻫﺎﻟﻘﻠﺐ ﺍﻟﻠﻲ ﺣﺎﻭﻳﻬﺎ ﻭﺗﺠﺮﺣﻪ ..
ﻇﻨﺎ ﻣﻨﻬﺎ ﻫﻜﻲ ﺍﻧﻬﺎ ﻗﺎﻋﺪﻩ ﺗﺎﺧﺪ ﻓﺤﻘﻬﺎ ..
🍃 ﻻ ﻋﺮﻓﻨﺎ ﻧﻌﺬﺭﻭﺍ ﻭﻻ ﻧﻠﻮﻣﻮﺍ 🍃...
🍁 ﻣﻤﻜﻦ ﻧﻴﺘﻬﺎ ﻣﻦ ﺍﻷﺻﻞ ﻣﺶ ﺍﺫﻯ ﻣﺘﻌﻤﺪ ﻣﻘﺼﻮﺩ ﻣﻦ ﻏﻴﺮ ﻣﺒﺮﺭﺍﺕ ..
ﺯﻱ ﺍﻷﺫﻯ ﺍﻟﻠﻲ ﺗﺴﺒﺐ ﻓﻴﻪ ﻟﻤﻴﺎ ﻟﻌﻤﺮ ﺣﺎﻟﻴﺎ ..
ﻋﻤﺮ : ﻛﻴﻒ؟؟؟
ﻟﻤﻴﺎﺀ ﺑﺒﻜﻲ : ﻫﺪﺍ ﻛﻼﻣﻬﻢ ﻣﺶ ﻛﻼﻣﻲ .. ﻻﺯﻡ ﺗﻘﺪﻡ ﺍﻟﻌﺮﺱ ﻳﺎﻋﻤﺮ ..
ﻋﻤﺮ ﺑﺼﺪﻣﻪ؛ﻭﻳﻦ ﺑﻨﺤﻄﻚ ﻭﻳﻦ ﻗﻮﻟﻴﻠﻲ .. ﻭﺍﻟﻠﻪ ﻣﺎﻋﻨﺪﻱ ﺑﺶ ﻧﺼﺮﻑ ﻋﻠﻴﻪ ﻫﺎﻟﻌﺮﺱ ﻣﻦ ﺍﻷﺻﻞ ..
ﻟﻤﻴﺎﺀ ﺑﺎﻟﻌﺒﺮﺓ؛ﻫﻤﺎ ﻗﺎﻟﻮﺍ ﻱ 4 ﻱ 5 ﻳﺎﻋﻤﺮ .. ﺧﻮﻱ ﺍﺑﺮﺍﻫﻴﻢ ﻭﺍﻧﺖ ﺗﻌﺮﻓﻪ ﻭﺑﻮﻱ ﻣﻌﺎﻩ ﻣﺎﻋﻨﺪﺍﺵ ﻛﻼﻡ ..
ﻋﻤﺮ : ﺑﺎﻫﻲ ﺻﻜﺮﻱ ﺻﻜﺮﻱ ﺗﻮﺍ .. ﺻﻜﺮ ﻋﻠﻴﻬﺎ ﻭﻫﻮ ﻣﺼﺪﻭﻡ ..
ﻣﺸﻜﻠﺘﻪ ﻳﺤﺒﻬﺎ ﻭﻫﻠﺒﻪ ﻣﺶ ﺷﻮﻳﻪ .. ﺍﻟﻘﻠﺐ ﻭﻣﺎﻳﺮﻳﺪ ..
ﻟﻬﺪﺍ ﻻﻳﻤﻜﻦ ﻳﺘﺤﻤﻞ ﻓﺮﺍﻗﻬﺎ ﻣﺴﺘﺤﻴﻞ ﺑﺎﻟﻨﺴﺒﻪ ﻟﻴﻪ ..
....
ﻣﺠﺮﺭﺭﺭﻣﻬﻬﻪ .
ﻟﻤﻴﺎ ﻭﻫﻲ ﺗﻤﺴﺢ ﻓﺪﻣﻮﻋﻬﺎ ﺑﻀﺤﻜﻪ؛ﺗﻌﺮﻓﻲ ﻟﻮ ﻧﺨﻠﻴﻪ ﻉ ﻛﻴﻔﻪ ﻧﺨﺸﻮﺍ ﻉ 2016 ﻭﻣﺎﻳﺪﻳﺮ ﺷﻲ ..
ﺳﻨﺎﺀ : ﺑﺎﻫﻲ ﻣﺮﺍﺕ ﻳﺨﻂ ﻓﻴﻚ ﻳﻘﻮﻟﻚ ﻣﺎﻋﻨﺪﻱ ﺷﻲ ﺑﺮﻱ ﻓﺤﺎﻟﻚ ..
ﻟﻤﻴﺎ ﺑﺮﻓﻌﺔ ﺣﺎﺟﺐ : ﺗﺲ ﻳﺎﻋﻤﺮﻱ .. ﻋﻤﻮﺭﺗﻲ ﻳﻤﻮﺕ ﻓﻴﺎ ﻳﺎﺳﻨﺴﻦ ﻭﺗﻮ ﺗﺸﻮﻓﻲ ﺷﻦ ﻳﺪﻳﺮ ﻉ ﺧﺎﻃﺮﻱ ..
ﺳﻨﺎﺀ ﺑﻀﺤﻜﻪ : ﺍﻧﻲ ﻛﺎﻧﻚ ﻋﻠﻴﺎ ﻣﺪﺍ ﺑﻴﺎ .. ﺑﺶ ﻧﻘﺮﺏ ﻣﻦ ﻭﻟﺪ ﺍﺧﺘﻪ ﺍﻟﻄﺮﻑ ﻫﺪﺍﻛﺎ ﺍﺍﻩ ﻳﺎﺭﺑﻲ .. ﻣﺎﻓﺎﺭﻗﺶ ﻋﻘﻠﻲ ﺩﻗﻴﻘﻪ ..
ﺿﺤﻜﺖ ﻭﻫﻲ ﺗﻔﻜﺮ ﻓﺤﻜﺎﻳﺔ ﺧﻄﺒﺔ ﻋﻤﺎﺩ ﻟﺮﺯﺍﻥ ﻣﺎﻗﺎﻟﺘﺶ ﻋﻠﻴﻬﺎ ﻷﺧﺘﻬﺎ ﻓﺎﻟﻮﻗﺖ ﺍﻟﺤﺎﻟﻲ ﻷﻧﻬﺎ ﺗﺨﻄﻂ ﻟﺒﻌﻴﺪ ..
🍁🍁🍁🍁
ﺍﻟﺴﺎﻋﻪ 12:00 ﻟﻴﻼ ..
ﺷﻦ ﺭﺍﻳﻚ ..
ﻣﻴﻼﺩ ﺑﻀﺤﻜﻪ؛ﺳﻤﺤﻪ ..
ﺳﻌﻴﺪﻩ ﻭﻫﻲ ﺗﻠﻌﺐ ﺑﺸﻌﺮﻫﺎ؛ﺣﻖ ﻣﺶ ﻣﺠﺎﻣﻠﻪ ..
ﻣﻴﻼﺩ : ﻫﻬﻬﻬﻬﻪ .. ﺣﻖ ﻭﺣﻖ ﺍﻟﺤﻖ ..
ﺿﺤﻜﺖ ﻭﻗﺪﻣﺖ ﻗﻌﻤﺰﺕ ﺣﺪﺍﻩ ﻉ ﺍﻟﺴﺮﻳﺮ : ﺭﻏﻢ ﺍﻧﻲ ﻣﺶ ﻣﺘﺤﻤﺴﻪ ﻟﻤﻮﺿﻮﻉ ﺗﻮﻓﻴﻖ ﻭﺍﺟﺪ .. ﺑﺲ ﻓﻲ ﺷﻲ ﻣﻔﺮﺣﻨﻲ ..
ﻣﻴﻼﺩ : ﻫﻮ ﻫﺪﻯ ﺍﻟﻤﻬﻢ .. ﺍﻓﺮﺣﻲ .. ﻭﺍﻥ ﺷﺎﺀ ﺍﻟﻠﻪ ﺍﻟﻔﺮﺣﻪ ﻫﺪﻱ ﺗﻜﻮﻥ ﻓﺎﺗﺤﺔ ﺧﻴﺮ ﻋﻠﻴﻨﺎ ..
ﺳﻌﻴﺪﻩ : ﻳﺎﺍﺍﺍﺍﺭﺏ ..
ﺍﺑﺘﺴﻢ ﻭﻫﻮ ﻳﺸﻮﻓﻠﻬﺎ .. ﺯﻫﻴﺖ ﻓﻌﻴﻨﻪ ﻫﻠﺒﻪ ..
ﻫﻲ ﺷﺒﺤﺘﻠﻪ ﺑﺮﻓﻌﻪ ﺣﺎﺟﺐ ﻣﻊ ﺍﺑﺘﺴﺎﻣﻪ ..
ﻣﻴﻼﺩ : ﻧﺤﺒﻚ 💓
ﺳﻌﻴﺪﻩ ﺑﺼﺪﻣﻪ : ﺣﻴﻴﻲ .. ﺍﻫﺎﺍﻫﻬﻬﻬﻬﻬﻬﻬﻬﻬﻬﻪ ..
ﻣﻴﻼﺩ : ﻫﻬﻬﻬﻬﻬﻬﻬﻪ .. ﺧﻴﺮﻙ ﺗﻀﺤﻜﻲ ﻳﺎﺷﺮﺍﺩﻩ ..
ﺳﻌﻴﺪﻩ ﺑﻀﺤﻜﻪ : ﻓﺎﺟﺌﺘﻨﻲ ..
ﻣﻴﻼﺩ : ﻛﻴﻒ ﻣﺎﺃﻧﺘﻲ ﺗﻔﺎﺟﺌﻲ ﻓﻴﺎ ..
ﺍﺑﺘﺴﻤﺖ ﻭﻫﻲ ﺗﺸﻮﻓﻠﻪ ..
ﻭﻫﻮ ﻳﺸﻮﻓﻠﻬﺎ ..
ﺿﺤﻜﺖ ﺿﺤﻜﻪ ﺣﻠﻮﺓ ﻭﻗﺮﺑﺘﻠﻪ 💕💕💕
🍃 ﻣﺤﻼﻫﺎ ﺍﻟﻤﺸﺎﻋﺮ ﻟﻤﺎ ﺗﺘﺠﺪﺩ ﻭﺗﺘﻐﻴﺮ ﻟﻸﺣﻼ ﻓﻲ ﺍﻟﻌﻤﺮ ﻫﺪﺍ🍃💓
ﺑﺲ ﻟﻤﺎ ﺗﺘﻐﻴﺮ ﻟﻸﺳﻮﺍ ..
ﻣﺒﺸﻌﻬﺎ .. ﻭﺍﻟﻠﻪ ﺑﺸﻌﻪ ... ﺑﻌﺪ ﺣﺐ ﻛﺒﻴﺮ ﻛﺒﺮ ﻣﻊ ﺍﻟﺴﻨﻴﻦ .. ﻳﺨﺸﻮﺍ ﺍﻟﺸﻚ ﻭﺳﻮﺀ ﺍﻟﻈﻦ ﻉ ﺍﻟﺨﻂ ﻭﻳﺤﺎﻭﻟﻮﺍ ﻳﺒﺪﺩﻭﺍ ﺍﻟﻤﺸﺎﻋﺮ ﺍﻟﺤﻠﻮﻩ ..
ﻛﻔﺎﻳﻪ ..
ﻟﻴﻠﺘﻬﺎ .. ﺭﺍﻗﺪﻩ ﺗﺒﻜﻲ ﻉ ﻣﺨﺪﺗﻬﺎ ... ﻣﻨﻘﻬﺮﺓ ..
ﺳﻌﺪ ﻣﺎﻛﻠﻤﻬﺎﺵ ﺑﻜﻞ ﺑﻌﺪ ﺳﺎﻓﺮ ..
ﺍﻟﻤﺮﺍﺓ ﺍﻟﺸﻴﻄﺎﻥ ﻗﻌﺪ ﻳﺼﻮﺭﻟﻬﺎ ﻓﻬﻠﺒﻪ ﺣﺎﺟﺎﺕ .. ﻭﻳﺄﻟﻔﻠﻬﺎ ﻓﻬﻠﺒﻪ ﺳﻴﻨﺎﺭﻳﻮﻫﺎﺕ ... ﻣﻘﻄﻌﻪ ﺭﻭﺣﻬﺎ ﻣﻦ ﺍﻟﺒﻜﻲ .. ﺣﺎﺳﻪ ﺭﻭﺣﻬﺎ ﺑﺘﻤﻮﺕ ﻛﻞ ﻣﺎﺗﺘﺨﻴﻠﻪ ﻣﻊ ﻏﻴﺮﻫﺎ ﺗﻨﺤﺮﻕ ﺣﺮﻕ ..
ﺍﻣﺎﻫﻮ ..
ﻛﺎﻥ ﻣﻀﺎﻳﻖ ﻫﻠﺒﻪ ..
ﻣﺎﻛﻠﻤﻬﺎﺵ ﻷﻧﻪ ﻛﺎﻥ ﻳﺒﻴﻬﺎ ﺍﺩﻭﺭﻩ ﻭﻟﻤﺎ ﻣﺎﻋﺒﺮﺗﺎﺵ ﺍﻟﺮﺍﺟﻞ ﺯﺍﺩ ﺿﻴﻘﻪ ﻭﺧﺎﻃﺮﻩ ﻭﺟﻌﻪ ﻫﻠﺒﻪ .. ﻫﻠﺒﻪ .. ﻣﻨﻬﺎ ... ﻭﻣﺎﺑﺎﺵ ﻧﻬﺎﺋﻲ ﻳﻜﻠﻤﻬﺎ ﻣﻦ ﺯﻋﻠﻪ ...
🍁🍁🍁🍁🍁
ﺭﺍﻗﺪﻩ ﻓﻔﺮﺍﺷﻬﺎ .
ﺷﺎﺩﻩ ﺗﻠﻴﻔﻮﻧﻬﺎ ﻣﻜﺴﺪﻩ ﻉ ﺍﻟﻔﻴﺲ ..
ﺗﺪﻫﻮﺭ ﻓﻲ ﺍﻟﺼﻔﺤﺎﺕ ..
ﺟﻲ ﻗﺪﺍﻣﻬﺎ ﻣﻨﺸﻮﺭ ﻟﻨﺠﻤﻲ ..
ﻛﺎﻥ ﻣﺼﻮﺭ ﻓﻲ ﺟﻨﺎﻥ ﺣﻮﺷﻬﻢ ﺑﻌﺪ ﺻﺒﺖ ﻓﻴﻪ ﺍﻟﻤﻄﺮ ..
ﻭﻛﺎﻥ ﻃﺎﺭﺣﻪ ﻃﺮﺣﻪ ﻣﺶ ﻋﺎﺩﻳﻪ ..
ﻛﺎﺗﺐ ﻓﻮﻗﻪ ..
ﻋﺒﺜﺎ ﺍﻛﺘﺐ ﺳﻴﺪﺗﻲ ..
ﺇﺣﺴﺎﺳﻲ ﺍﻛﺒﺮ ﻣﻦ ﻟﻐﺘﻲ ..
ﻭﺷﻌﻮﺭﻱ ﻧﺤﻮﻙ ﻳﺘﺨﻄﻰ
ﺻﻮﺗﻲ .. ﻳﺘﺨﻄﻰ ﺣﻨﺠﺮﺗﻲ ..
ﻋﺒﺜﺎ ﻣﺎﺍﻛﺘﺐ ﻣﺎﺩﺍﻣﺖ ..
ﻛﻠﻤﺎﺗﻲ ﺍﻭﺳﻊ ﻣﻦ ﺷﻔﺘﻲ ..
ﺍﻛﺮﻫﻬﺎ ﻛﻞ ﻛﺘﺎﺑﺎﺗﻲ ...
ﻣﺸﻜﻠﺘﻲ ﺍﻧﻚ ﻣﺸﻜﻠﺘﻲ ..
ﺯﺍﺩ ﻫﻮ ﻋﻠﻖ ﺗﺤﺖ ﺍﻷﺑﻴﺎﺕ ﻛﺎﺗﺐ ..
ﺟﺒﺘﻬﺎ ﻉ ﺍﻟﺠﺮﺡ ﻳﺎﻧﺰﺍﺭ ﻭﻟﺪ ﻗﺒﺎﻧﻲ ...
ﻣﺸﻜﻠﺘﻲ ﺍﻧﻬﺎ ﻣﺸﻜﻠﺘﻲ ...
ﺿﺤﻜﺖ ﻏﺎﻟﻴﻪ ..
ﺧﺸﺖ ﻉ ﺍﻟﺘﻌﻠﻴﻘﺎﺕ ..
ﻟﻘﺖ ﺻﺤﺎﺑﻪ ﻳﻠﺒﺴﻮﺍ ﻓﻴﻪ ..
ﻗﻌﺪﺕ ﺗﻀﺤﻚ ﻋﻠﻴﻬﻢ .. ﺑﺲ ﻟﻔﺖ ﺍﻧﺘﺒﺎﻫﻬﺎ ﺗﻌﻠﻴﻖ ﻟﺒﻨﺖ ﻛﺎﺗﺒﻪ ﻓﻴﻪ ..
" ﻳﺎﻋﻮﻳﻨﻬﺎ .."
ﻏﺎﻟﻴﻪ ﺑﻀﺤﻜﻪ : ﻋﻠﻴﻚ ﺣﻤﺎﺭﺓ ﺣﺘﻰ ﺍﻧﺘﻲ ﺣﺎﺳﺪﺗﻴﻨﻲ ﻉ ﺷﻦ ﺑﺲ ... ﺑﺎﻟﻠﻪ ﺧﻮﺩﻳﻪ ﻭﺭﻳﺤﻴﻨﻲ ﻣﻨﻪ .. ﻫﻬﻬﻬﻬﻬﻪ ..
ﻃﻠﻌﺖ ﻣﻦ ﺍﻟﻤﻨﺸﻮﺭ ..
ﻭﻣﺸﺖ ﻛﻤﻠﺖ ﺍﻟﺘﺼﻔﺢ ..
ﺷﻮﻳﻪ ﻭﺷﺎﻓﺖ ﺭﺳﺎﻟﻪ ﺟﺘﻬﺎ ..
ﻣﺸﺖ ﺧﺸﺖ ﻉ ﺍﻟﺮﺳﺎﻳﻞ ..
ﺍﻧﺼﻌﻘﺖ ....
ﻟﻘﺎﺗﻪ ﻫﻮ ﺍﻟﻠﻲ ﺑﺎﻋﺘﻬﺎ ..
ﻓﺘﺤﺘﻬﺎ ..
( ﺍﻟﺴﻼﻡ ﻋﻠﻴﻜﻢ )
ﻏﺎﻟﻴﻪ : ﻣﺎﻧﻴﺶ ﺭﺍﺩﻩ ..
ﺷﻮﻳﻪ ﻭﺑﻌﺖ ..
( ﺗﻌﺮﻓﻴﻨﻲ )
ﻭﻻ ﻋﺒﺮﺍﺗﻪ ..
ﺷﻮﻳﻪ ﻭﺑﻌﺖ ﺻﻮﺭﺓ ..
ﻛﺎﻧﺖ ﺳﻜﺮﻳﻦ ﺷﻮﺕ ..
ﻟﻴﻬﺎ ﻭﻫﻲ ﻣﺪﺍﻳﺮﺓ ﻻﻳﻚ ﻷﺧﺮ ﻣﻨﺸﻮﺭ ..
ﻧﺎﺿﺖ ﻗﻌﻤﺰﺕ : ﻋﻄﻨﻲ ﻛﺴﺮﺓ !!
ﺑﻌﺘﻠﻬﺎ
( ﺗﻌﺮﻓﻴﻨﻲ )
ﻏﺎﻟﻴﻪ : ﺧﻞ ﻧﺮﺩ ﺑﻴﺶ ﻣﺎﻳﺸﻜﺶ ..
( ﻻﻻ )
( ﺑﺎﻫﻲ ﻋﻼﺵ ﺧﺸﻴﺘﻲ ﺻﻔﺤﺘﻲ )
ﻏﺎﻟﻴﻪ : ﻏﺒﺎﺭﺗﻲ ﻏﺒﺎﺭﺓ ..
ﺭﺩﺕ
( ﻃﻠﻌﺖ ﻓﻲ ﺍﻟﻤﻘﺘﺮﺣﻴﻦ ﺷﻔﺖ ﺣﺴﺎﺑﻚ ﺍﺳﻔﻪ ﺳﺎﻣﺤﻨﻲ )
( ﻭﻻ ﻳﻬﻤﻚ .. ﻉ ﺍﻟﻌﻤﻮﻡ ﻣﺎﻓﻴﺶ ﻣﺸﻜﻠﻪ ﻧﺘﻌﺮﻓﻮﺍ )
ﻏﺎﻟﻴﻪ : ﺭﻳﺖ ﺍﻟﺤﻘﻴﺮ ﺷﻮﺭﻩ ﺍﻟﻠﻲ ﺍﻃﻴﺢ ﻓﻴﻪ ﺑﺎﻟﻐﻠﻂ ﻳﻌﺸﺶ ﻓﻴﻬﺎ .. ﺗﺎﻋﺐ ..
ﻃﻠﻌﺖ ﻣﻦ ﺍﻟﺮﺳﺎﻳﻞ . ﻭﻣﻦ ﺍﻟﻔﻴﺲ ﻣﺮﺓ ﻭﺣﺪﻩ ﻭﺣﻄﺖ ﺍﻟﺘﻠﻴﻔﻮﻥ ﺗﺤﺖ ﻣﺨﺪﺗﻬﺎ ﻭﻫﻲ ﻣﻌﺼﺒﻪ ...
🍁🍁🍁🍁🍁
ﺗﺎﻧﻲ ﻳﻮﻡ ..
ﺍﻟﺨﻤﻴﺲ ...
ﺍﻟﺰﺍﻭﻳﻪ ..
ﺍﻟﺴﺎﻋﻪ 5:30 .. ﻋﺼﺮﺍ
ﻭﺻﻠﺖ ﺳﻴﺎﺭﺓ ﻣﻴﻼﺩ ﻗﺪﺍﻡ ﺣﻮﺵ ﺍﺧﺖ ﻧﺠﺎﻩ ...
ﻭﻭﺭﺍﻫﻢ ﺗﻮﻓﻴﻖ ..
ﺍﻧﻔﺘﺢ ﺍﻟﺒﺎﺏ ..
ﻭﻃﻠﻌﻮﺍ ﺭﺍﺟﻞ ﻧﺠﺎﺓ ﻭﻭﻻﻫﺎ ﻳﺴﺘﻘﺒﻠﻮﺍ ﻓﻴﻬﻢ ..
ﻧﺰﻟﻮﺍ ﻓﺎﻃﻤﻪ ﻭﺳﻌﻴﺪﻩ ﻭﻏﺎﻟﻴﻪ ..
ﻃﻮﻝ ﺧﺸﻮﺍ ...
ﻭﺍﻟﺮﺟﺎﻟﻪ ﺑﺮﺍ ﻳﺴﻠﻤﻮﺍ ﻉ ﺑﻌﺾ ..
ﺩﺍﺧﻞ ..
ﺍﺳﺘﻘﺒﻠﻮﺍ ﻧﺠﺎﺓ ﻭﺍﺧﺘﻬﺎ ﺟﻤﻴﻠﻪ ﺍﻟﻨﺴﺎﻭﻳﻦ ﻭﺭﺣﺒﻮﺍ ﺑﻴﻬﻢ ﺍﺣﻼ ﺗﺮﺣﻴﺐ ..
ﻭﺩﺧﻠﻮﻫﻢ ﺩﺍﺧﻞ ﺩﺍﺧﻞ ..
ﻓﻲ ﺩﺍﺭ ﺍﺭﻳﺞ ..
ﺍﻟﻠﻲ ﻛﺎﻧﺖ ﻻﺑﺴﻪ ﻗﻔﻄﺎﻥ ﻓﻴﺮﻭﺯﻱ ﻫﺎﻓﺖ ﻓﻲ ﺍﻷﺑﻴﺾ ﻟﻌﻨﺪ ﺍﻟﺮﻛﺒﻪ .. ﻛﻢ ...
ﻭﻓﺎﺭﺩﻩ ﺷﻌﺮﻫﺎ ﻭﻣﺪﺍﻳﺮﺓ ﻟﻤﺴﺎﺕ ﺑﺴﻴﻄﻪ ﻭﻃﺎﻟﻌﻪ ﻋﺴﻞ ..
ﺍﺭﻳﺞ : ﻣﺘﻮﺗﺮﺓ ﻫﻠﺒﻪ ..
ﺑﻠﻘﻴﺲ ﺑﻀﺤﻜﻪ : ﻣﺶ ﻣﺮﻭﺣﻴﻦ ﺑﻴﻚ ﺭﺍﻫﻮ ..
ﺍﺭﻳﺞ : ﺍﺳﻜﺘﻲ ﻣﺎﺗﺰﻳﺪﻳﺶ ﺗﻮﺗﺮﻳﻨﻲ ...
ﺿﺤﻜﺖ ﺑﻠﻘﻴﺲ ﺑﻌﺪﻳﻦ ﺗﻨﻬﺪﺕ ﻭﻗﺎﻟﺖ : ﺁﺍﺍﺍﺍﻩ ﻳﺎﺭﻳﺘﻨﻲ ﻣﻜﺎﻧﻚ ..
🍁🍁🍁🍁🍁
ﻣﻘﻌﻤﺰﻳﻦ ﻓﻤﺮﺑﻮﻋﺔ ﻋﻴﺖ ﻋﺒﺪﺍﻟﻤﻘﺼﻮﺩ ..
ﻋﻤﺮ : ﻻﺑﺎﺱ ﻋﻠﻴﻪ .. ﺍﻥ ﺷﺎﺀ ﺍﻟﻠﻪ ﻏﺪﻭﺓ ﻧﻌﺪﻭﻟﻪ ..
ﺟﻤﻌﻪ : ﻻﻳﻮﺭﻳﻚ ﺑﺎﺱ ..
ﻭﺍﺣﺪ ﻣﻦ ﺍﻟﺤﺎﺿﺮﻳﻦ : ﻭﺍﻟﻠﻪ ﻣﺤﻤﻮﺩ ﺭﺍﺟﻞ ﺑﺎﻫﻲ ﻭﻣﺎﻳﺪﻳﺮ ﻛﺎﻥ ﻓﻲ ﺍﻟﺨﻴﺮ ﻭﺍﻟﻠﻲ ﺟﺎﻩ ﺍﺟﺮ ..
ﺟﻤﻌﻪ : ﺇﻥ ﺷﺎﺀ ﺍﻟﻠﻪ ..
ﻛﻤﻞ ﺍﻟﺮﺍﺟﻞ ﻳﻘﻮﻝ : ﺍﺣﻤﻢ .. ﺍﻟﺤﻖ ﻋﻴﺖ ﻋﺒﺪﺍﻟﻤﻘﺼﻮﺩ ﺍﻟﻠﻲ ﻳﺠﺎﻭﺭﻛﻢ ﻳﺴﻌﺪ ..
