العشق_المتمرد
الجزء95
#جمان_فريد
🌟
ﻓﺘﺢ ﺑﺎﺏ ﺍﻟﺤﻮﺵ ﻭﺧﺶ ..
ﺻﻜﺮﻩ ..
ﺷﻢ ﺭﻳﺤﺔ ﺍﻟﻮﺷﻖ ..
ﺗﻌﺪﻟﺖ ﻧﻔﺴﻴﺘﻪ ﻃﻮﻝ ...
ﻛﻤﻞ ﺩﺍﺧﻞ ﻭﻫﻮ ﻳﺸﻢ ﻓﻲ ﺍﻟﺮﻳﺤﻪ ﻭﻛﻞ ﻣﺎﻟﻬﺎ ﻧﻔﺴﻴﺘﻪ ﺗﺮﺗﺎﺡ ﺍﻛﺜﺮ ﻭﺍﻛﺜﺮ ...
ﻭﺯﺍﺩﺕ ﺍﺭﺗﺎﺣﺖ ﻟﻤﺎ ﺳﻤﻊ ﺻﻮﺗﻬﺎ ﺗﻐﻨﻲ ..
" ﺑﻮ ﻋﻴﻮﻥ ﺳﻤﺎﺡ ﺍﻧﺎ ﻏﺰﺍﻟﻲ ﺑﻮ ﻋﻴﻮﻥ ﺳﻤﺎﺡ ..
ﺑﻮ ﻋﻴﻮﻥ ﺳﻤﺎﺡ ﺍﻧﻲ ﻏﺰﺍﻟﻲ ﺑﻮﻋﻴﻮﻥ ﺳﻤﺎﺡ ..
ﺑﻮﻋﻴﻮﻥ ﺳﻤﺎﺡ ﻭﻳﻦ ﻳﻄﻞ ﻋﻠﻴﺎ ﻧﺮﺗﺎﺡ "
ﻛﺎﻧﺖ ﻭﺍﻗﻔﻪ ﻻﺑﺴﻪ ﻓﻮﻕ ﻗﻔﻄﺎﻧﻬﺎ ﺍﻻﺯﺭﻕ ﺍﻟﻤﻠﻜﻲ .. ﻣﺮﻗﻪ ﺍﻟﻤﻄﺒﺦ " ﺍﻟﻤﺮﻳﻮﻝ .."
ﻭﻗﺪﺍﻣﻬﺎ ﺻﻮﻧﻴﻪ ﻓﻴﻬﺎ ﺩﺟﺎﺟﻪ ﺍﺗﺒﻞ ﻓﻴﻬﺎ ..
ﻭﻫﻮ ﻳﺘﻔﺮﺝ ﻋﻠﻴﻬﺎ ﺑﻜﻞ ﺣﺐ 💓..
ﻫﻲ ﺍﻟﺘﻔﺘﺖ ﻭﻛﻤﻠﺖ ﻏﻨﻲ ..
ﺑﻮﻋﻴﻮﻥ ﺳﻢ .... ﻫﻬﻬﻬﻬﻬﻬﻬﻬﻪ .. ﺍﻣﺘﻰ ﺟﻴﺖ؟
ﻗﺪﻣﻠﻬﺎ ﻭﻫﻮ ﻣﺒﺘﺴﻢ .. ﻗﺮﺏ ﺑﺎﺱ ﺟﺒﻴﻨﻬﺎ ﻭﻗﺎﻝ : ﺗﻮﺍ ﺗﻮﺍ ..
ﻫﻲ ﺿﺤﻜﺖ ﻭﻗﺎﻟﺖ : ﻣﺎﺣﺴﻴﺘﺶ ﺑﻴﻚ ..
ﺍﺷﺮ ﺑﻌﻴﻮﻥ ﻉ ﺍﻟﺪﺟﺎﺝ ﻭﻗﺎﻝ : ﻣﻨﺴﺠﻤﻪ ..
ﺍﻟﺘﻔﺘﺖ ﻟﻠﺪﺟﺎﺟﻪ ﻭﻗﺎﻟﺖ : ﻋﺎﺭﻑ ﺍﻧﺖ ﻫﺪﺍ ﺷﻐﻔﻲ ..
ﺭﻓﻊ ﺣﺎﺟﺒﻪ ﻭﻗﺎﻝ : ﻭﺍﻧﻲ ..
ﺷﺒﺤﺘﻠﻪ ﻭﻗﺎﻟﺖ : ﺍﻧﺖ ﺍﻟﻜﻞ ﻓﺎﻟﻜﻞ ... ﻟﻴﻚ ﻛﻞ ﺷﻲ ﻭﺍﻧﺖ ﺗﻌﺮﻑ ..
ﻓﺎﺗﺖ ﻣﻦ ﺣﺪﺍﻩ ﺑﺶ ﺑﺘﺠﻴﺐ ﺍﻟﺴﻠﻔﺮ ..
ﺍﺑﺘﺴﻢ ﻭﺗﻠﻔﺖ ﻳﺮﺍﻗﺐ ﻓﻴﻬﺎ ..
ﺻﺢ ﺧﺸﺖ ﺍﻷﺭﺑﻌﻴﻦ .. ﻟﻜﻨﻬﺎ ﻣﺎﺯﺍﻟﺖ ﻫﻲ ﻫﻲ ﺍﻟﻤﺮﺍﺓ ﺍﻟﺠﻤﻴﻠﻪ ﺍﻟﻠﻲ ﻃﻴﺤﺖ ﻗﻠﺒﻪ ﻓﺤﺒﻬﺎ ﻣﻦ ﺍﻭﻝ ﻧﻈﺮﻩ ..
⚡ ﻓﻼﺵ ﺑﺎﻙ ..
ﺳﻨﺔ ..2003
ﻓﻲ ﺟﻨﺎﻥ ﻟﻮﺣﺪﺓ ﻣﻦ ﺍﻟﺤﻴﺎﺵ ﻓﻲ ﻣﻨﻄﻘﺔ ﻓﺸﻠﻮﻡ
: ﺑﻌﺪ ﺗﻮﻓﻰ ﺍﻟﻠﻪ ﻳﺮﺣﻤﻪ ﻣﺎﻗﻌﺪﻟﻬﻢ ﺣﺪ .. ﻭﺍﻧﻲ ﺑﺼﺮﺍﺣﻪ ﻣﺎﻧﻘﺪﺭﺵ ﻧﺴﻜﻦ ﻧﺴﺎﻭﻳﻦ ﺑﺮﻭﺍﺣﻬﻢ ﻓﻲ ﺣﻮﺷﻲ
ﻫﻮ ﻗﻌﺪ ﻳﺸﻮﻑ ﻟﻠﺤﻮﺵ ﺑﻌﺪﻳﻦ ﻗﺎﻝ : ﻟﻮ ﻓﻴﻬﺎ ﻛﻴﻒ ﺍﺗﻨﺎﺩﻳﻠﻲ ﺍﻟﻤﺮﺍﺓ ﻭﻻﺍﻣﻬﺎ ﻧﺘﻔﺎﻫﻢ ﻣﻌﺎﻫﻢ ..
ﺍﻟﺮﺍﺟﻞ : ﺑﺎﻫﻲ ...
ﻣﺸﻲ ﺍﻟﺮﺍﺟﻞ ﺧﺶ ﺩﺍﺧﻞ ..
ﻭﻫﻮ ﻗﻌﺪ ﻭﺍﻗﻒ ﻳﺴﺘﻨﻰ ...
ﻟﺤﻈﺎﺕ ﻭﺍﻧﻔﺘﺢ ﺍﻟﺒﺎﺏ ..
ﻫﻮ ﺗﻠﻔﺖ ...
ﻭﻳﺎﻩ ﻉ ﻫﺎﻟﺘﻠﻔﻴﺘﻪ ﺷﻦ ﺩﺍﺭﺕ ..
ﺻﺢ ﺍﺭﻣﻠﻪ ﻛﻴﻒ ﺭﻣﺖ ﺍﻟﻌﺪﻩ ..
ﺑﺲ ﻣﺎﺯﺍﻝ ﺣﺎﺯﻧﻪ ﻉ ﺭﺍﺟﻠﻬﺎ ﻭﻣﺶ ﺩﺍﻳﺮﻩ ﺷﻲ ﻓﻮﺟﻬﻬﺎ ﻭﻟﺒﺴﻬﺎ ﻏﺎﻣﻖ ..
ﻟﻜﻨﻬﺎ ﻛﺎﻧﺖ ﻏﺰﺍﻟﻪ ﺑﻜﻞ ﻣﻌﻨﻰ ﺍﻟﻜﻠﻤﻪ ..
ﺟﻤﻴﻠﻪ ﺟﺪﺍ .. ﻏﻴﺮ ﺍﻟﻌﻴﻮﻥ ﺍﻟﻜﺒﺎﺭ ﺍﻟﺴﻮﺩ ﺍﻟﻠﻲ ﺭﻣﻮﺷﻬﻢ ﺍﺷﺒﻪ ﺑﺎﻟﻤﻈﻠﻪ ﺳﺎﺩ ..
ﻫﺎﻟﻌﻴﻮﻥ .. ﺭﻣﻮﺍ ﺭﻣﺎﺣﻬﻢ ﻭﺻﺎﺑﻮﺍ ﻣﺒﺎﺷﺮﺓ ﻗﻠﺒﻪ ..
ﻓﻲ ﻟﺤﻈﻪ ﺍﻟﺮﺍﺟﻞ ﻃﺎﺡ ﻓﺤﺒﻬﺎ ﺑﺪﻭﻥ ﺍﻱ ﺗﻔﻜﻴﺮ ﻭﻻ ﺣﺴﺎﺑﺎﺕ ﻣﺴﺒﻘﺔ ﻷﻱ ﺷﻲ ..
ﻏﺰﻻﻥ : ﺗﻔﻀﻞ ﺧﻮﻱ ..
ﺣﻤﻴﺪ ﺑﻠﻊ ﺭﻳﻘﻪ ﻭﻗﺎﻝ : ﺍﺣﻤﻢ .. ﺍﻧﻲ .. ﺷﺒﺢ ﻟﻠﺮﺍﺟﻞ ﻟﻘﺎﻩ ﻳﺸﺒﺤﻠﻪ ﺑﻨﻈﺮﺍﺕ ﺣﺎﺩﻩ ..
ﻫﻮ ﺗﺤﺸﻢ ﺗﻨﺤﻨﺢ ﻭﻗﺎﻝ : ﺍﻧﻲ .. ﺻﺎﺣﺐ ﺍﻟﻤﺮﺣﻮﻡ ﻭﺯﻣﻴﻠﻪ ﻭﺑﻴﻨﻲ ﻭﺑﻴﻨﻪ ﻭﺩ ﻋﻤﺮﻩ ﺳﻨﻴﻦ ﻣﻦ ﺍﻳﺎﻡ ﻛﻨﺎ ﻃﻠﺒﻪ ﻓﻲ ﺍﻟﻜﻠﻴﻪ ﺍﻟﻌﺴﻜﺮﻳﻪ ..
ﻓﺸﻔﺖ ﺍﻥ ﻣﻦ ﺍﻟﻮﺍﺟﺐ ﻧﻄﻤﻦ ﻉ ﺍﻫﻠﻪ ﺑﻌﺪ ﺭﺑﻲ ﺧﺪﻱ ﺍﻣﺎﻧﺘﻪ .. ﺍﻟﻠﻪ ﻳﺮﺣﻤﻪ ﻭﻳﻐﻔﺮﻟﻪ ..
ﻫﻲ ﻋﻴﻮﻧﻬﺎ ﺗﻌﺒﻮﺍ ﺩﻣﻮﻉ ﻭﻗﺎﻟﺖ : ﺍﻟﻠﻪ ﻳﺮﺣﻤﻪ ..
ﻣﺶ ﻗﺎﺩﺭ ﻳﺘﺠﺎﻫﻞ ﻧﺒﻀﺎﺕ ﻗﻠﺒﻪ ﺍﻟﻘﻮﻳﻪ ﻭﻫﻮ ﻳﺴﺮﻗﻠﻬﺎ ﻓﻲ ﺍﻟﻨﻈﺮ ﻓﻮﻕ ﺟﻤﺎﻝ ﺷﻜﻠﻬﺎ ﺣﺘﻰ ﺻﻮﺗﻬﺎ ﻭﻫﻲ ﺗﺘﻜﻠﻢ ﺣﻠﻮ 💓
ﻳﺪﻭﺏ ﺳﺄﻟﻬﺎ ﻛﻢ ﺳﺆﺍﻝ ﺗﺎﻧﻴﻴﻦ ﻉ ﻭﺿﻌﻬﺎ ﻭﻭﺿﻊ ﺍﻣﻬﺎ ..
ﺑﻌﺪﻳﻦ ﺭﻭﺡ ...
ﺭﻭﺡ ﻭﺧﻼ ﻋﻘﻠﻪ ﻭﻗﻠﺒﻪ ﻣﻌﺎﻫﺎ ...
ﺍﻟﺮﺍﺟﻞ ﺍﻟﻠﻲ ﺟﺎﻩ ﺟﺎﻩ ... ﺍﻟﻤﺮﺍﺓ ﺧﺪﺍﺗﻪ ﻣﻦ ﻛﻞ ﺷﻲ ﻣﻦ ﺑﻴﻦ ﻋﻴﻮﻧﻪ ﻣﺶ ﻗﺎﺩﺭ ﻳﺤﻮﻝ ﺻﻮﺭﺗﻬﺎ ..
🍃 ﺣﻴﺎﺗﻪ ﻫﻮ ﻭﻟﻄﻴﻔﻪ ﻣﻊ ﺍﻟﺴﻨﻴﻦ ﻭﻟﺖ ﺣﻴﺎﺓ ﻋﺎﺩﻳﻪ ﺟﺪﺍ ﻟﻄﻴﻔﻪ ﺍﻧﺴﺎﻧﻪ ﻋﻤﻠﻴﻪ ﻭﺗﺤﺐ ﻧﻔﺴﻬﺎ ﻫﻠﺒﻪ .. ﻭﻓﺎﺭﺿﻪ ﻗﻮﺍﻧﻴﻦ ﻓﺤﻴﺎﺗﻬﺎ ﻋﻠﻴﻪ ﻭﻋﻠﻰ ﺍﻟﺼﻐﺎﺭ .. ﺣﻴﺎﺓ ﺗﺸﺒﻪ ﻫﻠﺒﻪ ﺍﻟﻨﻈﺎﻡ ﺍﻟﻠﻲ ﻫﻮ ﻣﺎﺷﻲ ﺑﻴﻪ ﻓﺨﺪﻣﺘﻪ ..
ﺣﺎﻭﻝ ﻳﻬﺪﺭﺯ ﻣﻌﺎﻫﺎ ﻛﺬﺍ ﻣﺮﺓ ﺑﻄﺮﻳﻘﻪ ﻏﻴﺮ ﻣﺒﺎﺷﺮﻩ ﻉ ﻋﻼﻗﺘﻬﻢ ﺑﺒﻌﺾ ﻣﻦ ﺟﻤﻴﻊ ﺍﻟﻨﻮﺍﺣﻲ ﺑﺲ ﻟﻄﻴﻔﻪ ﻛﺎﻧﺖ ﺗﺘﺠﺎﻫﻞ ﺷﺎﻳﻔﻪ ﺍﻥ ﺍﻟﺤﺎﺟﺎﺕ ﻫﺎﺩﻱ ﺧﻼﺹ ﻭﻗﺘﻬﺎ ﺗﻢ ﻭﺍﻥ ﻫﻮ ﻣﻔﺮﻭﺽ ﺑﺲ ﻳﻔﻜﺮ ﻓﻲ ﺻﻐﺎﺭﻫﻢ ﻭﻛﻴﻒ ﻳﺄﻣﻨﻠﻬﻢ ﻣﺴﺘﻘﺒﻠﻬﻢ ﻭﻳﺪﻳﺮﻟﻬﻢ ﻣﺎﻳﺘﻜﻮﺍ ﻋﻠﻴﻪ ﺑﻌﺪﻳﻦ .. ﻭﻛﻞ ﻣﺮﺓ ﺗﻄﻠﻊ ﺑﻤﺸﺮﻭﻉ ﻣﻌﻴﻦ ﻳﻨﻔﺪﻩ ﻭﻳﻨﺠﺢ ﺑﻤﺴﺎﻋﺪﺗﻬﺎ ﻟﻌﻨﺪ ﻣﺎﻓﻌﻼ ﻭﻟﺖ ﻣﺎﺩﻳﺎﺗﻬﻢ ﻣﺮﺗﺎﺣﻪ .. ﺑﺲ ﻣﻊ ﺍﻻﺳﻒ ﺍﻟﺤﻴﺎﻩ ﺍﻟﻤﺎﺩﻳﻪ ﺍﻟﻠﻲ ﺧﺎﻟﻴﻪ ﻣﻦ ﺍﻟﻌﻮﺍﻃﻒ ﻭﻣﺎﻓﻴﻬﺎﺵ ﺭﻭﺡ ﻣﺶ ﻟﻠﺒﺸﺮ .. ﻟﻠﺠﻤﺎﺩ ﺑﺲ ..
ﺑﺮﻏﻢ ﺫﻟﻚ ﺣﻤﻴﺪ ﻭﻻﻣﺮﺓ ﻓﻜﺮ ﻳﺪﻭﺭ ﻉ ﺍﻟﺤﺐ ﻣﻊ ﻏﻴﺮﻫﺎ ﻟﻌﻨﺪ ﻣﺎﻗﺎﺑﻞ ﻏﺰﻻﻥ .. ﺗﺄﻛﺪ ﺍﻥ ﺣﺐ ﻟﻄﻴﻔﻪ ﻟﻴﻪ ﻭﻗﺖ ﻣﻨﺘﻬﻲ .. ﻭﺍﻧﻪ ﻋﻄﺸﺎﻥ ﻓﻌﻼ ﻟﻮﺟﻮﺩ ﺍﻟﺤﺐ ﻓﺤﻴﺎﺗﻪ ..
ﺍﺳﺒﻮﻉ ﺑﺲ ﺑﻌﺪ ﻟﻘﺎﺋﻪ ﺍﻷﻭﻝ ﺑﻴﻬﺎ .. ﻭﻻﻟﻬﺎ ﻃﻮﻝ ...
ﻭﺑﻜﻞ ﺟﺮﺃﺓ ﻭﺷﺠﺎﻋﻪ ﻋﺮﺽ ﻋﻠﻴﻬﺎ ﺍﻟﺰﻭﺍﺝ .. ﻫﻲ ﺍﻧﺼﺪﻣﺖ ﻓﻄﻠﺒﻪ .. ﺑﺲ ﻫﻮ ﻓﻴﺴﻊ ﻣﺎﺍﺩﺭﻙ ﻧﻔﺴﻪ ﻭﺑﺮﺭ ﻃﻠﺒﻪ ﻫﺪﺍ ﺑﺪﺍﻓﻊ ﺍﻧﻪ ﻳﺒﻲ ﻳﺴﺎﻋﺪﻫﻢ ﻭﺍﻧﻪ ﻣﺶ ﺭﺍﺿﻲ ﻳﺘﺒﻬﺪﻟﻮﺍ ﻣﻦ ﺑﻌﺪ ﻭﻓﺎﺓ ﺻﺪﻳﻘﻪ ﺍﻟﻠﻲ ﻫﻲ ﺍﺭﻣﻠﺘﻪ .. ﻗﺎﻟﺘﻠﻪ ﻋﻄﻴﻨﻲ ﻓﺮﺻﺔ ﻧﻔﻜﺮ ..
ﻭﺑﻌﺪ ﺗﻔﻜﻴﺮ ﺩﺍﻡ ﻟﻌﺸﺮﺓ ﺍﻳﺎﻡ .. ﺭﺩﺕ ﺑﺎﻟﻤﻮﺍﻓﻘﻪ ﻣﺎﻓﻴﺶ ﻗﺪﺍﻣﻬﺎ ﻏﻴﺮ ﻫﻜﻲ ﻣﻀﻄﺮﺓ .. ﺣﺘﻰ ﺍﻧﻬﺎ ﻭﺍﻓﻘﺖ ﻳﻜﻮﻥ ﺍﻟﺰﻭﺍﺝ ﻓﺎﻟﺴﺮ ﺍﻟﻤﻬﻢ ﺗﻨﺴﺘﺮ ﻓﻲ ﺣﻮﺵ ﻫﻲ ﻭﺍﻣﻬﺎ ﻷﻥ ﻣﺎﻋﻨﺪﻫﻢ ﺣﺪ ﻭﻻ ﺭﺍﺟﻠﻬﺎ ﻣﺴﻜﻴﻦ ﻛﺎﻥ ﻋﻨﺪﻩ ﺣﺪ ..
ﺗﺰﻭﺟﻬﺎ ﻭﺳﻜﻨﻬﺎ ﻓﻲ ﺣﻮﺵ ﻉ ﺣﺎﻟﻬﺎ ﻫﻲ ﻭﺍﻣﻬﺎ ..
ﻓﻲ ﺍﻷﻭﻝ ﻛﺎﻧﻮﺍ ﺭﺳﻤﻴﻴﻦ ﻣﻊ ﺑﻌﺾ ﻣﺎﻛﺎﻧﺶ ﺍﻟﺰﻭﺍﺝ ﺣﻘﻴﻘﻲ ..
ﻭﺍﻟﻤﺸﻜﻠﻪ ﺍﻥ ﺣﻤﻴﺪ ﻗﺎﻋﺪ ﻳﺘﻌﺬﺏ ﻳﺒﻴﻬﺎ ﻭﻣﻠﻬﻮﻑ ﻉ ﺍﻟﻮﺻﻞ ﻭﻫﻲ ﻣﺶ ﻣﺪﻭﺭﺓ ﺷﻲ ﻧﻬﺎﺋﻲ ..
ﻗﺮﺑﻠﻬﺎ ﺑﻜﻞ ﺍﻟﻄﺮﻕ .. ﺑﺎﻟﻬﺪﺭﺯﺓ ﺑﺎﻷﻓﻌﺎﻝ ﺍﻟﺤﻠﻮﻩ ﺑﺎﻟﺘﺼﺮﻓﺎﺕ ﺍﻟﺠﺬﺍﺑﻪ ﺍﻟﻠﻲ ﺑﺪﺕ ﺗﻠﻔﺖ ﻓﻴﻬﺎ ..
ﻭﺍﻣﻬﺎ ﻛﻞ ﻭﻗﺖ ﺗﺸﻜﺮ ﻓﻴﻪ ﻗﺪﺍﻣﻬﺎ ..
ﺷﻴﺌﺎ ﻓﺸﻴﺌﺎ ﺧﺶ ﻗﻠﺒﻬﺎ .. ﻭﺑﺪﺕ ﺗﺤﺒﻪ .. ﻭﺗﻄﻠﻊ ﻣﻦ ﺣﺎﻟﺔ ﺍﻟﺤﺰﻥ ..
ﻓﻤﺮﺓ ﺟﻲ ﻟﻘﺎﻫﺎ ﻣﺘﺰﻳﻨﻪ ﻭﻻﺑﺴﻪ ﻟﻮﻥ ﻣﺒﻬﺞ ﻭﺣﻠﻮ .. ﺻﺢ ﻟﺒﺴﺔ ﺣﻮﺵ ﻋﺎﺩﻳﻪ .. ﺑﺲ ﻛﺎﻧﺖ ﻣﻐﺮﻳﻪ ﺑﺎﻟﻨﺴﺒﻪ ﻟﻴﻪ ﻟﻴﻦ ﺧﻼﺹ ..
ﺑﺎﻟﺪﺍﺕ ﻭﻳﻦ ﺣﻠﺖ ﺷﻌﺮﻫﺎ ﺍﻷﺳﻮﺩ ﺍﻟﻄﻮﻳﻞ ..
ﻣﻌﺎﺵ ﺗﺤﻤﻞ ﺧﻼﺹ .. ﻃﻮﻝ ﻣﺸﺎﻟﻬﺎ ﺑﺸﻮﻗﻪ ﺍﻟﺠﺎﻣﺢ ﻭﻫﻲ ﻣﺎﻗﺎﻭﻣﺘﺶ ﺑﺘﺎﺗﺎ ... ﻭﺗﺰﻭﺟﻮﺍ ﻓﻌﻠﻴﺎ ..
ﻭﻣﻦ ﻭﻗﺘﻬﺎ ... ﻭﺣﻤﻴﺪ ﻣﺎﻓﻲ ﻓﻘﻠﺒﻪ ﻣﺮﺍﺓ ﻏﻴﺮ ﻏﺰﻻﻥ ..
ﺑﺲ ﻛﺬﻟﻚ ﺣﻮﺷﻪ ﺍﻟﺘﺎﻧﻲ ﻣﺎﻛﺎﻧﺶ ﻳﺒﻲ ﻳﻬﺪﻩ ..
ﻋﺮﻑ ﺑﺬﻛﺎﺀ ﻳﺤﺎﻓﻆ ﻋﻠﻴﻪ ﻭﻳﺨﻔﻲ ﺯﻭﺍﺟﻪ ﻃﻮﻝ ﻫﺎﻟﺴﻨﻴﻦ ﻭﻻﻗﺪﺭ ﺣﺪ ﻳﺤﺲ ﺑﻴﻪ .. ﻭﻏﺰﻻﻥ ﻛﺎﻧﺖ ﺗﺘﻤﻨﻰ ﻟﻮ ﺍﻟﻜﻞ ﻳﻌﺮﻑ ﺑﺲ ﻗﺪﺭﺕ ﻇﺮﻭﻓﻪ ﻷﻧﻬﺎ ﺗﺤﺒﻪ ﻭﺗﺤﺐ ﺍﻟﻌﻴﻠﻪ ﺍﻟﻠﻲ ﺩﺍﺭﺗﻬﺎ ﻣﻌﺎﻩ ﻭﻟﺪﻳﻦ ﻭﺑﻨﻴﻪ ..
ﺑﺘﻘﻮﻟﻮﺍ ﻛﻴﻒ ﺳﺮﻩ ﻣﺎﺃﻧﻜﺸﻔﺶ ﻃﻮﻝ ﻫﺎﻟﺴﻨﻴﻦ ..
ﻧﻘﻮﻟﻠﻜﻢ ﻧﻌﺮﻑ ﻭﺣﺪﻩ ﻣﻘﺮﺑﻪ ﺟﺪﺍ ... ﺭﺍﺟﻠﻬﺎ ﻭﺍﺧﺪ ﻋﻠﻴﻬﺎ 11 ﺳﻨﻪ ﻣﺎﻋﺮﻑ ﺑﻴﻪ ﺣﺪ ..
ﻭﺍﺧﺮﺗﻪ ﺍﻧﻜﺸﻒ ..
ﻭﺣﻤﻴﺪ ﻛﺬﻟﻚ ﺣﻴﻨﻜﺸﻒ ﺍﻛﻴﺪ ... ﺑﺲ ﻛﻴﻒ ﻭﻭﻳﻦ ﻭﺍﻣﺘﻰ ... ﻭﻣﻦ ﺍﻟﻠﻲ ﺣﻴﻜﺸﻔﻪ ؟؟
🍁🍁🍁🍁
ﺍﺭﺗﺨﻮﺍ ﻋﻴﻮﻧﻬﺎ ..
ﻭﻧﻈﺮﺗﻬﺎ ﻭﻟﺖ ﺑﺎﺭﺩﺓ .. ﺭﺩﺕ ﺑﻬﺪﻭﺀ
" ﻭﻟﺪ ﺧﺎﻟﻲ ﺑﺲ .."
ﻫﻮ ﻗﻌﺪ ﻳﺸﻮﻑ ﻟﻌﻴﻮﻧﻬﺎ ﺑﺘﺮﻛﻴﺰ ﺑﻌﺪﻳﻦ ﻗﺎﻝ : ﻋﻨﺪﻙ ﻋﻠﻢ ﻓﺄﺳﺒﻮﻉ ﻋﺮﺱ ﺧﺎﻟﻚ .. ﺩﺭﺗﻠﻪ ﺯﻳﺎﺭﻩ ! ؟
ﻫﻲ ﻛﺎﻧﺖ ﺗﺘﻤﺎﻟﻚ ﻓﻲ ﻧﻔﺴﻬﺎ ﺑﺎﻟﻘﻮﺓ ﻣﺎﺗﺒﻴﺶ ﺧﻮﻓﻬﺎ ﺍﻟﺸﺪﻳﺪ ﻉ ﺭﻣﺰﻱ ﻳﺒﺎﻥ ﻋﻠﻴﻬﺎ .. ﺣﺎﻭﻟﺖ ﺗﻜﻮﻥ ﻋﺎﺩﻳﻪ ﻉ ﻗﺪ ﻣﺎﺗﻘﺪﺭ ..
ﺗﻜﻮﻥ ﺑﻨﺖ ﻋﻤﺘﻪ ﻭﺑﺲ ..
ﺭﺍﻧﻴﺎ : ﻋﻼﺵ؟
ﺯﻳﻦ ﺍﺑﺘﺴﻢ ﻉ ﺟﻨﺐ ﻭﻗﺎﻝ : ﻋﺮﺿﺖ ﻋﻠﻴﻪ ﻋﺮﺽ ﺣﻠﻮ ﻭﻫﻮ ﺣﺎﻟﻴﺎ ﻳﻔﻜﺮ ﻓﻴﻪ ..
ﺭﺍﻧﻴﺎ ﺑﺘﻤﻮﺕ ﻣﻦ ﺧﻮﻓﻬﺎ ﺑﺲ ﻗﺎﻋﺪﻩ ﺑﺈﺗﻘﺎﻥ ﺗﻈﺎﻫﺮ ﺑﺎﻟﻌﻜﺲ ..
ﺭﻓﻊ ﺣﻮﺍﺟﺒﻪ ﻭﻗﺎﻝ : ﻣﺎﺗﺒﻴﺶ ﺗﻌﺮﻓﻲ ﺷﻦ ﻫﻮ؟
ﺭﺍﻧﻴﺎ ﺑﺒﺮﻭﺩ : ﻛﺎﻥ ﺗﺒﻲ ﺗﻘﻮﻝ ﻗﻮﻝ ﻣﺎﺗﺒﻴﺶ ﻣﺶ ﻣﻬﻢ ..
ﺍﺑﺘﺴﻢ ﺑﺘﻬﻜﻢ ﻭﻗﺎﻝ : ﺍﻣﻤﻢ .. ﻋﺮﺿﺖ ﻋﻠﻴﻪ ﻳﻨﻀﻢ ﻟﻠﻜﺘﻴﺒﻪ ﺍﻟﻠﻲ ﺍﻧﻲ ﻓﻴﻬﺎ ﻭﺷﻬﺮﻳﺎ ﻳﺨﻠﺺ ﺑﺎﻟﺪﻭﻻﺭ ﻣﺒﻠﻎ ﻭﻗﺪﺭﻩ .. ﻭﻳﻜﻮﻥ ﻣﻦ ﺍﻟﻤﻘﺮﺑﻴﻦ .. ﻉ ﻗﺪ ﻣﺎﻋﺠﺒﺘﻨﻲ ﺷﺨﺼﻴﺘﻪ ﻭﺑﻜﻞ ﺻﺮﺍﺣﻪ ﻧﻘﻮﻟﻬﺎ ... ﻫﻮ ﻗﺎﻝ ﻧﻔﻜﺮ ﻗﺒﻞ ... ﺑﻤﺎ ﺍﻧﻚ ﺗﻌﺮﻓﻴﻪ ﻛﻮﻳﺲ ﺗﺘﻮﻗﻌﻴﻪ ﻳﻮﺍﻓﻖ ﻭﻻﻳﺮﻓﺾ؟
ﺭﺍﻧﻴﺎ : ﻣﺎﻧﻌﺮﻓﺶ ..
ﻫﻮ ﺑﺮﻓﻌﺔ ﺣﻮﺍﺟﺐ ﻗﺎﻝ : ﻛﻴﻒ ﻭﻟﺪ ﺧﺎﻟﻚ ﻭﻣﺎﺗﻌﺮﻓﻴﺶ ﻛﻴﻒ ﻳﻔﻜﺮ !!
ﺭﺍﻧﻴﺎ : ﻭﻟﺪ ﺧﺎﻟﻲ ﺭﺍﻫﻮ ﻣﺶ ﻭﻟﺪﻱ ﻭﻻﺧﻮﻱ ..
ﺷﺪ ﺫﻗﻨﻪ ﺑﻴﺪﻩ ﻭﻫﻮ ﻣﺘﻜﻲ ﺑﻤﺮﻓﻘﻪ ﻉ ﺍﻟﻤﻜﺘﺐ ﻭﻳﺸﻮﻓﻠﻬﺎ ..
ﻭﻫﻲ ﺗﺸﺒﺤﻠﻪ ﺑﻨﻔﺲ ﺍﻟﻨﻈﺮﻩ ﺍﻟﺒﺎﺭﺩﻩ ..
ﻏﻴﺮ ﻋﻴﻮﻧﻪ ﻟﻠﺼﻮﺭﺓ ...
ﺗﺒﺪﻟﺖ ﻧﻈﺮﻩ ﻋﻴﻨﻬﺎ ﻟﻠﺨﻮﻑ ..
ﻧﺰﻝ ﻳﺪﻩ ..
ﻓﺘﺢ ﺍﻟﻘﺠﺮ ..
ﻭﺧﺪﻱ ﺍﻟﺼﻮﺭﺓ ﻭﺣﻄﻬﺎ ﻓﻴﻪ .. ﺻﻜﺮﻩ ..
ﺑﻌﺪﻳﻦ ﻧﺎﺽ ﻭﻗﻒ ﺧﺪﻱ ﺍﻟﻤﺴﺪﺱ ﺣﻄﻪ ﻓﺨﺼﺮﻩ ﻭﻫﻮ ﻳﺸﻮﻓﻠﻬﺎ .. ﺍﺑﺘﺴﻢ ﻭﻗﺎﻝ : ﺣﻨﺤﺎﻭﻝ ﺟﻬﺪﻱ ﺑﺶ ﻧﻄﻠﻌﻪ ﻭﻧﺨﻠﻴﻪ ﻣﻌﺎﻧﺎ .. ﻭﺍﻫﻮ ﻧﻜﻮﻥ ﺧﺪﻳﺖ ﺧﻄﻮﻩ ﺗﺎﻧﻴﻪ ﺍﺗﺠﺎﻫﻚ ..
ﺷﺒﺢ ﻟﺘﻠﻴﻔﻮﻧﻪ ﻭﻗﺎﻝ .. ﺗﻘﺪﺭﻱ ﺗﻄﻠﻌﻲ ..
ﺷﺒﺤﺘﻠﻪ ﺑﺤﻘﺪ ..
ﺑﻌﺪﻳﻦ ﻟﻔﺖ ﻭﻣﺸﺖ ﻟﻠﺒﺎﺏ ﻓﺘﺤﺎﺗﻪ ﻭﻃﻠﻌﺖ ﻭﺻﻜﺮﺍﺗﻪ ﻭﺭﺍﻫﺎ ..
ﺯﻳﻦ ﺷﺒﺢ ﻟﻠﺒﺎﺏ ﺑﺤﺪﻩ ﻭﻗﺎﻝ : ﺷﻦ ﻓﻴﻪ ﺯﺍﻳﺪ ﺑﺶ ﺗﺤﺒﻪ ﻟﻬﺎﻟﺪﺭﺟﻪ ﺑﺲ !
🌴🌴🌴🌴🌴🌴
ﺳﻜﺮﺕ ﺑﺎﺏ ﺍﻟﺪﺍﺭ ﺑﺎﻟﻤﻔﺘﺎﺡ ..
ﻭﻣﺸﺖ ﻟﻠﺮﻭﺷﻦ ﺻﻜﺮﺍﺗﻪ ..
ﻭﻓﺘﺤﺖ ﺍﻟﺨﻂ ﻉ ﺍﺗﺼﺎﻟﻪ ..
ﻏﺎﻟﻴﻪ : ﺷﻦ ﺗﺒﻲ ﺍﻧﺖ؟
ﻧﺠﻢ ﺍﻟﺪﻳﻦ : ﻭﺍﻟﻠﻪ ! ؟؟ .. ﻉ ﻣﺰﺍﺟﻚ ﻫﻲ .. ﺍﻣﺘﻲ ﺗﺒﻲ ﺗﻜﻠﻤﻴﻨﻲ ﺍﻣﺘﻰ ﺗﺒﻲ ﺗﻔﻮﺗﻴﻨﻲ .. ﻣﺎﻳﻨﻠﻌﺒﺶ ﻋﻠﻴﺎ ﺭﺍﻫﻮ ..
ﻏﺎﻟﻴﻪ ﺑﻌﺼﺒﻴﻪ : ﻣﻦ ﺍﻟﻠﻲ ﻟﻌﺐ ﻋﻠﻴﻚ .. ﻣﻦ ﺍﻟﻠﻲ ﺿﺮﺑﻚ ﻉ ﻳﺪﻙ ﺍﺻﻼ ﻭﻗﺎﻟﻚ ﻛﻠﻤﻨﻲ .. ﻣﻦ ﺍﻟﻠﻲ ﺑﺪﻱ ﻉ ﺍﻟﺘﺎﻧﻲ ﻣﻦ ﺍﻷﺳﺎﺱ .. ﻣﻦ ﺍﻟﻠﻲ ﻛﺮﻩ ﺍﻟﺘﺎﻧﻲ ﻓﺸﺒﺢ ﻋﻤﺮﻩ ﻭﻫﻮ ﻳﺠﺮﻱ ﻭﺭﺍﻩ ﻫﺎﻩ ﻣﻨﻲ ﻗﻮﻝ .. ﺟﺎﻭﺏ ﺗﺮﺍ .. ﺳﻤﻌﻨﻲ ﻛﺎﻥ ﻋﻨﺪﻙ ﺣﺎﺟﻪ ﺗﻘﻮﻟﻬﺎ .. ﺗﻜﻠﻢ ﺗﺮﺍ .. ﺗﻜﻠﻢ ﻫﻲ ..
ﻧﺠﻢ ﺍﻟﺪﻳﻦ : ﻫﻬﻬﻬﻬﻬﻬﻬﻬﻬﻬﻬﻬﻬﻬﻪ ..
ﻏﺎﻟﻴﻪ : ﻭﺗﻀﺤﻚ ﻓﻮﻗﻬﺎ !! ؟ﻭﺑﻌﺪﻳﻦ ﺍﻧﺖ ﺷﻦ ﻋﺮﻓﻚ ﺑﺈﺳﻢ ﺧﻮﻱ ﺍﺩﻭﺭ ﻭﺭﺍﻱ ﻭﻻﻛﻴﻒ؟؟
ﻧﺠﻢ ﺍﻟﺪﻳﻦ ﺑﺮﻓﻌﺔ ﺣﻮﺍﺟﺐ : ﺧﻮﻙ ﻗﺼﺪﻙ؟ !
ﻫﻲ ﺍﻧﺼﻤﺘﺖ .. ﻏﻤﻀﺖ ﻋﻴﻮﻧﻬﺎ ﺑﺄﺳﻒ ﻭﺳﻜﺘﺖ ﻣﺮﺓ ﻭﺣﺪﻩ ..
ﻫﻮ ﺍﺑﺘﺴﻢ ﺑﺮﻓﻌﺔ ﺣﺎﺟﺐ ﻭﻗﺎﻝ : ﺗﻌﺮﻓﻲ ﺍﻥ ﺯﻱ ﻣﺎﺟﺒﺖ ﺭﻗﻤﻚ ﺑﺈﺳﻢ ﻣﻨﻲ ﻣﺴﺠﻞ ﻧﻘﺪﺭ ﻧﺠﻴﺐ ﻋﻴﻠﺘﻚ ﻛﺎﻣﻠﻪ ﻭﺍﺣﺪ ﻭﺍﺣﺪ .. ﻟﻜﻦ ﺍﻧﻲ ﻣﺎﺩﺭﺗﻬﺎﺵ ﻭﻣﺎﻧﺒﻴﺶ ﻧﺪﻳﺮﻫﺎ .. ﻭﻟﻬﺪﺍ ﻣﺎﺗﺨﻠﻨﻴﺶ ﻧﺪﻳﺮﻫﺎ ..
ﻫﻲ ﺧﺎﻓﺖ ﻫﻠﺒﻪ ﻫﻠﺒﻪ ﻣﺶ ﻗﺎﺩﺭﻩ ﺗﺮﺩ ﻭﻻ ﺗﺘﻜﻠﻢ ..
ﻧﺠﻢ ﺍﻟﺪﻳﻦ : ﻣﺎﻧﻴﺶ ﺟﺎﺑﺮﻙ ﻉ ﺷﻲ ﺣﺎﻟﻴﺎ .. ﺑﺲ ﻣﺎﻧﺒﻴﻜﺶ ﺗﻘﻄﻌﻴﻨﻲ ﻭﻳﻦ ﻧﺘﺼﻞ ﺗﺮﺩﻱ .. ﻭﺍﻟﺤﻈﺮ ﺗﺤﻮﻟﻴﻪ ..
ﺑﻠﻌﺖ ﺭﻳﻘﻬﺎ ﻭﻗﺎﻟﺖ : ﺍﺳﻤﻊ .. ﺍﻧﻲ ﻣﻌﺎﺵ ﻧﺒﻲ ﻧﻜﻠﻤﻚ ﻣﻦ ﺍﻻﺧﻴﺮ ﻏﻠﻄﺖ ﻟﻤﺎ ﺗﺠﺎﻭﺑﺖ ﻣﻌﺎﻙ ﻭﺗﻮ ﻧﺒﻲ ﻧﺼﻠﺢ ﻏﻠﻄﺘﻲ .. ﺑﺎﻟﻠﻪ ﻋﻠﻴﻚ ﺑﺎﻟﻠﻪ ﺧﻠﻴﻨﻲ ﻓﺤﺎﻟﻲ ..
ﻧﺠﻢ ﺍﻟﺪﻳﻦ ﺑﻨﺮﻓﺰﺓ : ﺳﺎﻫﻠﻪ ﻋﻨﺪﻙ ﻟﻬﺎﻟﺪﺭﺟﻪ !! ﻋﻨﺪﻱ ﺍﻧﻲ ﻣﺶ ﺳﺎﻫﻠﻪ ﺑﻜﻞ ﺭﺍﻩ .. ﺑﻜﻜﻞ ..
ﻏﺎﻟﻴﻪ ﺑﻬﻤﺲ : ﻳﺎﻏﺒﻴﻨﻲ ﻳﺎﻏﺒﻴﻨﻲ ... ﻋﻠﺖ ﺻﻮﺗﻬﺎ ﻭﻫﻲ ﺗﻘﻮﻝ .. ﺍﺳﻤﻊ ﺍﻧﻲ ﻣﺮﺍﺓ ﻣﺘﺰﻭﺟﻪ ﻭﻋﻨﺪﻱ ﺻﻐﺎﺭ ﻣﻦ ﺍﻷﺧﻴﺮ ..
ﻧﺠﻤﻲ : ﻫﻬﻬﻬﻬﻬﺎﺍﻩ .. ﻛﺬﺍﺑﻪ ﺍﻗﺴﻢ ﺑﺎﻟﻠﻪ ..
ﻏﺎﻟﻴﻪ : ﻣﺎﺗﺤﻠﻔﺶ ..
ﻧﺠﻤﻲ : ﺑﺎﻫﻲ ﺗﺮﺍ ﺍﺣﻠﻔﻲ ﺍﻧﺘﻲ؟
ﻏﺎﻟﻴﻪ ﺷﺪﺕ ﻉ ﻗﺒﻀﺔ ﻳﺪﻫﺎ ﺑﻘﻮﺓ ..
ﺻﻜﺮﺕ ﻉ ﻭﺟﻬﻬﺎ ﻭﻃﻮﻝ ﺣﻄﺖ ﺣﺘﻰ ﺍﻟﺮﻗﻢ ﻫﺪﺍ ﻓﻲ ﺍﻟﺤﻈﺮ ..
ﻏﺎﻟﻴﻪ : ﻋﻄﻴﻨﻲ ﻣﺎﻳﻨﺰﻋﻨﻲ ﻧﺴﺘﺎﻫﻞ ﺍﻧﻲ ﻧﺴﺘﺎﻫﻞ ﺍﻟﻠﻲ ﺧﻔﻔﺖ ﻋﻘﻠﻲ ﻭﻋﻄﻴﺘﻪ ﻣﺠﺎﻝ ..
ﺍﻧﺨﻠﻌﺖ ﻟﻤﺎ ﺭﻥ ﺗﻠﻴﻔﻮﻧﻬﺎ ﺑﻨﻐﻤﺔ ﺭﺳﺎﻟﻪ ..
ﻓﺘﺤﺘﻬﺎ
( ﺗﻤﺎﻡ ﻟﻮ ﺗﺒﻲ ﺗﻌﺮﻓﻴﻨﻲ ﺍﻛﺜﺮ ﻭﺗﻄﻤﻨﻲ .. ﻟﻮ ﻋﻨﺪﻙ ﺣﺴﺎﺏ ﻉ ﺍﻟﻔﻴﺲ ﺧﺸﻲ ﻉ ﺻﻔﺤﺘﻲ ﻧﺠﻢ ﺍﻟﺪﻳﻦ *** ﻭﺣﺘﻠﻘﻲ ﻛﻞ ﺷﻲ ﻋﻨﻲ ﻏﺎﺩﻱ .. ﺣﺘﻰ ﺻﻮﺭﻱ ﺍﻟﺸﺨﺼﻴﻪ ... ﻭﻣﺎﺯﻟﺖ ﻣﺼﺮ ﻋﻠﻴﻚ )
ﻫﻲ ﺗﻘﺮﺍ ﻭﺗﻌﺎﻭﺩ ﻓﻴﻬﺎ ...
ﻏﺎﻟﻴﻪ : ﻻﺍﺍ ﻫﺪﻯ ﻣﺶ ﻃﺒﻴﻌﻲ .. ﻣﺴﻜﻴﻦ ﺷﻜﻠﻪ ﺷﻴﻦ ﻭﻣﺎﻓﻴﻪ ﻣﺎﻳﻨﺸﺒﺢ ﻭﻣﺎﻓﻴﺶ ﻭﺣﺪﻩ ﻣﻌﺒﺮﺍﺗﻪ .. ﻣﺎﺻﺪﻕ ﻋﻨﻜﺶ ﻓﻲ ﻭﺣﺪﻩ ﻭﻫﺎﻟﻮﺣﺪﻩ ﻛﺎﻧﺖ ﺣﻤﺎﺭﺓ ﻭﺗﺠﺎﻭﺑﺖ ﻣﻌﺎﻩ .. ﺍﺍﺍﺥ ﻳﺎﺭﺑﻲ ﺍﺳﺘﺮﻧﻲ ﻳﺎﺭﺑﻲ ﻭﺧﻠﺼﻨﻲ ﻣﻨﻪ ..
ﻃﻖ ﺑﺎﺏ ﺍﻟﺪﺍﺭ ..
ﺍﻧﺨﻠﻌﺖ ..
" ﻏﺎﻟﻴﻪ "!
ﻏﺎﻟﻴﻪ ﺑﺮﺑﻜﻪ : ﻫﻲ ﺷﻮﻳﻪ ﻳﻤﻲ ..
🍁🍁🍁🍁🍁
ﻣﻘﻌﻤﺰ ﻭﺭﺍ ﻃﺎﻭﻟﺔ ﻓﻲ ﻣﺤﻠﻪ ﻳﺮﺍﺟﻲ ﻓﺈﺗﺼﺎﻝ ﻣﻬﻢ ..
ﻭﻫﻮ ﻳﻬﺰ ﻓﺮﺟﻠﻪ ﺑﻐﻀﺐ ..
ﺭﻥ ﺗﻠﻴﻔﻮﻧﻪ .. ﻃﻮﻝ ﺭﺩ ..
ﻋﻤﺎﺩ : ﺷﻦ ﺻﺎﺭ ..
ﻣﻬﻨﺪ : ﺟﺒﺘﻠﻚ ﻋﻨﻬﺎﻛﻞ ﺷﻲ ﻭﺣﺴﺎﺑﻬﺎ ﺻﻜﺮﺗﻪ ﻭﺍﻣﻨﺘﻠﻚ ﺣﺴﺎﺑﻚ ..
ﻋﻤﺎﺩ ﺑﻌﺼﺒﻴﻪ : ﻣﻦ ﻫﻲ ﺑﻨﺖ ﺳﺘﻴﻦ ﻛﻠﺐ ..
ﻣﻬﻨﺪ : ﺗﻮ ﻧﺒﻌﺘﻠﻚ ﻣﻌﻠﻮﻣﺎﺗﻬﺎ ﻛﺎﻣﻠﻪ ﻓﺮﺳﺎﻟﻪ ..
ﻋﻤﺎﺩ : ﺗﻢ .. ﺻﻜﺮ ﻋﻠﻴﻪ ﻭﻗﻌﺪ ﻳﺮﺍﺟﻲ ..
ﺟﺎﺗﻪ ﺭﺳﺎﻟﻪ ...
ﻓﺘﺤﻬﺎ ..
ﺷﺎﻑ ﻋﻨﻬﺎ ﺍﻟﻤﻌﻠﻮﻣﺎﺕ ﻛﺎﻣﻠﻪ .
ﻧﺎﺽ ﻃﻮﻝ ﻣﻦ ﻣﻜﺎﻧﻪ : ﻣﻨﻴﺮ ﺍﻧﻲ ﻃﺎﻟﻊ ﻭﻣﺶ ﻣﻮﻟﻲ ..
ﻣﻨﻴﺮ : ﺗﻢ ..
ﻃﻠﻊ ﺑﺮﺍ ﺍﻟﻤﺤﻞ ..
ﻟﺒﺲ ﻧﻈﺎﺭﺍﺗﻪ ..
ﺗﻮﺟﻪ ﻟﺴﻴﺎﺭﺗﻪ ..
ﻓﺘﺢ ﺍﻟﺒﺎﺏ ﻭﺭﻛﺐ ..
ﺻﻜﺮ ﺍﻟﺒﺎﺏ ﻭﺷﻐﻞ ﺍﻟﺴﻴﺎﺭﺓ ﻭﺗﺤﺮﻙ ﻃﻮﻝ ..
🍁🍁🍁🍁
ﺭﺯﺍﻥ ﺗﺴﻤﻌﻲ ﻓﻴﺎ !!
ﺭﺯﺍﻥ ﻭﻫﻲ ﻣﻄﺮﻭﺣﻪ ﺑﺘﻌﺐ ﻉ ﻛﺮﺳﻲ ﺍﻟﺴﻴﺎﺭﺓ ﺟﻨﺐ ﺧﻮﻫﺎ ﻗﺎﻟﺖ ﺑﺘﻌﺐ : ﺍﻣﻢ ..
ﺗﻮﻓﻴﻖ : ﻻ ﺣﻮﻝ ﻭﻻﻗﻮﺓ ﺍﻻ ﺑﺎﻟﻠﻪ ..
ﺩﺭﺱ ﻗﺪﺍﻡ ﺍﻟﻤﺴﺘﺸﻔﻰ ..
ﻧﺰﻝ ﻃﻮﻝ .. ﻣﺸﻲ ﺟﻴﻬﺘﻬﺎ .. ﻓﺘﺢ ﺍﻟﺒﺎﺏ ﻭﻧﺰﻟﻬﺎ .
ﺻﻜﺮ ﺍﻟﺒﺎﺏ ..
ﻗﻌﺪ ﻳﺪﻳﺪﺵ ﻓﻴﻬﺎ ﻟﻴﻦ ﺩﺧﻠﻬﺎ ﺩﺍﺧﻞ ..
ﻭﻫﻲ ﺗﺬﺭﻑ ﻓﺪﻣﻮﻉ ﺳﺨﺎﻥ ﻳﺤﺮﻗﻮﺍ ﻓﺨﺪﻭﺩﻫﺎ ..
ﻣﻦ ﻧﺎﺭ ﻗﻠﺒﻬﺎ ﻛﺎﻧﺖ ﺗﺘﻌﺬﺏ ..
ﻣﺎﻓﻴﺶ ﻓﺎﻳﺪﻩ ﻉ ﻗﺪ ﻣﺎﺗﺤﺎﻭﻝ ﺗﻼﻗﻴﻠﻪ ﺍﻋﺬﺍﺭ ﺑﺶ ﺗﺼﺪﻗﻪ .
ﺑﺲ ﺍﻟﻠﻲ ﺷﺎﻓﺎﺗﻪ ﻣﻦ ﺻﻮﺭ ﻫﻮ ﺍﺻﻼ ﻣﺶ ﻧﺎﺷﺮﻫﻢ ﻉ ﺍﻟﻔﻴﺲ ﺑﺶ ﻳﺎﺧﺪﻭﻫﻢ .. ﻭﻣﻜﺘﻮﺏ ﻓﻮﻗﻬﻢ ﻛﻼﻡ ﺣﺐ ﻭﻛﺈﻥ ﺍﻟﻠﻲ ﻛﺎﺗﺒﺘﻬﻢ ﺑﻴﻨﻬﺎ ﻭﺑﻴﻨﻪ ﻋﻼﻗﺔ ﺣﺐ ﻗﻮﻳﻪ ﻣﻦ ﺳﻨﻴﻦ ..
ﺣﺴﺖ ﻧﻔﺴﻬﺎ ﻏﺒﻴﻪ ﻭﻫﺒﻠﻪ ..
ﻭﺯﻳﺎﺩﻩ ﻋﻦ ﻫﻜﻲ ﺗﺨﻴﻠﺖ ﻟﻮ ﺑﻌﺪ ﺗﺘﺰﻭﺟﻪ ﻳﺪﻳﺮ ﻓﻴﻬﺎ ﻧﻔﺲ ﺍﻟﺸﻲ ..
ﻷﻥ ﻓﻬﻠﺒﻪ ﺩﺍﺭﻭ ﻫﻜﻲ ﻓﻌﻼ ... ﻭﺍﻛﻴﺪ ﻫﻲ ﺳﺎﻣﻌﻪ ﻋﻨﻬﻢ ..
🍁 ﻃﻠﻊ ﻋﻨﺪﻫﺎ ﻫﺒﻮﻁ ...
ﻗﻌﺪﺕ ﺣﻮﺍﻟﻲ ﺳﺎﻋﺘﻴﻦ ﻓﻲ ﺍﻟﻤﺴﺘﺸﻔﻰ ﺩﺍﺭﻭﻟﻬﺎ ﺍﻟﻼﺯﻡ ﻭﺑﻌﺪﻳﻦ ﺭﻭﺡ ﺑﻴﻬﺎ ﺧﻮﻫﺎ ..
🍁 ﻓﺘﺤﺖ ﺑﺎﺏ ﺍﻟﺪﺍﺭ ..
ﺍﻣﻬﺎ ﻭﻫﻲ ﻣﺴﻨﺪﺗﻬﺎ : ﺑﺎﻟﺸﻮﻱ ﻣﺎﻣﺎ ﺑﺎﻟﺸﻮﻱ ..
ﻫﻲ ﺗﻌﺎﻟﻲ ﻣﺎﻣﺎ ﻫﻲ ..
ﺣﻄﺘﻬﺎ ﻉ ﺍﻟﺴﺮﻳﺮ .. ﻭﺳﺎﻋﺪﺗﻬﺎ ﺑﺶ ﺗﺮﻗﺪ ..
ﺷﺪﺕ ﺭﺯﺍﻥ ﻓﻲ ﺍﻣﻬﺎ ..
ﺳﻌﻴﺪﻩ ﻗﻌﻤﺰﺕ ﻭﺣﻀﻨﺘﻬﺎ : ﺧﻴﺮﻙ ﻳﺎﻣﺎﻣﺎ ﺷﻦ ﺟﺎﻙ ..
ﺭﺯﺍﻥ ﺷﺪﺕ ﺍﻛﺜﺮ ﻓﺄﻣﻬﺎ ﻭﻗﻌﺪﺕ ﺗﺒﻜﻲ ..
ﺳﻌﻴﺪﻩ ﺯﺍﺩﺕ ﺣﻀﻨﺘﻬﺎ : ﻫﺪﻱ ﻧﻔﺲ ﻭﺍﻟﻠﻪ ﻧﻔﺲ ﻣﻦ ﻋﺮﺱ ﺧﺎﻟﺘﻚ ﻭﺍﻧﻲ ﺣﺎﻃﻪ ﻳﺪﻱ ﻉ ﻗﻠﺒﻲ .. ﻏﻴﺮ ﻳﺮﻭﺡ ﺳﻴﺪﻙ ﻧﻘﻮﻟﻪ ﻳﻘﺮﺍ ﻋﻠﻴﻚ ..
ﺭﺯﺍﻥ " ﻳﺎﺭﻳﺘﻬﺎ ﻧﻔﺲ ﻳﺎﻣﺎﻣﺎ ﻳﺎﺭﻳﺘﻬﺎ ﻋﻴﻦ "
🍁🍁🍁🍁🍁
ﺭﻭﺡ ﻟﻠﺤﻮﺵ ..
ﺯﻱ ﻣﺎﻣﺘﻌﻮﺩ ﻳﺮﻭﺡ ﻳﺘﻐﺪﺍ ﺑﻌﺪﻳﻦ ﻳﻮﻟﻲ ﻟﻠﻘﻬﻮﺓ ..
ﻟﻤﺎ ﺧﺶ ..
ﻭﻛﻌﺎﺩﺗﻪ ..
ﻫﺎﻧﻴﺒﺎﻝ : ﺑﻨﺖ ﻋﺒﻮﺩﻩ ..
" ﻓﻲ ﺍﻟﻜﻮﺟﻴﻨﻪ .."
ﺍﺑﺘﺴﻢ ﻭﻣﺸﻲ ﻟﻠﻜﻮﺟﻴﻨﻪ ﻃﻮﻝ ..
ﻭﻗﻒ ﻓﻲ ﺍﻟﺒﺎﺏ ﻭﻗﺎﻝ : ﺷﻦ ﺟﻮ ..
ﻣﺮﺍﻡ ﻭﻫﻲ ﺗﺴﻘﻲ : ﺗﻤﺎﻡ .. ﻗﻮﻟﻲ ﺟﻌﺎﻥ ﻭﺍﺟﺪ؟
ﻫﺎﻧﻴﺒﺎﻝ : ﻻﻣﺘﻮﺳﻂ ﻣﺎﺗﻜﺜﺮﻳﺶ ..
ﻣﺮﺍﻡ : ﺣﺎﺿﺮ ..
ﺗﻨﻬﺪ ... ﺑﻌﺪﻳﻦ ﻣﺸﻲ ﻟﻠﺤﻤﺎﻡ .. ﻏﺴﻞ ﺍﻳﺪﻳﻪ ﻭﻭﺟﻬﻪ ..
ﻭﻧﺸﻒ ﻭﻃﻠﻊ .. ﻗﻌﻤﺰ ﻉ ﺍﻟﻜﺮﺳﻲ ..
ﺷﻮﻳﻪ ﻭﺟﺎﺗﻪ ﺑﺼﻔﺮﺓ ﺍﻟﻐﺪﻱ ..
ﻣﻜﺮﻭﻧﻪ ﻣﺒﻮﺧﻪ ﻭﺳﻼﻃﻪ ﻭﺯﻳﺘﻮﻥ ..
ﻗﻌﻤﺰﺕ ﻣﻌﺎﻩ ﺗﻐﺪﻭﺍ ﻋﺎﺩﻱ ﺟﺪﺍ ..
ﻳﻬﺪﺭﺯ ﻋﻠﻴﻬﺎ ﻭﺗﺴﺎﻳﺮ ﻭﻛﺄﻧﻪ ﻣﺎﻓﻲ ﺷﻲ ..
ﺑﻌﺪ ﺗﻤﻮﺍ ..
ﻧﺎﺿﺖ ﺭﻓﻌﺖ ﺍﻟﺼﻔﺮﺓ ..
ﻭﻫﻮ ﺧﺶ ﻟﻠﺪﺍﺭ ﺑﻴﺘﻜﺎ ﺷﻮﻳﻪ ..
ﻏﺴﻠﺖ ﺍﻟﻤﺎﻋﻴﻦ ﻭﻛﻤﻠﺖ ﺿﻤﺎﻥ ﺍﻟﻜﻮﺟﻴﻨﻪ ..
ﻃﻠﻌﺖ ﻣﻨﻬﺎ .. ﻭﻃﻮﻝ ﻟﺪﺍﺭ ﺍﻟﻨﻮﻡ ..
ﻟﻘﺎﺗﻪ ﻣﻘﻌﻤﺰ ﻉ ﺍﻟﺴﺮﻳﺮ ﻳﺘﻔﺮﺝ ﻉ ﺍﻷﺧﺒﺎﺭ ..
ﺧﺪﺕ ﻧﻔﺲ ...
ﻫﻮ ﺷﺒﺤﻠﻬﺎ .. ﻗﻌﺪ ﻣﻌﺎﻫﺎ ﺑﻌﻴﻮﻧﻪ ...
ﻭﻫﻲ ﺗﻔﺘﺢ ﻓﻲ ﺍﻟﻘﺠﺮ ..
ﻃﻠﻌﺖ ﺍﻟﺼﻮﺭﺓ ...
ﺻﻜﺮﺕ ﺍﻟﻘﺠﺮ ..
ﺷﺒﺤﺘﻠﻪ ..
ﻭﻫﻮ ﻳﺸﻮﻓﻠﻬﺎ ..
ﻣﺪﺗﻬﺎﻟﻪ ..
ﻫﻮ ﻟﻤﺎ ﺷﺎﻓﻬﺎ ﺿﻴﻖ ﻋﻴﻮﻧﻪ .. ﻭﻗﻌﺪ ﺳﺎﻛﺖ ..
ﻟﻔﺘﻬﺎ ..
ﺿﻴﻖ ﻋﻴﻮﻧﻪ ﺍﻛﺜﺮ ... ﺑﻌﺪﻳﻦ ﺗﻮﺳﻌﻮﺍ ﻭﺣﻮﺍﺟﺒﻪ ﺍﺭﺗﻔﻌﻮﺍ ..
ﻗﺎﻣﻬﻢ ﻓﻴﻬﺎ ..
ﻣﺮﺍﻡ ﺣﻄﺖ ﺍﻟﺼﻮﺭﺓ ﻉ ﺍﻟﺴﺮﻳﺮ ..
ﻭﺧﺮﺕ ﺷﻌﺮﻫﺎ ﻟﻠﺨﻠﻒ ﺑﺈﻳﺪﻳﻬﺎ ..
ﺑﻌﺪﻳﻦ ﺿﻤﺘﻬﻢ ﻟﺒﻌﺾ .. ﻣﺤﺎﻭﻻﺕ ﻣﻨﻬﺎ ﻟﺘﻤﺎﻟﻚ ﻧﻔﺴﻬﺎ ..
ﻧﺰﻟﺖ ﻋﻴﻮﻧﻬﺎ ﻭﻗﺎﻟﺖ : ﻣﺎﻧﺒﻲ ﻧﺤﺎﺳﺒﻚ ﻉ ﺷﻲ .. ﻭﻻ ﻧﺘﻜﻠﻢ ﻓﺨﺼﻮﺻﻴﺎﺗﻚ .. ﻛﻮﻥ ﻫﺎﻟﺼﻮﺭﺓ ﻗﺎﻋﺪﻩ ﻋﻨﺪﻙ ﻭﺻﻮﺭﺓ ﻏﻴﺮﻫﺎ ﻟﻠﺼﻮﺭﺍﺗﻚ ﻣﺰﺍﻟﺖ ﻣﻮﺟﻮﺩﻩ ﻓﻲ ﺣﺎﺟﺎﺕ ﺍﻟﻘﺪﻳﻤﻪ .. ﺑﻜﻞ ﺻﺮﺍﺣﻪ .. ﺷﺒﺤﺘﻠﻪ .. ﻣﺎﻧﺒﻴﺶ ﻧﺘﻨﺎﻗﺶ ﻣﻌﺎﻙ ﻓﻲ ﺍﻟﺸﻲ ﻫﺪﻯ .. ﺑﺲ ﻧﺒﻲ ﻣﻨﻚ ﻃﻠﺐ .. ﺫﻛﺮﻳﺎﺗﻚ ﺍﺣﺘﻔﻆ ﺑﻴﻬﻦ ﻓﻌﻘﻠﻚ .. ﺍﻭ ﺑﻌﻴﺪ ﻋﻦ ﺍﻱ ﻣﻜﺎﻥ ﺍﻧﻲ ﻧﻜﻮﻥ ﻣﻮﺟﻮﺩﻩ ﻓﻴﻪ .. ﻟﺴﺒﺐ ﻭﺍﺣﺪ .. ﺍﺣﺘﺮﺍﻣﺎ ﻟﻜﺮﺍﻣﺘﻲ ﻻﺍﻛﺜﺮ ﻭﻻﺃﻗﻞ .. ﺷﻲ ﺗﺎﻧﻲ ﻣﺎﻟﻴﺶ ﺍﻱ ﺩﺧﻞ ﺑﻘﻠﺒﻚ ﻭﻣﺸﺎﻋﺮﻙ ﺍﻧﺖ ﺣﺮ ﻓﻴﻬﻦ ..
ﻛﺎﻥ ﻳﺴﻤﻊ ﻓﻴﻬﺎ ﻭﻳﺸﻮﻓﻠﻬﺎ ﻛﻴﻒ ﺗﺘﻜﻠﻢ .... ﻭﺟﻲ ﻓﺒﺎﻟﻪ ﻣﻘﻄﻊ ﻣﻦ ﻣﺬﻛﺮﺍﺗﻬﺎ ..
( ﺍﻗﺴﻢ ﻭﺍﻧﺎ ﻭﺍﺛﻘﻪ ﺑﺄﻧﻪ ﻻﻳﻤﻜﻦ ﻟﻘﻠﺐ ﺍﻥ ﻳﻌﺸﻖ ﻫﺎﻧﻴﺒﺎﻝ ﺍﻛﺜﺮ ﻣﻦ ﻗﻠﺒﻲ .. ﻭﺍﻧﺎ ﻛﻠﻲ ﺇﻳﻤﺎﻥ ﺑﺄﻧﻨﻲ ﺳﺄﺟﻌﻠﻪ ﻳﺤﺒﻨﻲ ﻳﻮﻣﺎ ﻣﺎ )
ﺷﺒﺢ ﻟﻠﺘﻠﻔﺰﻳﻮﻥ ..
ﺧﺪﻱ ﻧﻔﺲ ﻭﻧﺎﺽ ..
ﻣﺸﺎﻟﻪ .. ﺻﻜﺮﻩ ..
ﺑﻌﺪﻳﻦ ﺗﻠﻔﺘﻠﻬﺎ .. ﻗﻌﺪ ﻳﻤﺸﻲ .. ﻣﺘﻮﺟﻪ ﻟﻴﻬﺎ ..
ﻭﻗﻒ ﻗﺪﺍﻣﻬﺎ ﻭﻗﺎﻝ : ﻗﻠﺒﻲ ﻭﻣﺸﺎﻋﺮﻱ ﻭﺍﻧﻲ ﺣﺮ ﻓﻴﻬﻦ ! ؟
ﻣﺮﺍﻡ : ﺍﻛﻴﺪ ..
ﻫﺎﻧﻴﺒﺎﻝ : ﻳﻌﻨﻲ ﺍﻧﻲ ﻋﺎﺩﻱ ﻋﻨﺪﻙ ﺯﺍﻳﺪ ﻧﺎﻗﺺ ..
ﻗﻠﺒﻬﺎ ﺍﻧﻌﺼﺮ ﻋﺼﺮ ..
ﻗﻌﺪﺕ ﺗﺸﻮﻑ ﻟﻌﻴﻮﻧﻪ ﺑﻨﻔﺲ ﺍﻟﻨﻈﺮﻩ ﺍﻟﻌﺎﺩﻳﻪ ... ﺍﻟﻠﻲ ﺗﺨﻔﻲ ﻫﻠﺒﻪ ﺣﺎﺟﺎﺕ ﻭﺭﺍﻫﺎ ..
ﻗﺮﺏ ﺍﻛﺜﺮ ﻭﻗﺎﻝ : ﻫﻮ ﺳﺆﺍﻝ .. ﻛﻮﻧﻲ ﺷﺠﺎﻋﻪ ﻭﺟﺎﻭﺑﻲ ﻋﻠﻴﻪ ﺑﻜﻠﻤﻪ ﻭﺣﺪﻩ ﺑﺲ ..
ﻫﻲ ﺑﺪﺕ ﺍﻧﻔﺎﺳﻬﺎ ﺗﻌﻼ ﻭﺗﻬﺒﻂ .. ﻭﻫﻮ ﺭﻛﺰ ﻋﻠﻴﻬﺎ ..
ﻟﻒ ﺍﻳﺪﻳﻪ ﻋﻠﻴﻬﺎ .. ﻭﻗﺮﺑﻬﺎ ﻟﻴﻪ ﺍﻛﺜﺮ ... ﻭﺣﻂ ﺟﺒﻬﺘﻪ ﻉ ﺟﺒﻬﺘﻬﺎ ﻭﻫﻮ ﻳﻘﻮﻝ : ﺧﻠﻴﻚ ﻗﻮﻳﻪ ﻭﺷﺠﺎﻋﻪ ﻛﻴﻒ ﻣﺎﻋﺮﻓﺘﻚ ﻭﺟﺎﻭﺑﻲ ﺑﺼﺪﻕ ..
ﻫﻲ ﺣﺎﻃﻪ ﺍﻳﺪﻳﻬﺎ ﻉ ﺻﺪﺭﻩ ﻭﺣﺎﺳﻪ ﺭﻭﺣﻬﺎ ﺑﺪﻭﺥ ..
ﻗﺮﺏ ﻟﻮﺩﻧﻬﺎ ﻭﺧﺪﻩ ﻣﻼﻣﺲ ﺧﺪﻫﺎ ... ﻗﺎﻝ ﺑﺼﻮﺕ ﻫﺎﺩﻱ :
" ﺗﺤﺒﻴﻨﻲ "
ﻫﻲ ﻣﺎﻗﺪﺭﺗﺶ ﺗﻤﻨﻊ ﻧﻔﺴﻬﺎ ﻣﻦ ﺍﻧﻬﺎ ﺍﻃﻠﻊ ﺗﻨﻬﻴﺪﻩ ﻣﻦ ﺍﻋﻤﺎﻕ ﻗﻠﺒﻬﺎ 💓
ﻫﻮ : ﺍﻣﻤﻢ .. ﻗﻮﻟﻲ .. ﺗﺤﺒﻴﻨﻲ ..
ﻫﻲ ﺯﺍﺩﺕ ﺍﻧﻔﺎﺳﻬﺎ ﺗﺴﺎﺭﻋﺖ ﺍﻛﺜﺮ ﻭﺍﻛﺜﺮ ..
ﻭﻻ ﻗﺪﺭﺕ ﺗﺘﻜﻠﻢ ﺑﺤﺮﻑ ..
ﻭﺧﺮ ﺷﻮﻱ ﻭﺧﻼ ﺍﻧﻔﻪ ﻳﻼﻣﺲ ﺍﻧﻔﻪ ﻭﻫﻮ ﻳﺸﻮﻑ ﻟﻤﻜﺎﻥ ﻭﺍﺣﺪ ﻓﻮﺟﻬﻬﺎ ... ﻭﻗﺎﻝ ﺑﺼﻮﺕ ﻫﺎﺩﻱ ﺟﺪﺍ : ﺗﺤﺒﻴﻨﻲ ..
ﻫﻲ ﻣﻌﺎﺵ ﻗﺪﺭﺕ ﺗﺘﺤﻜﻢ ﻓﺸﻌﻮﺭﻫﺎ ...
ﺣﺎﻭﻃﺖ ﺭﻗﺒﺘﻪ ﺑﺈﻳﺪﻳﻬﺎ ﻭﺑﺎﺳﺎﺗﻪ ﺑﻌﻤﻖ ..
ﺑﻌﺸﻖ ...
ﺑﺸﻐﻒ ...
ﺑﺸﻮﻕ ..
ﻭﺏ ﻭﻟﻪ ..
ﻫﻮ ﺍﺑﺘﺴﻢ ﻭﻫﻮ ﻳﺒﺎﺩﻝ ﻓﻴﻬﺎ .. ﻭﻣﺸﺎﻋﺮﻩ ﻫﺎﺟﺖ ﻣﻊ ﻣﺸﺎﻋﺮﻫﺎ ﺑﻘﻮﺓ 💓💓💓💓..
🍁🍁🍁🍁🍁
ﻣﻘﻌﻤﺰﻳﻦ ﺣﺪﺍ ﺍﻟﻜﺎﻓﺘﻴﺮﻳﺎ ..
ﺭﺍﻧﻴﺎ ﺑﺒﻜﻲ : ﺷﻦ ﻳﺒﻲ ﻣﻨﻪ ﺷﻦ ﺑﻴﺪﺭﻳﻠﻪ ﻳﺎﺭﺑﻲ ..
ﺩﻻﻝ ﻭﻫﻲ ﺷﺎﺩﻩ ﺍﻳﺪﻳﻬﺎ : ﺍﻫﺪﻱ ﺭﺍﻧﻴﺎ ﺣﺒﻴﺒﺘﻲ .. ﻣﺎﻋﻨﺪﻩ ﻣﺎﻳﺪﻳﺮﻟﻪ ﻧﺎﺳﻴﻪ ﺍﻧﺘﻲ ﻋﻤﺎﺩ ﻭﻣﻌﺎﺭﻓﻪ !! ﻫﺎﻟﻤﺘﻐﻄﺮﺱ ﻫﺪﺍ ﻣﺎﻳﻘﺪﺭ ﻳﻮﺻﻞ ﻓﻴﻪ ﺑﺸﻲ .. ﺑﻠﻌﺎﻧﻲ ﻫﻮ ﻳﺨﻮﻑ ﻓﻴﻚ ﻻﺃﻛﺜﺮ ..
ﻓﻲ ﺍﻟﻮﻗﺖ ﻧﻔﺴﻪ ..
ﻧﺰﻝ ﻣﻦ ﺳﻴﺎﺭﺗﻪ ﺑﻌﺪ ﺩﺭﺳﻬﺎ ..
ﺷﺎﻓﻬﺎ ..
ﻣﺸﺎﻟﻬﺎ ﻃﻮﻝ ...
ﻭﻗﻒ ﻗﺪﺍﻣﻬﺎ ﻭﻗﺎﻝ ..
" ﺭﺍﻧﻴﺎ !! ﺧﻴﺮﻙ .."
ﻗﺎﻣﻮﺍ ﻋﻴﻮﻧﻬﻢ ﻓﻴﻪ ..
ﻫﻨﻲ ﺭﺍﻧﻴﺎ ﺍﻧﻔﺠﺮﺕ ﻣﺮﺓ ﻭﺣﺪﻩ ..
ﺭﺍﻧﻴﺎ ﺑﻌﺼﺒﻴﻪ : ﺷﻦ ﺗﺒﻲ ﻓﺄﻣﻲ ﺍﻧﺖ ﺗﺎﻧﻲ .. ﺷﻦ ﺗﺒﻮﺍ ﻓﻴﺎﺍﺍ .. ﺳﻴﺒﻮﻧﻲ ﻓﺤﺎﻟﻲ ﻳﺎﻛﻼﺏ ﻳﺎﺣﻴﻮﺍﻧﺎﺕ ..
ﻧﺎﺿﺖ ﻭﻣﺸﺖ ﻃﻮﻝ ﻭﺩﻻﻝ ﻭﺭﺍﻫﺎ ..
ﺍﺳﺎﻣﻪ : ﻟﻬﺎﻟﺪﺭﺟﻪ ﻣﺶ ﻃﺎﻳﻘﻪ ﺗﺸﻮﻑ ﻭﺟﻬﻲ ! ؟؟ﻛﻞ ﻣﻦ ﺍﻣﻲ ﺭﺑﻲ ﻳﻬﺪﻳﻬﺎ ..
ﻟﻒ ﻭﻣﺸﻲ ﻭﻫﻮ ﻣﺘﻜﻨﻄﻲ ﻭﻭﻻ ﻟﺴﻴﺎﺭﺗﻪ .. ﺭﻛﺒﻬﺎ ﻭﺗﺤﺮﻙ ...
ﻓﻲ ﺍﻟﻮﻗﺖ ﺍﻟﻠﻲ ﻛﺎﻥ ﻓﻴﻪ ﺍﻟﻘﻨﺎﺹ ﻭﺍﻗﻒ ﻳﺮﺍﻗﺐ ﻓﻲ ﺭﺍﻧﻴﺎ ﻣﻦ ﺑﻌﻴﺪ ..
ﺯﻳﻦ : ﻭﻣﻦ ﻫﺪﺍ ﺍﻟﺘﺎﻧﻲ ﺇﻥ ﺷﺎﺀ ﺍﻟﻠﻪ !
🌴🌴🌴🌴🌴🌴
ﺭﺍﻗﺪﻩ ﻉ ﺍﻟﺴﺮﻳﺮ ..
ﺗﺸﻮﻑ ﻓﻮﻕ ..
ﺗﺸﻮﻑ ﻟﻌﻴﻮﻧﻪ ﺍﻟﻠﻲ ﻛﺎﻧﻮﺍ ﻣﺮﻛﺰﻳﻦ ﻉ ﻋﻴﻮﻧﻬﺎ ..
ﻳﺪﻩ ﺍﻟﻠﻲ ﻛﺎﻧﺖ ﺗﺘﺤﺴﺲ ﻓﻲ ﺧﺪﻫﺎ ﺑﻠﻄﻒ ..
ﻭﺗﺴﻤﻊ ﻓﻜﻼﻣﻪ ..
ﻫﺎﻧﻴﺒﺎﻝ : ﻭﻫﺪﻯ ﺍﻟﻠﻲ ﺻﺎﺭ ﺑﺎﻟﺤﺮﻑ .. ﻣﺎﺯﺩﺕ ﻛﺎﻥ ﺍﻟﻨﻔﺲ .. ﻭﻭﺍﻟﻠﻪ ﺍﻟﻜﻼﻡ ﺍﻟﻤﻜﺘﻮﺏ ﻓﻴﻬﺎ ﻣﺎﻧﻌﻠﻢ ﺑﻴﻪ .. ﻫﻮ ﺍﺻﻼ ﺍﻟﻈﺮﻑ ﻣﺎﻓﺘﺤﺘﻪ ﻛﺎﻥ ﻣﺮﺓ ﻭﺣﺪﻩ .. ﻳﺪﻭﺏ ﺷﻔﺖ ﺍﻟﺼﻮﺭﺓ .. ﺍﻣﺎ ﺑﺎﻟﻨﺴﺒﻪ ﻟﺼﻮﺭﺗﻬﺎ ﻧﺎﺳﻴﻬﺎ ﺑﻜﻞ ﻛﺎﻥ ﻫﺪﻯ ﺭﺍﻧﻲ ﺭﺩﻳﺘﻬﺎ ﻣﻦ ﻭﻗﺖ ..
ﻫﻲ ﺗﺸﻮﻓﻠﻪ ﻭﺑﺲ ﻣﺎﺗﺒﻴﺶ ﺗﺘﻜﻠﻢ ..
ﻫﻮ ﻗﺮﺏ ﺑﺎﺳﻬﺎ ﺑﻌﺪﻳﻦ ﺑﻌﺪ ﻭﻗﺎﻝ .. ﻣﺶ ﻣﻬﻢ ﺍﻟﻤﺎﺿﻲ .. ﺑﺎﻟﻨﺴﺒﻪ ﻟﻴﺎ ﻗﻌﺪ ﻣﺠﺮﺩ ﺫﻛﺮﻳﺎﺕ .. ﻛﻴﻒ ﺫﻛﺮﻳﺎﺕ ﻭﺍﺟﺪﻩ ﻓﺤﻴﺎﺗﻲ .. ﺍﻟﻤﻬﻢ ﻋﻨﺪﻱ ﻫﻮ ﺍﻟﺤﺎﺿﺮ .. ﻭﺍﻧﻲ ﺣﺎﺿﺮﻱ
ﻭﻣﺴﺘﻘﺒﻠﻲ ﺍﻧﺘﻲ .. ﻧﻘﻮﻟﻚ ... ﺭﺍﻧﻲ ﻃﻮﻝ ﻭﻗﺘﻲ ﻣﺸﻐﻮﻝ ﺑﻴﻚ ﻭﻋﻘﻠﻲ ﻣﻌﺎﻙ .. ﺗﻘﻮﻝ ﻓﺤﻴﺎﺗﻲ ﻓﻌﻤﺮﻱ ﻣﺎﺃﻧﺸﻐﻠﺖ ﺑﻐﻴﺮﻙ .. ﻣﻌﺎﻙ ﺍﻧﺘﻲ ﺣﺴﻴﺖ ﺑﺤﺎﺟﺎﺕ ﻭﺍﺟﺪﻩ ﺣﻠﻮﺓ ﺑﺎﻟﻤﺮﺓ .. ﻋﻤﺮﻱ ﻣﺎﺣﺴﻴﺖ ﺑﻴﻬﺎ ..
ﺣﻂ ﺻﺒﻌﻪ ﻉ ﺭﺍﺳﻬﺎ ﻭﻫﻮ ﻳﻘﻮﻝ : ﺣﻄﻴﻬﺎ ﻓﻌﻘﻠﻚ .. ﺍﻧﺘﻲ ﻣﺎﺗﺸﺒﻬﻲ ﻟﺤﺪ ﺑﺎﻟﻨﺴﺒﻪ ﻟﻴﺎ ﻭﻻ ﻧﺤﻄﻚ ﻣﻘﺎﺭﻧﻪ ﻣﻊ ﺣﺪ ﺍﻧﺘﻲ ﺑﺮﻭﺣﻚ .. ﺑﺮﻭﺣﻚ ... ﻳﺎﺑﻨﺖ ﻋﺒﻮﺩﺓ ..
ﺍﺑﺘﺴﻤﺖ ﺑﻌﺸﻖ .. ﻭﻗﻠﺒﻬﺎ ﻣﺠﻨﻮﻥ ﺑﻨﺒﻀﺎﺗﻪ ..💓
ﻫﺎﻧﻴﺒﺎﻝ ﺑﺈﺑﺘﺴﺎﻣﻪ : ﺑﺎﻫﻲ ﻗﻮﻟﻲ .. ﺗﺤﺒﻴﻨﻲ ؟
ﺿﺤﻜﺖ ﻭﻏﻤﻀﺖ ﻋﻴﻮﻧﻬﺎ ..
ﻫﻮ ﺿﺤﻚ ﻭﻗﺮﺏ ﻭﺑﺎﺳﻬﺎ .. ﻭﺭﺟﻌﻮﺍ ﻋﺎﺷﻮﺍ ﺍﺟﻤﻞ ﻟﺤﻈﺎﺗﻬﻢ ﻣﻦ ﺟﺪﻳﺪ 💕💕💕
🍁🍁🍁
ﺩﻻﻝ ﺍﺭﻛﺒﻲ ﻧﺮﻭﺡ ﺑﻴﻚ ..
ﺩﻻﻝ ﺑﺪﻭﻥ ﻣﺎﺗﺸﻮﻓﻠﻪ : ﺷﻜﺮﺍ ﺑﺎﺑﺎ ﻗﺮﻳﺐ ﻳﺠﻲ ..
ﺣﻤﺰﺓ : ﺗﻤﺎﻡ ..
ﺭﺍﻧﻴﺎ ﺑﻀﻴﻖ : ﺑﺎﻱ ﺩﻟﻮﻟﻪ ..
ﺩﻻﻝ : ﺳﻼﻡ ..
ﺗﺤﺮﻙ ﺣﻤﺰﺓ ..
ﻭﻭﻟﺖ ﺩﻻﻝ ﻭﻗﻔﺖ ﻓﻲ ﺗﺮﻛﻴﻨﻪ ﻣﺴﺘﺨﻄﻴﻪ ﺗﺮﺍﺟﻲ ﻓﺒﻮﻫﺎ ﺍﻣﺘﻰ ﻳﺠﻲ ..
ﻣﻦ ﺑﻌﻴﺪ ﺷﻮﻱ ﻛﺎﻥ ﻓﻲ ﻭﺍﺣﺪ ﻭﺍﻗﻒ ﻳﺸﻮﻑ ﻟﺪﻻﻝ ﺑﻨﻈﺮﺍﺕ ﺧﺒﻴﺜﻪ .. ﻣﻦ ﺟﻤﺎﻋﻪ ﺃﻣﻦ ﺍﻟﻜﻠﻴﻪ ..
ﻟﻴﻪ ﻭﻗﺖ ﻋﻴﻨﻪ ﻋﻠﻴﻬﺎ .. ﺣﺘﻰ ﻭﻫﻲ ﻻﺑﺴﺔ ﺍﻟﻠﺒﺲ ﺍﻟﺸﺮﻋﻲ ﻣﺎﺳﻠﻤﺘﺶ ﻣﻦ ﺍﻟﻨﻈﺮﺍﺕ ﺍﻟﻤﻠﻮﺛﻪ ..
ﺷﻮﻳﻪ ﻭﺟﺖ ﺳﻴﺎﺭﺓ ﺑﻮﻫﺎ ..
ﻃﻮﻝ ﻣﺸﺘﻠﻬﺎ ﺭﻛﺒﺖ ..
ﻭﺗﺤﺮﻙ ﻋﺒﺪﺍﻟﺴﻼﻡ ﻃﻮﻝ ..
ﻧﺎﺻﺮ " ﻗﺪﺍﺵ ﻋﻨﺪﻱ ﻧﻴﻪ ﻓﻴﻬﺎ ﺍﻝ "€$%&
🍁🍁🍁🍁
ﻓﻲ ﺍﻟﻄﺮﻳﻖ ..
ﻋﺒﺪﺍﻟﺴﻼﻡ : ﺑﻨﺤﻄﻚ ﻭﺑﻨﺮﻓﻌﻪ ﻃﻮﻝ ﻟﻠﻨﺎﺩﻱ ..
ﺩﻻﻝ : ﺑﺎﺑﺎ ﺑﺎﻟﻠﻪ ﻋﻴﻮﻧﻚ ﻋﻠﻴﻪ ..
ﻋﺒﺪﺍﻟﺴﻼﻡ ﺑﻀﺤﻜﻪ : ﻳﺎﻭﺩﻱ ﺑﺎﻫﻲ ﺑﺎﻫﻲ ..
ﺿﺤﻜﺖ ..
ﻋﺒﺪﺍﻟﺴﻼﻡ : ﺩﻟﻮ ﺑﻨﺪﺧﻠﻚ ﻣﺪﺭﺳﺔ ﺗﻌﻠﻢ ﺍﻟﻘﻴﺎﺩﻩ ..
ﺩﻻﻝ ﺑﻀﺤﻜﻪ : ﻓﺒﺎﻟﻲ ﻳﺎﺑﺎﺑﺎ ﻭﺑﻨﻘﻮﻟﻚ ﻋﻠﻴﻬﺎ ﻗﺒﻞ ..
ﻋﺒﺪﺍﻟﺴﻼﻡ ﺑﺈﺑﺘﺴﺎﻣﻪ : ﻣﻌﻨﺎﻫﺎ ﻋﻨﺪﻙ ﺭﻏﺒﻪ .. ﻛﻮﻳﺲ .. ﻛﻮﻳﺲ ..
ﺍﺑﺘﺴﻤﺖ ﺩﻻﻝ ﻭﺷﺒﺤﺖ ﺍﻟﻘﺪﺍﻡ ..
ﻭﺭﺍﻫﻢ ﺑﻤﺴﺎﻓﻪ ..
ﻛﺎﻧﺖ ﻓﻲ ﺳﻴﺎﺭﺓ ﻣﺎﺷﻴﻪ ﻭﺭﺍﻫﻢ ..
ﺳﻴﺎﺭﺓ ﻟﻤﺤﺐ ..
ﻣﺎﻻﺵ ﺳﺒﻴﻞ ﻳﻤﺸﻲ ﻓﻴﻪ ﻏﻴﺮ ﻫﺎﻟﺴﺒﻴﻞ ﺑﺶ ﻳﺸﻮﻑ ﻣﺤﺒﻮﺑﺘﻪ ﻭﻳﻌﺮﻑ ﺗﻔﺎﺻﻴﻞ ﺗﻔﺎﺻﻴﻞ ﺣﻴﺎﺗﻬﺎ ...
ﺿﻮ 🍃
ﻣﺴﺘﺤﻠﻲ ﺍﻟﻌﺬﺍﺏ ﺍﻟﻠﻲ ﻫﻮ ﻓﻴﻪ ..
🍁🍁🍁🍁
ﻭﺍﻩ ﻣﻦ ﻋﺬﺍﺏ ﺍﻟﺤﺐ .. ﻭﺍﻫﻴﻦ ﻣﻦ ﻋﺬﺍﺏ ﺍﻟﻌﺸﻖ ..
ﺍﻟﻠﻲ ﻣﺨﻠﻲ ﻋﻤﺎﺩ ﻋﺎﻳﺶ ﻓﻲ ﻧﺎﺭﻩ ..
ﺍﻟﺴﺎﻋﻪ 6:00 ﻣﺴﺎﺀﺍ ..
ﻓﻲ ﺍﺣﺪﻯ ﺍﻟﻤﻘﺎﻫﻲ ..
ﻣﺴﺤﺖ ﺑﻴﻬﻢ ﺍﻷﺭﺽ ﻛﻠﻬﻢ .. ﺧﻠﻴﺖ ﺭﻭﺱ ﺧﻮﺗﻬﺎ ﻳﺪﺧﻨﻮﺍ ..
ﺗﻴﻔﺴﺎ : ﺗﺴﺘﺎﻫﻞ .. ﺷﻜﺎﻻﺗﻬﺎ ﻳﺒﻮﺍ ﺍﻋﺎﺩﻩ ﺗﺄﻫﻴﻞ ..
ﻋﻤﺎﺩ ﻭﻫﻮ ﻳﻮﺯﻉ ﻓﻨﻈﺮﻩ ﻋﺎﻟﻤﻜﺎﻥ ﺑﻀﻴﻖ : ﺧﺎﻳﻒ ﺧﻄﻴﺒﺘﻲ ﺗﻜﻮﻥ ﻃﺎﺣﺖ ﻓﻴﻬﻢ ﻭﺭﺗﻬﻢ .. ﺷﺒﺤﻠﻪ .. ﻭﺍﻟﻠﻪ ﺑﻌﺪﻳﻦ ﻟﻮ ﻧﻜﻠﺐ ﻣﻌﺎﺩ ﻣﺎﺯﺍﻝ ﺗﺸﺒﺢ ﻓﻮﺟﻬﻲ ﻭﻟﻮ ﻧﺤﻠﻒ ﻉ ﺍﻟﻤﺼﺤﻒ ﻣﺎﻫﻲ ﻣﺼﺪﻗﺘﻨﻲ .... ﺗﻨﻬﺪﻭﻗﺎﻝ ... ﻭﺍﻧﻲ ﻣﺎﺻﺪﻗﺖ ﺗﻠﻴﻦ ﻣﻌﺎﻱ ﻭﺗﻘﺒﻠﻨﻲ ..
ﺗﻴﻔﺴﺎ : ﻣﺎﺍﻇﻨﺶ ﺷﺎﻓﺘﻬﻢ .. ﻛﺎﻥ ﺷﺎﻓﺘﻬﻢ ﺭﺍﻫﻮ ﺑﻜﺮﻳﻴﻲ ﻋﺮﻓﺖ ..
ﺷﺒﺤﻠﻪ ﺷﻮﻳﻪ .. ﺑﻌﺪﻳﻦ ﻗﺎﻝ .. ﻋﻦ ﺍﺫﻧﻚ ﺣﺒﻴﺒﻲ ﺷﻮﻱ ..
ﺗﻴﻔﺴﺎ ﺑﺈﺑﺘﺴﺎﻣﻪ : ﺧﻮﺩ ﺭﺍﺣﺘﻚ ﻳﺎﻏﺎﻟﻲ ..
ﺍﺑﺘﺴﻢ ﻋﻤﺎﺩ ﻣﺠﺎﻣﻠﻪ ﻭﻧﺎﺽ ..
ﻣﺸﻲ ﻃﻮﻝ ﻃﻠﻊ ﻣﻦ ﺍﻟﻤﻘﻬﻰ ..
ﺗﻮﺟﻪ ﻟﺴﻴﺎﺭﺗﻪ ...
ﻓﺘﺢ ﺍﻟﺒﺎﺏ ﻭﺭﻛﺐ ﻭﺻﻜﺮﻩ ..
ﺭﻗﻰ ﺍﻟﻤﺮﺵ ..
ﺧﺪﻱ ﺍﻟﺘﻠﻴﻔﻮﻥ .. ﻭﻃﻮﻝ ﺿﺮﺏ ﻉ ﺭﻗﻤﻬﺎ ..
🍁🍁🍁🍁
ﺣﻄﺖ ﺍﻟﻜﻤﺎﺩﺍﺕ ﻉ ﺟﺒﻬﺘﻬﺎ ﻭﻫﻲ ﺗﻘﻮﻝ : ﺍﻟﻠﻬﻢ ﺭﺏ ﺍﻟﻨﺎﺱ ﺍﺫﻫﺐ ﺍﻟﺒﺎﺱ .. ﺍﻟﻠﻬﻢ ﺭﺏ ﺍﻟﻨﺎﺱ ﺍﺫﻫﺐ ﺍﻟﺒﺎﺱ ..
ﻭﺑﻨﺘﻬﺎ ﻭﺟﻬﻬﺎ ﺍﺣﻤﺮ .. ﻭﻋﻴﻮﻧﻬﺎ ﺍﻟﻤﺼﻜﺮﺍﺕ ﻳﻨﺰﻟﻮﺍ ﻣﻨﻬﻢ ﺍﻟﺪﻣﻮﻉ ﻭﺗﺄﻥ ﻭﺧﻼﺹ ..
ﻉ ﺟﻴﺔ ﻏﺎﻟﻴﻪ .. ﺟﺎﻳﺒﻪ ﻣﻌﺎﻫﺎ ﺧﺎﻓﺾ ﺣﺮﺍﺭﻩ : ﺷﻦ ﺻﺎﺭ ..
ﺳﻌﻴﺪﻩ ﺑﺪﻣﻮﻉ : ﻛﻴﻒ ﻣﺎﺗﺸﻮﻓﻲ ﻳﺎﻏﺎﻟﻴﻪ ﻳﺎﻏﺒﻴﻨﻲ ﻉ ﺑﻨﺘﻲ ﻳﺎﻧﺎﺭﻱ ..
ﻏﺎﻟﻴﻪ ﺑﻌﻴﻮﻥ ﻣﺪﻣﻌﻪ : ﺗﻮ ﻧﻌﺪﻱ ﻧﺠﻴﺐ ﻣﻴﻪ ﺑﺶ ﺗﺎﺧﺪﻫﺎ ﻣﻊ ﺍﻟﺪﻭﺍ ..
ﻫﺰﺕ ﺳﻌﻴﺪﻩ ﺭﺍﺳﻬﺎ ﺑﺈﻳﺠﺎﺏ ﻭﺩﻣﻮﻋﻬﺎ ﻳﻨﺰﻟﻮﺍ ..
ﻃﻠﻌﺖ ﻏﺎﻟﻴﻪ ﻣﻦ ﺣﺪﺍﻫﺎ ..
ﺷﻮﻳﻪ ﺭﻥ ﺗﻠﻴﻔﻮﻥ ﺭﺯﺍﻥ ..
ﺍﻟﺘﻔﺘﺘﻠﻪ ﺳﻌﻴﺪﻩ ..
ﺷﺎﻓﺖ ﺍﻹﺳﻢ ..
" ﺩﻭﻥ ﺟﻮﺍﻥ .."
ﺍﺳﺘﻐﺮﺑﺖ ..
ﺧﺪﺍﺗﻪ ﻓﺘﺤﺖ ﺍﻟﺨﻂ ﻭﺣﻄﺎﺗﻪ ﻉ ﻭﺩﻧﻬﺎ ﺩﻭﻥ ﻣﺎﺗﺘﻜﻠﻢ ..
" ﻋﻤﺮﻱ .."
ﻣﻦ ﺻﻮﺗﻪ ﻋﺮﻓﺎﺗﻪ ..
ﺳﻌﻴﺪﻩ : ﻋﻤﺎﺩ !
ﻫﻮ ﺣﻮﻝ ﺍﻟﺘﻠﻴﻔﻮﻥ ﻣﻦ ﻉ ﻭﺫﻧﻪ ﺗﺄﻛﺪ ﻣﻦ ﺍﻟﺮﻗﻢ ﺑﻌﺪﻳﻦ ﺭﺟﻊ ﺣﻄﻪ ﻉ ﻭﺫﻧﻪ ﻭﻗﺎﻝ : ﻣﻦ ﻣﻌﺎﻱ ..
ﺳﻌﻴﺪﻩ؛ﺍﻧﻲ ﻋﻤﺘﻚ ﺳﻌﻴﺪﻩ ﻳﺎﻭﻟﺪﻱ .
ﻋﻤﺎﺩ ﺑﺈﺣﺮﺍﺝ : ﺧﻴﺮ ﻋﻤﺘﻲ ﺷﻦ ﺣﺎﻟﻚ؟
ﺳﻌﻴﺪﻩ ﺑﺤﺰﻥ : ﺣﺎﻟﻲ ﺣﺎﻝ ﺍﻟﻤﻮﺟﻮﻋﻪ ﻉ ﺑﻨﺘﻲ ..
ﻗﻠﺒﻪ ﻗﺮﻳﺐ ﻭﻗﻒ ﻗﺎﻝ ﺑﺨﻮﻑ : ﺧﻴﺮﻫﺎ !!!
ﺳﻌﻴﺪﻩ : ﻣﺮﻳﻀﻪ ﻳﺎﻭﻟﺪﻱ ﺣﺮﺍﺭﺗﻬﺎ ﺣﺮﺍﻡ ﻣﺎﺑﺖ ﺗﻨﺰﻝ ..
ﻋﻘﻠﻪ ﻃﺎﺭ ﻣﻦ ﻣﻜﺎﻧﻪ ﻗﺎﻝ : ﺟﺎﻱ ﺟﺎﻱ .. ﺻﻜﺮ ..
ﻧﺰﻝ ﻣﻦ ﺳﻴﺎﺭﺗﻪ .. ﻣﺸﻲ ﻃﻮﻝ ﻟﻠﻤﻘﻬﻰ ..
ﺧﺶ ..
ﻣﺸﻲ ﻟﻠﻄﺎﻭﻟﻪ ﺧﺪﻱ ﺷﻨﻄﺘﻪ ﻭﻧﻈﺎﺭﺍﺗﻪ ﺑﺴﺮﻋﻪ ..
ﺗﻴﻔﺴﺎ : ﺷﻦ ﻓﻲ ..
ﻋﻤﺎﺩ : ﻣﺮﻳﻀﻪ ..
ﻭﻃﻮﻝ ﻣﺸﻲ ﺑﺴﺮﻋﻪ ..
ﺗﻴﻔﺴﺎ ﻗﻌﺪ ﻣﻌﺎﻩ ﺑﻌﻴﻮﻧﻪ ﻟﻴﻦ ﻃﻠﻊ .. ﺍﺑﺘﺴﻢ .. ﻭﻛﻤﻞ ﺷﺮﺍﺏ ﻗﻬﻮﺗﻪ ..
🍁🍁🍁🍁
ﺍﻟﺴﺎﻋﻪ 8:15 ﻣﺴﺎﺀﺍ ..
ﺧﺸﺖ ﺳﻴﺎﺭﺗﻪ ﻟﻠﻘﻄﻌﻪ ..
ﺩﺭﺱ ..
ﻓﺘﺢ ﺍﻟﺒﺎﺏ ﻭﻧﺰﻝ .. ﺻﻜﺮﻩ ..
ﻭﻫﻮ ﻣﺎﺷﻲ .. ﺑﻴﻀﺮﺏ ﻉ ﺭﻗﻢ ﻏﺎﻟﻴﻪ ﻗﺎﺑﻼﺗﻪ ﺣﻨﺎﻩ ..
ﻓﺎﻃﻤﻪ : ﻋﻤﻮﺩﻩ ..
ﺍﺑﺘﺴﻢ ﻧﺺ ﺍﺑﺘﺴﺎﻣﻪ : ﺣﻨﺎﻱ ..
ﻓﺎﻃﻤﻪ : ﺷﻨﻮ ﺣﺎﻟﻚ ﻳﺎﻏﺎﻟﻲ ..
ﻭﺻﻞ ﻓﻴﻬﺎ ﻛﺐ ﻉ ﺭﺍﺳﻬﺎ : ﺍﻟﺤﻤﺪ ﻟﻠﻪ .. ﺷﻨﻮ ﺣﺎﻟﻚ ﺍﻧﺘﻲ ..
ﻭﻛﻤﻞ ﻣﺸﻲ ﻫﻮ ﻭﻳﺎﻫﺎ ﺑﻌﺪ ﺣﺎﻭﻁ ﻛﺘﺎﻓﻬﺎ ﺑﺬﺭﺍﻋﻪ ..
ﻓﺎﻃﻤﻪ : ﺍﻟﺤﻤﺪ ﻟﻠﻪ .. ﺷﻨﻮ ﺣﺎﻝ ﺍﻣﻚ ﻭﺧﻮﺗﻚ ﻭﺳﻴﺪﻙ ..
ﺗﻨﻬﺪ ﻭﻗﺎﻝ : ﺍﻟﺤﻤﺪ ﻟﻠﻪ ﻛﻠﻬﻢ ﻛﻮﻳﺴﻴﻦ ﻭﻳﺴﻠﻤﻮﺍ ﻋﻠﻴﻚ ..
ﻓﺎﻃﻤﻪ : ﺳﻠﻤﻬﻢ ﻭﺳﻠﻢ ﻣﻦ ﺟﺎﺏ ﺳﻼﻣﻪ ..
ﻭﺻﻠﻮﺍ ﻓﻢ ﺍﻟﺒﻮﺍﺑﻪ ﻉ ﺟﻴﺔ ﻏﺎﻟﻴﻪ ﻣﻦ ﺍﻟﺠﻬﺔ ﺍﻟﺘﺎﻧﻴﻪ : ﻋﻤﺎﺩ ..!
ﻗﻠﺒﻪ ﺩﻕ ﺑﻘﻮﺓ ﺷﺪﻳﺪﻩ ﻣﻦ ﺧﻮﻓﻪ ..
ﻗﺪﻣﺘﻠﻪ ..
ﻋﻤﺎﺩ : ﺷﻦ ﺣﺎﻟﻬﺎ؟ ..
ﻏﺎﻟﻴﻪ : ﺍﺣﺴﻦ ﻣﻦ ﺑﻜﺮﻱ .. ﻧﺰﻟﺖ ﺣﺮﺍﺭﺗﻬﺎ ..
ﻓﺎﻃﻤﻪ : ﻫﺪﻱ ﻋﻴﻦ ﻭﺿﺮﺑﺘﻬﺎ ﻓﻌﺮﺱ ﺧﺎﻟﺘﻬﺎ ﺍﻟﻨﺎﺱ ﻋﻴﻮﻧﻬﻢ ﺣﺎﻟﻴﻨﻬﺎ ﻓﻴﻬﺎ ..
ﻋﻤﺎﺩ ﻳﺴﻤﻊ ﻓﺤﻨﺎﻩ ﺑﺘﺮﻛﻴﺰ ..
ﻓﺎﻃﻤﻪ : ﺧﻞ ﻧﻌﺪﻱ ﻧﺸﻮﻓﻬﺎ ..
ﻣﺸﺖ ﻭﻫﻮ ﻣﻌﺎﻫﺎ ﺑﻌﻴﻮﻧﻪ ﻟﻮﻻ ﺍﻟﻌﻴﺐ ﺭﺍﻫﻮ ﻣﺸﻲ ﻣﻌﺎﻫﺎ ..
ﻏﺎﻟﻴﻪ؛ﻣﺎﺗﺨﺎﻓﺶ ﺣﺎﻟﻬﺎ ﺍﺣﺴﻦ ﺗﻮ ..
ﻋﻤﺎﺩ : ﺷﻦ ﺻﺎﺭﻟﻬﺎ ﺑﺎﻟﺰﺑﻂ ..
ﺗﻨﻬﺪﺕ ﻏﺎﻟﻴﻪ ﻭﻗﺎﻟﺖ : ﺭﻭﺡ ﺑﻴﻬﺎ ﺗﻮﻓﻴﻖ ﻣﻦ ﺍﻟﻜﻠﻴﻪ ﺗﻌﺒﺎﻧﻪ ﻭﺩﺍﻳﺨﻪ .. ﺗﻠﻮﺣﺖ ﻓﺪﺍﺭﻫﺎ ﻛﻴﻒ ﺍﻟﺸﺮﺗﻮﻟﻪ ﺣﺘﻰ ﻣﺎﻛﻠﻪ ﻣﺎﻛﻠﺖ ..
ﻟﻌﻨﺪ ﻣﺎﺭﻭﺡ ﺳﻴﺪﻫﺎ ﻗﺮﻱ ﻋﻠﻴﻬﺎ .. ﻭﺑﻌﺪ ﺍﻟﻌﺼﺮ ﻋﺪﺍ ..
ﻫﻮ ﻋﺪﺍ ﻭﻫﻲ ﺣﺮﺍﺭﺗﻬﺎ ﺭﻗﺖ ﻭﺻﺎﺭﺕ ﻓﻴﻬﺎ ﺍﻧﻲ ﻭﺍﻣﻬﺎ ﻗﻌﺪﻧﺎ ﻧﻌﺎﻧﻮﺍ ﻟﻌﻨﺪ ﻣﺎﻧﺰﻟﺖ ﺗﻮ ..
ﻣﺴﺢ ﺑﻴﺪﻩ ﻉ ﻭﺟﻬﻪ ﻭﺗﻨﻬﺪ ﺑﺎﻟﺼﻮﺕ ..
ﻏﺎﻟﻴﻪ ﺑﻀﺤﻜﻪ : ﺣﺮﺍﺭﺓ ﺭﺍﻫﻲ ﻣﺎﻓﻴﻬﺎ ﺷﻲ ..
ﻋﻤﺎﺩ ﺑﻨﺮﻓﺰﺓ : ﺗﻌﺮﻓﻴﻨﻲ ﻧﺘﺤﻤﻞ ﻓﻲ ﺍﻣﻬﺎ ﺩﻗﺔ ﺍﻟﺸﻮﻛﻪ ﺍﻧﻲ ﻳﺎﻏﺎﻟﻴﻪ !
ﺿﺤﻜﺖ ﻏﺎﻟﻴﻪ ﻭﻗﺎﻟﺖ : ﻗﺘﻠﻚ ﻣﺎﺗﺨﺎﻓﺶ ﺍﻟﻤﻠﻌﻘﻪ ﻫﺪﻱ ﻛﻴﻒ ﺍﻟﺠﻦ ﻣﺎﻳﺼﻴﺮﻟﻬﺎ ﺷﻲ ..
ﻋﻤﺎﺩ : ﻗﻮﻟﻲ ﻣﺎﺷﺎﺀ ﺍﻟﻠﻪ ﺗﺮﺑﺤﻲ ..
ﻏﺎﻟﻴﻪ : ﻫﻬﻬﻬﻬﻬﻬﻪ ..
ﺍﺭﺗﺴﻤﺖ ﻉ ﻭﺟﻬﻪ ﺍﺑﺘﺴﺎﻣﻪ ﻭﺣﺮﻙ ﺭﺍﺳﻪ ﺍﻳﻤﻴﻦ ﻭﺍﻳﺴﺎﺭ ﻭﻫﻮ ﻳﻤﺴﺢ ﻉ ﻟﺤﻴﺘﻪ ..
🍁🍁🍁🍁
ﻏﺪﻭﺓ ﺇﻥ ﺷﺎﺀ ﺍﻟﻠﻪ ..
ﺃﻳﻤﻦ : ﻉ ﻗﺪ ﻣﺎﺧﺎﻃﺮﻱ ﻧﻌﺪﻱ .. ﻓﻲ ﻧﻔﺲ ﺍﻟﻮﻗﺖ ﻣﺎﻧﺒﻲ ..
ﻣﺆﻧﺲ : ﺯﻳﻚ .. ﺧﺎﻳﻒ ﻣﻦ ﺍﻟﻠﻲ ﺣﺘﺸﻮﻓﻪ ﻋﻴﻨﻲ .. ﺧﺎﻳﻒ ﻭﺍﺟﺪ ..
ﺳﻜﺘﻮﺍ ﺍﻟﺰﻭﺯ ﻭﺳﺮﺣﻮﺍ ..
ﺑﻌﺪﻳﻦ ﻗﺎﻝ ﺃﻳﻤﻦ : ﺑﺎﻫﻲ ﺍﻟﻄﺮﻳﻖ ﺍﻣﺎﻥ ..
ﻣﺆﻧﺲ : ﺍﻟﺮﺍﺟﻞ ﺍﻟﻠﻲ ﺑﻴﻌﺪﻱ ﻣﻌﺎﻧﺎ ﻋﻨﺪﻩ ﻣﻌﺎﺭﻑ ﻭﻃﺮﻳﻘﻨﺎ ﻣﻌﺎﻩ ﺃﻣﺎﻥ ﻣﻦ ﺑﻌﺪ ﺍﻣﺎﻥ ﺍﻟﻠﻪ ..
ﺍﺑﺘﺴﻢ ﺃﻳﻤﻦ ﺑﺘﻬﻜﻢ ..
ﺗﻨﻬﺪ ﻣﺆﻧﺲ ﻭﺭﺟﻊ ﻳﻔﻜﺮ ﻣﻊ ﻧﻔﺴﻪ ﻓﻤﺸﻴﺔ ﻏﺪﻭﺓ ..
🍁🍁🍁🍁
ﺍﻟﺴﺎﻋﻪ 11:00 ﻟﻴﻼ ...
ﻛﺎﻧﺖ ﺭﺍﻗﺪﻩ ﻓﺴﺮﻳﺮﻫﺎ ﺑﺲ ﻋﻴﻮﻧﻬﺎ ﻣﻔﺘﻮﺣﺎﺕ ﻭﺩﻣﻮﻋﻬﻢ ﺗﻨﺰﻝ ..
ﻛﺎﻧﺖ ﺳﺮﺣﺎﻧﻪ ..
ﺗﻔﻜﺮ ﻓﻴﻪ .. ﺯﺍﺩﺕ ﺟﺮﻭﺣﻬﺎ ﻣﻨﻪ .. ﺯﺍﺩﺕ ﺣﻤﻠﺖ ﻋﻠﻴﻪ ﻓﻘﻠﺒﻬﺎ ..
ﻫﺎﻟﻤﺮﺓ ﻣﻌﺎﺵ ﻓﻲ ﺷﻲ ﻳﺸﻔﻌﻠﻪ ..
ﺣﺘﻰ ﻟﻮ ﻛﺎﻧﺖ ﻗﺒﻞ ﺣﺎﻳﺮﺓ ﻓﻲ ﺍﻣﺮﻫﺎ ..
ﺗﻮﺍ ﺧﻼﺹ ...
ﻣﺴﺤﺖ ﺩﻣﻮﻋﻬﺎ ﻭﻗﺎﻟﺖ؛ﻭﺍﻟﻠﻪ ﻟﻤﺎ ﻧﺮﺑﻴﻪ ﻋﻠﻴﻬﺎ ﻭﺍﻟﻠﻪ ﻭﺍﻟﻠﻪ ﺍﻟﻠﻲ ﻋﺸﺘﻪ ﻟﻤﺎﻧﺨﻠﻴﻪ ﻳﻌﻴﺶ ﺍﺣﺮﻑ ﻣﻨﻪ .. ﻛﻴﻒ ﻣﺎﺍﻧﻘﻬﺮﺕ ﺣﻨﻘﻬﺮﻩ ..
🍃 ﻫﻲ ﻋﻨﺪﻫﺎ ﺷﻚ ﺍﻧﻘﻄﻊ ﺑﺎﻟﻴﻘﻴﻦ ﺧﻼﺹ ﺑﻌﺪ ﺍﻟﻠﻲ ﺷﺎﻓﺎﺗﻪ ﺗﻢ .. ﻭﺍﻟﻠﻲ ﺯﻱ ﺭﺯﺍﻥ ﻣﺎﻳﻌﺪﻳﺶ ﺍﻱ ﻏﻠﻄﻪ ﻓﺤﻘﻪ ﺑﺎﻟﺴﺎﻫﻞ ﻭﻫﺎﺩﻱ ﺧﻴﺎﻧﻪ .. ﻣﺶ ﻣﺠﺮﺩ ﻏﻠﻄﻪ 🍃
ﻃﻖ ﺑﺎﺏ ﺩﺍﺭﻫﺎ ..
ﺭﺯﺍﻥ : ﻣﻨﻮ؟
" ﻋﻤﺘﻚ .."
ﺭﺯﺍﻥ : ﺧﺸﻲ ..
ﻓﺘﺤﺖ ﺍﻟﺒﺎﺏ ﻏﺎﻟﻴﻪ ﻭﺧﺸﺖ ﻭﻫﻲ ﺷﺎﺩﻩ ﻓﻴﺪﻫﺎ ﺣﺎﺟﺎﺕ ..
ﺻﻜﺮﺕ ﺍﻟﺒﺎﺏ ﺑﺮﺟﻠﻬﺎ ﻭﺟﺖ ﻟﺮﺯﺍﻥ ﻭﺣﻄﺘﻬﻢ ﻉ ﺍﻟﺴﺮﻳﺮ ..
ﺭﺯﺍﻥ ﻗﻌﻤﺰﺕ ﻉ ﺣﻴﻠﻬﺎ : ﺷﻨﻮ ﻫﺪﻯ ..
ﻏﺎﻟﻴﻪ : ﺑﻴﺘﺰﺍ ﻳﺎﺣﻨﻪ ﻭﺷﺎﻭﺭﻣﺎ ﻭﻋﺼﻴﺮ ﻋﻨﺐ ..
ﺭﺯﺍﻥ : ﻣﻦ ﺟﺎﺑﻬﻦ؟ .
ﻏﺎﻟﻴﻪ ﺑﺈﺑﺘﺴﺎﻣﻪ : ﺍﻟﻌﻤﺪﻩ ﻳﺎﺣﻨﻪ ..
ﻣﻼﻣﺢ ﻭﺟﻬﻬﺎ ﺗﻐﻴﺮﺕ ﻟﻠﻀﻴﻖ ..
ﻏﺎﻟﻴﻪ ﺍﺳﺘﻐﺮﺑﺖ : ﺧﻴﺮﻙ ..!
ﺷﺒﺤﺖ ﺭﺯﺍﻥ ﺷﻮﻳﻪ ﻟﻠﺤﺎﺟﺎﺕ ﺑﻌﺪﻳﻦ ﻗﺎﻟﺖ : ﺗﺮﺍ ﺍﻟﺒﻴﺘﺰﺍ ..
ﺍﺑﺘﺴﻤﺖ ﻏﺎﻟﻴﻪ ﻃﻠﻌﺖ ﺍﻟﺒﺎﻛﻮ ﻣﻦ ﺍﻟﻜﻴﺴﻪ ﻭﻓﺘﺤﺎﺗﻪ .. ﻗﺪﻣﺘﻬﻮﻟﻬﺎ ..
ﻟﻘﻮﺍ ﻓﻮﺳﻄﻪ ﻭﺭﻗﻪ ..
ﺧﺪﺗﻬﺎ ﻓﺘﺤﺘﻬﺎ ..
( ﺧﻠﻲ ﻏﺎﻟﻴﻪ ﺗﺎﻛﻞ ﻣﻌﺎﻙ ﻣﺶ ﺗﺎﻛﻠﻴﻬﺎ ﺑﺮﻭﺣﻚ )
ﺭﺯﺍﻥ : ﺷﻦ ﻗﺼﺪﻩ ﺍﻟﺒﺎﺭﺩ !
ﺿﺤﻜﺖ ﻏﺎﻟﻴﻪ ..
ﺭﻥ ﺗﻠﻴﻔﻮﻥ ﻏﺎﻟﻴﻪ ﻃﻮﻝ ﺭﺩﺕ : ﻫﺎﻩ ..
ﻋﻤﺎﺩ : ﺍﻓﺘﺤﻲ ﺍﻟﻤﺎﻳﻚ ..
ﺿﺤﻜﺖ ﻭﻓﺘﺤﺎﺗﻪ : ﻓﺘﺤﺘﻪ ..
" ﺷﻔﺸﻮﻧﻪ "
ﺍﻟﻌﻠﻪ ﻓﻲ ﺍﻟﻘﻠﺐ .. ﺍﻟﻘﻠﺐ ﺍﻟﻠﻲ ﻳﻔﺰ ﻭﻳﻦ ﻳﺴﻤﻊ ﺻﻮﺗﻪ ﻭﻻﻳﻠﻤﺢ ﺯﻭﻟﻪ .. ﻭﻛﺄﻧﻪ ﻳﻘﻮﻟﻠﻬﺎ ﺩﻳﺮﻱ ﻣﺎﺩﻳﺮﻱ ﺍﻧﻲ ﺑﻨﻘﻌﺪ ﻧﺤﺒﻪ ﻭﻧﻤﻮﺕ ﻓﻴﻪ 💓
ﻋﻤﺎﺩ : ﻗﺎﻟﻮﺍ ﻣﺮﻳﻀﻪ .. ﺍﺳﺘﻐﺮﺑﺖ ﺍﻟﺤﻖ؟ .
ﺭﻓﻌﺖ ﺣﺎﺟﺒﻬﺎ ﻭﻗﺎﻟﺖ : ﻭﻟﻴﺶ ﺇﻥ ﺷﺎﺀ ﺍﻟﻠﻪ !!
ﻋﻤﺎﺩ : ﻉ ﻗﺪ ﻣﺎﺗﻔﺮﺟﺖ ﻉ ﺑﺮﺍﻣﺞ ﻭﺛﺎﺋﻘﻴﻪ ﻓﻲ ﻧﺎﺷﻮﻧﺎﻝ ﺟﻮﻏﺮﺍﻓﻴﻚ ﻭﻻ ﺑﺮﻧﺎﻣﺞ ﺟﺎﺑﻮﺍ ﻓﻴﻪ ﻟﻔﻌﻪ ﻣﺮﻳﻀﻪ
ﻏﺎﻟﻴﻪ : ﻫﻬﻬﻬﻬﻬﻬﻬﻬﻬﻬﻬﻪ
ﺭﺯﺍﻥ ﺑﻨﺮﻓﺰﺓ : ﺻﻜﺮﻱ ﻋﻠﻴﻪ ﺻﻜﺮﻱ
ﻋﻤﺎﺩ ﺑﻀﺤﻜﻪ : ﻏﻴﺮ ﺷﻮﻳﻪ ﺑﺲ .. ﻣﺎﺗﺎﻛﻠﻴﺶ ﺑﺮﻭﺣﻚ ﺧﻠﻲ ﻏﺎﻟﻴﻪ ﺗﺎﻛﻞ ﻣﻌﺎﻙ .. ﻣﻦ ﻏﻴﺮ ﻣﻠﻌﻘﻪ ﺍﻧﺘﻲ ﻭﻛﺎﻥ ﺗﺴﻤﻨﻲ ﻛﻴﻒ ﺗﻮﻟﻲ .. ﻛﻮﺭﺓ " ﻓﺘﻤﻦ " ﻉ ﻗﻮﻟﺖ ﺣﻨﺎﻱ ﻓﺎﻃﻤﻪ ".. ﻓﻮﺗﺒﻮﻝ ﻗﺼﺪﻫﺎ "
ﻫﻲ ﺷﺪﺕ ﺿﺤﻜﺘﻬﺎ ﻭﻗﺎﻟﺖ : ﺻﻜﺮﻱ ﻋﻠﻴﻪ ﺗﻮﺍ ﺗﺼﻜﺮﻱ ﺗﻮﺍ ..
ﻋﻤﺎﺩ ﺑﻀﺤﻜﻪ : ﺍﻫﻮ ﺯﻱ ﻣﺎﻭﺻﻴﺖ ﺍﻟﻤﺮﺍﺓ ﺍﻟﺴﻤﻴﻨﻪ ﻣﺎﻧﺒﻴﻬﺎﺵ
ﻫﻲ ﻓﻲ ﻧﻔﺴﻬﺎ ﻗﺎﻟﺖ " ﻻﻙ ﻃﺎﻳﻠﻨﻲ ﺳﻤﻴﻨﻪ ﻭﻻﺿﻌﻴﻔﻪ "
ﻏﺎﻟﻴﻪ ﺑﻀﺤﻜﻪ؛ﺧﻼﺹ ﻋﺪﻱ ﻓﺤﺎﻟﻚ
ﻋﻤﺎﺩ : ﺣﺎﻟﻲ ﺣﺪﺍﻙ ﻳﺎﻏﺎﻟﻴﻪ ﺣﻄﻴﻪ ﻓﻌﻴﻮﻧﻚ ..
ﻋﻴﻮﻧﻬﺎ ﺗﻌﺒﻮﺍ ﺩﻣﻮﻉ ﻭﻗﺎﻟﺖ ﻓﻨﻔﺴﻬﺎ " ﺇﻥ ﺷﺎﺀ ﺍﻟﻠﻪ ﻳﻤﻮﺕ ﻗﻠﺒﻲ ﺇﻥ ﺷﺎﺀ ﻳﻤﻮﺕ .."💔
ﻋﻤﺎﺩ : ﻻﺑﺎﺱ ﻋﻠﻴﻚ ﺍﻭﻟﻴﻮ ..
ﺷﺒﺤﻮﺍ ﻟﺒﻌﺾ ﺑﺈﺳﺘﻐﺮﺍﺏ ..
ﻋﻤﺎﺩ ﺑﺈﺑﺘﺴﺎﻣﻪ : ﺍﻣﻮﺗﻎ ﻓﻼﻡ ... ﺑﺎﻱ .. ﺻﻜﺮ ..
ﻏﺎﻟﻴﻪ : ﺷﻦ ﻗﺎﻝ؟؟؟ !!
ﻫﻲ ﺷﺒﺤﺖ ﻟﻠﺘﻠﻴﻔﻮﻥ ﺷﻮﻳﻪ : ﻧﺤﺴﻪ ﺍﻣﺎﺯﻳﻐﻲ ..
ﻏﺎﻟﻴﻪ ﺿﺤﻜﺖ : ﻏﺎﺯﻟﻚ ﺍﻟﻤﻌﻔﻦ ﺷﻜﻠﻪ ..
ﻫﻲ ﺍﺑﺘﺴﻤﺖ ﺑﺄﻟﻢ ﺑﻌﺪﻳﻦ ﻗﺎﻟﺖ : ﺗﻌﺎﻟﻲ ﻛﻮﻟﻲ ﻣﻌﺎﻱ ..
ﻏﺎﻟﻴﻪ ﺑﺈﺑﺘﺴﺎﻣﻪ : ﺑﺎﻫﻲ .. ﻗﻌﻤﺰﺕ ﺣﺪﺍﻫﺎ ﻭﺑﺪﻭﺍ ﻳﺎﻛﻠﻮﺍ ..
ﻭﺭﺯﺍﻥ ﺗﺎﻛﻞ ﻭﺗﻔﻜﺮ " ﺧﻠﻴﻚ ﻣﻌﺎﻩ ﻋﺎﺩﻳﻪ ﻣﺎﺗﺤﺴﺴﻴﻪ ﺑﺸﻲ ﻣﺎﺗﺨﻠﻴﻪ ﻳﺤﺲ ﺑﺸﻲ ﻳﺎﺭﺯﺍﻥ "
ﻛﻤﻠﺖ ﻣﺎﻛﻠﻪ .. ﻭﺗﺒﻠﻊ ﻓﻲ ﺍﻟﻠﻘﻤﻪ ﺑﺎﻟﺴﻴﻒ ..
🍁 ﺍﻣﺎ ﻫﻮ ﻓﻜﺎﻥ ﻣﺘﻜﻲ ﻓﺴﻴﺎﺭﺗﻪ ﻳﺴﻤﻊ ﻓﺄﻏﻨﻴﻪ ﻟﻮﻟﻴﺪ ﺍﻟﺘﻼﻭﻱ
" ﻧﻤﻮﺕ ﻋﻠﻴﻪ .." ﻭﺑﻨﻴﺔ ﻗﻠﺒﻪ ﻣﺎﻓﺎﺭﻗﺘﺶ ﻋﻘﻠﻪ 💓... ﻓﺮﺣﺎﻥ ﺍﻧﻬﺎ ﻣﺎﺷﺎﻓﺖ ﺷﻲ ﻭﻻﺗﻨﺪﺭﻱ ﻋﻠﻰ ﺷﻲ .. ﺍﺭﺗﺎﺡ ﻉ ﺍﻵﺧﺮ ..
ﻳﺎﻓﺮﻗﻪ ﺭﺍﺣﺘﻪ ﻣﺴﻜﻴﻦ 🍁💔
🍁🍁🍁🍁🍁
ﺗﺎﻧﻲ ﻳﻮﻡ ..
ﺍﻟﺴﺎﻋﻪ ﺍﻟﺜﺎﻣﻨﻪ ﺻﺒﺎﺣﺎ ..
ﻭﺍﻗﻔﻪ ﻓﻲ ﺍﻟﺮﻭﺷﻦ ﺗﺸﻮﻑ ﻟﺨﻮﻫﺎ ﺷﻦ ﻳﺪﻳﺮ ..
ﺑﻌﺪ ﻃﻠﺐ ﻣﻨﻬﺎ ﺗﺠﻴﺒﻠﻪ ﺻﻮﺭﺓ ﻋﺮﻭﺑﻪ ..
ﺧﺪﺍﻫﺎ ﻭﺧﺪﻱ ﺻﻮﺭﺗﻪ ... ﻭﺣﺮﻗﻬﻢ ﺑﺎﻟﻨﺎﺭ ...
ﺍﺑﺘﺴﻤﺖ ﻏﺎﻟﻴﻪ ﺑﺈﺭﺗﻴﺎﺡ ..
ﻭﻫﻮ ﻛﺬﻟﻚ ﻫﺪﺍ ﻭﻳﻦ ﺍﺭﺗﺎﺡ ... ﻣﺴﺢ ﺍﻟﻤﺎﺿﻲ ﻣﺴﺢ ﺑﻜﻞ ﺍﺛﺎﺭﻩ ..
ﺭﻥ ﺗﻠﻴﻔﻮﻧﻪ ..
ﻃﻠﻌﻪ ﻣﻦ ﺟﻴﺒﻪ ﻭﺭﺩ : ﺍﻳﻮﻩ ..
ﻣﺮﺍﻡ : ﻭﺍﺗﻴﻪ ..
ﻫﺎﻧﻴﺒﺎﻝ؛ﺍﻧﺰﻟﻲ ﻫﻲ ..
ﻣﺮﺍﻡ : ﺗﻤﺎﻡ ..
ﻣﺸﻲ ﻃﻮﻝ ﻭﻳﻦ ﻣﺎﻓﻲ ﺳﻴﺎﺭﺗﻪ ..
ﻏﺎﻟﻴﻪ ﻃﻠﻌﺖ .. ﻭﻗﻔﺖ ﻓﻢ ﺍﻟﺒﻮﺍﺑﻪ ﺗﺸﻮﻑ ﻵﺛﺎﺭ ﺍﻟﺼﻮﺭ ﺍﻟﻤﺤﺮﻭﻗﻪ ..
ﺧﺸﺖ ﺑﺘﺎﺧﺪ ﺍﻟﻤﻜﻨﺴﻪ ﺑﺶ ﺑﺘﻜﻨﺴﻬﻢ ..
🍁🍁🍁🍁
ﻫﻮ ﺑﻌﺪ ﺭﻛﺐ ﺍﻟﺴﻴﺎﺭﺓ ..
ﺷﻮﻳﻪ ﻭﺟﺎﺗﻪ ﻣﺮﺍﻡ ..
ﻓﺘﺤﺖ ﺍﻟﺒﺎﺏ ﻭﺭﻛﺒﺖ ..
ﺻﻜﺮﺕ ﺍﻟﺒﺎﺏ ﻭﺷﺒﺤﺘﻠﻪ ..
ﺍﺑﺘﺴﻢ ﻭﻏﻤﺰﻟﻬﺎ ..
ﻫﻲ ﺿﺤﻜﺖ ..
ﺿﺤﻚ ﻭﺷﻐﻞ ﺍﻟﺴﻴﺎﺭﻩ .. ﻟﺒﺲ ﻧﻈﺎﺭﺍﺗﻪ ﻭﺗﺤﺮﻙ ﻃﻮﻝ ﻭﻫﻲ ﺗﺘﺄﻣﻞ ﻓﻴﻪ 💓💓💓
🍁🍁🍁🍁
ﺍﻟﺴﺎﻋﻪ 9:00 ﻟﻴﻼ ...
ﻓﺘﺤﺖ ﺑﺎﺏ ﺍﻟﺴﻄﺢ ..
ﺧﺸﺖ ﻭﻓﻴﺪﻫﺎ ﻛﺘﺎﺑﺎﺗﻬﺎ ﺑﺶ ﺑﺘﻘﺮﺍ ..
ﻭﻫﻲ ﺗﻤﺸﻲ ..
ﺳﻤﻌﺖ ﺻﻮﺕ ﺑﻜﻲ ..
ﺗﻔﺎﺟﺌﺖ ..
ﺷﺎﻓﺖ ﺍﻳﻤﻴﻨﻬﺎ ..
ﻗﺪﻣﺖ ﻭﻫﻲ ﺣﺎﻃﻪ ﻳﺪﻫﺎ ﻉ ﻗﻠﺒﻬﺎ ..
ﻭﻗﻔﺖ ..
ﺷﺎﻓﺎﺗﻪ ﻭﻣﻘﻌﻤﺰ ﺗﺎﻧﻲ ﺭﻛﺎﺑﻪ ﻓﻮﻕ ..
ﻭﺩﺍﻓﻦ ﻭﺟﻬﻪ ﻓﻴﻬﻢ ﻭﻣﻐﻄﻴﻪ ﺑﺬﺭﺍﻋﺎﺗﻪ ﻭﻳﺒﻜﻲ ..
ﻗﻠﺒﻬﺎ ﻭﺟﻌﻬﺎ ﻗﺎﻟﺖ : ﺃﻳﻤﻦ؟ !
ﻫﻮ ﺳﻤﻊ ﺻﻮﺗﻬﺎ ﺭﻓﻊ ﺭﺍﺳﻪ .. ﺷﺎﻓﻬﺎ ﻧﺎﺽ ..
ﻣﺴﺢ ﺩﻣﻮﻋﻪ ﻭﻗﺪﻣﻠﻬﺎ
ﺍﻳﻤﻦ ﺑﻐﻀﺐ : ﻣﺎﺗﺤﺸﻤﻴﺶ ﻉ ﻭﺟﻬﻚ ﺍﻧﺘﻲ .. ﻣﺎﺗﺴﺘﺤﻴﺶ ﻣﺎﺩﻩ ﺯﻭﻣﺘﻚ ﻭﺗﺮﺍﻗﺒﻲ ﻓﺎﻟﺮﺟﺎﻟﻪ ..
ﺣﺪﻫﻢ ﺑﺪﻣﻮﻉ : ﻣﺎﻧﻴﺶ ﻣﻌﺪﻟﻪ ﻉ ﺗﻔﺘﻔﻴﺘﻚ ﺍﻟﺰﺍﻳﺪ .. ﻗﻮﻟﻲ ﻋﻼﺵ ﺗﺒﻜﻲ ﺧﻴﺮﻙ؟
ﻫﻮ : ﺷﻦ ﺩﺧﻠﻚ ﺑﻴﺎ ﺍﻧﺘﻲ ﺷﻦ ﺩﺧﻠﻚ؟ !
ﺣﺪﻫﻢ : ﺯﻱ ﻣﺎﺍﻧﺖ ﺍﺩﺧﻠﺖ ﺑﻴﺎ ﻗﺒﻞ ﻭﻻ ﻧﺴﻴﺖ .. ﻓﻮﺕ ﺟﻮ ﺍﻟﻜﺒﺮ ﻭﺍﻟﻐﻄﺮﺳﻪ ﺍﻟﻔﺎﺿﻴﻴﻦ ﻣﺘﺎﻋﻚ ﻭﻗﻮﻟﻲ ﺧﻴﺮﻙ؟
ﻏﻴﺮ ﻋﻴﻮﻧﻪ ﻋﻨﻬﺎ ﻭﻗﺎﻝ : ﻣﺎﺗﺴﺄﻟﻲ ﻋﻦ ﺣﺎﻝ ﻭﺍﺣﺪ ﻛﻴﻔﻲ ﺑﻌﺪ ﻛﺎﻥ ﻋﺎﻳﺶ ﻓﻲ ﻋﺰ ﻫﻠﻪ ﻭﻧﺎﺳﻪ ﺑﻴﻦ ﻋﻴﻠﺘﻪ .. ﻭﻻ ﻋﺎﻳﺶ ﻛﻴﻒ ﺍﻟﻤﻘﻄﻮﻉ ﻛﻴﻒ ﺍﻟﻤﺘﺸﺮﺩ .. ﺷﺒﺤﻠﻬﺎ
ﺗﻌﺮﻓﻲ ﺍﻟﻴﻮﻡ ﻋﺪﻳﻨﺎ ﺍﻧﻲ ﻭﻭﻟﺪ ﻋﻤﺘﻲ ﻟﺴﺮﺕ .. ﻭﻳﺎﺭﻳﺘﻨﺎ ﻣﺎﻣﺸﻴﻨﺎ ﻳﺎﺭﻳﺖ .. ﻋﺪﻳﻨﺎ ﻭﺷﻔﻨﺎ ﺍﻟﻘﻬﺮﻩ ﺑﻌﻴﻮﻧﻨﺎ .. ﺳﺮﺕ ﺑﺎﻹﺳﻢ ﺑﺲ .. ﺳﺮﺕ .. ﺍﺩﻣﺮﺕ ﺭﺍﺣﺖ ﻛﻴﻒ ﻣﺪﻳﻨﺔ ﺍﻷﺷﺒﺎﺡ .. ﺑﻌﺪ ﻛﺎﻧﺖ ﻋﺎﻣﺮﻩ ﻭﺯﺍﻫﻴﻪ ... ﻣﺨﻨﻮﻕ ﻭﺍﺟﺪ ﺭﺍﻧﻲ ﻣﺨﻨﻮﻕ ﺭﻳﺘﻨﻲ ﻣﺘﺖ ﻣﻊ ﻋﻤﻲ ﻳﺎﺭﻳﺖ ..
ﺣﺪﻫﻢ ﺑﺒﻜﻲ : ﺑﻌﻴﺪ ﺍﻟﺴﻮ ﻋﻠﻴﻚ ﻣﺎﻋﺎﺵ ﺗﻘﻮﻝ ﻫﻜﻲ .. ﻭﺑﻌﺪﻳﻦ ﺍﻟﻠﻪ ﻏﺎﻟﺐ ﻫﻜﻲ ﺍﻟﺪﻧﻴﺎ ﻳﻮﻡ ﻓﻮﻕ ﻭﻳﻮﻡ ﻟﻮﻃﺎ .. ﻣﻌﻠﻴﺸﻲ .. ﻣﻌﺎﺵ ﺗﺒﻜﻲ ﻭﺭﺍﺱ ﺍﻣﻚ ..
ﺍﻳﻤﻦ ﻣﺴﺢ ﺩﻣﻮﻋﻪ : ﻣﻌﺎﺩ ﺗﺤﻠﻔﻲ ﺑﻐﻴﺮ ﺍﻟﻠﻪ ..
ﺣﺪﻫﻢ ﺑﺒﻜﻲ : ﺣﺎﺿﺮ ..
ﻏﻴﺮ ﻋﻴﻮﻧﻪ ﻋﻨﻬﺎ ﻭﻗﺎﻝ : ﻋﺪﻱ ﺍﻧﺰﻟﻲ ..
ﻫﻲ ﺭﺷﻔﺖ ﻭﻗﺎﻟﺖ : ﺑﻨﻘﺮﺍ ﻫﻨﻲ ..
ﺍﻳﻤﻦ : ﻗﻌﻤﺰﻱ ﻟﻮﻃﺎ ..
ﺣﺪﻫﻢ ﺑﺈﺑﺘﺴﺎﻣﻪ : ﺣﺎﺿﺮ ..
ﺍﻳﻤﻦ ﺗﻠﺨﺒﻂ : ﺷﻦ ﺍﻟﺸﺒﺤﺎﺕ ﺍﻟﻐﺒﻴﻪ ﻫﺪﻱ؟
ﺣﺪﻫﻢ : ﻫﻜﻲ ﺧﻴﺮ ﻣﺎﻻ .. ﺷﻘﻠﺒﺖ ﻋﻴﻮﻧﻬﺎ ..
ﺿﺤﻚ .. ﻭﻫﻮ ﻳﺤﺮﻙ ﻓﺮﺍﺳﻬﺎ ﺍﻳﻤﻴﻦ ﻭﻳﺴﺎﺭ : ﻣﻌﺘﻮﻫﻪ ..
ﺿﺤﻜﺖ ﻭﻗﻌﻤﺰﺕ ..
ﺷﺒﺢ ﺟﻴﻬﺘﻬﺎ ... ﺗﻨﻬﺪ ﺑﺈﺑﺘﺴﺎﻣﻪ ..
ﺑﻌﺪﻳﻦ ﻭﺯﻉ ﻧﻈﺮﻩ ﺣﻮﺍﻟﻴﻪ .. ﻭﺍﺑﺘﺴﺎﻣﺘﻪ ﺗﺒﺪﻟﺖ ﻟﻸﻟﻢ ..
" ﺍﻟﻌﻨﺎﺍﺍﺻﺮ ﺍﻟﺨﺎﺍﺍﻣﻠﻪ "
ﻓﻨﺺ : ﻭﻃﻲ ﺣﺴﻚ ..
ﺣﺪﻫﻢ ﺿﺤﻜﺖ ..
ﻫﻮ ﺭﺟﻊ ﺿﺤﻚ ..
ﻭﻣﺸﻲ ﻭﻻ ﻟﻤﻜﺎﻧﻪ ﻭﻗﻌﻤﺰ ..
ﻭﻣﺶ ﻧﺎﻭﻱ ﻳﻨﺰﻝ ﻟﻴﻦ ﻫﻲ ﺗﻨﺰﻝ ..
🍁🍁🍁🍁
ﺍﺍﻩ ﻳﺎﺭﺑﺎﺏ ﺍﺍﺍﻩ .. ﻗﻬﺮﺓ ﻳﺎﺭﺑﺎﺏ ﻗﻬﺮﺓ ..
ﺭﺑﺎﺏ ﺑﺒﻜﻲ : ﻣﻌﻠﻴﺸﻲ ﻳﺎﻏﺎﻟﻲ .. ﺍﻟﻠﻪ ﻏﺎﻟﺐ ﻛﻠﻪ ﺍﻗﺪﺍﺭ ﺍﻟﻠﻪ ﻭﻗﻀﺎﺋﻪ .. ﺗﻌﺮﻑ ﻣﺆﻧﺲ ﻭﺍﻧﻲ ﻧﻘﺮﺍ ﻓﻲ ﺳﻮﺭﺓ ﺍﻟﺒﻘﺮﺓ ﺩﻳﻤﺎ ﻧﺮﻛﺰ ﻉ ﺍﻵﻳﻪ ﻣﺘﺎﻉ ﻭﻟﻨﺒﻠﻮﻧﻜﻢ ﺑﺸﻲﺀ ﻣﻦ ﺍﻟﺨﻮﻑ ﻭﺍﻟﺠﻮﻉ ﻭﻧﻘﺺ ﻣﻦ ﺍﻷﻣﻮﺍﻝ ﺍﻷﻧﻔﺲ ﻭﺍﻟﺜﻤﺮﺍﺕ ﻭﺑﺸﺮ ﺍﻟﺼﺎﺑﺮﻳﻦ ..
ﺍﺻﺒﺮ ﻳﺎﻏﺎﻟﻲ ﺍﺻﺒﺮ ﻛﻠﻪ ﻋﻨﺪ ﺭﺑﻲ ﻭﻣﻨﻪ ﻭﻛﻞ ﺷﻲ ﻣﻦ ﺭﺑﻲ ﺧﻴﺮ ﺍﻛﻴﺪ ..
ﺍﺑﺘﺴﻢ ﻭﻗﺎﻝ : ﺍﻳﻪ ﻭﺍﻟﻠﻪ ﻛﻠﻪ ﺧﻴﺮ .. ﺍﻧﺖ ﺍﻛﺒﺮ ﺧﻴﺮ ﺟﺎﻧﻲ ﻓﻲ ﺍﻟﻠﻲ ﺻﺎﺭ ﻛﻠﻪ ..
ﺿﺤﻜﺖ ﺭﺑﺎﺏ ﺑﺨﺠﻞ ﻭﻗﺎﻟﺖ : ﻫﻴﻪ ﻣﺎﺗﺸﻜﺮﻧﻴﺶ ﻫﻠﺒﻪ ﺭﺍﻫﻮ ﻣﻌﺎﺵ ﻧﻌﺮﻑ ﺷﻦ ﻧﺮﺩ ﺑﻌﺪﻳﻦ ..
ﺿﺤﻚ ﻣﺆﻧﺲ ..
ﻭﻫﻲ ﻫﺎﻣﺖ ﻓﻀﺤﻜﺘﻪ ..
ﻣﺆﻧﺲ ﺗﻨﻬﺪ ﺑﻌﺪ ﺿﺤﻚ ﻭﻗﺎﻝ : ﻧﻘﻮﻟﻚ ﻧﺼﻜﺮﻭﺍ ﻭﻧﺪﺣﺮﻭﺍ ﺍﻟﺸﻴﻄﺎﻥ ..
ﺿﺤﻜﺖ ﻭﻗﺎﻟﺖ : ﺍﻋﻮﺫ ﺑﺎﻟﻠﻪ ﻣﻨﻪ ..
ﺿﺤﻚ ..
ﺭﺑﺎﺏ ﺑﺈﺑﺘﺴﺎﻣﻪ : ﺳﻠﻤﻬﺎ ﻟﺮﺑﻲ ﻛﻠﻬﺎ ﻳﺎﻏﺎﻟﻲ ..
ﻣﺆﻧﺲ : ﻭﻧﻌﻢ ﺑﺎﻟﻠﻪ ... ﻫﻲ ﺗﺼﺒﺤﻲ ﻉ ﺧﻴﺮ ..
ﺭﺑﺎﺏ : ﻗﺪﺍﻣﻚ ﻛﻞ ﺧﻴﺮ ... ﺻﻜﺮﺕ ..
ﻭﺣﻀﻨﺖ ﺍﻟﺘﻠﻴﻔﻮﻥ ..
ﺍﻣﺎﻫﻮ ﻗﻌﺪ ﻳﺸﻮﻓﻠﻪ ﻗﺎﻝ ﺑﺈﺑﺘﺴﺎﻣﻪ : ﻣﻦ ﻏﻴﺮﻙ ﺷﺎﻗﻲ ﻳﺎﺷﻘﻴﻘﺔ ﻗﻠﺒﻲ 💓.. ﺳﻬﻠﻬﺎ ﻳﺎﺭﺏ .. ﻭﺍﺟﻤﻌﻨﻲ ﺑﻴﻬﺎ ﻋﺎﺟﻼ ﻏﻴﺮ ﺁﺟﻞ ..
ﻭﻫﻲ ﺩﻋﺖ ﺑﻨﻔﺲ ﺍﻟﺪﻋﻮﺓ ..
ﺭﺑﺎﺏ : ﻳﺎﺭﺑﻲ ﺍﺭﻓﻌﻨﻲ ﻋﻨﺪﻩ ﻋﻦ ﻗﺮﻳﺐ ﻳﺎﺭﺏ ..
ﺿﺤﻜﺖ ﺭﺍﻧﻴﺎ ﻭﻫﻲ ﺗﺴﻤﻊ ﻓﻴﻬﺎ ..
ﻭﻓﺪﺍﺧﻠﻬﺎ ﺧﻮﻑ ﻭﺃﻟﻢ ﻛﺒﻴﺮ ﺧﻼﻫﺎ ﺗﺪﻋﻲ ﻓﻨﻔﺴﻬﺎ " ﻭﺩﻋﺘﻚ ﺭﻣﺰﻱ ﻳﺎﺭﺑﻲ .."
🍁🍁🍁🍁
ﺧﺸﺖ ﻟﻠﻜﻮﺟﻴﻨﻪ ..
ﺗﻔﺎﺟﺌﺖ ..
ﺭﺯﺍﻥ ﺑﻀﺤﻜﻪ : ﺧﺒﺰﺓ ﻣﻘﻠﻴﻪ ﺑﺎﻟﻌﺴﻞ ﺷﻦ ﺧﻄﺮ ﻋﻠﻴﻚ !!
ﻏﺎﻟﻴﻪ ﺑﻀﺤﻜﻪ : ﻋﻤﺎﺩ ﻃﻠﺒﻬﺎ ..
ﺗﻼﺷﺖ ﺿﺤﻜﺘﻬﺎ ﻭﻗﺎﻟﺖ : ﺍﻣﻤﻢ ..
ﻏﺎﻟﻴﻪ : ﻳﻤﻮﺕ ﻋﻠﻴﻬﺎ ﻫﻲ ﻭﺍﻟﻤﻜﺮﻭﻧﻪ ﺍﻟﻤﻘﻠﻴﻪ ﻣﻨﻴﻦ ﻛﺎﻥ ﺻﻐﻴﺮ ﻳﻄﻠﺐ ﻓﻴﻬﻦ ﻫﻦ ﺑﺲ ..
ﺭﺯﺍﻥ ﺑﺼﻮﺕ ﻣﺨﻨﻮﻕ ﺷﻮﻱ : ﻧﺤﺴﺎﺑﻪ ﻳﺤﺐ ﺍﻟﺸﺎﻣﻴﻪ ﺑﺲ ..
ﻏﺎﻟﻴﻪ ﺑﻀﺤﻜﻪ : ﺍﻟﺸﺎﻣﻴﻪ ﻫﺪﻱ ﺟﺖ ﺑﻌﺪﻳﻦ ..
ﺍﺑﺘﺴﻤﺖ ﺑﺄﻟﻢ ﻭﻫﻲ ﺗﺸﻮﻑ ﻟﻠﺼﻮﻧﻴﻪ ..
ﻉ ﺧﺸﺘﻪ ﻫﻮ : ﺷﻨﻮ ﻍ .... ﺳﻜﺖ ﻟﻤﺎ ﺷﺎﻓﻬﺎ .. ﺑﻌﺪﻳﻦ ﻗﺎﻝ .. ﻣﻠﻌﻘﻪ ..
ﺍﻟﺘﻔﺘﺖ ﻭﺍﺑﺘﺴﻤﺘﻠﻪ ..
ﻗﻠﺒﻪ ﻓﺮ ﻓﺮﺍﻥ 💓 ﻗﺎﻝ : ﻻﺑﺎﺱ 💓
ﺭﺯﺍﻥ ﺑﺈﺑﺘﺴﺎﻣﻪ : ﻻﻳﻮﺭﻳﻚ ﺑﺎﺱ ..
ﻏﺎﻟﻴﻪ ﺑﻀﺤﻜﻪ : ﺗﻌﺎﻝ ﺧﻮﺩ ﺍﻟﺼﻮﻧﻴﻪ ﻫﻲ ..
ﻗﺪﻡ ﻭﻫﻮ ﻳﺸﻮﻑ ﻟﺮﺯﺍﻥ ﺧﺪﺍﻫﺎ ..
ﺭﺯﺍﻥ ﺑﺈﺑﺘﺴﺎﻣﻪ : ﻋﺎﺩﻱ ﻧﺎﻛﻞ ﻣﻌﺎﻙ؟
ﻗﻌﺪ ﻳﺸﻮﻑ ﻟﻌﻴﻮﻧﻬﺎ ﺑﻌﺸﻖ ﺗﻨﻬﺪ ﻣﻦ ﻗﻠﺒﻪ ﻭﻗﺎﻝ : ﻋﺎﺩﻱ 💓
ﺭﺯﺍﻥ : ﻧﺎﻛﻠﻮﺍ ﻫﻨﻰ .. ﺍﺷﺮﺕ ﻉ ﺍﻟﻄﺎﻭﻟﻪ ﺍﻟﺼﻐﻴﺮﻩ .. ﺣﻄﻬﺎ ﻏﺎﺩﻱ ..
ﻫﻮ ﻳﺴﻤﻊ ﻓﻜﻼﻣﻬﺎ ﻭﻳﻨﻔﺪ ﻭﺧﻼﺹ ..
ﻗﺪﻡ ...
ﻗﻌﻤﺰ ﻉ ﺭﻭﺱ ﺻﻮﺍﺑﻌﻪ ﺑﻌﺪ ﺣﻄﻬﺎ ﻉ ﺍﻟﻄﺎﻭﻟﻪ ..
ﻭﻗﺪﻣﺖ ﻫﻲ ﻭﻗﻌﻤﺰﺕ ﻉ ﺭﻭﺱ ﺻﻮﺍﺑﻌﻬﺎ ﻭﺑﺪﺕ ﺗﺎﻛﻞ ﻭﻫﻲ ﻣﺒﺘﺴﻤﻪ ..
ﻫﻮ ﻗﻌﺪ ﻳﺘﺄﻣﻞ ﻓﻴﻬﺎ ﻭﻧﺴﻲ ﺍﻟﺨﺒﺰﺓ ﻭﻣﺎﻳﺠﻲ ﻣﻨﻬﺎ ..
ﻏﺎﻟﻴﻪ : ﻛﻮﻭﻭﻭﻭﻝ ..
ﺍﻧﻔﺰﻉ ﻭﺷﺒﺢ ﻟﻐﺎﻟﻴﻪ .. ﺑﻌﺪﻳﻦ ﺗﻨﻬﺪ .. ﻭﺭﺟﻊ ﺷﺎﻑ ﻟﺮﺯﺍﻥ ﻭﺑﺪﻱ ﻳﺎﻛﻞ ﻭﻫﻮ ﻳﺸﻮﻓﻠﻬﺎ ..
ﻭﻫﻲ ﺗﺎﻛﻞ ﻭﻣﺒﺘﺴﻤﻪ ﺑﺨﺠﻞ .... ﻣﺼﻄﻨﻊ ﻭﺣﻘﻴﻘﻲ 💔
🍁🍁🍁🍁🍁
ﻓﻲ ﺍﺣﺪﻯ ﺍﺳﻮﺍﻕ ﻣﺪﻳﻨﺔ ﻃﺮﺍﺑﻠﺲ ..
ﻣﺎﻣﺎ ﺳﻬﻰ ﻣﺎﺗﻤﺴﻲ ﺷﻲ ..
ﺳﻬﻰ : ﺣﺎﺿﺮ ..
ﺣﻤﻴﺪ : ﺷﻦ ﺭﺍﻳﻚ ﻓﻬﺎﺩﻱ ﺗﻤﺸﻲ ﻣﻌﺎﻙ ..
ﻏﺰﻻﻥ ﺑﺈﺑﺘﺴﺎﻣﻪ : ﻻﺷﻚ ﻓﺬﻭﻗﻚ ﺣﺒﻴﺒﻲ ..
ﺍﺑﺘﺴﻢ ﺣﻤﻴﺪ ..
ﻋﺎﻳﺶ ﺟﻮﻩ ﻣﻊ ﻋﻴﻠﺘﻪ ﺍﻟﺘﺎﻧﻴﻪ ..
ﻉ ﺑﺎﻟﻪ ﺍﻧﻪ ﻓﻲ ﺃﻣﺎﻥ ...
ﺯﻱ ﻛﻞ ﻣﺮﺓ ..
ﺑﺲ ﻣﺶ ﻛﻞ ﻣﺮﺓ ﺗﺴﻠﻢ ﺍﻟﺠﺮﺓ ..
ﻫﺎﻟﻤﺮﻩ ﻋﻴﻮﻥ ﺣﻤﺰﺓ ﺍﻟﻤﺼﺪﻭﻣﻪ ﺷﺎﻓﺖ ﺍﻟﻠﻲ ﺣﺎﻭﻝ ﺳﻨﻴﻴﻴﻦ ﺣﻤﻴﺪ ﻳﺪﺭﻗﻪ ...
.... ﻳﺘﺒﻊ
