#العشق_المتمرد
الجزء88/القسم الاول
#جمان_فريد
ﺑﻌﺪ ﺭﻭﺣﻮﺍ ﻣﻦ ﺍﻟﻜﺴﻮﺓ ﺑﺪﻟﻮﺍ ﻃﻮﻝ ﻭﺗﻨﺎﻭﺑﻮﺍ ﻉ ﺍﻟﺤﻤﺎﻡ ﺑﺶ ﻳﺪﻭﺷﻮﺍ ﺑﺤﻜﻢ ﺍﻧﻪ ﺻﻴﻒ ﻭﺍﻟﻤﻨﺎﺳﺒﺎﺕ ﻓﻲ ﺍﻟﺼﻴﻒ ﻫﻜﻲ ﺗﺒﻲ ..
ﻭﺑﺎﻟﺪﻭﺭ ﺍﻟﻠﻲ ﺗﻄﻠﻊ ﺗﺒﺪﻝ ﻭﺗﻤﻜﻴﺞ ﻭﺗﻄﻠﻊ ﻟﻠﺨﻴﻤﻪ ﻻﻥ ﺍﻟﻨﺎﺱ ﺑﺘﺠﻴﻬﻢ ﻟﻠﺴﻬﺮﻳﻪ ﺍﻟﺘﺎﻧﻴﻪ ﻓﻲ ﺍﻟﻌﺮﺱ ..
💕💕💕💕
ﺍﻟﺴﺎﻋﻪ 9:00 ﻟﻴﻼ ...
ﻓﻲ ﺍﻟﺨﻴﻤﻪ ﻛﺎﻧﺖ ﺍﻟﻤﻨﻈﻮﻣﻪ ﻭﺍﻟﻌﻪ ﻭﺍﻟﻨﺎﺱ ﻛﻴﻒ ﺑﺎﺩﻳﻪ ﺗﺠﻲ ..
ﻓﻲ ﺗﺮﻛﻴﻨﻪ ﻣﻘﻌﻤﺰﺓ ﻓﻴﻬﺎ ﺣﺪﻫﻢ ﻣﻊ ﺑﻠﻘﻴﺲ ﻭﻳﻬﺪﺭﺯﻭﺍ ..
ﺣﺪﻫﻢ : ﻭﻋﻼﺵ ﺑﺘﻜﺬﺏ ﻗﻮﻟﻴﻠﻲ ..
ﺑﻠﻘﻴﺲ : ﻣﻜﺴﺪﻩ ﻋﻠﻴﺎ ..
ﺣﺪﻫﻢ : ﺑﺲ ﺍﻧﻲ ﻣﺎﺣﺴﻴﺘﺶ ﻫﻜﻲ .
ﺑﻠﻘﻴﺲ ﺑﻀﻴﻖ : ﻣﺎﻙ ﻟﻮ ﺭﻳﺘﻲ ﻣﺤﻤﺪ ﻭﺗﺼﺮﻓﺎﺗﻪ ﻣﻌﺎﻱ ﻭﺍﺳﺘﻜﺮﺍﺩﻩ ﻟﻴﺎ ﻣﺴﺘﺤﻴﻞ ﺗﺼﺪﻗﻲ ﻛﻼﻡ ﺭﺯﺍﻥ ..
ﺣﺪﻫﻢ ﺑﺰﻋﻞ : ﻋﻨﺪﻙ ﺣﻖ ﻋﺎﻳﺸﻪ ﻧﻔﺲ ﺍﻟﺤﺎﻟﻪ ..
ﺑﻠﻘﻴﺲ : ﺍﻩ ﺑﺲ ﻣﻦ ﻗﻠﻮﺑﻨﺎ ﻫﺪﻳﻦ ﻳﺒﻦ ﻋﻔﺲ ﻭﺭﻓﺲ ﻣﺎﺟﺮﻭﺍ ﻏﻴﺮ ﻭﺭﺍ ﺍﻟﻠﻲ ﺣﺎﺻﻠﻴﻦ ﻓﺄﻋﻤﺎﺭﻫﻢ ..
ﺿﺤﻜﺖ ﺣﺪﻫﻢ : ﺑﺲ ﻭﺍﻟﻠﻪ ﻳﺎﻭﺧﻴﺘﻲ ﻳﺴﺘﺎﻫﻠﻮﺍ .. ﺍﻩ ﻳﺎﻗﻠﺒﻲ ﻛﻴﻒ ﺭﻳﺘﻪ ﻭﻫﻮ ﻻﺑﺲ ﺍﻟﻌﺮﺑﻲ ﻭﻋﻤﺎﻣﻪ ﻓﻮﻕ ﺭﺍﺳﻪ ﻭﻛﺸﺎﺑﻴﻪ ﻉ ﻛﺘﺎﻓﻪ ﻣﺘﺖ ﻓﻴﻪ ﻳﺎﺑﻠﻘﻴﺲ ﺑﺰﻳﺎﺩﻩ ..
ﺑﻠﻘﻴﺲ : ﺻﺮﺍﺣﻪ ﻣﺎﺑﻌﺪﻙ .. ﺯﻭﻣﺘﻚ ﻓﺰﻭﻣﺘﻪ ﻟﻴﻞ ﻧﻬﺎﺭ .. ﻟﻜﻦ ﻃﻠﻌﺘﻲ ﻗﻮﻳﻪ ﻭﺭﺯﻳﻨﻪ .. ﻛﺎﻧﻲ ﻣﻜﺎﻧﻚ ﺭﺍﻧﻲ ﻣﻦ ﺯﻣﺎﻥ ﻣﻌﺘﺮﻓﻪ ..
ﺣﺪﻫﻢ : ﻫﻬﻬﻬﻬﻬﻪ .. ﻣﻬﺒﻮﻟﻪ ..
ﺿﺤﻜﺖ ﺑﻠﻘﻴﺲ ﻭﻉ ﻭﺟﻬﻬﺎ ﻣﻼﻣﺢ ﺍﻟﻌﺼﺒﻴﻪ ..
ﺷﻮﻳﻪ ﺭﻥ ﺗﻠﻴﻔﻮﻧﻬﺎ ... ﺷﺎﻓﺎﺗﻪ ﻛﺎﻧﺖ ﺍﻣﻬﺎ .. ﺭﺩﺕ ﻃﻮﻝ ..
ﺑﻠﻘﻴﺲ : ﻫﺎﺍﺍﻩ ﻳﻤﻲ .......... ﺑﺎﻫﻲ ﺑﺎﻫﻲ ﻫﻲ ﺷﻮﻱ ....
ﻧﺎﺿﺖ ﻭﺣﺪﻫﻢ ﺗﺸﻮﻓﻠﻬﺎ ..
ﺻﻜﺮﺕ ﺑﻠﻘﻴﺲ ﻭﺧﺪﺕ ﻋﺒﺎﻳﺘﻬﺎ ..
ﺣﺪﻫﻢ : ﺷﻦ ﻓﻲ ..
ﺑﻠﻘﻴﺲ ﻭﻫﻲ ﺗﻠﺒﺲ : ﺍﻣﻲ ﻳﺎﺣﻨﻪ ﺗﺒﻴﻨﻲ ﻧﺪﻳﺮﻟﻬﺎ ﻓﻴﺮ ..
ﺣﺪﻫﻢ : ﺧﻄﺮ ﻋﻠﻴﻬﺎ ﺗﻮﺍ؟ .
ﺑﻠﻘﻴﺲ ﻭﻫﻲ ﺗﻠﻒ ﻓﻮﺷﺎﺣﻬﺎ : ﻫﺪﻱ ﺍﻣﻲ ﻛﻞ ﺩﻗﻴﻘﺔ ﺑﺮﺍﻱ ..
ﺧﺪﺕ ﺷﻨﻄﺘﻬﺎ ﻭﻃﻮﻝ ﻣﺸﺖ ..
ﺣﺪﻫﻢ ﻭﺯﻋﺖ ﻧﻈﺮﻫﺎ ﻉ ﺍﻟﻨﺎﺱ ﻭﻧﺎﺿﺖ ﺧﺸﺖ ﺩﺍﺧﻞ ..
💕💕💕💕
ﻃﻠﻌﺖ ﺑﻠﻘﻴﺲ ﺗﺠﺮﻱ ..
ﻭﻻﻥ ﺍﻟﺪﻧﻴﺎ ﺷﺒﻪ ﻇﻼﻡ .. ﻋﺘﺮﺕ ﻓﺮﺷﺎﺩﻩ ﻗﺮﻳﺐ ﻃﺎﺣﺖ ..
" ﻳﺎﺳﺎﺗﺮ ﻳﺎﺳﺎﺗﺮ " .
ﻫﻲ ﻓﻨﺼﺖ ﻋﻴﻮﻧﻬﺎ ﻭﺭﻣﺸﺘﻬﻢ .. ﻭﺭﻓﻌﺘﻬﻢ ..
ﻟﻘﺖ ﻣﺤﻤﺪ ﻭﺍﻗﻒ ﺑﻌﻴﺪ ﺷﻮﻱ ﻭﻳﺸﻮﻓﻠﻬﺎ ﻟﻤﺎ ﺷﺒﺤﺘﻠﻪ ﻏﻴﺮ ﻋﻴﻮﻧﻪ ..
ﻃﺒﺴﺖ ﺭﺍﺳﻬﺎ ..
ﻭﻋﻴﻮﻧﻬﺎ ﻳﻬﺮﺑﻮﺍ ﺟﻴﻬﺘﻪ ﻉ ﺟﻨﺐ ﻭﻫﻲ ﻣﺎﺷﻴﻪ ..
ﻟﻌﻨﺪ ﻣﺎﻃﻠﻌﺖ ﻣﻦ ﺍﻟﻘﻄﻌﻪ ..
ﻛﻤﻠﺖ ﻣﺸﻲ ﻟﻴﻦ ﻭﺻﻠﺖ ﻓﺎﻟﺤﻮﺵ ..
ﻃﻠﻌﺖ ﺍﻟﻤﻔﺘﺎﺡ ﻣﻦ ﺍﻟﺸﻨﻄﻪ ﻭﻓﺘﺤﺎﺗﻪ ﻭﺧﺸﺖ ..
ﻟﻤﺎ ﺟﺖ ﺑﺘﺼﻜﺮ ﺍﻟﺒﺎﺏ ﻟﻤﺤﺖ ﺧﻴﺎﻝ ﺣﺪ ﻓﻴﺴﻊ ﺍﺩﺭﻕ ..
ﺻﻜﺮﺕ ﺍﻟﺒﺎﺏ ﻭ ﻏﻤﻀﺖ ﻋﻴﻮﻧﻬﺎ ﻭﻫﻲ ﺗﻘﻮﻝ : ﺍﻭﻫﺎﻡ .. ﺍﺣﻼﻡ ... ﻣﻨﺎﻡ ..
ﺍﻭﻫﺎﻡ .. ﺍﻭﻫﺎﻡ ..
ﻭﻛﻤﻠﺖ ﻃﺮﻳﻘﻬﺎ ﻟﺪﺍﺧﻞ ﻭﻫﻲ ﺗﻘﻮﻝ ..
ﺍﺣﻼﻡ .. ﻣﻨﺎﻡ .. ﺍﻭﻫﺎﻡ ..
🍁🍁🍁🍁
ﻃﻠﻌﺖ ﻣﻦ ﺍﻟﺪﺍﺭ ﺑﻌﺪ ﻟﺒﺴﺖ ﻭﻛﻤﻠﺖ ﺗﺠﻬﻴﺰ ﻧﻔﺴﻬﺎ ..
ﻧﻮﺭ : ﻭﻭﻙ ﻳﺎﺭﺑﻲ ﺷﻦ ﺑﻴﺠﻴﺒﻪ ﻣﻦ ﺑﺮﺍ ..
ﻓﻜﺮﺕ ... ﺑﻌﺪﻳﻦ ﻣﺸﺖ ﻭﻗﻔﺖ ﻓﻢ ﺍﻟﺒﻮﺍﺑﻪ ﻭﻗﻌﺪﺕ ﺗﻨﺎﺩﻱ ..
ﻧﻮﺭ : ﻣﺠﺪ .. ﻣﺠﺠﺠﺪ ..
ﺷﻮﻳﻪ ﻭﺑﺎﻥ ﻋﻠﻴﻬﺎ ﺟﺎﻱ ﻳﺠﺮﻱ ..
ﻧﻮﺭ : ﻭﻳﻨﻜﻢ ..
ﻣﺠﺪ : ﻣﻊ ﺑﺎﺑﺎ ..
ﻧﻮﺭ : ﺑﺎﻫﻲ ﺗﻌﺎﻟﻰ ﻣﻌﺎﻱ ..
ﺧﺪﺍﺗﻪ ﻣﻦ ﻳﺪﻩ ﻭﺧﺸﺖ ﺑﻴﻪ ﺩﺍﺧﻞ ..
ﻭﻗﻔﺖ ﻓﺎﻟﺼﺎﻟﻪ : ﺍﻃﻠﻊ ﺑﺮﺍ ﺗﻠﻘﻰ ﺣﺪﺍ ﺍﻟﺪﺭﻭﺝ ﻛﻨﺪﺭﺓ ﻻﻣﺎﻋﻪ .. ﺗﻠﻤﻊ .. ﺟﻴﺒﻬﺎﻟﻲ ..
ﻣﺠﺪ : ﺩﻳﺮ ﻧﺠﻮﻡ ﻟﻤﺎ ﺗﻠﻤﻊ ..
ﻧﻮﺭ ﺑﻀﺤﻜﻪ : ﺍﻳﻪ ﻏﻴﺮ ﻫﻲ ﺳﻘﺪﻧﻲ ﺍﻃﻠﻊ ..
ﻣﺸﻲ ﻣﺠﺪ ﻓﺘﺢ ﺍﻟﺒﺎﺏ ﻭﻃﻠﻊ .. ﻭﻫﻲ ﺳﻜﺮﺍﺗﻪ ﻭﺗﺮﺍﺟﻲ ﻭﺭﺍﻩ ..
ﺑﺮﺍ ..
ﻛﺎﻥ ﻣﺎﻟﻚ ﺧﺎﻃﻢ ﺑﻴﻤﺸﻲ ﻟﻠﻤﺮﺑﻮﻋﻪ ﻣﺘﺎﻉ ﺍﻟﺤﻮﺵ ﺷﺎﻑ ﻣﺠﺪ ﻳﺪﻭﺭ ..
ﺿﺤﻚ ﻭﻣﺸﺎﻟﻪ .
ﻣﺎﻟﻚ : ﺯﻋﻮﻣﻪ ﺷﻦ ﺩﻳﺮ ..
ﺷﺒﺤﻠﻪ ﻣﺠﺪ : ﻧﺪﻭﺭ ﻓﻜﻨﺪﺭﺓ ﻧﻮﺭ ﺍﻟﻠﻲ ﺗﻠﻤﻊ ﺯﻱ ﺍﻟﻨﺠﻮﻡ ..
ﻣﺎﻟﻚ ﺭﻓﻊ ﺣﺎﺟﺒﻪ ﻭﻫﻮ ﻣﺒﺘﺴﻢ : ﺍﻣﻢ .. ﺧﻞ ﻧﺪﻭﺭ ﻣﻌﺎﻙ ..
ﻣﺎﻟﻚ ﻗﻌﺪ ﻳﺪﻭﺭ ... ﺷﻮﻳﻪ ﻭﻟﻘﺎﻫﺎ ..
ﺧﺪﺍﻫﺎ ﻭﻗﺎﻝ ﻟﻤﺠﺪ : ﺗﺮﺍ ﻃﻖ ﺍﻟﺒﺎﺏ .
ﻣﺸﻲ ﻣﺠﺪ ﻟﻠﺒﺎﺏ ﻃﻖ ..
ﻓﺘﺤﺖ ﻧﻮﺭ ﺍﻟﺒﺎﺏ ..
ﺍﻟﻜﺎﺭﺛﻪ ﺍﻧﻬﺎ ﻛﺎﻧﺖ ﻻﺑﺴﻪ ﺑﺮﻣﻮﺩﺍ ﺟﻴﻨﺰ ﻟﺘﺤﺖ ﺍﻟﺮﻛﺒﻪ ﻭﻛﺖ ﺍﺳﻮﺩ ﻣﻦ ﻏﻴﺮ ﺳﻴﻮﺭ ..
ﻟﻤﺎ ﺷﺎﻓﺖ ﻣﺎﻟﻚ ﻃﻮﻝ ﻗﺮﺑﻌﺖ ﻓﻮﺟﻬﻪ ﺍﻟﺒﺎﺏ ..
ﻧﻮﺭ ﺑﻌﺼﺒﻴﻪ ﻭﻭﺟﻬﻬﺎ ﺍﺣﻤﺮ : ﻣﺼﺢ ﻭﺟﻬﻪ ..
ﻭﻣﺠﺪ ﻳﻘﺮﺑﻊ ﻉ ﺍﻟﺒﺎﺏ ﻭﻳﻘﻮﻝ : ﺍﻓﺘﺤﻲ ﻳﺎﺯﻗﺰﻭﻗﻪ "... ﻋﺼﻔﻮﺭﺓ "
ﻣﺎﻟﻚ : ﻫﻬﻬﻬﻬﻬﻬﻬﻬﻬﻬﻬﻪ ..
ﻧﻮﺭ ﺑﻬﻤﺲ : ﺣﻲ ﻋﻠﻴﻚ ﻳﺎﻣﺠﺪ ﺣﻲ ..
ﻣﺠﺪ : ﺍﻓﺘﺤﻲ ﻳﺎﻧﺘﻴﻔﻪ ..
ﻭﻣﺎﻟﻚ ﻣﻴﺖ ﺑﺎﻟﻀﺤﻚ ..
ﻭﻫﻲ ﺗﺴﻤﻊ ﻓﻴﻪ ﻭﻣﺤﺮﺟﻪ ﻉ ﺍﻷﺧﺮ ..
ﺷﻮﻳﻪ ﻓﺘﺤﺖ ﻭﻫﻲ ﻻﺑﺪﻩ ﻭﺭﺍ ﺍﻟﺒﺎﺏ ..
ﺧﺶ ﻣﺠﺪ ﺑﺎﻟﻜﻨﺪﺭﻩ ﻟﻮﺣﻬﺎ ﻋﻠﻴﻬﺎ ﻭﻃﺎﺭ ﻳﺠﺮﻱ ..
ﻣﺎﻟﻚ : ﺻﺤﻪ ﻹﻳﺪﻙ ﻳﺎﻣﻴﺠﻮ ..
ﺻﻜﺮﺕ ﻓﻮﺟﻬﻪ ﺍﻟﺒﺎﺏ ﺑﺪﻭﻥ ﻣﺎﻳﺸﻮﻓﻬﺎ ﻫﺎﻟﻤﺮﺓ ..
ﻭﺧﺪﺕ ﻛﻨﺪﺭﺗﻬﺎ ﻭﻫﻲ ﻣﻌﺼﺒﻪ ﻭﻣﺸﺖ ..
ﻣﺎﻟﻚ ﺗﻨﻬﺪ : ﺍﺍﺍﺍﺍﺥ ﻳﺎﻭﺟﻊ ﻗﻠﺒﻲ .. ﻣﺎﻟﻲ ﻭﻣﺎﻟﻪ ﺍﻟﺤﺐ ﺍﻧﻲ ﻣﺎﻟﻲ ﻭﻣﺎﻟﻪ .. ﻭﺧﺶ ﻟﻠﻤﺮﺑﻮﻋﻪ ..
🍁🍁🍁🍁
ﺑﻌﺪ ﺩﺍﺭﺕ ﻷﻣﻬﺎ ﺍﻟﻔﻴﺮ ..
ﻭﻟﺖ ﻫﻲ ﻭﻳﺎﻫﺎ ﻭﺧﺎﻟﺘﻬﺎ ﻭﺑﻨﺘﻬﺎ ﻟﺤﻮﺵ ﻋﻴﺖ ﺭﻣﻀﺎﻥ ..
ﺍﻟﻨﺴﺎﻭﻳﻦ ﺍﻟﻜﺒﺎﺭ ﻗﺪﺍﻣﻬﻢ ﻭﻫﻤﺎ ﻭﺭﺍﻫﻢ ﻳﻬﺪﺭﺯﻭﺍ .
ﺑﻠﻘﻴﺲ ﻓﻨﺺ ﺍﻟﻬﺪﺭﺯﺓ ﺿﺤﻜﺖ ﺑﺼﻮﺕ ﻋﺎﻟﻲ ﺷﻮﻳﻪ ..
ﻭﻛﺎﻥ ﻣﺤﻤﺪ ﻳﺸﻮﻑ ﻓﻲ ﺍﻟﻔﻼﺷﺎﺕ ﺷﺒﺤﻠﻬﺎ ﻭﻗﺎﻝ ﺑﻐﻀﺐ : ﻭﻃﻲ ﺣﺴﻚ ..
ﺍﻧﺨﻠﻌﺖ ﻫﻲ ﻭﺍﺭﻳﺞ ﻗﻌﺪﻭﺍ ﻳﺪﻭﺭﻭﺍ ﻟﻴﻦ ﺷﺎﻓﻮﻩ ﺭﺍﻛﺐ ﻓﻮﻕ ﺳﻠﻮﻡ ...
ﺑﻠﻘﻴﺲ : ﻫﻴﻴﻲ .. ﺭﺍﻙ ﺍﻃﻴﺢ ﻳﺎﻫﻤﻲ ..
ﻓﻨﺼﺖ ﺍﺭﻳﺞ ﻓﺒﻠﻘﻴﺲ ..
ﻣﺤﻤﺪ : ﺷﻦ ﺩﺧﻠﻚ ﺑﺄﻣﻲ ﻧﻄﻴﺢ ﻭﻻﻧﻄﻴﺮ ... ﻋﺪﻱ ﺧﺸﻲ ﺗﺤﺮﻛﻲ
ﺑﻠﻘﻴﺲ ﺑﺨﻮﻑ : ﺑﺎﻫﻲ ﻣﺎﻃﻴﺤﺶ ﺑﺎﻟﻠﻪ ﻋﻠﻴﻚ .
ﻣﺤﻤﺪ ﺑﻨﻔﺎﺩ ﺻﺒﺮ : ﺑﺎﻟﻠﻪ ﻳﺎﺍﺧﺘﻲ ﺩﺧﻠﻴﻬﺎ ﺗﺮﺑﺤﻲ ..
ﺟﺒﺪﺗﻬﺎ ﺍﺭﻳﺞ ﻭﺑﻠﻘﻴﺲ ﺗﺸﻮﻓﻠﻪ ﺑﺨﻮﻑ ﻟﻴﻦ ﺧﺸﻮﺍ ﻟﻠﺨﻴﻤﻪ ..
ﻭﻫﻮ ﻗﻌﺪ ﻳﺴﺎﻭﻱ ﻓﻼﻣﺒﺔ ﺍﻟﻔﻼﺵ ﻭﻳﺤﺮﻙ ﻓﺮﺍﺳﻪ ﺍﻳﻤﻴﻦ ﻭﻳﺴﺎﺭ ..
💕💕💕💕
ﺧﺸﻮﺍ ﺩﺍﺧﻞ ﻭﺑﻠﻘﻴﺲ ﺗﺨﻤﻢ ﻣﻦ ﺟﺪﻫﺎ ﻓﻤﺤﻤﺪ ..
ﻗﻌﻤﺰﻭﺍ ﺣﺪﺍ ﺣﺪﻫﻢ ..
ﺣﺪﻫﻢ : ﺧﻴﺮﻫﺎ ﻫﺎﺩﻱ ..
ﺍﺭﻳﺞ ﺑﻀﺤﻜﻪ : ﻳﻐﺎﺭ ﻋﻠﻴﻬﺎ ﺍﻟﺴﻲ ﻣﺤﻤﺪ ...
ﺑﻠﻘﻴﺲ ﺷﺒﺤﺖ ﻷﺭﻳﺞ ﺑﺼﺪﻣﻪ : ﻳﻐﺎﺭ !!
ﺍﺭﻳﺞ : ﺍﻳﻪ ﻳﺎﺣﻨﻪ ﻣﺎﻻ ﻋﻼﺵ ﻳﻘﻮﻟﻚ ﻧﻘﺼﻲ ﺻﻮﺗﻚ ﻭ ﺧﺸﻲ ..
ﺣﺪﻫﻢ ﺑﻀﺤﻜﻪ : ﺍﻟﻠﻪ ..! ﻣﻌﻨﺎﻫﺎ ﻛﻼﻡ ﺭﺯﺍﻥ ﺣﻖ ..
ﺑﻠﻘﻴﺲ ﻗﻌﺪﺕ ﺳﺎﺭﺣﻪ ﻭﺗﻔﻜﺮ ﻓﻜﻼﻣﻬﻢ ..
ﺷﻮﻳﻪ ﻭﺍﺭﺗﺴﻤﺖ ﻉ ﻭﺟﻬﻬﺎ ﺍﺑﺘﺴﺎﻣﻪ ﻋﺮﻳﻀﻪ ..
ﻧﺎﺿﺖ ﻭﻣﺸﺖ ﻃﻮﻝ ﻟﻠﻤﻨﻈﻮﻣﻪ ﻭﺍﻟﺒﻨﺎﺕ ﻳﺸﻮﻓﻮﻟﻬﺎ ..
ﻗﻌﺪﺕ ﺍﺩﻭﺭ ﻓﻲ ﺍﻟﺴﺪﻳﻬﺎﺕ .. ﻟﻴﻦ ﻋﺘﺮﺕ ﻓﻮﺍﺣﺪ ﻟﻴﺒﻲ ﻣﺘﺎﻉ ﻫﻴﺎﺟﻪ .. ﺣﻄﺎﺗﻪ ... ﻭﺑﺪﺕ ﺍﻷﻏﻨﻴﻪ .. ﻋﻠﺖ ﺍﻟﺼﻮﺕ ...
ﻭﺑﺪﺕ ﺗﺮﻗﺺ ﻭﺗﺼﻔﻖ ..
ﺿﺤﻜﻮﺍ ﺣﺪﻫﻢ ﻭﺍﺭﻳﺞ ...
ﻭﺍﻟﺒﻨﺎﺕ ﻣﺮﻛﺰﻳﻦ ﻣﻌﺎﻫﺎ ..
ﻛﻔﺎﻳﻪ : ﺧﺎﺷﻪ ﺧﺎﻃﺮﻱ ..
ﻧﻌﻴﻤﻪ : ﺣﺘﻰ ﺍﻧﻲ ﺣﺒﻴﺘﻬﺎ ..
...
ﻧﻮﺭ ﺑﻀﺤﻜﻪ : ﺭﻗﻴﺼﻬﺎ ﻓﻀﻴﻊ ..
ﺭﺑﺎﺏ : ﺷﻮﺷﺘﻨﻲ ..
ﻭﺍﻟﻜﻞ ﻳﺘﻬﺎﻣﺴﻮﺍ ﻭﻫﻤﺎ ﻳﺘﻔﺮﺟﻮﺍ ﻉ ﺭﻗﻴﺼﻬﺎ ﻛﺎﻧﺖ ﻓﻀﻴﻌﻪ ..
ﻭﻫﻲ ﺗﺮﻗﺺ ﻣﻦ ﻓﺮﺣﺘﻬﺎ ﻫﺪﺍ ﻋﻠﻼﺵ ﺭﻗﻴﺼﻬﺎ ﺯﺍﺩ ﺣﻼﻭﺓ ..
ﺣﺪﻫﻢ ﺯﻱ ﺍﻟﻠﻲ ﻏﺎﺭﺕ .. ﻭﺟﻲ ﺧﺎﻃﺮﻫﺎ ﺗﻠﻔﺖ ﺍﻹﻧﺘﺒﺎﻩ .
ﺧﺪﺕ ﻭﺷﺎﺣﻬﺎ ﺣﺰﻣﺖ ﺑﻴﻪ ..
ﻭﺧﺸﺖ ﺗﺮﻗﺺ ..
ﻭﻛﺎﻧﺖ ﺣﺮﻳﻔﻪ ﺍﻟﺒﻨﺖ ..
ﻭﻋﻨﺪﻫﺎ ﺣﺮﻛﺎﺕ ﻣﻤﻴﺰﻩ ...
ﻏﻄﺖ ﺷﻮﻳﻪ ﻉ ﺑﻠﻘﻴﺲ ..
ﻟﻜﻦ ﺑﻠﻘﻴﺲ ﺑﺪﺕ ﺗﺘﻔﻨﻦ ..
ﻭﺍﻟﻜﻞ ﺗﺤﻤﺲ ﻭﻳﺼﻔﻖ ..
ﻭﻗﻌﺪﻭﺍ ﻳﺘﻨﺎﻓﺴﻮﺍ ﻓﻲ ﺍﻟﺤﺮﻛﺎﺕ ..
ﻛﻔﺎﻳﻪ : ﻳﻬﺒﻠﻮﺍ ..
ﺯﻳﻨﺐ : ﺣﺪﻫﻢ ﻣﺶ ﻋﺎﺩﻳﻪ ..
...
ﺭﻓﻘﻪ : ﻧﻮﺿﻲ ﺭﻭﺯﻱ ..
ﺭﺯﺍﻥ ﺭﻓﻌﺖ ﺣﺎﺟﺒﻬﺎ ﺧﺪﺕ ﺍﻟﻮﺷﺎﺡ ﺣﺰﻣﺖ ﺑﻴﻪ ..
ﻭﺧﺸﺖ ...
ﻭﻋﺎﺩ ﺭﺯﺍﻥ ﺭﻗﻴﺼﻬﺎ ﺣﻠﻮ ﻭﻓﻴﻪ ﻏﻨﺞ ..
ﻟﻔﺘﺖ ﺍﻹﻧﺘﺒﺎﻩ ﻫﻠﺒﻪ ..
ﻛﻔﺎﻳﻪ ﺑﻐﺮﻭﺭ ﻣﺼﻄﻨﻊ : ﻫﻬﻬﺎﺍﺍﺍ .. ﻛﻨﺘﻲ ﻃﻴﺤﺖ ﺳﻮﻗﻬﻢ ..
ﺿﺤﻜﻮﺍ ﻧﻌﻴﻤﻪ ﻭﺯﻳﻨﺐ ..
...
ﺍﻣﺎﻝ : ﻳﺎﻭﺧﻴﺘﻲ ﺳﻠﻤﻬﺎ ..
ﺳﻌﻴﺪﻩ ﺍﺑﺘﺴﻤﺖ ﺑﻐﺮﻭﺭ : ﺑﻨﺘﻲ ﺩﻳﻤﺎ ﺍﻟﺘﻮﺏ ..
ﺿﺤﻜﻮﺍ ﺧﻮﺍﺗﻬﺎ ..
💕💕💕
ﻣﻨﺎﻓﺴﺘﻬﻢ ﺍﻟﺘﻼﺗﻪ ﺍﻧﻘﻠﺒﺖ ﻟﻤﺸﺎﺭﻛﻪ ﻭﺍﻟﺘﻼﺗﻪ ﺩﺍﺭﻭﺍ " ﺗﺮﻳﻮ " ﺣﻠﻮ ﺑﺎﻟﻤﺮﺓ ..
....
ﺣﺪﻫﻢ ﺍﻟﺠﺪﻩ : ﻗﻮﻟﻮﻟﻬﻦ ﻳﻘﻌﻤﺰﻥ ...
ﻓﺎﻃﻤﻪ : ﻳﺎﻭﺍﻗﻲ ﻣﻦ ﻋﻴﻮﻥ ﺍﻟﻨﺎﺱ ..
💕 ﻭﻫﻤﺎ ﺍﻟﺜﻼﺗﻪ ﻣﻨﺴﺠﻤﺎﺕ ﻣﻊ ﺑﻌﺾ ﻭﺣﺮﻛﺎﺗﻬﻢ ﻣﺘﻨﺎﻏﻤﻪ ﻭﻛﺎﻧﻮﺍ ﻳﻀﺤﻜﻮﺍ ﻭﻳﻦ ﻳﺪﻳﺮﻭﺍ ﺣﺮﻛﻪ ﻭﺣﺪﻩ ﻣﻊ ﺑﻌﺾ ..
....
ﺭﺑﺎﺏ : ﻳﻬﺒﻠﻮﺍ ﻳﻬﺒﻠﻮﺍ ..
ﺩﻻﻝ : ﺭﺯﺍﻥ ﻣﺤﻼﻫﺎ ..
....
ﻧﺠﺎﺓ : ﺑﻠﻘﻴﺲ ﺷﻦ ﺑﻴﻘﻌﻤﺰﻫﺎ ﺗﻮ ..
ﺍﺧﺘﻬﺎ : ﺷﻮﻓﻲ ﻋﻴﻮﻥ ﺍﻟﻨﺎﺱ ...
💕 ﻭﻫﻤﺎ ﻣﺎﺧﺎﻃﺮﻫﻤﺶ ﻳﻘﻌﻤﺰﻭﺍ ﺑﺎﻟﺬﺍﺕ ﺍﻷﻏﺎﻧﻲ ﻛﻠﻬﺎ ﻧﺎﺷﻄﻪ ﻭﺗﺤﻤﺲ ..
ﻓﻀﻴﻠﻪ ﻭﺍﻗﻔﻪ ﺗﺼﻔﻖ ﻭﺗﺰﻏﺮﻁ ﻭﻋﺎﺟﺒﻬﺎ ﺍﻟﺠﻮ ..
ﻓﺎﻃﻤﻪ ﺗﺸﺒﺤﻠﻬﺎ : ﻓﻀﻴﻴﻠﻪ .. ﺍﺷﺸﺶ ... ﻓﻀﻴﻴﻴﻠﻪ ..
ﻓﻀﻴﻠﻪ ﺍﻧﺘﺒﻬﺖ ﺍﻥ ﻓﻲ ﺣﺪ ﻳﻨﺎﺩﻱ ﻓﻴﻬﺎ ﻗﻌﺪﺕ ﺍﺩﻭﺭ ﺑﻌﻴﻮﻧﻬﺎ ﻟﻴﻦ ﺟﻮﺍ ﻉ ﺍﻟﺤﺎﺟﻪ ﻓﺎﻃﻤﻪ ..
ﺍﺷﺮﺗﻠﻬﺎ ﺗﺠﻲ ..
ﻣﺸﺘﻠﻬﺎ ﻃﻮﻝ ﻃﺒﺴﺖ ﻋﻠﻴﻬﺎ : ﻧﻌﻢ ﺧﺎﻟﺘﻲ ﻓﺎﻃﻤﻪ ..
ﻓﺎﻃﻤﻪ : ﻗﻌﻤﺰﻳﻬﻦ ..
ﺍﺑﺘﺴﻤﺖ ﻭﻗﺎﻟﺖ : ﺣﺎﺿﺮ ..
ﻭﻗﻔﺖ ﻉ ﺣﻴﻠﻬﺎ .. ﻭﻗﻌﺪﺕ ﺗﺼﻔﻖ ..
ﻭﻛﻞ ﻣﺮﺓ ﺗﻘﺪﻣﻠﻬﻢ ﺧﻄﻮﻩ ..
ﺑﺪﺕ ﺗﺮﻗﺺ ....
ﺩﻓﺖ ﺑﻠﻘﻴﺲ ﺑﺠﻨﺒﻬﺎ ..
ﺑﻠﻘﻴﺲ ﺗﻔﺎﺟﺌﺖ ﻭﺿﺤﻜﺖ ..
ﺩﻓﺖ ﺑﻌﺪﻫﺎ ﺣﺪﻫﻢ ﻭﺭﺯﺍﻥ ﻭﺭﺍ ﺑﻨﻔﺲ ﺍﻟﺤﺮﻛﻪ ..
ﻭﻗﻌﺪﺕ ﺗﺮﻗﺺ ﻭﻫﻲ ﺗﻘﻮﻟﻠﻬﻢ : ﺑﺮﻥ ﻗﻌﻤﺰﻥ ..
ﻭﺑﻌﺪﻳﻦ ﺑﺪﺕ ﺍﺩﻭﺭ ﻭﺍﻳﺪﻳﻬﺎ ﻣﻔﺮﻭﺩﺍﺕ ﻗﺪﺍﻣﻬﺎ ﻭﺩﻑ ﻓﻴﻬﻢ ..
ﻫﻤﺎ ﻳﻀﺤﻜﻮﺍ ﻭﺧﻼﺹ ﻭﺍﻟﻠﻲ ﻫﺪﺍ ﻭﻟﺖ ﻟﻤﻜﺎﻧﻬﺎ ..
...
ﻛﻔﺎﻳﻪ ﺑﻀﺤﻜﻪ : ﺍﻣﻲ ﻗﺎﻟﺘﻠﻬﺎ ﻗﻌﻤﺰﻳﻬﻢ ﻭﺍﺿﺤﻪ ..
ﺯﻳﻨﺐ : ﻫﻬﻬﻬﻬﻪ ﺭﻗﻴﺼﻬﺎ ﺟﻮ ..
ﻭﺍﻟﻠﻲ ﻓﺎﻟﺨﻴﻤﻪ ﻳﺼﻔﻘﻮﻟﻬﺎ ﻭﻫﻲ ﺗﻬﻴﺞ ﻭﺷﺎﻳﺸﻪ ..
ﻭﺣﺪﻫﻢ ﺗﺸﺒﺤﻠﻬﺎ ﺑﺈﺑﺘﺴﺎﻣﻪ " ﻭﺍﻟﻠﻪ ﻟﻮ ﺗﻘﻌﺪﻱ ﻫﻜﻲ ﺧﻴﺮ ﺗﻀﺤﻜﻲ ﻭﺗﻔﺮﻓﺸﻲ ﻭﻋﺎﻳﺸﻪ ﺣﻴﺎﺗﻚ .. ﺧﻴﺮ ﻣﺎﺗﺘﺰﻭﺟﻲ ﻭﺍﺣﺪ ﺯﻱ ﺑﺎﺑﺎ ﻭﺗﺨﺸﻲ ﻓﻌﻴﻠﻪ ﺯﻱ ﻋﻴﻠﺘﻪ "
🍁🍁🍁🍁🍁
ﻓﻲ ﺧﻴﻤﺔ ﺍﻟﺮﺟﺎﻟﻪ ..
ﻛﺎﻧﻮﺍ ﺍﻟﺸﻌﺮﺍﺀ ﻭﺻﻒ ﺍﻟﻜﺸﻚ ﻭﺍﺗﻴﻴﻦ ..
ﺗﻘﺪﻡ ﻭﺍﺣﺪ ﻣﻨﻬﻢ ﻭﺑﺪﻱ ﻳﺸﻌﺮ ..
ﻭﻫﻤﺎ ﻳﻜﺸﻜﻮﻟﻪ ..
ﻭﻛﺎﻧﺖ ﺍﻷﺑﻴﺎﺕ ﻟﻠﻌﺮﻳﺲ ..
ﻫﺎﻧﻴﺒﺎﻝ ﻳﺴﻤﻊ ﻭﻣﺒﺘﺴﻢ
...
ﻣﺆﻧﺲ : ﺧﻠﻴﻚ ﻭﺍﺛﻖ ﻣﻦ ﺭﻭﺣﻚ ﻣﺶ ﻣﻬﻢ ﻛﻢ ﻋﻤﺮﻙ ﻗﺪﺍﻣﻬﻢ ﺍﻟﻤﻬﻢ ﺗﻜﻮﻥ ﻭﺍﺛﻖ ﺍﻧﻚ ﻗﺪﻫﻢ ..
ﺍﺑﺘﺴﻢ ﺍﻳﻤﻦ؛ﻋﻤﻲ ﺯﻣﺎﻥ ﻛﺎﻥ ﺍﺻﻐﺮ ﻣﻨﻲ ﻟﻤﺎ ﻗﺎﻝ ﺷﻌﺮ ﺑﻴﻦ ﺷﻌﺮﺍﺀ ﻛﺒﺎﺭ ﻫﻮ ﻣﺒﺘﺪﺉ ﻗﺪﺍﻣﻬﻢ ﻷﻧﻪ ﻭﺍﺛﻖ ﻣﻦ ﺭﻭﺣﻪ ﻓﺎﺯ ﻋﻠﻴﻬﻢ ﻛﻠﻬﻢ .. ﻟﺪﺭﺟﺔ ﺻﺒﻮﺍ ﻛﻠﻬﻢ ﺳﻠﻤﻮﺍ ﻋﻠﻴﻪ .. ﻫﻜﻲ ﺣﻜﺎﻟﻲ ﺟﺪﻱ ..
ﻣﺆﻧﺲ ﺑﺈﺑﺘﺴﺎﻣﻪ ﺍﻟﻢ : ﻭﻧﻌﻢ ﺍﻟﻘﺪﻭﺓ ﺧﺎﻟﻲ ﻋﻤﺎﺭ ﺍﻟﻠﻪ ﻳﺮﺣﻤﻪ ..
ﺍﻳﻤﻦ ﻭﺍﻟﺪﻣﻌﻪ ﻋﺒﺖ ﻋﻴﻨﻪ : ﺍﻟﻠﻪ ﻳﺮﺣﻤﻪ ..
🍁 ﺑﻌﺪ ﺣﻮﺍﻟﻲ ﺳﺎﻋﻪ ﺗﻌﺎﻗﺒﻮﺍ ﻓﻴﻬﺎ ﺍﻟﺸﻌﺮﺍﺀ ﻭﺭﺍ ﺑﻌﺾ ..
ﻭﺍﻟﺸﺒﺎﺏ ﻛﺎﻧﻮﺍ ﻣﺘﺤﻤﺴﻴﻦ ﻣﻌﺎﻫﻢ ﻉ ﺍﻷﺧﺮ ..
ﺟﻲ ﺩﻭﺭ ﺃﻳﻤﻦ ..
ﻗﺪﻣﻮﻩ ...
ﻭﻧﺎﺽ ...
ﻫﺎﻧﻴﺒﺎﻝ ﻟﻤﺎ ﺷﺎﻓﻪ ... ﺟﺖ ﺑﻴﻦ ﻋﻴﻮﻧﻪ ﺻﻮﺭﺓ ﻋﻤﺎﺭ ..
ﻗﻠﺒﻪ ﺍﻧﻮﺟﻊ ﻉ ﺍﻵﺧﺮ ..
ﻗﻌﺪ ﻳﺪﻭﺭ ﺑﻌﻴﻮﻧﻪ ﺑﻴﻦ ﺍﻟﻤﻮﺟﻮﺩﻳﻦ ...
ﺗﻼﺗﻪ ﻏﺎﺑﻮﺍ ﻓﻔﺮﺣﻪ ﻭﻣﻜﺎﻧﻬﻢ ﻓﺎﺿﻲ ﻣﺎﻗﺪﺭ ﺣﺪ ﻳﻌﺒﻴﻪ ..
ﺑﻮﻩ ... ﻋﻤﺎﺭ ... ﺭﻣﺰﻱ ..
ﺗﻨﻬﺪ ﺑﺄﻟﻢ ... ﺭﻛﺰ ﺑﻨﻈﺮﻩ ﻉ ﺃﻳﻤﻦ ..
ﻧﻔﺲ ﺍﻟﻮﻗﻔﻪ ﻧﻔﺲ ﺷﺪﺓ ﺍﻟﻤﺎﻳﻚ ﻧﻔﺲ ﺍﻟﻨﻈﺮﻩ ...
🍃 ﻫﻤﺎ ﻫﻜﻲ ﺍﻟﺴﺮﺍﺗﻪ ﻓﻴﻬﻢ ﺷﻲ ﻣﻤﻴﺰ ﺧﺎﺹ ﺟﺪﺍ ﺟﺪﺍ ﺑﺎﻟﺬﺍﺕ ﻋﻠﻴﺔ ﺍﻟﻘﻮﻡ ﻣﻨﻬﻢ 🍃..
ﺍﻳﻤﻦ .. ﺣﻴﺎ ﺍﻟﻤﻮﺟﻮﺩﻳﻦ .. ﻭﺑﺎﺭﻙ ﻟﻠﻌﺮﻳﺲ ..
ﻭﻋﺮﻑ ﺑﻨﻔﺴﻪ ﻳﻘﻮﻝ ..
ﺍﻳﻤﻦ : ﻣﺎﻧﻘﻮﻝ ﺍﻧﻲ ﺷﺎﻋﺮ .. ﺳﻤﻮﻧﻲ ﺷﻮﻳﻌﺮ ﻋﻨﺪﻩ ﻣﺎﻳﻘﻮﻝ ﻓﺤﻀﺮﺓ ﻛﺒﺎﺭ ﻛﻴﻔﻜﻢ ..
ﺍﺑﺘﺴﻤﻮﺍ ﺑﺈﻋﺠﺎﺏ ..
ﺍﻟﻬﺎﺩﻱ : ﺳﺒﺤﺎﻧﻚ ﻳﺎﺭﺏ .. ﻋﻤﺎﺭ ..
ﻫﺎﻧﻴﺒﺎﻝ ﻛﺎﻥ ﻣﺒﺘﺴﻢ ﺑﻮﺟﻊ .. ﻭﻋﻴﻮﻧﻪ ﻏﺎﺭﻗﺎﺕ ﺑﺪﻣﻮﻋﻬﻢ ..
......
ﻓﻲ ﺧﻴﻤﺔ ﺍﻟﻨﺴﺎﻭﻳﻦ ..
ﻛﺎﻧﻮﺍ ﻣﺴﻜﺮﻳﻦ ﺍﻟﻤﻨﻈﻮﻣﻪ ﻭﻳﺴﻤﻌﻮﺍ ..
ﻓﺎﻃﻤﻪ ﺑﻔﺨﺮ : ﻫﺪﻯ ﺣﻔﻴﺪ ﺧﻮﻱ ﻣﺨﺘﺎﺭ ..
ﺣﺪﻫﻢ ﺗﺸﻮﻓﻠﻬﺎ ﻭﻗﻠﺒﻬﺎ ﻳﺪﻕ ﺑﻘﻮﺓ 💓
ﻭﺩﻻﻝ ﻛﺎﻧﺖ ﻣﺮﺑﻌﻪ ﺍﻳﺪﻳﻬﺎ ﻭﻋﻴﻮﻧﻬﺎ ﻟﻮﻃﺎ ﻭﺗﺴﻤﻊ ..
ﻭﺣﺎﺳﻪ ﺑﻮﺟﻊ ﻣﺎﺑﻌﺪﻩ ﻭﺟﻊ ..
ﻭﺍﻣﻬﺎ ﻭﺧﺎﻟﺘﻬﺎ ﻏﺎﻟﻴﻪ ﻣﺮﻛﺰﺍﺕ ﻣﻌﺎﻫﺎ ..
.....
ﻭﺑﺪﻱ ﺃﻳﻤﻦ ﻳﻘﻮﻝ ﻓﻲ ﺃﺑﻴﺎﺗﻪ 💚.
ﺛﺎﺑﺘﻴﻦ ﻣﺎﺯﻟﻨﺎ ﻋﻠﻰ ﻣﺒﺪﺍﻧﺎ .. ﻋﻠﻴﻤﺎ ﺟﺮﺍ ﻣﺎﻟـﻮﻗـﺖ ﻭﺍﻟﻠـﻲ ﺟﺎﻧـﺎ
ﺛــﺎﺑـﺘــﻴـﻦ ﻣـــﺎ ﻭﻟـﻴــﻨﺎ .. ﻋـﻠﻰ ﺩﺭﺏ ﻣﺸﻴﻮﻩ ﺍﻟﻜﺒﺎﺭ ﻣﺸﻴﻨـﺎ
ﺭﺍﺑﻄﻴﻦ ﺣﺎﺿﺮﻧﺎ ﻣﻊ ﻣﺎﺿﻴﻨﺎ .. ﻓﻲ ﻭﻳﻦ ﻣﺎﺗﻤﺸﻲ ﺷﻬﻴـﺮﻧﺒﺎﻧﺎ
ﺩﻭﻥ ﻭﻃــﻨـﺎ ﻣـﺎﻧـﺎ ﺍﻟﻠــﻲ ﺫﻟﻴﻨﺎ .. ﻋﻄﻴـﻨـﺎﻩ ﺣﻘـﻪ ﻭﺍﻓﻴﺎﺕ ﺍﻭﺯﺍﻧﺎ
ﺭﺧﺼﻦ ﻋﻠﻰ ﺷﺎﻧﻪ ﺃﺭﻭﺍﺡ ﺛﻤﻴﻨﺎ .. ﺑﻼ ﺟﻤﻴﻞ ﻻﻧﺎ ﻃﺎﻟﺒﻴﻦ ﺍﻛﺮﺍﻧﺎ
ﻭﻣـﺎﺯﺍﻝ ﻻﺗــﻮﻩ ﺍﻳـﻌــﺰ ﻋﻠﻴﻨـﺎ .. ﻋﻄﻴﻨﺎﻩ ﻋﻬﺪ ﻭﻣﺎ ﻳﺨــﺺ ﺍﻭﻓﺎﻧـﺎ
ﺛــﺎﺑــﺘــﻴـﻦ ﺩﻳـﻤــﺎ ﺩﻳــﻤـﺎ .. ﻭﻧﻤﺸﻮ ﻋﻠﻰ ﺟﺮﺓ ﻃﺮﻳـﻖ ﻗﺪﻳﻤﺎ
ﻭﺍﺧﻄﺎﻧﺎ ﻋﻠﻰ ﻃﻮﻝ ﺍﻟﺰﻣﺎﻥ ﺳﻘﻴﻤﺎ .. ﻋﻠﻴﻤﺎ ﺟﺮﺍ ﻣﺎﻟﻮﻗﺖ ﻣﺎ ﻛﺪﺍﻧﺎ
ﻭﻻ ﻋـﻤــﺮ ﻣــﺮﻩ ﻧـﻘـﺒـﻠﻮ ﺍﻟﺸﺘﻴﻤﺎ .. ﻭﻻ ﻋﻤﺮ ﻣﺮﻩ ﻧﻨﺤﻨـﻮ ﻟﻌـﺪﺍﻧـﺎ
ﺣـﺘــﻰ ﺑـﻼ ﻧــﺪﻫـــﺎ ﻭﻻ ﺗـﻠـﻮﻳـﻤﺎ .. ﺩﻭﻥ ﻭﻃﻨﺎ ﻣﺎ ﻧﺒﺨﻠـﻮ ﺑﺪﻣﺎﻧﺎ
ﻭﻻ ﺍﻟﻜﻞ ﻣﻦ ﺧﺎﻃﻢ ﺍﻧﺪﻳﺮﻭ ﻗﻴﻤﺎ .. ﻭﻻ ﺍﻟﻜﻞ ﻭﺍﻗﻒ ﻧﺮﺩﺣﻮ ﺗﻠﻘﺎﻧـﺎ
🍃 ﻭﻫﻮ ﻳﻘﻮﻝ ﻓﻲ ﺃﺑﻴﺎﺗﻪ ...
ﺍﻏﻠﺐ ﺍﻟﻠﻲ ﺳﻤﻌﻮﻫﺎ ﻛﺎﻧﺖ ﺗﺮﻭﻗﻠﻬﻢ ﺍﻟﻜﻠﻤﺎﺕ ﻷﻧﻬﻢ ﻳﺘﺒﻌﻮﺍ ﻧﻔﺲ ﺍﻟﺘﻮﺟﻪ ...
ﺑﺲ ﻓﻲ ﺍﻟﻠﻲ ﻻ ..
ﻧﺤﻮﻟﻮﺍ ﺣﻤﺰﺓ ... ﻭﻣﺎﻟﻚ ﻭﻣﺮﻭﺍﻥ ﻭﻋﺒﺪﺍﻟﺴﻼﻡ ﻭﺳﻌﺪ ﻭﺣﻤﻴﺪ ﻉ ﺟﻨﺐ ...
ﺍﻟﻀﻮﺀ ﺣﻴﻜﻮﻥ ﻣﺴﻠﻂ ﺑﺲ ﻉ ﻋﻤﺎﺩ ..
ﺍﻟﺜﺎﺋﺮ ... ﺍﻟﻠﻲ ﻣﺎﺗﻮﺍ ﻋﺰ ﺻﺤﺎﺑﻪ ﺑﺮﺻﺎﺹ ﻇﺎﻟﻢ ﺑﺲ ﻷﻧﻬﻢ ﻗﺎﻟﻮﺍ ﻛﻠﻤﺔ ﺍﻟﺤﻖ ..
ﻋﻤﺎﺩ ﺍﻟﻠﻲ ﻛﺎﻥ ﻓﻲ ﺍﻟﺠﺒﻬﻪ ﻭﻉ ﺧﻂ ﺍﻟﻨﺎﺭ ﻭﺗﺮﺍﻓﻖ ﻫﻮ
ﻣﺠﻤﻮﻋﻪ ﻣﻦ ﺍﺣﺴﻦ ﺍﻟﻨﺎﺱ ﻗﺎﺗﻠﻮﺍ ﻣﻌﺎﻩ ..
ﺗﻴﻔﺴﺎ .. ﻗﺎﺳﻢ .. ﻋﻼﺀ .. ﻃﻪ ﺍﻟﺠﻨﻮﺑﻲ ﺍﻟﻠﻲ ﺍﺳﺘﺸﻬﺪ ﻓﻲ ﺗﺤﺮﻳﺮ ﺍﻟﻌﺎﺻﻤﻪ .. ﺍﻟﻴﺎﺱ ﺧﻮ ﺗﻴﻔﺴﺎ ﺍﻟﻠﻲ ﺁﺛﺮ ﺑﻼﺩﻩ ﻭﺣﻠﻤﻪ ﺍﻥ ﺗﻜﻮﻥ ﺍﻓﻀﻞ ﻟﺼﻐﺎﺭﻩ .. ﻉ ﻋﻴﻠﺘﻪ ﻗﺪﻡ ﺭﻭﺣﻪ ﺑﺶ ﻳﻌﻴﺸﻮﺍ ﻫﻤﺎ ..
ﺷﺎﻑ ﻫﻠﺒﻪ ﻭﻋﺎﺵ ﻫﻠﺒﻪ ﺣﺎﺟﺎﺕ .. ﻣﺸﺎﻋﺮ ﺻﺎﺩﻗﻪ ﻭﺻﺎﻓﻴﻪ ﻟﻠﺒﻼﺩ ﻻ ﻓﻲ ﻣﻦ ﻭﺭﺍﻫﺎ ﻣﺼﻠﺤﻪ .. ﻭﻻﻋﻨﺪﻩ ﻣﺼﻠﺤﻪ ﻳﺪﺍﻓﻊ ﻋﻠﻴﻬﺎ ﻭﻳﻘﺎﺗﻞ ﻉ ﺧﺎﻃﺮﻫﺎ ..
ﻭﻫﻮ ﻳﻔﻜﺮ ﻓﻬﺪﺍ ﻛﻠﻪ ﺟﺖ ﻋﻴﻨﻪ ﻉ ﻣﺆﻧﺲ .. ﻭﺭﺟﻊ ﻭﺟﻬﻬﺎ ﻷﻳﻤﻦ .. ﺑﻌﺪﻫﺎ ﻟﺼﻐﺎﺭ ﺩﻻﻝ ..
ﺳﺄﻝ ﻧﻔﺴﻪ ﺳﺆﺍﻝ .. ﺑﺎﻫﻲ ﻣﺶ ﺍﻟﺜﻮﺭﺓ ﻗﺎﻣﺖ ﻟﺪﻓﻊ ﺍﻟﻈﻠﻢ .. ﻋﻼﺵ ﺧﻠﻔﺖ ﻭﺭﺍﻫﺎ ﻣﻈﻠﻮﻣﻴﻦ .. ﺍﻳﻪ ﻣﻈﻠﻮﻣﻴﻦ ﻓﺒﻼﺩﻫﻢ ﻫﺎﺭﺑﻴﻦ ﻭﻣﺘﻐﺮﺑﻴﻦ ﻓﺒﻼﺩﻫﻢ .. ﺣﺘﻰ ﺻﻐﺎﺭ ﺩﻻﻝ ﻣﻤﻜﻦ ﻳﻠﺤﻘﻬﻢ ﺷﻲ ﻣﻦ ﺍﻷﺫﻯ ﻭﻟﻮ ﺍﻟﻠﻔﻈﻲ ﻷﻧﻬﻢ ﻳﻨﺘﻤﻮﺍ ﻟﻮﺣﺪﻩ ﻣﻦ ﺍﻟﻌﺎﺋﻼﺕ ﺍﻟﻤﻬﻤﻪ ﺍﻳﺎﻡ ﺣﻜﻢ ﺍﻟﻘﺬﺍﻓﻲ ...
ﺷﺒﺢ ﻓﻲ ﺍﻟﻔﺮﺍﻍ ﻭﻗﻌﺪ ﻳﻔﻜﺮ ﻭﻳﻔﻜﺮ ...
ﺍﻟﺜﺎﺋﺮ ﻻﺯﻡ ﻳﻜﻮﻥ ﺛﺎﺋﺮ ﻋﺎﻟﻈﻠﻢ ﻓﻜﻞ ﻭﻗﺖ ﻭﻉ ﻣﻦ ﻛﺎﻥ ﻳﻜﻮﻥ ﻣﺎﺩﺍﻣﻪ ﻇﺎﻟﻢ ... ﻭﻳﺤﺎﻭﻝ ﻳﺪﺍﻓﻊ ﻋﻦ ﺣﻖ ﺍﻟﻤﻈﻠﻮﻡ ..
ﻭﻣﺆﻧﺲ ﻭﺍﻳﻤﻦ .. ﻻﺃﺯﻫﻘﻮﺍ ﺍﺭﻭﺍﺡ ﻭﻻﺍﺭﺗﻜﺒﻮﺍ ﺟﺮﺍﻳﻢ .. ﺫﻧﺒﻬﻢ ﺍﻟﻮﺣﻴﺪ ﺍﻧﻬﻢ ﺑﺲ ﻳﻨﺘﻤﻮﺍ ﻟﺰﻣﺮﺓ ﺍﻟﻨﻈﺎﻡ ﺍﻟﺴﺎﺑﻖ ..
ﺍﺳﺘﺎﻗﺾ ﻟﻤﺎ ﺳﻤﻊ ...
》 ﺣـﺘــﻰ ﺑـﻼ ﻧــﺪﻫـــﺎ ﻭﻻ ﺗـﻠـﻮﻳـﻤﺎ .. ﺩﻭﻥ ﻭﻃﻨﺎ ﻣﺎ ﻧﺒﺨﻠـﻮ ﺑﺪﻣﺎﻧﺎ
ﻭﻻ ﺍﻟﻜﻞ ﻣﻦ ﺧﺎﻃﻢ ﺍﻧﺪﻳﺮﻭ ﻗﻴﻤﺎ .. ﻭﻻ ﺍﻟﻜﻞ ﻭﺍﻗﻒ ﻧﺮﺩﺣﻮ ﺗﻠﻘﺎﻧـﺎ 《
ﺍﺑﺘﺴﻢ ..
ﻭﺭﻓﻊ ﺍﻳﺪﻳﻪ ﺍﻟﺰﻭﺯ ﻓﻮﻕ ﻭﻗﻌﺪ ﻳﺼﻔﻖ ..
ﻛﻠﻬﻢ ﺷﺒﺤﻮﻟﻪ ..
ﻭﺑﺪﻭﺍ ﻳﺼﻔﻘﻮﺍ ﻣﻌﺎﻩ ...
ﻭﺑﻮﻩ ﻣﺮﻛﺰ ﻋﻠﻴﻪ ﺍﺑﺘﺴﻢ ..
ﻭﻣﺆﻧﺲ ﻭﺍﻳﻤﻦ ﺷﺒﺤﻮﺍ ﻟﺒﻌﺾ ..
ﻭﺍﺑﺘﺴﻤﻮﺍ ﺑﺘﻬﻜﻢ ..
ﻭﻃﺒﻌﺎ ﺻﺎﺭ ﻷﻳﻤﻦ ﺯﻱ ﻣﺎﺻﺎﺭ ﻟﻌﻤﻪ ﻣﻦ ﺳﻨﻴﻦ ..
ﻧﺎﺿﻮﺍ ﺍﻟﺸﻌﺮﺍﺀ ﻳﺴﻠﻤﻮﺍ ﻋﻠﻴﻪ ﻭﻣﻨﻬﻢ ﺭﺟﺎﻝ ﻣﻦ ﻛﺒﺎﺭ ﺍﻟﻘﺒﻴﻠﻪ ﻣﻌﺰﻭﻣﻴﻦ ﻉ ﺍﻟﻌﺮﺱ ..
🍁🍁🍁
ﻓﺨﻴﻤﺔ ﺍﻟﻨﺴﺎﻭﻳﻦ ..
ﻛﺎﻧﺖ ﻓﻴﻪ ﺷﻮﻳﻪ ﺭﺑﻜﻪ ..
ﻭﺍﻟﺴﺒﺐ ..
ﻫﻮ ﺩﻻﻝ .. ﺍﻟﻠﻲ ﻓﻨﺺ ﺍﻷﺑﻴﺎﺕ .. ﻧﺎﺿﺖ ﻃﻮﻝ ﻭﺧﺸﺖ ﺩﺍﺧﻞ ﻭﺍﻣﻬﺎ ﻟﺤﻘﺘﻬﺎ ..
ﺩﺍﺧﻞ ..
ﺩﻻﻝ ﺑﺒﻜﻲ : ﺑﺎﻟﻠﻪ ﻳﺎﻣﺎﻣﺎ ﺍﻃﻠﻌﻲ ﺍﺭﺟﻮﻙ ﻣﺎﻧﺒﻴﺶ ﻧﺨﺮﺏ ﻉ ﺧﺎﻟﻲ ﺑﺎﻟﻠﻪ ﻋﻠﻴﻚ ..
ﻏﺎﻟﻴﻪ : ﻧﻌﻴﻤﻪ ﻣﺎﺗﻀﻐﻄﻴﺶ ﻋﻠﻴﻬﺎ ﻫﻲ ﺗﺒﻲ ﺗﺒﻜﻲ ﺑﺶ ﺗﺮﺗﺎﺡ ﺧﻠﻴﻬﺎ ﺗﺒﻜﻲ ﺑﺮﺍﺣﺘﻬﺎ ﺣﻘﻬﺎ ..
ﺩﻻﻝ : ﻣﺎﻣﺎ ﺍﺭﺟﻮﻙ ..
ﻧﻌﻴﻤﻪ ﻣﺴﺤﺖ ﺩﻣﻮﻋﻬﺎ ﻭﺗﻤﺎﺳﻜﺖ : ﺑﺎﻫﻲ .. ﺗﻮ ﻧﻄﻠﻊ .. ﻭﻛﺎﻥ ﺍﺣﺘﺠﺘﻴﻨﻲ ﺭﻧﻲ ﻃﻮﻝ ﺍﻧﻲ ﺣﻨﺸﺪ ﺗﻠﻴﻔﻮﻧﻲ ﺑﻴﻦ ﺍﻳﺪﻳﺎ ﺑﺎﻫﻲ ..
ﻫﺰﺕ ﺭﺍﺳﻬﺎ ﺑﺈﻳﺠﺎﺏ ..
ﻧﻌﻴﻤﻪ ﻟﻔﺖ ﻭﻃﻠﻌﺖ ﻭﻭﺭﺍﻫﺎ ﻏﺎﻟﻴﻪ ..
ﺩﻻﻝ : ﺧﺎﻟﺘﻲ ..
ﺍﻟﻔﺘﺖ ﻏﺎﻟﻴﻪ : ﻧﻌﻢ ..
ﺩﻻﻝ : ﻣﻌﻠﻴﺸﻲ ﻧﺮﻗﺪ ﻉ ﺭﺟﻠﻚ ﺯﻱ ﺍﻳﺎﻡ ﺯﻣﺎﻥ ﻟﻤﺎ ﻧﺒﻜﻲ ﺗﺬﻛﺮﻱ ..
ﻏﺎﻟﻴﻪ ﺍﺑﺘﺴﻤﺖ ﺑﻌﻴﻮﻥ ﻣﺪﻣﻌﻪ .. ﺻﻜﺮﺕ ﺍﻟﺒﺎﺏ ﻭﻭﻟﺘﻠﻬﺎ ..
ﺣﻮﻟﺖ ﺩﻻﻝ ﻭﺷﺎﺣﻬﺎ ..
ﻭﻏﺎﻟﻴﻪ ﻗﻌﻤﺰﺕ ...
ﺩﻻﻝ ﻓﺘﺤﺖ ﺷﻌﺮﻫﺎ ...
ﻭﺣﻄﺖ ﺭﺍﺳﻬﺎ ﻉ ﺭﺟﻞ ﻏﺎﻟﻴﻪ ..
ﻭﺷﻌﺮﻫﺎ ﻣﻔﺮﻭﺩ ﻋﻠﻴﻪ ..
ﻭﻏﺎﻟﻴﻪ ﺑﺪﺕ ﺗﻤﺴﺢ ﻉ ﺷﻌﺮ ﺩﻻﻝ ..
ﻏﺎﻟﻴﻪ : ﺗﺬﻛﺮﻱ ﺷﻦ ﻛﻨﺖ ﻧﻐﻨﻴﻠﻚ ..
ﺍﺑﺘﺴﻤﺖ ﺩﻻﻝ : ﺍﻳﻪ ..
ﻏﺎﻟﻴﻪ ﺑﺪﺕ ﺗﻐﻨﻲ :
ﺟﻤﺎﻝ ﺍﻟﺮﻭﺡ ﻳﻌﻄﻴﻬﺎ ﺻﻔﺎﺀ ﻧﺎﺩﺭﺍ ﻟﻠﺨﻴﺮ ﻳﺪﻧﻴﻬﺎ
ﺟﻤﺎﻝ ﺍﻟﺮﻭﺡ ﻳﻐﻨﻴﻬﺎ ﻋﻦ ﺍﻟﺘﻔﻜﻴﺮ ﻓﻲ ﻣﻦ ﻻ ﻳﺮﺍﻋﻴﻬﺎ
ﻳﺠﻌﻠﻬﺎ ﻓﻲ ﺃﻣﺎﻥ ﻳﺒﻌﺪ ﻋﻨﻬﺎ ﺍﻷﺣﺰﺍﻥ
ﻳﻨﺴﻴﻬﺎ ﺃﻳﺎ ﻛﺎﻥ ﻳﺆﺫﻳﻬﺎ
ﻳﺠﻌﻠﻬﺎ ﻓﻲ ﺃﻣﺎﻥ ﻳﺒﻌﺪ ﻋﻨﻬﺎ ﺍﻷﺣﺰﺍﻥ
ﻳﻨﺴﻴﻬﺎ ﺃﻳﺎ ﻛﺎﻥ ﻳﺆﺫﻳﻬﺎ
ﻓﻠﺔ ﻓﻠﺔ ﻓﻠﺔ ﻓﻲ ﻋﺎﻟﻢ ﺍﻟﺤﻨﺎﻥ ﺃﻧﺖ ﺍﻷﺣﻠﻰ
ﻓﻠﺔ ﻓﻠﺔ ﻓﻠﺔ ﻓﻲ ﺍﻟﺨﻴﺮ ﻭﺍﻷﺣﺴﺎﻥ ﺃﻧﺖ ﺍﻷﺣﻠﻰ .
ﺩﻻﻝ ﺑﻨﺒﺮﺓ ﺑﺎﻛﻴﻪ : ﻓﻠﻪ ﻓﻠﻪ ﻓﻠﻪ ﻓﻲ ﺍﻟﺨﻴﺮ ﻭﺍﻹﺣﺴﺎﻥ ﺍﻧﺘﻲ ﺍﻷﺣﻠﻰ ..
ﺭﻓﻌﺖ ﻋﻴﻮﻧﻬﺎ ﻓﺨﺎﻟﺘﻬﺎ ﻭﻗﺎﻝ : ﻛﻨﺘﻮﺍ ﺯﻣﺎﻥ ﺗﺴﻤﻮﺍ ﻓﻴﺎ ﻓﻠﻪ .. ﻭﺍﻧﺘﻲ ﺗﻘﻮﻟﻴﻠﻲ ﺍﻷﻏﻨﻴﻪ ﻏﻨﻮﻫﺎ ﻋﻠﻴﻚ ﺩﻟﻮﻟﻪ .. ﻟﻜﻦ ﺍﻟﺤﻖ ﺍﻷﻏﻨﻴﻪ ﻫﺎﺩﻱ ﻟﻴﻚ ﺍﻧﺘﻲ ﺧﻮﻳﻠﻪ ..
ﺿﺤﻜﺖ ﻏﺎﻟﻴﻪ ﻭﻫﻲ ﺗﻤﺴﺢ ﻓﺪﻣﻮﻋﻬﺎ ..
ﺭﺟﻌﺖ ﺩﻻﻝ ﻏﻤﻀﺖ ﻋﻴﻮﻧﻬﺎ .. ﻭﻏﺎﻟﻴﻪ ﺗﻤﺴﺢ ﻉ ﺷﻌﺮﻫﺎ 💕
🍁🍁🍁🍁🍁🍁
ﺣﺪﻭﺩ ... ﺣﺪﻭﺩ ..
ﺣﺪﻫﻢ ﺑﻬﻴﺎﻡ : ﺍﻣﻤﻢ ..
ﺑﻠﻘﻴﺲ ﺑﻀﺤﻜﻪ : ﻋﻨﺪﻙ ﺣﻖ ..
ﺣﺪﻫﻢ : ﻛﻴﻒ ﻧﺪﻳﺮ ﺑﺎﻫﻲ ..
ﺑﻠﻘﻴﺲ : ﻫﻬﻬﻬﻪ .. ﻣﺎﻋﻠﻴﻚ ﺍﻻ ﺍﻟﺼﺒﺮ ﻭﺍﻟﺪﻋﺎﺀ ﺍﺩﻋﻲ ﺭﺑﻲ ﻳﺤﻨﻦ ﻗﻠﺒﻪ ..
ﺭﻓﻌﺖ ﺣﺎﺟﺒﻬﺎ ﻭﺷﺒﺤﺖ ﻟﺒﻠﻘﻴﺲ : ﻻﺍﺍ ﻳﺎﻣﺎﻣﺎ .. ﻣﺶ ﺍﻧﻲ ﺍﻟﻠﻲ ﻧﺮﺍﺟﻲ ﻗﻠﺒﻪ ﻟﻴﻦ ﻳﺤﻦ .. ﺗﻮ ﻧﺠﻴﺒﻪ ﻟﻠﻄﺮﻳﻖ .. ﺷﺒﺤﺖ ﺍﻟﻘﺪﺍﻡ .. ﻳﺤﺐ ﻭﻻﻳﻜﺮﻩ ..
ﺑﻠﻘﻴﺲ : ﻫﻬﻬﻬﻬﻬﻬﻪ ..
ﺷﻮﻳﻪ ﺟﺖ ﺭﺑﺎﺏ ﺑﺎﻟﺪﺭﺑﻮﻛﻪ ﻟﺒﻠﻘﻴﺲ : ﻫﺎﻛﻲ ﺍﻗﻠﺒﻴﻠﻨﺎ ﺍﻟﺠﻮ ..
ﺿﺤﻜﺖ ﺑﻠﻘﻴﺲ ﻭﺧﺪﺕ ﺍﻟﺪﺭﺑﻮﻛﻪ : ﺗﻤﺎﻡ ...
ﻣﺸﺖ ﺭﺑﺎﺏ ﻟﻤﻜﺎﻧﻬﺎ ...
ﻭﺑﺪﺕ ﺑﻠﻘﻴﺲ ﺍﺩﺭﺑﻚ ﻭﺗﻐﻨﻲ : ﻫﺎﻟﻠﻴﻠﻪ ﺍﻟﻤﺒﺎﺭﻛﻪ ﺑﺮﻭﺣﻲ ﻣﺶ ﻣﺸﺎﺭﻛﻪ ...
💕 ﻭﺗﻐﻴﺮ ﺍﻟﺠﻮ .. ﻭﻛﺎﻧﺖ ﺳﻬﺮﻳﻪ ﺣﻠﻮﺓ ﻭﻧﺎﺷﻄﻪ ﻭﺗﻤﺖ ﻉ ﺧﻴﺮ ...
🍁🍁🍁🍁
ﺍﻟﺴﺎﻋﻪ 1:30 ﻟﻴﻼ ..
ﻓﻲ ﺍﻟﺪﺍﺭ ﻣﺴﻜﺮﺓ ﻉ ﺭﻭﺣﻬﺎ ..
ﺗﺘﻜﻠﻢ ﺑﺎﻟﺘﻠﻴﻔﻮﻥ ..
ﺣﻤﻴﺪﻩ : ﻛﻴﻒ ﻗﺼﺪﻙ ﻏﺪﻭﺓ ﻣﺎﻧﻜﺶ ﺟﺎﻱ ﻟﻠﻐﺪﻱ؟ !
ﺍﻟﺼﺪﻳﻖ ﺑﻤﻠﻞ : ﻗﺘﻠﻚ ﻋﻨﺪﻱ ﻣﺎﻧﺪﻳﺮ .. ﻭﺑﻌﺪﻳﻦ ﺳﺎﺩ ﺣﻀﺮﺕ ﺍﻟﻔﺎﺗﺤﻪ .. ﻧﺠﻲ ﻳﻮﻡ ﺍﻟﺨﻤﻴﺲ ﻭﺗﻤﺖ ..
ﺣﻤﻴﺪﻩ : ﺍﻧﺖ ﻫﻜﻲ ﺭﺍﻙ ﺗﺤﺸﻢ ﻓﻴﺎ ..
ﺍﻟﺼﺪﻳﻖ ﺑﻨﻔﺎﺩ ﺻﺒﺮ : ﺍﺳﻤﻌﻲ ﺭﺍﺳﻲ ﻣﺼﺪﻉ ﻭﻧﺒﻲ ﻧﺮﻗﺪ ﺯﻳﺪﻱ ﻋﻠﻴﺎ ﻏﺎﺩﻱ .. ﻭﺻﻜﺮ ﻋﻠﻴﻬﺎ ..
ﻫﻲ ﻏﻤﻀﺖ ﻋﻴﻮﻧﻬﺎ ﺑﺄﻟﻢ .. ﺑﻌﺪﻳﻦ ﺯﻓﺮﺕ ..
ﻓﺘﺤﻬﻢ ﻭﻧﺰﻟﺖ ﻣﻨﻬﻢ ﺩﻣﻌﻪ .. ﻃﻮﻝ ﻣﺴﺤﺘﻬﺎ .. ﻧﺰﻟﺖ ﺍﻟﺘﻠﻴﻔﻮﻥ ...
ﺧﺪﺕ ﻧﻔﺲ ﻋﻤﻴﻖ .. ﻭﺩﺍﺭﺕ ﺭﻭﺣﻬﺎ ﻋﺎﺩﻳﻪ ..
ﺗﻮﺟﻬﺖ ﻟﻠﺒﺎﺏ ﻓﺘﺤﺎﺗﻪ ﻭﻃﻠﻌﺖ ..
ﻭﻣﺸﺖ ﻃﻮﻝ ﻟﻠﺪﺍﺭ ﺍﻟﺘﺎﻧﻴﻪ ..
ﻛﺎﻧﻮﺍ ﺧﻮﺍﺗﻬﺎ ﻭﻟﻄﻴﻔﻪ ﻳﻬﺪﺭﺯﻭﺍ ..
ﻫﻲ ﺧﺪﺕ ﺷﻨﻄﺘﻬﺎ ﻣﻦ ﻉ ﺍﻟﺸﻤﺎﻋﻪ ﻭﻗﺎﻟﺖ : ﻏﺎﻟﻴﻪ ﺍﻟﺼﺪﻳﻖ ﻏﺪﻭﺓ ﺑﻴﻌﺪﻱ ﻟﺰﻟﻴﻄﻦ ﻋﻨﺪﻩ ﺧﺪﻣﻪ ﻣﺎﻫﻮﺵ ﺟﺎﻱ ﻉ ﺍﻟﻐﺪﻱ ..
ﻏﺎﻟﻴﻪ : ﺑﺎﻫﻲ ..
ﺧﻮﺍﺗﻬﺎ ﻣﺮﻛﺰﻳﻦ ﻣﻌﺎﻫﺎ ﻭﺟﻬﻬﺎ ﻣﻘﻠﻮﺏ ..
ﺧﺪﺕ ﺷﻴﺸﺔ ﺑﻨﺘﻬﺎ ﻭﻣﺸﺖ ﻃﻠﻌﺖ ﻣﻦ ﺣﺪﺍﻫﻢ ..
ﺯﻳﻨﺐ : ﺍﺷﺒﺢ ﺧﻴﺮﻫﺎ ..
ﻧﻌﻴﻤﻪ : ﻣﺎﻓﻴﺶ ﻏﻴﺮ ﺷﻲ ﻭﺍﺣﺪ ..
ﻟﻄﻴﻔﻪ : ﺻﺢ ﺣﺘﻰ ﺍﻧﻲ ﻫﻜﻲ ﺣﺴﻴﺖ ﺍﻟﻤﻮﺿﻮﻉ ﻫﺪﺍ ﺩﻳﻤﺎ ﻣﺄﺭﻗﻬﺎ ..
ﺗﻨﻬﺪﺕ ﻛﻔﺎﻳﻪ ﺑﻀﻴﻖ ﻭﻣﺎﻋﻠﻘﺘﺶ ..
🍁 ﻓﻲ ﺍﻟﻜﻮﺟﻴﻨﻪ
ﻫﻲ ﻛﺎﻧﺖ ﻭﺍﻗﻔﻪ ﺍﺩﻳﺮ ﻓﻲ ﺍﻟﺮﺿﺎﻋﻪ ﻟﺒﻨﺘﻬﺎ ..
ﻭﺻﻐﺎﺭ ﺧﻮﺍﺗﻬﺎ ﺣﺪﺍﻫﺎ ..
ﺭﺍﻧﻴﺎ : ﺍﻟﻠﻪ ﻳﺎﻣﺎﻟﻚ ﺍﺣﻼ ﺣﺎﺟﻪ ﺩﺭﺗﻬﺎ ..
ﺍﺍﺑﺘﺴﻢ ..
ﻭﺭﺟﻌﺖ ﻃﺎﺣﺖ ﻓﻲ ﺣﻮﺽ ﺍﻟﺠﻴﻼﻃﻲ ﺍﻟﻠﻲ ﺗﺎﻛﻞ ﻓﻴﻪ ﻫﻲ ﻭﺭﺑﺎﺏ ﺍﻟﻠﻲ ﻣﻦ ﻛﺘﺮ ﺍﻧﺴﺠﺎﻣﻬﺎ ﻣﻌﺎﻩ ﻣﺎﺗﺒﻴﺶ ﺗﺘﻜﻠﻢ ..
ﺷﻮﻳﻪ ﻭﺧﺸﺖ ﺭﻓﻘﻪ ﻣﻊ ﺭﺯﺍﻥ ..
ﺭﻓﻘﻪ : ﻭﻳﻦ ﻣﺘﺎﻋﻨﺎ ..
ﻣﺎﻟﻚ : ﻉ ﺍﻟﺪﻭﻻﺏ ..
ﻣﺸﺖ ﻃﻮﻝ ﺭﻓﻘﻪ ﺟﺒﺪﺍﺗﻪ ﻭﻣﻌﺎﻩ ﻛﺸﻴﻜﻴﻦ ..
ﻭﻗﻌﻤﺰﻭﺍ ﻉ ﺍﻟﻮﻃﺎ ..
ﻓﺘﺤﺖ ﺍﻟﻐﻄﺎ ﻭﻃﺎﺣﻮﺍ ﻓﻴﻪ ﻫﻲ ﻭﺭﺯﺍﻥ ..
ﻣﺎﻟﻚ : ﺧﺎﻟﺘﻲ ﺣﺼﺘﻜﻢ ﻋﻨﺪ ﺧﺎﻟﺘﻲ ﻏﺎﻟﻴﻪ ..
ﺣﻤﻴﺪﻩ ﻛﺎﻧﺖ ﺳﺎﺭﺣﻪ .. ﻃﻠﻌﺖ ﻣﻦ ﺣﺪﺍﻩ ﻭﻫﻲ ﺗﺨﺾ ﻓﻲ ﺍﻟﺸﻴﺸﻪ ﺑﺪﻭﻥ ﻣﺎﺗﺮﺩ ..
ﺍﺳﺘﻐﺮﺏ ﻣﺎﻟﻚ ..
ﺭﺍﻧﻴﺎ : ﺷﻜﻠﻬﺎ ﻣﺎﺳﻤﻌﺘﺎﻛﺶ ..
ﻣﺎﻟﻚ ﻣﻂ ﺷﻮﺭﺍﺑﻪ ﺑﺈﺳﺘﻐﺮﺍﺏ : ﻣﻤﻜﻦ .
ﻉ ﺧﺸﺔ ﻧﻮﺭ ..
ﻧﻮﺭ ﻭﻋﻴﻮﻧﻬﺎ ﻗﻠﻮﺏ : ﺣﻴﻴﻴﻲ ﻳﻤﻴﻴﻲ ﺟﻴﻼﻃﻲ ..
ﻫﻮ ﻣﺒﺘﺴﻢ ﺑﻌﻴﻮﻥ ﻻﻣﻌﻪ ﻭﻗﻠﺒﻪ ﻳﺪﻕ ﺑﻘﻮﺓ 💓
ﺭﺍﻧﻴﺎ ﺑﻀﺤﻜﻪ : ﺟﻴﺒﻲ ﻛﺎﺷﻴﻚ ﻭﺗﻌﺎﻟﻲ ..
ﻣﺎﻟﻚ ﻣﺶ ﻋﺎﺭﻑ ﻛﻴﻒ ﻳﺪﻳﺮ ﺑﺶ ﺗﻌﺒﺮﻩ .. ﻓﺠﺎﺓ ﻭﺑﺪﻭﻥ ﻣﻘﺪﻣﺎﺕ ﺧﻠﻊ ﻋﻨﻪ ﺛﻮﺏ ﺍﻟﺜﻘﻞ ﻭﺍﻟﺮﺯﺍﻧﻪ ﻭﻗﺎﻝ ..
" ﺍﻧﻲ ﺍﻟﻠﻲ ﺟﺒﺘﻪ .. ﺍﻟﻠﻲ ﻣﺎﻳﺤﺒﺶ ﻣﺎﻟﻚ ﻣﺎﻳﺎﻛﻠﺶ ﻣﻨﻪ .."
ﻫﻲ ﺷﺒﺤﺖ ﻟﻠﺒﻨﺎﺕ ﺍﻟﻠﻲ ﺷﺒﺤﻮﻟﻬﺎ ﻭﻫﻤﺎ ﺷﺎﺩﻳﻦ ﺿﺤﻜﺘﻬﻢ ..
ﻃﻮﻝ ﻟﻔﺖ ﻭﻃﻠﻌﺖ ..
ﻣﺎﻟﻚ ﻭﻫﻮ ﻣﺎﺷﻲ ﻭﺭﺍﻫﺎ : ﺗﻌﺎﻟﻲ ﻫﻨﻲ .. ﻧﻜﻠﻢ ﻓﻴﻚ .. ﻧﻮﻭﺭ ..
ﻭﻻ ﻋﺒﺮﺍﺗﻪ ﻭﻛﻤﻠﺖ ﻃﺮﻳﻘﻬﺎ ..
ﻛﺎﻥ ﻭﺍﻗﻒ ﻉ ﺍﻟﺒﺎﺏ ﺍﻟﺘﻔﺖ ﻟﻠﺒﻨﺎﺕ ..
ﺭﺑﺎﺏ : ﻭﺑﺼﺮﺍﺣﻪ .. ﺯﺩﺕ ﻃﻴﻨﺘﻬﺎ ..
ﺷﺒﺢ ﺍﻟﻘﺪﺍﻡ .. ﺑﻌﺪﻳﻦ ﻣﺸﻲ ﻃﻠﻊ ..
ﺿﺤﻜﻮﺍ ﺍﻟﺒﻨﺎﺕ ..
ﻭﺭﺟﻌﻮﺍ ﻛﻤﻠﻮﺍ ﺑﺎﻗﻲ ﺍﻟﺠﻴﻼﻃﻲ ..
ﺑﺲ ﺭﺯﺍﻥ ﻭﻫﻲ ﺗﺎﻛﻞ ﻛﺎﻧﺖ ﺣﺎﺳﻪ ﺭﻭﺣﻬﺎ ﺯﻱ ﺍﻟﻠﻲ ﺗﺎﻋﺒﻪ ..
ﻟﻜﻦ ﻛﺎﻧﺖ ﺗﻘﺎﻭﻡ ..
ﻉ ﺧﺸﺖ ﻣﺮﻭﺍﻥ ﻭﺣﻤﺰﺓ ﻭﻋﻤﺎﺩ ..
ﻣﺮﻭﺍﻥ : ﺧﻴﺎﺍﺍﺍﻧﻪ ..
ﺭﺑﺎﺏ : ﺑﺮﻭﺍ ﻏﺎﺩﻱ ﺗﺮﺍ ..
ﺣﻤﺰﺓ : ﻛﺎﻥ ﻳﺠﻴﻜﻢ ﻋﻤﺮ ..
ﺿﺤﻜﺖ ﺭﺍﻧﻴﺎ ..
ﺍﺑﺘﺴﻢ ﺣﻤﺰﺓ ﻷﻧﻬﺎ ﺗﺠﺎﻭﺑﺖ ﻣﻊ ﺣﺎﺟﻪ ﻫﻮ ﻗﺎﻟﻬﺎ ..
ﻋﻤﺎﺩ : ﻓﻲ ﺷﺎﻣﻴﻪ ..
ﺭﺍﻧﻴﺎ : ﺑﺎﻟﻔﺴﺘﻖ ..
ﻋﻤﺎﺩ ﻭﻫﻮ ﻣﺎﺷﻲ ﻟﻠﺜﻼﺟﻪ : ﺍﻥ ﺷﺎﺀ ﺍﻟﻠﻪ ﺣﺘﻰ ﺑﺎﻟﺤﺒﻬﺎﻥ ﺍﻟﻤﻬﻢ ﻓﻲ ..
ﻣﺮﻭﺍﻥ : ﻗﺼﺪﻛﻢ ﺑﻨﻘﻌﺪﻭﺍ ﻧﺘﻔﺮﺟﻮﺍ !
ﺭﺯﺍﻥ ﻧﺎﺿﺖ : ﺗﻌﺎﻝ ﻛﻤﻞ ﻣﻊ ﺭﻓﻘﻪ ﻣﻌﺎﺵ ﻧﺒﻲ .
ﻣﺮﻭﺍﻥ ﺑﻀﺤﻜﻪ : ﻻ ﻛﻤﻠﻲ ﻣﺎﺩﻭﺭﻧﻴﺶ ﻧﺒﺼﺮ ..
ﺭﺯﺍﻥ ﺍﺑﺘﺴﻤﺖ ﺑﺘﻌﺐ : ﻻﻭﺍﻟﻠﻪ ﻧﺤﻜﻲ ﺟﺪ ..
ﻭﻣﺸﺖ ﻃﻮﻝ ﻟﻠﻄﺮﻣﺲ ﺑﺶ ﺑﺘﺸﺮﺏ ..
ﻗﺪﻡ ﻣﺮﻭﺍﻥ ﻟﺮﻓﻘﻪ ﻭﻗﻌﻤﺰ ﻉ ﺭﻭﻭﺱ ﺻﻮﺍﺑﻌﻪ ﻭﻗﻌﺪ ﻳﺎﻛﻞ ﻭﻫﻤﺎ ﺍﻟﺰﻭﺯ ﻳﺘﺒﺎﺩﻟﻮﺍ ﺍﻟﻨﻈﺮﺍﺕ ..
ﻭﺣﻤﺰﺓ ﻣﻌﺎﻫﻢ ﻉ ﺍﻟﺨﻂ ﻭﻫﻮ ﻣﺒﺘﺴﻢ ..
ﻋﻤﺎﺩ ﻣﺸﻲ ﻭﻗﻒ ﻉ ﺍﻟﺮﺧﺎﻣﻪ ﺣﺪﺍ ﺭﺯﺍﻥ .
ﻋﻤﺎﺩ : ﺗﺮﺍ ﻳﺎﻣﻠﻌﻘﻪ ﺻﻮﻧﻴﻪ ..
ﺭﺯﺍﻥ ﺑﺪﻭﻥ ﺍﻱ ﺭﺩﻭ ﺗﺒﻴﻦ ﺍﻧﺰﻋﺎﺟﻬﺎ ﻣﺪﺕ ﻳﺪﻫﺎ ﻟﻠﺼﻮﻧﻴﻪ ﻭﺧﺪﺗﻬﺎ ﻭﻋﻄﺘﻬﺎﻟﻪ ..
ﻫﻮ ﺍﺳﺘﻐﺮﺏ ..
ﺣﻄﻬﺎ ﻭﻗﻌﺪ ﻳﺸﻮﻓﻠﻬﺎ ..
ﻫﻲ ﺣﺴﺖ ﺭﻭﺣﻬﺎ ﻓﺸﻠﺖ ﺑﺎﻟﻤﺮﺓ ..
ﺗﺒﻲ ﺗﻠﻒ ﻭﺗﻤﺸﻲ ﻣﺶ ﻗﺎﺩﺭﺓ ..
ﻟﻤﺎ ﺣﺴﺖ ﺭﻭﺣﻬﺎ ﺧﻼﺹ ﺣﺘﻔﻘﺪ ﺍﻟﻮﻋﻲ ..
ﺷﺪﺕ ﺫﺭﺍﻉ ﻋﻤﺎﺩ ..
ﻫﻮ ﺍﻧﺼﺪﻡ ﻃﻠﻖ ﺍﻟﻠﻲ ﻓﻴﺪﻩ ﻭﻗﻌﺪ ﻳﺸﻮﻓﻠﻬﺎ ..
ﻋﻤﺎﺩ ﻭﻫﻮ ﻣﻀﻴﻖ ﻋﻴﻮﻧﻪ ﺑﺨﻮﻑ : ﺭﺯﺍﻥ !!
ﻛﻠﻬﻢ ﺷﺒﺤﻮﻟﻬﻢ ..
ﺭﺯﺍﻥ ﺟﺎﻳﻪ ﺑﺘﺮﺩ ﻣﺎﻗﺪﺭﺗﺶ ..
ﺳﻜﺮﺕ ﻋﻴﻮﻧﻬﺎ ..
ﻭﻟﻤﺎ ﺣﺲ ﻋﻤﺎﺩ ﺍﻧﻬﺎ ﺣﺘﻔﻘﺪ ﺍﻟﻮﻋﻲ ﺗﻠﻘﺎﻫﺎ ﻭﻗﻠﺒﻬﺎ ﻗﺮﻳﺐ ﻭﻗﻒ ﻭﻫﻮ ﻳﻘﻮﻝ : ﺭﺯﺍﺍﺍﻥ .. ﺧﻴﺮﻙ !!
........
ﺑﺴﺮﻋﻪ ﻳﺎﺧﻠﻴﻔﻪ ﺑﺴﺮﻋﻪ ..
ﺧﻠﻴﻔﻪ ﺭﻛﺐ ﺳﻴﺎﺭﺗﻪ ﻭﺷﻐﻠﻬﺎ ﻭﻫﻮ ﻳﻔﺮﻓﺶ ..
ﻭﺣﺴﻦ ﻃﺎﻟﻊ ﺑﺤﺪﻫﻢ ﺍﻟﻠﻲ ﻛﺎﻧﺖ ﻓﺎﻗﺪﺓ ﺍﻟﻮﻋﻲ ﺑﻴﻦ ﺍﻳﺪﻳﻪ ..
ﺣﻄﻬﺎ ﻣﻦ ﺍﻟﺨﻠﻒ ..
ﻭﺭﻛﺒﺖ ﺟﻨﺒﻬﺎ ﻋﺰﻳﺰﺓ ﺍﻟﻠﻲ ﻛﺎﻧﺖ ﺗﺮﻋﺶ ..
ﺭﻛﺐ ﺣﺴﻦ ﺟﻨﺐ ﺧﻮﻩ ﻭﺗﺤﺮﻙ ﺧﻠﻴﻔﻪ ﻃﻮﻝ ...
ﺣﺪﻫﻢ ﺍﻟﺠﺪﻩ : ﻭﺍﻟﻠﻪ ﻋﺮﻓﺘﻬﺎ ﺑﻴﻌﻄﻮﻫﻠﻬﺎ ﻋﺮﻓﺖ ..
ﻋﺒﺪﺍﻟﻠﻪ : ﻻﺣﻮﻝ ﻭﻻ ﻗﻮﺓ ﺍﻻ ﺑﺎﻟﻠﻪ ..
ﺷﻮﻳﻪ ﻭﺷﺎﻓﻮﺍ ..
ﻋﻤﺎﺩ ﻃﺎﻟﻊ ﻳﺠﺮﻱ ﻟﻠﺴﻴﺎﺭﺓ ..
ﻭﺷﻮﻳﻪ ﻭﻃﻠﻊ ﻋﻤﺮ ﻭﻓﻲ ﻏﻤﺮﻩ ﺭﺯﺍﻥ ﻭﺭﺍﻫﻢ ﻏﺎﻟﻴﻪ ﺗﺠﺮﻱ ..
ﺭﻛﺒﻮﺍ ﺍﻟﺴﻴﺎﺭﺓ ..
ﻭﻋﻤﺎﺩ ﻃﻮﻝ ﻃﺎﺭ ﺑﻴﻬﺎ ..
ﻛﻠﻬﻢ ﻧﺎﺿﻮﺍ ﺍﻟﺮﺟﺎﻟﻪ ﺍﻟﻠﻲ ﻓﺎﻟﻤﺮﺑﻮﻋﻪ ﺑﺎﻳﺘﻴﻦ ﻟﻤﺎ ﺳﻤﻌﻮﺍ ﺻﻮﺕ ﺍﻟﺴﻴﺎﺭﺓ ...
ﻭﻃﻠﻌﻮﺍ ﺑﻴﺸﻮﻓﻮﺍ ﺷﻦ ﻓﻲ ..
ﻭﺍﻟﻨﺴﺎﻭﻳﻦ ﻣﻌﺎﻫﻢ ﻓﺎﻃﻤﻪ ﻓﻲ ﻣﻤﺮ ﺍﻟﺒﻮﺍﺑﻪ ﻳﺮﻋﺸﻮﺍ ..
ﺳﻌﻴﺪﻩ ﺍﻟﻮﺣﻴﺪﻩ ﺍﻟﻠﻲ ﻛﺎﻧﺖ ﺭﺍﻗﺪﻩ ﻣﻊ ﻭﻟﺪﻫﺎ ﻗﺼﻲ ﻓﺤﻮﺷﻬﺎ ﻭﻣﺶ ﺣﺎﺳﻪ ﺑﺸﻲ ...
....
ﻓﻮﻕ ﺳﻄﻮﺡ ﻋﻤﺎﺭﺓ ﻭﻻﺩ ﻋﺒﺪﺍﻟﻠﻪ ...
ﻣﺆﻧﺲ ﺟﻲ ﻷﻳﻤﻦ : ﺧﻴﺮﻙ ﻣﺼﺒﻲ ﻫﻨﻰ ..
ﺍﻳﻤﻦ ﻭﻫﻮ ﻗﺎﺭﻥ ﺣﻮﺍﺟﺒﻪ : ﻫﺪﻳﻚ .. ﺑﻨﺖ ﺣﺴﻦ ﻣﺶ ﻋﺎﺭﻑ ﺧﻴﺮﻫﺎ ﻣﻄﻠﻌﻬﺎ ﺑﺎﺗﻬﺎ ﻭﺑﺎﻳﻦ ﻋﻠﻴﻬﺎ ﻣﻐﻤﻰ ﻋﻠﻴﻬﺎ ﻭﺭﻛﺒﻮﺍ ﺳﻴﺎﺭﺓ ﺧﻠﻴﻔﻪ ﻭﻋﺪﻭﺍ ﺑﺴﺮﻋﻪ ..
ﻣﺆﻧﺲ ﺑﺨﻮﻑ : ﻳﺎﺳﺘﻴﺮ ..
ﺍﻳﻤﻦ ﺷﺒﺤﻠﻪ ﺷﻮﻳﻪ ﺑﻌﺪﻳﻦ ﺷﺒﺢ ﺍﻟﻘﺪﺍﻡ ﻭﻗﻌﺪ ﺳﺎﻛﺖ ...
.... ﻳﺘﺒﻊ
