التكمله..
#العشق_المتمرد "اختبار"
#جمان_فريد
الجزء 115القسم التاني
تفاجأ ع الآخر لما شاف الرقم اللي اتصل بيه..
وقلبه من قوة النبض كاد يطير💓..
بلهفة الدنيا كلها فتح الخط ورد..
تلقائيا..تلقائيا...
طلعت منه الكلمه اللي قالها توا..
بالمعنى الحرف لعبارة"اللي فقلبي ع لساني"..
قال بصوت ملهوووف💓..
"عمري"..
رزان انصمتت لما سمعتها..
لكن انفعالها وغضبها زادو ...
رزان:انت شنو قولي انت شنو..شن مازال تبي مني ..قهرتني ذليتني اهنتني بكيتني حرقتلي قلبي حرق..ومازال مش سادك!!شن هالقلب الاسود اللي عندك شن هالحقد هدى حرام عليك خليني فحالي..خلوني فحالي انت وخطيبتك وقوللها اني تنازلت عنك من يوم ريتك تلبس فيها الدبله كرهتك وعفتك وصفحتك مزقتها من حياتي خلاص قوللها تشبع بيك الزوز لبعض من الأول..واني عمري ماكنت لواحد كيفك ولاواحد كيفك ممكن يكون ليا..
وصكرت فوجهه وهي ترعش مع بعضها..وتبكي ..
جوها البنات..
خدت منها حدهم التليفون..وتغريد حضنتها وتحاول تهديها..
عاود اتصل بيها..
رزان ببكي:صكري عليه..ديريله حظر الحقير هدى..
حدهم بغضب صكرت عليه وحطاته في الحظر..
رزان بعدت عن تغريد..وهي تمسح فدموعها ومشت لشنطتها وهي ترجف من الغضب الإنفعال وقوة الموقف اللي كانت فيه قعدت تقول :نبي نروح..نبي نروح..
حدهم جتها وقالت وهي تحط فتليفون رزان فالشنطه :باهي
الموقف اللي صار كان ملفت للإنتباه وهلبه قعدوا يتفرجوا عليه بفضول..
بس اغلبهم توسعت عيونهم لما شافوا رزان وهي طايحه فحضن بنت خالها..فاقده للوعي...
...يتبع...
