#العشق_المتمرد
#جمان_فريد
الجزء78
القسم الاول
ﻣﻘﺘﻞ ﺍﻟﻘﺬﺍﻓﻲ ...
ﺍﺧﺘﻠﻔﻮﺍ ﺍﻟﻠﻴﺒﻴﻦ ﻓﺮﺩﺓ ﻓﻌﻠﻬﻢ ﻋﻠﻴﻪ ..
ﺍﺧﺪﺍ ﺑﻌﻴﻦ ﺍﻹﻋﺘﺒﺎﺭ ﺍﻟﻔﻴﺪﻳﻮﺍﺕ ﺍﻟﻠﻲ ﺻﻮﺭﺕ ﺍﻟﻠﻲ ﺻﺎﺭ ﻓﻴﻪ ﻗﺒﻞ ﻣﻮﺗﻪ ..
🍃 ﻣﺎﻧﺤﺒﺶ ﻧﺬﻛﺮ ﻧﻬﺎﺋﻲ ﺷﻦ ﺻﺎﺭ ﻓﻴﻪ ..
ﺍﻳﻪ ﻃﺎﻏﻴﻪ ..
ﻣﺘﺠﺒﺮ ... ﻇﺎﻟﻢ ... ﻳﺎﻣﺎ ﺩﺍﺭ ..
ﺑﺲ ﻓﻲ ﺍﻟﻨﻬﺎﻳﻪ ﻫﻮ ﺑﺸﺮ ﻭﺍﻧﻲ ﺑﺸﺮ ﻭﻛﻠﻨﺎ ﺑﻨﻤﻮﺗﻮﺍ ﻭﻣﺶ ﻣﻌﺮﻭﻑ ﺍﻟﻮﺍﺣﺪ ﻛﻴﻒ ﻳﻤﻮﺕ ﻭﻛﻴﻒ ﺗﻜﻮﻥ ﻧﻬﺎﻳﺘﻪ ﻭﺑﺎﺵ ﺗﺨﺘﻤﻠﻪ .. ﻣﺎﻗﺪﺭﺗﺶ ﻧﻔﺮﺡ ﻓﻴﻪ ﻓﻲ ﺍﻟﻠﻲ ﺍﻧﺪﺍﺭﻟﻪ ...
ﺑﺲ ﻟﻮ ﺣﻄﻴﺖ ﻛﺬﻟﻚ ﺑﻌﻴﻦ ﺍﻹﻋﺘﺒﺎﺭ
ﺍﻥ ﺧﺎﺗﻤﻪ ﺍﻹﻧﺴﺎﻥ ﻉ ﺣﺴﺐ ﺃﻋﻤﺎﻟﻪ ..
ﺣﻨﻘﻮﻝ ﺍﻧﻬﺎ ﻋﺪﺍﻟﻪ ﺭﺑﺎﻧﻴﻪ ﺧﺎﻟﺼﻪ .. ﻭﺍﻗﺘﺼﺎﺹ ﻟﻬﻠﺒﻪ ﻧﺎﺱ ﻳﺎﻣﺎ ﺩﺍﺭ ﻓﻴﻬﻢ ...
ﻭﻣﺎﻗﺪﺭﻭﺵ ﻳﻮﺍﺟﻬﻮﻩ ﻭﻗﺘﻬﺎ ﺍﻻ ﺑﺎﻟﺪﻋﺎﺀ ...
ﻭﺍﻟﻠﻪ ﻗﺎﻝ ...
ﻷﻧﺼﺮﻧﻚ ... ﻭﻟﻮﺑﻌﺪ ﺣﻴﻦ ...
ﻧﻤﺮﻭﺩ ... ﺍﻟﻤﺘﻜﺒﺮ ﺍﻟﻤﺘﺠﺒﺮ ﺍﻟﻠﻲ ﻭﺻﻞ ﻧﻔﺴﻪ ﺑﻜﺒﺮﻩ ﻟﻤﺮﺣﻠﺔ ﺍﺩﻋﺎﺀ ﺍﻷﻟﻮﻫﻴﻪ ..
ﻛﻴﻒ ﻣﺎﺕ؟
ﻣﺎﻳﺸﺒﻪ ﺍﻟﺒﻌﻮﺿﻪ .. ﺩﺧﻠﺖ ﺍﻧﻔﻪ .. ﻭﻣﻨﻬﺎ ﻭﺻﻠﺖ ﻟﻤﺨﻪ ﻭﺻﻼﺗﻪ ﻟﻤﺮﺣﻠﺔ ﺍﻟﺠﻨﻮﻥ ﻭﺑﺪﺕ ﺗﻘﻀﻲ ﻋﻠﻴﻪ ﺷﻮﻱ ﺷﻮﻱ ﻟﻴﻦ ﻧﻬﺎﺗﻪ ..
ﻭﻏﻴﺮﻩ ﻭﻏﻴﺮﻩ ...
ﻟﻮ ﺑﻨﺤﻜﻮﺍ ﻋﻠﻴﻬﻢ ﻳﺒﻮﺍ ﺻﻔﺤﺎﺕ ﻭﺻﻔﺤﺎﺕ ..
ﻗﺼﺼﻬﻢ ﻛﺎﻧﺖ ﻋﺒﺮ .. ﻣﺶ ﻣﺠﺮﺩ ﻗﺼﺺ ﺑﺲ ..
ﻟﻜﻦ ﻟﻸﺳﻒ ﻣﺎﻓﻴﺶ ﻣﻦ ﻳﻌﺘﺒﺮ ...
🍃 ﺍﻏﻠﺒﻬﻢ ﻣﺎﻳﺴﺘﺎﻗﻀﺶ ﺍﻻﻟﻤﺎ ﺗﻘﺘﺮﺏ ﻧﻬﺎﻳﺘﻪ ..
ﺯﻱ ﻓﺮﻋﻮﻥ 🍃
🍁🍁🍁🍁
ﻭﻗﻊ ﺍﻟﺨﺒﺮ ...
ﻛﺎﻥ ﻉ ﺯﻳﻨﺐ ﺻﺎﺩﻡ ..
🍁 ﺯﻳﻨﺐ ﺑﻜﺖ ﻉ ﺍﻟﻘﺬﺍﻓﻲ ﻭﻛﺄﻧﻪ ﻭﺍﺣﺪ ﻣﻦ ﺍﻓﺮﺍﺩ ﻋﻴﻠﺘﻬﺎ ﺑﻜﺖ ﻋﻠﻴﻪ ﻟﻴﻦ ﻣﺮﺿﺖ ...
🍁 ﺣﻤﻴﺪﻩ ﻛﺎﻧﺖ ﺗﺒﻜﻲ ﻭﺗﻘﻮﻝ " ﺍﻟﻠﻪ ﻳﺮﺣﻤﻪ ﺍﻟﻠﻪ ﻳﺮﺣﻤﻪ "
🍁 ﻏﺎﻟﻴﻪ ﻭﺍﻟﺤﺎﺟﻪ ﻓﺎﻃﻤﻪ ﺍﻧﻮﺟﻌﻮﺍ ﻋﻠﻴﻪ ﻭﺑﻜﻮﺍ ...
🍁 ﻭﺍﻋﺘﻘﺪ ﺭﺩﺓ ﻓﻌﻞ ﻣﺤﻤﺪ ﻣﻌﺮﻭﻓﻪ ...
ﻓﻲ ﺍﺧﺮ ﺍﻳﺎﻡ ﺍﻟﺤﺮﺏ ﻛﺎﻥ ﻭﻻﺑﺪ ﻣﻦ ﻃﻠﻮﻋﻪ ﻫﻮ ﻭﻋﻤﺮ ﻣﻦ ﺍﻟﻤﺪﻳﻨﻪ
ﻭﺍﻧﻀﻤﻮﺍ ﻟﻠﻤﻮﺟﻮﺩﻳﻦ ﻓﺘﺮﻫﻮﻧﻪ ..
ﻭﺗﻠﻘﻰ ﺍﻟﺨﺒﺮ ﻏﺎﺩﻱ .. ﻭﻣﺎﺧﻼ ﻣﺎﻗﺎﻝ ﻉ ﺍﻟﺜﻮﺭﺓ ﻭﺍﻟﺜﻮﺍﺭ ....
ﺑﺲ ﻫﺎﻧﻴﺒﺎﻝ ﺍﻟﻤﺆﻳﺪ ﻟﻠﻨﻈﺎﻡ ﻛﺎﻧﺖ ﻟﻴﻪ ﻧﻈﺮﺓ ﺗﺎﻧﻴﻪ ..
ﻫﺎﻧﻴﺒﺎﻝ : ﺍﻟﻠﻪ ﺍﻋﻠﻢ ﻗﺪﻳﺶ ﻭﺍﺣﺪ ﺑﺮﺩﺕ ﻧﺎﺭﻩ ﻭﻫﻮ ﻳﺘﻔﺮﺝ ﺗﻮ ﻗﻠﻮﺏ ﻭﺍﺟﺪ ﺣﺮﻗﻬﻦ ﻭﻳﺎﻣﺎ ﻣﻦ ﺭﺟﺎﻝ ﻗﻬﺮﻫﻢ ﻭﻳﺎﻣﺎ ﻣﻦ ﻇﻠﻢ ﻧﺰﻝ ﺑﻴﻪ ﻉ ﺍﻟﻨﺎﺱ ..
ﺍﻟﻬﺎﺩﻱ ﺷﺒﺤﻠﻪ : ﻣﺘﺸﻤﺖ؟
ﻫﺎﻧﻴﺒﺎﻝ : ﺍﻟﻤﻮﺕ ﻣﺎﺣﺪ ﻳﺸﻤﺖ ﻓﻴﻪ ﻳﺎﻫﺎﺩﻱ ﺑﺲ ﻧﻮﺭﻱ ﻓﻴﻚ ﻋﺪﻝ ﺭﺑﻚ ..
ﺍﻟﻬﺎﺩﻱ : ﻟﻜﻦ ﺍﻟﻤﻌﺎﻣﻠﻪ ﺍﻟﻠﻲ ﻋﺎﻣﻠﻮﻫﻠﻪ ﻻﺗﺮﺿﻲ ﺭﺑﻲ ﻭﻻ ﺧﻠﻘﻪ ..
ﺷﺒﺤﻠﻪ ﻫﺎﻧﻴﺒﺎﻝ ﺷﻮﻳﻪ ﺑﻌﺪﻳﻦ ﻗﺎﻝ : ﻗﺘﻠﻚ ﻳﺎﻫﺎﺩﻱ ﺍﻟﻠﻲ ﻳﺪﻳﺮ ﻳﻠﻘﻰ ... ﻟﻜﻦ ﺍﻟﻠﻲ ﻧﻔﻜﺮ ﻓﻴﻪ ﺗﻮﺍ .. ﺍﻥ ﺍﻟﻨﺎﺱ ﺍﻟﻠﻲ ﺩﺍﺭﺕ ﻓﻴﻪ ﻫﻜﻲ ﻫﻤﺎ ﺍﻟﻠﻲ ﺣﻴﺤﻜﻤﻮﺍ ﻓﻬﺎﻟﺒﻼﺩ ﺍﻟﻔﺘﺮﺓ ﺍﻟﺠﺎﻳﻪ .. ﻣﺘﺨﻴﻞ ﺷﻜﻠﻬﺎ ﻛﻴﻒ ﺑﻴﻜﻮﻥ ﻫﺎﻟﻔﺘﺮﺓ ﻫﺪﻱ؟ !
ﺷﺒﺤﻠﻪ ﺍﻟﻬﺎﺩﻱ ﺷﻮﻳﻪ ﺑﻌﺪ ﺭﺟﻊ ﺷﺒﺢ ﻟﻠﺘﻠﻔﺰﻳﻮﻥ ﺑﺪﻭﻥ ﻣﺎﻳﺮﺩ ﻋﻠﻴﻪ ..
🍁🍁🍁🍁🍁
ﺭﺍﻫﻮ ﺍﻟﻤﺮﺣﻠﻪ ﺍﻟﺠﺎﻳﻪ ﺍﺻﻌﺐ ﻣﻦ ﺍﻟﻠﻲ ﻓﺎﺗﺖ ﺑﻤﻠﻴﻮﻥ ﻣﺮﺓ ﻭﺍﻟﻤﺸﻜﻠﻪ ﺍﻟﻨﺎﺱ ﺗﺤﺴﺎﺏ ﻛﺎﻥ ﻣﺎﺕ ﻣﻌﻤﺮ ﺧﻼﺹ ..
ﻗﺎﻝ ﻫﺎﻟﻜﻼﻡ ﻭﻫﻮ ﻳﺘﻔﺮﺝ ﻉ ﺍﻟﺠﺰﻳﺮﺓ ..
ﻧﻌﻴﻤﻪ : ﻣﺮﺓ ﺳﻤﻌﺖ ﻣﺤﻠﻞ ﺳﻴﺎﺳﻲ ﻗﺎﻝ ﻣﺎﺑﻌﺪ ﺍﻟﻘﺬﺍﻓﻲ ﺣﻴﻜﻮﻥ ﺻﻌﺐ ﻫﻠﺒﻪ ﺣﻴﻜﻮﻥ ﺍﺻﻌﺐ ﻣﻦ ﺍﻟﺜﻮﺭﺓ ﻧﻔﺴﻬﺎ ..
ﻋﺒﺪﺍﻟﺴﻼﻡ : ﻣﺮﺣﻠﺔ ﺍﻟﻔﻮﺿﻰ ﻳﺴﻤﻮﺍ ﻓﻴﻬﺎ .. ﻭﺍﻟﻠﻲ ﻳﺘﺤﻜﻢ ﻓﻲ ﻣﺪﺓ ﻫﺎﻟﻤﺮﺣﻠﻪ ﻭﺻﻌﻮﺑﺘﻬﺎ .. ﻫﻮ ﺍﻟﻠﻲ ﺧﻠﻔﻪ ﺍﻟﻨﻈﺎﻡ ﺍﻟﻠﻲ ﻗﺒﻠﻬﺎ .. ﻣﻂ ﺷﻮﺍﺭﺑﻪ ﻟﺪﺍﺧﻞ ﺑﺄﺳﻒ ﻭﺷﺒﺢ ﻟﻤﺮﺗﻪ ﻭﻗﺎﻝ .. ﻭﻟﻸﺳﻒ ﻟﻴﺒﻴﺎ ﻛﺎﻥ ﻓﻴﻬﺎ ﺷﺒﻪ ﻧﻈﺎﻡ ﻭﺍﻧﻬﺎﺭ ﺑﺈﻧﻬﻴﺎﺭﺍﻟﻤﺘﺤﻜﻢ ﻓﻴﻪ .. ﻳﻌﻨﻲ ﻣﺎﺣﺪ ﻳﻘﺪﺭ ﻳﺘﻨﺒﺄ ﺑﺎﻟﻠﻲ ﺣﻴﺼﻴﺮ ﺑﻌﺪﻳﻦ ..
ﻧﻌﻴﻤﻪ : ﻣﻌﻨﺎﻫﺎ ﺍﻟﺠﺎﻱ ﻣﺶ ﺧﻴﺮ ﺯﻱ ﻣﺎﻳﻘﻮﻟﻮﺍ ...
ﺿﺤﻚ ﺑﺘﻬﻜﻢ ﻭﺣﺮﻙ ﺭﺍﺳﻪ ﺍﻳﻤﻴﻦ ﻭﻳﺴﺎﺭ ﻧﺎﻓﻴﺎ ﻟﻜﻼﻣﻬﺎ ..
ﺍﺑﺘﺴﻤﺖ ﺑﺘﻬﻜﻢ ﺑﻌﺪﻳﻦ ﻧﺎﺿﺖ : ﺧﻞ ﻧﻮﺽ ﻧﺸﻮﻑ ﺍﺳﻴﺎ ..
ﻋﺒﺪﺍﻟﺴﻼﻡ ﺍﺑﺘﺴﻢ ﻭﻗﺎﻝ : ﻛﺎﻥ ﻧﺎﻳﻀﻪ ﻧﺎﺩﻳﻨﻲ ..
ﺿﺤﻜﺖ ﻧﻌﻴﻤﻪ ﻭﻗﺎﻟﺖ : ﺑﺎﻫﻲ ..
ﻃﻠﻌﺖ ﻣﻦ ﺍﻟﻤﺮﺑﻮﻋﻪ ..
ﻭﻫﻲ ﺧﺎﻃﻤﻪ ﻣﻦ ﺣﺪﺍ ﺍﻟﺼﺎﻟﻪ ..
ﻭﻗﻔﺖ ﻭﻗﻌﺪﺕ ﺗﺴﻤﻊ
◇ ﻭﻣﻦ ﻳﺄﺗﻪ ﻣﺆﻣﻨﺎ ﻗﺪ ﻋﻤﻞ ﺍﻟﺼﺎﻟﺤﺎﺕ ﻓﺄﻭﻟﺌﻚ ﻟﻬﻢ ﺍﻟﺪﺭﺟﺎﺕ ﺍﻟﻌﻠﻰ ○
ﻻﺣﻈﺖ ﻛﻴﻒ ﻧﺒﺮﺓ ﺻﻮﺗﻬﺎ ﺑﺪﺕ ﺑﺎﻹﺭﺗﻌﺎﺵ ... ﻭﻛﻤﻠﺖ ﺍﻵﻳﻪ
○ ﺟﻨﺎﺕ ﻋﺪﻥ ﺗﺠﺮﻱ ﻣﻦ ﺗﺤﺘﻬﺎ ﺍﻷﻧﻬﺎﺭ ﺧﺎﻟﺪﻳﻦ ﻓﻴﻬﺎ ﻭﺫﻟﻚ ﺟﺰﺍﺀ ﻣﻦ ﺗﺰﻛﻰ ...◇
ﺳﻜﺘﺖ ﻭﺭﻓﻌﺖ ﻋﻴﻮﻧﻬﺎ ﻓﻮﻕ ﻭﻗﺎﻟﺖ ..
ﺩﻻﻝ ﻭﺩﻣﻮﻋﻬﺎ ﺗﻨﺰﻝ : ﻳﺎﺍﺍﺭﺏ ﺍﺟﻌﻞ ﻋﻤﺎﺭ ﻣﻨﻬﻢ ﻳﺎﺍﺭﺏ ..
ﻧﺰﻟﺖ ﺭﺍﺳﻬﺎ ﻭﺻﻜﺮﺕ ﺍﻟﻤﺼﺤﻒ ﻭﺣﻀﻨﺎﺗﻪ ﻭﻗﻌﺪﺕ ﺗﺒﻜﻲ ..
ﻭﻫﻲ ﺗﻘﻮﻝ .. ﻳﺎﺭﺏ ﺍﺟﻌﻠﻪ .. ﻣﻨﻬﻢ ..
ﻧﻌﻴﻤﻪ ﺗﻨﻬﺪﺕ ﺑﺤﺮﻗﻪ ﻭﺩﻣﻮﻋﻬﺎ ﺳﻴﻞ ..
ﻭﻛﻤﻠﺖ ﻃﺮﻳﻘﻬﺎ ﻟﺪﺍﺭ ﺍﻟﻨﻮﻡ ﺑﺶ ﺗﺸﻮﻑ ﺣﻔﻴﺪﺗﻬﺎ ..
🍁🍁🍁🍁🍁
ﻋﻤﺖ ﺍﻹﺣﺘﻔﺎﻻﺕ ﻛﻞ ﺍﻟﻤﺪﻥ ﺍﻟﻠﻴﺒﻴﻪ ﺍﻟﻤﺆﻳﺪﺓ ﻟﻠﺜﻮﺭﺓ ﻭﻛﺈﻥ ﻋﺮﺱ ﻟﻴﺒﻴﺎ ﻫﺪﻳﻜﺎ ﺍﻟﻠﻴﻠﻪ ..
🍃 ﺭﻳﺘﻮﺍ ﺍﻟﻌﺮﻭﺳﻪ ﺍﻟﻠﻲ ﻟﻴﻠﺔ ﻋﺮﺳﻬﺎ ﺗﻜﻮﻥ ﻓﺮﺣﺎﻧﻪ ﻫﻠﺒﻪ ﺍﻧﻬﺎ ﻭﺍﺧﻴﺮﺍ ﺧﺪﺕ ﺍﻟﺸﺨﺺ ﺍﻟﻠﻲ ﺗﺤﺒﻪ ﻭﻣﺘﺨﻴﻠﻪ ﺍﻧﻬﺎ ﺣﺘﻌﻴﺶ ﻣﻌﺎﻩ ﺍﻳﺎﻡ ﻫﻨﻴﻪ ﻭﻛﻠﻬﺎ ﻭﺭﺩ ﻭﺣﺐ ﻭﺩﻟﻊ ﻭﺭﻭﻣﺎﻧﺴﻴﻪ .. ﻭﺑﻌﺪ ﺗﺘﺰﻭﺟﻪ ﻭﻳﻔﻮﺗﻮﺍ ﺍﻭﻝ ﺷﻬﺮﻳﻦ ﺗﻼﺗﻪ ﻋﺴﻞ ... ﻳﻄﻠﻊ ﻉ ﺣﻘﻴﻘﺘﻪ ... ﻭﺣﺶ ﻉ ﻫﻴﺌﺔ ﺑﻨﻲ ﺁﺩﻡ ﻭﺗﻜﺘﺸﻒ ﺍﻧﻬﺎ ﻛﻠﺖ ﺍﻛﺒﺮ ﻣﻘﻠﺐ ﻓﺤﻴﺎﺗﻬﺎ ... ﻭﺗﺒﺪﺍ ﺗﻌﺎﻧﻲ ..
ﺍﻫﻲ ﻟﻴﺒﻴﺎ ﺻﺎﺭﻟﻬﺎ ﺯﻳﻬﺎ ﺑﺎﻟﺰﺑﻂ 🍃..
🍁 ﺑﺲ ﻭﺍﻟﻠﻪ ﻻﻧﻜﺮﺍﻥ ﺍﻧﻬﺎ ﻛﺎﻧﺖ ﺍﻳﺎﻡ ﺣﻠﻮﺓ ﺣﻠﻮﺓ 🍁...
🍃🍃🍃🍃
ﺑﻌﺪ ﻓﺘﺮﺓ ...
ﺧﻼﺹ ﺣﺎﻥ ﻭﻗﺖ ﻋﻮﺩﺓ ﺍﻟﻨﺎﺯﺣﻴﻦ ﻟﻤﺪﻧﻬﻢ ...
ﻭﻣﻨﻬﻢ ﻋﻴﻠﺔ ﻫﺎﻧﻴﺒﺎﻝ ..
ﻓﻲ ﻫﺎﻟﻴﻮﻡ ﻛﺎﻥ ﻳﻮﻡ ﻣﺮﻭﺍﺣﻬﻢ ..
ﺣﺎﺿﻨﻴﻦ ﺑﻌﺾ ﻭﻭﺣﺪﻩ ﻣﻨﻬﻢ ﺗﻘﻮﻝ ..
ﻏﺎﻟﻴﻪ : ﺑﺎﺭﻙ ﺍﻟﻠﻪ ﻓﻴﻜﻢ ﻭﺍﻟﻠﻪ ﻧﻌﻢ ﺍﻟﻨﺎﺱ ..
ﻓﺠﺮﺓ : ﻫﺪﻯ ﻭﺍﺟﺐ ﻳﺎﻏﺎﻟﻴﻪ .. ﺑﻌﺪﻭﺍ ﻋﻦ ﺑﻌﺾ ﻭﻛﻤﻠﺖ ﻓﺠﺮﺓ ﺗﻘﻮﻝ .. ﻭﻳﻌﻠﻢ ﺍﻟﻠﻪ ﺍﻥ ﻣﻌﺮﻓﺘﻜﻢ ﻣﻜﺴﺐ ﻣﺎﻧﺒﻮﺵ ﻧﻨﻘﻄﻌﻮﺍ ﻋﻦ ﺑﻌﺾ ..
ﻏﺎﻟﻴﻪ : ﻣﺎﺩﺍﻡ ﺧﺪﻳﻨﺎ ﺍﺭﻗﺎﻡ ﺑﻌﻀﻨﺎ ﺇﻥ ﺷﺎﺀ ﺍﻟﻠﻪ ﻣﺶ ﺣﻨﻨﻘﻄﻌﻮﺍ ..
ﻭﺑﺎﻗﻲ ﺍﻟﺒﻨﺎﺕ ﻳﺴﻠﻤﻮﺍ ﻉ ﺣﻤﻴﺪﻩ ﻭﺳﻤﻴﻪ ..
ﻭﺟﻨﺒﻬﻢ ﻣﻦ ﺑﻌﻴﺪ ﺷﻮﻳﻪ ﺍﻟﺮﺟﺎﻟﻪ ﻳﺴﻠﻤﻮﺍ ﻉ ﻋﺒﺪﺍﻟﻔﺘﺎﺡ ﻭﻭﻻﺩ ﻋﻤﻪ ..
ﻭﻣﻮﺩﺓ ﻛﺎﻧﺖ ﺗﺴﺮﻕ ﻓﺎﻟﻨﻈﺮ ﻟﻬﺎﻧﻴﺒﺎﻝ ...
ﻭﻭﺻﺎﻝ ﻟﻠﻬﺎﺩﻱ ..
ﻭﺳﻤﻴﻪ ﺗﻐﻠﻲ ﻏﻠﻲ ..
🍁 ﻫﺎﻧﻴﺒﺎﻝ : ﺑﺎﺭﻙ ﺍﻟﻠﻪ ﻓﻴﻚ .. ﻭﻳﺮﺣﻢ ﻭﺍﻟﺪﻳﻚ .. ﻭﻣﻦ ﺗﻮﺍ ﻧﻘﻮﻟﻚ ﻳﺎﻓﺘﻴﺢ ﺑﺈﺫﻥ ﺍﻟﻠﻪ ﺑﻌﺪ ﺍﻟﻌﻴﺪ ﺍﻟﻜﺒﻴﺮﺓ ﺗﺘﻔﻀﻠﻮﺍ ﻋﻨﺪﻧﺎ ..
ﻋﺒﺪﺍﻟﻔﺘﺎﺡ ﺑﺈﺑﺘﺴﺎﻣﻪ : ﺇﻥ ﺷﺎﺀ ﺍﻟﻠﻪ ..
ﻭﺑﻌﺪ ﺷﻜﺮ ﻭﺳﻼﻡ ﺣﺎﺭ ..
ﺗﺴﻘﺪﻭﺍ ﻫﺎﻧﻴﺒﺎﻝ ﻭﺧﻮﺗﻪ ﻭﺧﻮﺍﺗﻪ ﻟﻤﺪﻳﻨﺘﻬﻢ ..
ﻣﻮﺩﺓ ﻭﻋﻴﻮﻧﻬﺎ ﻣﺪﻣﻌﺎﺕ : ﻣﺶ ﻋﺎﺭﻓﻪ ﻛﻴﻒ ﺑﻨﺎﺧﺪ ﻉ ﻏﻴﺎﺑﻬﻢ ..
ﻓﺠﺮﺓ : ﻭﺍﻟﻠﻪ ﺣﺘﻰ ﺍﻧﻲ ﺣﺒﻴﺘﻬﻢ ﻭﺗﻌﻮﺩﺕ ﻋﻠﻴﻬﻢ ..
ﻧﺠﺎﻩ : ﺑﻌﺪ ﺍﻟﻌﻴﺪ ﺍﻥ ﺷﺎﺀ ﺍﻟﻠﻪ ﻧﻌﺪﻭﺍ ﻝ **** ﻫﺪﺭﺯﺕ ﻉ ﺍﻟﺤﺎﺟﻪ ﻓﺎﻃﻤﻪ ﺑﺎﻟﺘﻠﻔﻮﻥ ﻭﻋﺰﻣﺘﻨﺎ ..
ﺍﺑﺘﺴﻤﺖ ﻣﻮﺩﺓ ﺑﻔﺮﺡ ﻭﻗﻠﺒﻬﺎ ﻳﺮﻗﺺ ﺭﻗﻴﺺ ﻣﻦ ﺍﻟﻔﺮﺣﻪ 💓
🍁🍁🍁🍁🍁🍁
ﺷﻬﺮ ﻧﻮﻓﻤﺒﺮ 2011...
ﻣﺎﻣﺎ ﺟﻮﺍﺩ ﺍﻟﺒﺲ ﺷﺒﺸﺒﻚ ..
ﺟﻮﺍﺩ : ﺑﺎﻩ ..
ﻟﺒﺴﻪ ﻭﻗﻌﺪ ﻳﺠﺮﻱ ﻭﺭﺍ ﺧﺎﻟﻪ ﻣﺠﺪ ﻣﺎﺷﻴﻴﻦ ﻟﺠﺪﻫﻢ ﺍﻟﻠﻲ ﺑﻴﻄﻠﻌﻬﻢ ﺑﺶ ﻳﺸﺮﻱ ﺧﺮﻭﻑ ﺍﻟﻌﻴﺪ ..
ﺧﻼﺹ ﻋﻴﺪ ﺍﻷﺿﺤﻰ ﻉ ﺍﻷﺑﻮﺍﺏ ...
ﺍﺑﺘﺴﻤﺖ ﻟﻤﺎ ﺷﺎﻓﺖ ﺑﻮﻫﺎ ﻛﻴﻒ ﻗﺎﻡ ﻭﻟﺪﻫﺎ ﻭﺣﻄﻪ ﻓﻲ ﺍﻟﺴﻴﺎﺭﺓ ﻭﺳﻜﺮ ﺍﻟﺒﺎﺏ ﻭﺑﻌﺪﻳﻦ ﻣﺸﻲ ﺭﻛﺐ ﻭﺭﻛﺒﺖ ﺟﻨﺒﻪ ﻧﻌﻴﻤﻪ ..
ﺗﺤﺮﻙ ﺑﺎﻟﺴﻴﺎﺭﺓ ﻭﻃﻠﻌﻮﺍ ..
ﻧﻮﺭ : ﺟﻮﺍﺩﻱ ﻟﺴﺎﻧﻪ ﺍﻧﻄﻠﻖ ﺑﺴﺮﻋﻪ ﻣﺎﺷﺎﺀ ﺍﻟﻠﻪ ..
ﺩﻻﻝ ﺑﺈﺑﺘﺴﺎﻣﻪ : ﺷﻜﻠﻪ ﺑﻴﻄﻠﻊ ﻃﻮﻳﻞ ﻟﺴﺎﻥ ..
ﻧﻮﺭ ﻭﻫﻲ ﺗﺸﻮﻑ ﻟﺪﻻﻝ : ﺍﻟﻠﻪ ﺃﻋﻠﻢ ﻟﻤﻦ ﻃﺎﻟﻊ ..
ﺿﺤﻜﺖ ﺩﻻﻝ ..
🍁 ﺿﺤﻜﺘﻬﺎ ﻭﺍﺑﺘﺴﺎﻣﺘﻬﺎ ﻛﺎﻧﻮﺍ ﺑﺎﻫﺘﺎﺕ ﻣﺎﻓﻴﻬﻤﺶ ﺭﻭﺡ .. ﺍﺻﻼ ﻫﻲ ﻋﺎﻳﺸﻪ ﻭﺧﻼﺹ .. ﻟﻮﻻ ﻫﺎﻟﺼﻐﻮﻳﺮﺓ ﻣﺎﻇﻨﻲ ﻛﺎﻥ ﻓﻲ ﺷﻲ ﻋﻨﺪﻫﺎ ﻳﻘﻮﻳﻬﺎ ﺑﺶ ﺗﻘﺎﻭﻡ ﺣﺰﻧﻬﺎ ﻭﺗﻘﻌﺪ ﻉ ﻗﻴﺪ ﺍﻟﺤﻴﺎﺓ 🍁
ﺭﻥ ﺗﻠﻴﻔﻮﻥ ﻧﻮﺭ ﺑﻨﻐﻤﺔ ﺭﺳﺎﻟﻪ
ﺷﺎﻓﺘﻬﺎ ﻭﻓﺘﺤﺖ .. ﻗﺮﺗﻬﺎ ﻭﺍﺑﺘﺴﻤﺖ ..
ﺩﻻﻝ ﺭﻛﺰﺕ ﻋﻠﻴﻬﺎ : ﺩﻛﺘﻮﺭﻧﺎ ..
ﺍﺑﺘﺴﻤﺖ ﻧﻮﺭ ﺑﺨﺠﻞ : ﺍﻳﻪ .. ﺷﺒﺤﺖ ﻷﺧﺘﻬﺎ ﻭﺿﺤﻜﺖ .. ﻗﺎﻝ ﺣﺎﻟﻒ ﻧﻜﻤﻠﻪ ﺍﻟﺮﺻﻴﺪ ﻣﺘﺎﻉ ﺍﻟﻬﺪﻳﻪ ﻗﺒﻞ ﻳﺠﻲ ﺍﻟﻌﻴﺪ ..
ﺿﺤﻜﺖ ﺩﻻﻝ ﺑﻌﺪﻳﻦ ﺷﺒﺤﺖ ﻷﺧﺘﻬﺎ ﻭﻗﺎﻟﺖ : ﺧﻮﺩﻳﻪ ﺍﻟﻠﻲ ﻋﻨﺪﻱ ﻣﺎﻧﺒﻴﺸﻲ ..
ﻧﻮﺭ ﺍﺑﺘﺴﻤﺖ : ﺑﺎﻫﻲ ..
ﺳﻜﺘﻮﺍ ﺷﻮﻳﻪ ..
ﻭﺩﻻﻝ ﺳﺮﺣﺖ ﺑﺘﻔﻜﻴﺮﻫﺎ ﻭﻫﻲ ﺗﺸﺒﺢ ﻟﺸﺠﺮﺓ ﺍﻟﻜﺮﻣﻮﺱ ﺍﻟﻠﻲ ﻓﺠﻨﺎﻧﻬﻢ ﻛﻴﻒ ﻭﺭﺍﻗﻬﺎ ﻛﻠﻬﻢ ﻃﺎﺣﻮﺍ ..
ﻣﻨﻈﺮ ﺍﻟﺸﺠﺮﻩ ﻣﻦ ﻏﻴﺮ ﻭﺭﺍﻗﻬﺎ ﺫﻛﺮﻫﺎ ﺑﺤﺎﻟﻬﺎ ..
ﻃﺎﺣﺖ ﻣﻦ ﻋﻴﻨﻬﺎ ﺩﻣﻌﻪ ﻣﺴﺤﺘﻬﺎ ﻓﻴﺴﻊ ..
ﺍﻧﺘﺒﻬﺖ ﻓﺠﺄﺓ ﻟﺼﻮﺕ ﻋﻴﺎﻁ ﻃﻔﻞ : ﺍﺳﻴﺎ ﻭﻻ؟
ﻧﻮﺭ ﻭﻫﻲ ﺗﺴﻤﻊ : ﺍﻳﻪ ..
ﻣﺸﺖ ﻃﻮﻝ ﺩﻻﻝ ﺧﺸﺖ ﺩﺍﺧﻞ ﺗﺠﺮﻱ ﻟﺒﻨﺘﻬﺎ ..
ﻭﻧﻮﺭ ﺗﻨﻬﺪﺕ ﺑﺄﻟﻢ ..
ﺑﻌﺪﻳﻦ ﺷﺒﺤﺖ ﻟﺘﻠﻔﻮﻧﻬﺎ ﺍﺑﺘﺴﻤﺖ ﻭﺑﺪﺕ ﺗﻜﺘﺐ ﻓﺮﺳﺎﻟﻪ ﺑﺶ ﺗﺮﺩﻉ ﻣﺎﻟﻚ 💓..
🌴🌴🌴🌴🌴🌴🌴
ﺭﻥ ﺗﻠﻴﻔﻮﻧﻬﺎ ﺑﻨﻐﻤﺔ ﺭﺳﺎﻟﻪ
ﺻﻜﺮﺕ ﺩﻭﻻﺑﻬﺎ ﻭﻣﺸﺘﻠﻪ ﺧﺪﺍﺗﻪ ﻣﻦ ﻉ ﺍﻟﻜﺎﻣﺪﻳﻨﻮ
ﻓﺘﺤﺖ ﺍﻟﺮﺳﺎﻟﻪ
( ﻳﺎﻣﺪﻟﻞ ﻻﺗﺪﻟﻊ ﻣﺎﺑﻴﻦ ﺍﻟﻨﺎﺱ
ﻭﺣﺪﻙ ﻭﺣﺪﻙ ﻻﺗﻤﺸﻲ ﻋﻮﺯﻙ ﺣﺮﺍﺱ
ﻳﺎﺭﺏ ﺗﺠﻤﻊ ﺷﻤﻠﻨﺎ ﺍﻟﺮﺍﺱ ﻭﻳﺎ ﺍﻟﺮﺍﺱ
ﺧﺎﻳﻒ ﻻﻳﺨﻠﺺ ﺻﺒﺮﻱ ﺍﺗﻌﺐ ﻭﺍﻧﻬﺎﺭ )
ﻣﻄﺖ ﺷﻮﺍﺭﺑﻬﺎ ﺑﺈﺯﺩﺭﺍﺀ ﻷﻥ ﺍﻟﻤﺮﺳﻞ ﻛﺎﻥ ﺭﻗﻢ ﻏﺮﻳﺐ
ﻭﻏﻴﺮ ﻫﻜﻲ ...
ﺭﺯﺍﻥ : ﻋﻠﻴﻚ ﻭﺍﺣﺪ ﻗﺪﻳﻢ .. ﻣﺶ ﻋﺎﺭﻓﻪ ﺍﻣﺘﻰ ﻳﻨﻘﺮﺿﻮﺍ ﻫﺎﻟﻨﻤﺎﺫﺝ
ﻛﻴﻒ ﺟﺎﻳﻪ ﺑﺘﺤﻂ ﺗﻠﻴﻔﻮﻧﻬﺎ ﻭﻳﻦ ﻣﻜﺎﻥ ﺟﺘﻬﺎ ﺭﺳﺎﻟﻪ ..
ﺗﺄﻓﻔﺖ ﻓﺘﺤﺘﻬﺎ ﺑﻤﻠﻞ ..
( ﺍﻩ ﻧﺴﻴﺖ ﻧﻘﻮﻝ ..
ﻣﻊ ﺣﺒﻲ ..
ﺍﻟﻌﻤﺪﻩ )
ﻓﻨﺼﺖ ﻋﻴﻮﻧﻬﺎ ﻭﻭﺟﻬﻬﺎ ﺗﻠﻘﺎﺋﻴﺎ ﺍﻧﺤﻤﺮ : ﻣﺒﺮﺩﻩ ﻳﺎﺭﺑﻲ ﻣﻦ ﻭﻳﻦ ﺣﺼﻞ ﺭﻗﻤﻲ 😳
ﺣﻄﺖ ﺍﻟﺘﻠﻴﻔﻮﻥ ﻉ ﺍﻟﻜﺎﻣﻴﺪﻳﻨﻮ ﺑﺴﺮﻋﻪ ..
ﻭﻃﻮﻝ ﻃﻠﻌﺖ ﻣﻦ ﺍﻟﺪﺍﺭ ﻭﺻﻜﺮﺕ ﺍﻟﺒﺎﺏ ..
ﻭﻗﻠﺒﻬﺎ ﻣﺎﺑﺎﺵ ﻳﻬﺪﺍ ...
🍁🍁🍁🍁🍁🍁🍁🍁
ﺍﻟﺤﻤﺪ ﺍﻟﻠﻪ ﺍﻷﻣﻮﺭ ﻣﺎﺷﻴﻪ ..
ﺣﻤﺪﻱ : ﺍﻳﻪ ﻛﻞ ﺷﻲ ﺑﺪﻱ ﻳﺮﺟﻊ ﻟﻮﺿﻌﻪ ﺍﻟﻄﺒﻴﻌﻲ ..
ﻧﺠﻢ ﺍﻟﺪﻳﻦ ﺑﻀﺤﻜﻪ : ﻟﻜﻦ ﺗﺤﺲ ﺍﻟﻨﺎﺱ ﺯﻱ ﺍﻟﻠﻲ ﻃﺎﻫﻘﻪ ﻣﻈﺎﻫﺮﺍﺕ ﻭﺍﻋﺘﺼﺎﻣﺎﺕ ﻭﺟﻮ ..
ﺣﻤﺪﻱ : ﺭﻳﺖ ﺍﻟﻤﻜﺒﻮﺕ ﻭﻓﺠﺄﺓ ﺍﻧﻔﺮﺟﺖ ﻋﻠﻴﻪ ﺍﻟﻠﻲ ﺧﺎﻃﺮﻩ ﻓﻴﻪ ﻛﻠﻪ ﻳﺪﻳﺮﻩ ..
ﻧﺠﻢ ﺍﻟﺪﻳﻦ ﺑﺈﺑﺘﺴﺎﻣﻪ : ﻣﻤﻜﻦ ... ﺗﻼﺷﺖ ﺍﺑﺘﺴﺎﻣﺘﻪ ﺑﻌﺪﻳﻦ ﻗﺎﻝ . ﻓﻲ ﺣﺎﺟﺎﺕ ﺗﺼﻴﺮ ﺗﺤﺘﻬﺎ ﻫﻠﺒﻪ ﺧﻄﻮﻁ ..
ﺣﻤﺪﻱ : ﺯﺍﺑﻂ .. ﺯﺍﺑﻂ ... ﻳﺴﺘﺮ ﺍﻟﻠﻪ ﻭﺧﻼﺹ ..
ﻧﺠﻢ ﺍﻟﺪﻳﻦ : ﻫﻲ ﻫﺎﺩﻱ ..
ﺷﺒﺤﻠﻪ ﺷﻮﻳﻪ ﺣﻤﺪﻱ ﻭﻗﺎﻝ : ﻧﺠﻤﻲ ..
ﻧﺠﻢ ﺍﻟﺪﻳﻦ ﺑﺮﻓﻌﺔ ﺣﻮﺍﺟﺐ : ﺍﻣﻢ ..
ﺣﻤﺪﻱ : ﺑﺠﺪﻳﺎﺕ ﺧﺎﻃﺮﻱ ﻧﻌﺮﻑ ﺷﻦ ﻗﺼﺔ ﺍﻟﻤﺮﺍﺓ ﺍﻟﻠﻲ ﺳﺎﻋﺪﻧﺎﻫﺎ ﺗﻬﺮﺏ ..
ﺍﺑﺘﺴﻢ ﻭﺷﺒﺢ ﻓﻲ ﺍﻟﻔﺮﺍﻍ ﻭﻗﺎﻝ : ﻫﺎﺩﻱ ﻭﺣﺪﻩ ﻣﻦ ﺍﻟﻀﺎﺑﻄﺎﺕ ﺩﺍﺭﺕ ﻣﻌﺎﻱ ﺟﻤﻴﻞ ﻟﻴﻦ ﻧﻤﻮﺕ ﻣﺎﻧﻨﺴﺎﻩ .. ﺷﺒﺤﻠﻪ ..
ﻭﺣﺪﻩ ﻗﺮﻳﺒﺘﻲ ﻛﺎﻧﺖ ﻭﻳﻦ ﻣﺎﺗﻤﺸﻲ ﻋﻠﻢ ﺍﻹﺳﺘﻘﻼﻝ ﻓﺸﻨﻄﺘﻬﺎ ﺍﻟﺒﻨﺖ ﺛﺎﺋﺮﺓ ﺑﻜﻞ ﻣﻌﻨﻰ ﺍﻟﻜﻠﻤﻪ ﻭﻣﻮﺟﻮﻋﻪ ﻉ ﻭﺍﺣﺪ ﻣﻦ ﻋﻴﻠﺘﻬﺎ ﻗﺎﺗﻠﻪ ﺍﻟﻘﺬﺍﻓﻲ .. ﺍﻟﻤﻬﻢ ﻛﺎﻧﻮﺍ ﺩﺍﻳﺮﻳﻦ ﺗﻔﺘﻴﺶ ﻓﻲ ﺍﻟﺠﺎﻣﻌﻪ ﻭﺷﺪﻭﻫﺎ ﺑﺎﻟﻌﻠﻢ ..
ﺭﻓﻌﻮﻫﺎ ﻃﻮﻝ ..
ﺍﻟﺨﺒﺮ ﻭﺻﻠﻮﻩ ﺻﺎﺣﺒﺘﻬﺎ ﻟﻠﻌﻴﻠﻪ ﻭﻣﻨﻬﻢ ﻭﺻﻠﻨﻲ ﻭﻣﺸﻴﺖ ﻃﻮﻝ ﻭﺑﻦ ﻣﺎﻗﺎﻟﻮﺍ ﺭﻓﻌﻮﻫﺎ ..
ﺗﺠﺪﻳﺖ ﻫﻠﺒﻪ ﻉ ﺧﺎﻃﺮﻫﺎ .. ﻋﺮﺽ ﻭﺷﺮﻑ ﻳﺎﺭﺍﺟﻞ ﻭﻣﺎﻋﻨﺪﻫﺎﺵ ﺧﻮﺕ ﻭﻻﺩ .. ﻭﺍﻟﻠﻪ ﺍﻟﻌﻈﻴﻢ ﻭﻗﺘﻬﺎ ﻟﻮ ﻳﺒﻮﻧﻲ ﻧﺒﻮﺱ ﻛﻨﺪﺭﺓ ﻣﻌﻤﺮ ﻛﻨﺖ ﺑﻮﺳﺘﻬﺎ ﺍﻟﻤﻬﻢ ﺍﻟﺒﻨﺖ ﺗﺮﻭﺡ ﻣﻌﺎﻱ ..
ﺗﻨﻬﺪ ﺣﻤﺪﻱ ﺑﻀﻴﻖ ..
ﻧﺠﻢ ﺍﻟﺪﻳﻦ ﺑﺄﻟﻢ : ﻳﺄﺳﺖ ﺧﻼﺹ ﻭﻛﻨﺖ ﻧﻔﻜﺮ ﻛﻴﻒ ﺑﻨﺮﻭﺡ ﻟﻤﺎﻟﻴﻬﺎ ﻭﻧﻘﻮﻟﻠﻬﻢ ﻣﺎﻗﺪﺭﺗﺶ ﻧﻄﻠﻌﻬﺎ .. ﺗﺴﻜﺮﺕ ﻓﻲ ﻭﺟﻬﻲ ﻭﻟﺖ ﺳﻮﺍﺍﺍﺩ ..
ﻟﻴﻦ ﺭﺑﻚ ﺑﻌﺘﻠﻲ ﻭﺣﺪﻩ ﺑﻨﺖ ﺣﻼﻝ ﻭﻗﻔﺖ ﻋﻠﻴﺎ ﻭﻗﺎﻟﺖ ﺑﺲ ﻛﻠﻤﺘﻴﻦ ..
ﻓﻼﺵ ﺑﺎﻙ ..
ﻧﻮﺍﻝ ﻭﻫﻲ ﺗﺸﻮﻑ ﺣﻮﺍﻟﻴﻬﺎ : ﻋﺮﻓﺘﻬﺎ ﻗﺮﻳﺒﺘﻚ ﺍﺳﺘﻨﺎﻫﺎ ﺣﺪﺍ ﺍﻟﺒﺎﺏ ﺍﻟﺨﻠﻔﻲ ..
ﺍﻟﻮﻗﺖ ﺍﻟﺤﺎﺿﺮ ..
ﻧﺠﻢ ﺍﻟﺪﻳﻦ : ﻗﺎﻟﺖ ﻛﻼﻣﻬﺎ ﻭﻓﺎﺗﺖ ﻃﻮﻝ ..
ﻭﺍﻧﻲ ﻃﻠﻌﺖ ﻟﻠﺒﺎﺏ ﺍﻟﺨﻠﻔﻲ ﺑﺪﻭﻥ ﻣﺎﺣﺪ ﻳﻨﺘﺒﻬﻠﻲ ..
ﻭﺻﻠﺖ ﻏﺎﺩﻱ ﻭﻗﻌﺪﺕ ﻓﻮﻕ ﻋﺸﺮﺓ ﺩﻗﺎﻳﻖ ﻟﻴﻦ ﻃﻠﻌﺘﻠﻲ ﺍﻟﺒﻨﺖ ﺑﺮﻭﺣﻬﺎ
ﺟﺒﺪﺗﻬﺎ ﻣﻦ ﻳﺪﻫﺎ ﻭﻃﻠﻌﺖ ﺑﻴﻬﺎ ﻃﻮﻝ ..
ﺳﺄﻟﺖ ﻗﺮﻳﺒﺘﻲ ﻛﺎﻥ ﺻﺎﺭ ﻣﻌﺎﻫﺎ ﺷﻲ .. ﻗﺎﻟﺘﻠﻲ ﻧﻮﺍﻝ ﻣﺎﺧﻠﺖ ﺣﺪ ﻳﺠﻲ ﺟﻴﻬﺘﻲ ..
ﺣﻤﺪﻱ؛ﺍﺳﻤﻬﺎ ﻧﻮﺍﻝ .. ﺭﺑﻲ ﻳﺤﻔﻈﻬﺎ ﻭﺍﻟﻠﻪ ﻓﺮﺣﺘﻨﻲ ﺍﻟﺤﻖ ..
ﻧﺠﻢ ﺍﻟﺪﻳﻦ ﺑﺈﺑﺘﺴﺎﻣﻪ : ﺗﺼﺪﻕ ﺍﻗﺴﻢ ﺑﺎﻟﻠﻪ ﻣﺎﻛﻨﺖ ﻧﻌﺮﻑ ﺍﻥ ﺣﻮﺷﻬﻢ ﺍﻟﻠﻲ ﺧﺸﻴﻨﺎﻟﻪ ﻗﺎﻟﻮﺍ ﺣﻮﺵ ﻭﺍﺣﺪ ﻣﻦ ﺍﻟﻀﺒﺎﻁ ﺍﻟﻜﺒﺎﺭ ﻭﺑﺲ .. ﺗﻘﻮﻝ ﺭﺑﻚ ﺑﻌﺘﻨﻲ ﻟﻴﻬﺎ ﺑﻌﺘﻪ ..
ﺣﻤﺪﻱ : ﺳﺒﺤﺎﻧﻪ ...
ﻧﺠﻢ ﺍﻟﺪﻳﻦ : ﺇﻥ ﺷﺎﺀ ﺍﻟﻠﻪ ﺗﻜﻮﻥ ﺍﻣﻮﺭﻫﺎ ﺗﻴﺴﺮﺕ ..
ﺣﻤﺪﻱ : ﺍﻟﻠﻲ ﺯﻳﻬﺎ ﺭﺑﻚ ﻣﺎﻳﺨﻠﻴﻬﻤﺶ .. ﺷﺒﺢ ﻟﺴﺎﻋﺘﻪ .. ﻭﻧﺎﺽ .. ﻫﻲ ﻣﺎﻻ ﻧﺠﻤﻲ ﺍﻧﻲ ﺑﻨﻤﺸﻲ ﺗﻮﺍ ..
ﻧﺠﻢ ﺍﻟﺪﻳﻦ : ﺑﺘﻔﺘﺢ ﺍﻟﻮﺭﺷﻪ؟
ﺣﻤﺪﻱ : ﻻﺑﻌﺪ ﺍﻟﻌﻴﺪ ﺑﺈﺫﻥ ﺍﻟﻠﻪ ..
ﻧﺠﻢ : ﺇﻥ ﺷﺎﺀ ﺍﻟﻠﻪ ..
ﻣﺪ ﻳﺪﻩ ﺣﻤﺪﻱ : ﻧﺸﻮﻓﻮﻙ ..
ﺻﺎﻓﺤﻪ ﻧﺠﻢ : ﻉ ﺧﻴﺮ ﺇﻥ ﺷﺎﺀ ﺍﻟﻠﻪ ..
ﻃﻠﻘﻪ ﺣﻤﺪﻱ : ﻫﻲ ﺍﻟﺴﻼﻡ ﻋﻠﻴﻜﻢ .. ﻭﻣﺸﻲ ﻃﺎﻟﻊ ..
ﻧﺠﻢ ﺭﺩ ﻋﻠﻴﻪ : ﻭﻋﻠﻴﻜﻢ ﺍﻟﺴﻼﻡ ..
🌴🌴🌴🌴🌴🌴🌴🌴🌴🌴🌴
ﻳﻤﻲ ﺍﻟﺒﻨﺎﺕ ﻛﻠﻬﻦ ﺑﻴﺠﻦ ﻭﻋﻤﺘﻲ ﻣﺒﺮﻭﻛﻪ ﻻﺯﻡ ﻛﻞ ﺷﻲ ﺑﺎﻟﺰﺍﻳﺪ ..
ﻓﺎﻃﻤﻪ : ﺑﺎﻫﻲ ﻛﻠﻤﻲ ﻛﺎﻧﻬﺪﺍ ﻣﺤﻤﺪ ﻭﻗﻮﻟﻴﻠﻪ ﻳﺠﻴﺐ ﺑﺰﺍﻳﺪ .. ﻭﺍﺟﺪ ﻉ ﻫﺎﻧﻴﺒﺎﻝ ﻛﻞ ﺷﻲ ..
ﻏﺎﻟﻴﻪ : ﺑﺎﻫﻲ ..
ﻟﻔﺖ ﻭﻣﺸﺖ ﻃﻮﻝ ﻟﻠﻜﻮﺟﻴﻨﻪ ..
ﺗﻮﺟﻬﺖ ﻟﻠﺪﻭﻻﺏ .. ﻓﺘﺤﺎﺗﻪ ﻭﻃﻠﻌﺖ ﺍﻟﺘﻠﻴﻔﻮﻥ ..
ﻏﺎﻟﻴﻪ : ﺷﻨﻮ ﻛﺎﻥ ﺭﻗﻤﻪ ﻫﺎﻟﺪﻋﻮﺓ ﻫﺪﻯ ﻳﺎﺭﺑﻲ ..
🍃 ﺗﻌﺎﺭﻛﺖ ﻫﻲ ﻭﻳﺎﻩ ﻣﺮﺓ ﻣﺴﺤﺎﺗﻪ .. ﻣﺤﻤﺪ ﻣﺴﺘﻔﺰ ﻟﻬﺎﻟﺪﺭﺟﻪ ﺃﺣﻴﺎﻧﺎ 🍃
ﻛﺘﺒﺖ ﺍﻟﺮﻗﻢ ﻭﻫﻲ ﺗﺤﺎﻭﻝ ﺗﺬﻛﺮﻩ ..
ﻏﺎﻟﻴﻪ : ﺍﻳﻪ ﻫﻮ ﻧﻔﺴﻪ ﻭﺍﺧﺮﻩ ﺻﻔﺮ .. ﺿﺮﺑﺖ ﻉ ﺍﻟﺮﻗﻢ ﻭﺣﻄﺖ ﺍﻟﺘﻠﻴﻔﻮﻥ ﻉ ﻭﺫﻧﻬﺎ ..
......
ﻧﺠﻢ ﺍﻟﺪﻳﻦ : ﺗﻔﻀﻞ ﺧﻮﻱ ﻭﺇﻥ ﺷﺎﺀ ﺍﻟﻠﻪ ﻛﻞ ﻋﺎﻡ ﻭﺍﻧﺖ ﺑﺨﻴﺮ ..
: ﻛﻞ ﺳﻨﻪ ﻭﺍﻧﺖ ﻃﻴﺐ .. ﺧﺪﻱ ﺍﻟﺰﺑﻮﻥ ﺍﻟﺸﻜﺎﺭﻩ ﻭﻃﻠﻊ ..
ﺷﺒﺢ ﻧﺠﻢ ﺍﻟﺪﻳﻦ ﻟﻠﺴﺎﻋﻪ : ﺧﻼﺹ ﺍﻟﻈﻬﺮ ﻣﻌﺎﺵ ﻣﺎﺯﺍﻝ ﻋﻠﻴﻪ ﺷﻲ ..
ﺭﻥ ﺗﻠﻴﻔﻮﻧﻪ ..
ﺭﻗﻢ ﻏﺮﻳﺐ .. ﺍﺳﺘﻐﺮﺏ ..
ﻓﺘﺢ ﺍﻟﺨﻂ ﻭﺣﻄﻪ ﻉ ﻭﺫﻧﻪ ﻣﺎﻟﺤﻘﺶ ﻳﻘﻮﻝ ﺁﻟﻮ ..
...
ﻏﺎﻟﻴﻪ : ﺍﺳﻤﻊ ﺍﻧﺖ ﺟﻴﺐ ﻣﻌﺎﻙ ﺳﺘﻴﻜﻪ ﺑﻴﺒﺴﻲ ﻭﺯﻳﻬﺎ ﺑﺘﺮﻱ .. ﻭﺯﻳﺪ ﻋﻠﻴﻬﻢ ﺷﻜﺎﺭﺗﻴﻦ ﺑﺼﻞ ....
ﻫﻮ ﻳﺴﻤﻊ ﻓﺼﻮﺕ ﺍﻧﺜﻮﻱ ﺣﻠﻮ ﺑﺮﻏﻢ ﺣﺪﺓ ﺍﻟﻨﺒﺮﺓ ﺑﺲ ﺟﺬﺍﺏ ﻭﻳﻠﻌﺐ ﺑﺎﻟﻤﺸﺎﻋﺮ
ﻏﺎﻟﻴﻪ : ﻫﺎﻩ ﺷﺪﻳﺖ ﻓﺮﺍﺳﻚ ﻭﻻﻧﻌﺎﻭﺩ ..
ﻧﺠﻢ ﺍﻟﺪﻳﻦ ﺍﺑﺘﺴﻢ ﻭﻗﻌﺪ ﺳﺎﻛﺖ ..
ﻏﺎﻟﻴﻪ : ﺍﻟﻮﻭﻭ .. ﺗﺴﻤﻊ ﻓﻴﺎ ﻳﺎﺩﻋﻮﺓ !!
ﺭﺩ ﺑﺈﺑﺘﺴﺎﻣﻪ ﻭﻗﺎﻝ : ﺍﺣﻤﻢ .. ﺷﻜﻠﻚ ﻏﻠﻄﺘﻲ ﻓﻲ ﺍﻟﺮﻗﻢ ..
ﻏﺎﻟﻴﻪ ﺍﻧﺨﻠﻌﺖ : ﺣﻴﻲ .. ﺳﺎﻣﺤﻨﻲ ﺑﺎﻟﻠﻪ ﺍﺳﻔﻪ ..
ﻭﺻﻜﺮﺕ ﻋﻠﻴﻪ ﻭﻫﻲ ﺗﻘﻮﻝ .. ﻋﻄﻴﻚ ﺟﺪﺭﻱ ﻳﺎﻣﺤﻤﺪ .. ﺣﺎﺷﺎ ﺍﺳﻤﻚ ..
....
ﺍﻣﺎ ﻧﺠﻢ ﺍﻟﺪﻳﻦ ﻧﺰﻝ ﺍﻟﺘﻠﻴﻔﻮﻥ ﻣﻦ ﻉ ﻭﺫﻧﻪ ..
ﻭﻗﻌﺪ ﻳﺸﻮﻓﻠﻪ ..
ﺑﻌﺪﻳﻦ ﺷﺒﺢ ﺣﻮﺍﻟﻴﻪ ﻭﺗﻨﻬﺪ ..
ﺿﺤﻚ ﻭﺣﺮﻙ ﺭﺍﺳﻪ ﺍﻳﻤﻴﻦ ﻭﻳﺴﺎﺭ ..
ﺣﻂ ﺗﻠﻴﻔﻮﻥ ﻓﺠﻴﺒﻪ ﻭﻃﻠﻊ ﻣﻦ ﺍﻟﻤﺤﻞ ﻭﺳﻜﺮﻩ ..
ﻭﺗﻮﻛﻞ ﻟﻠﺠﺎﻣﻊ ..
🍁🍁🍁🍁🍁🍁
ﻃﻠﻌﺖ ﻣﻦ ﺩﺍﺭﻫﺎ ﻭﻫﻲ ﺗﻠﻢ ﻓﺸﻌﺮﻫﺎ ﺍﻟﻘﺼﻴﺮ ﺫﻳﻞ ﺣﺼﺎﻥ ..
ﻗﺎﺑﻠﺘﻬﺎ ﺍﻣﻬﺎ ﻭﻫﻲ ﺷﺎﺩﻩ ﺍﻟﺘﻠﻴﻔﻮﻥ ﻓﻴﺪﻫﺎ ﻭﻣﺒﺘﺴﻤﻪ ..
ﺍﻣﺎﻧﻪ : ﻣﻔﺮﻭﺽ ﻧﺘﺼﻞ ﺑﻴﻬﺎ ﻟﻜﻦ ﻫﻲ ﺍﻟﻠﻲ ﺍﺗﺼﻠﺖ ..
ﻋﺮﻭﺑﻪ ﻧﺰﻟﺖ ﺍﻳﺪﻳﻬﺎ ﻭﺣﻄﺘﻬﻢ ﻓﻨﺼﻬﺎ ﻭﻫﻲ ﻣﺒﺘﺴﻤﻪ ﺑﺄﺳﺘﻐﺮﺍﺏ : ﻣﻦ؟
ﺍﻣﺎﻧﻪ : ﺧﺎﻟﺘﻚ ﺣﺴﻨﺎ ..
ﺍﺑﺘﺴﻤﺖ ﻋﺮﻭﺑﻪ ﺑﺤﺐ ..
ﺍﻣﺎﻧﻪ : ﺗﻌﺮﻓﻲ ﻧﺤﻤﺪ ﺭﺑﻲ ﻉ ﻫﺎﻟﺜﻮﺭﺓ ﻟﺴﺒﺐ ﻭﺍﺣﺪ ﺑﺲ ﺍﻟﻠﻲ ﻋﺮﻓﺘﻨﻲ ﻉ ﻧﺎﺱ ﻛﻴﻒ ﻫﺎﻟﻨﺎﺱ ..
ﻗﻌﺪﺕ ﺗﺸﻮﻑ ﻷﻣﻬﺎ ﺑﺈﺑﺘﺴﺎﻣﻪ ..
ﻓﺠﺄﺓ ..
ﻃﻖ ﺑﺎﺏ ﺍﻟﺤﻮﺵ ..
ﻋﺮﻭﺑﻪ : ﺯﻋﻢ ﻣﻨﻮ ..
ﺍﻣﺎﻧﻪ : ﻛﺎﻥ ﻣﺎﺗﻄﻠﻊ ﺍﺧﺘﻚ ﻣﺶ ﻃﺎﻳﻘﻪ ﻧﺸﻮﻑ ﺯﻭﻣﺔ ﺭﺍﺟﻠﻬﺎ ..
ﻋﺮﻭﺑﻪ ﻭﻫﻲ ﻣﺎﺷﻴﻪ ﺑﺘﻔﺘﺢ ﺍﻟﺒﺎﺏ : ﺣﺘﻰ ﺍﻧﻲ ...
ﻭﺻﻠﺖ ﻓﻲ ﺍﻟﺒﺎﺏ ﺍﻟﺪﺧﻼﻧﻲ ..
ﻃﻠﻌﺖ .. ﻭﺍﻟﺒﺎﺏ ﻃﻖ ﻣﻦ ﺟﺪﻳﺪ ..
ﻭﺻﻠﺖ ﻓﻴﻪ ﻭﻗﺎﻟﺖ : ﻣﻦ ...
" ﺍﻓﺘﺤﻲ ﻋﺮﻭﺑﻪ .."
ﺗﻮﺳﻌﻮﺍ ﻋﻴﻮﻧﻬﺎ ..
ﻭﻗﻠﺒﻬﺎ ﻃﺎﺭ ...
ﻓﺘﺤﺖ ﺍﻟﺒﺎﺏ ﻭﻋﻴﻮﻧﻬﺎ ﻣﻌﺒﻴﺎﺕ ﺩﻣﻮﻉ : ﺳﺎﻣﻲ !!
ﺍﺑﺘﺴﻢ ..
ﻃﻮﻝ ﺣﻀﻨﺎﺗﻪ ﻭﺩﻣﻮﻋﻬﺎ ﻳﻨﺰﻟﻮﺍ ..
ﻭﻣﺮﺕ ﺧﻮﻫﺎ ﻭﺻﻐﺎﺭﻫﺎ ﻳﺸﻮﻓﻮﻟﻬﻢ ﺑﺈﺑﺘﺴﺎﻣﻪ ..
🍁 ﻓﻲ ﺣﻮﺵ ﺟﻴﺮﺍﻧﻬﻢ ..
ﻳﺎﻡ ﻣﻦ ﺟﺪﻙ ﺍﻧﺘﻲ؟
ﻛﻔﺎﻳﻪ : ﺍﻧﺖ ﻣﺶ ﺣﺘﻔﻬﻤﻨﻲ ﻳﺎﻋﻤﺎﺩ ﻣﺶ ﻗﺎﺩﺭﺓ ﻧﻨﺴﻰ ﻣﺰﻟﺖ ﻣﺤﺮﻭﻗﻪ ﻣﻨﻬﻢ ..
ﻋﻤﺎﺩ ﺑﺮﻓﻌﺔ ﺣﻮﺍﺟﺐ : ﻏﻴﺮ ﺩﻗﻴﻘﻪ .. ﺍﻧﺘﻲ ﻧﻔﺴﻬﺎ ﻛﻔﺎﻳﻪ ﺭﻣﻀﺎﻥ ﺍﻣﻲ ﺍﻧﻲ .. ﺍﻟﻠﻲ ﻗﻠﺒﻬﺎ ﺍﺻﻔﻰ ﻣﻦ ﺍﻟﺤﻠﻴﺐ ! ﻋﻤﺮﻱ ﻣﺎﺭﻳﺘﻚ ﺷﺪﻳﺘﻲ ﻉ ﺣﺪ ﻓﻘﻠﺒﻚ ﻳﺎﺑﺎﻝ ﺧﻮﺗﻚ ﻳﺎﻡ ...
ﻛﻔﺎﻳﻪ ﻏﻴﺮﺕ ﻭﺟﻬﻬﺎ ﻋﻨﻪ ﻭﻋﻴﻮﻧﻬﺎ ﻣﻌﺒﻴﺎﺕ ﺩﻣﻮﻉ ..
ﻋﻤﺎﺩ : ﻛﻴﻔﻮ ... ﺍﺳﻤﻌﻴﻨﻲ .. ﻫﻤﺎ ﻣﺶ ﻭﺻﻠﻮﺍ ﻓﻴﺎ ﺍﻧﻲ ﺑﺎﻟﻜﻼﻡ .. ﺍﻧﻲ ﻣﺴﺎﻣﺢ ﻭﺍﻟﻠﻪ ﻣﺎﺷﺎﺩ ﻓﻲ ﻗﻠﺒﻲ ﻣﻨﻬﻢ ﺣﺎﺟﻪ ﺍﻗﺴﻤﻠﻚ ﺑﺎﻟﻠﻪ .. ﺗﻲ ﺍﻧﻲ ﻳﺎﻡ ﺍﻟﻠﻲ ﻧﺒﻲ ﻧﻤﺸﻲ ﻏﺎﺩﻱ !
ﺷﺒﺤﺘﻠﻪ : ﺗﻌﺮﻑ ﺷﻦ ﺍﻟﻠﻲ ﻗﻬﺮﻧﻲ ﺍﻧﻲ ﻣﺎﻗﺪﺭﺗﺶ ﻧﺪﺍﻓﻊ ﻋﻠﻴﻚ ﻗﺪﺍﻣﻬﻢ ﻟﺴﺎﻧﻲ ﺍﺭﺗﺒﻂ ﻣﺎﻗﺪﺭﺗﺶ ﻧﺘﻜﻠﻢ ﻭﻣﺎﺯﺍﻝ ﻓﻲ ﻛﻼﻡ ﻣﻌﺒﻲ ﻓﻘﻠﺒﻲ ﻋﺎﺭﻓﻪ ﺭﻭﺣﻲ ﻟﻮ ﺭﻳﺘﻬﻢ ﺗﻮﺍ ﻣﺎﺿﺎﻟﻪ ﺍﻻﻗﺎﻳﻼﺗﻪ ..
ﻋﻤﺎﺩ : ﻗﺘﻠﻚ ﻓﻮﺗﻲ ﻣﺎﻧﺒﻴﻜﺶ ﺍﺩﺍﻓﻌﻲ ﻋﻠﻴﺎ ﻭﻻﺩﻳﺮﻱ ﺷﻲ .. ﻧﺒﻴﻚ ﺗﻮﺍ ﺑﺲ ﺗﻠﻴﻨﻲ ﻗﻠﻴﺒﻚ ﺍﻟﻌﺴﻞ ﻫﺪﺍ ﻭﺗﺼﻠﻲ ﻉ ﺍﻟﻨﺒﻲ ﻭﺗﻘﻮﻟﻲ ﺑﺎﻫﻲ ..
ﻛﻔﺎﻳﻪ ﻗﻌﺪﺕ ﺳﺎﻛﺘﻪ ..
ﻋﻤﺎﺩ : ﺭﺍﻫﻮ ﻳﺎﻡ ﻗﻠﺒﻲ ﻳﻮﺟﻌﻨﻲ ﻛﻞ ﻣﺎﻧﺘﻔﻜﺮ ﺍﻧﻚ ﻣﻘﺎﻃﻌﺔ ﺧﻮﺗﻚ ﻉ ﺧﺎﻃﺮﻱ ..
ﺷﺒﺤﺘﻠﻪ ﻭﺩﻣﻮﻋﻬﺎ ﻧﺰﻟﻮﺍ ..
ﻣﺴﺤﻬﻢ ﻭﻗﺎﻝ : ﻫﻴﺎ ﻭﺭﺍﺱ ﺍﻣﻲ ﺍﻟﺒﺎﻫﻴﻪ ﺍﻟﺰﺍﻫﻴﻪ ﻗﻮﻟﻲ ﺑﺎﻫﻲ ..
ﺿﺤﻜﺖ .. ﺑﻌﺪﻳﻦ ﺗﻨﻬﺪﺕ ﻭﻗﺎﻟﺖ : ﺑﺎﻫﻲ ﻭﺧﻮﻙ ﻣﺎﻟﻚ .
ﺑﺎﺱ ﺭﺍﺳﻬﺎ ﻭﻭﺧﺮ : ﻣﺎﻟﻚ ﻗﺒﻠﻲ ﻭﻗﺒﻠﻚ ﺑﻴﻤﺸﻲ ﻋﺎﺩ ﻧﻮﺍﺭﺓ ﻏﺎﺩﻱ ﻭﺗﺒﻴﻪ ﺑﻘﻌﺪ ﻫﻨﻲ ..
ﻛﻔﺎﻳﻪ : ﻫﻬﻬﻬﻬﻬﻬﻪ ... ﻣﺎﻟﻚ ﻧﻮﺭ .. ﻭﻣﺮﻭﺍﻥ ﺭﻓﻘﻪ .. ﻗﻌﺪﺕ ﻏﻴﺮ ﺍﻧﺖ ﺍﻥ ﺷﺎﺀ ﺍﻟﻠﻪ ﻫﺎﻟﺜﻮﺭﺓ ﺩﺍﺭﺗﻠﻚ ﻋﻘﻞ ..
ﺿﺤﻚ ﻭﻗﺎﻝ : ﻻ ﺍﻧﻲ ﺍﻃﻤﻨﻲ ﺧﻼﺹ ﻣﻮﺿﻮﻋﻲ ﻣﻨﺘﻬﻲ ﻭﻣﺎﻓﻴﺶ ﺑﺎﺱ ﻟﻮ ﺧﺒﺮﺗﻚ ﺑﻴﻪ .. ﻟﻜﻦ ﻳﺎﻡ ﺑﻨﻘﻮﻟﻚ .. ﺗﻘﻮﻟﻲ ﻻ .. ﺳﺎﻣﺤﻴﻨﻲ ﺍﻧﻲ ﺍﻟﺒﻨﺖ ﻭﺍﻟﻠﻪ ﻣﺎﻧﻲ ﻓﺎﻳﺘﻬﺎ ..
ﻛﻔﺎﻳﻪ ﻗﺮﻧﺖ ﺣﻮﺍﺟﺒﻬﺎ ﺑﺈﺳﺘﻐﺮﺍﺏ : ﻣﻦ ﻫﻲ ﻫﺎﺩﻱ .. ﺷﻜﻠﻬﺎ ﺟﺒﺎﻟﻴﻪ !
ﻋﻤﺎﺩ ﺑﻀﺤﻜﻪ : ﻻ ***** ﺍﺑﺎ ﻋﻦ ﺟﺪ ..
ﻛﻔﺎﻳﻪ : ﻣﻦ ﻫﻲ ؟
ﻋﻤﺎﺩ ﺣﻂ ﻳﺪ ﻓﺠﻴﺐ ﺳﺮﻭﺍﻟﻪ ﻭﻳﺪ ﻉ ﺻﺪﺭﻩ ﻭﺭﻓﻊ ﺣﺎﺟﺒﻪ ﻭﻗﺎﻝ : ﺑﻨﺖ ﺧﻮﻙ ..
ﻛﻔﺎﻳﻪ ﺷﺒﺤﺘﻠﻪ ﺑﺘﻔﻜﻴﺮ ... ﺑﻌﺪﻳﻦ ﻓﻨﺼﺖ ﻋﻴﻮﻧﻬﺎ ..
ﻋﻤﺎﺩ ﻟﻒ ﻭﺟﻬﻪ ﻋﻨﻬﺎ ﻭﻫﻮ ﻳﺤﺮﻙ ﻓﺴﺒﺎﺑﺘﻪ ﻳﻤﻴﻦ ﻭﻳﺴﺎﺭ : ﻣﺎﻧﻌﺮﻓﻜﺶ ﺗﻘﻮﻟﻲ ﻻ ... ﻧﺰﻝ ﻳﺪﻩ ﻭﺷﺒﺤﻠﻬﺎ .. ﺍﻟﺒﻨﺖ ﻧﺒﻴﻬﺎ ﻳﺎﻡ ﻣﻦ ﺟﺪ ﺟﺪﻱ ..
ﻛﻔﺎﻳﻪ ﻗﻌﺪﺕ ﺗﺸﺒﺤﻠﻪ ﺷﻮﻳﻪ ﺑﻌﺪﻳﻦ ﺳﺄﻻﺗﻪ : ﺑﻴﻨﺎﺗﻜﻢ ﺷﻲ ..
ﺣﻂ ﻳﺪﻩ ﺍﻟﺘﺎﻧﻴﻪ ﻓﺠﻴﺒﻪ .. ﻭﺣﺮﻙ ﺭﺍﺳﻪ ﺍﻳﻤﻴﻦ ﻭﻳﺴﺎﺭ ﻧﻔﻴﺎ ﻟﻜﻼﻣﻬﺎ ﻭﻫﻮ ﻣﺒﺘﺴﻢ ..
ﻛﻔﺎﻳﻪ ﻗﻌﺪﺕ ﺗﺸﺒﺤﻠﻪ ﻭﻫﻲ ﺳﺎﻛﺘﻪ
》 ﺭﺯﺍﻥ : ﻟﻮ ﻋﻤﺎﺩ ﻣﺶ ﺭﺍﺟﻞ ﺭﺍﻙ ﻓﻲ ﺍﻟﺤﺒﺲ ﺗﻮﺍ ﻉ ﺧﺎﻃﺮ ﺩﻳﻨﻚ ﺍﻟﻠﻲ ﺧﺪﻳﺘﻪ ﻣﻦ ﻭﻟﺪ ﺯﺑﻴﺪﻩ .. ﺗﺤﺴﺎﺏ ﺭﻣﺰﻱ ﺩﻓﻊ ﻋﻨﻚ ﺭﺍﻫﻮ ﻋﻤﺎﺩ ﺍﻟﻠﻲ ﺩﻓﻌﻬﻦ ﻭﻗﺎﻝ ﻟﺮﻣﺰﻱ ﻣﺎﺗﻘﻮﻟﺶ ﺍﻧﻬﻦ ﻣﻨﻲ ﻭﻻﺍﻧﻲ ﻧﻌﺮﻑ ..
ﻟﻮ ﻋﻤﺎﺩ ﻣﺶ ﺭﺍﺟﻞ ﺭﺍﻫﻮ ﻣﺎﺧﺸﺶ ﻓﺤﻜﺎﻳﻪ ﺍﻟﺒﻀﺎﻋﻪ ﺍﻟﻠﻲ ﺷﺪﺗﻬﺎ ﺍﻟﺠﻤﺎﺭﻙ ﻣﺘﺎﻉ ﻗﻬﻮﺓ ﻋﻤﺮ ﻭﺧﻼﻫﻢ ﻃﻠﻘﻮﻫﺎ ...
ﺍﻟﻠﻲ ﻳﺪﻳﺮ ﻛﻴﻒ ﻣﺎﺩﺍﺭ ﻋﻤﺎﺩ ﻫﻮ ﺍﻟﻠﻲ ﺭﺍﺟﻞ .. ﺭﻳﺖ ﺭﻣﺰﻱ ﺣﻲ ﻭﻳﺨﺒﺮ ﺑﺮﻭﺣﻪ 《..
ﻛﻔﺎﻳﺔ ﺭﻓﻌﺖ ﺣﺎﺟﺒﻬﺎ : ﻏﻴﺮ ﻗﻮﻝ ﺍﻟﺤﻖ ﻓﻲ ﺑﻴﻨﺎﺗﻜﻢ ﺣﺎﺟﻪ ..
ﻋﻤﺎﺩ ﺑﻀﺤﻜﻪ : ﺍﻗﺴﻢ ﺑﺎﻟﻠﻪ ﻣﺎﻓﻲ ﺣﺎﺟﻪ ﻳﺎﻡ ..
ﻛﻔﺎﻳﻪ ﺭﻓﻌﺖ ﺣﻮﺍﺟﺒﻬﺎ : ﻏﺮﻳﺒﻪ .. ﺗﻌﺮﻑ .. ﻧﻬﺎﺭ ﺻﺎﺭ ﺍﻟﻠﻲ ﺻﺎﺭ ﺩﺍﻓﻌﺖ ﻋﻠﻴﻚ ﻭﻗﺎﻟﺖ ﻛﻼﻡ ﺍﻗﺴﻢ ﺑﺎﻟﻠﻪ ﻣﺎﺑﺮﺩ ﻋﻠﻲ ﻗﻠﺒﻲ ﻏﻴﺮﻫﺎ
ﻋﻤﺎﺩ ﺭﻓﻊ ﺣﻮﺍﺟﺒﻪ : ﺭﺯﺍﻥ؟ !
ﻛﻔﺎﻳﻪ : ﻭﺍﻟﻠﻪ ﺍﻟﻌﻈﻴﻢ ﻳﻮﻣﻬﺎ ﻛﺒﺮﺕ ﻓﻌﻴﻨﻲ ﻛﻴﻒ ﻭﻗﻔﺖ ﻗﺪﺍﻡ ﻋﻤﺎﻣﻬﺎ ﻭﺗﻜﻠﻤﺖ ﺑﻘﻮﺓ ﻭﻫﻲ ﺗﻘﻮﻟﻠﻬﻢ ﺍﻟﻠﻲ ﻳﺪﻳﺮ ﺯﻱ ﻣﺎﺩﺍﺭ ﻋﻤﺎﺩ ﻫﻮ ﺍﻟﻠﻲ ﺭﺍﺟﻞ .. ﻭﻋﺨﺎﻃﺮﻙ ﻛﻠﺖ ﻛﻒ ﻣﻦ ﻣﺤﻤﺪ ﻭﺟﻌﻨﻲ ﻓﻮﺳﻂ ﻛﺒﺪﻱ
ﻋﻤﺎﺩ ﺳﺮﺡ ﻭﻫﻮ ﻳﺸﻮﻑ ﻷﻣﻪ ﻭﻗﻠﺒﻪ ﻳﻘﺮﺑﻊ ﺗﻘﺮﺑﻴﻊ 💓
ﻛﻔﺎﻳﻪ ﻗﺮﻧﺖ ﺣﻮﺍﺟﺒﻬﺎ ﻭﻫﻲ ﺗﻀﺤﻚ : ﻭﻳﻦ ﺳﺎﻓﺮﺕ ...
ﺷﺒﺢ ﻷﻣﻪ ﻭﻗﺎﻝ ﺑﺈﺑﺘﺴﺎﻣﻪ : ﺍﻟﻤﻬﻢ ﺗﻮﺍ ﺧﻼﺹ ﺍﺗﻔﻘﻨﺎ ..
ﻛﻔﺎﻳﻪ ﺿﺤﻜﺖ ﻭﻗﺎﻟﺖ : ﺍﻳﻪ ..
ﻋﻤﺎﺩ : ﻧﺤﺒﻚ
ﻛﻔﺎﻳﻪ : ﻫﻬﻬﻬﻬﻬﻬﻬﻪ ...
💕💕💕💕💕💕💕💕
ﻭﻓﺎﺕ ﺍﻳﺎﻡ ﺫﻭﺍﻟﺤﺠﺔ ﺍﻷﻭﻟﻰ ..
ﻭﺟﻲ ﻳﻮﻡ ﻋﺮﻓﻪ ..
ﻓﻲ ﺍﻟﻌﻴﺪ ﻫﺪﺍ ﻧﺘﻔﻜﺮ ﺍﻷﺟﻮﺍﺀ ﻛﺎﻧﺖ ﺣﻠﻮﺓ ..
ﺍﻟﻌﻴﺪ ﺍﻟﻜﺒﻴﺮﺓ ﻫﺪﻳﻜﺎ ﺍﻟﺴﻨﻪ ﻧﺴﺎﻧﺎ ﺍﻟﻠﻲ ﻋﺸﻨﺎﻩ ﻓﺮﻣﻀﻨﺎﻫﺎ ﻭﻋﻴﺪﻫﺎ ﺍﻟﺼﻐﻴﺮ ..
ﻭﻵﻥ ﻳﻮﻡ ﻋﺮﻓﻪ ..💖
ﺭﺍﻧﻴﺎ ... ﻭﺩﻻﻝ ..
ﻣﺎﺳﻴﺒﻮﺵ ﺍﻟﻤﺼﺎﺣﻒ .. ﻭﺍﻟﺪﻋﺎﺀ ..
ﻭﻛﻞ ﺩﻋﻮﺍﺗﻬﻢ ... ﻟﺮﻣﺰﻱ ﻭﻋﻤﺎﺭ ...
ﻟﻌﻨﺪ ﺍﺧﺮ ﺳﺎﻋﻪ ﻣﻦ ﻫﺪﺍﻛﺎ ﺍﻟﻴﻮﻡ ...
ﻭﻫﻤﺎ ﻳﺪﻋﻮﺍ ﻭﺩﻣﻮﻋﻬﻢ ﻣﺎﺑﻄﻠﺘﺶ ﻧﺰﻭﻝ ...
ﺯﻳﻨﺐ ﻭﺭﺑﺎﺏ ﻳﺮﺍﻗﺒﻮﺍ ﻓﻲ ﺭﺍﻧﻴﺎ ﻭﺧﺎﻳﻔﻴﻦ ﻋﻠﻴﻬﺎ ﻫﻠﺒﻪ ..
ﻛﻞ ﻣﺎﻳﻘﻮﻟﻮﺍ ﺍﻧﻬﺎ ﻗﻮﺕ ﻭﺑﺘﺒﺪﺍ ﺗﺘﺨﻄﻰ ﺍﻟﻮﺟﻊ ... ﺗﺮﺟﻊ ﺗﻨﺘﻜﺲ ﻣﻦ ﺟﺪﻳﺪ ..
ﺍﻟﻤﺸﻜﻠﻪ ﻣﺎﺣﺪ ﻗﺎﺩﺭ ﻳﺘﻔﺎﻫﻢ ﻣﻌﺎﻫﺎ ﻭﻻﻳﻜﻠﻤﻬﺎ ..
ﺧﻮﻫﺎ ﺣﻤﺰﺓ ﻓﺎﻫﻢ ﺍﻟﻠﻲ ﻫﻲ ﻓﻴﻪ ﻭﻣﺶ ﻗﺎﺩﺭ ﻳﻜﻠﻤﻬﺎ ...
ﻫﻮ ﻋﺎﺫﺭﻫﺎ ﻫﺎﻟﻤﺮﻩ .. ﻗﻠﺒﻪ ﺗﻌﺎﻃﻒ ﻣﻌﺎﻫﺎ ﺭﻏﻢ ﻋﻦ ﻛﻞ ﺍﻟﻘﻮﺍﻋﺪ ﻭﺍﻟﻌﺎﺩﺍﺕ ﻭﺍﻟﻄﺒﺎﻉ ...
🍃 ﻣﻊ ﺍﻟﻌﻠﻢ ﺭﺍﻧﻴﺎ ﻭﺣﻤﺰﺓ ﻣﺘﻘﺎﻃﻌﻴﻦ ﻣﻦ ﻫﺪﺍﻛﺎ ﺍﻟﻮﻗﺖ ﺣﺘﻰ ﻓﻲ ﺍﻷﻋﻴﺎﺩ ﻻﻫﻮ ﺟﺎﻫﺎ ﻭﻻﻫﻲ ﺗﺒﻲ ﺗﻜﻠﻤﻪ 🍃
🍁🍁🍁🍁🍁
ﺍﻣﺎ ﺩﻻﻝ ﻟﻴﻠﺔ ﺍﻟﻌﻴﺪ ..
ﻛﺎﻧﺖ ﻣﻘﻌﻤﺰﺓ ﻓﻲ ﺍﻟﺠﻨﺎﻥ ﻗﺪﺍﻡ ﺷﺠﺮﺓ ﺍﻟﻜﺮﻣﻪ ﻭﺗﺸﻮﻓﻠﻬﺎ ﻭﺩﻣﻮﻋﻬﺎ ﻳﻨﺰﻟﻮﺍ ...
⚡ ﻓﻼﺵ ﺑﺎﻙ ...
ﺧﺶ ﻋﻠﻴﻬﺎ ﺍﻟﻜﻮﺟﻴﻨﻪ ﻟﻘﺎﻫﺎ ﻻﻫﻴﻪ ..
ﺍﺩﻳﺮ ﻓﺴﻼﻳﻂ ﺍﻟﻌﻴﺪ ...
ﻋﻤﺎﺭ ﺑﻀﺤﻜﻪ : ﻏﻴﺮ ﺷﻦ ﺩﻳﺮﻱ ..
ﺩﻻﻝ : ﻋﻤﺎﺭ ﺑﺎﻟﻠﻪ ﺧﻠﻴﻨﻲ ﻧﻜﻤﻞ ﺍﻟﻠﻲ ﻓﻴﺪﻱ ﻣﺎﺗﻘﻄﻌﻨﻴﺶ ﻋﻨﻪ ﻣﺎﺻﺪﻗﺖ ﺻﻐﺎﺭﻙ ﺭﻗﺪﻭﺍ ..
ﻭﻗﻒ ﺟﻨﺒﻬﺎ : ﺻﻐﺎﺭﻱ ﺑﺮﻭﺣﻲ ﻫﻤﺎ؟
ﺩﻻﻝ ﺑﻀﺤﻜﻪ : ﻋﻤﺎﺭ ﻓﻮﺗﻨﻲ ..
ﻋﻤﺎﺭ : ﺗﻲ ﻻ ﻫﺪﻱ ﻣﺶ ﻫﻜﻲ ﻳﻘﺮﺿﻮﻫﺎ .. ﻫﻜﻲ ﻫﺎ ..
ﺣﺎﻭﻃﻬﺎ ﻭﺷﺪ ﻳﺪﻫﺎ ﺍﻟﻠﻲ ﻓﻴﻬﺎ ﺍﻟﻤﻮﺱ ..
ﺧﺪﺍﻩ ﻭﻗﻌﺪ ﺯﻋﻴﻤﺘﻪ ﻳﻘﺮﺽ ﻓﻲ ﺍﻟﻤﻠﻔﻮﻑ ﺍﻷﺣﻤﺮ ..
ﺑﺪﻱ ﻳﻐﻨﻲ .. ﻳﺎﺣﻠﻮﺍ ﻭﻳﺶ ﻣﺤﻠﻴﻚ .. ﻭﺧﺪﻱ ﺑﻮﺳﻪ ﻣﻦ ﺧﺪﻫﺎ ..
ﺳﻜﺮ ﻭﻻﻃﺒﻴﻌﻪ ﻓﻴﻚ .. ﻭﺧﺪﻱ ﺑﻮﺳﻪ ﺗﺎﻧﻴﻪ ..
ﺩﻻﻝ : ﻫﻬﻬﻬﻬﻬﻪ ..
ﺿﺤﻚ ﻭﻛﻤﻞ .. ﺑﺴﻤﺎﺗﻚ ﻧﻈﺮﺍﺗﻚ ... ﺍﻩ ﻳﺎﺳﺎﺗﺮ ﻣﻦ ﻋﻴﻨﻴﻚ ..
ﻭﺧﺪﻱ ﺑﻮﺳﻪ ﺗﺎﻟﺘﻪ ..
ﺩﻻﻝ ﺧﺪﺕ ﺍﻟﻤﻮﺱ ﻭﻫﻲ ﺗﻀﺤﻚ ﻭﺑﺪﺕ ﺗﻔﻚ ﻓﺮﻭﺣﻬﺎ ﻣﻨﻪ : ﻋﻤﺎﺭ ﺑﺮﺍ ﻛﺴﺪ ﻓﻲ ﻣﻜﺘﺒﻚ ﻉ ﻛﺘﺎﺏ ﺗﺮﺑﺢ ﺧﻠﻴﻨﻲ ﻧﻜﻤﻞ ﺷﻐﻠﻲ ..
ﺿﺤﻚ .. ﻭﻭﺧﺮ ... ﻭﻭﻗﻒ ﺟﻨﺒﻬﺎ ﻭﺣﻂ ﺍﻳﺪﻳﻪ ﻓﺠﻴﻮﺑﻪ؛ﺑﺎﻫﻲ ﻛﻤﻠﻲ ﻫﻲ ...
ﻫﻲ ﻛﻤﻠﺖ ﺗﻘﺮﻳﺾ ﻭﻫﻲ ﻣﺒﺘﺴﻤﻪ ..
ﻭﻫﻮ ﻳﺸﻮﻓﻠﻬﺎ ﺑﻌﺸﻖ ..
ﻭﻫﻲ ﻋﺎﺭﻓﺎﺗﻪ ﻳﺸﺒﺤﻠﻬﺎ ...
ﺗﻨﻬﺪ ﻣﻦ ﻭﺳﻂ ﻗﻠﺒﻪ ﻭﻗﺎﻝ : ﺁﺍﺍﺍﻩ .. ﻗﺪﻳﺶ ﻧﺤﺒﻚ ﻳﺎﻣﺮﺍﺓ ﺍﻧﺘﻲ ..
ﺩﻻﻝ : ﻫﻬﻬﻬﻬﻬﻬﻪ ... ﻏﻴﺮ ﺧﻠﻴﻨﻲ ﻓﺤﺎﻟﻲ ﺗﻮﺍ ﻭﺑﻌﺪﻳﻦ ﺳﺎﻫﻞ ..
ﻋﻤﺎﺭ : ﻫﻬﻬﻬﻬﻬﻬﻬﻬﻪ ... ﻗﻄﻮﺳﻪ ...
⚡ ﺍﻟﻮﻗﺖ ﺍﻟﺤﺎﺿﺮ ...
ﺣﻀﻨﺖ ﻧﻔﺴﻬﺎ ﻭﺩﻣﻮﻋﻬﺎ ﻳﻨﺰﻟﻮﺍ ﻭﻫﻲ ﻣﻐﻤﻀﻪ ﻋﻴﻮﻧﻬﺎ ﺑﺸﺪﻩ ﻭﻗﺎﻟﺖ ﺑﺤﺮﻗﻪ : ﺻﺒﺮﻧﻲ ﻳﺎﺍﺍﺭﺑﻲ ﺻﺒﺮﻧﻲ ..
ﺑﻮﻫﺎ ﻛﺎﻥ ﻳﺸﻮﻓﻠﻬﺎ ﻣﻦ ﺭﻭﺷﻦ ﺍﻟﻤﺮﺑﻮﻋﻪ ..
ﻋﺒﺪﺍﻟﺴﻼﻡ ﺑﺄﻟﻢ : ﻭﺍﻟﻠﻪ ﻣﺎﻣﺴﺎﻣﺢ ﻧﻔﺴﻲ ﻷﺧﺮ ﻳﻮﻡ ﻓﻌﻤﺮﻱ ..
🌴🌴🌴🌴🌴🌴🌴🌴🌴🌴🌴🌴🌴🌴
ﻣﺎﺷﻲ ﻓﻄﺮﻳﻘﻪ ..
ﺑﻴﻄﻠﻊ ﻣﻦ ﺍﻟﻘﻄﻌﻪ ..
" ﻫﺎﻧﻴﺒﺎﻝ "
ﻭﻗﻒ ﻭﺷﺒﺢ ﻓﻮﻕ ..
ﻋﻤﺮ : ﻭﻳﻦ ..
ﻫﺎﻧﻴﺒﺎﻝ : ﻟﻀﻮ .. ﺑﻨﻌﺪﻭ ﻟﺠﻤﻌﻪ ..
ﻋﻤﺮ : ﺭﺍﺟﻲ ﺷﻮﻱ ..
ﻭﻗﻒ ﻫﺎﻧﻴﺒﺎﻝ ..
ﻭﻋﻤﺮ ﻧﺰﻝ ﻣﻦ ﺍﻟﺪﺭﻭﺝ .. ﻭﺗﻮﺟﻪ ﻟﺨﻮﻩ ..
ﻭﺻﻞ ﻓﻴﻪ .. ﻭﻛﻤﻠﻮﺍ ﻃﺮﻳﻘﻬﻢ ﻣﻊ ﺑﻌﺾ ..
ﻋﻤﺮ : ﻟﻴﻪ ﻭﺣﺸﺔ ..
ﻫﺎﻧﻴﺒﺎﻝ : ﻗﺪﻳﺶ ﻟﻴﻪ ﻋﺎﻡ ﺑﺮﺍ ﺍﻟﺒﻼﺩ ﻣﺎﻧﺤﺴﺎﺑﻪ ﻣﺎﺯﺍﻝ ﻳﻮﻟﻲ ..
ﻋﻤﺮ : ﺣﺘﻰ ﺍﻧﻲ ..
ﻃﻠﻌﻮﺍ ﺍﻟﺰﻭﺯ ﻣﻦ ﺍﻟﻘﻄﻌﻪ ...
ﻭﻛﻤﻠﻮﺍ ﻃﺮﻳﻘﻬﻢ ﻟﻴﻦ ﻭﺻﻠﻮﺍ ﻓﻲ ﺣﻮﺵ ﺿﻮ ..
ﻃﻖ ﻫﺎﻧﻴﺒﺎﻝ ﺍﻟﺒﺎﺏ ...
ﻓﺘﺢ ﺿﻮ ﺍﻟﺒﺎﺏ ﻭﻃﻠﻊ ..
ﺿﻮ : ﺍﻭﻭﻭ ﻋﻤﺮ ..
ﻋﻤﺮ ﺿﺤﻚ ﻭﻣﺪ ﻳﺪﻩ ..
ﺻﻜﺮ ﺍﻟﺒﺎﺏ ﺿﻮ ﻭﺻﺎﻓﺤﻪ ...
ﻋﻤﺮ : ﺷﻨﻮ ﺣﺎﻟﻚ ..
ﺿﻮ : ﺍﻟﺤﻤﺪ ﻟﻠﻪ ﻣﻴﻪ ﻣﻴﻪ ﺍﻧﺖ ﺷﻨﻮ ﻣﺪﺍﻳﺮ ..
ﻋﻤﺮ : ﻣﺎﺷﻴﻪ ﺍﻟﺤﻤﺪ ﻟﻠﻪ ..
ﻫﺎﻧﻴﺒﺎﻝ : ﻫﻴﺎ ﺑﺴﺮﻋﻪ ﺗﺤﺮﻛﻮﺍ ﻋﻄﻠﻨﺎ ﻉ ﺍﻟﺮﺍﺟﻞ ..
ﺿﻮ ﺑﻀﺤﻜﻪ : ﺑﻜﻞ ﺧﻮﻙ ﻫﺪﻯ ﻳﺎﺭﺍﺟﻞ ﻧﺎﺭ ﺣﻤﺮﺍ ..
ﻋﻤﺮ : ﻣﺎﻳﻌﺮﻓﺶ ﻳﺼﺒﺮ ﻭﻳﺴﺎﻳﺮ ..
ﻫﺎﻧﻴﺒﺎﻝ : ﻛﻤﻠﻮﺍ ﻃﺮﻳﻘﻜﻢ ﻭﺍﻧﺘﻢ ﺳﺎﻛﺘﻴﻦ ..
ﻋﻤﺮ ﻭﺿﻮ ﻗﻌﺪﻭﺍ ﻳﻀﺤﻜﻮﺍ ..
ﻭﻫﺎﻧﻴﺒﺎﻝ ﻣﺎﺯﺍﻝ ﻣﺤﺘﻔﻆ ﺑﻤﻼﻣﺤﻪ ﺍﻟﺠﺎﺩﻩ ..
🍁🍁🍁🍁
ﻏﺪﻭﺓ ﺑﺪﻳﺮﻭﺍ ﺍﻟﺒﻄﻮﻥ ﻛﻠﻬﻦ ..
ﻏﺎﻟﻴﻪ : ﺍﻛﻴﺪ ﻳﻤﻲ ..
ﻓﺎﻃﻤﻪ : ﺑﺎﻫﻲ .. ﺭﺑﻲ ﻳﻌﺎﻭﻧﻚ ..
ﺍﺑﺘﺴﻤﺖ ﻏﺎﻟﻴﻪ ﻭﻫﻲ ﺗﻐﺴﻞ ﻓﻲ ﺍﻟﺨﻀﺮﺍ : ﺳﻠﻤﻚ ﻳﻤﻲ ..
ﻟﻔﺖ ﻓﺎﻃﻤﻪ ﻭﻃﻠﻌﺖ ..
ﻭﻛﻤﻠﺖ ﻏﺎﻟﻴﻪ ﻏﺴﻞ ﺍﻟﻤﺎﻋﻴﻦ ..
ﻓﺠﺄﺓ ﺭﻥ ﺗﻠﻴﻔﻮﻧﻬﺎ ..
ﺣﻄﺖ ﺍﻟﻠﻲ ﻓﻴﺪﻫﺎ ..
ﻭﻣﺸﺖ ﻟﻠﺪﻭﻻﺏ ﻭﻫﻲ ﺗﻤﺴﺢ ﻓﻲ ﺍﻳﺪﻳﻬﺎ ﺍﻟﻤﺒﻠﻮﻻﺕ ﻓﻘﻔﻄﺎﻧﻬﺎ ..
ﺑﻌﺪﻳﻦ ..
ﻓﺘﺤﺖ ﺍﻟﺪﻭﻻﺏ ..
ﻭﻃﻠﻌﺎﺗﻪ .. ﻭﺷﺎﻓﺖ ﺍﻟﺮﻗﻢ ..
ﻏﺎﻟﻴﻪ ﺿﻴﻘﺖ ﻋﻴﻮﻧﻬﺎ : ﻏﻴﺮ ﻛﺎﻥ ﻧﻌﺮﻑ ﺭﻗﻢ ﻣﻦ ﺑﺲ .. ﺑﻨﺎﺕ ﺍﻟﺘﺮﺍﻫﻨﻪ .. ﺑﺎﻫﻲ ﻛﺎﻧﻬﻦ ﻫﻦ ﻟﻴﺶ ﻣﺎﻳﺒﻌﺘﻦ ﺭﺳﺎﻟﻪ .. ﺭﺩﻱ ﻳﺎﻏﺎﻟﻴﻪ ﺍﻧﻲ ﻓﻼﻧﻪ ...
ﺗﻘﻮﻝ ﻓﻬﺎﻟﻜﻼﻡ ﻭﺍﻟﺘﻠﻴﻔﻮﻥ ﻣﺎﺯﺍﻝ ﻳﺮﻥ ...
ﻓﺼﻞ ..
ﻣﻄﺖ ﺷﻮﺍﺭﺑﻬﺎ ﺑﻤﻠﻞ .. ﻭﻛﻴﻒ ﺟﺖ ﺑﺘﺮﺩﻩ .. ﺭﻥ ﻣﺮﺓ ﺗﺎﻧﻴﻪ ..
ﻏﺎﻟﻴﻪ : ﺧﻞ ﻧﺮﺩ ﻭﺧﻼﺹ ..
ﻓﺘﺤﺖ ﺍﻟﺨﻂ ﻭﺣﻄﺎﺗﻪ ﻉ ﻭﺫﻧﻬﺎ ﻭﻗﺎﻟﺖ : ﺍﻳﻮﻩ ...
ﻻﺭﺩ ..
ﻏﺎﻟﻴﻪ : ﺁﺍﺍﺍﻟﻮ ...
ﻻﺭﺩ ..
ﻏﺎﻟﻴﻪ : ﺍﻟﻮ ...
" ﺍﻟﺴﻼﻡ ﻋﻠﻴﻜﻢ .."
ﻫﻲ ﺗﺨﺰﺭﻃﺖ ..
ﻣﺶ ﻣﺘﻌﻮﺩﻩ ﺗﻜﻠﻢ ﺭﺟﺎﻟﻪ ﻏﻴﺮ ﺧﻮﺗﻬﺎ ﻭﺍﻗﺎﺭﺑﻬﺎ ﻭﺑﺲ ..
" ﺍﺣﻤﻢ .. ﺗﺴﻤﻌﻲ ﻓﻴﺎ .."
ﻏﺎﻟﻴﻪ : ﻣﻦ ﺍﻧﺖ؟ !
" ﺍﻧﻲ ... ﺍﻟﻠﻲ ﻣﺮﺓ ﻏﻠﻄﺘﻲ ﻓﺮﻗﻤﻪ .."
ﺭﻓﻌﺖ ﺣﺎﺟﺒﻬﺎ ﻭﻗﺎﻟﺖ : ﺗﺮﺍ ﻋﺪﻱ ﺍﻟﻌﺐ ﺑﻌﻴﺪ .. ﺻﻜﺮﺕ ﻋﻠﻴﻪ ..
ﻭﺣﻄﺖ ﺍﻟﺘﻠﻴﻔﻮﻥ ﻓﻲ ﺍﻟﺪﻭﻻﺏ ..
ﺻﻜﺮﺍﺗﻪ ﻭﻫﻲ ﺗﻘﻮﻝ : ﻭﺍﺣﺪ ﻓﺎﺿﻲ ..
ﻭﻣﺸﺖ ﻭﻗﻔﺖ ﻉ ﺍﻻﻭﻧﺪﻳﻨﻮ ﻭﻛﻤﻠﺖ ﻏﺴﻞ ﺧﻀﺮﺍ ...
.......
ﻣﻘﻌﻤﺰ ﻳﺸﻮﻑ ﻟﺘﻠﻴﻔﻮﻧﻪ ﻭﻫﻮ ﻣﺒﺘﺴﻢ ..
ﻣﺶ ﻋﺎﺭﻑ ﻣﻦ ﻧﻬﺎﺭ ﺳﻤﻊ ﺻﻮﺗﻬﺎ ﺷﻦ ﺻﺎﺭﻟﻪ .. ﻟﻜﻨﺔ ﻛﻼﻣﻬﺎ ..
ﻣﻨﺠﺬﺑﻠﻬﺎ ﺑﺸﻜﻞ ﻛﺒﻴﺮ ...
ﻭﻫﻮ ﻧﻔﺴﻪ ﻣﺴﺘﻐﺮﺏ ... ﻛﻴﻒ ﻣﺠﺮﺩ ﺳﻤﺎﻋﻪ ﻟﻠﺼﻮﺕ ﻫﻜﻲ ﺩﺍﺭ ﻓﻴﻪ ..
🍃 ﻏﺎﻟﻴﻪ ﻣﺶ ﺻﻐﻴﺮﺓ ﺑﺶ ﻧﻘﻮﻟﻮﺍ ﺍﻧﻬﺎ ﻣﻤﻜﻦ ﺗﺪﻟﻊ ﺍﻭ ﺗﺘﻤﻴﻊ ﻭﻫﻲ ﺗﺘﻜﻠﻢ ﻏﻴﺮ ﻫﻜﻲ ﻫﻲ ﺍﻧﺴﺎﻧﻪ ﺭﺯﻳﻨﻪ ﻳﻌﻨﻲ ﺍﻟﺘﺼﺮﻓﺎﺕ ﻫﺎﺩﻱ ﻣﺶ ﻟﻴﻬﺎ ..
ﺑﺲ ﻫﻲ ﺻﻮﺗﻬﺎ ﻓﻴﻪ ﻣﻴﺰﺓ ﺍﻧﺜﻮﻱ ﻫﻠﺒﻪ ﻭﻧﺎﻋﻢ ﺣﺘﻰ ﻟﻤﺎ ﺗﻜﺸﺦ ﺻﻮﺗﻬﺎ ﻣﺎﻳﺴﺎﻋﺪﻫﺎﺵ ﺑﺶ ﻳﺨﻮﻑ ﺍﻟﻠﻲ ﻗﺪﺍﻣﻬﺎ ﻣﻨﻬﺎ .. ﻣﻦ ﻛﺜﺮ ﻣﺎﻫﻮ ﻧﺎﻋﻢ ﻭﻟﻄﻴﻒ ﻉ ﻣﺴﺎﻣﻊ ﺍﻟﻮﺫﻥ 🍃...
ﺣﻂ ﻳﺪﻩ ﻉ ﺟﺒﻬﺘﻪ ﻭﻫﻮ ﻣﺒﺘﺴﻢ ﻭﻗﻌﺪ ﻳﻔﺮﻙ ﻓﻴﻬﺎ ..
ﺑﻌﺪﻳﻦ ﻧﺰﻟﻬﺎ ﻉ ﺧﺪﻩ ﻭﻫﻮ ﻳﺸﻮﻑ ﻟﻠﺘﻠﻴﻔﻮﻥ ..
ﻗﺎﻝ : ﻣﺶ ﻋﺎﺭﻑ ﻋﻼﺵ ﻫﻜﻲ ﺻﺎﻳﺮ ﻓﻴﺎ .. ﺍﻟﻠﻲ ﻳﺴﻤﻊ ﺑﺤﺎﻟﺘﻲ ﻳﻀﺤﻚ ﻋﻠﻴﺎ ...
ﺿﺤﻚ ﻭﻗﺎﻝ ... ﺗﺮﺍ ﻋﺪﻱ ﺍﻟﻌﺐ ﺑﻌﻴﺪ .... ﻫﻬﻬﻬﻬﻬﻬﻪ .. ﺗﻬﺒﻞ .. ﻏﻴﺮ ﻛﺎﻥ ﻧﻌﺮﻑ ﻣﻨﻴﻦ .. ﻣﺼﺮﺍﺗﻴﻪ .. ﺍﻳﻪ ﺯﻱ ﺍﻟﻤﺼﺎﺭﻳﺖ ﻃﺮﻳﻘﺔ ﻛﻼﻣﻬﺎ .. ﺍﻣﻢ .. ﻣﺮﺍﺕ ﺯﻟﻴﻄﻨﻴﻪ ﺣﺘﻰ ﻫﻤﺎ ﻫﻜﻲ ﻳﺪﻭﻭﺍ .. ﺑﺎﻫﻲ ﻣﻦ ﻏﻴﺮﻫﻢ ﻣﻦ ﺍﻟﻠﻲ ﻧﻌﺮﻓﻬﻢ ﻫﻜﻲ ﻛﻼﻣﻬﻢ ...... ﺍﻳﻪ ..*****.. ﺣﺘﻰ ﻫﻤﺎ ﻫﻜﻲ ...
ﻫﻬﻬﻬﻬﻬﻬﻪ .. ﻣﺎﺗﻄﻠﻊ ﺍﻻ ***** ﻭﺍﻋﺮﺍﺕ ﻫﺪﻭﻛﺎ ﻳﻘﻮﻟﻮﺍ ﻋﻠﻴﻬﻢ ..
ﻗﻄﻊ ﺗﻔﻜﻴﺮﻩ ﺑﺎﻟﺼﻮﺕ ﺍﻟﻌﺎﻟﻲ ﺻﻮﺕ ﺍﻣﻪ ﻭﻫﻮ ﻳﻨﺎﺩﻱ ..
" ﻧﺠﻤﻲ ﺗﻌﺎﻝ ﺍﺷﺮﺏ ﺷﺎﻫﻲ .."
ﻧﺠﻢ ﺍﻟﺪﻳﻦ : ﻫﻲ ﻳﺎﻡ ﺟﺎﻱ ..
ﻧﺎﺽ ﻭﺣﻂ ﺗﻠﻴﻔﻮﻧﻪ ﻓﺠﻴﺒﻪ ..
ﻭﺗﻮﺟﻪ ﻟﻠﺒﺎﺏ ﻭﻃﻠﻊ ﻣﻦ ﺍﻟﺪﺍﺭ ..
🍃🍃🍃🍃🍃🍃
ﻟﻴﻠﺔ ﺍﻟﻌﻴﺪ ..
ﻓﻲ ﺣﻮﺵ ﺍﻟﻤﺮﺣﻮﻡ ﺍﻟﺤﺎﺝ ﺭﻣﻀﺎﻥ ..
ﻛﺎﻧﺖ ﻟﻴﻠﺔ ﻣﺤﺎﻭﻟﻪ ﻣﺴﺢ ﺍﻷﺣﺰﺍﻥ ..
ﻣﻠﺘﻤﺎﺕ ﺍﻟﻜﻨﺎﻳﻦ ﻣﻊ ﻏﺎﻟﻴﻪ ﻭﻣﻌﺎﻫﻢ ﺭﺯﺍﻥ ﻳﻘﺮﺿﻮﺍ ﻓﻲ ﺧﻀﺮﺓ ﺍﻟﻌﺼﺒﺎﻥ ﻣﻊ ﺑﻌﺾ
ﻭﻳﻬﺪﺭﺯﻭﺍ ﻣﻦ ﻫﻨﻲ ﻭﻣﻦ ﻫﻨﻲ
ﻣﺎﻓﻴﺶ ﺣﺪ ﻣﻘﻌﻤﺰ ﻓﻲ ﻫﺪﻳﻜﺎ ﺍﻟﺼﺎﻟﻪ ﻣﺎﻓﻴﺶ ﻓﻘﻠﺒﻪ ﻭﺟﻊ ..
ﻭﺟﻊ ﻣﻮﺕ ﺍﻟﻜﺒﻴﺮ .. ﻭﺍﻟﺼﻐﻴﺮ ﺍﻟﻠﻲ ﺭﺍﺡ ﻓﻲ ﺍﻭﻝ ﻋﻤﺮﻩ ..
ﻭﻭﺟﻊ ﺍﻟﻤﻔﻘﻮﺩ ﺍﻟﻠﻲ ﻣﺶ ﻣﻌﺮﻭﻑ ﻣﺼﻴﺮﻩ ﻟﻬﺎﻟﻠﺤﻈﻪ ..
ﺍﺏ ﺳﻤﻴﻪ ..
ﺗﻮﻗﻌﻮﺍ ﺍﻥ ﺑﻌﺪ ﺍﻟﺤﺮﺏ ﺍﺗﻢ ﻣﻤﻜﻦ ﻳﺮﺟﻊ ﺑﺲ ﻣﻊ ﺍﻻﺳﻒ ﻻﺭﺟﻊ ﻭﻻﺳﻤﻌﻮﺍ ﻋﻨﻪ ﺃﻱ ﺣﺎﺟﻪ ..
🍃🍃🍃
ﻟﻴﻠﺔ ﺍﻟﻌﻴﺪ ..
ﻓﻲ ﺣﻮﺵ ﻋﺮﻭﺑﻪ ﻭﻟﻤﺘﻬﻢ ﻣﻊ ﺧﻮﻫﻢ ﻭﻋﻴﻠﺘﻪ ﺑﻌﺪ ﻃﻮﻝ ﻏﻴﺎﺏ ..
ﻧﺴﺖ ﻋﺮﻭﺑﻪ ﻭﺍﻣﻬﺎ ﻛﻞ ﺍﻟﻠﻲ ﻋﺎﺷﻮﻩ ﻓﻲ ﺃﻳﺎﻡ ﺧﻠﺖ ..
ﻟﻴﻠﺔ ﺍﻟﻌﻴﺪ ..
ﻋﻨﺪ ﻛﻔﺎﻳﻪ ﻫﺎﻟﻤﺮﺓ ﻏﻴﺮ ..
ﻗﻀﺘﻬﺎ ﻋﻨﺪ ﺍﻫﻞ ﺳﻴﻔﺎﻭ ﺻﺪﻳﻖ ﻋﻤﺎﺩ ..
ﺑﺮﻏﻢ ﺍﻧﻬﻢ ﻣﺶ ﺧﺼﻴﺼﻴﻦ ﺯﻱ ﻣﺎﻳﻘﻮﻟﻮﺍ ﺑﺲ ﻋﻤﺎﺩ ﺟﺎﺑﻠﻬﻢ ﺧﺮﻭﻑ ..
ﺩﺍﺭ ﺯﻱ ﻣﺎﻛﺎﻥ ﻳﺪﻳﺮ ﻭﻟﺪﻫﻢ ﺯﻣﺎﻥ ﻻﺑﺪ ﻭﻳﺤﺴﺒﻬﻢ ﻣﻌﺎﻩ ﺭﻏﻢ ﺍﻧﻬﻢ ﻳﺸﺮﻭﺍ ﻓﻀﺤﻴﻪ ..
ﻭﺻﻐﺎﺭ ﺳﻴﻔﺎﻭ ﺑﻨﻴﻪ ﻭﻭﻟﻴﺪ ﺍﻟﻠﻲ ﺗﻌﻠﻘﻮﺍ ﺑﻌﻤﺎﺩ ﻫﻠﺒﻪ ..
ﻣﺎﺧﻼ ﻣﺎﺧﺪﺍﻟﻬﻢ ﻣﻦ ﺣﻮﺍﻳﺞ ﻭﺍﻟﻌﺎﺏ ..
ﻛﺎﻥ ﺣﺎﺱ ﺑﻤﺴﺆﻭﻟﻴﻪ ﻛﺒﻴﺮﺓ ﺍﺗﺠﺎﻫﻬﻢ .. ﻭﻛﺈﻥ ﺣﻞ ﻣﺤﻞ ﺑﻮﻫﻢ ..
ﻣﻦ ﺑﻌﺪ ﻃﻠﻌﻮﺍ ﻣﻦ ﻋﻨﺪ ﺍﻫﻞ ﺳﻴﻔﺎﻭ .. ﻣﺸﻮﺍ ﻟﺤﻮﺵ ﺍﻫﻞ ﺭﻭﺍﺩ ..
ﻗﻌﺪﻭﺍ ﻋﻨﺪﻫﻢ ﺳﺎﻋﻪ ﻭﺑﻌﺪﻳﻦ ﺭﻭﺣﻮﺍ ..
ﻓﻲ ﺍﻟﻄﺮﻳﻖ ..
ﻛﻔﺎﻳﻪ : ﺷﻦ ﺳﻤﺎﻩ؟
ﻋﻤﺎﺩ ﺑﻀﺤﻜﻪ : ﺗﻴﻔﺴﺎ .. ﺗﻲ .. ﻓﺴﺎ ..
ﺿﺤﻜﺖ ﻛﻔﺎﻳﻪ؛ﻭﺷﻦ ﻣﻌﻨﺎﻩ ﺍﺳﻤﻪ ..
ﻋﻤﺎﺩ ﺑﺈﺑﺘﺴﺎﻣﻪ : ﺭﺑﻴﻊ ..
ﻛﻔﺎﻳﻪ : ﺍﻧﻲ ﺑﻨﻘﻮﻟﻪ ﺭﺑﻴﻊ ..
ﺿﺤﻚ ﻋﻤﺎﺩ ..
ﻛﻔﺎﻳﻪ ﺑﻀﺤﻜﻪ : ﻳﻌﺰ ﻋﻠﻴﻚ ﻫﻠﺒﻪ؟
ﻋﻤﺎﺩ : ﻓﻮﻕ ﻣﺎﺗﺘﺼﻮﺭﻱ ﺭﺍﺟﻞ ﻳﺎﻡ ﺑﻜﻞ ﻣﻌﻨﻰ ﺍﻟﻜﻠﻤﻪ ﻫﻮ ﻭﺧﻮﻩ ﺍﻟﻠﻪ ﻳﺮﺣﻤﻪ ﻭﻳﺘﻘﺒﻠﻪ ﻣﻦ ﺍﻟﺸﻬﺪﺍﺀ .. ﺳﻴﺐ ﻭﺭﺍﻩ ﻣﺮﺗﻪ ﺣﺎﻣﻞ ﺍﻇﻨﻲ ﺟﺎﺑﺖ ﺗﻮﺍ ...
ﻛﻔﺎﻳﻪ ﺑﺄﻟﻢ : ﻫﻠﺒﻪ ﺳﻴﺒﻮﺍ ﻧﺴﺎﻭﻳﻨﻬﻢ ﻭﺻﻐﺎﺭﻫﻢ ﻭﻣﺴﺘﻘﺒﻠﻬﻢ ﻭﺣﺎﺭﺑﻮﺍ ﻭﺍﺳﺘﺸﻬﺪﻭﺍ ... ﻭﺇﻥ ﺷﺎﺀ ﺍﻟﻠﻪ ﺩﻣﻬﻢ ﻣﺎﻳﺮﻳﺤﺶ ﻓﻲ ﺍﻟﻔﺎﺿﻲ ..
ﻋﻤﺎﺩ ﺗﻨﻬﺪ ﻭﻗﺎﻝ : ﻳﺎﺍﺍﺍﺭﺏ ..
ﺷﺒﺢ ﻟﺤﺠﺮ ﺍﻣﻪ ﻟﻘﻲ ﺍﺧﺘﻪ ﺭﺍﻗﺪﻩ : ﺭﻗﺪﺕ ﺍﻟﻤﺸﺪﻗﻪ ..
ﺿﺤﻜﺖ ﻛﻔﺎﻳﻪ ﻭﻫﻲ ﺗﺸﻮﻑ ﻟﺒﻨﺘﻬﺎ ..
🍃🍃🍃🍃🍃🍃
ﻭﺟﻲ ﺗﺎﻧﻲ ﻳﻮﻡ ..
ﺍﻭﻝ ﺍﻳﺎﻡ ﻋﻴﺪ ﺍﻷﺿﺤﻰ ...
ﻣﻦ ﺍﻟﺼﺒﺢ ..
ﺍﻫﻞ ﻋﺒﺪﺍﻟﺴﻼﻡ ﻛﺎﻧﻮﺍ ﻓﻲ ﺣﻮﺷﻪ ..
ﻭﺧﻮﺗﻪ ﻭﻧﺴﺎﻭﻳﻨﻬﻢ ..
ﻛﺎﻧﻮﺍ ﻳﺒﻮﺍ ﻳﻐﻴﺮﻭﺍ ﺟﻮ ﺩﻻﻝ ﻓﻲ ﺍﻟﻌﻴﺪ ﺑﻌﺪ ﺍﻟﻠﻲ ﻣﺮﺕ ﺑﻴﻪ ..
ﻫﻲ ﺣﺴﺖ ﺑﻴﻬﻢ ﻟﻬﺬﺍ ﻗﺮﺭﺕ ﺍﻧﻬﺎ ﺗﻘﺎﻭﻡ ﺣﺰﻧﻬﺎ ﻭﻣﺎﺗﺰﻳﺪﺵ ﺗﻌﺒﻬﻢ ﻣﻌﺎﻫﺎ ..
ﺑﺲ ﺻﻌﺐ ﻛﺒﺖ ﺷﻌﻮﺭ ﺍﻟﺤﺰﻥ ﺑﺎﻟﺬﺍﺕ ﻭﺍﻥ ﻫﺎﻟﻌﻴﺪ ﺍﻭﻝ ﻋﻴﺪ ﻳﻤﺮ ﻋﻠﻴﻬﺎ ﻣﻦ ﻏﻴﺮ ﻋﻤﺎﺭ ﻣﻦ 3 ﺳﻨﻴﻦ ...
🌴🌴🌴🌴🌴🌴🌴🌴🌴🌴
ﻓﻲ ﺣﻮﺵ ﺍﻟﺤﺎﺝ ﺭﻣﻀﺎﻥ ..
ﻛﺎﻥ ﺣﻤﻴﺪ ﺟﺎﻱ ﻣﻦ ﺃﻭﻝ ﻳﻮﻡ ..
ﻣﻘﺮﺭ ﻳﻘﻌﺪ ﻫﻮ ﻭﻋﻴﻠﺘﻪ 5 ﺍﻳﺎﻡ ﺍﻟﻌﻴﺪ ...
ﻭﺟﺖ ﺣﺘﻰ ﻣﺒﺮﻭﻛﻪ ﻋﻤﺘﻪ ..
ﻭﻋﻴﺖ ﻋﻤﻬﻢ ﻋﺒﺪﺍﻟﻠﻪ ﺣﺘﻰ ﻫﻤﺎ ﺟﻮﺍ ...
ﺑﺮﻏﻢ ﻣﻦ ﺍﻟﺤﺰﻥ ﻭﺍﻟﺪﻣﻮﻉ ﺍﻟﻠﻲ ﺗﺨﻠﻠﻮﺍ ﻫﺎﻟﻴﻮﻡ ...
ﻟﻜﻦ ﻛﺬﻟﻚ ﻫﻤﺎ ﻗﺎﻭﻣﻮﺍ ﺣﺰﻧﻬﻢ ﻭﻋﺎﺷﻮﺍ ﺍﺟﻮﺍﺀ ﺍﻟﻌﻴﺪ ..
ﻣﺤﺎﻭﻟﻴﻦ ﺗﺠﺎﻫﻞ ﺍﻟﻤﻜﺎﻥ ﺍﻟﻮﺍﺿﺢ ﺍﻟﻠﻲ ﺧﻠﻮﻩ ﺍﻟﻐﺎﻳﺒﻴﻦ 💔
🍃 ﻭﻫﻜﻲ ﺍﻏﻠﺐ ﺍﻟﺤﻴﺎﺵ ﺍﻟﻠﺒﻴﻴﻪ ..
ﻳﺤﺎﻭﻟﻮﺍ ﻳﺘﺄﻗﻠﻤﻮﺍ ﻳﺤﺎﻭﻟﻮﺍ ﻳﺘﻜﻴﻔﻮﺍ ...
ﺍﻟﺤﻴﺎﺓ ﺗﺴﺘﻤﺮ ...
ﻋﻤﺮﻫﺎ ﻣﺎﻭﻗﻔﺖ ﻉ ﺣﺪ ﻣﺎﺕ .. ﻣﻬﻤﺎ ﻛﺎﻥ ﺍﻟﻠﻲ ﺭﺍﺡ ﻏﺎﻟﻲ ..
🍁🍁🍁🍁🍁🍁
ﺗﺎﻧﻲ ﻳﻮﻡ ...
ﺍﻟﻴﻮﻡ ﺍﻟﻠﻲ ﺑﻴﺠﻮ ﻓﻴﻪ ﺍﻟﺒﻨﺎﺕ ..
ﺍﻟﻴﻮﻡ ﻫﺪﺍ ﻧﺎﺽ ﻣﺤﻤﺪ ﻣﻦ ﺍﻟﻨﻮﻡ ﻭﻫﻮ ﻣﺘﻮﺗﺮ ...
ﻫﻮ ﺍﺻﻼ ﻣﺎﻗﺪﺭﺵ ﻳﺮﻗﺪ ﺯﻳﻦ ﻣﻦ ﺍﻟﺘﻮﺗﺮ ..
ﻣﺶ ﻫﺎﻳﻦ ﻋﻠﻴﻪ ﻭﻟﺪ ﺍﺧﺘﻪ ..
ﻣﺤﻤﺪ ﻳﻌﺰ ﻋﻤﺎﺩ ﻫﻠﺒﻪ ... ﺑﺲ ﺍﻟﻠﻲ ﺻﺎﺭ ﺿﻐﻂ ﻉ ﺃﻋﺼﺎﺑﻪ ﻭﺣﺮﻗﻪ ﻣﻦ ﺩﺍﺧﻞ ﺧﻼﻩ ﻳﺪﻳﺮ ﺣﺎﺟﺎﺕ ﻭﻳﻘﻮﻝ ﺣﺎﺟﺎﺕ ﻻﺣﻘﺎ ﻧﺪﻡ ﻋﻠﻴﻬﺎ ..
🍃 ﻫﻮ ﻧﻔﺴﻪ ﺍﻟﺸﻌﻮﺭ ﻋﻨﺪ ﺣﻤﻴﺪﻩ ..
ﻭﻫﻲ ﺗﻠﺒﺲ ﻓﻲ ﺑﻨﺘﻬﺎ ﺗﻔﻜﺮ ﻛﻴﻒ ﺑﺘﻘﺎﺑﻞ ﺍﺧﺘﻬﺎ ﻭﻭﻟﺪﻫﺎ ..
ﻭﺣﺎﺳﻪ ﺑﺸﻲ ﺛﻘﻴﻞ ﻗﺎﻋﺪ ﻉ ﺻﺪﺭﻫﺎ ... ﻭﺧﺎﻳﻔﻪ ﻣﻦ ﺍﻟﻠﻲ ﺑﻴﺼﻴﺮ ..
🍁 ﺃﻭﻝ ﻣﻦ ﻭﺻﻞ ..
ﺯﻳﻨﺐ ..
ﻟﻤﺎ ﻧﺰﻟﺖ ﻣﻦ ﺍﻟﺴﻴﺎﺭﺓ ﺷﺒﺤﺖ ﻟﻤﻜﺎﻥ ﺑﻮﻫﺎ ﺟﻨﺐ ﺃﻣﻬﺎ ﻛﻴﻒ ﻓﺎﺿﻲ .. ﻃﻮﻝ ﺩﻣﻮﻋﻬﺎ ﻧﺰﻟﻮﺍ ..
ﻭﺭﺍﻧﻴﺎ ﻗﻌﺪﺕ ﺗﺸﻮﻑ ﺣﻮﺍﻟﻴﻬﺎ ... ﻋﻴﻮﻧﻬﺎ ﺟﻮ ﻉ ﺧﻮﺍﻟﻬﺎ ﺍﻟﻠﻲ ﻃﺎﻟﻌﻴﻦ ﻳﺴﺘﻘﺒﻠﻮﺍ ﻓﻴﻬﻢ ..
ﻟﻤﺤﺖ ﺧﻴﺎﻝ ﺭﻣﺰﻱ ﺑﻴﻨﺎﺗﻬﻢ ...
ﺧﻴﺎﻝ ﻭﺍﺧﺘﻔﻲ ﺑﺴﺮﻋﻪ ..
ﺩﻣﻌﺘﻬﺎ ﻃﻮﻝ ﻧﺰﻟﺖ ﻭﻫﻲ ﻣﺎﺷﻴﻪ ﻟﺨﺎﻟﻬﺎ ﻫﺎﻧﻴﺒﺎﻝ ﺍﻟﻠﻲ ﺧﺪﺍﻫﺎ ﻓﺤﻀﻨﻪ ﻃﻮﻝ ...
🍁 ﺑﻌﺪ ﺳﻼﻡ ﻭﺩﻣﻮﻉ ...
ﻓﻲ ﺍﻟﻜﻮﺟﻴﻨﻪ ..
ﻏﺎﻟﻴﻪ : ﺟﻮ ﻋﻴﺖ ﻋﻤﻲ ﺣﺘﻰ ﻫﻤﺎ ..
ﺯﻳﻨﺐ : ﻭﻋﺰﻭﺯﺗﻲ ﺍﻣﺘﻰ ﺭﻭﺣﺖ ..
ﻏﺎﻟﻴﻪ 8: ﺍﻟﺼﺒﺢ ..
ﺯﻳﻨﺐ ﻫﺰﺕ ﺭﺍﺳﻬﺎ ﺑﺈﻳﺠﺎﺏ ...
ﺧﺸﺖ ﻋﻠﻴﻬﻢ ﻓﺎﻃﻤﻪ : ﻧﻌﻴﻤﻪ ﺟﺖ ..
ﻭﻣﺸﺖ ﻃﻮﻝ ...
ﻏﺎﻟﻴﻪ ﻭﺯﻳﻨﺐ ﺍﺭﺗﺴﻤﺖ ﻉ ﻭﺟﻮﻫﻢ ﻣﻼﻣﺢ ﺍﻷﻟﻢ ..
ﻭﺭﺍﻧﻴﺎ ﻃﻠﻌﺖ ﻗﺒﻠﻬﻢ ...
ﺗﺒﻲ ﺗﺸﻮﻑ ﺩﻻﻝ ...
ﺗﺒﻲ ﺗﺸﻮﻑ ﺣﺪ ﻋﺎﻳﺶ ﻧﻔﺲ ﻭﺟﻌﻬﺎ ﻭﺣﺎﺱ ﺑﻴﻬﺎ ..
ﻭﻗﻔﻮﺍ ﻓﻲ ﺍﻭﻝ ﻣﻤﺮ ﻓﻢ ﺍﻟﺒﻮﺍﺑﻪ ﻳﺸﻮﻓﻮﺍ ﻣﻦ ﺑﻌﻴﺪ ..
ﺷﺎﻓﻮﺍ ﻧﻌﻴﻤﻪ ﻧﺎﺯﻟﻪ ﻭﻓﻴﺪﻫﺎ ﺣﻔﻴﺪﺗﻬﺎ ..
ﻭﺻﻐﺎﺭ ﺩﻻﻝ ﻣﻊ ﺧﺎﻟﻬﻢ ﻭﺧﺎﻟﺘﻬﻢ ..
ﻭﺷﺎﻓﻮﺍ ﺩﻻﻝ ﻧﺰﻟﺖ ﻣﻦ ﺍﻟﺴﻴﺎﺭﺓ ﻭﻓﻴﺪﻫﺎ ﺷﻨﻄﺔ ﺑﻨﺘﻬﺎ ..
ﺭﻛﺰﻭﺍ ﻉ ﻟﺒﺴﻬﺎ ..
ﺟﻼﺑﻴﻪ ﻟﻮﻧﻬﺎ ﺭﺻﺎﺻﻲ ﻧﺎﺯﻛﻪ ﻟﻜﻦ ﺳﺎﺩﺍ ﻣﺎﻓﻴﻬﺎﺵ ﺍﻱ ﺗﺰﺧﺮﻳﻒ ﺍﻭ ﻟﻮﻥ ﻓﺎﺗﺢ ..
ﻭﺷﺎﺭﺑﻪ ﻛﺒﻴﺮﺓ ﻟﻮﻧﻬﺎ ﻛﺮﻳﻤﻲ ﺑﺎﻫﺖ ...
ﺭﺍﻓﻌﻪ ﻭﺍﺣﺪ ﻣﻦ ﻃﺮﻭﻓﻬﺎ ﻟﺼﺪﺭﻫﺎ ﻭﺷﺎﺩﺗﻪ ﺑﺮﺷﻘﻪ ﻓﻀﻴﻪ ..
ﻣﻼﻣﺢ ﻭﺟﻬﻬﺎ ﺑﺎﻫﺘﻪ ... ﻭﺿﺎﻋﻔﻪ ...
ﻭﻋﻴﻮﻧﻬﺎ ﺫﺍﺑﻼﺕ ...
ﺷﺎﻓﻮﻫﺎ ﻛﻴﻒ ﺣﻀﻨﺖ ﺣﻨﺎﻫﺎ ﺑﻘﻮﺓ ﻭﻛﻴﻒ ﻗﻌﺪﻭﺍ ﻳﺒﻜﻮﺍ ﺍﻟﺰﻭﺯ ...
ﺍﻟﺪﻣﻮﻉ ﻧﺰﻟﺖ ...
ﺑﻮﻫﺎ ﻭﺧﺎﻟﻬﺎ ﺣﻤﻴﺪ ﺍﻟﻠﻲ ﻛﺎﻧﻮﺍ ﻳﻌﻴﺪﻭﺍ ﻉ ﺑﻌﺾ ..
ﻗﻌﺪﻭﺍ ﻭﺍﻗﻔﻴﻦ ﻳﺸﺒﺤﻮﻟﻬﻢ ... ﻭﺍﻟﺰﻭﺯ ﻣﺘﺄﻟﻤﻴﻦ ..
ﺑﻌﺪ ﺑﻌﺪﺕ ﻋﻦ ﺣﻨﺎﻫﺎ ... ﺣﻨﺎﻫﺎ ﻧﺰﻟﺖ ﺭﺍﺱ ﺩﻻﻝ ﻭﻛﺒﺖ ﻋﻠﻴﻪ ..
ﻭﺩﻻﻝ ﺭﺩﺗﻬﺎ ﻟﺤﻨﺎﻫﺎ ﻃﻮﻝ ...
ﺟﺎﻫﺎ ﻫﺎﻧﻴﺒﺎﻝ ﺑﻌﺪﻫﺎ ﻋﻨﻬﺎ ﻭﺣﻀﻨﻬﺎ .. ﻭﻫﻲ ﻣﺤﺎﻭﻃﺘﻪ ﻣﻦ ﺧﺼﺮﻩ ﻭﺷﺎﺩﻩ ﻓﻴﻪ ﻭﺗﺒﻜﻲ ..
ﻭﻫﺎﻧﻴﺒﺎﻝ ﻛﺎﻥ ﻣﻔﻨﺺ ﻃﻮﻝ ﺍﻟﻮﻗﺖ ﻣﺎﻳﺒﺶ ﺩﻣﻮﻋﻪ ﺗﻨﺰﻝ ..
ﻋﻜﺲ ﻋﻤﺮ ﺍﻟﻠﻲ ﺧﺶ ﻟﻤﺮﺑﻮﻋﻪ ﻭﺧﻼ ﺩﻣﻮﻋﻪ ﺗﻨﺰﻝ ..
ﻋﻜﺲ ﺍﻟﻬﺎﺩﻱ ﺍﻟﻠﻲ ﻧﺰﻟﻮﺍ ﺩﻣﻮﻋﻪ ﻗﺪﺍﻡ ﺍﻟﻜﻞ ﻭﻛﺎﻥ ﻳﻤﺴﺢ ﻓﻴﻬﻢ ..
ﻋﻜﺴﻬﻢ ﻛﻠﻬﻢ ﻣﺤﻤﺪ ..
ﺍﻟﻠﻲ ﻛﺎﻧﺖ ﺩﻣﻌﺘﻪ ﻣﺤﺒﻮﺳﻪ ﻓﻲ ﻣﺤﺠﺮ ﺍﻟﻌﻴﻦ ﻭﻳﺸﻮﻑ ﻟﺤﺎﻝ ﺑﻨﺖ ﺍﺧﺘﻪ ﺑﺄﻟﻢ ...
ﻭﻓﻲ ﻣﻦ ﻳﺸﺒﺤﻠﻬﺎ ﻣﻦ ﺑﻌﻴﺪ ﻭﻗﻠﺒﻪ ﺗﻘﻄﻊ ﻋﻠﻴﻬﺎ ﺗﻘﻄﻴﻊ ....
🍁 ﺣﻤﺰﺓ
ﻃﻠﻌﺖ ﺭﺯﺍﻥ ﻣﻦ ﺍﻟﺤﻮﺵ ﻫﻲ ﻭﺍﻣﻬﺎ ..
ﻭﺷﺎﻓﻮﺍ ﺍﻟﻤﻨﻈﺮ ﻣﻦ ﺑﻌﻴﺪ ..
ﺳﻌﻴﺪﻩ ﻃﻮﻝ ﺩﻣﻮﻋﻬﺎ ﻧﺰﻟﻮﺍ ...
ﻭﺭﺯﺍﻥ ﻗﻌﺪﺕ ﺗﺸﻮﻓﻠﻬﻢ ﻭﻫﻲ ﻣﺘﺄﻟﻤﻪ ...
💔 ﻛﺎﻥ ﺍﻟﺤﺎﻝ ﺍﺻﻌﺐ ..
ﻟﻤﺎ ﺟﺖ ﻟﺨﺎﻟﺘﻬﺎ ﻏﺎﻟﻴﻪ ...
ﺍﻟﺰﻭﺯ ﻛﺎﻧﻮﺍ ﻳﺒﻜﻮﺍ ﺑﺎﻟﻌﺒﺮﺓ ...
ﻭﻻ ﻟﻤﺎ ﺣﻀﻨﺖ ﺭﺍﻧﻴﺎ
ﻭﻛﺈﻥ ﺍﻟﻌﺰﻱ ﺍﻧﻘﺎﻡ ﻣﻦ ﺍﻭﻝ ﻭﺟﺪﻳﺪ ..
ﺑﻌﺪﻭﻫﻢ ﻋﻦ ﺑﻌﺾ ﺑﺎﻟﺴﻴﻒ ﻭﻛﻞ ﻭﺣﺪﻩ ﻓﻴﻬﻢ ﻛﺎﻧﺖ ﻓﻲ ﺣﺎﻟﻪ ﻳﺮﺛﻰ ﻟﻬﺎ ..
ﻗﻌﺪﻭﺍ ﻳﺒﺨﻮﺍ ﻋﻠﻴﻬﻢ ﻓﻲ ﺍﻟﻤﻴﻪ ﻭﻳﺤﺎﻭﻟﻮﺍ ﻳﻬﺪﻭﻫﻢ ..
🍃 ﻳﺎﺍﺍﻩ ﻗﺪﺍﺵ ﻓﻲ ﻧﺎﺱ ﻋﺎﻧﺖ ﻳﺎﺍﺍﺍﺍﺍﻩ 🍃
🍁🍁🍁
ﺍﻟﺴﺎﻋﻪ 1:00 ﻇﻬﺮﺍ ..
ﻭﺻﻠﺖ ﺣﻤﻴﺪﻩ ..
ﻛﺎﻥ ﺍﻟﺠﻮ ﺍﻫﺪﻯ ﻣﻦ ﺑﻜﺮﻱ ..
ﻭﻛﺎﻧﻮﺍ ﺳﺎﻛﺘﻴﻦ ... ﻋﻴﺪﻭﺍ ﻉ ﺑﻌﺾ ..
ﺑﺲ ﻭﺗﻴﺮﺓ ﺍﻇﻬﺎﺭ ﺍﻟﺤﺰﻥ ﻛﺎﻧﺖ ﺍﻫﺪﺍ ﻫﺎﻟﻤﺮﺓ ..
ﻭﺑﺪﻭﺍ ﻳﻬﺪﺭﺯﻭﺍ ﻋﺎﺩﻱ ...
ﻏﺎﻟﻴﻪ : ﻧﺎﺱ ﻣﺎﺷﺎﺀ ﺍﻟﻠﻪ ﻋﻠﻴﻬﻢ ..
ﺯﻳﻨﺐ : ﻗﺪﺍﺵ ﺑﻨﺖ ﻫﻤﺎ ..
ﺣﻤﻴﺪﻩ 4: ﻭﻛﻞ ﻭﺣﺪﻩ ﺍﻓﻠﺢ ﻣﻦ ﺍﻟﺘﺎﻧﻴﻪ ..
ﻧﻌﻴﻤﻪ : ﻋﺰﻣﺘﻮﻫﻢ ﻗﻠﺘﻲ ..
ﻏﺎﻟﻴﻪ : ﺍﻳﻪ 5 ﻳﻮﻡ ﺍﻟﻌﻴﺪ ..
ﺯﻳﻨﺐ : ﺑﺎﻫﻲ ﻛﻮﻳﺲ ﺍﻧﻲ ﻗﺎﻋﺪﻩ ﺧﻞ ﻧﺘﻌﺮﻓﻮﺍ ﻋﻠﻴﻬﻢ ..
ﻧﻌﻴﻤﻪ : ﺣﺘﻰ ﺍﻧﻲ ﻗﺎﻋﺪﻩ ..
ﺳﻤﻌﻮﺍ ﺍﺻﻮﺍﺕ ﺳﻴﺎﺭﺍﺕ ﺩﺭﺳﺖ ..
ﻏﺎﻟﻴﻪ : ﻛﻔﺎﻳﻪ ..
ﺯﻳﻨﺐ ﻭﺣﻤﻴﺪﻩ ﺍﻧﻤﻐﺼﻮﺍ ...
ﻭﻗﻌﺪﻭﺍ ﻳﺸﻮﻓﻮﺍ ﻟﺒﻌﺾ ﺑﻀﻴﻖ ..
ﻏﺎﻟﻴﻪ : ﺷﻦ ﻣﺎﺩﺭﺍﺕ ﻣﺎﺩﻭﺭﻧﺶ ..
ﻟﻄﻴﻔﻪ : ﺣﺘﻰ ﺍﻧﻲ ﺟﻴﺖ ﺑﻨﻘﻮﻝ ﻫﻜﻲ ..
ﺯﻳﻨﺐ ﻫﺰﺕ ﺭﺍﺳﻬﺎ ﺑﺈﻳﺠﺎﺏ ..
ﻭﺳﻌﻴﺪﻩ ﻛﺎﻧﺖ ﺗﺸﺒﺤﻠﻬﺎ ..
ﺑﺮﺍ ..
ﻧﺰﻝ ﻋﻤﺎﺩ ﻣﻦ ﺳﻴﺎﺭﺗﻪ ﻭﻫﻮ ﻣﺒﺘﺴﻢ ..
ﺻﻜﺮ ﺍﻟﺒﺎﺏ ..
ﻗﺪﻣﻠﻪ ﻫﺎﻧﻴﺒﺎﻝ ﻭﻫﻮ ﻓﺎﺗﺢ ﺍﻳﺪﻳﻪ ﻭﻳﻘﻮﻝ : ﺟﺮﺭﺭﺭﺫ ..
ﺿﺤﻚ ﻋﻤﺎﺩ ﻭﺣﻀﻦ ﺧﺎﻟﻪ ..
ﻭﺍﻣﻪ ﻭﺑﻮﻩ ﻭﺧﻮﺗﻪ ﻭﺧﻮﺍﻟﻪ ﻳﺸﻮﻓﻮﻟﻬﻢ ..
ﺑﻌﺪ ﺳﻼﻡ ﺣﺎﺭ ﺑﻴﻨﻪ ﻭﺑﻴﻦ ﻫﺎﻧﻴﺒﺎﻝ ..
ﺳﻠﻢ ﻉ ﻋﻤﺮ .. ﻭﻃﻮﻟﻮﺍ ﻫﻠﺒﻪ ...
ﺑﻌﺪﻩ ﺧﺎﻟﻪ ﺍﻟﻬﺎﺩﻱ ... ﺍﻟﻠﻲ ﻟﻤﺎ ﺣﻀﻨﻪ ﻗﻌﺪ ﻳﻤﺴﺢ ﻉ ﻇﻬﺮﻩ ..
ﻭﺑﻌﺪﻩ ﺳﻠﻢ ﻉ ﺧﺎﻟﻪ ﺣﻤﻴﺪ ...
ﻭﺭﺟﺎﻟﺔ ﺧﺎﻻﺗﻪ ..
ﻭﻃﻮﻝ ﺗﻮﺟﻪ ﻟﺤﻮﺵ ﺧﺎﻟﻪ ﻣﻴﻼﺩ ..
ﺍﺑﺘﺴﻢ ﻫﺎﻧﻴﺒﺎﻝ ﻭﻣﺸﻲ ﻣﻌﺎﻩ ..
ﻭﻟﺤﻘﻮﻫﻢ ﻋﻤﺮ ﻭﺍﻟﻬﺎﺩﻱ ..
ﺭﻛﺐ ﻣﻊ ﺍﻟﺪﺭﻭﺝ ..
ﻭﺻﻞ ﻓﻲ ﺍﻟﺒﺎﺏ ...
ﻛﺎﻥ ﻣﻔﺘﻮﺡ ..
ﻃﻖ ..
ﻋﻤﺎﺩ : ﺧﺎﻟﻲ ...
ﻃﻠﻌﻠﻪ ﺗﻮﻓﻴﻖ ..
ﻛﺎﻥ ﻣﺎﻁ ﺷﻮﺍﺭﺑﻪ ﻟﺪﺍﺧﻞ ﻭﺩﻣﻮﻉ ﻉ ﻭﺷﻚ ﻳﻨﺰﻟﻮﺍ ..
ﻓﺘﺢ ﺍﻳﺪﻳﻪ ﻟﻮﻟﺪ ﻋﻤﺘﻪ ... ﻭﺣﻀﻨﻪ ﻃﻮﻝ ..
ﻭﻗﻌﺪ ﻳﺒﻜﻲ ﺑﺎﻟﻌﺒﺮﺓ ..
ﺍﻭﻝ ﻣﺮﺓ ﺗﻮﻓﻴﻖ ﻳﻨﻬﺎﺭ ﻫﻜﻲ ..
ﻋﻤﺎﺩ ﺣﻀﻨﻪ ﺑﻘﻮﺓ ﻭﺩﻣﻮﻋﻪ ﺳﻴﻞ ..
ﻭﻗﻌﺪ ﻳﻤﺸﻲ ﺑﺈﻳﺪﻳﻪ ﻉ ﻇﻬﺮ ﻭﻟﺪ ﺧﺎﻟﻪ ..
ﺑﻌﺪﻫﻢ ﻫﺎﻧﻴﺒﺎﻝ ﻋﻦ ﺑﻌﺾ : ﺧﻼﺹ ﺍﻧﺖ ﻭﻳﺎﻩ ﺧﻼﺹ ..
ﻭﺧﺮﻭﺍ ﻋﻦ ﺑﻌﺾ ..
ﺗﻮﻓﻴﻖ ﻃﻮﻝ ﻣﺸﻲ ﻟﻠﺪﺍﺭ ﺧﺶ ﻭﺻﻜﺮﻫﺎ ﻋﻠﻴﻪ ..
ﻉ ﻃﻠﻌﺔ ﻣﻴﻼﺩ ﻣﻦ ﺩﺍﺭ ﺍﻟﻨﻮﻡ ..
ﻛﺎﻥ ﻳﺮﺷﻒ ﻭﻋﻴﻮﻧﻪ ﺣﻤﺮ ..
ﻗﺪﻣﻠﻪ ﻋﻤﺎﺩ ﻃﻮﻝ ﻭﻛﺐ ﺭﺍﺳﻪ ..
ﺣﻂ ﻣﻴﻼﺩ ﺍﻳﺪﻩ ﻉ ﺫﺭﺍﻋﺎﺕ ﻋﻤﺎﺩ ﻭﻗﻌﺪ ﺷﺎﺩﻫﻢ ﻭﺩﻣﻮﻋﻪ ﻳﻨﺰﻟﻮﺍ ..
ﻭﺧﺮ ﻋﻤﺎﺩ ﻭﻗﺎﻝ ﺑﻨﺒﺮﺓ ﻣﺨﻨﻮﻗﻪ : ﺳﺎﻣﺤﻨﻲ ﻳﺎﺧﺎﻟﻲ ..
ﻣﻴﻼﺩ ﻭﻫﻮ ﻳﺮﺷﻒ : ﺍﺣﻤﻢ .. ﻟﻴﺶ ﺍﻧﺖ ﺷﻦ ﺩﺭﺕ ﻳﺎﻭﻟﺪﻱ ﻣﺎﺩﺭﺕ ﺷﻲ ...
ﻫﺎﻟﻤﺸﻬﺪ ﺍﻟﻤﺆﻟﻢ ...
ﺍﻟﻮﺣﻴﺪ ﺍﻟﻠﻲ ﻏﺎﺏ ﻋﻨﻪ ..
ﻣﺤﻤﺪ ..
ﺍﻟﻠﻲ ﻛﺎﻥ ﻣﻘﻌﻤﺰ ﻓﻲ ﺍﻟﺠﺮﺩﻳﻨﻪ ﺩﺍﺧﻞ ..
ﻭﻫﻮ ﻳﻤﺴﺢ ﻓﺪﻣﻮﻋﻪ ﺍﻟﻠﻲ ﻳﻨﺰﻟﻮﺍ ..
ﻣﺤﻤﺪ ﻣﺤﺮﻭﻕ ﺑﺄﻛﺜﺮ ﻣﻦ ﺍﻟﻨﺎﺭ ..
ﻧﺎﺭ ﺭﻣﺰﻱ ..
ﻭﻧﺎﺭ ﺧﺠﻠﻪ ﻣﻦ ﺍﻟﻠﻲ ﻗﺎﻟﻪ ﻉ ﻭﻟﺪ ﺍﺧﺘﻪ ...
ﻣﺶ ﻋﺎﺭﻑ ﻛﻴﻒ ﻳﺪﻳﺮ ..
🍁🍁🍁🍁
ﺑﻌﺪ ﻃﻠﻊ ﻣﻦ ﺣﻮﺵ ﺧﺎﻟﻪ ..
ﻣﺸﻲ ﻟﺤﻮﺵ ﺟﺪﻩ ..
ﻟﻘﻲ ﻏﺎﻟﻴﻪ ﻗﺪﺍﻡ ﺍﻟﺒﻮﺍﺑﻪ ﻭﺍﻗﻔﻪ ﺗﺮﺍﺟﻲ ..
ﺍﺑﺘﺴﻢ ﻣﻦ ﺑﻴﻦ ﺩﻣﻮﻋﻬﺎ ..
ﻓﺘﺢ ﺍﻳﺪﻳﻪ ﻭﻫﻮ ﻳﻘﻮﻝ : ﺗﻌﺎﻟﻲ ﺗﻌﺎﻟﻲ ﺗﻌﺎﻟﻲ ..
ﺿﺤﻜﺖ ﻏﺎﻟﻴﻪ ﻭﻫﻲ ﺗﻤﺴﺢ ﻓﺪﻣﻮﻋﻬﺎ ..
ﻭﻣﺸﺘﻠﻪ ﻃﻮﻝ ﺣﻀﻨﺎﺗﻪ ﺑﻘﻮﺓ ﻭﻫﻲ ﺗﺒﻜﻲ ..
ﻭﻫﻮ ﺣﺎﺿﻨﻬﺎ ﻭﻳﺒﻮﺱ ﻉ ﺭﺍﺳﻬﺎ ..
ﺑﻌﺪﻳﻦ ﺧﺶ ﻫﻮ ﻭﻳﺎﻫﺎ ﺩﺍﺧﻞ ..
ﺷﺎﻑ ﺻﻐﺎﺭ ﺩﻻﻝ ﻳﻠﻌﺒﻮﺍ ﺗﺄﻟﻢ ﻫﻠﺒﻪ ..
ﻗﺎﺑﻼﺗﻪ ﺣﻨﺎﻩ ...
ﻃﻠﻖ ﻏﺎﻟﻴﻪ ﻭﺣﻀﻨﻬﺎ ﻭﻋﻴﺪ ﻋﻠﻴﻬﺎ ..
ﺑﻌﺪﻳﻦ ﺧﺶ ﻫﻮ ﻭﻳﺎﻫﺎ ﺩﺍﺧﻞ ...
ﺷﺒﺢ ﺍﻳﻤﻴﻨﻪ ﻟﻘﻲ ﻣﺮﺕ ﺧﺎﻟﻪ ﻣﻴﻼﺩ ..
ﻟﻤﺎ ﺭﺍﺗﻪ ﺍﺑﺘﺴﻤﺖ ﻭﺩﻣﻮﻋﻬﺎ ﻳﻨﺰﻟﻮﺍ ..
ﻗﻠﺒﻪ ﺍﻧﻔﻄﺮ ..
ﻣﻦ ﺍﺑﺘﺴﺎﻣﺘﻬﺎ ﺍﻟﻠﻲ ﻛﺎﻥ ﻓﻴﻬﺎ ﻫﻠﺒﻪ ﻣﻌﺎﻧﻲ ..
🍃 ﻟﻮ ﺭﻣﺰﻱ ﻛﺎﻥ ﻫﻮ ﺍﻟﻠﻲ ﺧﺎﺵ ﻋﻠﻴﻬﻢ ﻫﺎﻟﺨﺸﻪ 🍃
ﻃﻠﻖ ﺣﻨﺎﻩ ﻭﻗﺪﻡ ﻟﺴﻌﻴﺪﻩ ..
ﻃﺒﺲ ﻭﺷﺪ ﺭﺍﺳﻬﺎ ﻭﻛﺐ ﻋﻠﻴﻪ ..
ﺍﻣﻪ ﻛﺎﻧﺖ ﺗﺸﻮﻓﻠﻪ ﻭﻫﻲ ﻣﺒﺘﺴﻤﻪ ﺑﻔﺨﺮ ..
ﺷﺒﺤﺖ ﻟﺤﻤﻴﺪﻩ ﻭﺯﻳﻨﺐ ﺑﻨﻈﺮﻩ ﺣﺎﺩﻩ ..
ﻭﻛﺄﻧﻬﺎ ﺗﻘﻮﻟﻠﻬﻢ ﺷﻮﻓﻮﺍ ﻭﻟﺪﻱ ..
ﻭﻟﺪ ﺍﺧﺘﻜﻢ ﺍﻟﻠﻲ ﻓﻴﻮﻡ ﻃﻌﻨﺘﻮﺍ ﻓﺎﺧﻼﻗﻪ ﻭﺭﺑﺎﻳﺘﻪ ..
ﻫﻤﺎ ﺍﻟﺰﻭﺯ ﺷﺒﺤﻮﻟﻬﺎ ..
ﻭﻟﻤﺎ ﻏﻴﺮﺕ ﻋﻴﻮﻧﻬﺎ ..
ﺷﺒﺤﻮﺍ ﻟﺒﻌﺾ ﺑﺤﺰﻥ ..
ﺑﻌﺪﻳﻦ ﺭﺟﻌﻮﺍ ﻳﺸﻮﻓﻮﺍ ﻟﻌﻤﺎﺩ ..
ﻋﻤﺎﺩ ﺍﻟﻠﻲ ﻣﺶ ﻋﺎﺭﻑ ﺷﻦ ﺩﺍﺭ ﻓﻲ ﻗﻠﺐ ... ﺑﻨﻴﺔ ﻗﻠﺒﻪ ..
ﻭﻫﻲ ﺗﺸﻮﻑ ﻟﻠﺤﺮﻛﻪ ﺍﻟﻠﻲ ﺩﺍﺭﻫﺎ ﻷﻣﻬﺎ ..
ﻣﺎﺗﺖ ﻓﻴﻪ 💓..
ﻭﻗﻠﺒﻬﺎ ﺍﻟﺼﻐﻴﺮﻭﻥ ﻳﻨﺒﺾ ﺑﻜﻞ ﻗﻮﺓ ..💕
ﺑﻌﺪ ﻭﻗﻒ ﻉ ﺣﻴﻠﻪ ..
ﺷﺒﺢ ﻟﺨﺎﻟﺘﻪ ﺣﻤﻴﺪﻩ ..
ﻫﻲ ﻛﺎﻧﺖ ﺗﺸﻮﻓﻠﻪ ﺑﻨﻈﺮﻩ ﻓﻴﻬﺎ ﺍﺣﺮﺍﺝ ..
ﻋﻤﺎﺩ : ﺷﻜﻠﻚ ﻣﺎﺗﺒﻴﺶ ﺗﺸﻮﻓﻲ ﻭﺟﻬﻲ ..
ﺣﻤﻴﺪﻩ ﻓﻤﻬﺎ ﺗﻘﻮﺱ ... ﻭﺩﻣﻮﻋﻬﺎ ﻧﺰﻟﻮﺍ ..
ﺣﻄﺖ ﻳﺪﻫﺎ ﻉ ﻋﻴﻮﻧﻬﺎ ﻭﻗﻌﺪﺕ ﺗﺒﻜﻲ ..
ﺍﺑﺘﺴﻢ ﺑﺄﻟﻢ ﻭﻗﺪﻣﻠﻬﺎ ﻭﺧﺪﺍﻫﺎ ﻓﺤﻀﻨﻪ ...
ﻭﻫﻮ ﻳﻘﻮﻝ : ﻣﻴﺪﺍ ﺣﺒﻲ ﺍﻧﻲ ... ﺧﻼﺹ ﻳﺎﺷﻔﺸﻪ ..
ﻟﻔﺖ ﺍﻳﺪﻳﻬﺎ ﻋﻠﻴﻪ ﻭﺣﻀﻨﺎﺗﻪ ﺑﻘﻮﺓ ﻭﻫﻲ ﺗﺒﻜﻲ ..
ﻭﻫﻮ ﺑﺎﺱ ﺭﺍﺳﻬﺎ
🍃 ﻳﺎﺑﺨﺖ ﺍﻟﺒﻨﺎﺩﻡ ﺍﻟﻠﻲ ﻗﻠﺒﻪ ﻛﺒﻴﺮ ﻣﺎﻳﻌﺮﻓﺶ ﻳﻜﺮﻩ ..
ﻳﻘﻮﻟﻮﺍ ﺍﻟﻄﻴﺒﻪ ﻭﻟﺖ ﻋﻴﺒﺔ ﻓﺰﻣﺎﻧﺎ ﻫﺪﺍ .. ﻭﺍﻧﻲ ﻧﻘﻮﻝ ﻭﺍﻟﻠﻪ ﺍﻟﻄﻴﺐ ﻫﻮ ﺍﻟﻠﻲ ﻣﺮﺗﺎﺡ ...
ﻣﺮﺗﺎﺡ ﻣﻦ ﺍﻣﺮﺍﺽ ﻧﻔﺴﻴﻪ .. ﺗﺎﻛﻞ ﺍﻟﺒﻨﺎﺩﻡ ﻣﻦ ﺩﺍﺧﻞ ..
ﺍﻟﻜﺮﻩ ... ﺍﻟﺤﻘﺪ ... ﺍﻟﺤﺴﺪ .. ﻭﺳﻮﺀ ﺍﻟﻈﻦ ...
ﺍﻟﻄﻴﺐ ﺩﻳﻤﺎ ﻭﺭﺍﻩ ﺭﺑﻲ ﻷﻥ ﻳﺸﻮﻑ ﻟﻘﻠﺒﻪ ﺍﻟﻨﻈﻴﻒ ﻭﻳﺤﺒﻪ ﻭﻣﺎﻳﺮﺿﺎﺵ ﻓﻴﻪ ﺍﻟﻮﺟﻊ ... ﻭﻳﺨﻠﻲ ﻧﻴﺘﻪ ﺩﻳﻤﺎ ﺗﻐﻠﺐ .. ﻭﺗﺎﺧﺪ ﺍﻟﻨﺎﺱ ﺍﻟﻠﻲ ﺍﺭﺍﺩﻭﺍ ﺑﻴﻪ ﺷﺮ ﻳﻮﻡ ﻣﻦ ﺍﻷﻳﺎﻡ 🍃
ﺑﺲ ﻟﻤﺎ ﻳﻨﺠﺮﺡ ﺍﻟﻘﻠﺐ ﺍﻟﻄﻴﺐ ..
ﻣﺎﻳﻜﺮﻫﺶ .. ﻟﻜﻦ ﻣﺎﻳﺴﺎﻣﺤﺶ ﺑﺎﻟﺴﺎﻫﻞ ..
ﻛﻔﺎﻳﻪ ﻣﺪﺕ ﻳﺪﻫﺎ ﺑﺲ ﻟﺰﻳﻨﺐ ﻭﺣﻤﻴﺪﻩ ﻟﻤﺎ ﻋﻴﺪﺕ ..
ﺍﻣﺎ ﻣﺎﻟﻚ ..
ﻋﻴﺪ ﻉ ﻏﺎﻟﻴﻪ ﻭﻧﻌﻴﻤﻪ .. ﻭﺣﺘﻰ ﺳﻌﻴﺪﻩ .. ﻭﻟﻄﻴﻔﻪ ..
ﻭﻓﺎﺕ ﺧﺎﻻﺗﻪ ﺣﻤﻴﺪﻩ ﻭﺯﻳﻨﺐ ..
ﺍﻟﻠﻲ ﺍﻧﺼﺪﻣﻮﺍ ﻓﺤﺮﻛﺘﻪ .. ﺯﻱ ﻣﺎﺍﻧﺼﺪﻣﺖ ﻧﻮﺭ ﻟﻤﺎ ﺷﺎﻓﺘﻬﺎ ﻭﻃﺎﺭﺗﻠﻬﺎ ﻣﻨﻪ ﻉ ﺍﻵﺧﺮ ..
ﻭﻣﺮﻭﺍﻥ ﻋﻴﺪ ﻋﻠﻴﻬﻢ ﻋﺎﺩﻱ ﺑﺲ ﻭﺟﻬﻪ ﻛﺎﻥ ﻣﺘﺠﻬﻢ ..
🍃 ﺍﻟﻤﻮﺍﺟﻊ ﻟﻤﺎ ﺗﺠﻴﻚ ﻣﻦ ﺍﻟﺸﺨﺺ ﺍﻟﻐﻴﺮ ﻣﺘﻮﻗﻊ ﺻﻌﺐ ﺗﺘﺤﻮﻝ ﺑﺴﺮﻋﻪ 🍃
ﺑﺲ ﻋﻤﺎﺩ ﺧﺎﺭﺝ ﻋﻦ ﻫﺎﻟﻘﻮﺍﻋﺪ ﻛﻠﻬﺎ ...
ﻋﻤﺎﺩ : ﻣﺤﻤﺪ ﻭﻳﻦ ..
ﻋﻤﺮ : ﻓﻲ ﺍﻟ
#معجبين_جمان_فريد💕
