#العشق_المتمرد
الجزء96
#جمان_فريد
..🌟
ﻣﺎﻫﻮ ﻳﻤﻲ ﺍﻧﻲ ﺭﺍﻧﻲ ﺳﻜﺘﺖ ﻭﻣﺸﻴﺘﻬﺎ ﻣﺎﻧﺒﻴﻬﺎ ﺗﺠﻲ ﺑﺎﻟﻤﺸﺎﻛﻞ ﻣﻦ ﺍﺳﺒﻮﻋﻴﻦ ﺻﺒﺤﻨﺎ ﻓﻲ ﺷﻬﺮﻳﻦ ﺷﻦ ﻣﻌﻨﺎﻫﺎ ؟؟
ﺳﻌﻴﺪﻩ ﺑﺮﻓﻌﺔ ﺣﺎﺟﺐ : ﻭﺷﻨﻮ ﻣﻌﻨﺎﻫﺎ؟ !
ﺗﻮﻓﻴﻖ ﺑﻌﺼﺒﻴﻪ : ﻣﻌﻨﺎﻫﺎ ﺗﺴﺎﻳﺮﻱ ﻣﻌﻨﺎﻫﺎ ﻣﺎﺗﺒﻴﺶ ﻣﻌﻨﺎﻫﺎ ﺗﻤﺸﻲ ﻓﻴﺎ ﻫﻜﻲ ﻭﺧﻼﺹ ﻭﺑﺪﻳﺮﻱ ﻣﺎﻓﻲ ﺭﺍﺳﻚ ..
ﺳﻌﻴﺪﻩ ﺑﺘﻔﻨﻴﺼﻪ : ﻭﻃﻲ ﺣﺴﻚ .. ﻭﻃﻴﻴﻲ ﺣﺴﻚ ﻣﺤﻮﺭ ﻳﺸﻔﻄﻚ .. ﻫﺪﻯ ﻣﺎﺯﺍﻝ ﻣﺎﺟﺒﻨﺎﻫﺎ ﻭﻫﻜﻲ ﺑﺪﻳﺮ ﻓﻴﻨﺎ؟؟
ﻫﻮ ﺯﻓﺮ ﻭﻏﻤﺾ ﻋﻴﻮﻧﻪ ﻣﺤﺎﻭﻟﺔ ﻣﻨﻪ ﻟﺘﻬﺪﺋﺔ ﻧﻔﺴﻪ ﺑﻌﺪﻳﻦ ﺗﻜﻠﻢ ﺑﻬﺪﻭﺀ ﻭﻗﺎﻝ : ﻳﻤﻲ .. ﻓﺘﺢ ﻋﻴﻮﻧﻪ .. ﺗﺮﺑﺤﻲ ﻳﻤﻲ ﻣﺎﺗﺼﺒﻴﻠﻲ ﻓﻴﻬﺎ ﻛﻴﻒ ﻣﺎﺻﺒﻴﺘﻲ ﻟﺮﻣﺰﻱ .. ﺍﺭﺟﻮﻙ .
ﻋﻴﻮﻥ ﺳﻌﻴﺪﻩ ﺗﻌﺒﻮﺍ ﺩﻣﻮﻉ ﺳﻜﺘﺖ ﺷﻮﻳﻪ ﻭﻫﻲ ﺗﺸﻮﻓﻠﻪ ﺑﻌﺪﻳﻦ ﻗﺎﻟﺖ : ﺧﻼﺹ .. ﻏﺪﻭﺓ ﺇﻥ ﺷﺎﺀ ﺍﻟﻠﻪ ﻧﻌﺪﻱ ﻟﺨﺎﻟﺘﻬﺎ ﻭﻧﻔﺘﺢ ﻣﻌﺎﻫﺎ ﺍﻟﻤﻮﺿﻮﻉ ..
ﺍﺑﺘﺴﻢ .. ﻭﻗﺮﺏ ﺑﺎﺱ ﺭﺍﺳﻬﺎ ..
ﻫﻲ ﺑﺎﻟﺰﻭﺭ ﻣﺘﻘﺒﻠﻪ ﺍﻟﻤﻮﺿﻮﻉ ﻣﺎﺗﺒﻲ ﺷﻲ ﻳﺮﺑﻄﻬﺎ ﺑﺸﻜﻞ ﻣﺒﺎﺷﺮ ﻣﻊ ﻧﺠﺎﺓ .. ﻟﻜﻦ ﺍﻧﺠﺒﺮﺕ ﻉ ﺧﺎﻃﺮ ﻭﻟﺪﻫﺎ ..
ﻭﺧﺮ ﺗﻮﻓﻴﻖ ﻭﻗﺎﻝ : ﻭﺍﻧﻲ ﻧﺮﺍﺟﻲ ﺭﺍﻧﻲ ... ﻫﻲ ﺗﺼﺒﺤﻲ ﻉ ﺧﻴﺮ ..
ﻟﻒ ﻭﻣﺸﻲ ﻟﺪﺍﺭﻩ ﻭﻫﻲ ﺗﺸﻮﻓﻠﻪ ..
ﺗﻨﻬﺪﺕ ﺷﺒﺤﺖ ﺟﻨﺒﻬﺎ ﻟﻘﺖ ﻗﺼﻲ ﺭﺍﻗﺪ ﻗﺎﻟﺖ : ﻭﺍﻟﻠﻪ ﻣﺎﻋﻨﺪﻱ ﻟﻴﻚ ﺟﻬﺪ ﻳﺮﻭﺡ ﺳﻴﺪﻙ ﻳﺮﻓﻌﻚ ﻟﺪﺍﺭﻙ ..
ﻉ ﺟﻴﺔ ﺭﺯﺍﻥ : ﻣﺎﻣﺎ ..
ﺷﺒﺤﺘﻠﻬﺎ : ﻫﺎﻩ ﻳﺎﻣﺎﻣﺎ ﺣﺎﻟﻚ ﺑﺎﻫﻲ .
ﺿﺤﻜﺖ ﻭﻗﻌﻤﺰﺕ ﺣﺪﺍﻫﺎ : ﻋﺸﺮﻳﻦ ﻣﺮﺓ ﺳﺄﻟﺘﻴﻨﻲ ﻫﺎﻟﺴﺆﺍﻝ .. ﺍﺑﺘﺴﻤﺖ ﺑﺄﻟﻢ ﻭﻗﺎﻟﺖ .. ﺣﺎﻟﻲ ﺑﺎﻫﻲ ..💔
ﺗﻨﻬﺪﺕ ﺳﻌﻴﺪﻩ ﺑﻌﺪﻳﻦ ﻗﺎﻟﺖ : ﺧﻮﻙ ﻫﺪﻯ ﺗﻘﻮﻝ ﻣﺴﺤﻮﺭ ﻋﻠﻴﻤﺎﺷﺎﺩ ﻓﺎﻟﻔﺮﺧﻪ ﻫﺪﻱ ﺑﻨﺖ ﺍﺧﺖ ﻧﺠﺎﻩ ..
ﺭﺯﺍﻥ : ﻳﺒﻴﻬﺎ ﻳﺎﻣﺎﻣﺎ .. ﻭﺑﻌﺪﻳﻦ ﺍﻟﺒﻨﻴﻪ ﻛﻮﻳﺴﻪ ﻓﻲ ﻋﺮﺱ ﻋﻤﻲ ﺭﻳﻨﺎﻫﺎ ﻛﻴﻒ ﻧﺎﺷﻄﻪ ﻭﻣﺆﺩﺑﻪ ﻭﺳﻤﺤﻪ .. ﺗﻨﻬﺪﺕ ﻭﻛﻤﻠﺖ ﺗﻘﻮﻝ .. ﺧﻠﻴﻪ ﻳﺎﻣﺎﻣﺎ ﻳﺎﺧﺪ ﺍﻟﻠﻲ ﻳﺒﺒﻬﺎ ﻭﻳﻌﻴﺶ ﻣﺮﺗﺎﺡ ..
ﺳﻌﻴﺪﻩ ﻗﻌﺪﺕ ﺗﺸﻮﻑ ﻟﻌﻴﻮﻥ ﺑﻨﺘﻬﺎ ﺍﻟﻠﻲ ﻛﺎﻧﻮﺍ ﻣﻠﻴﺎﻧﺎﺕ ﺣﺰﻥ : ﺧﻴﺮﻙ ﻣﺎﻣﺎ ..
ﺷﺒﺤﺖ ﺭﺯﺍﻥ ﻷﻣﻬﺎ ﻭﺩﻣﻮﻋﻬﺎ ﻃﺎﺣﻮﺍ ﻗﺎﻟﺖ ﺑﻨﺒﺮﺓ ﺑﺎﻛﻴﻪ : ﺗﻌﺒﺎﻧﻪ ﻳﺎﻣﺎﻣﺎ ... ﻗﻠﺒﻲ ﻳﻮﺟﻊ ﻓﻴﺎ ..
ﺳﻌﻴﺪﻩ ﺧﺎﻓﺖ ﺣﻀﻨﺘﻬﺎ ﻭﻗﺎﻟﺖ : ﺧﻴﺮﻙ ﻳﺎﺑﻨﺘﻲ ﺷﻦ ﺻﺎﻳﺮ ﻣﻌﺎﻙ ﻳﻤﻲ ﺍﺣﻜﻲ ..
ﺭﺯﺍﻥ ﻭﻫﻲ ﺗﺒﻜﻲ : ﺍﺳﺘﺎﺣﺸﺖ ﺭﻣﺰﻱ ﻭﺍﺟﺪ .. ﻭﺍﺟﺪ ...
ﺳﻌﻴﺪﻩ ﺣﻀﻨﺘﻬﺎ ﺑﻘﻮﺓ ﻭﻗﻌﺪﺕ ﺗﺒﻜﻲ ﻣﻌﺎﻫﺎ ﻗﺎﻟﺖ : ﺍﺍﻩ ﻳﺎﺑﻨﺘﻲ ﻗﻠﺒﻲ ﺫﺍﻳﺐ ﻉ ﺷﻮﻓﺘﻪ ﺫﺍﻳﺐ ..
ﺯﺍﺩﺕ ﺭﺯﺍﻥ ﺣﻀﻨﺖ ﺍﻣﻬﺎ ﻭﻫﻲ ﺗﺒﻜﻲ ﻭﻗﻠﺒﻬﺎ ﻣﻮﺟﻮﻉ ﻣﻦ ﺗﺴﻄﻴﺮ ﻫﻠﺒﻪ ﺟﺮﻭﺡ ﻭﻛﻞ ﻭﺍﺣﺪ ﺍﻋﻤﻖ ﻣﻦ ﺍﻟﺘﺎﻧﻲ ..
🍁🍁🍁🍁
ﻻﺍﻟﺤﻤﺪ ﻟﻠﻪ ﻣﺎﺗﻨﺪﺭﻱ ﻉ ﺷﻲ ..
ﺗﻴﻔﺴﺎ ﺑﻀﺤﻜﻪ : ﺑﺎﻫﻲ ﺟﺎﺗﻚ ﺳﻠﻴﻤﻪ ..
ﺿﺤﻚ ﻋﻤﺎﺩ ..
ﺗﻴﻔﺴﺎ ﺑﺈﺑﺘﺴﺎﻣﻪ : ﺍﻣﺘﻰ ﻣﺮﻭﺡ؟
ﻋﻤﺎﺩ : ﻛﺎﻥ ﻧﻠﻘﻰ ﻣﺎﻧﺮﻭﺡ ﺍﻧﻲ ..
ﺿﺤﻚ ﺗﻴﻔﺴﺎ ..
ﻋﻤﺎﺩ ﺑﺈﺑﺘﺴﺎﻣﻪ : ﺑﺎﻟﻚ ﻧﻬﺎﺭ ﺍﻟﺴﺒﺖ ﻛﺎﻥ ﺣﻴﺎﻧﺎ ﺭﺑﻲ ..
ﺗﻴﻔﺴﺎ : ﺣﻠﻮ ... ﺍﺳﻤﻊ ﺑﻨﻘﻮﻟﻚ .. ﻛﻠﻤﺖ ﻋﻼﺀ ﻭﺍﺗﻔﻘﻨﺎ ﺣﻨﻲ ﻭﺍﻟﺠﻤﺎﻋﻪ ﻧﻤﺸﻮﺍ ﺯﺭﺩﻩ ﻟﻠﺠﺒﻞ ﻧﻘﻌﺪﻭﺍ ﻏﺎﺩﻱ ﻓﺤﺪﻭﺩ ﺍﺳﺒﻮﻉ ..
ﻋﻤﺎﺩ : ﺑﻴﺴﺎﻓﺮ ﻫﻮ ﻭﻻ؟
ﺗﻴﻔﺴﺎ : ﺍﻳﻪ ﻗﺒﻞ ﻳﺴﺎﻓﺮ ..
ﻋﻤﺎﺩ ﺗﻨﻬﺪ ﻭﻗﺎﻝ : ﺍﻣﻤﻢ ..ok..
ﺗﻴﻔﺴﺎ : ﺧﻼﺹ ﺍﻟﺴﺒﺖ ﺍﻟﻌﺸﻴﻪ ﻛﻮﻳﺲ؟
ﻋﻤﺎﺩ : ﺗﻤﺎﻡ ...
ﺗﻴﻔﺴﺎ ﺑﻀﺤﻜﻪ : ﺗﻮ ﻧﺮﻓﻌﻜﻢ ﻷﺣﻼ ﻣﻜﺎﻧﺎﺕ ﻏﺎﺩﻱ ﺍﺳﺒﻮﻉ ﻛﺎﻣﻞ ﻧﻌﻴﺸﻜﻢ ﺍﺣﻼ ﺟﻮ ..
ﻋﻤﺎﺩ ﺑﻀﺤﻜﻪ : ﺷﻮﻗﺘﻨﻲ ..
ﺗﻴﻔﺴﺎ ﺑﺈﺑﺘﺴﺎﻣﻪ : ﻭﻫﻮ ﺍﻟﻤﻄﻠﻮﺏ ..
🍁🍁🍁🍁🍁
ﻣﻘﻌﻤﺰ ..
ﻗﺪﺍﻣﻪ ﺻﻔﺮﺓ ﺍﻟﻌﺸﻲ ..
ﺑﺲ ﻣﺎﺯﺍﻝ ﻣﺎﻛﻠﻲ ﻣﻨﻪ ﺷﻲ ﻭﻫﻮ ﻳﻔﻜﺮ ﻓﻲ ﺍﻟﻠﻲ ﺷﺎﻓﻪ .. ﻣﺼﺪﻭﻡ ﻫﻠﺒﻪ ﻭﻣﺶ ﻣﺼﺪﻕ ..
ﻗﻄﻊ ﻋﻠﻴﻪ ﺳﺮﺣﺎﻧﻪ ﺻﻮﺕ ﺍﻣﻪ ﻭﻫﻲ ﺗﻘﻮﻝ
" ﺧﻴﺮﻙ ﻣﺎﺗﺎﻛﻠﺶ "!
ﺷﺒﺤﻠﻬﺎ ﻭﻫﻲ ﺗﻘﻌﻤﺰ ﻗﺎﻝ : ﺍﻣﻲ ..
ﺯﻳﻨﺐ : ﺍﻣﻢ؟
ﺣﻤﺰﺓ : ﺗﻌﺮﻓﻲ ﺑﻨﻘﻮﻟﻚ ﻉ ﺷﻲ ﺣﻴﺼﺪﻣﻚ ..
ﺯﻳﻨﺐ ﺭﻓﻌﺖ ﺣﻮﺍﺟﺒﻬﺎ : ﻳﺎﺳﺎﺗﺮ !!
ﺣﻤﺰﺓ : ﺧﺎﻟﻲ ﺣﻤﻴﺪ؟
ﺯﻳﻨﺐ ﺑﺨﻮﻑ : ﺧﻴﺮﻩ !!
ﺣﻤﺰﺓ : ﻭﺍﺧﺪ ﻉ ﻣﺮﺗﻪ
ﺗﻮﺳﻌﻮﺍ ﻋﻴﻮﻥ ﺯﻳﻨﺐ ﻭﻓﻤﻬﺎ ﺍﻧﻔﺘﺢ ﺷﻮﻳﻪ ﻣﻦ ﺍﻟﺼﺪﻣﻪ ..
ﺣﻤﺰﺓ : ﻭﻋﻨﺪﻩ ﺻﻐﺎﺭ ﻭﺻﻐﺎﺭﻩ ﻫﻜﻲ ﺗﻌﻄﻴﻬﻢ ﺑﻴﻦ 7 ﻝ 4 ﺳﻨﻴﻦ .. ﺯﻭﺯ ﻭﻻﺩ ﻭﺑﻨﺖ ..
ﺯﻳﻨﺐ ﺑﺼﺪﻣﻪ : ﻏﻴﺮ ﺑﺎﻟﺸﻮﻳﻪ ﻭﺍﻧﺘﻲ ﺗﺤﻄﻠﻲ ﻓﻴﻬﻢ ﻛﻠﻬﻢ ﻓﻮﻕ ﺑﻌﺾ .. ﻣﺘﺰﻭﺝ ﻭﻋﻨﺪﻩ ﺻﻐﺎﺭ !! ﻛﻴﻒ ﻋﺮﻓﺖ؟؟ !!
ﺣﻤﺰﺓ؛ ﺭﻳﺘﻪ ﺍﻟﻴﻮﻡ ﻓﺴﻮﻕ **** ﻭﻣﻌﺎﻩ ﻭﺣﺪﻩ ﻣﻌﺎﻫﻢ ﺑﻨﻴﻪ ﺻﻐﻴﺮﺓ .. ﻭﻳﻀﺤﻜﻮﺍ ﻭﻳﻬﺪﺭﺯﻭﺍ ﻭﺟﻮﻫﻢ ﻣﻠﻴﺢ
ﻟﻤﺎ ﻃﻠﻊ ﻃﻠﻌﺖ ﻭﺭﺍﻩ ﺷﻔﺘﻬﻢ ﻟﻤﺎ ﺭﻛﺒﻮﺍ ﺍﻟﺴﻴﺎﺭﺓ
ﻛﺎﻥ ﻓﻲ ﺯﻭﺯ ﻭﻻﺩ ﺩﺍﺧﻞ ..
ﺭﻛﺒﺖ ﺳﻴﺎﺭﺗﻲ ﻭﻟﺤﻘﺘﻪ ... ﺗﻌﺮﻓﻲ ﻭﻳﻦ ﻃﻠﻊ ﻳﺴﻜﻦ !! ؟
ﺯﻳﻨﺐ : ﻭﻳﻦ ؟؟؟
ﺣﻤﺰﺓ : ﻓﻲ ﺣﻲ ﺩﻣﺸﻖ .. ﻓﺎﻟﺸﺎﺭﻉ ﺍﻟﻠﻲ ﻭﺭﺍ ﺷﺎﺭﻉ ﺣﻮﺷﻪ ...
ﺯﻳﻨﺐ ﺑﻤﻔﺎﺟﺄﺓ : ﻻﺍﺍﺍﺍﺍﺍﻻﺍﺍﺍﺍ !!!
ﺣﻤﺰﺓ : ﺍﻗﺴﻢ ﺑﺎﻟﻠﻪ ﺯﻱ ﻣﺎﻧﺤﻜﻴﻠﻚ ..
ﺯﻳﻨﺐ ﺷﺒﺤﺖ ﻓﺎﻟﻔﺮﺍﻍ ﻭﻫﻲ ﻣﺼﺪﻭﻣﻪ ﻭﻣﺶ ﻣﺼﺪﻗﻪ ..
ﻛﻴﻒ ﺣﻤﻴﺪ ﻳﺎﺧﺪ ﻉ ﻟﻄﻴﻔﻪ !! ﻭﻫﻤﺎ ﻉ ﺑﺎﻟﻬﻢ ﻣﻴﺖ ﻓﻴﻬﺎ ﻭﻫﻤﻪ ﻛﻠﻪ ﺭﺿﺎﻫﺎ ... ﻃﻠﻊ ﻭﺍﺧﺪ ﻋﻠﻴﻬﺎ ﻭﻣﻦ ﺳﻨﻴﻦ ؟؟
ﺯﻳﻨﺐ : ﺣﻤﻴﺪ !!!! ؟؟؟
ﺣﻤﺰﺓ ﺿﺤﻚ ﻭﻗﺎﻝ : ﻣﺎﻳﻄﻠﻊ ﻣﻨﻪ ...
ﺷﺒﺤﺖ ﺯﻳﻨﺐ ﻟﻮﻟﺪﻫﺎ ﻭﺿﺤﻜﺖ ﺑﺼﺪﻣﻪ ...
🍃 ﻭﻃﺒﻌﺎ ﺯﻳﻨﺐ ﺗﻤﻮﺕ ﻟﻮ ﻣﺎﻗﺎﻟﺘﻬﺎ .. ﺍﻭﻝ ﻣﻦ ﺍﺗﺼﻠﺖ ﺑﻴﻪ ﻭﻗﺎﻟﺘﻠﻪ ...
ﻛﻔﺎﻳﻪ : ﻧﻬﺎﺍﺍﺍﺍﺭﻩ ﺍﺣﺮﻑ ﻣﻐﺒﺮ ﻉ ﺭﺍﺳﻪ ﺍﻟﺤﻘﻴﺮ ..
ﺯﻳﻨﺐ : ﻫﻬﻬﻬﻬﻬﻬﻬﻪ
ﻛﻔﺎﻳﻪ : ﺗﻀﺤﻜﻲ ﻳﺎﺯﻳﻨﺐ !! ﺍﻧﻲ ﺳﻤﻄﺘﻨﻲ ﻟﻄﻴﻔﻪ ﻓﻮﺳﻂ ﻛﺒﺪﻱ ..
ﺯﻳﻨﺐ ﺑﻀﺤﻜﻪ : ﻭﺍﻟﻠﻪ ﺣﺘﻰ ﻭﺟﻌﺘﻨﻲ ﺍﻧﻲ ﻧﻀﺤﻚ ﻣﻦ ﺻﺪﻣﺘﻲ ﻭﻣﻦ ﻓﻜﺮﺗﻨﺎ ﺍﻟﻠﻲ ﻛﻨﺎ ﻭﺍﺧﺪﻳﻨﻬﺎ ﻋﻨﻪ ...
ﻛﻔﺎﻳﻪ : ﻓﻬﺎﺩﻱ ﺻﺪﻗﺘﻲ ... ﻟﺘﻮﺍ ﻣﺶ ﻣﺴﺘﻮﻋﺒﻪ .. ﺣﻤﻴﺪ !!! ﻣﺶ ﻣﻴﻼﺩ ﻭﻻ ﺍﻟﻬﺎﺩﻱ .. ﺣﻤﻴﻴﻴﻴﻴﻴﺪ !!!
ﺿﺤﻜﺖ ﺯﻳﻨﺐ ﻣﺮﺓ ﺗﺎﻧﻴﻪ ..
.....
ﺷﻨﻮﻭﻭﻭﻭ !! ؟؟؟
ﻛﻔﺎﻳﻪ : ﺍﻟﻠﻲ ﺳﻤﻌﺘﻴﻪ ...
ﻧﻌﻴﻤﻪ : ﻳﺎﻧﺎﺭﻱ ﻉ ﻟﻄﻴﻔﻪ ﻣﺴﻜﻴﻨﻪ ... ﺣﻴﻴﻲ ﻋﻠﻴﻪ ﺣﻴﻴﻲ .. ﻭﺍﻟﻠﻪ ﻣﺎﻗﺎﺩﺭﺓ ﻧﺼﺪﻕ .. ﻭﺣﻨﻲ ﻗﺮﻳﺐ ﺷﻜﻴﻨﺎ ﻓﻠﻄﻴﻔﻪ ﺳﺎﺣﺮﺍﺗﻪ ﺣﺘﻰ ﺍﻟﺴﺤﺮ ﻣﻦ ﺟﺮﻳﻪ ﻓﺠﺮﺓ ﺭﺿﺎﻫﺎ .. ﻳﻄﻠﻊ ﻭﺍﺧﺪ ﻋﻠﻴﻬﺎ ﻭﻣﻦ ﺳﻨﻴﻦ !!
ﻛﻔﺎﻳﻪ : ﺭﻳﺘﻲ ﻭﻻ ..
ﻧﻌﻴﻤﻪ : ﺗﺒﻲ ﺍﻟﺤﻖ ﺍﻧﻲ ﺍﻗﺮﺏ ﻭﺣﺪﻩ ﻟﺤﻤﻴﺪ ﺩﻳﻤﺎ ﻫﻜﻲ ﻣﻦ ﺗﺤﺖ ﻟﺘﺤﺖ .. ﻟﻜﻦ ﻣﺎﻧﺤﺴﺎﺑﻪ ﻟﻬﺎﻟﺪﺭﺟﻪ ﺻﺪﻣﻨﻲ ﺻﺪﻣﻨﻲ ...
ﻛﻔﺎﻳﻪ : ﺭﺑﻲ ﻳﺴﺎﻣﺤﻪ ﻉ ﻫﺎﻟﻌﻤﻠﻪ ﺍﻟﺴﻮﺩﺍ ﻭﺧﻼﺹ ...
🍁🍁🍁🍁
ﺍﻟﻴﻮﻡ ﺍﻟﺘﺎﻟﻲ ..
ﺍﻟﺴﺎﻋﻪ 10:00 ﺻﺒﺎﺣﺎ ..
ﻃﻔﺖ ﻉ ﺍﻟﻘﻬﻮﺓ ﻭﻗﺎﻟﺖ : ﻋﺎﻭﺩﻱ ﻋﺎﻭﺩﻱ !!!
ﺯﻳﻨﺐ ﺑﻀﺤﻜﻪ : ﺧﻮﻙ ﺣﻤﻴﺪ ﻭﺍﺧﺪ ﻉ ﻟﻄﻴﻔﻪ ﻭﻋﻨﺪﻩ ﺣﺘﻰ ﺍﻟﺼﻐﺎﺭ ..
ﻏﺎﻟﻴﻪ ﺣﻄﺖ ﻳﺪﻫﺎ ﻉ ﺟﺒﻬﺘﻬﺎ : ﻋﻠﻴﻚ ﺧﺒﺎﺭﺓ ﺳﻮﺩﺍ .. ﻳﺎﻧﺎﺭﻱ ﻉ ﻟﻄﻴﻔﻪ .. ﻧﺰﻟﺖ ﻳﺪﻫﺎ ﻭﻗﺎﻟﺖ .. ﺑﺎﻫﻲ ﻛﻴﻒ ﻋﺮﻓﺘﻲ ﻣﻦ ﻗﺎﻟﻚ ..
ﺯﻳﻨﺐ : ﻳﺎﺣﻨﻪ ﺍﻟﺒﺎﺭﺡ ﺣﻤﺰﺓ ...
ﻭﺣﻜﺖ ﺯﻳﻨﺐ ﺍﻟﻠﻲ ﺳﻤﻌﺎﺗﻪ ﻣﻦ ﻭﻟﺪﻫﺎ ﻛﺎﻣﻞ .. ﻭﻏﺎﻟﻴﻪ
ﺗﺴﻤﻊ ﻭﻛﺎﻧﺖ ﻣﺼﺪﻭﻣﻪ ﺑﺸﺪﻩ ..
ﻓﻲ ﻫﺎﻟﻮﻗﺖ ..
ﺭﺯﺍﻥ ﻛﺎﻧﺖ ﺩﺍﻳﺮﺓ ﺑﺴﺒﻮﺳﻪ ﺑﺎﻟﻘﺸﻄﻪ ﻣﻦ ﺍﻟﺼﺒﺢ ﻧﺎﺿﺖ ﻉ ﺧﺎﻃﺮﻫﺎ .. ﻃﺒﻌﺎ ﺳﻌﻴﺎ ﻟﺘﻨﻔﻴﺪ ﺧﻄﺔ ﺍﻧﺘﻘﺎﻣﻬﺎ ...
ﺑﺲ ﻭﻫﻲ ﺩﻳﺮ ﻓﻴﻬﺎ .. ﻛﺎﻥ ﻗﻠﺒﻬﺎ ﻳﻘﺎﻭﻡ ﻓﺸﻌﻮﺭ ﺍﻟﺤﻘﺪ ﺑﺪﺍﺧﻠﻬﺎ ﺧﻼﻫﺎ ﺍﺩﻳﺮﻫﺎ ﻣﻦ ﺍﺣﻼ ﻭﺍﻃﻌﻢ ﻣﺎﻳﻜﻮﻥ ...
ﺑﻌﺪ ﻃﺎﺑﺖ ﻭﺑﺮﺩﺕ ﻗﺼﺖ ﻣﻨﻬﺎ ﻃﺮﻭﻑ ﻭﺧﻠﺘﻬﻢ ﻟﻠﺤﻮﺵ ..
ﻭﺳﻠﻔﺮﺕ ﺑﺎﻗﻲ ﺍﻟﻄﺎﺟﻴﻦ ﻭﺭﻓﻌﺎﺗﻪ ..
ﻭﻫﻲ ﺧﺎﺷﻪ ﻟﻠﺤﻮﺵ ﻣﻦ ﻓﻢ ﺍﻟﺒﻮﺍﺑﻪ ..
ﻭﺻﻠﺖ ﻓﻲ ﺍﻟﻜﻮﺟﻴﻨﻪ ... ﻭﻗﻔﺖ ..
ﻟﻤﺎ ﻃﺎﺣﺖ ﻓﻮﺫﻧﻬﺎ ﻛﻠﻤﻪ ..
" ﻣﻦ ﻗﺎﻝ ﺣﻤﻴﺪ ﻳﻄﻠﻊ ﻭﺍﺧﺪ ﻉ ﻟﻄﻴﻔﻪ "
ﺍﻧﺼﺪﻣﺖ ﺑﻘﻮﺓ ...
ﺧﺸﺖ ﺩﺍﺧﻞ ﺑﺨﻄﻮﺍﺕ ﺛﻘﻴﻠﻪ ﺑﻌﺾ ﺍﻟﺸﻲ ﻭﻫﻲ ﺗﺴﻤﻊ ﻓﻌﻤﺘﻬﺎ ﺷﻦ ﺗﻘﻮﻝ ..
ﻏﺎﻟﻴﻪ : ﻭﺍﺣﻨﻲ ﺍﻟﻠﻲ ﻧﻘﻮﻟﻮﺍ ﻣﻨﻌﻤﻲ ﻓﺠﺮﺗﻬﺎ ﻭﻳﻤﻮﺕ ﻓﻴﻬﺎ ﻭﺍﻧﻈﺮ ﺷﻨﻮ ... ﻭﺍﺍﺍﻙ ﻳﺎﺭﺑﻲ ﻉ ﺍﻟﺮﺟﺎﻟﻪ ﻭﺍﺍﺍﻙ ..
ﺭﺯﺍﻥ ﺣﻄﺖ ﺍﻟﻄﺎﺟﻴﻦ ﻉ ﺍﻟﺮﺧﺎﻣﻪ ﻭﻗﺎﻋﺪﻩ ﺗﺴﻤﻊ ..
ﺣﺴﺖ ﺑﻴﻬﺎ ﻏﺎﻟﻴﻪ ﺍﻟﺘﻔﺘﺖ ﺷﺎﻓﺘﻬﺎ : ﺭﺑﻚ ﻳﺴﺘﺮ ﻳﺎﺯﻧﻮﺑﻪ ........ ﺍﻳﻪ ........ ﺑﺎﻫﻲ ... ﺳﻠﻤﻲ ﻉ ﺑﻨﺎﺕ ﻭﺣﻤﺰﺓ ..... ﺑﺎﻟﺴﻼﻣﻪ ﺗﻮﺍ ... ﺑﺎﻟﺴﻼﻣﻪ ...
ﻭﺻﻜﺮﺕ ..
ﺭﺯﺍﻥ ﺑﻘﺮﻧﺔ ﺣﻮﺍﺟﺐ : ﺷﻦ ﺍﻟﻠﻲ ﺳﻤﻌﺘﻪ ﺗﻮ؟
ﻏﺎﻟﻴﻪ ﻣﻄﺖ ﺷﻮﺍﺭﺑﻬﺎ ﻟﺪﺍﺧﻞ ﺑﺄﺳﻒ ﻭﻗﺎﻟﺖ : ﻋﻤﻴﻤﻚ ﺣﻤﻴﺪ ﻭﺍﺧﺪ ﻉ ﻣﺮﺗﻪ ..
ﺭﺯﺍﻥ : ﻣﺴﺘﺤﻴﻞ !!! ﻳﺤﺐ ﺧﺎﻟﺘﻲ ﻟﻄﻴﻔﻪ ﻭﺍﺟﺪ؟ !!
ﻏﺎﻟﻴﻪ ﺍﺑﺘﺴﻤﺖ ﺑﺘﻬﻜﻢ ﻭﻗﺎﻟﺖ : ﺍﻳﻪ ﻫﺪﻯ ﻟﻴﺶ ﺧﺪﻱ ﻋﻠﻴﻬﺎ ﻭﺣﺪﻩ ﺗﺎﻧﻴﻪ ﻭﻋﻨﺪﻩ ﻣﻨﻬﺎ 3 ﺻﻐﺎﺭ ..
ﺭﺯﺍﻥ : ﺷﻨﻮ؟؟؟؟؟؟؟؟
ﻏﺎﻟﻴﻪ ﺣﺮﻛﺖ ﺭﺍﺳﻬﺎ ﺑﻤﻌﻨﻰ " ﺭﻳﺘﻲ ..."
ﺭﺯﺍﻥ ﺯﺍﺩﺕ ﻧﺎﺭﻫﺎ ﻭﻟﻌﺖ .... ﺍﻟﺨﻴﺎﻧﻪ .. ﺍﻟﺨﻴﺎﻧﻪ .. ﺍﻟﺨﻴﺎﻧﻪ ...
ﻭﻳﻦ ﻣﺎﺗﻘﺒﻞ ﺗﻠﻘﺎﻫﺎ ﻗﺪﺍﻣﻬﺎ ..
ﻃﻮﻝ ﺩﻣﻮﻋﻬﺎ ﻧﺰﻟﻮﺍ ﻭﻗﺎﻟﺖ : ﻣﺎﺃﺣﻘﺮﻫﻢ ﺍﻟﺮﺟﺎﻟﻪ ﻣﺎﺃﺣﻘﺮﻫﻢ ﻳﺎﺭﺑﻲ !! ﻳﺤﺴﺴﻮﻙ ﺍﻥ ﻣﺎﻓﻲ ﻗﺒﻠﻚ ﻭﻻﺑﻌﺪﻙ ﻭﺍﻧﻚ ﻛﻞ ﺷﻲ ﻋﻨﺪﻫﻢ ﻭﺍﻧﺘﻲ ﺗﺼﺪﻗﻲ ﻭﺗﻐﻔﻠﻲ ﻭﺗﻮﻟﻲ ﻛﻴﻒ ﺍﻟﻐﺒﻴﻪ ﻭﻫﻤﺎ ﻭﺍﺧﺪﻳﻦ ﺭﺍﺣﺘﻬﻢ ﻣﻦ ﻭﺭﺍﻙ ... ﻭﻳﻌﺮﻓﻮﺍ ﻣﻌﺎﻙ ﺑﺪﺍﻝ ﺍﻟﻮﺣﺪﻩ ﻣﻴﻪ ... ﻣﺤﻘﺮﻫﻢ ﻳﺎﺭﺑﻲ ﻣﺤﻘﺮﻫﻢ ..
ﻏﺎﻟﻴﻪ ﺣﺴﺖ ﺭﺩﺓ ﻓﻌﻞ ﺭﺯﺍﻥ ﻗﻮﻳﻪ ﻫﻠﺒﻪ ﻭﻓﻨﻈﺮﻫﺎ ﻣﺒﺎﻟﻎ ﻓﻴﻬﺎ .. ﺷﻜﺖ ﺍﻥ ﻓﻲ ﺷﻲ ﺗﺎﻧﻲ ﻣﺨﻠﻴﻬﺎ ﺗﺒﻜﻲ ﺣﺘﻰ ﺍﻟﺒﻜﻲ ..
ﻏﺎﻟﻴﻪ : ﺭﺯﺍﻥ ﺷﻦ ﻓﻲ؟؟
" ﺻﺒﺎﺡ ﺍﻟﺨﻴﺮ .."
ﺷﺒﺤﻮﻟﻪ ...
ﻫﻮ ﺷﺎﻓﻬﺎ ﻟﻘﺎﻫﺎ ﺗﺒﻜﻲ ﻗﺎﻝ : ﺳﻤﻌﺘﻮﺍ ﺷﻜﻠﻜﻢ ..
ﺭﺯﺍﻥ ﺑﺤﻘﺪ ﻭﺩﻣﻮﻋﻬﺎ ﻳﻨﺰﻟﻮﺍ : ﺍﻳﻪ ﺳﻤﻌﻨﺎ ﻭﻋﺮﻓﻨﺎ ﺍﻥ ﻣﺎﻓﻲ ﺷﻲ ﻳﺪﺭﻕ ﻛﻠﻪ ﺳﻴﻮﺭﻩ ﻳﺒﺎﻥ .. ﻭﻣﺸﺖ ﺑﺘﻄﻠﻊ ...
ﻓﺎﺗﺖ ﻣﻦ ﺣﺪﺍﻩ ... ﻫﻮ ﻳﺘﺒﻊ ﻓﻴﻬﺎ ﺑﻨﻈﺮﺍﺕ ﻋﻴﻮﻧﻪ ﺍﻟﻤﺼﺪﻭﻣﻪ ..
ﻏﺎﻟﻴﻪ : ﻋﻤﺎﺩ ...
ﺷﺒﺢ ﻟﺨﺎﻟﺘﻪ ..
ﻏﺎﻟﻴﻪ : ﺻﺎﻳﺮﺓ ﺣﺎﺟﻪ ﻳﺎﻋﻤﺎﺩ؟ .
ﻫﻮ ﻗﺪﻡ ﻭﺧﺶ ..
ﻋﻤﺎﺩ : ﻛﻴﻒ ﻳﻌﻨﻲ ﺣﺎﺟﻪ ﺯﻱ ﺷﻨﻲ؟
ﻏﺎﻟﻴﻪ ﺑﺠﺪﻳﻪ : ﻋﻤﺎﺩ ... ﺭﺩ ﺑﺎﻟﻚ ﺗﻜﻮﻥ ﻭﻟﻴﺖ ﻟﺴﺮﻳﺒﻚ ﺍﻷﻭﻝ ..
ﻋﻤﺎﺩ : ﺳﺮﻳﺐ ﺷﻨﻮ ﻳﺎﺧﺎﻟﺘﻲ ﺭﺑﻲ ﻳﻬﺪﻳﻚ .. ﻏﻴﺮ ﻓﻬﻤﻴﻨﻲ ﺷﻦ ﺻﺎﻳﺮ ﻫﻲ ﻋﻼﺵ ﻛﻠﻤﺘﻨﻲ ﻫﻜﻲ .. ﻗﺎﻟﺘﻠﻚ ﺣﺎﺟﻪ؟؟
🍁 ﺧﺎﻑ ﺗﻜﻮﻥ ﺭﺯﺍﻥ ﺳﻤﻌﺖ ﻋﻦ ﺷﻲ ﺍﻭ ﻋﺮﻓﺖ ﺑﺸﻲ ﻣﻦ ﺣﻜﺎﻳﻪ ﺣﺴﺎﺏ ﻧﺎﻫﺪ ﻭﻣﻨﺸﻮﺭﺍﺗﻬﺎ 🍁
ﺗﻨﻬﺪﺕ ﻏﺎﻟﻴﻪ ﻭﻗﺎﻟﺖ : ﻻ ﻣﺎﻗﺎﻟﺖ ﺷﻲ .. ﺑﺲ ﺭﺩﺓ ﻓﻌﻠﻬﺎ ﻋﻦ ﺍﻟﻠﻲ ﺳﻤﻌﺎﺗﻪ ﻛﺎﻧﺖ ﻗﻮﻳﻪ ﺑﺰﺍﻳﺪ .. ﺣﺴﻴﺖ ﺍﻥ ﻓﻲ ﺷﻲ ..
ﻋﻤﺎﺩ : ﺍﻗﺴﻢ ﺑﺮﺏ ﺍﻟﻌﺰﺓ ﻓﻴﻮﻡ ﻫﺎﻟﺠﻤﻌﻪ .. ﺍﻥ ﺷﺎﺀ ﺍﻟﻠﻪ ﻧﺘﺮﺯﺍ ﻓﺸﺒﺢ ﻋﻴﻮﻧﻲ ﻛﺎﻥ ﺭﻭﻭﺍ ﻣﻌﺎﻫﺎ ﻭﺣﺪﻩ ﺗﺎﻧﻴﻪ ..
ﻏﺎﻟﻴﻪ : ﺑﻌﻴﺪ ﺍﻟﺴﻮ ...
ﻋﻤﺎﺩ ﺗﻨﻬﺪ ﺿﻴﻖ .. ﻭﻣﺴﺢ ﺑﺈﻳﺪﻳﻪ ﺍﻟﺰﻭﺯ ﻉ ﻟﺤﻴﺘﻪ ﻭﻗﺎﻝ؛ﺗﻌﺮﻓﻲ ﻳﺎﻏﺎﻟﻴﻪ ﻟﻮ ﻛﺎﻥ ﻳﺮﺟﻊ ﺑﻴﺎ ﺍﻟﻮﻗﺖ ﻣﺎﻛﻨﺖ ﻋﺮﻓﺖ ﻭﺣﺪﻩ ﻓﺤﻴﺎﺗﻲ ﻏﻴﺮﻫﺎ ... ﺭﺍﻧﻲ ﻣﺎﻗﻌﺪﺗﺶ ﻧﻌﺎﻧﻲ ﺗﻮﺍ ﻣﻌﺎﻫﺎ ..
ﻏﺎﻟﻴﻪ : ﺍﻫﻢ ﺷﻲ ﺍﻟﻮﺍﺣﺪ ﻳﺘﻌﻠﻢ ﻣﻦ ﺍﻟﺨﻄﺎ ﻣﺘﺎﻋﻪ ﻭﻣﺎﻳﻌﺎﻭﺩﻩ ..
ﻧﺰﻝ ﻋﻴﻮﻧﻪ ﻭﻫﺰ ﺭﺍﺳﻪ ﺑﺈﻳﺠﺎﺏ ..
ﺷﺒﺤﺖ ﻏﺎﻟﻴﻪ ﻟﻠﺮﺧﺎﻣﻪ ﻟﻘﺖ ﺍﻟﻄﺎﺟﻴﻦ ﻣﺤﻄﻮﻁ ﻉ ﺍﻟﺮﺧﺎﻣﻪ ..
ﻗﺮﺑﺘﻠﻪ ﻭﺣﻮﻟﺖ ﻋﻨﻪ ﺍﻟﺴﻠﻔﺮ ﺿﺤﻜﺖ ﻭﻗﺎﻟﺖ : ﺍﻧﺖ ﺍﻣﺲ ﻓﺸﻦ ﻗﻠﺖ ﺧﺎﻃﺮﻙ ..
ﺭﻓﻊ ﺣﻮﺍﺟﺒﻪ ﻭﻗﺪﻡ ﻟﻠﻄﺎﺟﻴﻦ ﻭﺷﺎﻑ ﺍﻟﻠﻲ ﻓﻴﻪ ..
ﺍﺭﺗﺴﻤﺖ ﻉ ﻭﺟﻬﻪ ﺍﺑﺘﺴﺎﻣﻪ ﺗﺸﻊ ﻋﺸﻖ 💓 ﻭﻗﺎﻝ : ﺑﺴﻮﺳﻪ ﺑﺎﻟﻘﺸﻄﻪ ..
ﺿﺤﻜﺖ ﻏﺎﻟﻴﻪ .. ﻭﻫﻮ ﻳﺘﺄﻣﻞ ﻓﻲ ﺍﻟﺒﺴﺒﻮﺳﻪ ﻭﺧﻼﺹ ..💓
🍁🍁🍁🍁
ﺣﻴﻪ ﻋﻠﻴﻪ !!
ﻧﻮﺭ : ﻫﻬﻬﻬﻬﻬﻬﻪ ..
ﺩﻻﻝ ﺿﺮﺑﺘﻬﺎ ﻉ ﺭﺟﻠﻬﺎ : ﺷﻦ ﻳﻀﺤﻚ ﻓﻴﻚ ..
ﻧﻮﺭ ﺑﻀﺤﻜﻪ : ﻣﻦ ﺍﻟﺼﺪﻣﻪ .. ﺧﺎﻟﻲ ﺣﻤﻴﺪ !!
ﻧﻌﻴﻤﻪ ﻭﻫﻲ ﺗﺼﺐ ﻓﻲ ﺍﻟﺸﺎﻫﻲ : ﻟﺘﻮﺍ ﻣﺶ ﻣﺼﺪﻗﻪ ..
ﺩﻻﻝ : ﻭﺣﻤﺰﺓ ﻫﺪﺍ ﻣﺎﺻﺪﻕ ﻳﺸﻮﻑ ﺣﺎﺟﻪ ﻳﻨﺸﺮﻫﺎ ﻓﺎﻟﺪﻧﻴﺎ ﻛﻠﻬﺎ ﻓﻀﺤﻪ ..
ﻧﻌﻴﻤﻪ : ﺣﺘﻰ ﻣﺎﺣﺒﻴﺘﻬﺎﺵ ﺍﻟﺤﺮﻛﻪ ﻣﺘﺎﻋﻪ ...
ﻧﻮﺭ ﺑﻀﺤﻜﻪ : ﻭﻭﻭﻩ ﻋﻠﻴﻪ ﻛﺎﻥ ﺗﻨﺪﺭﻱ ﻣﺮﺗﻪ ﻳﺎﻧﻬﺎﺭﺍﺗﻪ ﺍﻟﺴﻮﺩ ..
ﻧﻌﻴﻤﻪ : ﻳﺴﺘﺮ ﺍﻟﻠﻪ .. ﺷﺒﺤﺘﻠﻬﻢ .. ﻣﺶ ﺗﻌﺎﻭﺩﻭﺍ ﻟﺒﻮﻛﻢ ..
ﻫﻤﺎ ﻫﺰﻭ ﺭﻭﺳﻬﻢ ﺑﺈﻳﺠﺎﺏ ..
ﺷﻮﻳﻪ ﻭﺧﺶ ﻋﺒﺪﺍﻟﺴﻼﻡ ﻭﻓﻐﻤﺮﻩ ﺍﺳﻴﺎ ﻭﻫﻮ ﻳﻐﻨﻲ : ﺗﺸﻘﺸﻖ ﺍﻟﻄﻴﻮﺭ .. ﻓﺮﺣﺎﻧﺔ ﺑﺎﻟﻨﻮﺭ .. ﺗﻘﻮﻝ ﻓﻲ ﺳﺮﻭﺭ ﻣﺎﺃﺟﻤﻞ ﺍﻟﻀﻴﺎﺀ ..
ﺍﺳﻴﺎ : ﺗﻴﺎﺍﺍﺍﺍ ..
ﺿﺤﻜﻮﺍ ...
🍁🍁🍁🍁
ﻣﻘﻌﻤﺰﻳﻦ ﻉ ﻃﺎﻭﻟﺔ ﺍﻟﻔﻄﻮﺭ ..
ﻳﻔﻄﺮﻭﺍ ﻛﻠﻬﻢ ﻣﺎﻋﺪﺍ ﻫﻲ ﺍﻟﻠﻲ ﻛﺎﻧﺖ ﻣﻀﺎﻳﻘﻪ ﻉ ﺍﻵﺧﺮ ﻣﻦ ﺍﻟﻠﻲ ﺳﻤﻌﺎﺗﻪ ..
ﺍﺳﺘﺎﻗﻀﺖ ﻟﻤﺎ ﺳﻤﻌﺖ ..
" ﻋﺮﺳﻪ ﺍﻟﺘﺎﻧﻲ "
ﻣﺎﻟﻚ ﺑﻀﺤﻜﻪ : ﺣﻲ ﻉ ﺍﻣﻪ ..
ﻣﺮﻭﺍﻥ : ﻫﻬﻬﻬﻬﻬﻪ ﻋﻤﻲ ﻣﺮﻋﻲ ﻫﺪﺍ ﺟﻮ ﻋﻠﻴﻪ ..
ﺳﻌﺪ ﺑﻀﺤﻜﻪ : ﺯﺍﺩﻭ ﻋﻠﻴﻪ ﺍﻟﻔﻠﻮﺱ ..
ﻣﺎﻟﻚ ﺑﻤﺰﺡ : ﺭﺩﻱ ﺑﺎﻟﻚ ﻳﺎﻡ ﺍﻟﺮﺍﺟﻞ ﻭﻳﻦ ﻳﻜﺘﺮﻭﺍ ﻓﻠﻮﺳﻪ ﺗﺸﻴﺎﻥ ﻣﺮﺗﻪ ﻭﻳﻀﻴﺎﻕ ﺣﻮﺷﻪ ..
ﻣﺮﻭﺍﻥ ﺑﻀﺤﻜﻪ : ﻻ ﺍﻟﺤﻮﻳﺞ ﻣﺎﻳﺪﻳﺮﻫﺎﺵ ..
ﺳﻌﺪ : ﺣﻮﻳﺞ ﻋﻴﻨﻚ ﻣﺎﺯﻟﺖ ﺷﺒﺎﺏ ﻭﺍﺻﺢ ﻣﻨﻚ ﻭﻣﻦ ﺧﻮﺗﻚ ﻭﻧﺎﺧﺪ ﺑﺪﺍﻝ ﺍﻟﻮﺣﺪﻩ ﺗﻼﺗﻪ
ﻗﺎﻟﻬﺎ ﺑﺒﺼﺎﺭﺓ ﻭﻣﺶ ﺍﻭﻝ ﻣﺮﺓ ﻳﺒﺼﺮ ﻓﻲ ﺣﺎﺟﻪ ﺯﻱ ﻫﺎﺩﻱ ﻛﻔﺎﻳﻪ ﻛﺎﻧﺖ ﺣﺘﻰ ﻫﻲ ﺗﻤﺸﻲ ﻣﻌﺎﻩ ﻓﻲ ﺍﻟﺒﺼﺎﺭﺓ ﻫﺎﺩﻱ ﻭﻳﻨﺘﻬﻲ ﺍﻟﻜﻼﻡ ﺑﺎﻟﻀﺤﻚ ..
ﻟﻜﻦ ﻫﺎﻟﻤﺮﺓ ..
ﻧﺎﺿﺖ ﻭﻫﻲ ﺗﻘﻮﻝ ﺑﺤﺪﻩ : ﺑﺮﺍ ﺧﻮﺩ ﻣﻦ ﺷﺎﺩﻙ ... ﻭﻣﺸﺖ ﻭﻋﻼﻣﺎﺕ ﺍﻟﻐﻀﺐ ﺑﺎﻳﻨﻪ ﻉ ﻭﺟﻬﻬﺎ ..
ﻫﻤﺎ ﺿﺤﻜﺘﻬﻢ ﺗﻼﺷﺖ ﻭﺗﻔﺎﺟﺌﻮﺍ ﻫﻠﺒﻪ ﻓﺮﺩﺓ ﻓﻌﻠﻬﺎ ..
ﻧﻮﺭﻫﺎﻥ : ﺗﺎﺧﺪ ﻣﺮﺍﺓ ﺗﺎﻧﻴﻪ ﻧﺤﻄﻠﻬﺎ ﺳﻢ ﻓﻲ ﺍﻟﻌﺼﻴﺮ ..
ﻭﻧﺎﺿﺖ ﺑﻌﺼﺒﻴﻪ ﻭﻫﻲ ﻗﺎﺭﻧﻪ ﺣﻮﺍﺟﺒﻬﺎ ﻭﻃﻠﻌﺖ ﻣﻦ ﺣﺪﺍﻫﻢ ..
ﻫﻤﺎ ﺿﺤﻜﻮﺍ ﺑﺼﺪﻣﻪ ..
ﺑﺲ ﻣﻊ ﺫﻟﻚ ﺳﻌﺪ ﻭﺟﻌﺎﺗﻪ ﺭﺩﺓ ﻓﻌﻞ ﻛﻔﺎﻳﻪ ﻭﻣﺴﺘﻐﺮﺑﻬﺎ ﻫﻠﺒﻪ ..
🍁🍁🍁🍁
ﺣﻮﻟﺖ ﺍﻟﻘﻔﺎﺯﺍﺕ ﺑﻌﺪ ﻏﺴﻠﺖ ﺍﻟﻤﺎﻋﻴﻦ ﻭﻧﺸﺮﺗﻬﻢ ﻓﻲ ﺍﻟﺮﻭﺷﻦ ..
ﺑﻌﺪﻳﻦ ﺣﻮﻟﺖ ﺍﻟﻤﺮﻗﻪ ﻭﻋﻠﻘﺘﻬﺎ ..
ﻭﻣﺸﺖ ﻃﻠﻌﺖ ﻣﻦ ﺍﻟﻜﻮﺟﻴﻨﻪ ...
ﻟﺪﺍﺭ ﺍﻟﻨﻮﻡ ..
ﻛﻴﻒ ﻛﺎﻥ ﻣﻜﻤﻞ ﺣﻤﻴﺪ ﻭﻗﺘﻬﺎ ﻗﺮﺍﻳﺔ ﺳﻮﺭﺓ ﺍﻟﻜﻬﻒ ..
ﺷﺒﺤﻠﻬﺎ ﻭﻗﺎﻝ : ﺷﻦ ﺍﻟﻐﺪﻱ ﺍﻟﻴﻮﻡ ..
ﻟﻄﻴﻔﻪ ﻭﻫﻲ ﺍﻃﻠﻊ ﻓﺤﻮﺍﻳﺞ ﺑﺶ ﻗﺎﻟﺖ : ﺑﺎﺯﻳﻦ ..
ﺣﻤﻴﺪ : ﺗﻮ ﺍﻧﻲ ﻣﺶ ﻗﺎﻳﻠﻚ ﺍﻟﺠﻤﻌﻪ ﺍﻟﻠﻲ ﻓﺎﺗﺖ ﺧﻠﻴﻪ ﻛﺴﻜﺴﻲ ﺍﻟﺠﻤﻌﻪ ﺍﻟﺠﺎﻳﻪ ..
ﻟﻄﻴﻔﻪ : ﺍﻟﻜﺴﻜﺴﻲ ﻣﺶ ﺻﺤﻲ ..
ﺣﻤﻴﺪ : ﻣﺶ ﺻﺤﻲ ﻟﻜﻦ ﺍﻧﻲ ﻭﺻﻐﺎﺭﻙ ﺧﺎﻃﺮﻧﺎ ﻓﻴﻪ ﻣﻠﻴﻨﺎ ﻣﻦ ﺍﻟﺮﺯ ﺍﻷﺑﻴﺾ ﻭﺍﻟﻤﺎﻛﻠﻪ ﺍﻟﻠﻲ ﻻﻓﻴﻬﺎ ﺭﻳﺤﻪ ﻭﻻﻃﻌﻢ ..
ﺍﻟﺘﻔﺘﺖ ﻭﻗﺎﻟﺖ : ﺍﻧﺖ ﺑﺎﻟﺬﺍﺕ ﻣﻔﺮﻭﺽ ﻣﺎﺗﻘﻮﻟﺶ ﻫﻜﻲ ﺭﻛﺰ ﻉ ﺭﻭﺣﻚ ﺭﺍﻙ ﻛﺒﺮﺕ ﻣﻔﺮﻭﺽ ﺗﺮﺩ ﺑﺎﻟﻚ ﻣﻦ ﺣﻜﺎﻳﻪ ﺍﻟﺴﻜﺮ ﻭﺍﻟﻀﻐﻂ ﻭﺍﻟﻘﻠﺐ ﺗﺠﻨﺐ ﺗﻨﺼﺎﺏ ﺑﺎﻷﻣﺮﺍﺽ ﺍﻟﻤﺰﻣﻨﻪ ﻫﺎﺩﻱ ﺍﻟﻠﻲ ﺗﻜﺘﺮ ﺍﻹﺻﺎﺑﻪ ﺑﻴﻬﺎ ﻓﻲ ﻋﻤﺮﻙ ﺗﻮﺍ ..
ﺣﻤﻴﺪ ﺭﻓﻊ ﺣﻮﺍﺟﺒﻪ ﻭﻗﺎﻝ : ﺗﺸﻮﻓﻲ ﻓﻴﺎ ﻓﻲ 70 ؟ !!
ﻟﻄﻴﻔﻪ ﻭﻫﻲ ﺍﻃﻠﻊ ﻓﻲ ﻣﻨﻈﻔﺎﺗﻬﺎ : ﻋﻤﺮﻙ 50 ﺭﺍﻫﻮ ﻣﻌﺎﺵ ﻣﺎﺯﺍﻟﻚ ﺷﻲ ﻉ ..70
ﺣﻤﻴﺪ ﻭﻫﻮ ﻳﺸﻮﻓﻠﻬﺎ ﺧﻄﺮ ﻋﻠﻴﻪ ﺣﻮﺍﺭ ﺩﺍﺭ ﺑﻴﻨﻪ ﻭﺑﻴﻦ ﻏﺰﻻﻥ ﺍﻟﻴﻮﻡ ﺍﻟﻠﻲ ﻗﺒﻠﻪ ..
⚡ ﻓﻼﺵ ﺑﺎﻙ ..
ﺣﻤﻴﺪ ﺑﺈﺑﺘﺴﺎﻣﻪ : ﻳﺎﻏﺰﻳﻠﻪ ﺍﻧﺘﻲ ﻛﻞ ﻣﺎﺗﺰﻳﺪﻱ ﺗﻜﺒﺮﻱ ﺗﺰﻳﺪﻱ ﺗﺼﻐﺮﻱ ..
ﺿﺤﻜﺖ ﻏﺰﻻﻥ ..
ﺣﻤﻴﺪ : ﺍﻧﻲ ﺍﻟﻠﻲ ﻗﺎﻋﺪ ﻧﻜﺒﺮ ﻣﺶ ﺍﻧﺘﻲ ..
ﻏﺰﻻﻥ : ﺑﺎﻟﻌﻜﺲ ﺣﺒﻴﺒﻲ ﻧﻬﺎﺋﻲ ﻣﺎﺷﺎﺀ ﺍﻟﻠﻪ ﺟﺬﺍﺏ ﻫﻠﺒﻪ ﻭﻻ ﺷﺒﺎﺏ ﺍﻟﻌﺸﺮﻳﻨﺎﺕ .. ﺍﺳﺎﺳﺎ ﺍﺣﻼ ﺳﻦ ﻟﻠﺮﺍﺟﻞ ﺍﻷﺭﺑﻌﻴﻦ ﻭﺍﻟﺨﻤﺴﻴﻦ ﻳﺒﺪﺍ ﻛﻠﻪ ﻧﻀﻮﺝ ﻭﻳﺰﻳﺪﻭﻩ ﺍﻟﺘﺠﺎﻋﻴﺪ ﻭﺍﻟﺸﻴﺐ ﺟﺎﺫﺑﻴﻪ ..
ﺣﻤﻴﺪ ﺑﻀﺤﻜﻪ : ﺭﺑﻲ ﻳﺠﺒﺮ ﺑﺨﺎﻃﺮﻙ .
ﻏﺰﻻﻥ ﺑﻀﺤﻜﻪ : ﻣﺶ ﺟﺒﺮ ﺧﺎﻃﺮ .. ﻫﺪﺍ ﺍﻟﺤﻖ ﺣﺒﻴﺒﻲ ...
⚡ ﺍﻟﻮﻗﺖ ﺍﻟﺤﺎﺿﺮ ..
ﻟﻄﻴﻔﻪ : ﻛﺎﻥ ﺧﺎﻃﺮﻙ ﻓﻲ ﺍﻟﻜﺴﻜﺴﻲ ﺗﻮ ﻧﻘﻮﻝ ﻷﺧﺘﻲ ﺗﺒﻌﺘﻠﻨﺎ ﻣﻦ ﻏﺪﺍﻫﺎ ﺩﺍﻳﺮﺍﺗﻪ ﺍﻟﻴﻮﻡ ﻫﻲ ..
ﺣﻤﻴﺪ : ﺗﺲ ﻣﺶ ﻻﺯﻡ .. ﻧﺎﻛﻠﻮﺍ ﺑﺎﺯﻳﻦ ..
ﺍﺑﺘﺴﻤﺖ ﻟﻄﻴﻔﻪ ﻭﺧﺪﺕ ﺣﻮﺍﻳﺠﻬﺎ ﻭﻣﺸﺖ ﻟﻠﺤﻤﺎﻡ ..
ﻭﻫﻮ ﻃﻠﻊ ﻣﻦ ﺍﻟﺪﺍﺭ ﻃﻮﻝ ..
ﻭﻫﻮ ﻣﺎﺷﻲ ﻟﻘﺎﻩ ﻭﻟﺪﻩ ﻗﻴﺲ ..
ﻗﻴﺲ : ﻫﺎﻩ ﺷﻦ ﺻﺎﺭ ﻣﻌﺎﻙ ..
ﺿﺤﻚ ﺣﻤﻴﺪ ﻭﻗﺎﻝ : ﺑﺎﺯﻳﻦ ﻳﻌﻨﻲ ﺑﺎﺯﻳﻦ ..
ﻗﻴﺲ ﺑﻀﻴﻖ : ﺇﻳﺎﺍﺍﺡ .. ﺍﻧﻲ ﺑﻨﻤﺸﻲ ﻧﺘﻐﺪﺍ ﻓﺤﻮﺵ ﺧﺎﻟﺘﻲ ﻭﺧﻼﺹ ..
ﻣﺸﻲ ﻭﻫﻮ ﻣﺘﻌﻔﻠﻖ ﻭﺣﻤﻴﺪ ﻳﻀﺤﻚ ﻋﻠﻴﻪ ..
ﻉ ﺟﻴﺔ ﺭﻓﻘﻪ : ﻣﺎﻣﺎ ﻣﺸﺖ ﻛﻠﻤﺘﻬﺎ ..
ﺣﻤﻴﺪ : ﻛﻤﺎ ﻫﻮ ﻣﻌﺮﻭﻑ ...
ﺭﻓﻘﻪ ﺑﻀﺤﻜﻪ : ﻛﻠﻪ ﻉ ﺧﺎﻃﺮ ﺭﺟﻴﻤﻬﺎ ﺭﺍﻫﻮ ..
ﺣﻤﻴﺪ : ﻫﻬﻬﻬﻬﻪ .. ﻋﺎﺭﻓﻬﺎ ﻋﺎﺭﻑ ...
🍁🍁🍁🍁🍁
ﺧﺒﺮ ﺯﻭﺍﺝ ﺣﻤﻴﺪ ﺍﻟﺘﺎﻧﻲ ..
ﺳﻤﻌﺖ ﺑﻴﻪ ﺍﻣﻪ .. ﻭﺧﻮﺗﻪ ﺍﻟﻮﻻﺩ ..
ﻛﻠﻬﻢ ﺍﻧﺼﺪﻣﻮﺍ ﻣﺎﻋﺪﺍ ..
ﻫﺎﻧﻴﺒﺎﻝ : ﻣﺎﺗﻔﺎﺟﺌﺘﺶ ..
ﻋﻤﺮ : ﻟﻴﺶ ؟
ﻫﺎﻧﻴﺒﺎﻝ : ﺣﻤﻴﺪ ﺭﺍﻫﻮ ﻣﺶ ﻋﺎﻳﺶ ﻣﻦ ﺍﻷﺧﻴﺮ ﺍﻧﻲ ﻧﺸﻮﻑ ﺑﻌﻴﻨﻲ ﻭﻧﻔﻬﻢ ..
ﻋﻤﺮ : ﻉ ﺧﺎﻃﺮ ﻣﻴﻼﺩ ﻭﺍﻟﻬﺎﺩﻱ ﻋﺎﻳﺸﻴﻦ ..
ﻫﺎﻧﻴﺒﺎﻝ : ﻣﻴﻼﺩ ﻭﺍﻟﻬﺎﺩﻱ ﺣﻴﺎﺗﻬﻢ ﻣﺮﺓ ﻫﻜﻲ ﻭﻣﺮﺓ ﻫﻜﻲ .. ﻟﻜﻦ ﺣﻤﻴﺪ ﺣﻴﺎﺗﻪ ﻣﺎﺷﻴﻪ ﻉ ﻧﻔﺲ ﺍﻟﺨﻂ .. ﻭﻃﺒﻊ ﺣﻤﻴﺪ ﻳﺴﺎﻳﺮ ﻭﻳﺪﻳﺮ ﻣﺎﻳﺒﻲ ..
ﻋﻤﺮ : ﻭﻋﻨﺪﻩ ..
ﻫﺎﻧﻴﺒﺎﻝ : ﺗﺲ .. ﻣﺶ ﻫﻜﻲ ﺍﻟﻘﺼﻪ .. ﺗﻌﺮﻑ ﺍﻟﺮﺍﺟﻞ ﻟﻤﺎ ﻳﻨﻮﻯ ﻳﺎﺧﺪ ﻉ ﻣﺮﺗﻪ ﻳﺎﺧﺪ ﺣﺘﻰ ﻓﻲ ﺩﺍﺭ ﺍﻳﺠﺎﺭ ..
ﻋﻤﺮ ﺑﻀﺤﻜﻪ : ﺻﺪﻗﺖ .. ﻳﺎﻳﺎﺧﺪ ﻳﺎﻳﺨﻮﻥ ..
ﺍﺑﺘﺴﻢ ﻫﺎﻧﻴﺒﺎﻝ ﺇﺑﺘﺴﺎﻣﻪ ﺟﺎﻧﺒﻴﻪ ..
ﻋﻤﺮ : ﻟﻜﻦ ﺧﺎﻃﺮﻱ ﻧﻔﻬﻢ ﺍﻟﺸﻴﻄﺎﻥ ﻫﺪﻯ ﻛﻴﻒ ﻗﺪﺭ ﻳﺪﺭﻗﻬﺎ ﺳﻨﻴﻦ ﻭﻫﻮ ﻣﺴﻜﻨﻬﺎ ﻓﻲ ﻧﻔﺴﻪ ﺍﻟﻤﻨﻄﻘﻪ ..
ﻫﺎﻧﻴﺒﺎﻝ : ﺷﻜﻠﻪ ﻣﺮﺗﻪ ﺍﻟﺘﺎﻧﻴﻪ ﻣﺮﺍﺓ ﻃﻴﺒﻪ ﻭﺍﺟﺪ ﻭﻣﺴﺎﻋﺪﺍﺗﻪ ﺍﻧﻪ ﻳﺪﺭﻗﻬﺎ ..
ﻋﻤﺮ ﺿﺤﻚ ﻭﻗﺎﻟﺖ : ﺣﻖ ﻭﺍﻟﻠﻪ ..
ﻉ ﺟﻴﺔ ﻣﻴﻼﺩ ﻭﺍﻟﻬﺎﺩﻱ ﻭﻣﺆﻧﺲ ﻭﺍﻳﻤﻦ ﻭﻣﺤﻤﺪ ﻭﻋﻤﺎﺩ ..
ﻣﻴﻼﺩ : ﻫﻴﺎ ..
ﻫﺎﻧﻴﺒﺎﻝ : ﻫﻲ ..
ﻣﺸﻮﺍ ﻣﻊ ﺑﻌﻀﻬﻢ ﻟﻠﺠﺎﻣﻊ ...
ﻣﺤﻤﺪ : ﻭﺍﻟﻠﻪ ﻓﻴﻪ ﺍﻟﺨﻴﺮ ﺟﺎﺭﻛﻢ ﻫﺪﻯ ...
ﻣﺆﻧﺲ : ﻛﺒﻴﺮﺓ ﻣﻨﻪ ﻭﻋﻤﺮﻧﺎ ﻣﺎﻧﻨﺴﻮﻫﺎ ..
ﻫﺎﻧﻴﺒﺎﻝ : ﻋﻦ ﺷﻦ ﺗﺤﻜﻮﺍ ..
ﻣﺤﻤﺪ : ﺟﺎﺭﻫﻢ ﻓﺴﺮﺕ ﺣﺎﻓﻈﻠﻬﻢ ﻉ ﺣﻴﺎﺷﻬﻢ ﻭﻣﺰﺭﻋﺘﻬﻢ ﻭﻗﺎﻟﻠﻬﻢ ﻟﻮ ﻳﺒﻮﺍ ﻳﺒﻴﻌﻬﻢ ﻭﻳﻌﻄﻴﻬﻢ ﺣﻘﻬﻢ ..
ﻫﺎﻧﻴﺒﺎﻝ : ﺷﻦ ﻗﺘﻮﻟﻪ ..
ﻣﺆﻧﺲ : ﺧﺪﻳﺖ ﺍﺫﻥ ﺟﺪﻱ ﺍﻣﺲ ﻣﻨﻴﻦ ﻛﻠﻤﺘﻪ ﻭﻗﺎﻝ ﺩﻳﺮ ﺍﻟﻠﻲ ﻳﻌﺠﺒﻚ ..
ﻣﻴﻼﺩ : ﻉ ﻫﻜﻲ ﻣﺎﺯﺍﻝ ﻣﻮﻟﻴﻴﻦ ﻟﺴﺮﺕ ..
ﻣﺆﻧﺲ : ﺍﻫﺎ .. ﺍﻟﺴﺒﻮﻉ ﺍﻟﺠﺎﻱ ..
ﻋﻤﺎﺩ : ﻋﻨﺪﻛﻢ ﻭﺭﺍﻕ ..
ﻣﺆﻧﺲ : ﺍﻳﻪ ﻛﻞ ﺷﻲ ﻣﻌﺎﻱ ﺍﻧﻲ ﻣﻄﻠﻌﻪ ..
ﻋﻤﺎﺩ : ﻛﻮﻳﺲ ..
ﻃﻠﻌﻮﺍ ﻣﻦ ﺍﻟﻘﻄﻌﻪ ..
ﻭﻛﻤﻠﻮﺍ ﻫﺪﺭﺯﺗﻬﻢ ﻟﻌﻨﺪ ﻣﺎﻭﺻﻠﻮﺍ ﻟﻠﺠﺎﻣﻊ ..
🍁🍁🍁🍁🍁
ﺯﻭﺍﺝ ﺍﻟﺮﺍﺟﻞ ﻉ ﻣﺮﺗﻪ ﺳﺮﺍ ﺍﻭ ﻋﻠﻨﺎ ...
ﻣﻮﺿﻮﻉ ﺣﺴﺎﺱ ﻭﻣﺎﻓﻴﺶ ﻣﺮﺍﺓ ﺗﻘﺒﻠﻪ ..
ﺑﺎﻟﺬﺍﺕ ﻟﻤﺎ ﻳﺒﺪﺍ ﺍﻟﻈﺎﻫﺮ ﻟﻠﺠﻤﻴﻊ ﺍﻥ ﻣﺮﺗﻪ ﻣﺮﺍﺓ ﻛﻮﻳﺴﻪ ﻭﻣﺶ ﻣﻨﻘﺼﻪ ﻋﻠﻴﻪ ﺷﻲ ..
ﺍﻟﻨﻘﻤﻪ ﻛﻠﻬﺎ ﺗﻨﺰﻝ ﻉ ﺍﻟﺮﺍﺟﻞ ﻭﻳﻨﻌﺖ ﺑﺄﺑﺸﻊ ﺍﻟﺼﻔﺎﺕ ﻭﻛﺈﻧﻪ ﺍﺭﺗﺪ ﻋﻦ ﺩﻳﻨﻪ ..
ﺍﻱ ﻧﻌﻢ .. ﺍﻟﺮﺍﺟﻞ ﺍﻟﻠﻲ ﻳﺎﺧﺪ ﻉ ﻣﺮﺗﻪ ﺑﺶ ﻳﺸﺒﻊ ﻏﺮﺍﻳﺰﻩ ﺑﺲ ﻫﺪﺍ ﻻﻋﺬﺭ ﻟﻪ ﻭﻻ ﻣﺒﺮﺭ ..
ﻣﻦ ﻭﺟﻬﺔ ﻧﻈﺮ ﺧﺎﺻﻪ ﻧﺸﻮﻑ ﺍﻥ ﺭﺑﻲ ﺣﺘﻰ ﻟﻤﺎ ﻓﺮﺽ ﺍﻟﺰﻭﺍﺝ ﺏ 2 ﻭ 3 ﻭ ...4
ﻫﻮ ﻓﻲ ﺍﻟﺤﻘﻴﻘﻪ ﻗﻨﻦ ﺗﻌﺪﺩ ﺍﻟﺰﻭﺟﺎﺕ ﻫﺪﺍﻛﺎ ﺍﻟﻮﻗﺖ ..
ﻻﻧﻬﻢ ﻛﺎﻧﻮﺍ ﻳﺘﺰﻭﺟﻮﺍ ﺑﺎﻟﻌﺸﺮﺓ ﻭﺍﻝ ...15
ﻗﻠﺺ ﺍﻟﻌﺪﺩ .. ﻭﻓﻲ ﻧﻔﺲ ﺍﻟﻮﻗﺖ ﻗﺎﻝ .. ﻭﻟﻦ ﺗﻌﺪﻟﻮﺍ ﻭﻟﻮ ﺣﺮﺻﺘﻢ ..
ﻭﻛﺈﻧﻪ ﻳﺒﻴﻦ ﺍﻥ ﺍﻟﺰﻭﺍﺝ ﻣﻦ ﻭﺣﺪﻩ ﻣﻜﻔﻴﻪ ﻭﻣﻮﻓﻴﻪ ﻣﻌﺎﻙ ﻳﻜﻔﻲ ..
ﻭﻓﻲ ﺍﻟﻨﻬﺎﻳﻪ ﻫﺪﺍ ﻣﺎﻳﺘﻤﺎﺷﻰ ﻣﻊ ﻃﺒﻴﻌﻪ ﺍﻟﺮﺍﺟﻞ ..
ﻗﻠﻴﻞ ﻣﺎﻳﻜﻮﻥ ﻓﻲ ﺭﺍﺟﻞ ﻣﻜﺘﻔﻲ ﺑﻤﺮﺍﺓ ﻭﺣﺪﻩ ﻓﺤﻴﺎﺗﻪ ..
ﻻﻥ ﺍﻟﺮﺍﺟﻞ ﺑﻄﺒﻴﻌﺘﻪ ﺩﻳﻤﺎ ﻳﺤﺲ ﺑﺎﻟﺤﺎﺟﻪ ﻟﻠﻌﻮﺍﻃﻒ ﻟﻺﺣﺘﻮﺍﺀ ﻟﻠﺤﺐ .. ﻟﻠﺸﻲ ﺍﻟﻠﻲ ﻳﻨﻘﺼﻪ ..
ﻭﺍﻟﻤﺮﺍﻩ ﻛﺘﻠﻪ ﻣﻦ ﺍﻟﻌﻮﺍﻃﻒ ﻟﻮ ﻋﺮﻓﺖ ﻛﻴﻒ ﺗﺤﺮﻛﻬﺎ ﺻﺢ ﻭﺗﻮﻇﻔﻬﺎ ﻣﺰﺑﻮﻁ .. ﺣﺘﻤﻠﻚ ﺍﻟﺮﺍﺟﻞ ﺑﻜﻞ ﻣﺎﻓﻴﻪ ﻭﺣﻴﻜﺘﻔﻲ ﺑﻴﻬﺎ ...
ﻭﻟﻮ ﻣﺎﺍﻛﺘﻔﺎﺵ ﻳﺪﻭﺭﻩ ﺑﺮﺍ ...
ﻭﻓﻲ ﺍﻟﻠﻲ ﻣﺎﻳﺪﻭﺭﺵ ﻟﻜﻦ ﻟﻤﺎ ﺗﺠﻴﻪ ﺍﻟﻔﺮﺻﻪ ﻭﺗﻮﻗﻀﻪ ﻟﺤﺎﺟﺘﻪ ﻳﻘﺘﻨﺼﻬﺎ ...
ﻳﻘﻮﻟﻮﺍ ﺍﻟﺮﺍﺟﻞ ﻳﺤﺐ ﺍﻟﺘﺠﺪﻳﺪ ..
ﺍﻳﻪ ﺻﺢ .. ﺑﺲ ﻓﻲ ﺷﻜﻞ ﺍﻟﺤﻴﺎﻩ ﻭﺍﻟﻤﺸﺎﻋﺮ ﻣﺶ ﻓﻲ ﺍﻷﺷﺨﺎﺹ ..
ﻭﺭﺍﻫﻮ ﺍﻟﺮﺍﺟﻞ ﻟﻤﺎ ﺗﻌﻄﻴﻪ ﺍﻟﻤﺮﺍﺓ ﺑﻌﻀﻬﺎ ﻳﻌﻄﻴﻬﺎ ﻛﻠﻪ ..
ﺗﺨﺪﻣﻪ ﺑﺬﻛﺎﺀ ﻭﺣﺐ ... ﻳﻜﻮﻥ ﻟﻴﻬﺎ ﻋﺒﺪ ".. ﺑﻤﻌﻨﻰ ﺍﻟﺮﻕ "
ﺍﻟﺮﺍﺟﻞ ﻳﺒﻲ ﻣﺮﺍﺓ ﺫﻛﻴﻪ ﻭﺑﺲ ...
ﻭﺭﻛﺰﻭﺍ ﺍﻧﻲ ﻗﺎﻋﺪﻩ ﻧﻘﻮﻝ ﺍﻟﺮﺍﺟﻞ ... ﻣﺶ ﺍﻟﺬﻛﺮ ..
ﻓﻲ ﻓﺮﻕ ﻛﺒﻴﺮ ﺑﻴﻨﺎﺗﻬﻢ ...
ﻓﻲ ﻋﺎﻟﻢ ﺍﻟﺘﺤﺮﺭ ﻭﺍﻹﻧﻔﺘﺎﺡ ..
ﺍﻟﻤﺠﺘﻤﻊ ﺍﻟﻐﻴﺮ ﺍﺳﻼﻣﻲ ...
ﺍﻟﺮﺍﺟﻞ ﻣﺎﻳﻌﺪﺩﺵ ﺻﺢ .. ﻟﻜﻦ ﻳﺨﻮﻥ ﻭﻳﺪﻳﺮ ﻋﻼﻗﺎﺕ ﺑﻌﺪﺩ ﺷﻌﺮ ﺭﺍﺳﻪ ﻭﻏﺎﻟﺒﺎ ﻧﺴﺎﻭﻳﻨﻬﻢ ﻳﻌﺮﻓﻮﺍ ﻭﻳﻄﻨﺸﻮﺍ ..
ﺍﻟﺨﻼﺻﻪ ..
🍃 ﺍﻥ ﺍﻟﺮﺍﺟﻞ ﻣﺶ ﺩﻳﻤﺎ ﻳﻜﻮﻥ ﻇﺎﻟﻢ ﻟﻮ ﺧﺎﻥ ﺍﻭ ﺧﺪﻱ ﻉ ﻣﺮﺗﻪ 🍃
🍁 ﻟﻜﻦ ﻟﻤﺎ ﻳﻜﻮﻥ ﻓﻲ ﺭﺍﺟﻞ ﺯﻱ ﺳﻌﺪ ..
ﻓﺮﻓﻮﺵ ﻃﻴﺐ ﻗﻠﺒﻪ ﻛﺒﻴﺮ ﻻﻳﻌﺮﻑ ﻳﻮﺟﻊ ﻭﻻﻳﻜﺴﺮ ﺧﺎﻃﺮ ..
ﻭﺭﺑﻲ ﻳﻠﻤﻪ ﻉ ﺍﻧﺴﺎﻧﻪ ﺗﺸﺒﻬﻠﻪ ﻭﺍﻟﺰﻭﺯ ﻳﺤﺒﻮﺍ ﺑﻌﺾ ﻭﻳﺘﻮﺍﻟﻔﻮﺍ ﻣﻊ ﺑﻌﺾ ﻭﻳﺘﻼﻳﻤﻮﺍ ﻣﻊ ﺑﻌﺾ ﻭﺩﻳﻤﺎ ﻣﺘﻔﺎﻫﻤﻴﻦ ...
ﻭﻓﻜﻞ ﻭﻗﺖ ﻋﺎﻳﺶ ﺍﻟﺤﺐ ﻣﻊ ﻣﺮﺗﻪ ﻣﺎﻋﻨﺪﺍﺵ ﺍﻱ ﺷﻲ ﻳﺪﻓﻌﻪ ﻳﺎﺧﺪ ﻋﻠﻴﻬﺎ ﻭﻻﻳﺸﻮﻑ ﻟﻐﻴﺮﻫﺎ ﺣﺘﻰ ..
ﻟﻜﻦ ﻫﻲ ﻟﻸﺳﻒ ﺍﻟﻠﻲ ﺟﺎﻫﺎ ﺟﺎﻫﺎ ﻟﻤﺎ ﺳﻤﻌﺖ ﺑﻠﻄﻴﻔﻪ ..
ﻓﻲ ﺍﻟﺤﻘﻴﻘﻪ ..
ﻣﻦ ﻧﻬﺎﺭ ﻗﺎﻟﺖ ﺣﻤﻴﺪﻩ ﺍﻟﻠﻲ ﻗﺎﻻﺗﻪ ﻭﻫﻲ ﺩﺍﺳﻪ ﻛﻼﻣﻬﺎ ﻓﻲ ﻋﻘﻠﻬﺎ ﻟﻤﺎ ﺗﻘﻌﻤﺰ ﻣﻊ ﺭﻭﺣﻬﺎ ﺗﻔﻜﺮ ﻓﻴﻪ ﻟﻜﻦ ﻓﻴﺴﻊ ﺗﻄﺮﺩﻩ ﻣﻦ ﺗﻔﻜﻴﺮﻫﺎ ..
ﺧﺼﻮﺻﺎ ﻭﺍﻧﻬﺎ ﺑﺪﺕ ﺗﻼﺣﻆ ﻓﻲ ﺍﻫﺘﻤﺎﻡ ﺳﻌﺪ ﺍﻟﺰﺍﻳﺪ ﺑﻨﻔﺴﻪ ..
ﻭﺍﻥ ﻃﻠﻮﻋﻪ ﻣﻊ ﺻﺤﺎﺑﻪ ﺯﺍﺩ ﺍﻟﻤﺪﻩ ﺍﻷﺧﻴﺮﻩ ...
ﻭﺗﺠﻲ ﺧﺒﺎﺭﺓ ﺣﻤﻴﺪ ... ﻭﺗﺰﻳﺪﻫﺎ ﻉ ﻣﺎﺑﻴﻬﺎ ..
ﺩﺍﺭﺕ ﺍﻟﻐﺪﻱ ﻭﻫﻲ ﻣﺘﻨﻜﺪﻩ .. ﻏﺪﺗﻬﻢ ﻭﻏﺴﻠﺖ ﺍﻟﻤﺎﻋﻴﻦ ﻭﻣﺸﺖ ﻃﻮﻝ ﻟﻠﺪﺍﺭ ..
ﻫﻮ ﺍﺳﺘﻐﺮﺏ ﻓﻴﻬﺎ .. ﺗﻌﻮﺩ ﺑﻴﻬﺎ ﺩﻳﻤﺎ ﺗﻘﻴﻞ ﻣﻌﺎﻩ ﻓﻲ ﺍﻟﺼﺎﻟﻪ ﻉ ﻓﻴﻠﻢ ﻳﺤﺒﻮﻩ ﻫﻤﺎ ﺍﻟﺰﻭﺯ ..
ﺑﺲ ﻫﺎﻟﻤﺮﺓ ﺧﺎﻟﻔﺖ ﻫﺎﻟﻌﺎﺩﻩ ﻷﻭﻝ ﻣﺮﺓ ﻣﻦ 19 ﺳﻨﻪ ﻓﺎﺗﺖ ..
ﻧﺎﺽ ﻭﻣﺸﻲ ﻟﺪﺍﺭ ﺍﻟﻨﻮﻡ ..
ﻭﺻﻞ ﻓﻴﻬﺎ ..
ﻓﺘﺢ ﺍﻟﺒﺎﺏ ﻭﺧﺶ ..
ﺻﻜﺮﻩ ..
ﻣﺸﺎﻟﻬﺎ ..
ﻭﻗﻒ ﻋﻠﻴﻬﺎ ﻭﻫﻲ ﺭﺍﻗﺪﻩ ﻃﺒﺲ .. ﺑﺎﺳﻬﺎ ﻣﻦ ﺧﺪﻫﺎ ..
ﺑﻌﺪ ﻭﻗﺎﻝ : ﻛﻴﻔﻮ ..
ﺭﺩﺕ ﻋﻠﻴﻪ ﻭﻋﻴﻮﻧﻬﺎ ﻣﻐﻤﻀﺎﺕ : ﻫﻤﻤﻢ ..
ﺳﻌﺪ : ﻗﺼﺪﻙ ﺣﺮﺟﺘﻲ ﻣﻨﻲ ﻉ ﺍﻟﻠﻲ ﻗﻠﺘﻪ ﺍﻟﺼﺒﺢ؟ !
ﻣﺎﺑﺘﺶ ﺗﺮﺩ ..
ﻗﺮﺑﻠﻬﺎ ﻭﺑﺎﺳﻬﺎ ﺍﻛﺜﺮ ﻣﻦ ﻣﺮﺓ ﻉ ﺧﺪﻫﺎ ﺑﻌﺪﻳﻦ ﺑﻌﺪ ﻭﻗﺎﻝ : ﺍﺳﻒ ..
ﻫﻲ ﻓﺘﺤﺖ ﻋﻴﻮﻧﻬﺎ ﺗﻨﻬﺪﺕ ﻭﻗﺎﻟﺖ : ﺍﻧﻲ ﺗﻌﺒﺎﻧﻪ ﺷﻮﻱ ﺍﻟﻴﻮﻡ ﻭﺟﻮﻱ ﻣﻠﺨﺒﻂ ﻣﺎﺗﺤﻄﺶ ﻓﺒﺎﻟﻚ ..
ﺍﺑﺘﺴﻢ ﻭﻗﺎﻝ : ﺑﻌﻴﺪ ﺍﻟﺴﻮ ﻉ ﻋﺰﻭﺯﺗﻲ ﺍﻟﺴﻤﺤﻪ ... ﺍﺭﻗﺪﻱ ﻳﺎﻏﻼﻱ ﻭﺍﻧﻲ ﺗﻮ ﻧﺮﻗﺪ ﺣﺪﺍﻙ ..
ﻫﻲ ﺍﺑﺘﺴﻤﺖ ... ﻫﻮ ﺿﺤﻚ ..
ﻭﻣﺸﻲ ﻣﻦ ﺍﻟﺠﻬﺔ ﺍﻟﺘﺎﻧﻴﻪ ﺗﻤﺪﺩ ﻉ ﺍﻟﺴﺮﻳﺮ ..
ﺍﻟﺘﻔﺘﺘﻠﻪ ..
ﻗﺮﺑﻬﺎ ﻟﻴﻪ ﻭﺧﺪﺍﻫﺎ ﻓﺤﻀﻨﻪ ﻭﺭﻗﺪﻭﺍ ﺍﻟﺰﻭﺯ ﻣﻊ ﺑﻌﺾ 💕..
🍁🍁🍁🍁
ﻣﺎﺗﻘﻮﻟﻴﻠﻴﺶ ﺧﻴﺮﻙ ﻣﻦ ﺑﻜﺮﻱ ﺗﺸﺒﺤﻴﻠﻲ ﻫﻜﻲ؟
ﺯﻳﻨﺐ ﺑﺮﻓﻌﺔ ﺣﺎﺟﺐ : ﻧﺴﺄﻟﻚ ﺳﺆﺍﻝ ﺗﺠﺎﻭﺑﻨﻲ ﺑﺼﺪﻕ ﻭﺻﺮﺍﺣﻪ ...
ﺧﻴﺮﻱ ﺑﻀﺤﻜﻪ : ﺍﺳﺄﻟﻲ ..
ﺯﻳﻨﺐ؛ﻧﺘﻜﻠﻢ ﺟﺪﻳﺎﺕ ..
ﺧﻴﺮﻱ : ﺣﺘﻰ ﺍﻧﻲ ﺟﺪﻱ ﻭﻋﻤﻲ ﻭﺧﺎﻟﻲ ﻫﻲ ﺍﺣﻜﻲ ..
ﺯﻳﻨﺐ ﺑﻀﺤﻜﻪ : ﻣﺼﻤﺘﻚ .. ﺍﻟﻤﻬﻢ ﺗﻮﺍ ﺧﻠﻴﻨﺎ ﻓﻲ ﺍﻟﺠﺪ ..
ﺧﻴﺮﻱ : ﻳﺎﻭﺩﻱ ﺧﺸﻲ ﻓﻲ ﺍﻟﻤﻮﺿﻮﻉ ﻃﻮﻝ ﻭﺭﻳﺤﻴﻨﺎ ..
ﺯﻳﻨﺐ : ﺍﻣﻤﻢ ﺑﺎﻫﻲ .. ﺗﻘﺪﺭﺗﺎﺧﺪ ﻋﻠﻴﺎ ﻭﺣﺪﻩ ﺗﺎﻧﻴﻪ؟ .
ﺧﻴﺮﻱ : ﻫﻬﻬﻬﻬﻬﻬﻬﻬﻬﻬﻬﻬﻬﻬﻪ ..
ﺯﻳﻨﺐ ﺑﺘﻔﻨﻴﺼﻪ : ﻧﺘﻜﻠﻢ ﺟﺪ ﺭﺍﻫﻮ ..
ﺧﻴﺮﻱ ﺑﻀﺤﻜﻪ : ﺗﻲ ﺍﻟﻠﻲ ﻳﺎﺧﺪﻙ ﺍﻧﺘﻲ ﻣﺎﺯﺍﻝ ﻳﻔﻜﺮ ﻳﺎﺧﺪ ﻫﻮ ﺧﻠﻴﺘﻲ ﻓﻴﺎ ﺑﺎﻝ ﻭﻻﻋﻘﻞ ﻟﻮﺣﺪﻩ ﺗﺎﻧﻴﻪ .. ﻻﺧﻼﺹ ﺍﻧﻲ ﺭﺍﺟﻞ ﻛﺒﺮﺕ ﻭﻫﺮﻣﺖ ﻭﻣﺎﻋﺎﺩ ﻋﻨﺪﻱ ﺻﺤﻪ ﻟﻠﻨﻜﺪ ﻭﺍﻟﺼﻴﺎﺡ ..
ﻭﺗﺠﻴﻪ ﻣﺨﺪﻩ ﻃﺎﻳﺮﻩ ﺗﺨﺒﻂ ﻭﺟﻬﻪ ..
ﻫﻮ ﺿﺤﻚ ﻭﻃﻮﻝ ﺭﺩﻫﺎ ﻫﻲ ﺧﻮﺗﻬﺎ ..
ﻭﻛﻴﻒ ﻗﺎﻣﺖ ﺭﺍﺳﻬﺎ ﻳﺠﻴﻬﺎ ﺍﻟﺸﺮﺷﺎﻑ ﻉ ﻭﺟﻬﻬﺎ ..
ﺧﻴﺮﻱ : ﻫﻬﻬﻬﻬﻬﻬﻬﻬﻬﻬﻬﻪ 💕
🍁🍁🍁🍁
ﺳﺎﺍﺍﻟﻢ ﺗﻌﺎﻟﻰ ﺣﻞ ﺍﻟﺒﺎﺏ ..
ﺳﺎﺍﺍﻟﻢ ﺗﻌﺎﻟﻰ ﺣﻞ ﺍﻟﺒﺎﺏ ..
ﺗﺘﻔﺮﺝ ﻉ ﺑﻮﻫﺎ ﺍﻟﻠﻲ ﻣﺸﻐﻮﻝ ﺑﺎﻟﻠﻌﺐ ﻣﻊ ﻭﻟﺪﻩ ﻭﺍﺣﻔﺎﺩﻩ ...
ﺍﺑﺘﺴﻤﺖ ..
ﻏﻴﺮﺕ ﻋﻴﻮﻧﻬﺎ ﻷﻣﻬﺎ ﻟﻘﺘﻬﺎ ﺗﺮﻗﺪ ﻓﺂﺳﻴﺎ ﻭﻫﻲ ﺗﻐﻨﻲ : ﻧﻨﻲ ﻧﻨﻲ ﻧﻨﻲ ﻳﺎﻭﻳﺴﺎ ﻧﻨﻲ ..
ﺭﺟﻌﺖ ﺷﺒﺤﺖ ﻟﺒﻮﻫﺎ ﻭﻫﻮ ﻳﻐﻨﻲ ﻣﻊ ﺍﻟﺼﻐﺎﺭ ..
ﻋﺒﺪﺍﻟﺴﻼﻡ : ﺣﻠﻔﺖ ﺍﻟﻌﺼﺎ ﻣﺎﺗﻀﺮﺏ ﺳﺎﻟﻢ ﻭﺣﻠﻒ ﺳﺎﻟﻢ ﻣﺎﻳﺤﻞ ﺍﻟﺒﺎﺏ ..
ﺿﺤﻜﺖ ﻭﺍﺫﻛﺮﺕ ﺍﻟﻤﺎﺿﻲ ﻛﻴﻒ ﻛﺎﻧﺖ ﺩﻳﻤﺎ ﺗﻐﻨﻲ ﻣﻊ ﺑﻮﻫﺎ ﻫﺎﻷﻏﻨﻴﻪ ﻭﺗﻮﺍ ﺻﻐﺎﺭﻫﺎ ..
ﻭﻛﺬﻟﻚ ﺍﺫﻛﺮﺕ ﻛﻴﻒ ﻫﺎﻟﻤﺎﺿﻲ ﻛﺎﻥ ﻣﻠﻴﺎﻥ ﺑﺎﻟﻤﺸﺎﻛﻞ ﺍﻟﻠﻲ ﻣﺨﻠﻴﻪ ﺣﻴﺎﺗﻬﻢ ﻣﺶ ﻣﺴﺘﻘﺮﺓ ﻭﻛﻠﻬﺎ ﺧﻮﻑ ﻟﻴﻨﻬﺪ ﺣﻮﺷﻬﻢ ﺍﻟﻠﻲ ﻛﺎﻧﻮﺍ ﺳﻴﺴﺎﻧﻪ ﺿﻌﻴﻔﻪ ﻫﻠﺒﻪ ﻭﻣﻤﻜﻦ ﺍﻃﻴﺢ ﻓﺄﻱ ﻟﺤﻈﻪ ..
ﻭﻛﻴﻒ ﺗﻮﺍ ﻫﺎﻟﺴﻴﺴﺎﻥ ﺗﻘﻮﺕ ﻭﻫﺎﻟﺤﻮﺵ ﻭﻻﺛﺎﺑﺖ ﺍﻟﻌﻮﺍﺻﻒ ﻻﻳﻤﻜﻦ ﺗﺄﺛﺮ ﻓﻴﻪ ﻭﻻ ﺑﺄﻱ ﺷﻜﻞ ..
ﺣﻤﺪﺕ ﺭﺑﻲ ﻓﺴﺮﻫﺎ .. ﻭﺭﺟﻌﺖ ﺗﺘﻔﺮﺝ ﻉ ﺍﻟﺘﻠﻔﺰﻳﻮﻥ 💕...
🍁🍁🍁🍁
ﻫﻬﻬﻬﻬﻬﻬﻬﻬﻬﻬﻬﻬﻪ ..
ﺍﻟﻬﺎﺩﻱ : ﺍﺳﺘﺤﻠﻴﺘﻴﻬﺎ ﺷﻜﻠﻚ ..
ﺳﻤﻴﻪ ﺑﻀﺤﻜﻪ : ﺗﻲ ﻣﺎﻫﻮ ﻓﻠﻘﻮﻟﻨﺎ ﺭﻭﺳﻨﺎ ﺑﻴﻬﺎ ﻟﻄﻴﻔﻪ ﺭﺍﻗﻴﻪ ﻟﻄﻴﻔﻪ ﻧﻈﻴﻔﻪ ﻟﻄﻴﻔﻪ ﻣﻬﺘﻤﻪ ﺑﺮﻭﺣﻬﺎ ﻭﺻﻐﺎﺭﻫﺎ ﻟﻄﻴﻔﻪ ﺣﻤﻴﺪ ﻋﻴﻮﻧﻪ ﻣﺎﻳﺸﻮﻓﻮﺍ ﻏﻴﺮﻫﺎ .. ﻭﻟﻄﻴﻔﻪ ﻃﻠﻊ ﻭﺍﺧﺪ ﻋﻠﻴﻬﺎ ﻟﻴﻪ ﺳﻨﻴﻦ ﻭﻋﻨﺪﻩ ﺻﻐﺎﺭ ﻓﻮﻗﻬﺎﻫﻬﻬﻬﻬﻬﻬﻬﻬﺎﺍﺍﻫﻬﻬﻬﻬﻬﻪ ...
ﺍﻟﻬﺎﺩﻱ : ﺻﺪﻗﺘﻲ ﻭﺍﻟﻠﻪ ﻟﻮ ﻛﻨﺖ ﻣﻜﺎﻧﻪ ﻭﺍﻟﻠﻪ ﻣﺎﻧﺪﻳﺮﻫﺎ ﻣﺶ ﺍﻟﻠﻲ ﻛﻴﻒ ﻟﻄﻴﻔﻪ ﻳﺎﺧﺪﻭﺍ ﻋﻠﻴﻬﻦ ..
ﻫﻲ ﺳﻜﺘﺖ ﻭﺭﻓﻌﺖ ﺣﺎﺟﺒﻬﺎ ﻭﺷﺒﺤﺘﻠﻪ ...
ﻭﻫﻮ ﻗﻌﺪ ﻳﺘﻔﺮﺝ ﻉ ﺍﻟﺘﻠﻔﺰﻳﻮﻥ ﺑﺒﺮﻭﺩ ﻭﻻﻛﺄﻧﻪ ﻗﺎﻝ ﺣﺎﺟﻪ ..
🍁🍁🍁🍁
ﻻﺣﻮﻝ ﻭﻻﻗﻮﺓ ﺇﻻ ﺑﺎﻟﻠﻪ ..
ﻫﺎﻧﻴﺒﺎﻝ : ﻭﺟﻌﺎﺗﻚ ..
ﻣﺮﺍﻡ : ﻣﺶ ﻫﻲ ﺑﺲ ﺣﺘﻰ ﺻﻐﺎﺭﻫﺎ .. ﺣﺎﺟﺎﺕ ﻛﻴﻒ ﻫﺪﻱ ﺻﻌﺒﻪ ﻭﺍﺟﺪ ﻋﻠﻴﻬﻢ .. ﺑﺎﻟﺬﺍﺕ ﺭﻓﻘﻪ ..
ﻫﺎﻧﻴﺒﺎﻝ : ﻟﻴﺶ ﺭﻓﻘﻪ ﺗﺤﺪﻳﺪﺍ ..
ﻣﺮﺍﻡ : ﺍﻟﺒﻨﺖ ﺗﻐﻴﺮ ﻉ ﺑﻮﻫﺎ ﻷﻣﻬﺎ ﺍﻛﺜﺮ ﻣﻦ ﺍﻣﻬﺎ ﺷﻲ ﻛﻴﻒ ﻫﺪﻯ ﺻﻌﺐ ﻋﻠﻴﻬﺎ ﺗﻘﺒﻠﻪ ..
ﻫﺎﻧﻴﺒﺎﻝ ﺷﺒﺢ ﻟﻠﺘﻠﻔﺰﻳﻮﻥ ﻭﺳﻜﺖ ..
ﻣﺮﺍﻡ : ﺭﺑﻲ ﻳﻌﺪﻳﻬﺎ ﻉ ﺧﻴﺮ .. ﻧﺎﺿﺖ ﻭﺧﺪﺕ ﺷﻴﺘﺎﺗﻬﺎ ..
ﻫﺎﻧﻴﺒﺎﻝ : ﻭﻳﻦ ..
ﻣﺮﺍﻡ : ﺑﻨﻘﺮﺍ ﺑﺮﺍ ..
ﻫﺎﻧﻴﺒﺎﻝ : ﺗﻌﺎﻟﻲ ﺍﻋﻄﻴﻨﻲ ﺑﻮﺳﻪ ﻭﻋﺪﻱ ..
ﺿﺤﻜﺖ .. ﻗﺮﺑﺘﻠﻪ ﻣﺪﺕ ﺧﺪﻫﺎ .. ﺑﺎﺳﻪ ﺑﻘﻮﺓ ..
ﺑﻌﺪﺕ ﻭﻣﺸﺖ ﻭﻫﻲ ﺗﻀﺤﻚ ..
ﻭﻫﻮ ﺭﺟﻊ ﻳﺘﻔﺮﺝ ﻭﺍﺑﺘﺴﺎﻣﺘﻪ ﻉ ﻭﺟﻬﻪ ﻣﻊ ﻗﺮﻧﺔ ﺍﻟﺤﻮﺍﺟﺐ ..
🍁🍁🍁🍁
ﺍﻟﻤﺮﺍﺓ ﻟﻤﺎ ﺗﺒﺪﺍ ﻣﺶ ﻣﺮﻳﺤﻪ ﺭﺍﺟﻠﻬﺎ ﺗﺴﺘﺎﻫﻞ ﻣﺎﻳﺠﻴﻬﺎ ..
ﻟﻤﻴﺎﺀ : ﻭﺍﻟﻠﻪ !!
ﻋﻤﺮ : ﺧﻴﺮﻙ ﺍﻧﺘﻲ ﺍﻟﺪﻭﺓ ﻋﻠﻴﻚ؟؟؟ !! ﻗﺼﺪﻙ ﻧﺎﻭﻳﻪ ﺗﻜﺮﻫﻴﻨﻲ ﻓﺸﺒﺢ ﻋﻤﺮﻱ ﻭﻻ ﻛﻴﻒ؟
ﻟﻤﻴﺎﺀ : ﻫﻬﻬﻬﻬﻬﻬﻬﻬﻪ ... ﻣﺒﺮﺩﻙ ﻋﻤﺮ ...
ﻋﻤﺮ : ﺭﺩﻱ ﺑﺎﻟﻚ ﺭﺍﻫﻮ ﻧﺪﻳﺮﻫﺎ ﻭﻧﺎﺧﺪﻫﺎ ﻣﻌﺎﻙ ﻓﻨﻔﺲ ﺍﻟﺤﻮﺵ ..
ﻟﻤﻴﺎﺀ ﻓﻨﺼﺖ ﻭﻗﺎﻟﺖ : ﻧﺬﺑﺤﻚ ﻭﻧﺪﺑﺤﻬﺎ ..
ﻋﻤﺮ : ﻫﻬﻬﻬﻬﻬﻬﻬﻪ ... ﻋﻨﺰ ...
🍁🍁🍁🍁
ﻋﺮﻓﺘﻪ ﺗﺼﺪﻕ !
ﻣﻴﻼﺩ ﺑﺮﻓﻌﺔ ﺣﻮﺍﺟﺐ : ﻛﻴﻒ؟
ﺳﻌﻴﺪﻩ : ﺍﻟﺮﺍﺟﻞ ﻣﺎﺗﻐﻴﺮﺵ ﺑﻜﻞ ﻧﻘﺼﺪ ﻓﺸﻜﻠﻪ ﻣﺎﻳﺒﺎﻧﺶ ﻋﻠﻴﻪ ﻋﻤﺮﻩ ﻭﺍﻫﺘﻤﺎﻣﻪ ﺑﻨﻔﺴﻪ ﺑﺎﻳﻦ ﻋﻠﻴﻪ .. ﻭﺑﺼﺮﺍﺣﻪ ﻟﻄﻴﻔﻪ ﺗﻔﻜﻴﺮﻫﺎ ﻭﻃﺮﻳﻘﻪ ﺗﻌﺎﻣﻠﻬﺎ ﻣﻮﻟﻴﻪ ﺭﺳﻤﻴﻪ ﻭﺍﺟﺪ ﺣﺘﻰ ﻣﻨﻴﻦ ﺗﺤﻜﻲ ﻉ ﻧﻈﺎﻡ ﺣﻴﺎﺗﻬﺎ ﻭﺍﻟﻄﺮﻳﻘﻪ ﺍﻟﻠﻲ ﻋﺎﻳﺸﻴﻦ ﺑﻴﻬﺎ ﻳﺼﺨﻔﻨﻲ ﺧﻮﻙ
ﺑﺲ ﻭﻳﻦ ﻧﺸﻮﻓﻪ ﻧﺤﺴﻪ ﻣﺘﺮﻳﺢ ... ﻭﺍﻟﻠﻪ ﺟﺖ ﻓﺒﺎﻟﻲ ﺍﻧﻪ ﻳﻜﻮﻥ ﺩﺍﻳﺮﻫﺎ ..
ﻣﻴﻼﺩ : ﻣﺎﺗﻔﻮﺗﻚ ﺍﻟﻔﺎﻳﺘﻪ .. ﻟﻜﻦ ﻧﺒﻲ ﻧﻌﺮﻑ ﺧﺒﺮ ﻛﻴﻒ ﻫﺎﻟﺨﺒﺮ ﻣﺎﺧﻮﻓﻜﺶ ..
ﺳﻌﻴﺪﻩ ﺑﻀﺤﻜﻪ : ﻗﺼﺪﻙ ﺍﻧﻲ ﻧﺨﺎﻑ ﻣﻨﻚ ﺗﺎﺧﺪ ﻋﻠﻴﺎ !! ﻧﻘﻮﻟﻚ ﺣﺎﺟﻪ ﻛﻴﻒ ﻣﺎﻧﺸﻮﻑ ﻓﻴﻚ ﺗﻮﺍ ﻧﻌﺮﻑ ﺍﻧﻚ ﻣﺶ ﺣﺪﻳﺮﻫﺎ .. ﻣﺶ ﻷﻧﻚ ﻣﺎﺗﻘﺪﺭﺵ ﻻ .. ﻟﺴﺒﺐ ﺗﺎﻧﻲ ..
ﻣﻴﻼﺩ ﺑﺈﺑﺘﺴﺎﻣﻪ : ﺍﻟﻠﻲ ﻫﻮ؟
ﺍﺑﺘﺴﻤﺖ ﻭﻗﺎﻟﺖ ﺑﻜﻞ ﺛﻘﻪ : ﻷﻧﻚ ﺗﺤﺒﻨﻲ ﻭﺍﺟﺪ .. ﻭﻣﺘﺤﻤﻠﻨﻲ ﺑﻌﻴﻮﺑﻲ ﻭﺍﻟﺒﺎﻫﻲ ﻓﻴﺎ .. ﻗﻠﺒﻚ ﻋﻨﺪﻱ ﺍﻧﻲ ﺑﺲ ﻻﻳﻤﻜﻦ ﺗﺸﻮﻑ ﻟﻐﻴﺮﻱ ..
ﻣﻴﻼﺩ ﺑﻀﺤﻜﻪ : ﺗﺼﺪﻗﻲ .. ﻣﺶ ﻋﺎﺭﻑ ﺷﻦ ﻫﻮ ﺍﻟﺸﻲ ﺍﻟﻠﻲ ﻣﺨﻠﻴﻨﻲ ﻣﺶ ﻗﺎﺩﺭ ﺑﺠﺪﻳﺎﺕ ﻧﺸﻮﻑ ﻏﻴﺮﻙ ..
ﺳﻌﻴﺪﻩ ﺑﻀﺤﻜﻪ : ﻣﺶ ﺳﺒﺐ ﻫﻦ ﺍﺳﺒﺎﺏ ﻗﻌﻤﺰ ﻣﻊ ﺭﻭﺣﻚ ﻭﺯﻳﺪ ﻓﻜﺮ ﻭﺗﻮ ﺗﻌﺮﻓﻬﻦ ... ﻧﺎﺿﺖ .. ﺧﻞ ﻧﻌﺪﻱ ﻧﺸﻮﻑ ﺍﻟﺸﺎﻫﻲ ..
ﻫﻮ ﻗﻌﺪ ﻣﻌﺎﻫﺎ ﺑﻌﻴﻮﻧﻪ .. ﺿﺤﻚ ﺑﻌﺪﻳﻦ ﺷﺒﺢ ﻟﻠﺘﻠﻔﺰﻳﻮﻥ ..
🍃 ﺍﻟﻤﺮﺍﺓ ﺍﻟﻘﻮﻳﻪ ﻭﺍﻟﻮﺍﺛﻘﻪ ﻣﻦ ﻧﻔﺴﻬﺎ ﺑﺮﻏﻢ ﻋﻴﻮﺑﻬﺎ ﺗﺴﻴﻄﺮ ﻉ ﻗﻠﺐ ﺍﻟﺮﺍﺟﻞ ﺳﻴﻄﺮﻩ 🍃
🍁🍁🍁🍁
ﺍﻟﺴﺎﻋﻪ 5:30 ﻋﺼﺮﺍ ..
ﻣﻘﻌﻤﺰﺓ ﻉ ﺍﻟﺮﻛﺎﺑﻪ ﺗﺸﺮﺏ ﻓﻲ ﺍﻟﻘﻬﻮﺓ ..
ﻭﻫﻤﺎ ﻗﺪﺍﻣﻬﺎ ﻳﻜﺪﻭﺍ ﻓﻲ ﺍﻟﺒﺴﺎﻁ ..
ﻏﺎﻟﻴﻪ : ﻣﻦ ﻫﻨﻰ ﻣﺤﻤﺪ ﻣﻦ ﻫﻨﻰ ..
ﻣﺤﻤﺪ : ﺗﻲ ﻭﻳﻨﻪ ﺍﻟﻬﻢ ..
ﻏﺎﻟﻴﻪ : ﻏﺎﺩﻳﻜﻴﺎ ..
ﻣﺤﻤﺪ ﻣﺸﻲ ﻭﻳﻦ ﻣﺎﻗﺎﻟﺖ : ﺍﻳﺎﻡ ﻏﺒﺮ ..
ﻭﻗﻌﺪ ﻳﻜﺪ ..
ﻭﻋﻤﺎﺩ ﻳﻜﺪ ﻭﻳﻀﺤﻚ ﻋﻠﻴﻪ ..
ﻉ ﺟﻴﺔ ﺭﺯﺍﻥ ﻭﺣﺪﻫﻢ ..
ﺷﺒﺤﻮﻟﻬﻢ ﻛﻴﻒ ﻳﻜﺪﻭﺍ ..
ﺣﺪﻫﻢ : ﺍﻟﻠﻪ ﻣﺤﻲ ﺭﺟﺎﻝ ..
ﻣﺤﻤﺪ ﻭﻫﻮ ﻳﻜﺪ ﺑﻌﺼﺒﻴﻪ : ﺍﺧﻄﻲ ﺍﺻﻠﻲ ﻳﺎﻓﺮﺧﻪ ..
ﺿﺤﻜﺖ ﺣﺪﻫﻢ ..
ﺭﺯﺍﻥ ﺿﺤﻜﺖ ﻭﻫﻲ ﺗﺸﻮﻑ ﻟﻌﻤﻬﺎ ﻏﻴﺮﺕ ﻋﻴﻮﻧﻬﺎ ﻟﻌﻤﺎﺩ ﻟﻘﺎﺗﻪ ﻳﻜﺪ ﻭﻳﺸﺒﺤﻠﻬﺎ ..
ﻏﻴﺮﺕ ﻋﻴﻮﻧﻬﺎ ﻋﻨﻪ ﻭﺷﺒﺤﺖ ﻟﻌﻤﺘﻬﺎ ..
ﻏﻴﺮ ﻋﻴﻮﻧﻪ ﻟﻠﺒﺴﺎﻁ ﺗﺤﺘﻪ ﻭﻛﻤﻞ ﻛﺪﺍﻥ ﻭﻫﻮ ﻓﻘﻤﺔ ﺍﻟﻀﻴﻖ ..
ﻏﺎﻟﻴﻪ : ﻗﻌﻤﺰﻥ ..
ﻗﻌﻤﺰﻭﺍ ﺣﻮﺍﻟﻴﻬﺎ ﻭﺣﺪﻩ ﺍﻳﻤﻴﻨﻬﺎ ﻭﻭﺣﺪﻩ ﺍﻳﺴﺎﺭﻫﺎ ..
ﻏﺎﻟﻴﻪ : ﻣﻦ ﻓﻴﻜﻦ ﺍﺩﻳﺮﻫﻠﻲ ..
ﺣﺪﻫﻢ : ﺍﻧﻲ ﻫﺎﺗﻲ ..
ﻋﻄﺘﻬﺎ ﻏﺎﻟﻴﻪ ﺍﻟﺘﻠﻴﻔﻮﻥ ..
ﺧﺪﺍﺗﻪ ﻭﺑﺪﺕ ﺑﺈﺟﺮﺍﺀﺍﺕ ﻓﺘﺢ ﺣﺴﺎﺏ ﻉ ﺍﻟﻔﻴﺲ ..
ﻭﻏﺎﻟﻴﻪ ﻣﺮﻛﺰﺓ ﻣﻌﺎﻫﺎ ..
ﺍﻣﺎ ﺭﺯﺍﻥ ﻛﺎﻧﺖ ﺳﺮﺣﺎﻧﻪ ..
ﻭﻋﻤﺎﺩ ﻳﺸﻮﻓﻠﻬﺎ ..
ﻣﻼﻣﺢ ﺍﻟﺤﺰﻥ ﻣﺮﺳﻮﻣﻪ ﻉ ﻭﺟﻬﻬﺎ .. ﻭﻋﻴﻮﻧﻬﺎ ﻧﻈﺮﺗﻬﻢ ﺣﺰﻳﻨﻪ ﻫﻠﺒﻪ ...
ﻣﺎﻫﻮﺵ ﻋﺎﺭﻑ ﺧﻴﺮﻫﺎ .. ﻣﻌﻘﻮﻟﻪ ﺣﻜﺎﻳﺔ ﻋﻤﻬﺎ ﺣﻤﻴﺪ ﺍﺛﺮﺕ ﻓﻴﻬﺎ ﻟﻬﺎﻟﺤﺪ .. ﻟﻜﻦ ﻻ ﻓﻲ ﺷﻲ ﺗﺎﻧﻲ ﻫﻮ ﻫﻜﻲ ﺣﺲ ..
ﺗﻨﻬﺪﺕ ﺑﻌﺪﻳﻦ ﺷﺒﺤﺖ ﻟﻌﻤﻬﺎ ﺿﺤﻜﺖ ﻭﻗﺎﻟﺖ؛ﻋﻤﻲ ﺍﻟﻤﻜﻨﺴﻪ ﺗﺘﻜﺴﺮ ﻫﻜﻲ ..
ﻣﺤﻤﺪ : ﺍﺧﻄﻲ ﺍﻣﻲ ﻳﺎﻓﺮﺧﻪ ..
ﺿﺤﻜﻮﺍ ..
ﻫﻲ ﺿﺤﻜﺖ .. ﻏﻴﺮﺕ ﻋﻴﻮﻧﻬﺎ ﻟﻌﻤﺎﺩ ﺗﻼﺷﺖ ﺿﺤﻜﺘﻬﺎ .. ﻭﻃﻮﻝ ﺷﺒﺤﺖ ﺟﻬﺔ ﻋﻤﺘﻬﺎ ...
ﻫﻮ ﺿﻴﻖ ﻋﻴﻮﻧﻪ ﺑﻌﺪﻡ ﻓﻬﻢ ... ﻭﻗﻌﺪ ﻳﻜﺪ ﻭﻳﺮﺍﻗﺐ ﻓﻴﻬﺎ ..
ﺣﺪﻫﻢ : ﺍﻣﻢ .. ﺷﻦ ﺗﺒﻲ ﻧﺴﻤﻴﻚ ..
ﻏﺎﻟﻴﻪ : ﺍﻟﺴﻠﻄﺎﻧﻪ ﻫﻮﻳﺎﻡ ..
ﺿﺤﻜﻮﺍ ..
ﻏﺎﻟﻴﻪ ﺑﻀﺤﻜﻪ : ﺗﻲ ﻫﻴﺎ ﺍﻛﺘﺒﻴﻪ .
ﻛﺘﺒﺎﺗﻪ ﺣﺪﻫﻢ ...
ﺭﺯﺍﻥ ﺑﻀﺤﻜﻪ : ﺑﺘﺤﻄﻲ ﺻﻮﺭﺗﻬﺎ؟
ﻏﺎﻟﻴﻪ : ﺍﻳﻪ ﻭﻣﺎﺩﺍﺑﻴﻚ ﺻﻮﺭﺓ ﻣﺴﺘﻮﺭﻩ ﻭﻣﺤﺘﺮﻣﻪ ..
ﺿﺤﻜﺖ ﺣﺪﻫﻢ ﻭﻗﺎﻟﺖ : ﺑﺎﻫﻲ ﺗﻮ ﻧﺪﻭﺭﻟﻚ ..
ﺭﺯﺍﻥ : ﺩﺭﺗﻲ ﺍﺧﻔﺎﺀ ﻟﻤﻌﻠﻮﻣﺎﺗﻬﺎ ..
ﺣﺪﻫﻢ : ﺍﻳﻪ ..
ﻣﺤﻤﺪ : ﺷﻦ ﺍﺩﻳﺮﻥ ..
ﻏﺎﻟﻴﻪ ﺑﺮﺑﻜﻪ؛ﻧﺪﻭﺭﻭﺍ ﻉ ﻭﺻﻔﺎﺕ ﺣﻠﻮﻳﺎﺕ ﻣﻦ ﺍﻟﻨﺖ ..
ﺷﺒﺤﻮﻟﻪ ﺣﺪﻫﻢ ﻭﺭﺯﺍﻥ ...
ﺍﺑﺘﺴﻢ ﻋﻤﺎﺩ ..
ﻣﺤﻤﺪ ﻫﺰ ﺭﺍﺳﻪ ﺑﺈﻳﺠﺎﺏ .. ﻭﻣﺎﻣﺸﺘﺶ ﻋﻠﻴﻪ ..
ﻏﺎﻟﻴﻪ ﺷﺒﺤﺘﻠﻪ ﺑﺈﺯﺩﺭﺍﺀ ..
ﺷﻮﻳﻪ ﺭﻥ ﺗﻠﻴﻔﻮﻥ ﺣﺪﻫﻢ ..
ﻃﻠﻌﺎﺗﻪ ﻣﻦ ﺟﻴﺒﻬﺎ ﻭﺷﺎﻓﺎﺗﻪ ﻭﻗﺎﻟﺖ : ﺑﻴﺴﻮ ﺟﺎﻳﻪ ..
ﻏﺎﻟﻴﻪ ﺑﻬﻤﺲ : ﻗﻮﻟﻴﻠﻬﺎ ﺗﺠﻲ ﻫﻨﻰ ..
ﺣﺪﻫﻢ ﺷﺒﺤﺘﻠﻬﺎ ﻭﺷﺒﺤﺖ ﻟﻤﺤﻤﺪ ..
ﻭﺭﺯﺍﻥ ﺷﺒﺤﺘﻠﻪ ﻭﺷﺪﺕ ﺿﺤﻜﺘﻬﺎ ...
ﻭﻫﻮ ﻃﺎﻳﺢ ﻳﺪﻋﻚ ﻓﻲ ﺍﻟﻔﺮﺷﻪ ..
ﻧﺎﺿﺖ ﺣﺪﻫﻢ ﺑﺘﻠﻴﻔﻮﻧﻬﺎ ﻭﺧﺸﺖ ﻟﻠﻤﺮﺑﻮﻋﻪ ..
ﻭﺭﺯﺍﻥ ﻭﻏﺎﻟﻴﻪ ﻳﺴﺮﻗﻮﺍ ﻓﻲ ﺍﻟﻨﻈﺮ ﻟﻤﺤﻤﺪ ﻭﺩﺍﻳﺮﺍﺕ ﺭﻭﺣﻬﻢ ﻋﺎﺩﻳﺎﺕ ..
ﺷﻮﻳﻪ ﻭﻃﻠﻌﺖ ﺣﺪﻫﻢ ﻗﻌﻤﺰﺕ ﻭﻫﻲ ﺷﺎﺩﻩ ﺿﺤﻜﺘﻬﺎ ..
ﺷﺒﺤﻮﺍ ﺍﻟﺘﻼﺗﻪ ﻟﻠﻲ ﺍﻟﺠﻬﻪ ﺑﺘﺠﻲ ﻣﻨﻬﺎ ﺑﻠﻘﻴﺲ ..
ﺷﻮﻳﻪ ﻭﺑﺎﻧﺖ ﻋﻠﻴﻬﻢ ..
ﻟﻤﺤﺘﻬﻢ ﻫﻤﺎ ﻗﺎﻟﺖ : ﺍﻟﺴﻼﻡ ﻋﻠﻴﻜﻢ ..
ﺍﻧﺼﺪﻣﺖ .. ﻟﻤﺎ ﺷﺎﻓﺎﺗﻪ ﺑﺎﻟﺸﻮﺭﻁ ﻭﺍﻟﺘﻴﺸﺮﺕ ﻭﻓﻴﺪﻩ ﺍﻟﻤﻜﻨﺴﻪ ﻭﺭﺟﻠﻴﻪ ﺻﺎﺑﻮﻥ ..
ﻭﻣﺤﻤﺪ ﻃﻮﻝ ﺗﻠﻔﺖ ﺷﺎﻓﻬﺎ ﻗﺮﻳﺐ ﻣﺎﺕ ..
ﺟﺎﻱ ﺑﻴﻬﺮﺏ ...
ﻳﺰﻟﻖ ﻓﺎﻟﺼﺎﺑﻮﻥ ﻭﻳﺠﻲ ﻣﻘﻌﻤﺰ ...
ﺑﻠﻘﻴﺲ ﺣﻄﺖ ﻳﺪﻫﺎ ﻉ ﺻﺪﺭﻫﺎ ﻭﻗﺎﻟﺖ : ﺣﻲ ﻋﻠﻴﺎ .. ﺯﻭﺩﻟﻪ ﻳﺎﻋﻤﺎﺩ ..
ﻋﻤﺎﺩ ﻣﺸﺎﻟﻪ ﻭﻫﻮ ﺑﻴﻤﻮﺕ ﺑﺎﻟﻀﺤﻚ ..
ﻭﺣﺪﻫﻢ ﺟﺖ ﻟﺒﻠﻘﻴﺲ ﺟﺒﺪﺗﻬﺎ ﻣﻦ ﻳﺪﻫﺎ ﻭﻣﺸﺖ ﺑﻴﻬﺎ ﻣﻦ ﺟﻬﺔ ﻓﻢ ﺍﻟﺒﻮﺍﺑﻪ ..
ﺍﻣﺎ ﻏﺎﻟﻴﻪ ﻭﺭﺯﺍﻥ ﺧﺸﻮﺍ ﺩﺍﺧﻞ ﺟﺮﻱ ﻭﻫﻤﺎ ﻳﻀﺤﻜﻮﺍ ﺑﺪﻣﻮﻋﻬﻢ ..
ﻣﺤﻤﺪ : ﺍﻟﻠﻪ ﻳﺤﺮﻕ ﺑﺴﺎﻃﺘﻜﻢ ﻭﻓﺮﺷﺎﺗﻜﻢ .. ﺍﺟﻌﻨﻪ ﻻﻫﻨﺎﻙ ﺑﺴﺎﻃﺎﺕ ﻭﻻ ﻓﺮﺷﺎﺕ ..
ﻋﻤﺎﺩ ﺑﻀﺤﻜﻪ : ﺻﻞ ﻉ ﺍﻟﻨﺒﻲ ..
ﺿﺮﺑﻪ ﻭﻗﺎﻝ : ﺿﻢ ﻓﻤﻚ ﻳﺎﻛﻠﺐ ..
ﻋﻤﺎﺩ : ﻫﻬﻬﻬﻬﻬﻬﻬﻬﻬﻬﻪ
🍁🍁🍁🍁🍁
ﻭﺍﻟﻠﻪ ﻳﺎﺣﻨﻪ ﻓﺘﺤﺖ ﻣﻊ ﺍﺧﺘﻲ ﺍﻟﻤﻮﺿﻮﻉ ﻭﻗﺎﺕ ﻣﺎﻓﻴﺶ ﻣﺎﻧﻊ ..
ﺳﻌﻴﺪﻩ : ﺑﺎﻫﻲ ﻳﻌﻨﻲ ﺍﻣﺘﻰ ﻳﻼﻣﻴﻬﻢ ﻧﺠﻮﻫﻢ ..
ﻧﺠﺎﺓ : ﺗﻮ ﻧﻜﻠﻤﻬﺎ ﻭﻧﺎﺧﺪ ﻣﻨﻬﺎ ﻣﻮﻋﺪ ﻭﻧﺮﺩ ﻋﻠﻴﻚ ..
ﺳﻌﻴﺪﻩ : ﺑﺎﻫﻲ ..
ﻧﺠﺎﻩ : ﺍﺷﺮﺑﻲ ﻗﻬﻮﺗﻚ ..
ﺍﺑﺘﺴﻤﺖ ﺳﻌﻴﺪﻩ ﻣﺠﺎﻣﻠﻪ : ﻧﺸﺮﺏ .. ﺭﻓﻌﺖ ﺍﻟﻔﻨﺠﺎﻥ ﻳﺪﻭﺏ ﺣﻄﺎﺗﻪ ﻉ ﻓﻤﻬﺎ ﻭﺑﻌﺪﻳﻦ ﺭﺩﺍﺗﻪ ..
ﻧﺠﺎﻩ ﺷﺮﺑﺖ ﻓﻨﺠﺎﻧﻬﺎ ﻭﻫﻲ ﺗﻘﻮﻝ ﻓﻨﻔﺴﻬﺎ " ﺍﻟﻤﺰﻃﻨﻪ ﻭﻟﺖ ﺗﻌﺎﻑ "
ﺳﻌﻴﺪﻩ ﺍﺩﻭﺭ ﺑﻌﻴﻮﻧﻬﺎ ﻓﻲ ﺍﻟﺴﻘﻒ " ﺍﻟﻌﻨﻜﺒﻮﺕ ﻣﺪﺍﻳﺮ ﻣﺴﺘﻮﻃﻨﺎﺕ .. ﻃﻨﻪ .."
ﺷﺒﺤﻮﺍ ﻟﺒﻌﺾ .. ﻭﺗﺒﺎﺩﻟﻮﺍ ﺍﻹﺑﺘﺴﺎﻣﺎﺕ ﺍﻟﺼﻔﺮﺍ ...
🍁🍁🍁🍁🍁
ﻓﻲ ﺍﻟﺪﺍﺭ ..
ﺣﺪﻫﻢ : ﺩﺭﺗﻠﻚ ﺍﻋﺠﺎﺏ ﻉ ﺻﻔﺤﻪ ﻫﻴﺠﻲ ﻳﺎﻟﻴﺒﻴﻪ ﻭﻃﺰ ﻓﺎﻟﻤﺤﺴﺪﻳﻪ ..
ﻏﺎﻟﻴﻪ ﺑﻀﺤﻜﻪ : ﺑﺎﻫﻲ ..
ﺑﻠﻘﻴﺲ ﺑﻀﺤﻜﻪ : ﺷﻜﻠﻚ ﺍﻧﺘﻲ ﻣﻌﺪﻧﻮﺳﺔ ﺍﻟﺸﺘﺎ ..
ﺿﺤﻜﻮﺍ ..
ﺣﺪﻫﻢ ﺑﻀﺤﻜﻪ : ﻻ ﺍﻧﻲ ﻣﺴﻤﻴﺎﺗﻪ ﺟﻜﺘﻮﺭﺓ ﺣﻠﻮﺓ ﻭﻣﻌﺬﻭﺭﺓ ..
ﻏﺎﻟﻴﻪ : ﻫﻬﻬﻬﻬﻬﻬﻬﻪ .. ﻭﺍﻧﺘﻲ ﺑﻠﻘﻴﺲ ..
ﺑﻠﻘﻴﺲ : ﺑﻨﺖ ﺍﻷﺟﻮﺍﺩ ..
ﻏﺎﻟﻴﻪ ﺍﺑﺘﺴﻤﺖ : ﺣﻖ ﺍﺟﻮﺍﺩ ..
ﺑﻘﻠﻴﺲ ﺑﺈﺑﺘﺴﺎﻣﻪ : ﺗﺴﻠﻤﻲ ..
ﻏﺎﻟﻴﻪ : ﺭﺯﻭﻧﻪ ﺍﻧﺘﻲ ﺍﺳﻤﻚ ﺭﻭﻧﻖ ﺍﻟﺮﺑﻴﻊ ﻭﻻ ..
ﺭﺯﺍﻥ : ﻏﻴﺮﺗﻪ ..
ﻏﺎﻟﻴﻪ : ﺷﻦ ﺩﺭﺗﻴﻪ ..
ﺣﺪﻫﻢ ﺑﻀﺤﻜﻪ : ﺍﻟﺴﻴﺪﻩ ﻣﻠﻌﻘﻪ ..
ﺿﺤﻜﻮﺍ ..
ﻏﺎﻟﻴﻪ ﺑﻀﺤﻜﻪ : ﺟﺪﻳﺎﺕ !!
ﺍﺑﺘﺴﻤﺖ ﺑﺄﻟﻢ : ﺍﻳﻪ ..
ﺿﺤﻜﻮﺍ ...
ﻭﻫﻲ ﺗﺸﻮﻓﻠﻬﻢ ﻭﻗﻠﺒﻬﺎ ﻣﻦ ﺩﺍﺧﻞ ﻣﻮﺟﻮﻉ .. ﻷﻥ ﺗﻐﻴﻴﺮ ﺍﻹﺳﻢ ﺟﺰﺀ ﻣﻦ ﺧﻄﺔ ﺍﻹﻧﺘﻘﺎﻡ 🍃...
🍁 ﻫﻮ ﺑﺮﺍ ﻗﻌﺪ ﺑﺮﻭﺣﻪ ﻭﻛﻤﻞ ﻏﺴﻠﻬﻢ ..
ﻣﺼﻤﺼﻬﻢ ﻭﻟﻔﻬﻢ ..
ﻭﻫﻮ ﻣﺎﻳﻔﻜﺮ ﻛﺎﻥ ﻓﻴﻬﺎ ... ﻭﻣﺤﺘﺎﺭ ﻓﺄﻣﺮﻫﺎ ..💓
ﻓﻌﺰ ﺳﺮﺣﺎﻧﻪ ..
ﻳﺴﺘﺎﻗﺾ ﻣﺨﻠﻮﻉ ..
ﻉ ﺍﻟﻤﻴﻪ ﻭﻫﻲ ﺗﻨﺮﺵ ﻉ ﻇﻬﺮﻩ ..
ﺗﻠﻔﺖ ..
ﻋﻤﺎﺩ : ﺗﻲ ﻋﻼﺵ ﻳﺎﺭﺍﺍﺍﺟﻞ ..
ﻣﺤﻤﺪ : ﻫﺪﻯ ﺿﺤﻜﻚ ﺑﻜﺮﻱ ..
ﻋﻤﺎﺩ ﺑﻀﺤﻜﻪ : ﻛﻠﺐ ﻛﻼﺏ ..
ﺣﻂ ﻣﺤﻤﺪ ﺍﻟﻄﻮﺑﻮ ﻭﻫﻮ ﻳﻀﺤﻚ ﻭﻣﺸﻲ ..
ﺍﻣﺎ ﻫﻮ ﺍﻟﻠﻲ ﻛﺎﻥ ﻳﻘﻄﺮ ..
ﻣﺸﻲ ﻃﻮﻝ ﻟﻠﺸﻴﺸﻤﻪ ﺻﻜﺮ ﺍﻟﻤﻴﻪ ..
ﺑﻌﺪﻳﻦ ﻣﺸﻲ ﺑﻄﺮﻳﻘﻪ ﻟﻠﻤﺮﺑﻮﻋﻪ ﺑﺲ ﻳﻐﻴﺮ ﺗﻴﺸﺮﺗﻪ ..
ﺧﺶ ﺩﺍﺧﻞ ﻭﺻﻜﺮ ﻉ ﺍﻟﺒﺎﺏ ..
ﻉ ﻃﻠﻌﺘﻬﺎ ﻫﻲ ﻛﺎﻧﺖ ﺗﺒﻲ ﺗﺠﻴﺐ ﺷﺒﺸﺒﻬﺎ .. ﺳﻤﻌﺖ ﺗﻠﻴﻔﻮﻧﻪ ﻳﺮﻥ ..
ﺷﺒﺤﺘﻠﻪ .
ﺍﻧﻔﺘﺢ ﺑﺎﺏ ﺍﻟﻤﺮﺑﻮﻋﻪ ﺍﻟﺘﻔﺘﺖ ..
ﺍﻧﺼﻤﺘﺖ
ﻫﻮ ﻗﻌﺪ ﻳﺸﻮﻓﻠﻬﺎ ﺷﻮﻳﻪ
ﺑﻌﺪﻳﻦ ﻓﻴﺴﻊ ﺭﺟﻊ ﺻﻜﺮ ﺍﻟﺒﺎﺏ ..
ﻫﻲ ﻗﺮﻳﺐ ﻣﺎﺗﺖ .. ﺷﺎﻓﺎﺗﻪ ﻣﺶ ﻻﺑﺲ ﺷﻲ ﻣﻦ ﻓﻮﻕ ..
ﺧﺸﺖ ﺗﺠﺮﻱ ..
ﻣﻦ ﻏﻴﺮ ﺷﺒﺸﺐ ﻃﻠﻌﺖ ﻣﻦ ﻓﻢ ﺍﻟﺒﻮﺍﺑﻪ ..
ﻭﻛﻤﻠﺖ ﺟﺮﻱ ﻭﻫﻲ ﻭﺣﺎﺳﻪ ﻧﺎﺭ ﻭﺍﻟﻌﻪ ﻓﻴﻬﺎ ﻣﻦ ﺍﻟﺨﺠﻞ ..
ﺧﺸﺖ ﺣﻮﺷﻬﻢ ﻭﺻﻜﺮﺕ ﺍﻟﺒﺎﺏ ..
ﻭﻫﻲ ﺗﻘﻮﻝ : ﺍﻗﻄﻊ ﻃﻠﻮﻋﻲ ...
ﻭﻗﻌﺪﺕ ﺗﺘﺤﺴﺲ ﻓﺨﺪﻭﺩﻫﺎ ﺍﻟﻠﻲ ﻛﺎﻧﻮﺍ ﻣﻦ ﻟﻮﻥ ﺣﺒﺎﺕ ﺍﻟﺮﻣﺎﻥ 💕
ﺍﻣﺎ ﻫﻮ ..
ﺑﻌﺪ ﺻﻜﺮ ﺍﻟﺒﺎﺏ ..
ﻏﻤﺾ ﻋﻴﻮﻧﻪ ﺑﺸﺪﻩ ﻭﻋﺾ ﻉ ﺷﺎﺭﺑﻪ ﻭﻫﻮ ﻳﻀﺤﻚ ..
ﺣﻂ ﺍﻳﺪﻳﻪ ﻉ ﺭﺍﺳﻪ ﻭﺧﺮ ﺷﻌﺮﻩ ﻟﻠﺨﻠﻒ ﻭﻫﻮ ﻳﻀﺤﻚ ﺑﻌﺪﻳﻦ ﻓﺘﺢ ﻋﻴﻮﻧﻪ ..
ﻭﻣﺴﺢ ﻉ ﻟﺤﻴﺘﻪ ﻭﻫﻮ ﻣﺒﺘﺴﻢ ﺑﺮﻓﻌﺔ ﺣﺎﺟﺐ 💓..
🍁🍁🍁🍁🍁
ﺍﻟﺴﺎﻋﻪ 9:30 ﻟﻴﻼ ..
ﻓﺎﻃﻤﻪ : ﻧﺨﻤﻢ ﻓﻲ ﻋﻴﺖ ﺧﻮﻙ ﺣﻤﻴﺪ ﻛﺎﻥ ﻋﺮﻓﻮﺍ ﻳﺎﻛﺒﺪﻱ ﻣﻦ ﺑﻜﺮﻱ ﻣﺸﻐﻮﻝ ﻋﻘﻠﻲ ﻋﻠﻴﻬﻢ ..
ﻏﺎﻟﻴﻪ ﻭﻫﻲ ﺗﻘﻠﻲ ﻓﻲ ﺍﻟﺒﻄﺎﻃﺎ؛ﻳﻤﻲ ﺑﺎﻟﻠﻪ ﻣﺎﺗﺨﻤﻤﻲ ﻓﻲ ﺣﺪ ﻛﻠﻪ ﻳﻮﻟﻲ ﻋﻠﻴﻚ ﺭﺍﻫﻮ .. ﻫﻤﺎ ﻛﺒﺎﺭ ﻭﻛﻞ ﺣﺪ ﻳﺘﺤﻤﻞ ﻣﺴﺆﻭﻟﻴﺔ ﻧﻔﺴﻪ ..
ﻓﺎﻃﻤﻪ : ﺍﻟﺼﻐﻮﻳﺮﻩ ﻳﺎﺑﻨﺘﻲ ..
ﺗﻨﻬﺪﺕ ﻏﺎﻟﻴﻪ ﺑﻀﻴﻖ ﻭﺳﻜﺘﺖ ..
ﻓﺎﻃﻤﻪ : ﺧﺒﺮﺗﻲ ﺣﻤﻴﺪﻩ ..
ﻏﺎﻟﻴﻪ : ﻻﻳﻤﻲ ... ﻣﺎﻗﺖ ﻋﺎﺭﻓﺘﻴﻬﺎ ﺍﻧﺘﻲ ..
ﻓﺎﻃﻤﻪ : ﻳﺴﺘﺮ ﺍﻟﻠﻪ ﺣﺘﻰ ﻋﻠﻴﻬﺎ ﻫﻲ ..
ﻏﺎﻟﻴﻪ ﻋﻴﻮﻧﻬﺎ ﺗﻌﺒﻮﺍ ﺩﻣﻮﻉ ﻭﻗﻌﺪﺕ ﺗﺨﻤﻢ ﻓﻴﻬﺎ ..
🍁🍁🍁🍁
ﺗﻮﺍ ﻃﻠﻊ ﺣﻘﻚ ﺗﻮﺍ ... ﺗﻮﺍ ﺗﺒﻲ ﺗﺰﻭﺝ ﻭﺣﺪﻩ ﺻﻐﻴﺮﺓ .. ﻟﻴﺶ ﻣﺶ ﻣﻦ ﺍﻷﻭﻝ ﻟﻴﺶ .. ﻟﻴﺶ ﺟﻴﺘﻨﻲ ﻟﻴﻴﻴﺶ ..
ﺧﻠﻴﺘﻨﻲ ﻓﺤﺎﻟﻲ ﺧﻠﻴﺘﻨﻲ ﻋﻨﺪ ﻫﻠﻲ ﻣﻌﺰﺯﺓ ﻣﻜﺮﻣﻪ ﻭﻻ ﺷﻔﺖ ﻫﺎﻷﻳﺎﻡ ﺳﻮﺩ ..
ﺍﻟﺼﺪﻳﻖ ﺑﻐﻀﺐ ﺷﺪﻳﺪ؛ﻳﺎﺭﻳﺖ ﻳﺎﺍﺍﺍﺭﻳﺖ .. ﻟﻜﻦ ﻏﻠﻄﻲ ﻭﺗﻮ ﻧﺼﻠﺤﻪ .. ﻭﻫﻠﻚ ﻛﺎﻥ ﺗﺒﻴﻬﻢ ﺗﻮ ﻧﺮﻓﻌﻚ ﻟﻴﻬﻢ ﻭﺍﻗﻌﺪﻱ ﻏﺎﺩﻱ ﻟﻴﻦ ﺗﻤﻮﺗﻲ .. ﻳﺎﻣﻌﺰﺯﺓ ﻳﺎﻣﻜﺮﻣﻪ ..
ﻗﻌﺪﺕ ﺗﺸﻮﻓﻠﻪ ﺑﻌﻴﻮﻧﻬﺎ ﺍﻟﺤﻤﺮ ﺍﻟﻠﻲ ﺗﻨﺰﻝ ﻣﻨﻬﻢ ﺍﻟﺪﻣﻮﻉ ﻭﻛﻠﻬﺎ ﻣﻊ ﺑﻌﻀﻬﺎ ﺗﺮﺟﻒ ..
ﻣﺎﻗﺪﺭﺕ ﺍﺩﻳﺮ ﺷﻲ ..
ﺍﻟﺼﺪﻳﻖ ﺑﺘﻬﻜﻢ : ﻗﻮﻟﻲ ﻛﻼﻡ ﺗﻜﻮﻧﻲ ﻗﺪﻩ ﻳﺎﺑﻨﺖ ﺭﻣﻀﺎﻥ ..**** ﺗﺒﻲ ﺗﻌﻴﺸﻲ ﻣﻌﺎﻱ ﺍﺿﻤﻲ ﻓﻤﻚ ﻭﺗﺮﺑﻲ ﺑﻨﺘﻚ ﻭﺗﺨﻠﻴﻨﻲ ﻧﻌﺪﻱ ﻧﺸﻮﻑ ﺣﺎﻟﻲ ﻣﻊ ﻏﻴﺮﻙ ... ﻣﺎﺗﺒﻴﺶ ﺣﻮﺵ ﻫﻠﻚ .. ﺣﻮﻭﻭﻭﺵ ﻫﻠﻚ ...
ﺗﺎﺧﺪ ﻓﻲ ﺍﻧﻔﺎﺳﻬﺎ ﺑﺼﻌﻮﺑﻪ ﻭﻫﻲ ﺗﺸﻮﻓﻠﻪ ﺑﻨﻈﺮﺍﺕ ﺣﺎﺩﻩ .
ﻫﻮ ﻃﻮﻝ ﻣﺸﻲ ﻣﻦ ﻗﺪﺍﻣﻬﺎ ..
ﻓﺘﺢ ﺑﺎﺏ ﺍﻟﺤﻮﺵ ﻭﻃﻠﻊ ..
ﻭﻫﻮ ﻣﺎﺷﻲ .. ﺣﺲ ﺑﺸﻲ ﻏﺎﻡ ﻉ ﺻﺪﺭﻩ ..
ﺍﻟﺼﺪﻳﻖ " ﻟﻴﺶ ﻣﺶ ﻣﺘﺤﻤﻠﻬﺎ ﻟﻴﺶ ﻣﻌﺎﺵ ﻗﺎﺑﻠﻬﺎ ﻟﻴﺶ "
ﻓﺘﺢ ﺑﺎﺏ ﺳﻴﺎﺭﺗﻪ ﺑﻌﺼﺒﻴﻪ .. ﺭﻛﺐ ﻭﺻﻜﺮﻩ ..
ﻭﺗﺤﺮﻙ ﻃﻮﻝ .. ﺑﻄﺮﻳﻘﻪ .. ﻟﺤﻮﺵ ﻧﺎﺟﻲ 🍃..
ﻣﻦ ﺭﻭﺷﻦ ﺍﻟﺤﻮﺵ ﺍﻟﻠﻲ ﺟﻨﺒﻪ ..
ﺳﺎﻟﻤﻪ : ﻗﺮﻳﺐ ﺗﺠﻲ ﻣﻜﺎﻧﻚ ﺣﻠﻴﻤﻪ ﻳﺎﻋﺰﻭﺯ ﻳﺎﻋﻘﻴﻤﻪ ..
🍁🍁🍁🍁🍁
ﺍﻟﻴﻮﻡ ﺍﻟﺘﺎﻟﻲ ..
ﺍﻟﺴﺎﻋﻪ 10:00 ﺻﺒﺎﺣﺎ ..
ﻭﺍﻗﻒ ﻉ ﺧﺎﻟﺘﻪ ﻳﻜﻠﻢ ﻓﻴﻬﺎ ..
ﻋﻤﺎﺩ : ﺑﺎﻫﻲ ﺳﻠﻤﻴﻠﻲ ﻋﻠﻴﻬﺎ ..
ﻏﺎﻟﻴﻪ ﺑﺈﺑﺘﺴﺎﻣﻪ : ﺑﺎﻫﻲ ..
ﺗﻨﻬﺪ .. ﺭﻓﻊ ﺻﻮﺍﺑﻌﻪ ﺍﻟﺴﺒﺎﺑﻪ ﻭﺍﻟﻮﺳﻄﻰ ﻟﻔﻤﻪ ﺑﺎﺳﻬﻢ ﻭﺣﻄﻬﻢ ﻉ ﺟﺒﻴﻦ ﺧﺎﻟﺘﻪ ﻭﻗﺎﻝ : ﺗﺸﺎﻭ .. ﻭﻟﻒ ﻭﻣﺸﻲ ..
ﺿﺤﻜﺖ ﻭﻗﺎﻟﺖ : ﺑﺎﻱ ..
ﻟﺤﻘﺎﺗﻪ ﻭﻗﻌﺪﺕ ﻭﺍﻗﻔﻪ ﺗﺸﻮﻓﻠﻪ ﻭﻫﻮ ﻣﺎﺷﻲ ..
ﻏﺎﻟﻴﻪ : ﻳﺤﺒﻬﺎ ﻣﻦ ﻗﻠﺒﻪ ﻭﻟﺪﻱ ... ﻭﻫﻲ ﻣﺶ ﺭﺍﺣﻤﺎﺗﻪ ﻫﺎﻟﻠﻔﻌﻪ .. ﺿﺤﻜﺖ ﻭﻭﻟﺖ ﺧﺸﺖ ﺩﺍﺧﻞ ..
💓 ﻫﻲ ﻛﺎﻧﺖ ﺧﺠﻼﻧﻪ ﻣﻦ ﺍﻟﻤﻮﻗﻒ ﺍﻟﻠﻲ ﺻﺎﺭ ﺑﺮﻏﻢ ﺍﻧﻬﺎ ﻛﺎﻧﺖ ﻧﺎﻭﻳﻪ ﺍﺩﻳﺮ ﻫﻠﺒﻪ ﺣﺎﺟﺎﺕ ﻗﺒﻞ ﻳﺮﻭﺡ ﺗﻨﻔﻴﺪﺍ ﻷﻧﺘﻘﺎﻣﻬﺎ ﺑﺲ ﺍﻟﻤﻮﻗﻒ ﺍﻟﻤﺨﺠﻞ ﺍﻟﻠﻲ ﺻﺎﺭ ﻣﻨﻌﻬﺎ ..
ﻗﻌﺪﺕ ﻭﺍﻗﻔﻪ ﻓﻲ ﺍﻟﺮﻭﺷﻦ ﻛﺎﻟﻌﺎﺩﻩ ﺗﺸﻮﻑ ﻓﻴﻪ ..
ﻟﻌﻨﺪ ﺭﻛﺐ ﺳﻴﺎﺭﺗﻪ ﻭﺗﺤﺮﻙ ..
ﻫﺎﻟﻤﺮﻩ ﻗﻠﺒﻬﺎ ﺯﺍﺩ ﻭﺟﻌﻬﺎ ﺍﻛﺜﺮ ﻣﻦ ﻗﺒﻞ ..
ﺭﺯﺍﻥ ﺑﺪﻣﻮﻉ : ﺍﻩ ﻟﻮ ﻧﻘﺪﺭ ﻧﺘﺤﻜﻢ ﻓﻲ ﻫﺎﻟﻘﻠﺐ ﺍﻻﺣﺮﻑ .. ﺣﺘﻰ ﻗﻠﺒﻲ ﻛﺮﻫﺘﻪ 💔..
🍁🍁🍁🍁
ﺍﻣﺎ ﻫﻮ ﺑﺮﻏﻢ ﺍﻥ ﻗﻠﺒﻪ ﺑﻬﺪﻟﻪ ﺑﺲ ﻳﺤﺒﻪ ﻷﻧﻬﺎ ﻳﻌﺸﻘﻬﺎ ..
ﺯﺍﺩﺕ ﻛﺒﺮﺕ ﻓﻴﻪ ﺍﻛﺜﺮ ﺑﻌﺪ ﺍﻟﻤﻮﻗﻒ ﺍﻟﻠﻲ ﺻﺎﺭ ﺍﺧﺘﻔﺖ ﻣﻦ ﺑﻌﺪﻩ ﻣﻦ ﺧﺠﻠﻬﺎ ..
ﻭﺗﻘﻌﺪ ﺍﺟﻤﻞ ﻭﺍﺣﻼ ﺻﻔﻪ ﺗﺠﺬﺏ ﺍﻟﺮﺍﺟﻞ ﻓﺎﻟﻤﺮﺍﺓ ﻫﻲ ﺍﻟﺨﺠﻞ 💓
ﻭﻗﻒ ﻓﻲ ﻧﺺ ﺍﻟﻄﺮﻳﻖ ..
ﻛﺘﺒﻠﻬﺎ ﺭﺳﺎﻟﻪ ﻭﺑﻌﺘﻬﺎ ..
ﺑﻌﺪﻳﻦ ﺭﺟﻊ ﺗﺤﺮﻙ ﻣﺮﺓ ﺗﺎﻧﻴﻪ ..
💕 ﻭﺻﻠﺘﻬﺎ ﺍﻟﺮﺳﺎﻟﻪ ..
ﻭﻫﻲ ﻛﻴﻒ ﻓﺎﺗﺤﻪ ﺍﺍﻟﻼﺏ ﺑﺶ ﺑﺘﻘﺮﺍ ..
ﻃﻮﻝ ﺧﺪﺕ ﺗﻠﻴﻔﻮﻧﻬﺎ ﻭﻓﺘﺤﺘﻬﺎ ..
( ﻛﻞ ﻣﺎﻟﻚ ﺗﺰﻳﺪﻱ ﺗﺴﻴﻄﺮﻱ ﻋﻠﻴﺎ ﺍﻛﺜﺮ ﻭﺍﻛﺜﺮ ﻛﻞ ﺷﻲ ﻓﻴﻚ ﻳﻘﺘﻞ ﻓﻴﺎ ﻓﺤﺒﻚ .. ﻋﺬﺑﻴﻨﻲ ﺑﺎﻟﻠﻲ ﺗﺒﻴﻪ .. ﺍﻗﺴﻢ ﺑﺎﻟﻠﻪ ﺣﺘﻰ ﻋﺬﺍﺑﻪ ﻋﺸﻘﺘﻪ )
ﻗﻠﺒﻬﺎ ﻳﻔﺮ ﻓﺮ 💓💓
ﺣﻄﺖ ﻳﺪﻫﺎ ﻉ ﺟﺒﻬﺘﻬﺎ ﻭﻫﻲ ﺗﻘﻮﻝ ﺑﺄﻟﻢ : ﻣﺎﻧﻴﺶ ﻣﺼﺪﻗﺎﺗﻚ ﻟﻮ ﺗﻘﻮﻝ ﻣﺎﺗﻘﻮﻝ ﻣﺶ ﺣﺘﻜﻮﻥ ﺧﻴﺮ ﻣﻦ ﻋﻤﻲ ﺣﻤﻴﺪ ﻓﺎﻟﺘﻤﺜﻴﻞ ﻭﺍﻟﻜﺬﺏ ﺑﺶ ﻳﻤﺸﻲ ﻋﻠﻴﺎ ﺍﻟﻠﻲ ﺩﻳﺮ ﻓﻴﻪ ...
ﺣﻄﺖ ﺍﻟﺘﻠﻴﻔﻮﻥ ﻉ ﺍﻟﻜﺎﻣﺪﻳﻨﻮ ..
ﻭﺭﺟﻌﺖ ﺗﺸﻮﻑ ﻟﻼﺏ ﻭﻗﺎﻋﺪﻩ ﻣﻦ ﺩﺍﺧﻞ ﺗﺘﺼﺎﺭﻉ ﻣﻊ ﻣﺸﺎﻋﺮﻫﺎ ﺍﻟﻤﻮﻟﻌﻪ ﻓﻴﻬﺎ ﺍﻟﻨﺎﺭ ... ﻧﺎﺭ ﻋﺸﻘﻪ ..💓
🍃🍃🍃🍃
ﻭﺗﻌﺪﻱ ﺍﻷﻳﺎﻡ ...
ﻣﺸﻲ ﻓﻴﻬﻢ ﻋﻤﺎﺩ ﻣﻊ ﺗﻴﻔﺴﺎ ﻭﺟﻤﺎﻋﻪ ﻣﻦ ﺍﻟﺸﺒﺎﺏ ﻟﻠﺠﺒﻞ ..
ﻛﺎﻥ ﺗﻴﻔﺴﺎ ﺯﻱ ﺍﻟﻤﺮﺷﺪ ﺍﻟﺴﻴﺎﺣﻲ ﺭﻓﻌﻬﻢ ﻷﻫﻢ ﺍﻷﻣﺎﻛﻦ ﺍﻟﺤﻠﻮﺓ ﻓﻲ ﺍﻟﺠﺒﻞ ..
ﺑﺲ ﺍﻣﻴﺰ ﻣﻜﺎﻥ ﻓﻲ ﻧﻈﺮ ﻋﻤﺎﺩ ﻛﺎﻥ ...
ﺗﻴﻔﺴﺎ : ﻫﺎﺩﻱ ﺍﺳﻤﻬﺎ ﺍﻟﻌﻴﻦ ﺍﻟﺰﺭﻗﺎﺀ .. ﻣﻦ ﺍﺟﻤﻞ ﺍﻟﻤﻨﺎﻃﻖ ﻓﻲ ﺟﺎﺩﻭ ..
ﺗﻌﺮﻓﻮﺍ ﻓﻲ ﻋﺰ ﺍﻟﻨﻮ ﺗﻮﻟﻲ ﻣﻴﺘﻬﺎ ﺧﻀﺮﺍ ﻣﻦ ﻗﻮﺓ ﺍﺷﻌﺔ ﺍﻟﺸﻤﺲ .. ﺗﻮ ﺍﻥ ﺷﺎﺀ ﺍﻟﻠﻪ ﻧﺪﻳﺮﻭﺍ ﺟﻴﻪ ﺗﺎﻧﻴﻪ ﻓﻲ ﺍﻟﺼﻴﻒ ﻭﺗﺸﻮﻓﻮﻫﺎ ..
ﻋﻤﺎﺩ : ﺧﺎﻃﺮﻱ ﻧﺎﺧﺪ ﺳﺎﻟﻄﻮﺍ ..
ﻋﻼﺀ ﺑﻀﺤﻜﻪ : ﺣﺘﻰ ﺍﻧﻲ ..
ﺗﻴﻔﺴﺎ : ﻭﻳﻦ ﺍﻟﻤﺸﻜﻠﻪ ..
ﻣﺎﺻﺪﻗﻮﺍ ﺳﻤﻌﻮﺍ ﻛﻠﻤﺘﻪ ..
ﺭﻣﻮﺍ ﺗﻴﺸﺮﺗﺎﺗﻬﻢ ﻭﻧﻘﺰﻭﺍ ﻛﻠﻬﻢ ...
ﻭﻛﺎﻧﺖ ﺗﺠﺮﺑﻪ ﺟﺪﺍ ﻣﻤﺘﻌﻪ ﺑﺎﻟﻨﺴﺒﻪ ﻟﻴﻬﻢ ...
💕 ﺻﻮﺭ ﻋﻤﺎﺩ ﻫﻠﺒﻪ ﺻﻮﺭ ﻭﺑﻌﺘﻬﻢ ﻟﺒﻨﺖ ﻗﻠﺒﻪ 💓
ﻭﻣﻜﺎﻧﺶ ﻓﻮﻻ ﺻﻮﺭﺓ ﻣﻦ ﻏﻴﺮ ﻣﻼﺑﺲ ﻣﻦ ﻓﻮﻕ ﺣﺘﻰ ﻟﻤﺎ ﺻﻮﺭ ﺣﺪﺍ ﺍﻟﺒﺤﻴﺮﻩ ﻟﺒﺲ ﻭﺑﻌﺪﻳﻦ ﺻﻮﺭ ..
ﻫﻲ ﻛﺎﻧﺖ ﺗﺘﻔﺮﺝ ﻋﻠﻴﻬﻢ ﺑﺎﻟﻮﺣﺪﻩ ﺑﺘﻤﻌﻦ ﻭﺍﻟﺪﻣﻮﻉ ﻣﺎﺑﻄﻠﻮﺵ ﻧﺰﻭﻝ ...
🍃 ﻣﺎﺑﻌﺪﻫﺎ ﻣﺶ ﻋﺎﺭﻓﻪ ﻛﻴﻒ ﺍﺩﻳﺮ .. ﺧﺎﻃﺮﻫﺎ ﺗﻨﺴﻰ ﺍﻟﻠﻲ ﺻﺎﺭ ﺗﻌﺘﺒﺮﻩ ﻛﺄﻧﻪ ﻣﺎﻛﺎﻥ ﺑﺲ ﻣﺶ ﻗﺎﺩﺭﻩ ﻭﻳﻦ ﺗﻨﻮﺽ ﻋﻠﻴﻬﺎ ﻛﺮﺍﻣﺘﻬﺎ ﻭﺟﺮﺡ ﺍﻟﺨﻴﺎﻧﻪ ﺗﻜﺮﻫﻪ ﺑﺎﻟﻤﺮﻩ 🍃
🍁 ﺍﻣﺎ ﺭﻧﻮﺷﻪ ..
ﻓﺎﻟﺴﻴﺪ ﺯﻳﻦ ﻭﻳﻦ ﻣﺎﺗﻤﺸﻲ ﻓﺠﺮﺗﻬﺎ ﻣﺤﺎﺻﺮﻫﺎ ﺣﺼﺎﺭ ﺗﺎﻡ ..
ﻫﻲ ﺗﺤﺎﻭﻝ ﺗﺘﺠﺎﻫﻞ ﺑﺲ ﻗﻠﺒﻬﺎ ﻭﺍﻛﻠﻬﺎ ﻉ ﺭﻣﺰﻱ ﺑﺘﻤﻮﺕ ﻣﻦ ﺍﻟﺨﻮﻑ ﻋﻠﻴﻪ ﻭﻣﺎﺗﺒﻴﺶ ﺩﻳﺮ ﺷﻲ ﻳﺴﺘﻔﺰ ﺯﻳﻦ ﺗﺨﻠﻴﻪ ﻳﻀﺮ ﺭﻣﺰﻱ ..
🍁 ﺧﺸﺖ ﻣﺪﺭﺳﺔ ﺗﻌﻠﻴﻢ ﻗﻴﺎﺩﺓ ... ﻭﺍﻣﻮﺭﻫﺎ ﻓﺎﻟﻘﺮﺍﻳﻪ ﻣﺎﺷﻴﻪ ﺗﻤﺎﻡ ﻭﻛﻠﻪ ﺣﻴﺎﺗﻬﺎ ﻣﺎﺷﻴﻪ ﺑﻬﺪﻭﺀ ﺗﺎﻡ ..
ﻭﺿﻮ ﻳﺮﺍﻗﺐ ﻓﻲ ﺍﻟﻬﺪﻭﺀ ..
ﻓﻲ ﻣﺮﺓ ..
ﻛﺎﻧﺖ ﻭﺍﺻﻠﻪ ﻟﻠﻜﻠﻴﻪ ﻧﺰﻟﺖ ﻣﻦ ﺍﻟﺴﻴﺎﺭﺓ ..
ﻗﺎﻟﺘﻠﻬﺎ ﺭﺍﻧﻴﺎ ﺗﺠﻴﻬﺎ ﻟﻠﻌﻠﻮﻡ ..
ﻛﺎﻥ ﺍﻟﺠﻮ ﻣﺎﻃﺮ ..
ﻷﻭﻝ ﻣﺮﺓ ﺗﻠﺒﺲ ﻟﺒﺴﺔ ﺳﺮﻭﺍﻝ ﻭﻓﻮﻗﻬﺎ ﺑﺎﻟﻄﻮ ﻟﺘﺤﺖ ﺍﻟﺮﻛﺒﻪ ..
ﻭﺍﻟﺸﺎﺭﺑﻪ ﻣﺤﺸﻴﻪ ﻓﻲ ﺍﻟﺒﺎﻟﻄﻮ ..
ﻛﺎﻧﺖ ﺗﺠﺮﻱ ﻗﺼﺖ ﺍﻟﻄﺮﻳﻖ ..
ﻭﺻﻠﺖ ﻟﻠﻌﻠﻮﻡ ..
ﻭﻛﻤﻠﺖ ﺗﺠﺮﻱ ...
ﺩﻻﻝ : ﺗﺲ .. ﺍﻧﺒﻠﻴﺖ ..
" ﺍﺧﺘﻲ ﺩﻻﻝ .."
ﻛﻤﻠﺖ ﻣﺸﻲ ﻭﻫﻲ ﺧﺎﻳﻔﻪ ﻣﺎﺯﺑﻄﺘﺶ ﺻﻮﺗﻪ ..
ﺭﻛﺒﺖ ﺍﻟﺪﺭﻭﺝ ..
ﺭﻛﺐ ﻭﺟﻲ ﺟﻨﺒﻬﺎ ..
ﺿﻮ : ﺻﺒﺎﺡ ﺍﻟﺨﻴﺮ ..
ﻫﻲ ﺍﺑﺘﺴﻤﺖ ﺑﺈﺣﺮﺍﺝ : ﺍﺳﻔﻪ ﻣﺎﻋﺮﻓﺘﺶ ﺻﻮﺗﻚ ..
ﻭﻗﻔﻮﺍ ..
ﺿﻮ ﺑ?
