#العشق_المتمرد "اختبار"
الجزء 106
#جمان_فريد
🌟..
🍃بعد مرور ثلاثة أيام...
كوالالمبور...عاصمة ماليزيا..
في احد الطوابق السكنيه...
تحديدا شقه في الدور الثالث..
في صالتها..
كانت مقعمزة تقرا ع السكايب هي وزوز من زميلاتها..
وحده سوريه..
والتانيه مصريه..
"ميسرة وشام"..
شام:اففف..انا اختنقت ماعاد فيني..
مرام:ههههههه ديما وانتي مخنوقه..
ميسرة:عايزة تفضل مبلطه هنى لغاية مايطردوها لوحدهم..
شام بتهكم:يخزي العين عنكن شو خفيفين دم تؤبرنني..
مرام وميسرة:ههههههههههه..
مرام بضحكه:باهي خلاص ناخدوا بريك 10دقايق..
شام:ييي..لك تسلملي ياليبي..
ضحكوا البنات..
بعدين قالت مرام..
مرام:امم..صبايا..نبي نستشريكن فحاجه..
شام :استشيري حبيبتي انا بالخدمه..
ميسرة:روحتي فيها يامرومه..
شام:خليك بحالك ياوليه..
مرام بضحكه:غير خلني نحكي..
ميسرة بضحكه:احكي احكي..
تنهدت مرام وقالت:طلعت نتيجة التحليل اليوم..وطلعت..حامل..
شام وميسرة طلقوها زغروطه..
مرام:هههههههههه..
شام بضحكه:الف مبروك ياعسل..
ميسرة:مبروك ياحبيبتي ربنا يقومك بالسلامه..
مرام بإبتسامه:الله يبارك فيكن....احمم..المهم نبي نخبر راجلي بس مش عارفه كيف..
شام:يعني بدك تخبريه بطريقة مميزة..
مرام:ايه..
ميسرة:انا ماليش فيه..
شام:وانا الي فيه وستين الي فيه كمان..
مرام بضحكه:باهي فيديني..
شام:اممم..شوفي هلأ زوجك هو حدن جاد وحد شوي تمام..
ضحكت مرام:باهي..
شام فكرت شويه بعدين قالت:طيب..انا بقلك شو تعملي..
🍁🍁🍁🍁🍁
تونس...
العاصمه...
في احدى العيادات..
ياربي باهي لأمتى حالها هدا لأمتى؟!
الدكتور:للأسف..ماتبيش تستجيب وتفيق من غيبوبتها..الوضع ليه علاقه مباشرة بحالتها النفسيه..وكيف ماقلت قبل..هي هاربه بالغيبوبه..
عبدالسلام بألم:يعني يادكتور..شن نقدروا نديروا شن يطلع بأيدينا!؟لو طلعناها لأوروبا يكون افضل؟
الدكتور بإبتسامه:حتلقى نفس النتيجه..حالة بنتكم نفسيه مش عضويه..العلاج لازم يكون ع العامل النفسي وبس..
نعيمه بعدت من حداهم وهي تبكي..
عبدالسلام بحزن:باهي دكتور مشكور..
هز الدكتور راسه بإيجاب ومشي..
مشي عبدالسلام لمرته وقف حداها قعد يمسح ع ظهرها ويهدي فيها..وهو اصلا من داخل يبي من يهديه..
🍁🍁🍁🍁
اسو الحلوة توا كان تاكل هادي كلها غدوة ان شاء الله نرفعها للملاهي..
اسيا بفرح:ملاهي؟؟؟
آمنه بضحكه:ايه ملاهي..تلعبي بالدرجيحه..والزلحيبه والزنقي دحدح....
اسيا ضحكت بفرح..
امنه:بس قبل تاكلي الصونيه هادي كلها..
اسيا:باهي..
فوق..
ممتاز ممتاز ...كويس جواد توا يلعب شوطين لأنه كمل واجبه كله..
جواد ابتسم بعدين قال:عمي محفوظ..امي امتى تروح..
ابتسم محفوظ راجل آمنه وقال:قريب إن شاء الله قريب..وتوا خلينا في المكافأة متاعك..شد يد البلايستيشن وقال..هي تعالى..
ناض جواد ومشي قعمز حدا محفوظ وبدي يلعب هو وياه..
وحداهم مجد يكتب فواجبه..ومعمر يلون فكتاب الرسم..
في وحده من الديار..
نور بألم:مافيش تطور بكل يارانيا بكل..
رانيا بحزن:لاحول ولاقوة الا بالله..باهي الصغار شن دايرين..اسيا قاعده تبكي في الليل؟
نور وهي تمسح فدموعها:امس رقدت تعودت ع عمتي آمنه هلبه وبدت ترتاح معاها..
رانيا بحزن:ربي يفرج ويردلهم امهم عاجلا غير آجل..
نور:آمين 💔
🌴🌴🌴🌴🌴🌴
مقعمزين في الدار..
يهدرزوا في نفس الموضوع اللي ماشاغلهم غيره..
غاليه بدموع:غير كان نعرف شن صارلها بش وصلت لهالحال!تلاته ايام فغيبوبه حتى بعد يطلعوها لتونس مافيش فايده.!!
الهادي:تكمد فقلبها واجد..دير فروحها قويه ومن داخل ماعالم بيها كان ربي..راهي مازالت صغيره ع الوجع اللي تعاني فيه..
محمد:الجيات الاخيره حسيتها احسن من قبل مايبانش عليها الحزن كيف الاول..شن طرالها فجأة..
غاليه:كيف ماقال الهادي كامداته فقلبها..
ع خشة لمياء..
لمياء:السلام عليكم..
ردوا :وعليكم السلام..
مشت بتقعمز حدا غاليه وهي تقول:مافيش جديد..
غاليه حركت راسها ايمين ويسار بالنفي..
لمياء تنهدت بحزن وقعمزت..
ناض الهادي وقال:ربي يفرج ..وقف ع حيله وقال..ماتبي شي..
غاليه:تس تس..
محمد ناض معاه..وطلعوا الزوز مع بعض..
🍁🍁🍁🍁
بلعاني $$%* اناثي..بش تعفس فيا..
عبير:خوله بلامرض زايد..
خوله برفعة حاجب:قسما بالله يفوت الشهر هدا وماتفيقش العرس لما نديره..
ع خشة خوهم مروان...
مروان:احلفي ع روحك..
خوله شبحتله بحده..
وهو بإزدراء بعدين غير عيونه لاخته عبير وهو يقول:نوضوا وحده فيكم تعطي لامها دواها..
عبير:سندس...سندس..
جت سندس بنتها من الدار :نعم ماما..
عبير:جيبي دوا حناك..
سندس:حاضر..
🍁🍁🍁🍁
في وحده من العيادات..
اففف...استغفر الله..
اسراء:مالك خيرك!!
مالك:اسف جدا...اسراء بالله عليك كملي انتي ..
اسراء خدت منه ملف المريض وهي تشوفله بقلق..
وهو مشي طلع من الحجره...
قعد يمشي..
لين وقف فتركينه فاضيه من الممر..
طلع تليفونه من جيب السروال..
وضرب ع رقم نور..
حطه ع وذنه...
قعد ينادي ينادي..
بعدين انفتح الخط..
مالك توسعوا عيونه شويه وقال بلهفه:نور..نوارتي..
ماسمعش غير صوت بكاها..قلبه انعصر عصر
مالك بألم:اهدي حبيبتي..نوارتي..
نور ببكي:مالك..
مالك :روحه قلبه عمره..💓
نور رشفت بعدين قالت:مالك نفسيتي تاعبه هلبه هلبه خايفه ع دلال هلبه يامالك..
تنهد مالك بحزن وقال:مافيش جديد بكل!؟
نور بنبرة باكيه:نهائي..مافي شي..ياخوفي تقعد بالسنين!!...تو انت مالك اكيد عندك خلفيه عن حالات الغيبوبه..اللي فحالة دلال توا شن يصير فيها
مالك:بصراحه ماعنديش هديكا الخلفيه عن اللي فحالتها كل اللي نعرفه ان الغيبوبه مش شرط تستمر لفترة طويله زي ماهو شائع في اللي ماتفوتش اسبوع..وإن شاء الله دلال ماتفوتش هالمده..
نور بتوسل:يااارب...
🍁🍁🍁🍁
خش للشقه..
صكر وراه الباب..
نادى زي ماهو متعود..
"بنت عبوده"
ردت عليه من الكوجينه..
"في الكوجينه"
ابتسم ومشالها...
خش الكوجينه لقاها ادير في العشي..
وقف جنبها وقال:طباهج..
ابتسمت وقالت:ايه..
باسها من خدها..
وخر ومشي طلع من الكوجينه..
هي طلقت اللي فيدها..
ومشت وراه..
🍁خش للدار..
حول الدجاكه ..
حطها ع الكنبه..
بعدين مشي لحوايجه المحطوطات ع السرير مرام مجهزتهم..
كيف جاي بياخد السروال..
لفت انتباهه شي...
كانوا الحوايج محطوطات بالترتيب جنب بعض فجنبهم شخشير لان الجو غادي مصقع..
فجنب شخشيره كان في شخشير أطفال صغير هلبه هلبه..
هو خداه قامه..
حطه في كف يده وقعد يشوفله..
ارتسمت ع وجهه ابتسامه جانبيه حلوه هلبه..
التفت..
لقاها مبينه راسها من الباب رافعه حواجبها وهي مبتسمه..
هو ضحك وفتح ذراعه..
وهي ضحكت وطول جاته خشت حضنها..
ضمها بقوة وباس راسها بعدين قال:جو المفاجآت هدى جديد..
مرام ابتسمت وقالت:مابيتش نخبرك هالخبر بطريقه صامته..
زاد حضنها وهو يضحك..
وهي مغمضه عيونها فحضنه وهي تضحك بفرح..
💕💕💕💕💕
مقعمز ورا اللاب..
يقرا ويقرا في ابحاث عن الغيبوبه..
لعند ماوصل لحالة دلال اللي عرف بيها اليوم من بوها لما اتصل وسأل عنها..
قعد مركز تركيز تام...
حط سبابته ع النظارة..
بعدين ابتسم بفرح وحولها..
خدي تليفونه وطول ضرب ع رقم بوها..
نادى مرة وطول انفتح الخط..
عبدالسلام:ايوه..
ضو :احمم..اسف جدا اللي كلمتك فهالوقت بس للضرورة..
عبدالسلام:ولا يهمك..اساسا ماجانيش نوم..
ابتسم ضو وقال:مادام هكي ياريت تسمع كويس شن بنقولك توا...اني..قريت عن موضوع الغيبوبه وحالة بنتك تحديدا لأنها نفسيه..تبي علاج نفسي..
عبدالسلام؛ايه وهكي قال الدكتور..
ضو:تمام..لهدا مفروض توا يعني..تخشولها تهدرزوا عليها تكلموها..لأن زي ماتعرف هي تسمع فيكم لو كلمتوها هدى حيساعدها واجد..
عبدالسلام:اني فكرت فشي زي هدا بس قلت خل نشوف الدكاترة شن يديروا قبل..
ضو:مش حيعارضوا الخطوة هدي بالعكس حيشجعوا عليها..
شبح عبدالسلام لمرته اللي راقده حداه بعدين قال :اممم..خلاص ان شاء الله من غدوة حنبدا فالشي هدا ويااارب..يارب يدير نتيجه اقلها تروح لصغارها..
ابتسم ضو وقال:تفيق وتروحلهم بإذن الله..
ابتسم عبدالسلام وقال:آمين...ع العموم بارك الله فيك ياضو بجد تعبت معانا هلبه..
ضو:لا ماتقولش هكي رانا عيله ولانسيت..
ابتسم عبدالسلام وقال:صدقت..ربي يحفظك..
ضو:تسلم..وان شاء الله تروحوا في القريب العاجل بدلال وهي فأحسن حال..تصبحوا ع خير
عبدالسلام:آمين...وانت من اهل الخير
صكر ضو وهو مبتسم
عيونه تحركوا لحاجه ع طاولته لما حط هاتفه..
يوم اللي صارت فيها حادثه فقدان دلال لوعيها..
هو تلقاها ومخلاهاش اطيح..
جوه بعدها بنات حاولوا يفيقوها بس بدون فايده..
لعند مااضطر مجبر انه يرفعها لسيارته بمساعده نفس البنات..
ورفعها طول لوحده من المستشفيات...
الربكه اللي صارت خلت المحظورات كلها مركونه ع جنب..
فالضرورات تبيح المحضورات..
🍁مايهم..
اتصل بعدين بأهلها وجوها..
وهو قعد شويه ومشي..
لما ركب سيارته..
تلفت للكرسي الخلفي وين ماكانت دلال متمدده..لفت نظره شي قعد مركز فيه...
بروش لونه فضي لدلال كانت ادير فيه ع شاربتها لما ترفع طرفها يمين ليسار صدرها..
💎وهالبروش قعد عنده من يومها...
وهو يتأمل فيه تلقائيا قعد يغني بصوت هادي..
خطرنا ع بالك...خطرنا ياهوا...
كان مالنا ومالك..نحنا ياهوا..
لابعمرنا..هوينا..
ولاشافت عينينا..طيفك..
ياهوا..
ضحك..
وحط ايديه وهو مشبكهم ورا راسه..
غمض عيونه..
وراح في عالم ليه مده خاشله جديد💓
🌴🌴🌴🌴🌴
الساعه 11:30صباحا..
مقعمزات في القاعه حدا الروشن يتفرجوا ع المطر وهي تصب ويهدرزوا..
تغريد:كنت نحساب الحاجات هدي في المسلسلات بس خيال واوفر ودراما..
رزان وهي تشوف للمطر:المسلسلات ينقلن في الواقع ياتغريد..
تغريد:قصدي يعني معقوله في حد من الحزن يخش غيبوبه!
تعبوا عيون رزان دموع:الحزن يقتل مرات ياتغريد مش بس يدخل غيبوبه..
تغريد بألم:يعني هي اللي صار فيها من حزنها ع راجلها اللي ليه سنين ميت..
ابتسمت رزان بألم وقالت:ماكانش راجلها بس ولابو صغارها بس..هما الزوز كانوا يعشقوا بعضهم عشق ماتتصوريه..قصتهم يحكوا بيها ياتغريد..
ديما منين نشوف دلال نقول هدي المراة قويه واجد اللي قدرت تتخطى اللي صار معاها.بس بعد اللي صار توا تأكدت اني غالطه..كانت تظاهر بالقوة عشان صغارها بس..
تغريد:وجعتني واجد..ووجعوني صغارها ربي يردلهم امهم يارب..
رزان بألم:ياارب.
🍁🍁🍁🍁
خش للحجرة..
عيونه تعبوا دموع وهو يشوف فيها راقده ع السرير فحالها هدا..
قدملها..
وقف حداها..
حط يده ع يدها وشدها..
بعيون معبيه دموع ونبرة ألم قال:بنتي..دلو بابا..احمم..مش عارف يابنتي شن بنقولك..بنطلب منك السماح ع اللي درته فيك ولانقول هدا نصيبك وقضاء وقدر لازم ترضي بيه ؟!والله ماني عارف...تنهد وقال...لكن في النهايه اللي صار صار يابابا..والحياة مازال مستمرة يابابا وكل واحد فالدنيا هادي..ربي مايكلفاش فوق طاقه...واني عارف..مسح دموعه اللي نزلوا وكمل يقول..عارفك قويه..كله تقدري تتخطيه..ع خاطر صغارك يابابا صغارك..جواد..معمر..اسيا..كل وقت ينشدوا عليك..ماما وين..ماما امتى بتجي..صغارك يابابا صغارك..رشف وقال..صغارك اللي حلوا عيونهم ع الدنيا وقدر الله بوهم مايكونش معاهم..وقعدتي انتي بروحك ليهم..انتي يابابا اللي ليهم توا..ماتخليهمش يعيشوا الفقدان اضعاف يابابا....دلو...حبيبتي بنتي...تعالي يابابا ارجوك..ارجوك يابابا..راهو اني خلاص معاش عندي حيل للحزن ارجوك يابابا..ارجوك..
حط يده ع وجهه وقعد يبكي...
لحظات بسيطه بعدين هدا...ومسح دموعه وقال..ربي يردك..يردك لصغارك يارب..سادهم فقدان بوهم ساد...
🍁🍁🍁🍁
فقدان!
الفقدان...
ممكن هما مايحسوشي فهالسن الصغيرة هادي بقوة زي مايحسوه بعدين لما يكبروا ويولوا بحاجه لوجود الأب والام معاهم فأشد الأوقات حزنا..واسعدها..
بعد العصر..
رفعوهم عمة دلال وراجلها للملاهي..
وكانت معاهم نور...
لعبوا ضحكوا..كلوا وشربوا..
ممكن توا هما سعداء..
بس مش بسعاده آمنه وراجلها اللي ربي ابتلاهم بفقد نعمة الذريه..
نور ماكانتش مركزه ع صغار اختها زي مامركزه على عمتها وراجل عمتها وفرحتهم بالصغار..
واذكرت ايام زمان كيف كانت آمنه كل نهاية اسبوع لما تاخد صغار العيله كلهم وترفعهم كل مرة لمكان..
مرة ملاهي..مرة حديقة حيوان...مرة منتزه..
وفي الصيف للبحر..
آمنه اللي فكل عيد لازم تحسبهم فحوايج وألعاب واول ماتخش حوش العيله تناديهم بالإسم بش يلاقوها..
وهما لما كانوا صغار كانوا يستقبلوا فيها بهتاف..
"عمتي جت..خالتي جت.."
وهي من عيونها تتنطر السعاده وين تشوفهم وتسمعه منهم..
نور"ربي يعوضكم في الجنه يارب"..
🌴🌴🌴🌴🌴🌴
حطي عليهن الكرسي..
حطاته وهي فقمة التعب..
سالمه:ساويه زين ياركيكه..
ساواته حميده كويس..والتفتت لعزوزتها وهي تشوفلها بنظرات تعب..
سالمه:خلاص هكي باهي..وتوا توكلي خلاص ماعندي ماندير بيك..
مشت من حداها بدون مادير اي ردة فعل..
حالها توا حال انسانه محبطه تماما..
مستسلمه استسلام تام..لكل شي..
ليها توا فوق 15يوم وهي من صفعه لصفعه..
الصفعه اللي عطتها لخوتها ردتلها بصفعات..
هي من صدمتها معاش ولا عندها قوة لمواجهتهم..
هي توا خاسرة..
وايقنت تمام اليقين انها خسرت نفسها قبل لتخسر عيلتها..
لهدا هي مستسلمه وخانعه وخاضعه هكي..
نزلت من الدروج..
وتوجهت لباب الحوش وطلعت منه...
وقتها الصديق كان كيف مروح..
نزل من السيارة وهو يشوفلها كيف ماشيه للحوش..
فهديكا اللحظه..
قلبه دق بقوة 💓..
..منظرها استغربه لين خلاص..وجعاته هلبه.
صكر الباب...
ومشي بيلحقها..
خشت للدروج بتركب..
"حميده"..
وقفت مكانها..
هو كان يشوفلها بلهفه..
عيونه كان فيهم حزن شديد..
وفداخله صراع رهيب هو مش فاهمه..
ع فتحة حليمه لباب الحوش..
"ماشااااء الله ماشاااء الله"..
حست حميده بخوف شديد..
طول ركبت تجري..
والصديق التفت..
شاف لحليمه بإستغراب..
لحظات بسيطه..
وفاح عليه بخور تعود يشم ريحته..
لحظات بسيطه تانيه بس و...
الصديق ابتسم وقال:كنت نبي نشوفها كان عدت ساعدت امي ولالا..
حليمه برفعة حاجب:اممممم....باهي..خش..
هو هز راسه بإيجاب وخش..
هي قعدت معاه بعيونها لين خش للدار..
حليمه:وضعه مش عاجبني..
قرنت حواجبها...
وخشت داخل ..
خدت البخاره..
وطلعت بيها برا..
مشت للدروج وقعدت تبخر وتمتم..
شبحت فوق بنظرة حقد..
بعدين مشت ولت لحوشها وخشت..
فوق...
حميده كانت تمسح ع راس بنتها اللي راقده..
ضيقت عيونها بإستغراب لما شمت الريحه..
حميده بقرف:بخورها المعفن...
ناضت طول للتلفزيون وعلت صوت القرآن شويه..
وقفت وقعدت تشوف فالتلفزيون..
حميده:هدي شكلها ديرله فشي يصرفه عني...
🍃مش شكلها حميده..ولا من توا هي تصرف فيه عنك..ليها وقت وقت طويل..وانتي راقده ع وذانك..ماحاسه ولاداريه بشي🍃
🍁🍁🍁🍁
تاني يوم..
الساعه 4:30عصرا...
الأرواح..فالشدايد يرخص سومها..
الأرواح فالشدايد يرخص سومها...
شبح جنبه لقي خوه يشبحله ع جنب..
ضحك وكمل يغني..
تسابق..على الأمجاد..هدى يومها..
مؤنس:ماطارب ياسي..
اصيل بضحكه قعد يعني وهو يدربك بصوابعه ع الدومان..
فرحانين طرابه...فرحانين طرابه..
فرحانين طرابه..فعرسه جينا عزابه..
وفرحانين طرابه..
رباب قعدت تضحك بكتمان..
مؤنس بضحكه:مش بلاش انت..
اصيل وهو مبتسم :انت ادرى..
ضحك مؤنس وهو يحرك فراسه ايمين ويسار..
ورباب تضحك وهي تفكر فنفس الوقت بالقصد من تلميحات اصيل..
شويه..
وشد الدومان بإيديه الزوز تنهد وقال:واخيرا..وصلنا..
خش للقطعه من بابها الخلفي..
وقلبه يدق بقوة..
رباب كذلك قلبها كان يدق بقوة 💓مستاحشه اهلها هلبه..
درست السيارة...
طول اصيل شبح لحوش ميلاد..
ومن حظه الحلو..تجي عينه عليها وهي طالعه برا..
هي شبحت للسيارة وابتسمت بفرح..
قعدت واقفه وفيدها بوتها اللي جايه بدخله..
شافت رباب نازله..
رباب اول ماشافتها ضحكت..
حطت رزان بوتها..
ونزلت بسرعه..
هو يشوفلها كيف لابسه كبوط طويل ع التوته وحاطه برنوسه ع راسها وخصلات بسيطه طالعه من شعرها..
قدمتلها رباب وهي تضحك وفاتحه ايديها..
وصلت فيها رزان وحضنتها..
رزان:الحمد لله ع سلامتكم..
رباب بضحكه:الله يسلمك يارب..
بعدوا عن بعض..
رزان بضحكه:ماقالوا بتروحوا اليوم..
رباب:هههه..حني ماقلنا لحد...مفاجأة خليناها..
رزان وهي تضحك:اها..
شدت رباب رزان من يدها وقالت :تعالي معاي نفاجئ الباقي..
ضحكت رزان ..
كيف جايين بيمشوا..
اصيل:حتى حني جايين من سفر رانا..
مؤنس فنص..
رباب التفتت لأصيل وهي تضحك..
رزان تحولت ضحكتها لإبتسامه جاده قالت:الحمد لله ع سلامتكم..
مؤنس بدون مايشوفلها:الله يسلمك..
اصيل وهو يشوف لعيونها:الله يسلمك💓
هي تلاشت ابتسامتها وغيرت عيونها عنه..
رباب:هي خلاص توا خلينا نمشوا فحالنا..
ومشوا الزوز..
واصيل يضحك..
مؤنس:مزودها شوي ياولد امي..
اصيل:قلبي هدى مش مني..
مؤنس رفع حواجبه..
واصيل رفع يده يشوف لساعته وهو رافع حاجبة اليسار وشاد ضحكته..
من بعيد شوي..
في الجردينه..
مكالمه هاتفيه..
محمد:لليوم كلمتهم قالوا الحال كماهو عليه..
عماد بأسف:لاحول ولاقوة الا بالله..بنحجز لتونس في المرواح ونمشي نشوفهم وخلاص..
محمد وهو يشوف القدام :كويس..
عماد:عندي غادي دكاتره معارف نقوللهم ع حالتها ونشوفوا شن يقولوا..
محمد وهو طالع من الجردينه ويشوف لاصيل ومؤنس:ولاد امينه هادوم؟
عماد بتضييقة عيون:منو!؟
محمد ابتسم وقال:رباب روحت شكلها..نشبح قدامي فسيارة مصبيين حداها مؤنس واصيل..
عماد كان شاد فيده مفتاح شقته اللي يقعد فيها لما يمشي لتركيا..
شد عليه قبضته بقوة من غيظه الشديد..
محمد:مووونس...واشر بيده...
اشرله مؤنس بيده...
اما اصيل:مااحمد الفااااتح..
محمد:ههههههه..احمم..هي مال عماد اني بنصكر تو..بالسلامه..وصكر عليه..
ومشي يسلم ع الشباب.
🍁في نفس الوقت..
داخل...
خشوا داخل هما يمشوا بهدوء دون مايصدروا اي صوت..
رباب بهمس:لمياء هني؟
رزان بنفس الهمس:عند هلها فطرابلس..
رباب:احسن..
شدت رزان ضحكتها..
وصلوا الدار..
لقوا غاليه تقلب في الدولاب..
غاليه:وين عديت بيها وين...
رباب ابتسمت بإستغراب..
غاليه وهي غاطسه في الدولاب:اهيااا..
جت وراها رباب بالزبط..ووقفت..
وخرت غاليه وفيدها الوشاح..
التفتت..
غاليه:هيييييييييييي..
رزان:ههههههههههههه..
غمضت غاليه عيونها بشده وهي حاطه يدها ع قلبها..
رباب:ههههههههه..
فتحت غاليه عيونها وهي تشوفلها بإبتسامه:جحشه..
حضنتها رباب وهي تضحك..
وغاليه حضنتها وهي مبتسمه..
ورزان تشوفلهم بإبتسامه..
شويه وبعدوا عن بعض..
رباب:شن رايك في المفاجأة؟!
غاليه بضحكه؛تقتل..
ضحكوا رزان ورباب..
بعدين قالت رباب:امي وين"حناها" وخالتي حميده!؟
تلاشت ضحكت غاليه ورزان...
رباب تلاشت ابتسامتها وهي تشوفلهم بشي من الخوف:صايرة حاجه!؟
تنهدت غاليه وشبحت لرزان..
ورزان شبحتلها بضيق..
رباب:حسكم خوفتوني!
غاليه:ماتخافي مافي شي يخوف..
قعمزي قبل..
قعمزت رباب وهي تبلع فريقها..
وقعمزوا غاليه ورزان حداها..
🍁🍁🍁🍁
كانت واقفه فالروشن تراجي فيه امتى يطلع بش بتوصيه ع حاجات..
اللي عندها قريب يتم خلاص..
شافاته طلع..
جت بتمشي..
وقفت فمكانها لما شافت حليمه طالعه معاه..
حليمه:الخاتم نفسه نبيه ..
الصديق:باهي..
حليمه:ايه وردبالك تنسى تخطم ع سيدي في الحوش قبل تعدي..
الصديق:حاضر..
حليمه:فوق اسبوع ماطولش..
الصديق:باهي..
فتح باب السيارة وركب..
حليمه:بالسلامه..
الصديق:الله يسلمك..
صكر الباب..
هي وخرت...
شغل السيارة وتحرك..
قعدت معاه لين طلع..
مشت طول صكرت الكونشيلو..
بعدين لفت متوجه لباب الحوش..
شبحت فوق..
شبحتلها حميده برفعة حاجب..
حليمه وقفت وحطت ايديها فنصها وقعدت تلعلع:خيييير ياحنه...شن عندك....
هي وخرت من ع الروشن وقالت:الله ينزعك..
فنصت لما سمعتها.تقول...
"نلقاك تتلصصي ع راجلي مرة تانيه نرقالك نحرقك"..
حميده:الحقيره!
حليمه:وحده %$$£₩..
وخشت داخل..
وصكرت وراها الباب بقوة..
حميده:وحده خامرة رباية شوارع..
جتها بنتها؛ماما...نبي نص شاميه..
تنهدت حميده وقالت:باهي ماما..
مشت حميده للكوجينه..
خشتلها..
مشت لتلاجه صغيره فيها..فتحتها...كانت شبه فاضيه..
مافيها غير باكو جبنه وحكه حليب..وحكة طماطم
وعقاب حكه الشاميه...
الخضرة هادي معدومه تماما اخطا البصل مهناك حاجه..
طلعت حكة الشاميه..
فتحتها..ماقعد الا شوي
صكرت باب التلاجه..
ومشت لشكارة الخبزة..
كان في فردتين بس..
خدت وحده كسرت منها والباقي دستها..
🍁🍁🍁🍁
حطت يدها ع فمها من الصدمه..
غاليه بعيون معبيات دموع:من نهارها معاد نعلموا عنها شي..
رباب حولت يدها وقالت:اخر وحده نتوقعها ادير هكي حميده..مش قادرة نصدق!
غاليه نزلوا دموعها..
ورزان تشبح في الفراغ بحزن..
"رباب"..
مسحت غاليه دموعها وهي تقول:اضحكي اضحكي..
خش محمد..
رباب تصنعت ضحكة وناضتله:حمادي الشفش..
ضحك..
وصلت فيه..
حضنها وقال:حمد لله ع سلامتك ياطرشوله..
رباب بإبتسامة الم:الله يسلمك..
🍁🍁🍁🍁
الساعه 6:00مساءا..
مقعمزة سرحانه وهي تفكر فحال بنت خالتها..
قطع عليها سرحانها امها اللي خشت عليها وقالت:رباب روحت..
التفتت وهي تضحك بفرح:الله!
زينب بضحكه:توا المعفنه كلمتني من رقم خالتك..
رانيا:ههههههه..مفاجأة دارتها..
زينب بإبتسامه:ايه....غدوة ان شاء الله بنمشي..تقدري تمشي معانا اني وبوك؟
رانيا :للأسف لا عندي امتحان..
زينب تلاشت ابتسامتها وقالت:دلوله معاك فيه؟
رانيا هزت راسها بإيجاب وع وجهها ملامح الحزن..
زينب تنهدت وقالت:يفرج الله...
ومشت طلعت..
ولت رانيا سرحت بتفكيرها..
"امي وين"..
رانيا قامت عيونها في الباب..
قعدت تشبحله وساكته..
حمزة غير عيونه عنها وقال:رباب روحت..
ناضت رانيا ومشتله..
هو جاي بيمشي شدت يده..
التفت وشبحلها..
قعدت تشوفله وعيونها معبيات دموع..
حمزة بإستغراب :خيرك!
جي بين عيونها زين في كل المواقف المؤلمه اللي شافاته فيهم...
نزلوا دموعها..
حمزة:خيرك!!صايرة معاك حاجه!!...
فمها تقوس بإرتعاش..
حطت ايديها ع وجهها وقعدت تبكي..
هو حط ايديه ع راسها وقال:رانيا خيرك تكلمي..
ع طلعت زينب من الدار...
زينب بخلعه:حييي دلال!!
حمزة بخوف:دلال!!؟
رانيا حركت راسها بالنفي وقالت:لالا مش دلال..
زينب:مال شنو تكلمي..
رانيا حولت ايديها وقعدت تشوفلهم بعدين قالت:استاحشت حمزة..
امها بتضييقة عيون:شن هي !!!؟
حمزة:ههههههههههههه..عليك خوات مهبولات باليني بيهم ربي..
رانيا شبحتله بغضب وقالت:الحق مش فيك..
وطول مشت خشت..
حمزة رفع ايديه بقلة حيله وقال:الله غالب..
ومشي وهو يضحك..
وزينب تضحك بفرح...
"خيرها رنوشه"
شبحتلها امها لقتها مقعمزة تلون في الرسومات ..
ضحكت زينب وقالت:شن ديري..
روان:نلون..
زينب؛سلمها ياربي...امووواه..
روان:اممممواه...
ضحكت زينب...
🌴🌴🌴🌴
مرت الخال!!!؟
ايمن بأسف:ايه..
مؤنس؛كيف حني اخر من يعلم كيف!!
ايمن:كيف تبينا نخبروكم ياراجل عرسان راكم؟!
مؤنس :هدى وضع طارئ ياأيمن المراة فغيبوبه...غيبوووبه..خالك لأخر لحظه وهو يوصي فيا عليهم لأخر لحظه..
اصيل:هدي يامؤنس..المراة مش بروحها هلها معاها..
مؤنس:وحتى حني هلها!!وبعدين تعرف لو جدك يعلم يزعل واجد زعله كبيرة يااصيل..هدي راهي مرت الخال عمار...ولانسيت!!
سكتوا ايمن واصيل...
مؤنس شبحلهم شويه بعدين قال؛قتلي فتونس؟..
ايمن:ايه..
اصيل:خلاص نكلم واحد نعرفه يحجزلنا بكرا عن طريق مصراته...تمام!!؟
مؤنس هز راسه بإيجاب..
🍁🍁🍁🍁
شن هي!!!؟
غاليه تنهدت بضيق..
رباب:كيف ياخالتي حاجه زي هادي ماتخبروش عنها كيف!؟
غاليه:سيدها مابي يخبر حد مراعي الظروف..
رباب ودموعها ينزلوا:ظروف شني هادي اللي تحكي عنها!!بنت خالتي فغيبوبه واني برا نهيج وجوي مليح!!
غاليه:عروس راك..
رباب شبحت لخالتها بحده..بعدين حركت راسها ايمين ويسار وهي فقمة الغضب..
🍃🍃🍃🍃
بعد يوم...
تونس..
العاصمه..
الساعه 5:45عصرا
فالعياده اللي راقده فيها دلال..
يعني يادكتوره ممكن تفيق قريب؟!
الدكتوره:مانجمش نقولك شي اكيد عماد..الحاجه الكويسه توا انها قاعده تستجيب ..حسب نبضات قلبها اللي تبين انها قاعده تتفاعل مع اللي تسمع فيه..
عماد:باهي وبصراحه داليا بصراحه..لو طلعناها برا خير!؟
داليا ضحكت وقالت:بكل امانه ومصداقيه ياصديقي..كيف كيف
تنهد عماد وقال؛باهي داليا مشكورة ع وقتك اللي عطيتهولي..
داليا:مافيش مشكله..ربي يفرحكم بشفاها وفيقتها من الغيبوبه.
عماد:آمين..تسلمي..
هزت راسها بإيجاب وهي مبتسمه ومشت..
وهو كيف جاي بيمشي وقف فمكانه..
"شن جو"
بالسيف ابتسم مجاملة وقدمله..
صافحه وقال:الحمد لله..
اصيل بإبتسامه؛شن قالتلك..
عماد:من هي!؟
اصيل ميل راسه وقعد يشبح للدكتوره:صديقتك..رجع راسه لنفس الوضعيه وقال بتضييقة عيون :ولا كنتوا تتكلموا فشي تاني..
طلق عماد يده وحط ايديه فجيوبه وقال وهو يحاول يتمالك اعصابه:مافيش موضوع تاني اهم من موضوع مرت خالك اللي راقده هني وماحد عالم بيها كان ربي..
ابتسم اصيل بثقه وقال:مرت الخال وحني جايين جيبنالها استشاري كبير خش يشوف فحالتها توا..
عماد ابتسم بالزور وقال:كويس!..
ومشي فات من حداه..
اما اصيل ضحك وكمل طريقه وهو يقول:الباين مش ع خاطر القرايه بس فاتاته..شبح للتليفون وقعد يدور فرقم معين وهو يقول..الفرس الاصيله تبيلها فارس..ضرب ع الرقم ..
حط التليفون ع وذنه يدوب نادى وانفتح الخط..
اصيل:هاه ياجدي...ايه توا توا...
🍁🍁🍁🍁
الساعه 8:00مساءا
واقفين حدا الكوجينه ويسمعوله وهو يتكلم..
محفوظ:الإستشاري زاد اكدلهم ان حالتها ماليهاش سبب عضوي نفسي وبس..ومن الناحيه هادي قال ان اللي قاعدين يديروا فيه حاليا عبدالسلام ونعيمه لما يخشولها ويهدرزوا عليها..ممكن اكثر شي ينفعها...
نور وهي تسمع في اللي يقول فيه راجل عمتها..
نقلت تركيزها عنه لصغار اختها اللي مقعمزين قدام التلفزيون ويتفرجوا بإنتباه...
وهي تسمع في الأغنيه زادت ركزت عليهم...
انت الأمان..انت الحنان..من تحت قدميك لنا الجنان..
عندما تضحكين تضحك الحياة تزهر الأمال فطريقنا..
شافت جواد اللي كان وجهه احمر ودموعه ينزلوا وهو يمسح فيهم..
ومعمر كان يشبحله..تدريجيا بدي يبكي..
الزوز كانوا فاهمين كويس الاغنيه ع من تحكي..
ومجد قعد يبكي معاهم لانهم وجعوه..
صغار..لكن فاهمين كل شي
اسيا قعدت توزع فنظرها عليهم..
شويه وبدت تبكي معاهم..
وين جي مقطع..
امي..امي ..امي...نبض قلبي..نبع الحنان..
قعدوا يبكوا بالصوت..
واسيا تعيط وتبكي وتقول:نبي..ماما..ماما..
مشولهم بسرعه..
امنه:خلاص صغاري خلاص ماما قريب تروح قريب..
حضنت اسيا وقامتها وهي تقول:تو تجي ماما تو تجي اسو هي قالت كان اسو ماتبكيش اني تونجي..
محفوظ:جواد شن اتفقنا حني مش قلنا انت الكبير مفروض لما خوتك يبكوا انت تسكتهم !
جواد ببكي:باهي امتى تروح امي ياعمي حتى اني نبيها..
نور مشت من حداهم بسرعه وهي تبكي..
وامنه تشوف لجواد ودموعها ينزلوا..
محفوظ قعمز حدا جواد وقال:نوعدك وعد شرف ان امك قريب تروح ولدي قريب هلبه..
قعمزت آمنه ضمت معمر ومجد ليها حتى هما..
ومحفوظ ضم جواد لحضنه وقعد يمسح ع راسه ويكلم فيه...
🍁🍁🍁🍁🍁
الساعه 5:00فجرا...
🌠
في عالم غير هالعالم..
عالم المنام...
وهي فنوم طويل وعميق هلبه ليه ايام مابي يخلص..
كانت تشوف في هالعالم مجموعه من الاحداث اللي صارت في عالم الواقع..
وكلها تخصه هو وبس ...
عمار..
هالمرة اللي كانت تشوف فيه...
🍃 "عمار"..
التفتلها وابتسم تلقائيا..
خدي يدها وشدها..شبح ليدها..وقعد يشوف للدبله..
قام عيونه وشبح لعيونها وقال:دلال..تعرفي اني وين معدي توا..
عيونها تعبوا دموع طول طاحوا وهزت راسها بإيجاب..
عمار: وين بنعدي باهي ؟
ابتسمت دلال..نزلت عيونها لوطا..بعدين مسحت دموعها وشبحتله وهي مبتسمه بفخر:ماشي ادير واجبك..
ابتسم...بعدين تنهد وقال :وتعرفي ان اللي كيفي روحه حاطها في كفه ولا..
شدت يده بقوة ماتبيش تبكي قعدت محافظه ع ابتسامتها بس كانت ترجف...هزت راسها بإيجاب..
حس بيها...تتماسك بش هو مايضعفش ...
رفع راسه فوق وزفر..بعدين شبحلها وضحك وقال: إن شاء الله تفرج ويدير رب العالمين طريق لينا ولهالبلاد..المهم توا..ردي بالك ع روحك وع عويلتك..عابي عليك يادلال..
بلعت ريقها وقالت وهي مبتسمه بإستغراب ممزوج بالألم: خيرك متشائم هكي..بإذن الله حتولي مافيك سو.. وترد بالك علينا...
ابتسم بألم...قرب منها باس راسها...
هي غمضت عيونها بشدة نزلوا دموعها بس كتمت عبرتها..
وخر..
طول مسحت دموعها...
عمار :احمم..تبي اي شي كلمي امينه طول..
دلال بنبرة مخنوقه : حاضر..
شد ع يدها وقال :نوصيك..ادعيلي في كل وقت..
دلال:وهادي حاجه توصيني عليها!
ابتسم...🍃
"ماما تعالي...ماما نبيك تجي..
ماما..حبيبي وروحي عمري شتاحشتك..
امي..روحي..نبوك حني اني جواد وخوي معمر واختي اسيا نبوك ياأمي"...
🍃صوت جهاز القلب تغير...
شبحوله بخوف..
صكر عبدالسلام التسجيل وهو يشوف للجهاز.
نعيمه بخوف شديد ودموعها ينزلوا:ياربي..
غير عبدالسلام عيونه ع جهاز شبح لبنته..
توسعوا وهو يشوفلها..
كيف تحرك فعيونها..
نعيمه:عبالسلام..شوف يدها!!
شبح ليدها لقاها تحرك فصباعها..
شبحوا لعيونها من جديد..
لقوها فتحتهم..
الزوز شهقوا..
هي كانت تشوف فمشهد ضبابي..
شويه وبدت تتضح الرؤيه..
بس عقلها وقتها جابلها طيفه..
لذلك كان اول كلمه تنطقها لما فاقت...
"عمار"
🍁🍁🍁🍁
صوت زغروطه قلب الحوش قلب ع الصبح..
طلع من الدار مشي للدروج وقف وقال بصوت عالي شويه:كفايه..
شويه وجت وقفت اسفل الدروج وهي تقول بفرح:بنت اختي ياسعد فاقت..
سعد ابتسم وقال:الحمد لله..
مالك طلع من دار بسرعه:شن قالت امي توا!؟
سعد:دلال بنت خالتك فاقت..
ضحك مالك بفرح..
شوي وطلع مروان وقال وهو مبتسم؛الحمد لله..
🍁🍁🍁🍁
امتى باهي تجينا..
نور وهي تضحك بفرح:مش عارفه..قريب..
جواد:ديما تقولوا قريب..
ضحك محفوظ وقال:لا هالمره قريب قريب..
ضحكوا...
امنه كانت تشوفلهم وهي فرحانه ع خاطرهم بس فنفس الوقت قلبها واجعها لأنهم حيفارقوها وحيرجع يفضى عليها الحوش..وتبهت حياتها...🍃
🍁🍁🍁🍁
خبر فيقة دلال من الغيبوبه كان مصدر فرح وسعاده للكل
واخيرا ارتاحوا من الهم اللي قعد اسبوع ملازمهم..
بس طبعا في ناس فرحتهم غير..
واقف ع المدخل وهو يلف في الشال ع رقبته ويغني..
قولوا يانشاما عن اول علامه..
قولوا يانشاما عن اول علامه بكتاب الهوى
"انك تصبي قدام المرايا ربع ساعه وتقعد تغني"
غمض عيونه وقعد يضحك
فايزة وهي تضحك جاته وقالت:شن في جديد!؟
ضو ساوا شعره وهو يقول:لاهناك جديد ولاقديم تريحي..
خدي تليفونه ومشي طلع...
فايزة قعدت شويه تشوف للباب وهي مبتسمه..
تنهدت...بعدين ولت خشت داخل..
🍁🍁🍁🍁🍁
نبي نروح بابا..
قالت هالجمله وهي فحضن امها..
عبدالسلام بإبتسامه:حاضر يابابا حاضر غدوة بإذن الله العشيه مروحين..
دلال بصوت متعب بعض الشي:معقول قعدت اسبوع بعيده ع صغاري!!
نعيمه وهي تمسح ع شعرها:اول واخر مرة إن شاء الله..
ابتسم عبدالسلام..
وهي زادت حضنت انها وغمضت عيونها..
🍁🍁🍁🍁
دكتور نقولك المراة كانت فغيبوبه!!
الدكتور المحاضر:تجي وتجيب مايثبت واني تو نعاوده غير هكي نحطلها صفر...تمام!وتو تفضلي اطلعي ..
رانيا قعدت تشبحله بغل بعدين مشت طلعت من المكتب..
قعدت تمشي وهي معصبه وتقول:..نقوله غيبوبه..يقولي..تجيب مايثبت نعاوده غير هكي نحطلها صفر..عاودت كلامه وهي تقلد فيه..
بعدين قالت بنرفزة..شن هالكليه اللي مافيهاش كان المريض وخوه..
فجأة..
فات من حداها زين..
هي انصدمت..
قعدت واقفه تشوفله وهو يمشي لين ادرق..
تنهدت بعدين قالت بحزن:مش عليك..
غمضت عيونها وتأففت بعدين كملت طريقها وهي مضايقه..
🍁🍁🍁🍁
اليوم اللي بعده..
الساعه 9:00ليلا..
خشت الصاله..
لقتهم فيها التلاته مع خالهم..
جواد ومجد يكتبوا في الواجب..
وآسيا ومعمر يتفرجوا ع التلفزيون..
ابتسمت وقالت..
"ماماتي"..
شبحولها..
سيب جواد اللي فيده وجاها يجري
حضنها وهو ضامها من وسطها بالقوة شاد عليها بقوة..
هي حطت يدها ع راسه ودموعها ينزلوا..
ومعمر دار زيه..
اما اسيا قعدت تبكي وهي رافعه ايديها وتقول :ماما..
دلال وهي تبكي:ترا شويه ماما..
بعدوا جواد ومعمر..
جتها اسيا تجري..طبست دلال وقامتها ورفعتها فوق..
حضنتها اسيا وهي محاوطه رقبتها..
والولاد رجعت حضنوا امهم بقوة..
ووراها بوها وامها واختها وراجل عمتها وعمتها..
عمتها اللي كانت تشوفلهم وقلبها يتقطع..
🍁قعدوا تعشوا عندهم..
شدوهم يباتوا لكن عبدالسلام اصر يروح لأن في الحقيقه هادي رغبة دلال..
لما جو بيروحوا..
آمنه وهي حاضنه آسيا:تعالولي باهي..كل خميس وجمعه تعالوا باتوا عندي..باهي..
دلال واقفه مربعه ايديها وتشوف لعمتها بإبتسامه وعيونها مليانات دموع..
عبدالسلام شبحلها..
هي شبحت لبوها وقالت:بإذن الله..
ابتسمت آمنه بفرح..
وراجلها كان يشوفلها وهو فرحان لفرحتها..💕
🍁شكروا نعيمه ودلال آمنه هلبه..
وخوها كذلك شكرهم هي وراجلها...
وبعد السلام..
طلعوا من الحوش..
ركبوا السيارة وتحركوا...
صكر محفوظ الباب..
والتفت لمرته..
امنه بصوت مخنوق:اخييي الحوش من غيرهم..
قدملها...خداها فحضنه وخش بيها داخل...
🍁🍁🍁🍁
الساعه 1:00ليلا...
(ردي بالك تقولي سلم فينا...لو كنت سلمت فيكم ماكنتش خليتك مع اكثر بنادم فهالدنيا يحبه قلبك)
تنهدت وهي تقرا الرساله...
عاودت وقرت هالسطر اكثر من مرة..بعدين قالت:يعني لو طلع حي..علاش مخلينا هكي لاخبر لاجي لاريحني..!؟
ياربي...ياربي زعمه حق يطلع حي!!..
رفعت عيونها فصورته وهي تشوفلها..
تتمنى من كل قلبها يطلع حي..
بس فنفس الوقت تفكر لوطلع حي؟!
وين حيكون
وعلاش الفترة هادي كلها ماخبر؟!
فركت جبتها بيدها من كتر ما اتعبها التفكير
بعدين
طبقت ورقه الرساله وردتها لمكانها
وحطت الصندوق في القجر...
وتمددت ع السرير وهي حاسه بتعب...
لحظات..
وراحت فنوم عميق...
🌴🌴🌴🌴
تاني يوم ..
الساعه 9:00صباحا..
هي تعالي ماما..
حنين:باهي..
شدت فيد امها..
وامها فتحت باب الحوش وطلعت..
صكرت الباب..
قامت بنتها فغمرها..
وبدت تنزل من الدروج بحذر..
لما قربت توصل..
سمعت صوت راجل يهدرز مع ضرتها..
استغربت..
كملت طريقها وطلعت من دار الدروج..
عينها طول جت فعين الراجل اللي واقف ع ضرتها فم الباب..
حليمه شبحتلها من فوق للوطا وهي ماشيه ببنتها جهة حوش جداها..
بعدين غيرت عيونها لخوها لقاته يشبح لحميده..
رفعت حاجبها وقالت:شكلها اميره مش ماليه عينك..
شبحلها خوها وهو متلخبط قال:باهي.خلاص انتي ماتبي شي..
حركت راسها ايمين ويسار نافيه وهي تشوفله برفعة حاجب..
ابتسم خوها بربكه وقال:هي مالا بالسلامه...
لف ومشي بسرعه..
حليمه بتهكم؛اممممم...
ضحكت سخريه بعدين لفت وخشت لحوشها وصكرت الباب..
في هالوقت..
خشت حميده هي وبنتها لحوش عزوزتها:قديش لينا ماريناها حناك مظنها تلزنا كان رتنا..
نزلت بنتها..
وقعدت تمشي هي وياها وهما يدوروا في سالمه..
مررت حميده نظرها ع الحوش كان زي ماخلاته اخر مرة جت فيها قبل يسافر الصديق..
حميده:ماحركت قشه شكلها...علت صوتها وهي تنادي...عمتي...عمتي!!
مالهاش حس..
حميده:وين عدت هدي...
شويه وقالت حنين:ماما ريحه فيي..
شبحت لبنتها لقتها ساده انفها..
شويه وهي بدت تشم فالريحه..
حميده وهي مضيقه عيونها:ريحة شنو هدي!!
مشت وهي تبع فيها وبنتها معاها..
قعدت تمشي وتمشي لين وصلت فدار الدروج..
زادت قوت الريحه..
حميده وهي غامه خشمها :هدى شنو!!؟
بتردد..
قدمت وخشت..
جمدت فمكانها..
لما شافت منظر صادم جدا لأبعد حد..
شافت عزوزتها طايحه ع الدروج..
وبصرها شاخص للأعلى..
وتحتها اثر بقعة دم كبيرة جافه...
...يتبع...
