#العشق_المتمرد
#جمان_فريد
#الجزء_60
ﻓﺘﺤﺖ ﺍﻟﺨﻂ ...
ﻣﺎﺗﻜﻠﻤﺘﺶ ..... ﺑﺲ ﻫﻮ ﺗﻜﻠﻢ ﻭﻗﺎﻝ ..
" ﺳﺎﻋﻪ ﺑﻴﺶ ﺗﺮﺩﻱ "!
ﻗﻠﺒﻬﺎ ﻳﺪﻕ ﻳﺪﻕ ﻳﺪﻕ ﻳﺪﻕ 💓
ﻣﺎﻗﺪﺭﺗﺶ ﺗﺮﺩ ﻋﻠﻴﻪ ﺑﺤﺮﻑ ..
ﻫﻮ ﻗﺎﻝ ..
" ﻣﺴﺤﺘﻲ ﺭﻗﻤﻲ ﺷﻜﻠﻚ "
ﻫﻲ ﻃﻮﻝ ﺭﺩﺕ ...
" ﻻﻻﻻ "
ﻫﻮ ﺿﺤﻚ .. ﺿﺤﻚ ﺿﺤﻜﻪ ﻣﻦ ﺍﻟﻘﻠﺐ ﻫﻲ ﻛﺎﻧﺖ ﺗﺴﻤﻊ ﻓﻴﻬﺎ ﻭﻫﻲ ﻣﺒﺘﺴﻤﻪ ﻭﻋﻴﻮﻧﻬﺎ ﻣﻌﺒﻴﺎﺕ ﺩﻣﻮﻉ ...
ﻫﺪﺍ ﺿﺤﻚ ﻭﻗﺎﻝ : ﺷﻨﻮ ﺣﺎﻟﻚ ..
ﻫﻲ ﺭﺩﺕ ﺑﻌﺪ ﺑﻠﻌﺖ ﺭﻳﻘﻬﺎ : ﺍﻟﺤﻤﺪ ﻟﻠﻪ .... ﻭﺃﻧﺖ ..
ﻫﺎﻧﻴﺒﺎﻝ : ﺍﻟﺤﻤﺪ ﻟﻠﻪ ﻣﺎﺷﻲ ﺍﻟﺤﺎﻝ .. ﺍﺣﻤﻢ .. ﻛﻞ ﺳﻨﺔ ﻭﺍﻧﺘﻲ ﻃﻴﺒﻪ ..
ﻋﺮﻭﺑﻪ ﺑﺈﺑﺘﺴﺎﻣﻪ : ﻛﻞ ﻋﺎﻡ ﻭﺍﻧﺖ ﺑﺨﻴﺮ .. ﻭﻳﻨﻌﺎﺩ ﻋﻠﻴﻚ .. ﻭﻉ ﻋﻴﻠﺘﻚ ﻭﻉ ﻛﻞ ﺍﻟﻠﻲ ﺑﺘﺤﺒﻮﻥ ..
ﺍﺑﺘﺴﻢ ﻭﻗﺎﻝ : ﺍﺟﻤﻌﻴﻦ .. ﺍﻟﻠﻬﻢ ﺁﻣﻴﻦ ..
ﺳﻜﺘﻮﺍ ﺍﻟﺰﻭﺯ ..
ﻫﻮ ﻳﺮﺍﺟﻲ ﻓﻴﻬﺎ ﺗﺘﻜﻠﻢ ..
ﺍﻣﺎ ﻫﻲ ﻓﻜﺎﻧﺖ ﻣﻠﺨﺒﻄﻪ ﻭﻣﺮﺗﺒﻜﻪ ..
ﻋﺎﺿﻪ ﻉ ﺷﺎﺭﺑﻬﺎ .. ﻭﺗﺸﺒﺢ ﻓﺼﻮﺍﺑﻊ ﻳﺪﻫﺎ ﺍﻹﻳﺴﺎﺭ ﺍﻟﻠﻲ ﻛﺎﻧﺖ ﺗﻔﺮﻙ ﻓﻴﻬﻢ ﺑﺒﻌﺾ ..
ﻗﻄﻊ ﻟﺤﻈﻪ ﻫﺎﻟﺼﻤﺖ .. ﺻﻮﺗﻪ ﻭﻫﻮ ﻳﻘﻮﻝ ..
ﻫﺎﻧﻴﺒﺎﻝ؛ ﺍﻧﺘﻲ .. ﻏﺪﻭﺓ ﺗﺨﺪﻣﻲ ؟
ﻋﺮﻭﺑﻪ ﺑﺘﺮﻛﻴﺰ ﻣﻤﺰﻭﺝ ﺑﺎﻟﺮﺑﻜﻪ : ﺍﻳﻪ 5.. ﺍﻟﻤﺴﺎ ..
ﻫﺎﻧﻴﺒﺎﻝ ﺍﺑﺘﺴﻢ ﻭﻗﺎﻝ : ﺧﻼﺹ .. ﻏﺪﻭﺓ ﺇﻥ ﺷﺎﺀ ﺍﻟﻠﻪ ﺟﺎﻱ ﻭﺟﺎﻳﺒﻠﻚ ﺯﺑﺎﻳﻦ ..
ﻗﻠﺒﻬﺎ ﻗﺒﻀﻬﺎ ﻓﻜﺮﺕ ﺍﻧﻪ ﺟﺎﻱ ﻣﻊ ﻣﺠﺪﻭﻟﻴﻦ ﻳﺘﺼﻮﺭﺍ ﻓﻲ ﺍﻭﻝ ﻳﻮﻡ ﺍﻟﻌﻴﺪ ..
ﻫﺎﻧﻴﺒﺎﻝ ﺑﺮﻓﻌﺔ ﺣﺎﺟﺐ : ﺧﻴﺮﻙ ﺳﻜﺘﻲ !! ﻣﺎﺗﺒﻴﺶ ﺣﺪ ﻣﻦ ﻃﺮﻓﻲ ... ﻭﻻ ﻣﺎﺗﺒﻴﺶ ﺗﺸﻮﻓﻲ ﻭﺟﻬﻲ ﻣﻦ ﺍﻷﺻﻞ ..
ﻋﺮﻭﺑﻪ : ﻻﺍﺍ .. ﻣﻮﻫﻴﻚ . ﺍﺑﺪﺍ .. ﺍﺣﻤﻢ .. ﺭﻣﺸﺖ ﻋﻴﻮﻧﻬﺎ ﻭﻫﻲ ﺗﻘﻮﻝ .. ﻳﻌﻨﻲ ﺍﻧﺎ ﻛﺎﻥ ﺑﺪﻱ ﺍﻋﺮﻑ ﺑﺲ .. ﻣﻴﻦ .. ﻳﻌﻨﻲ ..
ﻫﻮ ﺍﺑﺘﺴﻢ ﻓﻬﻢ ﻗﺼﺪﻫﺎ .. ﺭﺩ ﻭﻗﺎﻝ : ﺑﻨﺎﺕ ﺧﻮﺗﻲ ..
ﻫﻲ ﺍﺑﺘﺴﻤﺖ ﺑﺈﺭﺗﻴﺎﺡ ﺑﻌﺪﻳﻦ ﺿﺤﻜﺖ ﻭﻗﺎﻟﺖ : ﺍﻫﻼ ﻭﺳﻬﻼ ﻓﻴﻜﻮﻥ ..
ﻫﺎﻧﻴﺒﺎﻝ : ﺑﺎﻫﻲ ﻳﺎﺳﻮﺭﻳﻪ ﺗﻮ ﻣﺎﻧﻌﻄﻠﺶ ﻋﻠﻴﻚ ..
ﻫﻲ ﺿﺤﻜﺖ ﻭﻗﺎﻟﺖ : ﻛﻞ ﻋﺎﻡ ﻭﺍﻧﺘﻲ ﺑﺨﻴﺮ ..
ﺿﺤﻚ ﻭﻗﺎﻝ : ﻣﺮﺓ ﺗﺎﻧﻴﻪ ﻛﻞ ﺳﻨﻪ ﻭﺍﻧﺘﻲ ﻃﻴﺒﻪ .. ﺗﺼﺒﺤﻲ ﻉ ﺧﻴﺮ ..
ﻋﺮﻭﺑﻪ ﺑﺈﺑﺘﺴﺎﻣﻪ : ﻭﺍﻧﺖ ﻣﻦ ﺍﻫﻠﻮ .. ﺳﻼﻡ ..
ﻣﺎﺳﻜﺮﻭﺵ .. ﻗﻌﺪ ﻛﻞ ﻭﺍﺣﺪ ﻓﻴﻬﻢ ﻳﺴﺘﻨﻰ ﺍﻣﺘﻰ ﺍﻟﺘﺎﻧﻲ ﻳﺴﻜﺮ ..
ﺷﻮﻳﻪ ﻭﻗﺎﻝ ﻫﻮ ..
" ﺗﻲ ﺻﻜﺮﻱ ﻳﺎﺑﻨﺖ "
ﻫﻲ : ﻫﻬﻬﻬﻬﻬﻬﻬﻬﻬﻬﻬﻪ .. ﻃﻴﺐ .. ﺑﺎﻱ ... ﺑﺎﻟﺴﻴﻒ ﻧﺰﻟﺖ ﺍﻟﺘﻠﻴﻔﻮﻥ ﻣﻦ ﻉ ﻭﺫﻧﻬﺎ ﻭﺻﻜﺮﺕ ﺍﻟﺨﻂ ..
ﺷﺒﺤﺖ ﺑﺈﺑﺘﺴﺎﻣﻪ ﻟﻠﺒﺎﻟﻜﻮﻧﻪ ﺍﻟﻠﻲ ﻛﺎﻧﺖ ﻣﻔﺘﻮﺣﻪ ﻭﺩﺧﻞ ﻓﻲ ﺍﻟﻨﺴﻤﻪ ..
ﺗﺤﻮﻟﺖ ﺍﺑﺘﺴﺎﻣﺘﻬﺎ ﻫﺎﺩﻱ ﻟﻀﺤﻜﻪ ..
ﺗﻀﺤﻚ ﻭﺗﻀﺤﻚ .. ﻭﻓﻲ ﻋﺰ ﺍﻟﻀﺤﻜﻪ .. ﺍﻟﺪﻣﻮﻉ ﻧﺰﻟﺘﻬﻢ ..
ﻗﻌﺪﺕ ﺗﻤﺴﺢ ﻓﻴﻬﻢ ﻭﻫﻲ ﺗﻀﺤﻚ ..
ﻭﺷﻮﻳﻪ ﺍﻟﻀﺤﻜﻪ ﺗﻼﺷﺖ .. ﻭﻗﻌﺪﻭﺍ ﺍﻟﺪﻣﻮﻉ .. ﻭﺣﻄﺖ ﻳﺪﻫﺎ ﻉ ﻓﻤﻬﺎ ﻭﻗﻌﺪﺕ ﺗﺒﻜﻲ ..
🍁🍁🍁🍁🍁🍁🍁
ﺳﺮﺕ 💓
ﺷﻦ ﺭﺍﻳﻚ ﺣﺒﻴﺒﻲ ..
ﻋﻤﺎﺭ ﻭﻫﻮ ﻳﺎﻛﻞ ﻓﻲ ﺍﻟﺼﻨﻮﺑﺮﺓ : ﺍﻣﻤﻤﻢ .. ﺣﺎﺟﻪ ﺻﺢ .. ﻛﺎﻥ ﻧﻌﺮﻑ ﻳﺎﺳﻤﺤﻪ ﺍﻟﺤﺎﺟﺎﺕ ﻫﺪﻱ ﺍﻣﺘﻰ ﺗﻌﻠﻤﺘﻲ ﺍﺩﻳﺮﻳﻬﻦ ..
ﻫﻲ ﺍﺑﺘﺴﻤﺖ ﻭﻗﺎﻟﺖ : ﻫﺪﺍ ﻣﻦ ﻭﺍﻧﻲ ﻓﻲ ﺍﻟﺼﻒ ﺍﻟﺴﺎﺩﺱ ﻛﻨﺖ ﻧﺤﺐ ﻧﻘﻌﻤﺰ ﺣﺪﺍ ﻣﺎﻣﺎ ﻟﻤﺎ ﺩﻳﺮ ﺍﻟﺤﻠﻮﻳﺎﺕ .. ﺯﻱ ﺍﻟﻤﻘﺮﻭﺽ ﺍﻭﻝ ﺣﺎﺟﻪ ﺗﻌﻠﻤﺘﻬﺎ .. ﺿﺤﻜﺖ ﻭﻗﺎﻟﺖ .. ﻳﺎﻣﺎ ﻛﻠﻴﺖ ﻉ ﺭﺍﺳﻲ ﻣﻦ ﻣﺎﻣﺎ ﺗﻘﻮﻟﻲ ﺑﺮﻱ ﺍﻟﻌﺒﻲ .. ﻭﺍﻧﻲ ﻧﺴﻜﺮ ﻓﻲ ﺭﺍﺳﻲ ﻧﺘﻌﻠﻢ ﻳﻌﻨﻲ ﻧﺘﻌﻠﻢ ..
ﻋﻤﺎﺭ ﻭﻫﻮ ﻳﺘﺄﻣﻞ ﻓﻴﻬﺎ : ﻟﻴﺶ ﺍﻧﺘﻲ ﺳﻤﺤﻪ ﻫﻜﻲ؟ !
ﺩﻻﻝ ﺑﻀﺤﻜﻪ : ﺭﺑﻲ ﻫﻜﻲ ﻳﺒﻲ ..
ﻋﻤﺎﺭ : ﺳﺒﺤﺎﻧﻪ .. ﻧﺎﺽ ﻭﺧﺪﺍﻫﺎ ﻣﻦ ﻳﺪﻫﺎ .. ﺗﻌﺎﻟﻲ ﻫﻲ ..
ﺩﻻﻝ : ﻋﻤﺎﺭﻱ ﻣﺎﺯﺍﻝ ﻣﺎﻛﻤﻠﺘﺶ ﺭﻩ ..
ﺣﻀﻨﻬﺎ ﻭﻗﺎﻣﻬﺎ ﺑﺪﻭﻥ ﻣﺎﻳﺘﻜﻠﻢ ..
ﻭﻫﻲ ﻣﻴﺘﻪ ﻣﻦ ﺍﻟﻀﺤﻚ 💕...
🍁 ﻓﻲ ﺣﻮﺵ ﺍﻫﻠﻪ ..
ﺍﻣﻴﻨﻪ : ﻟﻌﻨﺪ ﺗﻮ ﻣﺎﺭﺩﺕ ..
ﻛﺎﻣﻠﻪ : ﺣﺘﻰ ﺍﻟﻈﺮﻭﻑ ﺍﻟﻠﻲ ﺻﺎﺭﻥ ﻣﺶ ﺷﻮﻳﻪ ﺍﻛﻴﺪ ﻣﺶ ﻓﺒﺎﻟﻬﻢ ﺍﻟﻤﻮﺿﻮﻉ ﺗﻮﺍ ..
ﺍﻣﻴﻨﻪ : ﻧﻔﻜﺮ ﻧﻌﺪﻱ ﻣﻌﺎﻛﻢ ﻓﻲ ﺍﻟﻌﻴﺪ .. ﻭﻧﺘﻜﻠﻢ ﻓﻲ ﺍﻟﻤﻮﺿﻮﻉ ﺭﺳﻤﻲ ﻭﻳﻌﺪﻱ ﻣﻌﺎﻧﺎ ﻣﻬﻨﺪ ..
ﻛﺎﻣﻠﻪ ﺑﺘﻔﻜﻴﺮ : ﻣﺶ ﻋﺎﺭﻓﻪ .. ﻳﺎﻭﺩﻱ ﺩﻳﺮﻱ ﺷﻮﺭ ﻋﻘﻠﻚ ﻭﺭﺑﻲ ﻳﻘﺪﻡ ﺍﻟﻠﻲ ﻓﻴﻪ ﺍﻟﺨﻴﺮ ..
ﺍﻣﻴﻨﻪ : ﻳﺎﺭﺏ ..
🍁🍁🍁🍁
ﻳﻤﺎ ﺑﺎﻟﻠﻪ ﻋﻠﻴﻚ ﺻﻜﺮﻳﻪ ﺍﻟﻤﻮﺿﻮﻉ ﻫﺪﺍ ..
ﺯﻳﻨﺐ : ﻧﺒﻲ ﻧﻌﺮﻑ ﻋﻼﺵ .. ﺷﻦ ﻧﺎﻗﺼﻪ ﺍﻟﻮﻟﺪ ﺗﺒﺎﺭﻙ ﺍﻟﺮﺣﻤﻦ ﻋﻠﻴﻪ ﺭﺑﻲ ﻋﺎﻃﻴﻪ ﻭﻋﻨﺪﻩ ﻣﺮﻛﺰ ﻓﻲ ﺍﻟﺒﻼﺩ .. ﻭﺧﺎﻟﻪ ﻭﻋﻤﺎﻣﻪ ﻧﺎﺱ ﻣﻦ ﺍﻟﻜﺒﺎﺭ ﻓﻲ ﺍﻟﺒﻼﺩ ﻭﺯﻳﺎﺩﻩ ﻋﻦ ﻫﺪﺍ ﻛﻠﻪ ﻧﻌﺮﻓﻮﻫﻢ ﻛﻮﻳﺲ .. ﻳﺎﺑﻨﺘﻲ ﻣﺶ ﺩﻳﻤﺎ ﺗﺠﻲ ﻓﺮﺻﻪ ﺯﻱ ﻫﺎﺩﻱ ﻓﻜﺮﻱ ﺑﺎﻟﻠﻪ ﻋﻠﻴﻚ ..
ﺭﺍﻧﻴﺎ : ﻳﻤﺎ ﻣﻌﺎﺵ ﻧﺒﻲ ﻧﻔﻜﺮ ﺑﺸﻲ ﺧﻼﺹ .. ﺍﻧﻲ ﻧﺒﻲ ﻧﻘﺮﺍ ﻭﺑﺲ ..
ﻭﻧﺎﺿﺖ ﻃﻮﻝ ﻭﻣﺸﺖ ﻟﻠﺪﺍﺭ .. ﻭﺭﺑﺎﺏ ﻣﻌﺎﻫﺎ ﺑﻌﻴﻮﻧﻬﺎ ..
ﺯﻳﻨﺐ ﺑﺤﺴﺮﺓ : ﺧﺴﺎﺭﺓ ﻭﺍﻟﻠﻪ ﺧﺴﺎﺭﺓ ..
ﻧﺎﺿﺖ ﺭﺑﺎﺏ ﻭﻟﺤﻘﺖ ﺍﺧﺘﻬﺎ ﻟﻠﺪﺍﺭ ...
ﺧﺸﺖ ﻭﻗﻌﺪﺕ ﺗﺸﺒﺤﻠﻬﺎ ﺑﺮﻓﻌﺔ ﺣﺎﺟﺐ ..
ﺭﺍﻧﻴﺎ ﻭﻫﻲ ﻧﻤﺸﻂ ﻓﻲ ﺷﻌﺮﻫﺎ ﺑﺶ ﺑﺘﺒﺪﺍ ﺗﺴﺘﺸﻮﺭﻩ ﺷﺒﺤﺘﻬﺎ ﻭﻗﺎﻟﺖ : ﺧﻴﺮﻙ؟ ..
ﺭﺑﺎﺏ : ﺭﺍﻧﻴﺎ ﺍﻧﺘﻲ ﻋﻨﺪﻙ ﺣﺪ؟
ﺭﺍﻧﻴﺎ : ﻛﻴﻒ ﻳﻌﻨﻲ؟
ﺭﺑﺎﺏ؛ﺑﻼﺟﻮ ﺍﺳﺘﻌﺒﺎﻁ ﺍﻧﺘﻲ ﻓﺎﻫﻤﺔ ﻗﺼﺪﻱ ﻛﻮﻳﺲ ..
ﺷﺒﺤﺖ ﺭﺍﻧﻴﺎ ﻟﻺﺳﺘﺸﻮﺍﺭ ﻭﻫﻲ ﺗﻘﻮﻝ : ﻣﺎﻓﻲ ﺣﺪ ﻭﻣﺎﻋﻨﺪﻱ ﺣﺪ ﻭﻟﻮ ﻋﻨﺪﻱ ﺭﺍﻙ ﻋﺮﻓﺘﻲ ..
ﺭﺑﺎﺏ ﺷﺒﺤﺘﻠﻬﺎ ﺷﻮﻳﻪ ﺑﻌﺪﻳﻦ ﻗﺎﻟﺖ : ﺻﺢ .. ﻟﻮ ﻋﻨﺪﻙ .. ﺍﻛﻴﺪ ﺣﻨﻌﺮﻑ .. ﻭﻟﻔﺖ ﻭﻃﻠﻌﺖ ﻣﻦ ﺍﻟﺪﺍﺭ ..
ﺭﺍﻧﻴﺎ ﺷﺒﺤﺖ ﻟﻠﺒﺎﺏ .. ﺑﻌﺪﻳﻦ ﺷﺒﺤﺖ ﻟﻺﺳﺘﺸﻮﺍﺭ ..
ﻃﻨﺸﺖ ﻛﻼﻡ ﺍﺧﺘﻬﺎ ﻭﺑﺪﺕ ﺗﺴﺘﺸﻮﺭ ..
🍁🍁🍁🍁🍁
ﻛﺎﻧﺖ ﺗﻮﺗﻲ ﻓﻲ ﻟﺒﺴﺔ ﺍﻟﻌﻴﺪ ..
ﻭﻭﺗﺮﻛﺐ ﻋﻠﻴﻬﺎ ﻓﻲ ﺍﻹﻛﺴﺴﻮﺭﺍﺕ ..
ﻗﻄﻊ ﻋﻠﻴﻬﺎ ﺍﻟﻠﻲ ﺩﻳﺮ ﻓﻴﻪ ﺻﻮﺕ ﺍﻣﻬﺎ ﻭﻫﻲ ﺗﺮﺟﻊ ..
ﺧﺎﻓﺖ ﻭﻃﻮﻝ ﻃﻠﻌﺖ ﻣﻦ ﺍﻟﺪﺍﺭ ﻭﻗﻌﺪﺕ ﺍﺩﻭﺭ ﻓﻴﻬﺎ .. ﻟﻘﺖ ﺍﻟﺼﻮﺕ ﺟﺎﻱ ﻣﻦ ﺍﻟﺤﻤﺎﻡ ..
ﺭﺯﺍﻥ ﺍﻃﻖ ﻉ ﺍﻟﺒﺎﺏ ﺑﺨﻮﻑ : ﻣﺎﻣﺎ ... ﻣﺎﻣﺎ ..
ﺳﻌﻴﺪﻩ ﺑﺘﻌﺐ : ﻫﺎﻩ ..
ﺭﺯﺍﻥ : ﻣﺎﻣﺎ ﺧﻴﺮﻙ؟
ﻏﺴﻠﺖ ﻭﺟﻬﻬﺎ ﻭﻭﻏﺴﻠﺖ ﻓﻤﻬﺎ ﻭﻃﻮﻝ ﻃﻠﻌﺖ ﻣﻦ ﺍﻟﺤﻤﺎﻡ ..
ﺭﺯﺍﻥ ﻭﻫﻲ ﺗﺸﻮﻑ ﻟﻮﺟﻪ ﺍﻣﻬﺎ ﺍﻷﺻﻔﺮ : ﻣﺎﻣﺎ ..
ﺳﻌﻴﺪﻩ ﺣﻀﻨﺘﻬﺎ ﻭﻫﻲ ﻣﺒﺘﺴﻤﻪ : ﻣﺎﻓﻲ ﺷﻲ ﻳﺎﻣﺎﻣﺎ ..
ﺭﺯﺍﻥ : ﺑﺎﻫﻲ ﺧﻴﺮﻙ ﺗﺮﺟﻌﻲ؟
ﺳﻌﻴﺪﻩ ﺿﺤﻜﺖ ﻭﻗﺎﻟﺖ : ﻣﺎﻫﻮ ﺑﻴﺠﻴﻨﺎ ﺑﻴﺒﻲ ﺟﺪﻳﺪ ..
ﺭﺯﺍﻥ ﺑﻌﺪﺕ ﻭﻗﻌﺪﺕ ﺗﺸﺒﺢ ﻷﻣﻬﺎ ﺑﺼﺪﻣﻪ : ﻗﺼﺪﻙ ﺣﺎﻣﻞ ..
ﺳﻌﻴﺪﻩ : ﻫﻬﻬﻬﻬﻬﻬﻬﻪ ﺍﻳﻪ ﻳﺎﺣﻨﻪ ..
ﻉ ﺧﺸﺔ ﺭﻣﺰﻱ ﻭﺗﻮﻓﻴﻖ ﻭﻫﻤﺎ ﺟﺎﻳﺒﻴﻦ ﺣﻠﻮﻳﺎﺕ ﻟﻠﻌﻴﺪ ..
ﺍﻟﻜﻠﻤﻪ ﺟﺖ ﻓﻲ ﻭﺫﺍﻧﻬﻢ ..
ﺍﻧﺼﺪﻣﻮﺍ ﻉ ﺗﺤﺸﻤﻮﺍ ..
ﻃﻮﻝ ﺧﺸﻮﺍ ﻟﻠﻜﻮﺟﻴﻨﻪ ﻭﺣﻄﻮﺍ ﺍﻟﻠﻲ ﺟﺎﺑﻮﻩ ﻭﻃﻠﻌﻮﺍ ﻣﻦ ﺍﻟﺤﻮﺵ .
ﺳﻌﻴﺪﻩ : ﻫﻬﻬﻬﻬﻬﻬﻬﻪ ..
ﺭﺯﺍﻥ ﺑﻀﺤﻜﻪ : ﻟﻜﻦ ﻫﺎﻩ ﻣﺎﻣﺎ .. ﺍﻧﻲ ﻣﺎﻛﻴﻔﻲ ﺣﺪ ﺑﺎﻫﻲ ..
ﺳﻌﻴﺪﻩ ﻗﺮﺻﺖ ﺧﺪﻭﺩﻫﺎ ﻭﻫﻲ ﺗﻘﻮﻝ : ﺍﻧﺘﻲ ﺑﺮﻭﺣﻚ ﺑﻨﺖ ﻣﺎﻣﺎ ﺍﻧﺘﻲ ..
ﺭﺯﺍﻥ : ﻳﺎﺍﺍﺭﺏ ﺗﺠﻴﺒﻲ ﻭﻟﺪ ..
ﺿﺤﻜﺖ ﺳﻌﻴﺪﻩ
🍁🍁🍁🍁🍁🍁🍁
ﻳﺎﺣﻨﻪ .. ﻋﺪﻭﺍ ﻟﻄﺮﺍﺑﻠﺲ ﺑﻴﺶ ﺧﺪﺍﻟﻬﺎ ﺑﺪﻟﺔ ﺍﻟﻌﻴﺪ
ﻭﺧﺪﺍﻫﺎ ﺑﻬﺪﺍﻙ ﺍﻟﺤﺴﺎﺏ ..
ﺣﻮﺍﺀ : ﻳﻤﻲ ﺭﺍﻫﻲ ﻋﺮﻭﺱ ﻭﻣﻦ ﺣﻘﻬﺎ ..
ﺳﺎﻟﻤﻪ : ﻋﺮﻭﺱ ﻋﻴﻨﻬﺎ ﻫﺎﻟﻌﺰﻭﺯ ﻫﺪﻱ ..
ﺣﻮﺍﺀ : ﻳﻤﻲ ﺷﻦ ﺍﻟﻠﻲ ﻏﻴﺮﻙ ﻋﻠﻴﻬﺎ ﻫﻜﻲ ..
ﺳﺎﻟﻤﻪ : ﻣﺎﻧﺤﺴﺒﻬﺎﺵ ﻫﻜﻲ .. ﻧﺤﺴﺎﺏ ﻛﺎﻥ ﺧﺪﻳﺖ ﻟﻠﺼﺪﻳﻖ ﻭﺣﺪﻩ ﻛﺒﻴﺮﺓ ﺗﻜﻮﻥ ﻋﺎﻗﻠﻪ ﻣﺶ ﻛﻴﻒ ﺍﻟﺼﻐﻴﺮﺍﺕ ﺍﻟﻤﺪﻟﻌﺎﺕ ﺗﻠﺤﺲ ﻋﻘﻠﻪ ﻭﺗﺒﻌﺪﻩ ﻋﻠﻴﺎ .. ﻃﻠﻌﺖ ﺍﺣﺮﻑ ﻣﻨﻬﻦ ﻣﺎﺧﻠﺖ ﻓﻴﻪ ﻋﻘﻞ ..
ﺣﻮﺍﺀ : ﻳﻤﻲ ﻣﻦ ﺍﻷﻭﻝ ﻋﺎﺭﻓﺘﻴﻪ ﻳﺒﻴﻬﺎ ﻭﻫﻮ ﺍﻟﻠﻲ ﺩﻟﻨﺎ ﻋﻠﻴﻬﺎ ..
ﺳﺎﻟﻤﻪ : ﺍﻟﻠﻪ ﻳﻠﻌﻦ ﻫﺪﻳﻚ ﺍﻟﺴﺎﻋﻪ ..
ﻓﻨﺼﺖ ﺣﻮﺍﺀ ﻭﻫﻲ ﺗﺸﻮﻓﻠﻬﺎ ..
🍁🍁🍁🍁🍁
ﺷﻦ ﺗﺒﻲ ﺗﺎﻧﻲ ﺣﺒﻴﺒﺘﻲ ..
ﺣﻤﻴﺪﻩ ﻭﻫﻲ ﻓﺤﻀﻨﻪ : ﺷﻲ ﺣﺒﻴﺒﻲ .. ﺳﻼﻣﺘﻚ ﺑﺲ ﺑﺲ ..
ﺯﺍﺩ ﺣﻀﻨﻬﺎ ﻭﻗﺎﻝ : ﻣﺎﺗﻨﻘﺼﻚ ﺣﺎﺟﻪ ﻭﺍﻧﺘﻲ ﻣﻌﺎﻱ ..
ﺍﺑﺘﺴﻤﺖ ﺣﻤﻴﺪﻩ ﻭﻫﻲ ﻣﻐﻤﻀﻪ ﻋﻴﻮﻧﻬﺎ ﻭﻗﺎﻟﺖ : ﻧﺤﺒﻚ 💓
🍁🍁🍁🍁🍁
💕 ﻭﻣﺮﺕ ﻟﻴﻠﺔ ﺍﻟﻌﻴﺪ ﻭﺍﻟﻜﻞ ﻳﺴﺘﻨﻰ ﺍﻣﺘﻰ ﻳﻄﻠﻊ ﺻﺒﺤﻪ ..
ﺷﻮﻕ ﻭﻟﻬﻔﻪ ﻟﻴﻌﻴﺸﻮﺍ ﺍﺟﻮﺍﺋﻪ ..
ﺑﺮﻏﻢ ﺇﻥ ﺍﻟﻌﻴﺪ ﺍﻟﺼﻐﻴﺮ ﻓﻲ ﺍﻭﻝ ﻳﻮﻡ ﻟﻴﻪ ..
ﻳﻜﻮﻥ ﻣﻤﻞ ﻓﻲ ﺍﻟﻐﺎﻟﺐ ..
ﺑﺲ ﺻﺒﺤﻪ ... ﻟﻴﻪ ﻧﻜﻬﻪ ﺧﺎﺻﻪ ..
ﺑﺎﻟﺬﺍﺕ ﻣﻊ ﺍﺻﻮﺍﺕ ﺍﻟﺘﻜﺒﻴﺮﺍﺕ 💕..
ﺑﻌﺪ ﺻﻼﺓ ﺍﻟﻌﻴﺪ ..
ﺗﺴﻘﺪﻭﺍ ﻫﺎﻧﻴﺒﺎﻝ ﻭﺍﻣﻪ ﻭﻣﻌﺎﻫﻢ ﺭﺯﺍﻥ ﻟﻄﺮﺍﺑﻠﺲ ..
ﻛﺎﻧﻮﺍ ﻣﺎﺷﻴﻴﻦ ﻟﺤﻮﺵ ﺍﻟﺤﺎﺝ ﺣﻤﺪ ..
ﺑﻌﺪ ﺣﻮﺍﻟﻲ ﺳﺎﻋﺘﻴﻦ ..
ﻭﺻﻠﻮﺍ ﻃﺮﺍﺑﻠﺲ .. ﺍﺩﻫﻤﻮﺍ ﻉ ﺣﻮﺵ ﺣﻤﻴﺪ ...
ﻭﻣﺸﻮﺍ ﻫﻤﺎ ﻭﻳﺎﻩ ..
ﻓﻲ ﺣﻮﺵ ﺍﻟﺤﺎﺝ ﺣﻤﺪ ..
ﻛﺎﻧﻮﺍ ﺍﻟﻜﻞ ﻣﻮﺟﻮﺩﻳﻦ .. ﺑﻨﺎﺗﻪ ﺍﻟﻜﻨﺎﻳﻦ ﻭﺍﻷﻗﺎﺭﺏ ..
ﻣﺎﻋﺪﺍ ﺩﻻﻝ ...
ﺍﻟﻠﻲ ﻣﻦ ﺑﻌﺪ ﺍﺧﺮ ﻣﻮﻗﻒ ﻛﺮﻫﺖ ﺍﻟﻤﺸﻲ ﻟﻄﺮﺍﺑﻠﺲ ﻣﺮﺓ ﻭﺣﺪﻩ ..
ﻭﻛﺎﻧﺖ ﻣﻜﺘﻔﻴﻪ ﺑﻴﻪ ﻫﻮ ﻋﻦ ﻛﻞ ﺣﺪ ..
ﺍﻟﻠﻲ ﻛﺎﻧﺖ ﻳﻮﻡ ﻣﻦ ﺍﻻﻳﺎﻡ ﺗﺸﻮﻑ ﻓﻴﻪ ﻇﺎﻟﻢ ﺳﺮﻕ ﺣﻴﺎﺗﻬﺎ ﻭﺧﺪﺍﻫﺎ ﻣﻦ ﺍﻫﻠﻬﺎ ﻭﻣﻦ ﺍﺣﺒﺎﺑﻬﺎ ..
ﻭﻻ ﻫﻮ ﺍﻫﻠﻬﺎ .. ﻭﻛﻞ ﺍﺣﺒﺎﺑﻬﺎ .. ﻭﻻ ﺣﻴﺎﺗﻬﺎ ﻛﻠﻬﺎ ..
💓 ﺳﺮﺕ .💓
ﻛﺎﻧﺖ ﻻﺑﺴﻪ ﻗﻔﻄﺎﻥ ﺍﺧﻀﺮ ﻣﻐﺮﺑﻲ .....
ﻗﺎﺻﻪ ﺷﻌﺮﻫﺎ ﻭﻻ ﻭﺍﺻﻞ ﻟﻜﺘﺎﻓﻬﺎ ...
ﻣﻤﻜﻴﺠﻪ ﻭﻣﺘﺄﻧﻘﻪ ﻭﻣﻮﻟﻴﻪ ﻋﺴﻞ ..
ﻛﺎﻧﺖ ﺍﺩﻭﺭ ﺑﺎﻟﺒﺨﺎﺭﻩ ﻓﻲ ﺣﻮﺵ ﺍﻫﻞ ﺭﺍﺟﻠﻬﺎ ..
ﻛﺎﻧﺖ ﺗﺸﻮﻓﻠﻬﺎ ﻋﺰﻭﺯﺗﻬﺎ ..
ﺍﺗﺤﺒﻬﺎ ﻫﻠﺒﻪ ﻭﺗﺨﺎﻑ ﻋﻠﻴﻬﺎ ... ﻭﻓﺮﺣﺎﻧﻪ ﺑﻴﻬﺎ ﻟﻴﻦ ﺧﻼﺹ ..
ﺗﺸﻮﻑ ﻓﻴﻬﺎ ﻛﻨﻪ ﻛﺎﻣﻠﻪ ﻣﻜﻤﻠﻪ ..
ﻛﺎﻣﻠﻪ : ﺧﻼﺹ ﺑﻨﺘﻲ ﺗﻌﺎﻟﻲ ﻗﻌﻤﺰﻱ ..
ﺩﻻﻝ : ﺣﺎﺿﺮ ﻋﻤﺘﻲ .. ﺣﻄﺖ ﺍﻟﺒﺨﺎﺭﻩ ﻉ ﺍﻟﻄﺎﻭﻟﻪ ..
ﺍﻧﻔﺘﺢ ﺍﻟﺒﺎﺏ ﻭﺧﺶ ﻋﻤﺎﺭ ﺷﺎﻓﻬﺎ ﺍﺑﺘﺴﻢ ﺑﻌﺪﻳﻦ ﺷﺒﺢ ﻷﻣﻪ : ﺍﻟﺤﺎﺝ ﻣﺨﺘﺎﺭ ﺍﻟﻨﺎﺱ ﺍﻟﻠﻲ ﺗﻌﻴﺪ ﻋﻠﻴﻪ ﻭﺍﺟﺪﻩ ﻭﻛﻠﻬﻢ ﺷﺪﻫﻢ ﻟﻠﻐﺪﺍ ..
ﻛﺎﻣﻠﻪ ﺑﺈﺑﺘﺴﺎﻣﻪ : ﻋﺎﺭﻓﻴﻦ ﻳﺎﺑﺎﺗﻲ ﻛﻠﻪ ﻭﺍﺗﻲ ﻣﺶ ﺍﻭﻝ ﻋﻴﺪ ﻫﺪﻯ ..
ﻧﺎﺿﺖ ﻭﻣﺸﺖ ﻟﻠﻜﻮﺟﻴﻨﻪ ..
ﺩﻻﻝ ﺷﺒﺤﺘﻠﻪ : ﻋﻠﻴﻚ ﺍﺣﺮﺍﺝ ﺍﺩﻳﺮﻟﻲ ﻓﻴﻪ 😳
ﺭﺩ ﻋﻤﺎﺭ ﺍﻟﺒﺎﺏ ﻭﺟﺎﻫﺎ ..
ﻫﻲ ﺗﻮﺧﺮ ﻭﺗﻘﻮﻝ : ﻋﻤﺎﺭ ﻋﻴﺐ ﺭﺍﻫﻮ ..
ﻫﻮ ﻳﻘﺪﻡ ﻭﻳﻘﻮﻝ : ﻋﻴﺐ ﻉ ﺍﻟﻠﻲ ﻳﺪﻳﺮ ﺍﻟﻌﻴﺐ ..
ﺩﻻﻝ : ﺑﻼﺵ ﺍﺣﺮﺍﺝ ﻋﻤﺎﺭ ﺑﺎﻟﻠﻪ ..
ﻋﻤﺎﺭ ﻣﺒﺘﺴﻢ ﺑﻌﺸﻖ ﻭﻳﻘﺪﻡ ﻭﻫﻮ ﺳﺎﻛﺖ ..
ﻭﻫﻲ ﺗﻮﺧﺮ ﻭﺗﻘﻮﻝ : ﻋﻤﺎﺭ ..
ﻛﺎﻧﺖ ﻭﺭﺍﻫﺎ ﺩﺭﺟﻪ .. ﺭﺟﻠﻬﺎ ﺯﻟﻘﺖ ...
ﻟﻜﻦ ﻫﻮ ﻓﻴﺴﻊ ﻣﺎﺷﺪﻫﺎ ﻭﺣﺎﻭﻃﻬﺎ ...
ﻛﺎﻧﻮﺍ ﻗﺮﺍﺏ ﻫﻠﺒﻪ ﻉ ﺑﻌﺾ ..
ﻭﻋﻴﻮﻧﻬﻢ ﺗﺘﻐﺰﻝ ﻓﻲ ﺑﻌﺾ ..
ﻋﻤﺎﺭ ..
❣ ﻋﺎﺭﻑ ﺍﻧﻚ ﺳﺎﺣﺮﻧﻲ ..
ﻭﺍﻥ ﻏﺮﺍﻣﻚ ﻧﺎﺭ ﻭﻣﺬﻭﺑﻨﻲ ..
ﻋﺎﺭﻓﻪ ﻭﻻ ﻣﺶ ﻋﺎﺭﻓﻪ ..
ﺩﻻﻝ : ﻋﺎﺭﻓﻪ 💓
ﺯﺍﺩ ﻗﺮﺑﻬﺎ ﻟﻴﻪ .....
ﻭﻫﻲ ﻛﻌﺎﺩﺗﻬﺎ ﻣﺴﺘﺴﻠﻤﻪ ﻭﺭﻳﺤﺔ ﻋﻄﺮﻩ ﺁﺳﺮﺗﻬﺎ 💕
ﻓﻲ ﻧﻔﺲ ﺍﻟﻠﺤﻈﻪ ..
ﺍﻧﻔﺘﺢ ﺍﻟﺒﺎﺏ .. ﺍﻟﻠﻲ ﺧﻼﻩ ﻋﻤﺎﺭ ﻣﺮﺩﻭﺩ ..
ﻭﺧﺸﺖ ﻫﻨﺪﺍ ..
ﺷﺎﻓﺘﻬﺎ ﺩﻻﻝ ﻓﻨﺼﺖ ﻭﺑﻌﺪﺕ ﻋﻤﺎﺭ ..
ﻫﻮ ﻃﻮﻝ ﺗﻠﻔﺖ ﺷﺎﻓﻬﺎ .. ﺗﺒﺪﻟﺖ ﻣﻼﻣﺢ ﻭﺟﻬﻪ ﻟﻠﺤﺪﻩ .. ﻭﻃﻠﻖ ﺩﻻﻝ ﻭﻭﺧﺮ ...
ﺩﻻﻝ ﻛﺎﻧﺖ ﻣﺤﺮﺟﻪ ﻫﻠﺒﻪ ﻭﻫﻲ ﺗﺤﻂ ﻓﻲ ﺷﻌﺮﻫﺎ ﻭﺭﺍ ﻭﺫﻧﻬﺎ ﻭﻋﻴﻮﻧﻬﺎ ﻟﻮﻃﺎ ..
ﺍﺑﺘﺴﻤﺖ ﻫﻨﺪﺍ ﺑﺮﻓﻌﺔ ﺣﺎﺟﺐ ﻭﻗﺪﻣﺖ ﻟﻌﻤﺎﺭ : ﻛﻞ ﻋﺎﻡ ﻭﺍﻧﺖ ﺑﺨﻴﺮ ..
ﻣﺪﺕ ﻳﺪﻫﺎ ﻋﻄﺎﻫﺎ ﻳﺪﻫﺎ .. ﻛﺒﺖ ﻋﻠﻴﻬﺎ ..
ﺑﻌﺪﻳﻦ ﺭﻓﻌﺖ ﺭﺍﺳﻬﺎ ﻭﻛﺒﺖ ﻉ ﺭﺍﺳﻪ ..
ﺑﻌﺪﻳﻦ ﺳﻠﻤﺖ ﻋﻠﻴﻪ ﺑﺎﻟﺨﺪ ..
ﺩﻻﻝ ﻣﻔﻨﺼﻪ ﻭﺗﺤﺮﻕ ..
ﻫﻮ ﻭﺧﺮ ﻭﻃﻠﻖ ﻳﺪﻫﺎ ... ﻭﻓﺎﺕ ﻣﻦ ﺣﺪﺍﻫﺎ .. ﻣﺘﻮﺟﻪ ﻟﻠﺒﺎﺏ ..
ﻣﺸﺘﻠﻪ ﺩﻻﻝ ﺗﺠﺮﻱ : ﺣﺒﻴﺒﻲ ..
ﻋﻤﺎﺭ ﺭﻓﻊ ﺣﻮﺍﺟﺒﻪ ﻭﺗﻠﻔﺖ ..
ﺩﻻﻝ ﻗﺮﺑﺖ ﻭﻟﻔﺘﻠﻪ ﻃﺮﻑ ﺍﻟﻌﻤﺎﻣﻪ ﻉ ﻛﺘﻔﻪ ﺍﻟﺘﺎﻧﻲ ..
ﻫﻮ ﻓﻬﻤﻬﺎ ﻟﻜﻦ ﻗﻌﺪ ﻣﺤﺎﻓﻆ ﻉ ﻣﻼﻣﺤﻪ ﺍﻟﺤﺎﺩﻩ ..
ﻫﻨﺪﺍ : ﻣﺎﺷﺎﺀ ﺍﻟﻠﻪ ﻋﻠﻴﻚ ﺯﻱ ﻋﺎﺩﺗﻚ ..
ﺩﻻﻝ ﺷﻘﻠﺒﺖ ﻋﻴﻮﻧﻬﺎ ..
ﻋﻤﺎﺭ ﺷﺒﺢ ﻟﻬﻨﺪﺍ ﺑﻌﺪﻳﻦ ﺷﺒﺢ ﻟﺪﻻﻝ ﺑﺮﺑﻊ ﻋﻴﻦ ..
ﺷﺪ ﺿﺤﻜﺘﻪ ﻭﻗﺎﻝ : ﺍﺣﻤﺤﻤﻤﻢ ... ﺩﻻﻝ ﻋﺪﻱ ﻷﻣﻲ ..
ﺷﺒﺤﺘﻠﻪ ﺷﻮﻳﻪ ﺑﻌﺪﻳﻦ ﻗﺎﻟﺖ : ﺑﺎﻫﻲ ..
ﻣﺸﺖ ﺑﺎﻟﺴﻴﻒ .. ﻭﻫﻨﺪﺍ ﺗﺸﻮﻓﻠﻬﺎ ..
ﻓﺘﺢ ﺍﻟﺒﺎﺏ ﺑﻴﻄﻠﻊ ..
ﻫﻨﺪﺍ : ﺑﻌﺪﻳﻦ ﺍﺭﻓﻊ ﻣﻌﺎﻙ ﺍﻟﻮﻻﺩ ﻃﻠﻌﻬﻢ ﺍﺳﺘﺎﺣﺸﻮﻙ ﻭﺍﺟﺪ
ﻫﺰ ﺭﺍﺳﻪ ﺑﺈﻳﺠﺎﺏ ﻭﻟﻒ ﻭﻃﻠﻊ ﻃﻮﻝ ﻭﺳﻜﺮ ﺍﻟﺒﺎﺏ ﻭﺭﺍﻩ ..
ﺗﺒﺪﻟﺖ ﺍﺑﺘﺴﺎﻣﺔ ﻫﻨﺪﺍ .. ﻟﻤﻼﻣﺢ ﺣﻘﺪ
ﺣﻘﺪ ﻛﻞ ﻣﺎﻟﻪ ﻳﺪﻓﻌﻬﺎ ﺍﺩﻳﺮ ﺷﻲ ﻋﻮﺍﻗﺒﻪ ﺣﺘﻜﻮﻥ ﻭﺧﻴﻤﻪ ﺑﺲ ﻉ ﻣﻨﻲ ... ﺍﻟﻠﻪ ﺃﻋﻠﻢ
🍁🍁🍁
🍃 ﺍﺟﻮﺍﺀ ﺍﻟﻌﻴﺪ ﻣﻊ ﺗﻘﺪﻡ ﺍﻟﺴﻨﻴﻦ ﺗﺘﻐﻴﺮ ..
ﺍﻭ ﻣﻤﻜﻦ ﺗﺒﻬﺖ ﻋﺎﻡ ﻋﻦ ﻋﺎﻡ ..
ﻫﻲ ﻧﻜﻬﺔ ﺍﻟﻌﻴﺪ ﻣﻦ ﺍﻷﺳﺎﺱ .. ﺳﻮﺍﺀ ﻛﺎﻥ ﻛﺒﻴﺮ ﺍﻭ ﺻﻐﻴﺮ ﺗﻜﻮﻥ ﻓﻲ ﺟﻤﻌﺔ ﺍﻟﻌﻴﻠﻪ ..
ﺑﺲ ﻣﺆﺧﺮﺍ ﺟﻤﻌﺔ ﺍﻟﻌﻴﻠﻪ ﻭﻟﺖ ﻋﺒﺎﺭﺓ ﻋﻦ ﻫﻢ ﺛﻘﻴﻞ ﻉ ﺍﻟﻘﻠﺐ ..
ﺍﺟﻮﺍﺀ ﻣﺸﺤﻮﻧﻪ ﻃﻮﻝ ﺍﻟﻮﻗﺖ .. ﻭﻧﻔﺎﻕ ﺍﺟﺘﻤﺎﻋﻲ
ﺯﻱ ﺍﻟﻠﻲ ﺻﺎﻳﺮ ﻓﻲ ﺣﻮﺵ ﺍﻟﺤﺎﺟﻪ ﻣﺒﺮﻭﻛﻪ ..
ﻛﺎﻧﺖ ﺯﻳﻨﺐ ﻫﻲ ﻭﺑﻨﺎﺗﻬﺎ ﻏﺎﺩﻱ ..
ﻭﻣﻮﺟﻮﺩﺍﺕ ﺳﻠﻔﺎﺕ ﺯﻳﻨﺐ ﻛﺬﻟﻚ
ﻭﺣﻤﺎﺗﻬﻢ ﻫﻨﺎﺀ ﻗﺎﻟﺒﻪ ﻭﺟﻬﻬﺎ .. ﻭﻓﻲ ﺍﻟﻜﻮﺟﻴﻨﻪ ﺗﻘﺮﺑﻊ ﻓﻲ ﺍﻟﻤﺎﻋﻴﻦ
ﻭﻫﻤﺎ ﻣﻄﻨﺸﻴﻨﻬﺎ ﻭﻣﺶ ﻣﺪﻭﺭﻳﻦ ..
ﻟﻌﻨﺪﻣﺎ ﺧﺸﺖ ﻧﺠﻴﻪ ﻭﺑﻨﺎﺗﻬﺎ ﻋﻠﻴﻬﻢ ..
ﻛﺎﻧﻮﺍ ﻋﺎﺭﻓﻴﻨﻬﺎ ﺑﺘﺠﻲ ﻣﻦ ﺍﻭﻝ ﻳﻮﻡ ﻷﻥ ﻣﺘﺎﻋﻴﻨﻬﺎ ﻣﺶ ﻓﺎﻟﺒﻼﺩ
ﻭﺑﺪﻱ ﺍﻟﺠﻮ ﻳﺰﻳﺪ ﻳﺘﻜﻬﺮﺏ ..
ﻭﺗﻼﻗﺖ ﻧﺠﻴﻪ ﻣﻊ ﻫﻨﺎﺀ .. ﻭﻫﺎﺗﻠﻚ ﻳﺎﺗﻠﻘﻴﺢ ﺩﻭﺓ ﻭﺑﺼﺎﺭﺓ ﺑﺎﻳﺨﻪ ..
ﻉ ﺯﻳﻨﺐ ﻭﺳﻠﻔﺎﺗﻬﺎ .. ﻭﻫﻤﺎ ﺳﺎﻛﺘﻴﻦ .. ﻭﻣﺮﺍﺕ ﻳﻄﻨﺸﻮﺍ ﻭﻣﺮﺍﺕ ﻳﻀﺤﻜﻮﺍ ﻣﻌﺎﻫﻢ ..
ﺍﻟﻤﻬﻢ ﻫﺎﻟﻴﻮﻡ ﻳﻌﺪﻱ ﻉ ﺧﻴﺮ ..
ﺩﺍﺭﻭﺍ ﻏﺪﺍﻫﻢ ﻭﺗﻐﺪﻭﺍ ..
ﻭﺑﻌﺪﻫﺎ ... ﻗﺴﻤﻮﺍ ﺍﻟﺒﻨﺎﺕ ﺍﺭﻭﺍﺣﻬﻢ ﻧﺺ ﻓﻲ ﺍﻟﻜﻮﺟﻴﻨﻪ ﻭﻧﺺ ﻳﻀﻤﻮﺍ ﺍﻟﺤﻮﺵ ﻭﻳﻜﻨﺴﻮﺍ ..
ﺭﺍﻧﻴﺎ ﻛﺎﻧﺖ ﻣﻊ ﻣﺮﻳﻢ ﺑﻨﺖ ﻋﻤﺘﻬﺎ ﺷﺎﺩﻳﻦ ﺍﻟﻜﻮﺟﻴﻨﻪ ..
ﻣﺮﻳﻢ : ﺑﺠﺪﻳﺎﺕ ﺭﺍﻧﻴﺎ ﺧﻮﻱ ﻳﺒﻴﻚ ﻭﺣﺘﻰ ﻛﻠﻢ ﺍﻣﻲ ﻋﻠﻴﻚ ..
ﺭﺍﻧﻴﺎ ﺍﺗﻔﺎﺟﺌﺖ : ﻭﺷﻦ ﻗﺎﻟﺖ ﻋﻤﺘﻲ؟
ﻣﺮﻳﻢ ﺑﻀﺤﻜﻪ : ﺭﺍﺳﻬﺎ ﻭﺍﻟﻒ ﺳﻴﻒ ﺍﻥ ﻓﻲ ﺑﻴﻨﻚ ﻭﺑﻴﻦ ﺍﺳﺎﻣﻪ ﻋﻼﻗﻪ .. ﻭﻗﺎﻟﺖ ﻛﺎﻥ ﻫﻲ ﺗﺒﻴﻪ ﻋﺎﺩﻱ ..
ﺭﺍﻧﻴﺎ ﺿﺤﻜﺖ ﺑﺈﺳﺘﻐﺮﺍﺏ ..
ﻣﺮﻳﻢ ﺑﻀﺤﻜﻪ : ﻫﺎ ﺷﻦ ﻗﻠﺘﻲ ..
ﺭﺍﻧﻴﺎ : ﺷﻦ ﺑﻨﻘﻮﻝ ﻳﺎﻣﺮﻳﻢ .. ﺍﺳﺎﻣﻪ ﻋﻨﺪﻱ ﺯﻱ ﺣﻤﺰﺓ ﺑﺎﻟﺰﺑﻂ ﻭﻋﻤﺮﻱ ﻣﺎﺣﻨﻔﻜﺮ ﻓﻴﻪ ﻏﻴﺮ ﻫﻜﻲ ..
ﻣﺮﻳﻢ : ﻗﻮﻟﻲ ﺍﻟﺤﻖ ﺭﻧﻮ ﻓﻲ ﺣﺪ ﻓﺤﻴﺎﺗﻚ ..
ﺭﺍﻧﻴﺎ ﺑﻀﺤﻜﻪ : ﻳﺎﻭﺍﻟﻠﻪ ﻋﻠﻴﻚ ﺣﺎﻟﻪ .. ﻳﻌﻨﻲ ﻛﺎﻥ ﺭﻓﻀﺖ ﺍﺳﺎﻣﻪ ﻣﻌﻨﺎﻫﺎ ﻓﻲ ﺣﺪ ﺗﺎﻧﻲ ! ﺿﺤﻜﺖ ﻭﻗﺎﻟﺖ .. ﺍﻃﻤﻨﻲ ﻻﺣﺪ ﻻﺣﺪﺍﺩ ..
ﻣﺮﻳﻢ ﺑﻀﺤﻜﻪ : ﻳﺎﻭﺩﻱ ﺑﺎﻫﻲ ..
ﺿﺤﻜﺖ ﺭﺍﻧﻴﺎ ﻭﺑﺪﺕ ﺗﻜﻨﺲ ﻓﻲ ﺍﻟﻜﻮﺟﻴﻨﻪ ..
ﻭﺑﺮﺍ ..
ﻛﺎﻧﺖ ﻋﻤﺘﻬﺎ ﻧﺠﻴﻪ ﺗﺘﻜﻠﻢ ﺑﺎﻟﺘﻠﻴﻔﻮﻥ ﻭﺗﺘﻤﺸﻰ ﻓﻲ ﺍﻟﺠﻨﺎﻥ ..
ﺭﺍﻧﻴﺎ ﻭﻫﻲ ﺗﻜﻨﺲ ﻃﻠﻌﺎﺗﻪ ﻉ ﺑﺮﺍ ..
ﻭﻛﺎﻥ ﻓﻲ ﺯﻱ ﺍﻟﻔﺘﺤﻪ ﻓﻴﻬﺎ ﻣﻴﺔ ﻳﻌﻠﻖ ﻓﻴﻬﺎ ﺍﻟﻮﺳﺦ ..
ﻗﻌﺪﺕ ﺭﺍﻧﻴﺎ ﺗﻜﻨﺲ ﺑﻘﻮﺓ ﺑﺶ ﺍﻃﻠﻊ ﺍﻟﻮﺳﺦ ....
ﻭﺍﻟﻮﺳﺦ ﻳﺘﻨﻄﺮ ﻭﻳﺠﻲ ﻉ ﻧﺠﻴﻪ ...
ﺷﺒﺤﺖ ﻧﺠﻴﻪ ﻟﻘﻔﻄﺎﻧﻬﺎ ﻣﻦ ﻟﻮﻃﺎ ﻟﻘﺖ ﺍﻟﻮﺳﺦ ﻋﻠﻴﻪ ..
ﺷﺒﺤﺖ ﻟﺮﺍﻧﻴﺎ ﺻﻜﺮﺕ ﻃﻮﻝ ﻭﻗﺎﻟﺖ : ﺷﻦ ﻗﺼﺪﻙ ﺑﻴﻬﺎ ﺍﻟﺤﺮﻛﻪ ﻫﺎﺩﻱ ..
ﺭﺍﻧﻴﺎ ﻣﺎﻛﺎﻧﺘﺶ ﻣﺮﻛﺰﺓ ﻭﻻﺷﺎﻳﻔﺘﻬﺎ ﻟﻤﺎ ﻛﻠﻤﺘﻬﺎ ﺷﺒﺤﺘﻠﻬﺎ : ﺧﻴﺮﻙ ﻋﻤﺘﻲ؟ !
ﻧﺠﻴﻪ : ﺧﻴﺮﻙ ﻋﻤﺘﻲ؟ !! ﻛﺎﻧﻲ ﻋﻤﺘﻚ ﺣﻖ ﻭﻻ ﻣﺤﺘﺮﻣﺘﻴﻨﻲ ﻣﺎﺩﻳﺮﻳﺶ ﺣﺮﻛﻪ ﺯﻱ ﻫﺎﺩﻱ ...
ﻉ ﻃﻠﻌﺔ ﻣﺮﻳﻢ : ﺧﻴﺮﻙ ﻣﺎﻣﺎ ...
ﻧﺠﻴﻪ : ﺷﻮﻓﻲ ﺑﻨﺖ ﺧﺎﻟﻚ ﺍﻟﻤﺘﺮﺑﻴﻪ ﺷﻦ ﺩﺍﺭﺕ ﺗﻠﻮﺡ ﻓﻲ ﺍﻟﻮﺳﺦ ﻉ ﻋﻤﺘﻬﺎ .. ﻃﻮﻝ ﺧﺸﺖ ﻟﻠﻜﻮﺟﻴﻨﻪ ﻭﻣﻨﻬﺎ ﻟﻠﺼﺎﻟﻪ ..
ﻭﺍﻟﺒﻨﺎﺕ ﻭﺭﺍﻫﺎ ..
ﺭﺍﻧﻴﺎ ﻭﻫﻲ ﺗﺮﻋﺶ : ﻭﺍﻟﻠﻪ ﻣﺎﻗﺼﺪﻱ ﻳﺎﻣﺮﻳﻢ ﻣﺎﺷﻔﺘﻬﺎﺵ ﺍﻗﺴﻢ ﺑﺎﻟﻠﻪ ..
ﻭﺻﻠﺖ ﻧﺠﻴﺔ ﺍﻟﺼﺎﻟﻪ ﻭﺑﺪﺕ ﺗﻠﻌﻠﻊ ﻭﺗﻌﻴﻂ ..
ﺯﻳﻨﺐ : ﺭﺍﻧﻴﺎ ﺣﻖ ﺩﺭﺗﻲ ﻫﻜﻲ؟ !
ﻧﺠﻴﻪ : ﻻ ﻧﻜﺬﺏ ﻋﻠﻴﻚ .. ﻧﺘﺒﻠﻰ ﻋﻠﻴﻬﺎ !!
ﻣﺒﺮﻭﻛﻪ : ﻭﻃﻲ ﺻﻮﺗﻚ .. ﺍﺳﻜﺘﻲ .. ﺷﺒﺤﺖ ﻟﺮﺍﻧﻴﺎ .. ﻫﻜﻲ ﻳﺎﺭﺍﻧﻴﺎ ﻫﻜﻲ ﻭﺍﻧﻲ ﻧﻘﻮﻝ ﻋﻠﻴﻚ ﻋﺎﻗﻠﻪ .. ﻣﺶ ﺯﻱ ﺍﺧﺘﻚ ﺍﻟﻤﺴﻤﻪ ..
ﺭﺑﺎﺏ ﻓﻨﺼﺖ ﻭﺷﺒﺤﺖ ﻷﻣﻬﺎ .. ﻭﺍﻣﻬﺎ ﺷﺒﺤﺖ ﻟﻌﺰﻭﺯﺗﻬﺎ ﺑﻀﻴﻖ ..
ﺭﺍﻧﻴﺎ ﺑﻨﺒﺮﺓ ﺑﺎﻛﻴﻪ : ﺍﻗﺴﻢ ﺑﺎﻟﻠﻪ ﻳﺎﺣﻨﺎﻱ ﺍﻗﺴﻢ ﺑﺎﻟﻠﻪ ﻣﺎﺭﻳﺘﻬﺎ ..
ﻫﻨﺎﺀ : ﻣﺎﻳﺠﻴﺶ ﻫﻜﻲ ﻳﺎﺭﺍﻧﻴﺎ .. ﺍﻟﻠﻲ ﺑﻴﻦ ﺍﻣﻚ ﻭﻋﻤﺘﻚ ﺍﻧﺘﻲ ﻣﺎﺩﺧﻠﻜﺶ ﺑﻴﻪ .. ﻭﺣﺘﻰ ﺍﻧﺘﻲ ﻳﺎﺯﻳﻨﺐ ﺳﺎﺩ ﻣﺎﻛﺮﻫﺘﻲ ﺻﻐﺎﺭﻧﺎ ﻓﻴﻨﺎ ﺳﺎﺩ ..
ﺯﻳﻨﺐ ﺑﺼﺪﻣﻪ : ﻻﺣﻮﻝ ﻭﻻﻗﻮﺓ ﺍﻻ ﺑﺎﻟﻠﻪ ﻳﺎﺭﺑﻲ ..
ﺭﺑﺎﺏ ﻣﺶ ﻗﺎﺩﺭﺓ ﺗﺘﻜﻠﻢ ﺗﺴﻤﻊ ﻭﺩﻣﻮﻋﻬﺎ ﻧﺰﻟﻮﺍ ﻃﻮﻝ ..
ﻭﺣﺪﻩ ﻣﻦ ﺍﻟﺴﻠﻔﺎﺕ : ﺻﻠﻮﺍ ﻉ ﺍﻟﻨﺒﻲ ﺭﺍﻧﺎ ﻓﻨﻬﺎﺭ ﻋﻴﺪ ﻳﺎﻧﺎﺱ .. ﻭﺑﻌﺪﻳﻦ ﻳﺎﻧﺠﻴﻪ ﺭﺍﻧﻴﺎ ﻋﺎﻗﻠﻪ ﺭﺍﻫﻮ ﻋﻤﺮﻫﺎ ﻣﺎﻏﻠﻄﺖ ﻓﻲ ﺣﺪ .. ﺍﻛﻴﺪ ﻣﺶ ﻗﺼﺪﻫﺎ ..
ﺭﺍﻧﻴﺎ ﺑﺒﻜﻲ : ﺍﻗﺴﻢ ﺑﺎﻟﻠﻪ ﺍﻟﻌﻈﻴﻢ ﻣﺎﻗﺎﺻﺪﺗﻬﺎ ﻭﻻﺷﻔﺘﻬﺎ ..
ﻣﺒﺮﻭﻛﻪ : ﺗﺤﻠﻒ ﻉ ﺍﻟﻤﺼﺤﻒ ..
ﺯﻳﻨﺐ ﺩﻣﻮﻋﻬﺎ ﻳﻨﺰﻟﻮﺍ ﻭﺳﺎﻛﺘﻪ .. ﻭﺭﺑﺎﺏ ﻛﺬﻟﻚ ..
ﻣﺸﺖ ﻣﺒﺮﻭﻛﻪ ﻟﺪﺍﺭﻫﺎ ﺟﺎﺑﺖ ﺍﻟﻤﺼﺤﻒ ..
ﻭﻧﺠﻴﺔ ﻭﻫﻨﺎﺀ ﻳﺤﺪﻓﻮﺍ ﻓﻲ ﻛﻼﻡ ﺯﻱ ﺍﻟﺴﻢ ..
ﻭﺍﻟﺒﺎﻗﻲ ﻳﺘﻔﺮﺟﻮﺍ ..
ﻃﻠﻌﺖ ﺍﻟﺤﺎﺟﻪ ﻣﺒﺮﻭﻛﻪ ﺑﺎﻟﻤﺼﺤﻒ ...
ﻣﺒﺮﻭﻛﻪ : ﺧﻼﺹ ﺍﺳﻜﺘﻮﺍ .. ﻭﺻﻠﺖ ﻓﻲ ﺭﺍﻧﻴﺎ .. ﺣﻄﻲ ﻳﺪﻙ ﻉ ﺍﻟﻤﺼﺤﻒ ﻭﺍﺣﻠﻔﻲ ﻫﻲ ..
ﺣﻄﺖ ﺭﺍﻧﻴﺎ ﻳﺪﻫﺎ ﻉ ﺍﻟﻤﺼﺤﻒ ﻭﻫﻲ ﺗﺒﻜﻲ : ﺍﻗﺴﻢ ﺑﺎﻟﻠﻪ ﻣﺎﺷﻔﺘﻬﺎ ﻭﻻ ﻧﻘﺼﺪﻫﺎ .. ﻭﺣﻖ ﺭﺑﻲ ..
ﺯﻳﻨﺐ ﺍﻧﻬﺎﺭﺕ ﺑﺎﻟﺒﻜﻲ ﻣﺎﺗﺤﻤﻠﺘﺶ ﺍﻟﻤﻮﻗﻒ ﺑﻜﻞ ..
ﺟﻮﻫﺎ ﺳﻠﻔﺎﺗﻬﺎ ﻭﺑﻨﺘﻬﺎ ﻭﺩﺧﻠﻮﻫﺎ ﻭﺣﺪﻩ ﻣﻦ ﺍﻟﺪﻳﺎﺭ .. ﻭﻟﺤﻘﺘﻬﺎ ﺭﺍﻧﻴﺎ ..
ﻣﺮﻳﻢ ﺑﺪﻣﻮﻉ : ﻋﻼﺵ ﻫﻜﻲ ﻳﺎﻣﺎﻣﺎ ..
ﻫﻨﻴﺪﻩ ﺍﺧﺘﻬﺎ : ﺳﻜﺮﻱ ﻓﻤﻚ ﺍﻧﺘﻲ ..
ﻣﺒﺮﻭﻛﻪ ﺷﺒﺤﺖ ﻟﻨﺠﻴﻪ ﺑﺤﺪﻩ ﺑﻌﺪﻳﻦ ﻟﻔﺖ ﻭﻣﺸﺖ ﻭﻫﻲ ﺗﻘﻮﻝ : ﻻﺣﻮﻝ ﻭﻻﻗﻮﺓ ﺍﻻ ﺑﺎﻟﻠﻪ ﻻﺣﻮﻝ ﻭﻻﻗﻮﺓ ﺍﻻ ﺑﺎﻟﻠﻪ ..
ﻧﺠﻴﻪ : ﻭﺍﻟﻨﺒﻲ ﺗﺮﺍ ﻓﻮﺗﻮﻧﻲ .. ﻭﻣﺸﺖ ﻟﻠﻜﻮﺟﻴﻨﻪ .. ﻭﻫﻨﺎﺀ ﻭﻫﻨﻴﺪﺓ ﻟﺤﻘﻮﻫﺎ ..
ﻣﺮﻳﻢ : ﻭﺍﻧﻲ ﺍﻟﺤﻤﺎﺭﺓ ﻧﻘﻨﻊ ﻓﻴﻬﺎ ﺗﻮﺍﻓﻖ ﻉ ﺍﺳﺎﻣﻪ .. ﻣﻐﺒﺎﻧﻲ ..
🍃 ﻣﺎﻳﻌﺮﻑ ﺍﻟﻮﺍﺣﺪ ﺷﻦ ﻳﺪﻳﺮ ..
ﻟﻮ ﺳﻜﺖ ﻭﻓﻮﺕ ﻳﺴﺘﻮﻃﻮﺍ ﺣﻴﻄﻪ ﻭﻳﺘﻤﺎﺩﻭﺍ ﻣﻌﺎﻩ ﻓﻲ ﺍﻟﻐﻠﻂ ..
ﻭﻟﻮ ﺗﻜﻠﻢ ﻭﺩﺍﻓﻊ ﻋﻦ ﻧﻔﺴﻪ ﺍﻭ ﺩﺍﺭ ﺍﻱ ﺭﺩﺓ ﻓﻌﻞ .. ﺳﻮﺀ ﺍﻟﺪﻧﻴﺎ ﻛﻠﻬﺎ ﻳﻄﻠﻊ ﻓﻴﻪ ..
ﻫﺪﺍ ﺍﻟﻠﻲ ﻗﺎﻋﺪ ﻳﺼﻴﺮ ﺑﻴﻦ ﻋﺎﺋﻼﺗﻨﺎ ﺣﺎﻟﻴﺎ ...
ﻋﻦ ﻧﻔﺴﻲ ﻧﻔﻀﻞ ... ﺍﻹﺑﺘﻌﺎﺩ ...
ﺻﺢ ﻗﺎﻝ ﺩﻳﻨﻨﺎ ﺧﻴﺮﻛﻢ ﻣﻦ ﻳﺒﺪﺍ ﺑﺎﻟﺴﻼﻡ ..
ﻭﻗﺎﻝ ﻛﺄﻧﻚ ﺗﺴﻔﻬﻢ ﺑﺎﻟﻤﻞ ..
ﺟﺮﺑﻨﺎ ﻫﺎﻟﺸﻲ ﺟﺮﺑﻨﺎﻩ ﺑﺪﺍﻝ ﺍﻟﻤﺮﺓ ﺍﻟﻒ ﻣﺮﺓ ﺑﺲ ﻟﻸﺳﻒ ﻓﻲ ﻛﻞ ﻣﺮﺓ ﻛﺎﻥ ﺍﻟﺸﻘﺎﻕ ﻭﺍﻟﺨﻼﻑ ﻳﺰﻳﺪ ﻭﻳﻜﺒﺮ ...
ﺣﺎﺷﺎ ﺩﻳﻨﻨﺎ ﻣﻦ ﺍﻟﻨﻘﺺ .. ﻟﻜﻦ ﺣﻨﻲ ﺍﻟﻠﻲ ﻧﺎﻗﺼﻴﻦ ﺣﻨﻲ ...
ﻭﻟﻬﺪﺍ ﺍﻓﻀﻞ ﺣﻞ ... ﺍﻹﺑﺘﻌﺎﺩ ...
🍁🍁🍁🍁🍁🍁
ﺑﻌﺪ ﺍﻟﻌﺼﺮ ..
ﺑﻌﺪ ﺧﻼ ﻫﺎﻧﻴﺒﺎﻝ ﺍﻣﻪ ﻓﻲ ﺣﻮﺵ ﻋﻤﻬﺎ ﺧﺪﻱ ﺭﺯﺍﻥ ﻭﺭﻭﺣﻮﺍ ﻣﻊ ﻋﻴﺖ ﺣﻤﻴﺪ ﻟﺤﻮﺷﻬﻢ ...
ﻭﺻﻠﻮﺍ ﻟﺤﻮﺵ ﺣﻤﻴﺪ
ﻗﻌﺪ ﻫﺎﻧﻴﺒﺎﻝ ﻓﻲ ﺍﻟﺴﻴﺎﺭﺓ ﻣﻊ ﺭﺯﺍﻥ ... ﻭﺭﻓﻘﻪ ﻧﺰﻟﺖ ﻣﻦ ﺳﻴﺎﺭﺓ ﺑﻮﻫﺎ ﺭﻛﺒﺖ ﻓﺴﻴﺎﺭﺓ ﻋﻤﻬﺎ ﻣﻦ ﺍﻟﺨﻠﻒ ...
ﻭﺗﻮﻛﻠﻮﺍ ﻉ ﺍﻟﻠﻪ ..
ﻃﻮﻝ ﺍﻟﻄﺮﻳﻖ ﻛﺎﻥ ﻫﺎﻧﻴﺒﺎﻝ ﻳﻬﺪﺭﺯ ﻋﻠﻴﻬﻢ ﻭﻳﻨﺎﺷﺐ ﻓﻴﻬﻢ ﻭﻫﻤﺎ ﻳﻀﺤﻜﻮﺍ ...
ﻟﻌﻨﺪ ﻣﺎﺧﺸﻮﺍ ﻟﺸﺎﺭﻉ ﺍﻟﻤﺼﻮﺭ ﻣﺘﺎﻉ ﻋﺮﻭﺑﻪ ..
ﻫﺎﻧﻴﺒﺎﻝ ﻗﻠﺒﻪ ﺑﺪﻱ ﻳﻬﺒﻞ ﺑﺪﻗﺎﺗﻪ ..💓
ﺯﻓﺮ .. ﻭﺍﻟﺒﻨﺎﺕ ﺭﻛﺰﻭﺍ ﻣﻌﺎﻩ .
ﺭﺯﺍﻥ : ﺧﻴﺮﻙ ﻋﻤﻮ ...
ﻫﺎﻧﻴﺒﺎﻝ ﺷﺒﺤﻠﻬﺎ ﻭﺿﺤﻚ : ﺷﻲ ..
ﺍﺑﺘﺴﻤﻮﺍ ﺭﺯﺍﻥ ﻭﺭﻓﻘﻪ ..
ﻭﺻﻠﻮﺍ ﻟﻠﻤﺼﻮﺭ ﻛﺎﻥ ﻣﻔﺘﻮﺡ ..
ﺩﺭﺱ ﻭﻗﻌﺪ ﻳﺸﺒﺢ ﻟﻠﺒﺎﺏ ﻭﻫﻮ ﻣﺒﺘﺴﻢ ..
ﺩﺍﺧﻞ ...
ﻛﺎﻧﺖ ﺗﺠﻬﺰ ﻓﻲ ﺍﻟﻤﻜﺎﻥ ﻭﻫﻲ ﻣﺒﺘﺴﻤﻪ ..
ﺗﺸﺒﺢ ﻟﺴﺎﻋﺘﻬﺎ ﻭﻣﺘﻠﻬﻔﻪ ﻫﻠﺒﻪ ﻟﺠﻴﺘﻪ 💓...
💕 ﺳﻤﻌﺖ ﺑﺎﺏ ﺍﻟﻤﺼﻮﺭ ﺍﻧﻔﺘﺢ ..
ﺣﻄﺖ ﻳﺪﻫﺎ ﻉ ﻗﻠﺒﻬﺎ ... ﺗﻤﺎﻟﻜﺖ ﻧﻔﺴﻬﺎ .. ﻭﺗﻤﺎﺳﻜﺖ ..
" ﺍﻟﺴﻼﻡ ﻋﻠﻴﻜﻢ .."
ﻃﻠﻌﺖ ﻃﻮﻝ ﻣﻦ ﺣﺠﺮﺓ ﺍﻟﺘﺼﻮﻳﺮ ...
ﺟﺖ ﻋﻴﻨﻬﺎ ﻓﻌﻴﻨﻪ .. ﺍﺑﺘﺴﻤﺖ ﺑﻔﺮﺡ ..
ﻫﺎﻧﻴﺒﺎﻝ ﺑﺈﺑﺘﺴﺎﻣﻪ : ﺟﻴﺘﻚ ﺑﻀﻴﻮﻓﻲ ..
ﺷﺒﺤﺖ ﻟﺮﺯﺍﻥ ﻭﺭﻓﻘﻪ ﺍﻟﻠﻲ ﻛﺎﻧﻮﺍ ﻳﺸﻮﻓﻮﻟﻬﺎ ..
ﻋﺮﻭﺑﻪ ﺑﺈﺑﺘﺴﺎﻣﻪ ﻣﺮﺣﻪ ﻗﺪﻣﺘﻠﻬﻢ : ﺍﻫﻼ ﻭﺳﻬﻼ ﺍﻫﻼ ﻭﺳﻬﻼ ﺑﺎﻟﻘﻤﺮﺍﺕ .. ﻳﺨﺰﻱ ﺍﻟﻌﻴﻦ ...
ﻫﺎﻧﻴﺒﺎﻝ ﺑﻀﺤﻜﻪ : ﺍﻡ ﻋﻴﻮﻥ ﺧﻀﺮ ﺑﻨﺖ ﻣﻴﻼﺩ .. ﻭﺳﻤﺎﻫﺎ ﺭﺯﺍﻥ ..
ﻣﺪﺕ ﻳﺪﻫﺎ ﻋﺮﻭﺑﻪ ﻭﺳﻠﻤﺖ ﻋﻠﻴﻬﺎ ﺑﺎﻟﺨﺪ : ﻣﺮﺣﺒﺎ ﻳﺎﺭﺯﺍﻥ .. ﻛﻴﻔﻚ ﻳﺎﺣﻠﻮﺓ ..
ﺭﺯﺍﻥ ﺑﻀﺤﻜﻪ : ﻣﻨﻴﺤﻪ ..
ﺿﺤﻜﻮﺍ ..
ﻋﺮﻭﺑﻪ ﺑﻀﺤﻜﻪ : ﻋﺴﻞ .. ﺷﺒﺤﺖ ﻟﺮﻓﻘﻪ ..
ﻫﺎﻧﻴﺒﺎﻝ؛ﻫﺪﻱ ﺍﻟﺴﻤﺤﻪ ﺭﻓﻘﻪ ﺑﻨﺖ ﺣﻤﻴﺪ ..
ﻋﺮﻭﺑﻪ : ﻣﺎﺷﺎﺀ ﺍﻟﻠﻪ ﻗﻤﺮ .. ﺳﻠﻤﺖ ﻋﻠﻴﻬﺎ ﺑﺎﻟﺨﺪ ..
ﺑﻌﺪﻳﻦ ﺑﻌﺪﺕ ﻭﻗﺎﻟﺖ : ﺑﻨﻔﺲ ﺍﻟﻌﻤﺮ ﻣﺎﻫﻴﻚ؟
ﻫﺎﻧﻴﺒﺎﻝ ﺑﻀﺤﻜﻪ : ﻫﻴﻚ ..
ﺿﺤﻜﺖ ﻋﺮﻭﺑﻪ ...
ﺭﺯﺍﻥ : ﺷﻦ ﺍﺳﻤﻚ ﺍﻧﺘﻲ ؟
ﻋﺮﻭﺑﻪ ﺑﺈﺑﺘﺴﺎﻣﻪ : ﻋﺮﻭﺑﻪ ..
ﺭﻓﻘﻪ ﺑﺈﻋﺠﺎﺏ؛ﺣﻠﻮ ﻫﻠﺒﻪ ..
ﺭﺯﺍﻥ : ﻭﻏﺮﻳﺐ ..
ﺿﺤﻜﻮﺍ ﻋﺮﻭﺑﻪ ﻭﻫﺎﻧﻴﺒﺎﻝ ..
ﺷﺒﺤﺖ ﻟﻬﺎﻧﻴﺒﺎﻝ ﻭﻗﺎﻝ : ﺗﻔﻀﻠﻮﺍ ..
ﻭﺍﺷﺮﺗﻠﻬﻢ ﻉ ﺍﻟﻜﻨﺒﻪ ﺍﻟﻠﻲ ﻭﺭﺍﻫﻢ ..
ﻫﺎﻧﻴﺒﺎﻝ ﺑﺈﺑﺘﺴﺎﻣﻪ : ﻳﺰﻳﺪ ﻓﻀﻠﻚ ..
ﺧﺪﻱ ﺍﻟﺒﻨﺎﺕ ﻣﻦ ﺍﻳﺪﻳﻬﻢ ﻭﻗﻌﻤﺰﻫﻢ ﻉ ﺍﻟﻜﻨﺒﻪ ... ﻭﻗﻌﻤﺰ ﻣﻌﺎﻫﻢ ..
ﻋﺮﻭﺑﻪ : ﺛﻮﺍﻧﻲ ﺑﺲ .. ﻭﻣﺸﺖ ﺧﺸﺖ ﺩﺍﺧﻞ ..
ﻭﻋﻴﻮﻥ ﻫﺎﻧﻴﺒﺎﻝ ﻣﻌﺎﻫﺎ ..
ﺭﺯﺍﻥ : ﻋﻤﻮ ﻣﻦ ﻫﻲ ﻫﺪﻱ؟
ﺷﺒﺢ ﻫﺎﻧﻴﺒﺎﻝ ﻟﺮﺯﺍﻥ ﺑﺮﻓﻌﺔ ﺣﻮﺍﺟﺐ ﻭﻗﺎﻝ : ﻣﺼﻮﺭﺓ ..
ﺭﺯﺍﻥ : ﺍﻳﻪ ﻋﺎﺭﻓﻪ ﻟﻜﻦ ﻗﺼﺪﻱ ﺣﺴﻴﺘﻚ ﺗﻌﺮﻓﻬﺎ ..
ﻫﺎﻧﻴﺒﺎﻝ ﻗﻌﺪ ﺭﺍﻓﻊ ﺣﻮﺍﺟﺒﻪ ﻭﻫﻮﻳﺸﻮﻑ ﻟﺮﺯﺍﻥ ..
ﺭﻓﻘﻪ ﺑﻀﺤﻜﻪ : ﻳﺎﺳﺮ ﻗﺼﻘﺼﺔ ﺭﺯﺍﻥ ..
ﺭﺯﺍﻥ ﺷﺒﺤﺘﻠﻬﺎ ﻭﺿﺤﻜﺖ : ﻧﺒﻲ ﻧﻌﺮﻑ ...
ﻫﺎﻧﻴﺒﺎﻝ : ﻳﻮﻡ ﻣﻦ ﺍﻷﻳﺎﻡ ﺑﻨﺒﻄﺤﻚ ﺑﻄﺤﻪ ﺳﻤﻤﻤﺤﻪ ..
ﺿﺤﻜﺖ ﻫﻲ ﻭﺭﻓﻘﻪ ..
ﻉ ﻃﻠﻌﺔ ﻋﺮﻭﺑﻪ ﺑﺼﻔﺮﺓ ﻓﻴﻬﺎ ﻋﺼﻴﺮ ﻭﺣﻠﻮﻳﺎﺕ .. ﻭﻓﻨﺠﺎﻥ ﻗﻬﻮﺓ ...
ﻫﺎﻧﻴﺒﺎﻝ : ﺍﻳﺎﺍﺍﻩ .. ﺗﻲ ﻟﻴﺶ ﻳﺎﻭﺩﻱ ..
ﻋﺮﻭﺑﻪ : ﺍﻧﺘﻮﺍ ﺿﻴﻮﻓﻲ ﻭﻫﺎﺩ ﻭﺍﺟﺒﻲ .. ﺗﻔﻀﻠﻲ ﺭﻓﻘﻪ ..
ﺧﺪﺕ ﺭﻓﻘﻪ ﻃﺎﺳﻪ ﻋﺼﻴﺮ ﻭﺑﻴﺘﻔﻮﺭﺓ : ﺷﻜﺮﺍ ..
ﻫﺎﻧﻴﺒﺎﻝ ﻟﻤﺎ ﺷﺎﻓﻪ ﺿﺤﻚ : ﻣﺎﺯﻟﺘﻲ ﺗﺤﺒﻴﻪ ...
ﺷﺒﺤﺖ ﻟﻠﺒﻴﺘﻔﻮﺭ ﻭﺿﺤﻜﺖ ﻭﻫﻲ ﺗﻘﻮﻝ : ﻣﺎﺯﻟﺖ ..
ﻫﻮ ﺍﺑﺘﺴﻢ ﺑﺘﻨﻬﻴﺪﻩ ﻣﻜﺘﻮﻣﻪ 💓
ﺿﻴﻔﺖ ﺭﺯﺍﻥ .. ﺑﻌﺪﻳﻦ ﻫﻮ ..
ﻟﻤﺎ ﺧﺪﻱ ﺍﻟﻔﻨﺠﺎﻥ ﻛﺎﻥ ﻳﺸﻮﻓﻠﻬﺎ ... ﻫﻲ ﻋﺎﺭﻓﻪ ﻟﻜﻦ ﻣﺎﺑﺘﺶ ﺗﻘﻴﻢ ﻋﻴﻮﻧﻬﺎ ﻓﻴﻪ ..
ﺧﺪﻱ ﺑﻴﺘﻔﻮﺭ ... ﻭﻫﻲ ﻭﺧﺮﺕ ﺣﻄﺖ ﺍﻟﺼﻔﺮﻩ ﻉ ﺍﻟﻄﺎﻭﻟﻪ ..
ﻭﺑﻌﺪﻳﻦ ﻟﻔﺖ ﻭﺧﺪﺕ ﻛﺮﺳﻲ ﻭﻫﻲ ﺗﻘﻮﻝ : ﺍﻫﻼ ﻭﺳﻬﻼ ﺑﺎﻟﻘﻤﺮﺍﺕ ﺭﻓﻘﻪ ﻭﺭﺯﺍﻥ .. ﻭﻗﻌﻤﺰﺕ ﻉ ﺍﻟﻜﺮﺳﻲ ..
ﺭﺯﺍﻥ : ﻭﺑﻌﻤﻨﺎ ﺍﻟﻐﺰﺍﻝ ..
ﻫﺎﻧﻴﺒﺎﻝ ﺣﻂ ﺍﻟﻔﻨﺠﺎﻥ ﻉ ﺍﻟﻄﺎﻭﻟﻪ ﻭﻗﻌﺪ ﻳﻀﺤﻚ ..
ﻭﻋﺮﻭﺑﻪ ﺗﺸﺒﺤﻠﻪ ﻭﺗﻀﺤﻚ ..
ﺭﻓﻘﻪ ﺗﺸﺒﺢ ﻟﺮﺯﺍﻥ ﺑﺘﻔﻨﻴﺼﻪ ﻭﺗﻀﺤﻚ ..
ﺍﻣﺎ ﺭﺯﺍﻥ " ﺍﻟﺸﻨﻌﺐ " ﺗﻤﺮﺭ ﻓﻨﻈﺮﻫﺎ ﻉ ﻋﻤﻬﺎ ﻭﻉ ﻋﺮﻭﺑﻪ ﻭﻫﻲ ﻣﺒﺘﺴﻤﻪ ﺑﺮﻓﻌﺔ ﺣﺎﺟﺐ ...
ﻫﺪﺭﺯﻭﺍ ﻣﻊ ﺑﻌﻀﻬﻢ ﺷﻮﻳﻪ ..
ﻭﻛﺎﻧﺖ ﺍﻏﻠﺐ ﺍﻟﻬﺪﺭﺯﺓ ﺑﻴﻦ ﺭﺯﺍﻥ ﻭﺭﻓﻘﻪ ﻭﻋﺮﻭﺑﻪ ﻭﻫﺎﻧﻴﺒﺎﻝ ﻳﺪﻭﺏ ﻗﺎﻝ ﻛﻢ ﻛﻠﻤﻪ ﺃﻏﻠﺐ ﻭﻗﺘﻪ ﻳﺘﺄﻣﻞ ﻓﻴﻬﺎ ﻫﻲ ﻭﺧﻼﺹ 💓
ﻧﺎﺿﺖ ﻭﻫﻲ ﺗﻘﻮﻝ : ﻳﻠﻼ ﻳﺎﻗﻤﺮﺍﺕ ..
ﻧﺎﺿﻮﺍ ﺭﺯﺍﻥ ﻭﺭﻓﻘﻪ ..
ﻋﺮﻭﺑﻪ ﻭﻫﻲ ﺗﺄﺷﺮ ﺑﻴﺪﻫﺎ : ﻳﻠﻼ ﺗﻌﻮﺍ ...
ﻣﺸﻮﺍ ﻣﻌﺎﻫﺎ ﻭﺧﺸﻮﺍ ﻟﻠﺤﺠﺮﻩ ..
ﻭﺧﻠﻮﻩ ﺑﺮﺍ ﺑﺮﻭﺣﻪ ..
ﻗﻌﺪ ﺭﺍﻓﻊ ﺣﻮﺍﺟﺒﻪ ﻭﻫﻮﻳﻤﺮﺭ ﻓﻨﻈﺮﻩ ﻉ ﺍﻟﻤﻜﺎﻥ ..
ﺷﻮﻳﻪ ﻭﻃﻠﻌﺖ : ﺗﻌﺎ ﺍﻧﺘﻲ ﻛﻤﺎﻥ ..
ﺿﺤﻚ ﻭﻧﺎﺽ : ﺑﺎﻫﻲ ﺍﻟﻠﻲ ﺗﻔﻜﺮﺗﻲ ...
ﺿﺤﻜﺖ ﻭﺧﺸﺖ ... ﻭﻫﻮ ﺧﺶ ﻭﺭﺍﻫﺎ ...
💕 ﺟﻬﺰﺕ ﺍﻟﺒﻨﺎﺕ ... ﻭﻗﻌﺪﺕ ﻛﻞ ﻣﺮﺓ ﺍﺩﻳﺮﻟﻬﻢ ﻓﻠﻘﻄﻪ ..
ﻭﺗﺼﻮﺭ ... ﻭﻣﺮﺓ ﻣﺮﺓ ﺗﺒﺼﺮ ﻋﻠﻴﻬﻢ ﻭﺗﻀﺤﻚ ﻭﻫﻮ ﻳﺘﺄﻣﻞ ﻓﻴﻬﺎ ﻭﺑﺲ 💕
ﺑﻌﺪ ﺧﺪﺗﻠﻬﻢ 4 ﻟﻘﻄﺎﺕ ..
ﺭﺯﺍﻥ : ﺗﻌﺎﻝ ﻋﻤﻮ ﺻﻮﺭ ﻣﻌﺎﻧﺎ ..
ﺷﺒﺢ ﻫﺎﻧﻴﺒﺎﻝ ﻟﻌﺮﻭﺑﻪ ..
ﻋﺮﻭﺑﻪ ﻫﺰﺕ ﺭﺍﺳﻬﺎ ﺑﺄﻳﺠﺎﺏ ﻭﻫﻲ ﻣﺒﺘﺴﻤﻪ ..
ﻣﺸﻲ ﺣﺪﺍﻫﻢ ..
ﻫﻲ ﻗﺪﻣﺖ : ﺧﻠﻴﻚ ﺑﺎﻟﻨﺺ .. ﺧﺪﻥ ﺑﺤﻀﻨﻚ ﻭﺍﻧﺰﻝ ﺷﻮﻱ ﻟﻤﺴﺘﻮﻯ ﻃﻮﻟﻦ ..
ﺿﺤﻚ ﻭﺩﺍﺭ ﺯﻱ ﻣﺎﻗﺎﻟﺖ ..
ﻫﻲ ﺍﺑﺘﺴﻤﺖ ﻭﻣﺸﺖ ﺧﺪﺕ ﺍﻟﻜﺎﻣﻴﺮﺍ .. ﻭﺑﺪﺕ ﺗﺼﻮﺭ ﻓﻴﻬﻢ ..
ﺍﺑﺘﺴﺎﻣﺘﻪ ﻛﺎﻧﺖ ﺧﻴﺎﻝ ..
ﺍﺑﺘﺴﺎﻣﻪ ﻣﻊ ﻗﺮﻧﺔ ﺍﻟﺤﻮﺍﺟﺐ .. ﻭﺍﻟﻌﻴﻮﻥ ﺍﻟﻌﺴﻠﻴﻪ ﻓﻴﻬﻢ ﻟﻤﻌﻪ ﻫﻲ ﺗﻌﺮﻓﻬﺎ ﻛﻮﻳﺲ ﻛﻮﻳﺲ 💓
ﺑﻌﺪ ﻛﻤﻠﺖ ﻗﺎﻟﺖ : ﺧﻠﺼﻨﺎ ...
ﺭﺯﺍﻥ ﻛﺎﻧﺖ ﻣﺮﻛﺰﺓ ﻣﻌﺎﻫﺎ ﻛﻮﻳﺲ ..
ﻭﺍﺧﻴﺮﺍ ﺫﺍﻛﺮﺗﻬﺎ ﺟﺎﺑﺘﻠﻬﺎ ﺍﻟﻤﻮﻗﻒ ﺍﻟﻠﻲ ﺷﺎﻓﺖ ﻓﻴﻪ ﻋﺮﻭﺑﻪ ﻗﺒﻞ ..
ﺍﻧﺪﻫﺸﺖ ﻫﻠﺒﻪ ..
ﻭﻷﻧﻬﺎ ﺑﻨﺖ ﻓﺎﻃﻨﻪ ﻭﺳﺎﺑﻘﻪ ﺳﻨﻬﺎ .. ﺑﺪﺕ ﺗﺤﻠﻞ ﻓﻲ ﺍﻟﻠﻲ ﺗﺸﻮﻑ ﻓﻴﻪ ﻭﺧﺎﻃﺮﻫﺎ ﺗﻌﺮﻑ ﺍﻛﺜﺮ ﻭﺍﻛﺜﺮ ...
ﻋﺮﻭﺑﻪ : ﺍﺧﺮ ﺍﻷﺳﺒﻮﻉ ﺇﻥ ﺷﺎﺀ ﺍﻟﻠﻪ ﻳﻜﻮﻧﻮﺍ ﺟﺎﻫﺰﻳﻦ ..
ﻫﺎﻧﻴﺒﺎﻝ ﺑﺈﺑﺘﺴﺎﻣﻪ : ﺗﻤﺎﻡ ..
ﻣﺮﺭﺕ ﻋﻴﻮﻧﻬﺎ ﻋﻠﻴﻪ ﻭﺭﻛﺰﺕ ﻉ ﺻﻮﺍﺑﻊ ﺍﻳﺪﻳﻪ ﻟﻘﺘﻬﻢ ﻓﺎﺿﻴﺎﺕ ..
ﺷﺒﺤﺖ ﻟﻠﺒﻨﺎﺕ ﻭﺍﺑﺘﺴﻤﺖ ﻭﻫﻲ ﺗﻘﻮﻝ : ﻛﺘﻴﺮ ﺍﻧﺒﺴﻄﺖ ﺍﻧﻲ ﺷﻔﺘﻜﻦ ﻭﺍﻥ ﺷﺎﺀ ﺍﻟﻠﻪ ﻛﻞ ﻋﺎﻡ ﻭﺍﻧﺘﻮﺍ ﺑﺨﻴﺮ ..
ﺭﺯﺍﻥ : ﻛﻞ ﺳﻨﻪ ﻭﺍﻧﺘﻲ ﻃﻴﺒﻪ .
ﺭﻓﻘﻪ : ﻛﻞ ﻋﺎﻡ ﻭﺍﻧﺘﻲ ﺑﺨﻴﺮ ..
ﻫﺎﻧﻴﺒﺎﻝ ﺑﺈﺑﺘﺴﺎﻣﻪ : ﻫﻲ ﻋﺪﻥ ﺍﺭﻛﺒﻦ ﺍﻟﺴﻴﺎﺭﺓ ..
ﺭﺯﺍﻥ ﻭﻫﻲ ﺗﺸﺒﺤﻠﻬﻢ : ﺑﺎﻫﻲ ... ﺑﺎﻱ ..
ﺭﻓﻘﻪ ﺑﺄﺑﺘﺴﺎﻣﻪ : ﺑﺎﻱ ...
ﻭﻣﺸﻮﺍ ﻣﻊ ﺑﻌﺾ ﻭﻃﻠﻌﻮﺍ ﻣﻦ ﺍﻟﻤﺼﻮﺭ ..
ﻫﻮ ﺷﺒﺤﻠﻬﺎ ﺑﺈﺑﺘﺴﺎﻣﻪ ﻭﺣﺎﺟﺒﻪ ﺍﻹﻳﺴﺎﺭ ﻣﺮﻓﻮﻉ ..
ﻋﺮﻭﺑﻪ ﻭﻭﺟﻬﺎ ﺍﺣﻤﺮ : ﺷﻮ ﻓﻲ ..
ﻫﺎﻧﻴﺒﺎﻝ ﺑﺤﺐ : ﻋﻨﺪﻙ ﻋﻠﻢ ﺍﻧﻚ ﺯﺍﻳﺪﻩ ﺳﻤﺎﺣﻪ ..
ﻋﺮﻭﺑﻪ ﺍﻧﺼﺪﻣﺖ ﻭﺷﺒﺤﺘﻠﻪ ﺑﺘﻔﻨﻴﺼﻪ ...
ﻫﻮ ﺣﺲ ﺭﻭﺣﻪ ﺍﻭﻓﺮ .... ﺗﻠﺨﺒﻂ ﻫﻠﺒﻪ ..
ﻗﺎﻝ ﺑﺮﺑﻜﻪ : ﺍﺣﻤﻢ .... ﻏﻤﺾ ﻋﻴﻮﻧﻪ ﺑﺸﺪﻩ ﻭﺍﺷﺮ ﺑﻴﺪﻩ 🖐 ﻭﻫﻮ ﻳﻘﻮﻝ .. ﺍﺳﻒ .. ﻭﻟﻒ ﺑﻴﻄﻠﻊ .. ﺑﺲ ﻭﻗﻒ ﻟﻤﺎ ﺳﻤﻌﻬﺎ ﺗﺴﺄﻝ ..
" ﻭﻳﻦ ﺍﻟﺪﺑﻠﻪ "
ﺗﻠﻔﺖ ﻭﺷﺒﺤﻠﻬﺎ ﻭﻗﺎﻝ : ﻃﻠﻘﺖ ﺳﺮﺍﺡ ﺻﺎﺣﺒﺘﻬﺎ ...
ﻭﻃﻮﻝ ﻟﻒ ﻭﻓﺘﺢ ﺍﻟﺒﺎﺏ ﻭﻃﻠﻊ ...
ﻭﺧﻼﻫﺎ ﻣﺼﺪﻭﻭﻭﻭﻭﻣﻪ ...
ﺍﻟﻌﻴﻮﻥ ﺟﺎﺣﻈﺎﺕ .. ﻭﺍﻟﻘﻠﺐ ﺑﻴﻄﻠﻊ ﻣﻦ ﻣﻜﺎﻧﻪ ..
ﻭﺍﻷﻧﻔﺎﺱ ﻣﺘﺴﺎﺭﻋﻪ ... ﻗﻌﺪﺕ ﺗﺮﺍﺟﻊ ﻓﻲ ﺍﻟﻜﻠﻤﻪ ﺍﻟﻠﻲ ﺳﻤﻌﺘﻬﺎ ﺍﻛﺜﺮ ﻣﻦ ﻣﺮﺓ ... ﻭﻣﺶ ﻣﺼﺪﻗﻪ ..
ﻣﻦ ﻗﻮﺓ ﺗﺄﺛﻴﺮ ﺍﻟﻠﻲ ﺳﻤﻌﺎﺗﻪ ﻋﻠﻴﻬﺎ ..
ﺷﺒﺤﺖ ﻟﻄﺎﺳﺔ ﺍﻟﻌﺼﻴﺮ ﻣﺘﺎﻋﻬﺎ ﺍﻟﻠﻲ ﻣﺎﺷﺮﺑﺘﻬﺎﺵ .. ﻃﻮﻝ ﺧﺪﺗﻬﺎ ﻭﺷﺮﺑﺘﻬﺎ ﻛﻠﻬﺎ .. ﺣﻄﺖ ﺍﻟﻄﺎﺳﻪ ﻭﻃﻮﻝ ﺩﻣﻮﻋﻬﺎ ﻧﺰﻟﻮﺍ ..
ﻭﻫﻲ ﺗﺮﻋﺶ ﻣﻊ ﺑﻌﻀﻬﺎ 💕...
ﺃﻣﺎ ﻫﻮ ﺭﻛﺐ ﺍﻟﺴﻴﺎﺭﺓ ﺑﻌﺪ ﻟﺒﺲ ﻧﻈﺎﺭﺍﺗﻪ ﻭﻃﻮﻝ ﺷﻐﻠﻬﺎ ﻭﺗﺤﺮﻙ ..
ﻭﺭﺯﺍﻥ ﻋﻴﻮﻧﻬﺎ ﻋﻠﻴﻪ ...
ﺷﻮﻳﻪ ﻭﻓﺘﺢ ﺍﻟﻤﺴﺠﻞ ﻉ ﺃﻏﻨﻴﺔ ﻛﺎﺭﻭﻝ .. ﻭﻣﺮﻭﺍﻥ ...
ﻭﻗﻌﺪ ﻳﺴﻤﻊ ﻓﻴﻬﺎ ..
ﻭﺭﺯﺍﻥ ﻣﺮﻛﺰ ﻣﻌﺎﻩ ﻛﻴﻒ ﺍﺭﺗﺴﻤﺖ ﻉ ﻭﺟﻬﻬﺎ ﺍﺑﺘﺴﺎﻣﻪ ...
ﺷﺒﺤﺖ ﺍﻟﻘﺪﺍﻡ ﻭﻫﻲ ﻣﺎﺯﺍﻟﺖ ﺗﻔﻜﺮ ..
ﺣﻄﻬﻢ ﻓﻲ ﺣﻮﺵ ﺣﻤﻴﺪ ..
ﻭﻃﻮﻝ ﺗﺴﻘﺪ ﻟﻤﺤﻞ ﻋﻤﺎﺩ ...
🍁🍁🍁🍁🍁
ﻣﻘﻌﻤﺰﺓ ﻓﻲ ﺩﺍﺭﻫﺎ ﺗﺘﻔﺮﺝ ﻋﻠﻲ ﻓﻴﺪﻳﻮ ﺍﻟﺒﻴﺎﻥ ...
ﻉ ﻣﻘﺎﻃﻌﻪ ﻫﻮ ﺑﺲ .. ﺗﺘﻔﺮﺝ ﻭﺗﻌﺎﻭﺩ ﻭﺩﻣﻮﻋﻬﺎ ﺳﻴﻞ ..
ﺗﺒﻜﻲ ﻭﺗﺒﻜﻲ ﻭﺑﺘﻤﻮﺕ .. ﻛﻴﻒ ﺻﺎﺭ ﻫﻜﻲ ..
ﻃﻠﻘﻬﺎ ﻓﻌﻼ ﺧﻼﺹ ... ﻃﻠﻊ ﻣﻦ ﺣﻴﺎﺗﻬﺎ ..
ﻃﻠﻌﻬﺎ ﻣﻦ ﺣﻴﺎﺗﻪ ...!!
ﻣﺶ ﻗﺎﺩﺭﻩ ﺗﺴﺘﻮﻋﺐ .. ﻭﻛﺈﻧﻪ ﻛﺎﺑﻮﺱ ﻭﺗﺒﻲ ﺗﻨﻮﺽ ﻣﻨﻪ ﺑﺴﺮﻋﻪ ..
ﺑﺲ ﻟﻸﺳﻒ ﻣﺶ ﻛﺎﺑﻮﺱ ...
ﺣﺘﻰ ﺍﻟﺤﺎﺟﺎﺕ ﺑﻌﺘﺘﻬﻢ ﻣﻊ ﺳﻮﺍﻕ ﺗﺎﻧﻲ ﻳﻮﻡ ﻃﻮﻝ ... ﻣﻦ ﺣﺮﻗﺘﻬﺎ ..
ﺑﺲ ﻣﺎﻫﺪﺗﺶ ﻧﺎﺭﻫﺎ ﻭﻟﻮ ﺷﻮﻳﻪ ..
ﺍﻭﻝ ﻳﻮﻡ ﻋﻴﺪ ﻳﻤﺮ ﻋﻠﻴﻬﺎ ﻗﻤﺔ ﻓﺎﻟﺘﻌﺎﺳﻪ
ﺍﻭﻝ ﻋﻴﺪ ﻣﺎﺗﻄﻠﻌﺶ ﻓﻴﻪ ﻣﻦ ﺩﺍﺭﻫﺎ .. ﻭﺍﻫﻠﻬﺎ ﺍﺿﻄﺮﻭﺍ ﻳﻘﻌﺪﻭﺍ ﻓﻲ ﺍﻟﺤﻮﺵ ﻉ ﺧﺎﻃﺮﻫﺎ ..
ﺑﺮﻏﻢ ﻋﺘﺐ ﺧﻮﺗﻬﺎ ﺍﻟﺸﺪﻳﺪ ﻋﻠﻴﻬﺎ ﻻﻧﻬﻢ ﻟﻤﺎ ﺍﺻﺮﻭ ﻉ ﻫﺎﻧﻴﺒﺎﻝ ﻳﻘﻮﻝ ﺍﻟﺴﺒﺐ ﺍﺿﻄﺮ ﻳﻌﺎﻭﺩ ﻛﻼﻡ ﺃﺧﺘﻬﻢ ﻟﻴﻪ .. ﻭﻫﻤﺎ ﻃﻮﻝ ﻋﺎﺭﻛﻮﻫﺎ ..
ﻗﺎﻟﻮﻟﻬﺎ " ﻟﻮ ﺷﺎﻳﻔﺘﻴﻪ ﻣﺶ ﻣﻨﺎﺳﺐ ﻟﻴﻚ ﻟﻴﺶ ﻭﺍﻓﻘﺘﻲ ﻋﻠﻴﻪ ﻣﻦ ﺍﻷﻭﻝ "
🍃 ﻟﻴﺶ ﻣﻦ ﺍﻷﻭﻝ 🍃..
🍁🍁🍁🍁🍁🍁
ﻧﺤﺴﺎﺑﻚ ﺗﺨﺪﻡ ﻓﻲ ﺍﻟﻌﻴﺪ ..
ﻋﻤﺎﺩ ﺑﻀﺤﻜﻪ : ﻻﻻ ﻓﻲ ﻭﺍﺣﺪ ﻋﺎﻃﻴﻪ ﻣﻮﻋﺪ ﺑﻨﻌﻄﻴﻪ ﻓﻠﻮﺱ ..
ﻫﺎﻧﻴﺒﺎﻝ ﺑﺈﺑﺘﺴﺎﻣﻪ : ﺻﺢ ﻟﺨﺒﺎﻁ ﺷﻮﻳﻪ ﻟﻜﻦ ﺗﻌﺠﺒﻨﻲ ﻭﺍﺟﺪ .
ﻋﻤﺎﺩ : ﺷﻬﺎﺩﺓ ﻧﻌﺘﺰﻭﺍ ﺑﻴﻬﺎ ﻳﺎﺧﺎﻝ ..
ﺿﺤﻚ ﻫﺎﻧﻴﺒﺎﻝ ..
ﻉ ﺧﺸﺔ ﺳﻴﻔﺎﻭ : ﺍﻟﺴﻼﻡ ﻋﻠﻴﻜﻢ ..
ﺭﺩﻭﺍ ﺍﻟﺰﻭﺯ : ﻭﻋﻠﻴﻜﻢ ﺍﻟﺴﻼﻡ ..
ﻗﺪﻡ ﻟﻌﻤﺎﺩ ﺳﻠﻢ ﻋﻠﻴﻪ ﻭﻋﻴﺪﻭﺍ ﻉ ﺑﻌﺾ ...
ﻋﻤﺎﺩ : ﻫﺎﻧﻴﺒﺎﻝ ﺧﺎﻟﻲ ﻭﻟﺪ *****
ﺳﻴﻔﺎﻭ : ﺍﻭﻭﻭﻭﻭ .. ﻭﻧﻌﻢ ﺍﻟﻨﺎﺱ .. ﻭﻗﺪﻣﻠﻪ ﺳﻠﻢ ﻉ ﻫﺎﻧﻴﺒﺎﻝ ﻭﻋﻴﺪ ﻋﻠﻴﻪ ..
ﻫﺎﻧﻴﺒﺎﻝ : ﺗﺸﺮﻓﻨﺎ ﺑﻴﻚ ﻭﺑﺎﻟﺠﺒﺎﻟﻴﻪ ﻛﻠﻬﻢ ..
ﺍﺑﺘﺴﻢ ﺳﻴﻔﺎﻭ : ﺗﺴﻠﻢ ..
ﺍﻟﺘﻔﺖ ﻉ ﻋﻤﺎﺩ ﻭﻗﺎﻝ : ﺧﻴﺮ ﻳﺎﻭﻟﺪ ﻋﻤﻲ ﺷﻦ ﻓﻲ ..
ﻋﻤﺎﺩ ﻃﻠﻊ ﺍﻟﻔﻠﻮﺱ ﻣﻦ ﺍﻟﻘﺠﺮ ﻭﻣﺎﺩﻫﻮﻟﻪ ..
ﺳﻴﻔﺎﻭ ﺷﺎﻓﻬﻢ : ﺷﻦ ﻫﺪﺍ؟
ﻋﻤﺎﺩ : ﺣﻘﻚ ﻳﺎﻏﺎﻟﻲ ..
ﺳﻴﻔﺎﻭ ﺷﺒﺤﻠﻪ : ﺗﻌﺮﻑ ﻭﺍﻟﻠﻪ ﻟﻮ ﻧﻨﺪﺭﻱ ﻋﻠﻴﻪ ﻣﻨﺎﺩﻳﻨﻲ ﻉ ﺧﺎﻃﺮﻫﻢ ﻭﺍﻟﻠﻪ ﻣﺎﺟﻴﺘﻚ ..
ﻋﻤﺎﺩ : ﺣﻘﻚ ﻳﺎﺭﺍﺟﻞ ﺧﻮﺩﻫﻢ ﺑﺎﻟﻠﻪ ﻋﻠﻴﻚ .
ﺳﻴﻔﺎﻭ : ﻋﻠﻴﺎ ﺍﻟﻄﻼﻕ ﻣﺎﺧﺎﺵ ﻓﻲ ﺟﻴﺒﻲ ﻣﻨﻬﻢ ﻗﺮﺵ ﻭﺍﺣﺪ ..
ﻫﺎﻧﻴﺒﺎﻝ : ﺭﺑﻲ ﻳﻬﺪﻳﻚ ﻳﺎﺟﺒﺎﻟﻲ ﻟﻴﺶ ﺗﺤﻠﻒ ﻫﻜﻲ ..
ﺳﻴﻔﺎﻭ : ﻭﻟﺪ ﺍﺧﺘﻚ ﻳﺪﻳﺮ ﻓﺠﻮ ﺧﻴﻲ ..
ﻋﻤﺎﺩ ﺑﻀﺤﻜﻪ : ﻣﺎﻧﺒﻴﺶ ﻳﻜﻮﻥ ﻋﻠﻴﺎ ﺩﻳﻦ ﻟﺤﺪ ..
ﺳﻴﻔﺎﻭ : ﺗﺒﻴﻨﻲ ﻧﺴﺒﻚ ﻗﺪﺍﻡ ﺧﺎﻟﻚ ﻭﻻﻛﻴﻒ ..
ﺿﺤﻚ ﻫﺎﻧﻴﺒﺎﻝ ﻭﻗﺎﻝ : ﺧﻼﺹ ﻳﺎﻋﻤﺎﺩ ﺭﺩ ﺍﻟﻔﻠﻮﺱ ..
ﻋﻤﺎﺩ ﺷﺒﺢ ﺷﻮﻳﻪ ﻟﺴﻴﻔﺎﻭ .. ﺑﻌﺪﻳﻦ ﺧﺪﻱ ﺍﻟﻔﻠﻮﺱ ﻭﺭﺩﻫﻢ ﻟﻠﻘﺠﺮ ﻭﻫﻮ ﻳﻘﻮﻝ : ﺗﺤﺘﺎﺝ ﺣﺎﺟﻪ ﺍﻭﻝ ﻭﺍﺣﺪ ﻓﻜﺮ ﻓﻴﻪ ﺍﻧﻲ ﻃﻮﻝ ﻳﺎﺳﻴﻔﺎﻭ ..
ﻫﺎﻧﻴﺒﺎﻝ ﺍﺑﺘﺴﻢ ..
ﺳﻴﻔﺎﻭ ﺑﻀﺤﻜﻪ : ﺇﻥ ﺷﺎﺀ ﺍﻟﻠﻪ ﻣﺎﻧﺤﺘﺎﺟﻮﺍ ﺣﺪ ...
ﺿﺤﻚ ﻋﻤﺎﺩ ﻭﻫﻮ ﻳﺤﺮﻙ ﻓﺮﺍﺳﻪ ﺍﻳﻤﻴﻦ ﻭﻳﺴﺎﺭ ..
ﺷﺒﺢ ﺳﻴﻔﺎﻭ ﻟﻬﺎﻧﻴﺒﺎﻝ ﻭﻗﺎﻝ : ﻫﻲ ﺗﻔﻀﻠﻮﺍ ﻣﻌﺎﻱ ﻟﻠﺤﻮﺵ ﻋﺸﺎﻛﻢ ﻋﻨﺪﻱ ...
ﻫﺎﻧﻴﺒﺎﻝ : ﺑﺎﺭﻙ ﺍﻟﻠﻪ ﻓﻴﻚ ﻟﻜﻦ ...
ﻗﺎﻃﻌﻪ ﺳﻴﻔﺎﻭ : ﻋﻠﻴﺎ ﺍﻟﻄﻼﻕ ..
ﻗﺎﻃﻌﻪ ﻫﺎﻧﻴﺒﺎﻝ : ﺧﻼﺍﺍﺹ ﺧﻼﺹ .. ﺑﺎﻫﻲ ﻳﺎﺭﺍﺟﻞ ..
ﺿﺤﻜﻮﺍ ..
ﺷﻮﻳﻪ ﻭﻃﻠﻌﻮﺍ ﻣﻊ ﺑﻌﺾ ﻭﻋﻤﺎﺩ ﺻﻜﺮ ﻣﺤﻠﻪ ..
ﻭﺗﻮﺟﻬﻮﺍ ﻟﺤﻮﺵ ﺳﻴﻔﺎﻭ ....
🍁🍁🍁🍁
ﺍﻟﺴﺎﻋﻪ 9:30 ﻟﻴﻼ ..
ﻛﺎﻧﺖ ﺗﻮﺗﻲ ﻓﻲ ﻟﺒﺴﺘﻬﺎ ﻟﻤﺸﻴﺔ ﻏﺪﻭﺓ ...
ﻭﻛﻞ ﻣﺎﻳﺨﻄﺮ ﻋﻠﻴﻬﺎ ﺍﻟﻤﻮﻗﻒ ﺍﻟﻠﻲ ﺻﺎﺭﻟﻬﺎ ﺩﻣﻮﻋﻬﺎ ﻳﻨﺰﻟﻮﺍ ..
ﺣﺘﻰ ﺍﻣﻬﺎ ﻧﻔﺲ ﺍﻟﺸﻲ .. ﻟﻌﻨﺪ ﻣﺎﺧﺶ ﻋﻠﻴﻬﺎ ﺧﻴﺮﻱ ..
ﺩﺭﻗﺖ ﻋﻨﻪ ﺩﻣﻮﻋﻬﺎ ﻭﺗﺼﺮﻓﺖ ﺑﺸﻜﻞ ﻃﺒﻴﻌﻲ ..
ﺑﺮﻏﻢ ﺍﻧﻪ ﺷﺎﻙ ...
ﻭﻫﻲ ﻣﺎﺑﺘﺶ ﺗﺘﻜﻠﻢ ﻷﻧﻬﺎ ﻋﻴﺖ ﻣﻦ ﺍﻟﻤﺸﺎﻛﻞ ﺍﺳﺘﻬﻠﻜﻮﻫﺎ ..
ﻭﻣﺶ ﺣﺘﺴﺘﻔﻴﺪ ﺷﻲ ﻟﻮ ﻋﺎﻭﺩﺕ ﻏﻴﺮ ﺍﻥ ﺍﻟﻤﺸﻜﻠﻪ ﺑﺘﺰﻳﺪ ﺗﻜﺒﺮ ﻭﺧﻼﺹ ..
ﻛﻞ ﻫﻤﻬﺎ ﺗﻤﺸﻲ ﻟﺤﻮﺵ ﺍﻫﻠﻬﺎ ﻏﺪﻭﺓ ﺑﻬﺪﻭﺀ .. ﻭﺗﺪﻋﻲ ﻣﻦ ﻗﻠﺒﻬﺎ ﻣﺎﻳﺼﻴﺮ ﺷﻲ ﺗﺎﻧﻲ ﺣﺘﻰ ﻏﺎﺩﻱ ..
ﺍﻣﺎ ﺭﺑﺎﺏ .. ﻓﻬﺮﺑﺖ ﻣﻦ ﺍﻟﻠﻲ ﺻﺎﺭ ﻟﻤﺎ ﻟﻬﺖ ﺭﻭﺣﻬﺎ ﻓﻲ ﺍﺧﺘﻴﺎﺭ ﺍﻱ ﻟﺒﺴﻪ ﺗﻠﺒﺴﻬﺎ ﻏﺪﻭﺓ ﺍﻟﻠﺒﺴﻪ ﺍﻟﻠﻲ ﺟﺎﺑﻬﺎﻟﻬﺎ ﻃﺎﺭﻕ ..
ﻟﻤﺎ ﺟﻮ ﺍﻫﻠﻪ ﻧﻬﺎﺭ 26 ﻭﺟﺎﺑﻮﻟﻬﺎ ﻛﺒﻴﺮﺗﻬﺎ ﻛﻤﺎﻫﻮ ﻣﻌﺮﻭﻑ ﻋﻨﺪ ﺍﻫﻞ ﺍﻟﺸﺮﻕ 💕
ﺍﻭ ﺍﻟﻠﺒﺴﻪ ﺍﻟﻠﻲ ﺷﺮﺗﻬﺎ ....
ﺍﺧﺮ ﺷﻲ ﺍﺳﺘﻘﺮﺕ ﻉ ﺍﻟﻠﺒﺴﻪ ﺍﻟﻠﻲ ﺟﺎﺑﻬﺎ ﻃﺎﺭﻕ ..
ﻛﺎﻧﺖ ﺗﺤﺲ ﺑﺴﻌﺎﺩﻩ ﻭﻫﻲ ﺗﺸﻮﻓﻠﻬﺎ .. ﻷﻧﻬﺎ ﺍﺫﻛﺮ ﻓﻴﻬﺎ ﺑﻴﻪ .. ﺷﻮﻳﻪ ﻭﻟﻘﺖ ﺭﻭﺣﻬﺎ ﺗﺘﺼﻞ ﺑﻴﻪ ..
ﺭﺑﺎﺏ : ﺳﻤﻮﺣﻲ ..
ﻃﺎﺭﻕ : ﻧﺎﻋﻠﻴﺎ ..
ﺭﺑﺎﺏ : ﻫﻬﻬﻬﻬﻬﻬﻬﻬﻪ 💓
💕💕💕💕💕
ﻃﻠﻌﺖ ﺭﺍﻧﻴﺎ ﻣﻦ ﺍﻟﺪﺍﺭ ﻭﺧﻠﺘﻬﺎ ﺑﺮﻭﺣﻬﺎ ﻭﻣﺸﺖ ﺭﻛﺒﺖ ﻓﻲ ﺍﻟﺴﻄﺢ ﻭﻗﻌﻤﺰﺕ ﻉ ﺭﺷﺎﺩﺓ .. ﺗﺮﺗﺎﺡ ﻏﺎﺩﻱ ..
ﻣﻜﺎﻥ ﻫﺎﺩﻱ ﻭﺭﺍﻳﻖ .. ﻣﺎﻧﺎﻗﺼﻪ ﺍﻻ ..
ﺭﻣﺰﻱ .. ﺍﻟﻠﻲ ﺍﺗﺼﻞ ﻓﻲ ﻭﻗﺘﻪ ﺍﻟﻤﻨﺎﺳﺐ ..
ﺍﺑﺘﺴﻤﺖ ﻣﻦ ﻗﻠﺒﻬﺎ .. ﺭﺩﺕ ﻭﻫﻲ ﺗﻘﻮﻝ ..
ﺭﺍﻧﻴﺎ : ﻣﻴﺰﻭ ..
ﺭﻣﺰﻱ : ﻏﻴﺮ ﺍﻣﺘﻰ ﻳﺠﻲ ﺍﻟﻴﻮﻡ ﺍﻟﺘﺎﻧﻲ ﻳﺎﻗﻠﺐ ﻣﻴﺰﻭ ﺍﻧﺘﻲ ..
ﺭﺍﻧﻴﺎ ﺿﺤﻜﺖ : ﺗﻮ ﻳﺠﻲ ﺇﻥ ﺷﺎﺀ ﺍﻟﻠﻪ ..
ﺭﻣﺰﻱ : ﻗﻠﺒﻲ ﺻﻮﺗﻚ ﻣﺶ ﻋﺎﺟﺒﻨﻲ ..
ﺭﺍﻧﻴﺎ : ﺍﺣﻤﻢ .. ﻻﻋﺎﺩﻱ .. ﻏﻴﺮ ﻛﻨﺖ ﻓﻲ ﺍﻟﻐﻴﺒﻮﺑﻪ ﺗﻌﺮﻑ ...
ﺭﻣﺰﻱ : ﺍﻛﻴﺪ ﺭﺍﻧﻴﺎ ..
ﺭﺍﻧﻴﺎ ﺑﺈﺑﺘﺴﺎﻣﻪ : ﺍﻛﻴﺪ ﻣﻴﺰﻭ ..
ﺭﻣﺰﻱ ﺿﺤﻚ ﺑﻌﺪﻳﻦ ﻗﺎﻝ : ﺍﺳﻤﻌﻲ ﻛﻴﻒ ﻣﺎﻣﺘﻔﺎﻫﻤﻴﻦ ..
ﺭﺍﻧﻴﺎ : ﻫﻬﻬﻬﻬﻬﻬﻬﻬﻪ .. ﺑﺎﻫﻲ ﻳﺎﻧﻮﻳﺮﺓ ﺍﻧﺖ ..
ﺭﻣﺰﻱ : ﻫﻬﻬﻬﻬﻬﻬﻬﻬﻬﻬﻬﻬﻪ
🍁🍁🍁🍁🍁🍁
ﻭﺟﻲ ﺗﺎﻧﻲ ﻳﻮﻡ ...
ﻫﺎﻧﻴﺒﺎﻝ ﺗﺤﺮﻙ ﻣﻦ ﺣﻮﺵ ﺣﻤﻴﺪ ﻭﻣﺸﻲ ﻃﻮﻝ ﻟﺤﻮﺵ ﺍﻫﻞ ﻋﺒﺪﺍﻟﺴﻼﻡ .. ﺧﺪﻱ ﺍﻣﻪ ﻭﻧﻌﻴﻤﻪ ﺑﻤﺠﺪ ﻭﻧﻮﺭ ﻭﻣﺸﻮﺍ ﻟﻠﺒﻼﺩ ..
ﻃﺒﻌﺎ ﻣﺸﻮﺍ ﻣﻊ ﺑﻌﺾ ﺣﻤﻴﺪ ﻭﻫﻮ ﺗﻮﻧﺴﻮﺍ ﻓﻲ ﺍﻟﻄﺮﻳﻖ ..
ﻟﺤﻘﻮﺍ ﺯﻳﻨﺐ ﻭﻛﻔﺎﻳﻪ ..
ﻭﻛﺎﻧﻮﺍ ﻭﺭﺍ ﺑﻌﺾ ﻣﺠﺮﺩ ﻃﻠﻌﻮﺍ ﻣﻦ ﻃﺮﺍﺑﻠﺲ ..
ﺧﻄﺮ ﻉ ﺧﻴﺮﻱ ﻳﺪﻳﺮ ﺯﻱ ﺍﻟﺴﺒﺎﻕ ..
ﻓﺎﺕ ﻣﻦ ﺣﺪﺍﻫﻢ ﻛﻠﻬﻢ ﻭﺗﻘﺪﻡ ﻋﻠﻴﻬﻢ ..
ﻭﺍﻟﺒﻨﺎﺕ ﻭﺳﻨﺪ ﻭﺍﻫﻢ ﻳﺼﻔﻘﻮﺍ ﻭﻳﻐﻨﻮﺍ ﻣﻊ ﻋﺼﺎﻡ ﺍﻟﻌﺒﻴﺮﺩﻱ ﻭﻳﻐﻴﻈﻮﺍ ﻓﻴﻬﻢ ..
ﻫﺎﻧﻴﺒﺎﻝ ﻣﺎﺗﺤﻤﻠﺶ .. ﻃﻮﻝ ﺗﺨﻄﺎﻫﻢ ...
ﺳﻌﺪ ﺗﺤﻤﺲ ... ﻭﺗﺨﻄﺎﻫﻢ ﻭﻓﺎﺗﻬﻢ ...
ﻭﺍﻟﻜﻞ ﻳﻀﺤﻜﻮﺍ ﻭﻳﺸﺠﻌﻮﺍ ﻓﻲ ﺍﻟﻠﻲ ﻳﺴﻮﻕ ..
ﺷﻮﻳﻪ ﻭﻟﺤﻘﻮﺍ ﻋﻠﻴﻬﻢ ﺳﻴﺎﺭﺍﺕ ﻋﻤﺎﺩ ﻭ ﻣﺎﻟﻚ ..
ﻭﻭﻻ ﺍﻟﻄﺮﻳﻖ ﻛﻠﻪ ﻟﻌﻴﺖ ﺍﻟﻤﺘﻤﺮﺩﻳﻦ 😂
💕💕💕💕💕
ﻭﺻﻠﻮﺍ ﻟﻠﺒﻼﺩ ...
ﻭﻛﺎﻧﻮﺍ ﺍﻟﻜﻞ ﻓﻲ ﺍﻹﻧﺘﻈﺎﺭ ..
ﺍﻭﻝ ﻣﺎﺧﺸﻮﺍ ﺩﺍﺭﻭ ﻛﻼﻛﺴﺎﺕ .. ﺗﻘﻮﻝ ﺟﺎﻳﺒﻴﻦ ﻛﺴﻮﺓ ..
🍁🍁🍁
ﺳﻌﻴﺪﻩ : ﺟﻦ ﻋﻄﻬﻦ ﺟﻦ ...
🍁🍁🍁
ﻏﺎﻟﻴﻪ ﻃﻠﻌﺖ ﺗﺠﺮﻱ ﻣﻦ ﻓﻢ ﺍﻟﺒﻮﺍﺑﻪ .. ﻭﺻﻠﺖ ﺑﺪﺍﻳﻪ ﻣﻤﺮﻫﺎ ﻭﻗﻌﺪﺕ ﺗﺸﻮﻑ ﻓﻴﻬﻢ ...
ﻭﻋﻤﺮ ﻭﻣﺤﻤﺪ ﻧﺰﻟﻮﺍ ﻣﻦ ﻓﻮﻕ ﻃﻮﻝ ...
ﻭﺍﻟﺤﺎﺝ ﺭﻣﻀﺎﻥ ﻭﻣﻌﺎﻩ ﺭﻣﺰﻱ ﻭﺗﻮﻓﻴﻖ ﻗﺪﻣﻮﻟﻬﻢ ..
ﻧﺰﻟﻮﺍ ﻣﻦ ﺳﻴﺎﺭﺗﻬﻢ ...
ﻭﺑﺪﻭﺍ ﻳﻌﻴﺪﻭﺍ ... ﻭﺟﻮ ﺍﻟﺴﻼﻣﺎﺕ ﻣﺎﻛﻢ ﻏﺎﺑﻴﻴﻦ ﻓﻴﻪ ﻋﺎﺩ ..
ﻭﺑﻌﺾ ﺍﻟﻠﻘﻄﺎﺕ ﺍﻟﺤﻠﻮﻩ ....
ﻧﻮﺭ ﺟﺎﻳﻪ ﺑﺘﻠﻒ ﻉ ﺍﻟﺴﻴﺎﺭﺓ ﻭﺗﻤﺸﻲ ﻟﺠﺪﻫﺎ ﺭﻣﻀﺎﻥ ..
ﺟﻲ ﻗﺪﺍﻣﻬﺎ ﻣﺎﻟﻚ ...
ﺗﻠﺨﺒﻄﺖ ﻗﺮﻳﺐ ﺩﺍﺧﺖ ..
ﻫﻮ ﺿﺤﻚ ﻭﻭﺳﻌﻠﻬﺎ .. ﻣﺸﺖ ﻟﺠﺪﻫﺎ .. ﻭﻫﻮ ﻣﺸﻲ ﻟﻤﺤﻤﺪ ..
💕 ﺭﻓﻘﻪ .
ﺍﻟﺘﻔﺘﺖ : ﺍﻩ ﻣﻴﺮﻭ ...
ﺿﺤﻚ ﻭﻣﺪ ﻳﺪﻩ : ﻛﻞ ﺳﻨﻪ ﻭﺍﻧﺘﻲ ﻃﻴﺒﻪ ...
ﺳﻠﻤﺖ ﻋﻠﻴﻪ : ﻛﻞ ﻋﺎﻡ ﻭﺍﻧﺖ ﺑﺨﻴﺮ ..
ﻣﺮﻭﺍﻥ : ﻣﺶ ﻣﻼﺣﻈﻪ ﺣﺎﺟﻪ ﻓﻴﺎ ﺟﺪﻳﺪﻩ ...
ﺭﻓﻘﻪ ﺭﻛﺰﺕ ﻭﻫﻲ ﺗﻀﺤﻚ ﺑﻌﺪﻳﻦ ﻗﺎﻟﺖ : ﺍﻩ ﺩﺭﺕ ﻟﺤﻴﻪ ..
ﻣﺮﻭﺍﻥ : ﻫﻬﻬﻬﻬﻬﻬﻬﻬﻪ ..
ﻭﺭﻓﻘﻪ ﺗﻀﺤﻚ ..
" ﺭﻓﻘﻪ .."
ﺍﻟﺘﻔﺘﺖ : ﺍﻭﻭﻭ ﺣﻤﻮﺩﻱ ..
ﻭﺳﻠﻤﺖ ﻉ ﻋﻤﻬﺎ ﻣﺤﻤﺪ ﻭﻣﺮﻭﺍﻥ ﻭﺍﻗﻒ ﻳﺸﻮﻓﻠﻬﺎ ...
💕💕💕💕💕💕💕💕
ﺧﺸﻮﺍ ﺩﺍﺧﻞ ﻭﻋﻴﺪﻭﺍ ﻉ ﻏﺎﻟﻴﻪ ﻭﺳﻤﻴﻪ ...
ﻭﻋﻤﺎﺕ ﻓﺆﺍﺩ ﻗﻠﻘﻠﻮﻩ ﻣﺴﻜﻴﻦ ﺍﻟﻠﻲ ﻫﺪﺍ ﺗﺸﺪ ﻭﺗﺒﻮﺱ ..
ﻓﺮﺣﺎﻧﺎﺕ ﺑﻴﻪ ﻉ ﺧﺎﻃﺮ ﺧﻮﻫﻢ 💓
🍁🍁🍁🍁🍁
ﺑﻌﺪ ﺍﻟﺴﻼﻡ ﺍﻟﺤﺎﺭ ...
ﻗﻌﻤﺰﻭﺍ ﻛﻠﻬﻢ ﻓﻲ ﺍﻟﺪﺍﺭ ...
ﺑﻌﺪ ﺗﺴﻘﺪﺕ ﺳﻤﻴﻪ ﻟﺤﻮﺵ ﺍﻫﻠﻬﺎ .
ﻓﺘﺤﻮﺍ ﻣﻮﺿﻮﻉ ﻫﺎﻧﻴﺒﺎﻝ ...
ﻟﻄﻴﻔﻪ : ﻣﺎﺑﺎﺵ ﺣﻤﻴﺪ ﻳﺪﺧﻞ .. ﻗﺎﻝ ﻫﺎﻧﻴﺒﺎﻝ ﻋﺎﻗﻞ ﻭﻳﻌﺮﻑ ﻛﻴﻒ ﻳﺘﺼﺮﻑ ...
ﺯﻳﻨﺐ : ﻟﻜﻦ ﻫﺪﺍ ﻃﻼﻕ ... ﻣﺶ ﺣﺎﺟﻪ ﺳﺎﻫﻠﻪ ﻻﺯﻡ ﻧﻌﺮﻓﻮﺍ ﻋﻼﺵ ﺻﺎﺭ ﻫﻜﻲ ...
🍁🍁🍁🍁🍁
ﺑﻨﺨﺶ ﺍﻧﺪﻭﺵ ﻭﻧﺒﺪﻝ ﻭﻧﻌﺪﻱ ..
ﺳﻌﻴﺪﻩ : ﺑﻨﻌﺪﻭﺍ ﺟﻤﻴﻊ ...
ﺭﺯﺍﻥ ﺿﺤﻜﺖ : ﺑﺎﻫﻲ ...
🍁🍁🍁🍁🍁🍁🍁
ﺭﺑﺎﺏ : ﺍﻣﺘﻰ ﺗﺠﻲ ﺧﺎﻟﺘﻲ ﺣﻤﻴﺪﻩ؟
ﻏﺎﻟﻴﻪ : ﺍﻟﺴﺎﻋﻪ ..12 ﺍﺑﺘﺴﻤﺖ ﻭﻗﺎﻟﺖ .. ﻫﺪﻱ ﺍﻟﻠﺒﺴﻪ ﺍﻟﻠﻲ ﺟﺎﺑﻮﻫﻠﻚ ﻫﻞ ﻃﺎﺭﻕ ..
ﺭﺑﺎﺏ ﺑﺈﺑﺘﺴﺎﻣﻪ : ﺍﻳﻪ ..
ﺯﻳﻨﺐ : ﻛﺮﻡ ﺍﻟﺸﺮﺍﻗﻪ ﻣﺎﺭﻳﺘﺶ ﺯﻳﻪ .. ﻭﺭﻳﻬﻢ ﺷﻦ ﺟﺎﺑﻮﻟﻚ ..
ﻓﺘﺤﺖ ﺭﺑﺎﺏ ﺗﻠﻴﻔﻮﻧﻬﺎ ﻉ ﺍﺳﺘﺪﻳﻮ ﻭﻋﻄﺖ ﻟﺨﺎﻟﺘﻬﺎ ﻏﺎﻟﻴﻪ ﻭﺗﺸﻮﻑ ..
ﺷﺎﻓﺘﻬﻢ ﻭﻣﺮﺭﺕ ﺍﻟﺘﻠﻴﻔﻮﻥ ﻉ ﺍﻟﺒﺎﻗﻲ ..
ﻏﺎﻟﻴﻪ : ﺗﺒﺎﺭﻙ ﺍﻟﺮﺣﻤﻦ ...
ﻧﻌﻴﻤﻪ : ﺍﻟﺴﺮﺍﺗﻪ ﻭﺍﻟﺸﺮﺍﻗﻪ ﺯﻱ ﺑﻌﻀﻬﻢ ﻓﻲ ﺍﻟﻜﺮﻡ .. ﺷﻲ ﻓﻮﻕ ﺍﻟﻮﺻﻒ ..
ﻛﻔﺎﻳﻪ : ﺻﺪﻗﺘﻲ ..
" ﻳﻤﻲ .."
ﻏﺎﻟﻴﻪ : ﻣﻴﻼﺩ ..
ﺯﻳﻨﺐ ﻭﺟﻬﻬﺎ ﺗﻐﻴﺮ ...
ﻓﺎﻃﻤﻪ : ﺧﺶ ﻳﻤﻲ ﺧﺶ ..
ﺯﻳﻨﺐ ﺗﺸﺒﺢ ﻷﻣﻬﺎ ﻭﻛﻠﻬﻢ ﻳﺸﻮﻓﻮﻟﻬﺎ ﻫﻲ ...
ﺧﺶ ﻣﻴﻼﺩ ﻭﻭﺻﻞ ﻓﻲ ﺑﺎﺏ ﺍﻟﺪﺍﺭ ...
ﺯﻳﻨﺐ ﻋﻴﻮﻧﻬﺎ ﻓﻲ ﺳﺎﻋﺘﻬﺎ ﻭﺍﻟﺪﻣﻮﻉ ﻣﻌﺒﻴﺎﺗﻬﻢ ..
ﻣﻴﻼﺩ : ﺍﻟﺴﻼﻡ ﻋﻠﻴﻜﻢ ..
ﻧﺎﺿﻮﺍ ﻧﻌﻴﻤﻪ ﻭﻛﻔﺎﻳﻪ ﻭﻣﻌﺎﻫﻢ ﻟﻄﻴﻔﻪ ..
ﻛﺒﻮﺍ ﻧﻌﻴﻤﻪ ﻭﻛﻔﺎﻳﻪ ﻉ ﺭﺍﺳﻪ ﻟﻤﺎ ﻋﻴﺪﻭﺍ ﻋﻠﻴﻪ ..
ﻭﻟﻄﻴﻔﻪ ﺻﺎﻓﺤﺎﺗﻪ ﺑﺎﻟﻴﺪ ..
ﻭﻧﺎﺿﻮﺍ ﺑﻌﺪﻫﻢ ﺭﺍﻧﻴﺎ ﻭﻧﻮﺭ ﻭﺭﻓﻘﻪ ﻭﻋﻴﺪﻭﺍ ﻋﻠﻴﻪ ...
ﻭﺭﺑﺎﺏ ﻭﺯﻳﻨﺐ ﻣﻘﻌﻤﺰﻳﻦ ..
ﻓﺎﻃﻤﻪ : ﺯﻳﻨﺐ ..
ﺷﺒﺤﺖ ﻷﻣﻬﺎ ﺑﺮﻓﻌﺔ ﺣﺎﺟﺐ : ﻧﻌﻢ ﻳﻤﻲ ...
ﻓﺎﻃﻤﻪ ﺑﺤﺪﻩ : ﺻﺒﻲ ..
ﻭﻣﻴﻼﺩ ﻳﺸﻮﻓﻠﻬﺎ ..
ﺷﺒﺤﺘﻠﻪ ﻭﻏﻴﺮﺕ ﻋﻴﻮﻧﻬﺎ ..
ﻧﺨﺼﺘﻬﺎ ﻛﻔﺎﻳﻪ ...
ﺗﻨﻬﺪﺕ ﺑﻀﻴﻖ ﻭﻧﺎﺿﺖ ..
ﻗﺪﻣﺘﻠﻪ ﺑﺨﻄﻮﺍﺕ ﺛﻘﻴﻠﻪ ...
ﻭﻫﻮ ﻳﺸﺒﺤﻠﻬﺎ ...
ﻭﺻﻠﺖ ﻓﻴﻪ ﻣﺪﺕ ﻳﺪﻫﺎ ..
ﻫﻮ ﺣﻂ ﻳﺪﻩ ﻉ ﺭﺍﺳﻬﺎ .. ﻭﻗﺮﺑﻬﺎ ﻟﻴﻪ ﻭﺣﻀﻨﻬﺎ ...
ﻃﻮﻝ ﺍﻧﻬﺎﺭﺕ ﺑﺎﻟﺒﻜﻲ ... ﺑﺎﻟﻌﺒﺮﺓ ..
ﻣﻴﻼﺩ ﻭﺩﻣﻮﻋﻪ ﻓﻌﻴﻮﻧﻪ : ﻗﻠﺐ ﺍﺳﻮﺩ ﺍﻗﺴﻢ ﺑﺎﻟﻠﻪ ..
ﻫﻲ ﺿﺮﺑﺎﺗﻪ ﻉ ﺻﺪﺭﻩ ﻣﺮﺗﻴﻦ .. ﺑﻌﺪﻳﻦ ﺣﻀﻨﺎﺗﻪ ﻭﻫﻲ ﻣﻜﺒﺸﻪ ﻓﻲ ﺳﻮﺭﻳﺘﻪ ..
ﻣﺸﻬﺪ ﺑﻜﺎﻫﻢ ﻛﻠﻬﻢ .. ﻭﺍﻣﻬﻢ ﺍﻛﺜﺮ ﻣﻦ ﺫﺭﻑ ﺍﻟﺪﻣﻮﻉ ..
ﺑﻴﻨﻤﺎ ﻫﺎﻧﻴﺒﺎﻝ ﺍﻟﻠﻲ ﻛﺎﻥ ﻭﺍﻗﻒ ﻓﻢ ﺑﺎﺏ ﺍﻟﺤﻮﺵ ﻭﻳﺸﻮﻓﻠﻬﻢ ..
ﻣﺒﺘﺴﻢ ﺑﻔﺮﺡ ...
.... ﻳﺘﺒﻊ
