#العشق_المتمرد
#جمان_فريد
#الجزء_56
ﺿﻴﻘﺖ ﻋﻴﻮﻧﻬﺎ ﺑﺈﺳﺘﻐﺮﺍﺏ ﻣﻤﺰﻭﺝ ﺑﺎﻟﺨﻮﻑ ..
ﺭﺟﻊ ﻃﻖ ﺍﻟﺒﺎﺏ ﻭﻫﻮ ﻳﻘﻮﻝ : ﺳﻌﻴﺪﻩ ..
ﺍﻣﺎﻝ ﻧﺨﺼﺘﻬﺎ ﻣﻦ ﻓﺨﺪﻫﺎ ﻭﻗﺎﻟﺖ ﺑﻬﻤﺲ : ﺻﺒﻲ
ﻭﺯﻋﺖ ﻧﻈﺮﻫﺎ ﻉ ﺍﺧﺘﻬﺎ ﻭﺑﻨﺘﻬﺎ ﺑﻌﺪﻳﻦ ﻧﺎﺿﺖ ..
" ﻏﺎﻟﺒﺎ ﺳﻌﻴﺪﻩ ﺗﻘﻌﺪ ﺑﺮﺩﺍﻫﺎ ﻭﻣﺤﺮﻣﻪ ﻉ ﺭﺍﺳﻬﺎ ﻷﻧﻬﺎ ﺗﻤﺸﻲ ﻭﺗﺠﻲ ﻫﻠﺒﻪ ﻉ ﺣﻮﺵ ﺍﻫﻠﻬﺎ ﻭﺷﻴﺎﺑﻴﻨﻬﺎ .."
ﺣﻄﺖ ﻃﺮﻑ ﺭﺩﺍﻫﺎ ﻉ ﺭﺍﺳﻬﺎ ﻭﻃﻠﻌﺖ ﻣﻦ ﺍﻟﺼﺎﻟﻪ ﻟﻠﻤﻤﺮ ﺍﻟﻠﻲ ﻳﺮﻓﻊ ﻟﺒﺎﺏ ﺍﻟﺤﻮﺵ ..
ﺷﺎﻓﺖ ﻫﺎﻧﻴﺒﺎﻝ ﻭﺍﻗﻒ ﻭﺣﺎﻁ ﺍﻳﺪﻳﻪ ﻭﺭﺍ ﻇﻬﺮﻩ ﻭﻳﺸﺒﺢ ﺍﻳﻤﻴﻨﻪ ..
ﺳﻌﻴﺪﻩ : ﻫﺎﻧﻴﺒﺎﻝ ..
ﺷﺒﺤﻠﻬﺎ .. ﺧﺶ ﺩﺍﺧﻞ ﻭﻭﻗﻒ ﺣﺪﺍ ﺍﻟﺒﺎﺏ ..
ﻭﺻﻠﺖ ﻓﻴﻪ : ﺍﻫﻼ ..
ﻫﺎﻧﻴﺒﺎﻝ : ﻣﻦ ﻓﻲ ﻓﺎﻟﺤﻮﺵ
ﺳﻌﻴﺪﻩ : ﺍﺧﺘﻲ ﺍﻣﺎﻝ ﻭﺑﻨﺘﻲ ﺭﺯﺍﻥ ..
ﺭﺩ ﻫﺎﻧﻴﺒﺎﻝ ﺑﺎﺏ ﺍﻟﺤﻮﺵ ﺷﻮﻱ ..
ﺑﻌﺪﻳﻦ ﺍﻟﺘﻔﺖ ﻟﺴﻌﻴﺪﻩ ..
ﺗﻨﻬﺪ ﻭﻗﺎﻝ : ﺗﻌﺮﻓﻴﻨﻲ ﻣﺤﺘﺮﻣﻚ ﻭﺍﺟﺪ ﻭﻗﺪﺭﻙ ﻣﻦ ﻗﺪﺭ ﺧﻮﻱ ﺍﻟﻜﺒﻴﺮ ﻳﺎﺳﻌﻴﺪﻩ .. ﻻﻳﻮﻡ ﻭﺻﻠﺖ ﻓﻴﻚ ﻭﻻﺍﻧﺘﻲ ﻭﺻﻠﺘﻲ ﻓﻴﺎ ﻭﺑﺸﻜﻞ ﻋﺎﻡ ﻋﻤﺮﻙ ﻣﺎﻭﺻﻠﺘﻲ ﻓﻲ ﺳﻼﻓﻚ ﻛﻠﻬﻢ .. ﻻﻧﻚ ﻣﺘﺮﺑﻴﻪ ﺭﺑﺎﻳﻪ ﺻﺢ ﺍﻟﻜﻨﻪ ﻣﺎﺗﻼﻃﻌﺶ ﺳﻠﻔﻬﺎ ﻭﺗﻘﻌﺪ ﻫﻴﺎ ﻭﻳﺎﻩ ﻛﻠﻤﻪ ﺑﻜﻠﻤﻪ ..
ﺳﻌﻴﺪﻩ ﺑﺘﺼﻨﻊ ﺍﻟﺜﺒﺎﺕ : ﻟﻴﺶ ﺗﺘﻜﻠﻢ ﻫﻜﻲ ﺷﻨﻮ ﺻﺎﻳﺮ !!
ﻫﺎﻧﻴﺒﺎﻝ : ﺍﻧﺘﻲ ﺗﻌﺮﻓﻲ ﻭﺍﻧﻲ ﻧﻌﺮﻑ ﻭﻛﻠﻨﺎ ﻋﺎﺭﻓﻴﻦ ﻳﺎﺳﻌﻴﺪﻩ ﻛﻮﻳﺲ .. ﻣﺎﻧﻴﺶ ﻋﺎﺭﻑ ﻟﻌﻨﺪ ﺍﻣﺘﻰ ﺑﺘﻘﻌﺪﻥ ﻫﻜﻲ ﺳﻮﺍ ﺍﻧﺘﻲ ﻭﻻﺯﻳﻨﺐ ﻣﺘﺤﺴﺴﺎﺕ ﻣﻦ ﺑﻌﻀﻜﻦ .. ﺗﻲ ﻛﺎﺭﻫﺎﺕ ﺑﻌﻀﻜﻦ ﻣﺮﺓ ﻭﺣﺪﻩ ...
ﻗﺎﻃﻌﺎﺗﻪ ﺗﻘﻮﻝ : ﻫﻲ ﺍﻟﻠﻲ ﻛﺎﺭﻫﺘﻨﻲ ..
ﻗﺎﻃﻌﻬﺎ ﻭﻫﻮ ﻣﻐﻤﺾ ﻋﻴﻮﻧﻪ ﺑﺸﺪﻩ ﻭﺭﺍﻓﻊ ﻳﺪﻩ :✋ ﻗﺎﻋﺪ ﻧﺘﻜﻠﻢ .. ﻓﺘﺢ ﻋﻴﻮﻧﻪ ... ﻋﺎﺩ ﺑﻨﺪﺭﻗﻮﺍ ﺍﻟﺸﻤﺲ ﺑﺎﻟﻐﺮﺑﺎﻝ ﻳﺎﺳﻌﻴﺪﻩ .. ﺍﻧﺘﻦ ﺍﻟﺰﻭﺯ ﻣﺶ ﻃﺎﻳﻘﺎﺕ ﺑﻌﻀﻜﻦ ..
ﻗﺎﻟﻬﺎ ﻭﻫﻮ ﻳﺤﺮﻙ ﻓﻴﺪﻩ ﻣﻦ ﺍﻟﻴﺴﺎﺭ ﻟﻠﻴﻤﻴﻦ ..
ﻧﺰﻟﺖ ﺳﻌﻴﺪﻩ ﻋﻴﻮﻧﻬﺎ ﻭﻫﻲ ﺭﺍﻓﻌﻪ ﺣﺎﺟﺒﻬﺎ ..
ﻛﻤﻞ ﻳﻘﻮﻝ : ﺍﻟﻤﺸﻜﻠﻪ ﻫﺎﻟﻜﺮﻩ ﻗﺎﻋﺪﺍﺕ ﺗﻮﺭﺛﻦ ﻓﻴﻪ .. ﺻﻐﺎﺭﻛﻦ ﻓﺎﺗﻮﻛﻦ ﻏﺎﺩﻱ .. ﻟﻮﻳﻦ ﺑﺘﻮﺻﻠﻦ ﻣﺶ ﻋﺎﺭﻑ ..
ﺷﺒﺤﺘﻠﻪ ﻭﻗﺎﻟﺖ : ﺷﻦ ﻓﻲ ﺑﺎﻫﻲ؟
ﻫﺎﻧﻴﺒﺎﻝ : ﺍﻟﻠﻲ ﻫﻨﺎﻙ ﺗﻌﺮﻓﻴﻪ ﻳﺎﺳﻌﻴﺪﻩ ﺍﻧﻲ ﺍﻟﺘﻔﺎﺻﻴﻞ ﻣﺎﻧﺒﻴﺶ ﻧﺨﺶ ﻓﻴﻬﻦ ﻭﻻﻗﻄﺎﻑ ﺍﻟﻨﺴﻮﺍﻥ ﻧﺒﻲ ﻧﺨﻮﺽ ﻓﻴﻪ .. ﺣﺎﺟﻪ ﻭﺣﺪﻩ ﺑﻨﻘﻮﻟﻬﻠﻚ ﻭﻗﻠﺘﻬﺎ ﻟﺰﻳﻨﺐ ﻗﺒﻠﻚ .. ﻗﻌﻤﺰﻱ ﻣﻊ ﺭﻭﺣﻚ ﻭﻓﻜﺮﻱ ﻓﻲ ﺍﻟﻠﻲ ﻗﺎﻋﺪ ﻳﺼﻴﺮ ﻟﻌﻨﺪ ﻭﻳﻦ ﻳﺒﻲ ﻳﻮﺻﻞ ...
ﺳﻌﻴﺪﻩ ﺑﺪﻣﻮﻉ : ﺍﻧﻲ ﻳﺎﻫﺎﻧﻴﺒﺎﻝ ﻣﺎﻧﻐﻠﻂ ﻓﻲ ﺣﺪ ﻛﺎﻥ ﻣﺎﻏﻠﻂ ﻓﻴﺎ ﻉ ﻋﻴﻨﻚ ﻛﻞ ﺷﻲ ﻗﺎﻋﺪ ﻳﺼﻴﺮ ﻭﻋﺮﻛﺔ ﺍﻟﻌﻴﺪ ﺍﻧﺖ ﺷﺎﻫﺪ ﻋﻠﻴﻬﺎ ﻓﻜﻞ ﻣﺮﺓ ﻛﺎﻧﺖ ﻫﻲ ﺍﻟﻠﻲ ﺗﺒﺪﺍ ﻛﺎﻥ ﻓﻲ ﺑﻴﻨﻬﺎ ﻭﺑﻴﻦ ﺧﻮﻫﺎ ﺳﻮﺀ ﺗﻔﺎﻫﻢ ﻣﺎﺗﺤﻄﺎﺵ ﻓﺮﺍﺳﻲ ﺍﻧﻲ ﻭﺻﻐﺎﺭﻱ ..
ﻫﺎﻧﻴﺒﺎﻝ : ﺳﻌﻴﺪﻩ ﺍﻧﻲ ﻗﺘﻠﻚ ﻣﺎﻧﺒﻴﺶ ﻧﺘﻜﻠﻢ ﻓﺘﻔﺎﺻﻴﻞ ...
ﺣﺎﺟﻪ ﻭﺣﺪﻩ ﻧﺒﻲ ﻧﻘﻮﻟﻬﺎ ﺍﻥ ﺍﻟﻠﻲ ﺩﻳﺮﻥ ﻓﻴﻪ ﺣﻴﺰﻳﺪ ﻳﺸﺘﺖ ﺍﻟﻌﻴﻠﻪ ﻭﻳﺒﺎﻋﺪ ﺍﻟﻤﺴﺎﻓﺎﺕ ﻭﺍﻧﺘﻦ ﺑﺈﻳﺪﻳﻜﻦ ﺗﻠﻤﻨﻬﺎ ﻛﻴﻒ ﻣﺎﺷﺘﺘﻨﻬﺎ ... ﻭﺣﺘﻰ ﻟﻮ ﺍﻟﻠﻪ ﻏﺎﻟﺐ ﻣﺎﻓﻴﻬﺎ ﻛﻴﻒ ﻭﻣﺶ ﻗﺎﺩﺭﺍﺕ ﺗﻘﺒﻠﻦ ﺑﻌﻀﻜﻦ ﻣﺎﺩﺧﻠﻨﺶ ﺻﻐﺎﺭﻛﻦ ﺑﻴﻨﺎﺗﻜﻦ ﻣﺎﺗﺮﺑﻮﻫﻤﺶ ﻉ ﺍﻟﺤﻘﺪ ﻭﺍﻟﻜﺮﻩ ﻭﺍﻟﻘﻄﻴﻌﻪ .. ﺳﺎﺩ ﺍﻟﻠﻲ ﺻﺎﻳﺮ ﺑﻴﻦ ﺍﻟﻜﺒﺎﺭ ...
ﻫﻲ ﺗﺴﻤﻊ ﻭﺗﻤﺴﺢ ﻓﻲ ﺩﻣﻮﻋﻬﺎ ﻭﻫﻲ ﺳﺎﻛﺘﻪ ..
ﻫﺎﻧﻴﺒﺎﻝ ﺑﻨﺒﺮﺓ ﻫﺎﺩﻳﻪ : ﺭﺍﻙ ﺍﻟﻜﻨﻪ ﺍﻟﻜﺒﻴﺮﺓ ﻣﻔﺮﻭﺽ ﺗﻠﻤﻲ ﺍﻟﻌﻴﻠﻪ ﻛﺎﻥ ﺭﻳﺘﻲ ﻣﺎﺗﻮﺟﻌﻚ ﺗﺘﻐﺎﺿﻲ ﻭﺗﻜﺒﺮﻱ ﻋﻘﻠﻚ .. ﺗﻜﺴﺒﻲ ﻣﺎﺗﺨﺴﺮﻳﺶ ﻭﻓﻲ ﻋﻴﻠﻪ ﻛﻴﻒ ﻋﻴﻠﺘﻨﺎ ﺣﺘﻠﻘﻴﻬﻢ ﻛﻠﻬﻢ ﻳﺼﺒﻮﺍ ﻣﻌﺎﻙ ﻛﺎﻥ ﺣﺪ ﻭﺻﻞ ﻓﻴﻚ ﺩﺍﻡ ﻣﺎﺭﻭﺍ ﻣﻨﻚ ﻏﻴﺮ ﺍﻟﺨﻴﺮ ...
ﺳﻌﻴﺪﻩ ﺳﺎﻛﺘﻪ ﻭﻣﻨﺰﻟﻪ ﻋﻴﻮﻧﻬﺎ ﻭﺣﺎﺟﺒﻬﺎ ﻣﺮﻓﻮﻉ ..
ﻫﺎﻧﻴﺒﺎﻝ : ﺍﺧﺮ ﻛﻼﻣﻲ ﻳﺎﺳﻌﻴﺪﻩ .. ﻛﺎﻧﻚ ﻣﺎﺗﺒﻴﺶ ﺗﻠﻴﻨﻲ ﻗﻠﺒﻚ ﺷﺪﻱ ﺧﻴﺮﻙ ﻭﺷﺮﻙ ... ﻭﻃﻠﻌﻲ ﺍﻟﺼﻐﺎﺭ ﻣﻨﻬﺎ ﻃﻠﻌﻴﻬﻢ ﻣﻨﻬﺎ ﻳﺎﺳﻌﻴﺪﻩ .. ﻭﺭﺍﻫﻮ ﻧﻔﺲ ﺍﻟﻜﻼﻡ ﺍﻟﻠﻲ ﺳﻤﻌﺘﻴﻪ ﺗﻮﺍ ﺍﻧﻘﺎﻝ ﻟﺰﻳﻨﺐ ..
ﺍﻟﺰﻭﺯ ﻛﻴﻒ ﺑﻌﻀﻜﻦ ﻋﻨﺪﻱ ..
ﻫﺰﺕ ﺭﺍﺳﻬﺎ ﺑﺈﻳﺠﺎﺏ ﻭﻫﻲ ﺗﺮﺷﻒ ..
ﻫﺎﻧﻴﺒﺎﻝ : ﻭﺍﻥ ﺷﺎﺀ ﺍﻟﻠﻪ ﻫﺪﻯ ﺍﺧﺮ ﻣﺎﺑﻴﻨﺎﺗﻜﻦ ﻣﻦ ﺳﻮ .. ﻭﺑﺎﺭﻙ ﺍﻟﻠﻪ ﻓﻴﻚ ﺍﻟﻠﻲ ﺳﻤﻌﺘﻴﻨﻲ ... ﻫﻲ ﺍﻟﺴﻼﻡ ﻋﻠﻴﻜﻢ ..
ﻟﻒ ﻭﻃﻠﻊ ﻭﺻﻜﺮ ﺍﻟﺒﺎﺏ ﻭﺭﺍﻩ ..
ﺭﻓﻌﺖ ﺳﻌﻴﺪﻩ ﺣﺎﺟﺒﻬﺎ ﻭﻟﻔﺖ ﺑﺘﺨﺶ ..
ﺟﻮﻫﺎ ﺍﻣﺎﻝ ﻭﺭﺯﺍﻥ ...
ﺍﻣﺎﻝ : ﺷﻦ ﺻﺎﻳﺮ ﻟﻴﺶ ﻗﺎﻟﻚ ﻫﺎﻟﻜﻼﻡ ..
ﺳﻌﻴﺪﻩ : ﺷﻜﻠﻪ ﻧﺎﻭﻱ ﻳﺼﻠﺢ ﺑﻴﻨﻲ ﺍﻧﻲ ﻭﻣﻴﻼﺩ ﻭﺑﻴﻦ ﺍﺧﺘﻪ ..
ﺍﻣﺎﻝ : ﻳﺼﻠﺢ ﺑﻴﻨﻜﻢ !!
ﺳﻌﻴﺪﻩ : ﻭﺍﻟﻠﻪ ﻟﻮ ﻳﺨﺶ ﻓﻴﻬﺎ ﺳﻴﺪﻱ ﺍﻧﻲ ﻭﺯﻳﻨﺐ ﻻﻳﻤﻜﻦ ﻧﺘﻼﻗﻮﺍ ..
ﻭﻓﺎﺗﺖ ﻣﻦ ﺑﺤﺪﺍﻫﺎ ﻭﻫﻲ ﺗﺸﻮﻑ ﻟﺮﺯﺍﻥ ﺑﻨﺘﻬﺎ ﺍﻟﻠﻲ ﻛﺎﻧﺖ ﺧﺎﻳﻔﻪ ..
ﺳﻜﺮﺕ ﻋﻴﻮﻧﻬﺎ ﻭﻓﺘﺤﺘﻬﻢ ﻭﻫﻲ ﻣﺒﺘﺴﻤﻪ ﻭﻗﺎﻟﺖ : ﻫﻴﺎ ﺭﺯﻭﻧﺘﻲ ﻋﺪﻱ ﺩﻳﺮﻱ ﺍﻟﻜﻴﻜﻪ ﺍﻟﻠﻲ ﻗﻠﺘﻲ ﻋﻠﻴﻬﺎ ..
ﺍﺑﺘﺴﻤﺖ ﺭﺯﺍﻥ : ﺑﺎﻫﻲ ... ﻭﻣﺸﺖ ﻃﻮﻝ ﻟﻠﻜﻮﺟﻴﻨﻪ ...
ﺍﻟﺘﻔﺘﺖ ﻉ ﺍﻣﺎﻝ : ﺍﻳﻪ ﺗﻌﺎﻟﻲ ﻗﻮﻟﻴﻠﻲ ﺷﻦ ﺩﺍﺭ ﺗﺎﻧﻲ ﺳﺎﻟﻢ ﻓﻲ ﺍﻟﺤﻮﺵ ...
ﺍﻣﺎﻝ ﺭﻓﻌﺖ ﺣﺎﺟﺒﻬﺎ ﻭﻗﺎﻟﺖ : ﺍﻟﻠﻲ ﻗﺘﻠﻪ ﻋﻠﻴﻪ ﺩﺍﺭﻩ ﻛﻴﻒ ﻣﺎﻭﺻﺘﻴﻨﻲ ﺑﺎﻟﺰﺑﻂ ..
ﺿﺤﻜﺖ ﻭﻗﺎﻟﺖ : ﺑﺎﻫﻲ ﺗﻌﺎﻟﻲ ﻗﻌﻤﺰﻱ ﻭﺍﺣﻜﻴﻠﻲ ..
ﻣﺸﺘﻠﻬﺎ ﺍﻣﺎﻝ ﻭﻛﻤﻠﻮﺍ ﻃﺮﻳﻘﻬﻢ ﻟﻠﺼﺎﻟﻪ ﻭﻫﻤﺎ ﻳﻬﺪﺭﺯﻭﺍ ..
🍁🍁🍁🍁🍁🍁
ﺑﺮﺍ ..
ﻛﺎﻥ ﻫﺎﻧﻴﺒﺎﻝ ﻳﻬﺪﺭﺯ ﻉ ﺣﻤﺰﺓ ﻳﺤﺎﻭﻝ ﻳﺤﺘﻮﻱ ﻏﻀﺒﻪ ﻭﻳﻔﻬﻤﻪ ﺍﻟﻠﻲ ﺻﺎﺭ ..
🍃 ﺗﺼﺮﻑ ﻫﺎﻧﻴﺒﺎﻝ ﻛﺴﻠﻒ .. ﻫﻮ ﺍﻟﺘﺼﺮﻑ ﺍﻟﻠﻲ ﺍﺻﺒﺤﻨﺎ ﻧﺸﻮﻓﻮﺍ ﻓﻲ ﻋﻜﺴﻪ ﻣﻦ ﺍﻟﺴﻼﻑ ﻓﻲ ﻭﻗﺘﻨﺎ ﺍﻟﺤﺎﻟﻲ ..
ﺗﻮﺍ ﺗﻠﻘﻮﺍ ﺍﻟﺴﻠﻒ " ﺍﻟﻌﺰﺭﻱ " ﺗﺤﺪﻳﺪﺍ ﻳﺨﺶ ﻓﻲ ﻣﻌﺎﻣﻊ ﺍﻟﻨﺴﺎﻭﻳﻦ ﻭﻳﺘﺼﺮﻑ ﺯﻱ ﺗﺼﺮﻓﺎﺗﻬﻢ ﻭﻳﻌﺎﺩﻱ ﻣﻊ ﺧﻮﺍﺗﻪ ﻓﻤﺮﺕ ﺧﻮﻩ ﻭﻓﻲ ﺍﻟﻠﻲ ﺗﻮﺻﻞ ﺑﻴﻪ ﻳﺪﺑﺮ ﺣﺘﻰ ﺍﻟﻤﻜﺎﻳﺪ ..
ﻭﺍﻟﻠﻲ ﻳﻄﻠﻖ ﻟﺴﺎﻧﻪ ﻋﻠﻴﻬﺎ ﻭﻳﻮﺻﻞ ﺑﻴﻬﺎ ﺑﻜﻼﻡ ﻻﻳﺮﺿﻲ ﺭﺏ ﻭﻻﻋﺒﺪ ﻭﺧﻮﺍﺗﻪ ﻳﺰﻳﺪﻭﺍ ﻳﺸﺤﻨﻮﺍ ﻓﻴﻪ ..
ﺍﻳﻴﻴﻪ ... ﻋﻼﻗﺎﺗﻨﺎ ﺍﻷﺳﺮﻳﻪ ﻭﺍﻹﺟﺘﻤﺎﻋﻴﻪ ﻭﻟﺖ ﺍﺷﺒﻪ ﺑﺎﻟﺤﺮﻭﺏ ﺍﻟﻠﻲ ﻗﺎﻋﺪﺓ ﺗﺼﻴﺮ ﺑﻴﻨﺎﺗﻨﺎ ﺣﺎﻟﻴﺎ ....
ﻟﻬﺪﺍ ﻣﺎﺗﺴﺘﻐﺮﺑﻮﺵ ﻛﻴﻒ ﺣﻨﻲ ﺩﺍﻳﺮﻳﻦ ﻓﺒﻌﻀﻨﺎ ﻫﻜﻲ ﺗﻮﺍ ...🍃
🍁🍁🍁🍁🍁🍁🍁🍁
ﺳﺮﺕ 💕
ﺑﻌﺪ ﻭﺻﻠﻮﺍ ﻟﺴﺮﺕ ﺟﻲ ﺍﺗﺼﺎﻝ ﻟﻤﺨﺘﺎﺭ ﻣﻦ ﻧﺎﺱ ﻣﻬﻤﻪ ..
ﺑﻠﻎ ﻋﻤﺎﺭ ﻭﻣﺸﻮﺍ . ﻫﻤﺎ ﺍﻟﺰﻭﺯ ﺑﻌﺪ ﺣﻂ ﺩﻻﻝ ﻓﻲ ﺣﻮﺵ ﺍﻫﻠﻪ ..
ﻛﺎﻧﻮﺍ ﻣﻘﻌﻤﺰﻳﻦ ﻳﻬﺪﺭﺯﻭﺍ ...
ﻃﻖ ﺍﻟﺒﺎﺏ ..
ﻧﺎﺿﺖ ﺩﻻﻝ ﻓﺘﺤﺖ ...
ﻟﻘﺖ ﻗﺪﺍﻣﻬﺎ ﻫﻨﺪﺍ ﻭﺍﻟﺼﻐﺎﺭ ...
ﻓﺎﺗﺖ ﻣﻦ ﺣﺪﺍﻫﺎ ﻫﻲ ﻭﻭﻻﺩﻫﺎ ﺍﻟﺘﻮﺃﻡ ﺑﺪﻭﻥ ﻣﺎﺗﻌﺒﺮﻫﺎ ..
ﻭﺩﻻﻝ ﻃﻨﺸﺖ ﻭﺳﻜﺮﺕ ﺍﻟﺒﺎﺏ ..
ﻫﻨﺪﺍ : ﺍﻟﺴﻼﻡ ﻋﻠﻴﻜﻢ ..
ﻛﺎﻣﻠﻪ ﻭﺍﻣﻴﻨﻪ ﻭﺍﺻﺎﻟﻪ : ﻭﻋﻠﻴﻜﻢ ﺍﻟﺴﻼﻡ ..
ﻗﺪﻣﻮﺍ ﺍﻟﻮﻻﺩ ﻟﺤﻨﺎﻫﻢ ﻭﺳﻠﻤﻮﺍ ﻋﻠﻴﻬﺎ ﻭﻫﻤﺎ ﻳﻜﺒﻮﺍ ﻉ ﺍﻳﺪﻳﻬﺎ ﻭﺭﺍﺳﻬﺎ
ﺑﻌﺪﻳﻦ ﺳﻠﻤﻮﺍ ﻉ ﻋﻤﺎﺗﻬﻢ ..
ﻭﺍﻣﻬﻢ ﺑﻌﺪ ﺳﻠﻤﺖ ﻉ ﺣﻤﻮﺍﺗﻬﺎ ﺳﻠﻤﺖ ﻉ ﻋﺰﻭﺯﺗﻬﺎ ﻭﻛﺒﺖ ﻉ ﺭﺍﺳﻬﺎ ..
ﻛﺎﻣﻠﻪ : ﺷﻨﻮ ﺣﺎﻝ ﺍﻣﻚ ﻭﺧﻮﺗﻚ ..
ﻫﻨﺪﺍ ﻭﻫﻲ ﺗﺤﻮﻝ ﻓﻲ ﻋﺒﺎﻳﺘﻬﺎ ﺍﻟﺨﻠﻴﺠﻴﻪ ﺍﻟﻐﺎﻟﻴﻪ ﻭﻭﺷﺎﺣﻬﺎ : ﺍﻟﺤﻤﺪ ﻟﻠﻪ .. ﻳﺴﻠﻤﻮﺍ ﻋﻠﻴﻚ ..
ﺭﻓﻌﺖ ﺩﻻﻝ ﺣﺎﺟﺒﻬﺎ ﻟﻤﺎ ﺷﺎﻓﺖ ﻟﻮﻙ ﻫﻨﺪﺍ ﺍﻟﺠﺪﻳﺪ ..
ﺍﻟﺸﻌﺮ ﻣﻘﺼﻮﺹ ﻭﻣﻴﺶ ﺑﺎﻷﺻﻔﺮ ﻭﻋﺎﺩ ﺍﻟﻤﻴﺶ ﻣﻮﺿﺔ ﻫﺪﺍﻛﺎ ﺍﻝ ﻭﻗﺖ ..
ﻭﻻﺑﺴﻪ ﻗﻔﻄﺎﻥ ﺍﺣﻤﺮ ﻗﺎﻧﻲ ﺍﺷﺒﻪ ﺑﻠﻮﻥ ﺍﻟﺮﻣﺎﻥ ﻃﻮﻳﻞ ﻭﺑﺎﻛﻤﺎﻡ ﻭﻓﻲ ﻧﺼﻪ ﺣﺰﺍﻡ ﻳﺮﺗﺒﻂ ﻟﻠﺨﻠﻒ ..
ﻭﻛﺎﻧﺖ ﻣﺘﻐﻴﺮﻩ ﻫﻠﺒﻪ ...
ﺍﻣﻴﻨﻪ ﻭﻫﻮ ﺗﺸﺒﺤﻠﻬﺎ ﺑﻨﺺ ﻋﻴﻦ : ﺻﺤﻪ ﺻﺤﻪ ..
ﻗﻌﻤﺰﺕ ﻫﻨﺪﺍ ﻭﻗﺎﻟﺖ : ﺳﻠﻤﻚ ..
ﻛﺎﻣﻠﻪ ﻭﻫﻲ ﺗﺸﻮﻓﻠﻬﺎ ﺑﺘﻔﺤﺺ : ﻋﺮﺱ ﺧﻮﻙ ﺍﻣﺘﻰ ..
ﻫﻨﺪﺍ : ﻧﺺ ﻋﺸﺮﺓ ..
ﻛﺎﻣﻠﻪ : ﺍﻫﺎ ...
ﺍﺻﺎﻟﻪ ﺷﺪﺕ ﺿﺤﻜﺘﻬﺎ ﻷﻧﻬﺎ ﻓﻬﻤﺖ ﺗﻠﻘﻴﺤﺔ ﺍﻣﻬﺎ ..
ﻛﺎﻣﻠﻪ : ﺍﻳﻤﻦ ﻭﻳﻨﻪ ..
ﻫﻨﺪﺍ : ﻋﺪﺍ ﻣﻊ ﺧﻮﺍﻟﻪ ﻟﻠﺼﻴﺪ .. ﺧﺪﻳﺖ ﺍﺫﻥ ﻋﻤﺎﺭ ..
ﺩﻻﻝ ﺑﺪﺕ ﺗﻐﻠﻲ ﻏﻠﻲ ﻭﻛﺎﻥ ﺗﻠﻘﻰ ﺣﺘﻰ ﺍﺳﻤﻪ ﻉ ﻟﺴﺎﻧﻬﺎ ﻣﺎﻳﻨﻘﺎﻟﺶ ...
ﻛﺎﻣﻠﻪ ﻭﻫﻲ ﺗﻬﺰ ﻓﺮﺍﺳﻬﺎ ﺑﺈﻳﺠﺎﺏ : ﺑﺎﻫﻲ .. ﺑﺎﻫﻲ ..
ﻫﻨﺪﺍ ﺷﺒﺤﺖ ﻟﺪﻻﻝ ﻣﻦ ﻓﻮﻕ ﻟﻠﻮﻃﺎ ﺑﻌﺪﻳﻦ ﺭﺟﻌﺖ ﻧﻈﺮﻫﺎ ﻟﻌﺰﻭﺯﺗﻬﺎ ﻭﻗﺎﻟﺖ : ﺍﻳﻪ ﻋﻤﺘﻲ ﺷﻨﻮ ﺟﻮ ﺍﻟﻌﺮﺱ ﺍﻟﻠﻲ ﻛﻨﺘﻮﺍ ﻓﻴﻪ ..
ﻛﺎﻣﻠﻪ : ﻣﺎﺷﺎﺀ ﺍﻟﻠﻪ ﺗﺒﺎﺭﻙ ﺍﻟﺮﺣﻤﻦ ...
ﺍﻣﻴﻨﻪ : ﻋﺮﺱ ﻛﺎﻣﻞ ﻣﺎﻧﺎﻗﺼﺎﺗﻪ ﺣﺎﺟﻪ ... ﺍﻫﻮ ﺣﺘﻰ ﺻﻮﺭﺕ ﺣﺎﺟﺎﺕ ﻓﻬﺎﺗﻔﻲ ..
ﻧﺎﺿﺖ ﻭﻗﻌﻤﺰﺕ ﺣﺪﺍﻫﺎ ﻭﻭﺭﺗﻬﺎ ﺻﻮﺭ ﺍﻟﻜﺴﻮﺓ ﻭﻟﻘﻄﺎﺕ ﻣﻦ ﺍﻟﺤﻔﻠﻪ .. ﻭﻋﺰﻭﻣﺔ ﺍﻟﻐﺪﻱ ﻭﺷﻦ ﺩﺍﺭﻭﺍ ﻣﻦ ﺣﻠﻮﻳﺎﺕ ﻭﻣﺎﻳﺘﺒﻌﻪ ..
ﻫﻨﺪﺍ ﺑﺮﻓﻌﺔ ﺣﻮﺍﺟﺐ : ﻭﺍﻟﻠﻪ ﻭﺻﺎﺭ ﻣﻨﻬﻢ ﻭﺍﻃﻮﺭﻭﺍ ..
ﺷﺒﺤﻮﺍ ﻟﺪﻻﻝ ..
ﺑﻠﻌﺘﻬﺎ ﻭﻧﺎﺿﺖ ﻭﻫﻲ ﺗﻘﻮﻝ : ﻋﻤﺘﻲ ﺷﻦ ﻧﺪﻳﺮﻭﺍ ﻋﺸﻲ ﺍﻟﻴﻮﻡ ..
ﻛﺎﻣﻠﻪ : ﺍﻧﻲ ﻣﺼﺒﻴﻪ ﻣﻌﺎﻙ ﻧﻌﺪﻭﺍ ﻟﻠﻜﻮﺟﻴﻨﻪ ﻭﻧﻔﻜﺮﻭﺍ ﻣﻊ ﺑﻌﻀﻨﺎ ﺷﻦ ﻧﺪﻳﺮﻭﺍ ..
ﻧﺎﺿﺖ ﻛﺎﻣﻠﻪ ﻣﻊ ﺩﻻﻝ ﻭﻣﺸﻮﺍ ﻭﻋﻴﻮﻥ ﻫﻨﺪﺍ ﻣﻌﺎﻫﻢ ..
ﻧﺎﺽ ﻣﺨﺘﺎﺭ : ﺍﻣﻲ ﺑﻨﻄﻠﻌﻮﺍ ﺑﺮﺍ ﻧﻠﻌﺒﻮﺍ ..
ﻫﻨﺪﺍ : ﻋﺪﻭﺍ ...
ﻃﻠﻌﻮﺍ ﺍﻟﺰﻭﺯ ..
ﺍﻟﺒﻨﺎﺕ ﻗﻌﺪﻭﺍ ﻣﻊ ﻭﻻﺩ ﺧﻮﻫﻢ ﺑﻌﻴﻮﻧﻬﻢ ﻟﻴﻦ ﻃﻠﻌﻮﺍ ..
ﺍﻟﺘﻔﺘﺖ ﺍﻣﻴﻨﻪ ﻟﻬﻨﺪﺍ : ﻣﺎﻓﻴﺶ ﺩﺍﻋﻲ ﻟﻴﻪ ﻛﻼﻣﻚ ﻫﺪﻯ ..
ﺍﺻﺎﻟﻪ : ﻛﻞ ﻭﺣﺪﻩ ﻓﻴﻜﻦ ﺧﻠﻴﻬﺎ ﻓﻲ ﺣﺎﻟﻬﺎ ﺍﻓﻀﻞ .. ﺭﺍﻫﻮ ﻋﻤﺎﺭ ﻣﺎﻳﺤﺒﺶ ﻭﺟﻴﺞ ﺍﻟﻨﺴﻮﺍﻥ ﻭﻣﺸﺎﻛﻠﻬﻦ ..
ﻫﻨﺪﺍ ﺑﺮﻓﻌﺔ ﺣﺎﺟﺐ : ﻣﺎﻗﻠﺖ ﺷﻲ ﺍﻧﻲ .. ﻛﻠﻤﻪ ﻋﺎﺩﻳﻪ ﺟﺪﺍ ..
ﺍﻣﻴﻨﻪ : ﺑﺎﻫﻲ ﺍﻧﻬﻮﺍ ﺍﻟﻜﻼﻡ .. ﻭﻧﻌﺎﻭﺩ ﻭﻧﻘﻮﻟﻚ ﻳﺎﻫﻨﺪﺍ ﺍﻣﺴﻜﻲ ﻟﺴﺎﻧﻚ ﻣﺶ ﻓﺼﺎﻟﺤﻚ ﺍﻟﻠﻲ ﺩﻳﺮﻱ ﻓﻴﻪ ..
ﻫﻨﺪﺍ : ﺑﺎﻫﻲ ﺧﻼﺹ ﺧﻼﺹ ﻭﻫﺎﻩ ﺑﻠﻌﺘﻪ ﻟﺴﺎﻧﻲ .. ﻭﺣﻄﺖ ﻳﺪﻫﺎ ﻉ ﻓﻤﻬﺎ .. ﻭﻫﻲ ﺗﻮﺯﻉ ﻓﻨﻈﺮﻫﺎ ﻋﻠﻴﻬﻢ ..
ﻭﺍﺻﺎﻟﻪ ﻭﺍﻣﻴﻨﻪ ﻳﺸﻮﻓﻮﻟﻬﺎ ﺑﺤﺪﻩ ..
ﻓﻲ ﺍﻟﻜﻮﺟﻴﻨﻪ ..
ﻣﺎﺗﻌﺪﻟﻴﺶ ﻋﻠﻴﻬﺎ ﻭﻻ ﺩﻭﺭﻱ ﻛﻼﻣﻬﺎ .
ﺩﻻﻝ ﺑﺈﺑﺘﺴﺎﻣﻪ : ﻣﺎﺩﻭﺭﻳﺶ ﺍﻧﺘﻲ ﻳﺎﻋﻤﺘﻲ ﻭﻻ ﻛﺈﻧﻲ ﺳﻤﻌﺖ ﺣﺎﺟﻪ ..
ﻛﺎﻣﻠﻪ ﺷﺪﺗﻬﺎ ﻣﻦ ﺫﺭﺍﻋﻬﺎ ﻭﻗﺎﻟﺖ : ﻭﺣﻜﺎﻳﻪ ﺣﻤﻠﻚ ﻣﺎﺗﻄﻠﻌﺶ ﺑﻜﻞ ﻳﺎﺩﻻﻝ ..
ﺩﻻﻝ ﻫﺰﺕ ﺭﺍﺳﻬﺎ ﺑﺈﻳﺠﺎﺏ .. ﻭﺍﻧﺘﺎﺑﻬﺎ ﺷﻌﻮﺭ ﺑﺎﻟﺨﻮﻑ ..
ﻛﺎﻣﻠﻪ ﻃﻠﻘﺘﻬﺎ ﻭﻗﺎﻟﺖ : ﺍﻳﻪ ﺷﻦ ﺑﻨﺪﻳﺮﻭﺍ ﻋﺸﺎﻧﺎ ..
ﺩﻻﻝ ﺍﺑﺘﺴﻤﺖ ﻣﺠﺎﻣﻠﻪ ﻭﻗﺎﻟﺖ : ﺍﻧﺘﻲ ﻓﺸﻦ ﺧﺎﻃﺮﻙ ..
🌴🌴🌴🌴🌴🌴🌴🌴🌴🌴🌴🌴🌴🌴🌴🌴🌴
ﺍﻟﺴﺎﻋﻪ 8:00 ﻣﺴﺎﺀﺍ ..
ﺯﻳﻨﺐ .. ﺯﻧﻮﺑﻴﺎ .. ﺯﻳﻨﺐ ..
ﺯﻳﻨﺐ : ﺍﻣﻤﻢ ..
ﻛﻔﺎﻳﻪ : ﻫﻲ ﻧﻮﺿﻲ ﺗﻮﺿﻲ ﻭﺻﻠﻲ ﺍﻟﻌﺼﺮ ﻭﺍﻟﻤﻐﺮﺏ ﻓﺎﺗﻮﻙ ﻭ ﺑﻌﺪﻳﻦ ﻛﻮﻟﻲ ﺣﺎﺟﻪ ..
ﺯﻳﻨﺐ ﺗﻨﻬﺪﺕ .. ﻭﻧﺎﺿﺖ ﺑﻌﺪ ﺣﻮﻟﺖ ﻭﺷﺎﺣﻬﺎ ﻣﻦ ﻉ ﻋﻴﻮﻧﻬﺎ ..
ﻛﻔﺎﻳﻪ : ﺷﻦ ﺟﻮ ..
ﺯﻳﻨﺐ ﺑﺼﻮﺕ ﻣﺒﺤﻮﺡ : ﻟﻮﻻ ﻫﺎﻧﻴﺒﺎﻝ ﻭﺍﻟﻠﻪ ﻣﺎﻗﻌﺪﺗﻪ ..
ﻛﻔﺎﻳﻪ : ﺯﻳﻨﺐ .. ﺍﺷﺒﺤﻴﻠﻲ ..
ﺷﺒﺤﺘﻠﻬﺎ ﺑﻌﻴﻮﻧﻬﺎ ﺍﻟﻤﻨﻔﺨﺎﺕ ..
ﻛﻔﺎﻳﻪ : ﺍﺳﻤﻌﻲ ﺭﺍﻫﻮ ﻣﺎﺣﺪ ﺻﺪﻕ ﻓﻴﻚ ﻭﻛﻠﻨﺎ ﺷﺒﻪ ﻓﻬﻤﻨﺎ ﺍﻟﻠﻲ ﺻﺎﺭ ..
ﺯﻳﻨﺐ : ﻓﺮﺧﺘﻬﺎ ﺍﻟﺤﻘﻴﺮﺓ ﺭﺍﻫﻮ
ﻛﻔﺎﻳﻪ : ﻋﺎﺭﻓﻴﻦ .. ﺑﺲ ﺭﺍﻫﻮ ﻣﻀﻄﺮﻳﻦ ﻧﺴﻜﺘﻮﺍ ﻉ ﺧﺎﻃﺮ ﺍﻣﻚ ﺻﺤﺘﻬﺎﻣﺶ ﺣﻤﻞ ﻣﺸﺎﻛﻞ ﻭﻻ ﻋﺮﺍﻛﺎﺕ ..
ﺯﻳﻨﺐ ﺍﺑﺘﺴﻤﺖ ﺑﺘﻬﻜﻢ ﻭﻗﺎﻟﺖ : ﻣﺎﻫﻮ ﺍﻧﻲ ﻋﺎﺭﻓﻪ ﺑﻨﺴﻜﺘﻮﺍ ﺷﻦ ﻋﻨﺪﻧﺎ ﻧﺪﻳﺮﻭﺍ ﻏﻴﺮ ﺍﻟﺴﻜﺎﺕ ..
ﺗﻨﻬﺪﺕ ﻛﻔﺎﻳﻪ ﺑﺄﻟﻢ : ﺑﺎﻫﻲ ﺧﻮﺍﺗﻚ ﻳﺒﻮﺍ ﻳﻜﻠﻤﻮﻙ ..
ﺯﻳﻨﺐ ﺑﺤﺪﻩ : ﻣﺎﻧﺒﻲ ﻧﻜﻠﻢ ﺣﺪ ﻭﻻ ﺣﺪ ﻳﻜﻠﻤﻨﻲ ..
ﻛﻔﺎﻳﻪ : ﻏﻴﺮ ﺗﻌﻮﺩﻱ ﻣﻦ ﺍﻟﺸﻴﻄﺎﻥ ﻳﺎﺯﻳﻨﺐ ..
ﺯﻳﻨﺐ : ﺑﺎﻟﻠﻪ ﻋﻠﻴﻚ ﻳﺎﻛﻔﺎﻳﻪ ﺧﻠﻴﻨﻲ ﻭﻣﺎﺗﻀﻐﻄﻴﺶ ﻋﻠﻴﺎ ﻣﺎﺯﺍﻝ ﻣﺎﺭﻭﻗﺘﺶ ..
ﻛﻔﺎﻳﻪ : ﺑﺎﻫﻲ ﺑﺮﺍﺣﺘﻚ ..
ﺣﻮﻟﺖ ﺯﻳﻨﺐ ﻋﺒﺎﻳﺘﻬﺎ ﻭﻧﺎﺿﺖ ﻟﻠﺤﻤﺎﻡ ..
ﻭﻛﻔﺎﻳﻪ ﻣﺸﺖ ﺑﻄﺮﻳﻘﻬﺎ ﻟﻠﻜﻮﺟﻴﻨﻪ .. ﻛﺎﻧﻮﺍ ﻓﻴﻬﺎ ﻧﻌﻴﻤﻪ ﻭﻏﺎﻟﻴﻪ ..
ﻛﻔﺎﻳﻪ : ﺍﻟﻮﺿﻊ ﻣﻜﻬﺮﺏ ﻣﺎﺯﺍﻝ ..
ﺗﻨﻬﺪﻭﺍ ﺍﻟﺰﻭﺯ ﻭﻗﻌﺪﻭﺍ ﺳﺎﻛﺘﺎﺕ ..
ﺑﻌﺪﻳﻦ ﻗﺎﻟﺖ ﻏﺎﻟﻴﻪ؛ﺯﻋﻢ ﺗﻌﺪﻱ ﻟﺘﺎﻟﺖ ﺣﻤﻴﺪﻩ ﻏﺪﻭﺓ ..
ﻛﻔﺎﻳﻪ : ﻏﺼﺐ ﻋﻨﻬﺎ ﺗﻤﺸﻲ ﻣﺶ ﺑﻜﻴﻔﻬﺎ ..
ﺧﺸﺖ ﻋﻠﻴﻬﻢ ﻓﺎﻃﻤﻪ : ﺩﺭﺗﻦ ﻋﺸﺎﻛﻦ؟
ﻧﻌﻴﻤﻪ : ﻉ ﺍﻟﻨﺎﺭ ﻳﻤﻲ ..
ﺷﺒﺤﺖ ﻟﻠﻄﻨﺠﺮﻩ .. ﺑﻌﺪﻳﻦ ﻫﺰﺕ ﺭﺍﺳﻬﺎ ﺑﺈﻳﺠﺎﺏ ﻭﻗﺎﻟﺖ : ﺧﻴﺮﻫﺎ ﺯﻳﻨﺐ؟
ﺷﺒﺤﻮﺍ ﻷﻣﻬﻢ ﺑﺈﺭﺗﺒﺎﻙ ..
ﻛﻔﺎﻳﻪ : ﻧﺎﺽ ﻋﻠﻴﻬﺎ ﺍﻟﺼﺪﺍﻉ ﺗﻌﺮﻓﻴﻬﺎ ﺍﻧﺘﻲ ﻳﻤﻲ ﺑﻌﺪ ﺍﺗﻢ ﺍﻟﺤﻮﺳﻪ ﻫﻜﻲ ﻳﺼﻴﺮﻟﻬﺎ
ﺷﺒﺤﺘﻠﻬﺎ ﻓﺎﻃﻤﻪ ﺷﻮﻳﻪ .. ﺑﻌﺪﻳﻦ ﻫﺰﺕ ﺭﺍﺳﻬﺎ ﺑﺈﻳﺠﺎﺏ ﻭﻗﺎﻟﺖ : ﻋﻄﻴﺘﻨﻬﺎ ﺣﺒﻮﺏ ﺭﺍﺱ ..
ﻛﻔﺎﻳﻪ : ﺍﻳﻪ ..
ﻓﺎﻃﻤﻪ : ﺑﺎﻫﻲ .. ﺑﺎﻫﻲ .. ﻭﻟﻔﺖ ﻃﻠﻌﺖ ﻣﻦ ﺍﻟﻜﻮﺟﻴﻨﻪ ..
ﻧﻌﻴﻤﻪ : ﻋﻄﻴﻚ ﻣﺎﻳﺮﻓﻌﻚ ﻳﺎﺳﻌﻴﺪﻩ ...
ﻛﻔﺎﻳﻪ : ﺍﻳﻪ ﻭﺍﻟﻠﻪ ..
ﻏﺎﻟﻴﻪ : ﺭﺯﺍﻥ ﺗﺒﺨﺮﺕ ..
ﻛﻔﺎﻳﻪ : ﺍﻛﻴﺪ ﺑﺘﺘﺒﺨﺮ .. ﺻﺪﻣﺘﻲ ﻓﻴﻬﺎ ﺻﺪﻣﻪ ﻣﻌﻘﻮﻟﻪ ﺍﻟﺒﻨﺖ ﺗﻜﺮﻩ ﻋﻤﺘﻬﺎ ﻟﻬﺎﻟﺪﺭﺟﻪ ..
ﻏﺎﻟﻴﻪ : ﺭﺯﺍﻥ ﺑﻨﺖ ﺍﻣﻬﺎ ﻳﺎﻛﻔﺎﻳﻪ ﻣﺘﻌﻠﻘﻪ ﺑﻴﻬﺎ ﻭﺍﺟﺪ ﻭﻣﻌﺎﻫﺎ ﻭﻳﻦ ﺗﻌﺪﻱ ﻭﻃﻠﻌﺖ ﻛﻴﻔﻬﺎ ﻟﻸﺳﻒ ..
ﻧﻌﻴﻤﻪ : ﺍﻟﻠﻪ ﻏﺎﻟﺐ ﻭﺧﻼﺹ ..
ﺳﻤﻌﻮﺍ ﺑﺎﺏ ﺍﻟﺤﻤﺎﻡ ﺍﻧﻔﺘﺢ ...
" ﻛﻔﺎﻳﻪ .."
ﻃﻠﻌﺖ ﻃﻮﻝ ﻛﻔﺎﻳﻪ ﻟﺰﻳﻨﺐ ..
ﻭﻧﻌﻴﻤﻪ ﻭﻏﺎﻟﻴﻪ ﺷﺎﻓﻮﺍ ﻟﺒﻌﺾ ﺑﻀﻴﻖ ..
🍁🍁🍁🍁🍁🍁
ﻓﻲ ﺍﻟﻜﻮﺟﻴﻨﻪ ..
ﺣﺘﻰ ﺍﻣﻲ ﻋﺠﺒﺘﻬﺎ ..
ﺳﻌﻴﺪﻩ : ﺗﻌﺮﻓﻲ ﺷﻜﻞ ﺳﻠﻴﻤﺎﻥ ﺍﻧﻈﺮ ﻭﻳﻦ ﺭﺍﻳﻬﺎ .. ﺗﺤﺴﻴﻪ ﻣﺘﻤﺴﻚ ﺑﺎﻟﻤﻮﺿﻮﻉ ﻭﺍﺟﺪ ..
ﻋﺰﻳﺰﺓ : ﺣﺘﻰ ﺍﻧﻲ ﺣﺴﻴﺘﻪ ﻫﻜﻲ ..
ﺍﻣﺎﻝ : ﻫﻮ ﻟﻤﺎ ﺍﻧﺨﻄﺒﺖ ﺑﻨﺖ ﺯﻳﻨﺐ ﺭﺍﺡ ﻛﻴﻒ ﺍﻟﻤﻬﺒﻮﻝ ﻓﻲ ﻗﻮﻟﺖ ﺩﻭﺭﻭﻟﻲ ﻭﺍﺧﻄﺒﻮﻟﻲ ..
ﺳﻌﻴﺪﻩ ﺑﻐﻞ : ﺍﺍﻩ ﻳﺎﻛﺒﺪﻱ ﺍﻧﻲ ﻭﺧﻼﺹ ﺷﻦ ﻓﻴﻬﻦ ﻣﺎﻳﻨﺸﺒﺢ ﻫﺎﻟﻌﺒﺪﺍﺕ ﻫﺪﻳﻦ ﺑﺲ .
" ﻧﻌﺘﺬﺭ ﻉ ﺍﻟﻠﻔﻆ ﺑﺲ ﻫﺎﺩﻭﺍ ﺳﻌﻴﺪﺓ ﻭﺍﻣﺜﺎﻟﻬﺎ ﻭﻫﺎﺩﻱ ﻋﻘﻠﻴﺘﻬﻢ "
ﻋﺰﻳﺰﺓ : ﺍﻧﺘﻲ ﺗﻮﺍ ﺍﻟﻬﻲ ﺑﺮﻣﺰﻱ ﺭﺍﻫﻦ ﻗﺎﺩﺭﺍﺕ ﻭﺍﻟﻠﻪ ﻳﺎﺧﺪﻧﻪ ﻣﻨﻚ ﻭﻳﻌﺪﻱ ﻟﻄﺮﺍﺑﻠﺲ ﻭﻳﻨﺴﺎﻙ ﻛﻴﻒ ﺧﺎﻟﻪ ﺣﻤﻴﺪﺍ ..
ﺳﻌﻴﺪﻩ : ﻉ ﺟﺜﺘﻲ ﻳﺎﻋﺰﻳﺰﺓ ﻉ ﺟﺜﺘﻲ ..
ﺍﻣﺎﻝ : ﺑﺎﻫﻲ ﺍﻟﻠﻲ ﻋﺮﻓﻨﺎ ﺑﻜﺮﻱ ﺑﻜﺮﻱ .
ﺧﺸﺖ ﺭﺯﺍﻥ ﻋﻠﻴﻬﻢ ﺑﻌﺪ ﺟﺖ ﻣﻦ ﺩﺍﺭﻫﺎ ..
ﻋﺰﻳﺰﺓ : ﺍﻳﻪ ﻗﺼﺘﻪ ﺗﻨﺤﻞ ..
ﺭﺯﺍﻥ : ﺍﺻﻼ ﺭﺍﻧﻴﺎ ﺧﻄﺒﺘﻬﺎ ﺑﻨﺖ ﺧﺎﻟﻬﻢ ﻟﻮﻟﺪﻫﺎ ..
ﺳﻌﻴﺪﻩ ﺑﺮﻓﻌﺔ ﺣﻮﺍﺟﺐ : ﻛﻴﻒ ..
ﺭﺯﺍﻥ : ﻭﺣﺪﻩ ﺍﺳﻤﻬﺎ ﺍﻣﻴﻨﻪ ﻛﻠﻤﺖ ﺯﻳﻨﺐ ﻋﻨﻬﺎ ﻭﺯﻳﻨﺐ ﻋﺎﺟﺒﻬﺎ ﻭﺗﺒﻲ ﺗﻮﺍﻓﻖ ..
ﺍﻣﺎﻝ ﺑﻀﺤﻜﻪ؛ﺍﻧﺤﻠﺖ ﺧﻼﺹ .. ﻭﺑﻌﺪﻳﻦ ﻧﻘﻮﻟﻚ ﻣﺴﺘﺤﻴﻞ ﺯﻳﻨﺐ ﺗﻔﻮﺕ ﻧﺎﺱ ﻛﻴﻔﻬﻢ ..
ﺳﻌﻴﺪﻩ : ﻓﻲ ﺳﺘﻴﻦ ﺩﺍﻫﻴﻪ ﻫﻲ ﻭﻫﻤﺎ ﺍﻟﻤﻬﻢ ﻭﻟﺪﻱ ﻳﻔﺘﻚ ﻣﻨﻬﻦ ..
ﻋﺰﻳﺰﺓ : ﺣﺘﻰ ﺍﻟﻔﺮﺧﻪ ﺭﺍﻧﻴﺎ ﺗﻮ ﺗﻔﻮﺕ ﺭﻣﺰﻱ ﻟﻤﺎ ﺗﻌﺮﻑ ﺑﺎﻟﻤﻮﺿﻮﻉ ﻓﻲ ﻭﺣﺪﻩ ﻋﺎﻗﻠﻪ ﺿﻴﻊ ﻧﺎﺱ ﻛﻴﻒ ﻫﺪﻳﻢ !! ؟
ﺳﻌﻴﺪﻩ : ﻭﺧﻴﺮﻩ ﺭﻣﺰﻱ ﺭﺍﺟﻞ ﻭﺍﻟﻒ ﻭﺣﺪﻩ ﺗﺘﻤﻨﻰ ﻏﻴﺮ ﻳﺸﺒﺤﻠﻬﻦ ﺧﺴﺎﺭﺓ ﻓﻔﺴﺨﺔ ﺍﻟﻤﻌﻔﻨﻪ ﺑﻨﺖ ﺯﻳﻨﺐ ..
ﺍﻣﺎﻝ : ﺍﻟﻤﻬﻢ ﺗﻮﺍ ﺧﻠﻮﻧﺎ ﻧﺮﺟﻌﻮﺍ ﻟﻤﻮﺿﻮﻋﻨﺎ .. ﺍﻣﺘﻰ ﻧﻌﺪﻭﺍ ﻟﻌﻴﺖ ﻋﺒﻮﺩﺓ ..
ﺳﻌﻴﺪﻩ : ﺍﻣﻲ ﺷﻨﻮ ﻗﺎﻟﺖ ..
ﺍﻣﺎﻝ : ﺍﻣﺘﻰ ﺣﻨﻲ ﻧﺒﻮﺍ ..
ﻋﺰﻳﺰﺓ : ﺧﻼﺹ ﻧﻬﺎﺭ ﺍﻹﺭﺑﻌﺎ ..
ﺭﺯﺍﻥ : ﻟﻴﺶ ﻣﺎﻣﺎ ..
ﺳﻌﻴﺪﻩ : ﺑﻨﻌﺪﻭﺍ ﻧﺨﻄﺒﻮﺍ ﺍﺑﻠﻪ ﻣﺮﺍﻡ ﻟﺨﺎﻟﻚ ﺳﻠﻴﻤﺎﻥ ..
ﺭﺯﺍﻥ ﺍﺑﺘﺴﻤﺖ ﻭﻗﺎﻟﺖ : ﺳﻤﺤﻪ ﻭﺍﺟﺪ ﻭﻃﻴﺒﻪ ﺧﻴﺮ ﻣﻦ ﺍﻟﻌﺰﺍﻳﺰ ﻫﺪﻳﻜﻨﻪ ".. ﻧﺴﺎﻭﻳﻦ ﺧﻮﺍﻟﻬﺎ "
ﺍﻣﺎﻝ ﻭﻋﺰﻳﺰﺓ ﻭﺳﻌﻴﺪﻩ : ﻫﻬﻬﻬﻬﻬﻬﻬﻬﻬﻬﻬﻪ
🍃 ﺑﺲ ﻭﻫﻤﺎ ﻳﻀﺤﻜﻮﺍ ..
ﻓﻲ ﺣﺪ ﻛﺎﻥ ﺗﺤﺖ ﺭﻭﺷﻦ ﺍﻟﻜﻮﺟﻴﻨﻪ ﻣﺼﺪﻭﻡ ﺑﻌﺪ ﺳﻤﻊ ﻛﻼﻣﻬﻢ ﺍﻟﻠﻲ ﺣﺮﻗﻠﻪ ﻗﻠﺒﻪ ﺣﺮﻕ ...
ﻃﻮﻝ ﻧﺎﺽ ﻭﻣﺸﻲ ﻉ ﺗﺮﻛﻴﻨﻪ ﻭﺩﺍﺭ ﻣﻜﺎﻟﻤﻪ ..
ﻭﺑﻌﺪﻫﺎ ﻣﺸﻲ ﻃﻮﻝ ﻟﻠﺤﻮﺵ ﺍﻟﻘﺪﻳﻢ ..
🍁🍁🍁🍁
ﺍﻣﺎﻻ ﻛﺎﻥ ﺗﺸﻮﻓﻮﺍ ﺩﺑﺶ ﺩﻻﻝ ﻭﺣﻤﻮﺍﺗﻬﺎ ﻳﺎﻛﺒﺪﻱ .. ﻫﺪﻯ ﻏﻴﺮ ﺍﻟﺬﻫﺐ ﺍﻟﻠﻲ ﻳﻠﺒﺴﻦ ﻓﻴﻪ ..
ﻧﺠﺎﺡ " ﺍﺧﺖ ﺳﻤﻴﻪ :" ﻃﺒﻴﻌﻲ ﺍﺻﻼ ﻧﺎﺱ ﻛﻴﻔﻬﻢ ﺑﻴﻜﻮﻥ ﻫﻜﻲ ﻭﺿﻌﻬﻢ ..
ﻧﺴﺮﻳﻦ " ﺍﺧﺘﻬﻢ ﺍﻟﺘﺎﻧﻴﻪ :" ﺑﺘﺮﻭﺣﻲ ﺍﻟﻠﻴﻠﻪ ﻭﻻ ﺑﺘﺒﺎﺗﻲ ..
ﺳﻤﻴﻪ : ﺑﻨﺒﺎﺕ ﺑﻴﺶ ﻏﺪﻭﺓ ﻗﺒﻞ ﻧﻌﺪﻱ ﻟﺘﺎﻟﺖ ﺣﻤﻴﺪﻩ ﻧﻮﺗﻲ ﺭﻭﺣﻲ ﻫﻨﺎ ﻭﺗﻤﻜﻴﺠﻨﻲ ﻣﻨﻴﺮﺓ ..
ﻧﺠﺎﺡ : ﺷﻦ ﺑﺘﻠﺒﺴﻲ ..
ﺳﻤﻴﻪ ﺑﺈﺳﺘﻴﺎﺀ : ﻗﻔﻄﺎﻧﻚ ﺍﻟﻠﻲ ﻋﻄﺘﻬﻠﻲ ..
ﻧﺠﺎﺡ : ﺍﻫﺎ ﻳﺠﻲ ﻣﻌﺎﻩ ﻣﻜﻴﺎﺝ ﺳﻤﺢ ..
ﻫﺰﺕ ﺭﺍﺳﻬﺎ ﺑﺈﻳﺠﺎﺏ ﻭﻫﻲ ﻣﻀﺎﻳﻘﻪ ..
ﻧﺴﺮﻳﻦ : ﺧﻴﺮﻙ ﺳﻤﻴﻪ ..
ﺳﻤﻴﻪ ﺑﻀﻴﻖ : ﺣﺎﻟﻲ ﻣﺶ ﻋﺎﺟﺒﻨﻲ ﺑﻜﻞ .. ﻭﻧﻔﻜﺮ ﻓﻲ ﺟﻴﺎﺑﻲ ﻛﻴﻒ ﻧﺪﻳﺮ .. ﻭﻃﺎﻳﺢ ﺍﻟﺴﻌﺪ ﺍﻟﻠﻲ ﻭﺍﺧﺪﺗﻪ ﺍﻟﻠﻲ ﻧﻘﻮﻟﻪ ﻋﻠﻴﻬﺎ ﻳﻘﻮﻟﻲ ﻣﺎﻋﻨﺪﻳﺶ ..
ﻧﺠﺎﺡ : ﺍﻟﺮﺍﺟﻞ ﺣﻂ ﺍﻟﻠﻲ ﻋﻨﺪﻩ ﻛﻠﻪ ﻓﻲ ﺍﻟﺤﻮﺵ ﻭﺍﻟﻌﺮﺱ ﻭﺍﻧﺘﻲ ﻋﺎﺭﻓﻪ ﻛﻮﻳﺲ .. ﻣﺎﺗﺰﻳﺪﻫﺎﺵ ﻋﻠﻴﻪ ..
ﻧﺴﺮﻳﻦ : ﻭﺍﻟﻠﻪ ﻟﻮ ﻛﻨﺖ ﻣﻜﺎﻧﻚ ﺍﻟﻬﺎﺩﻱ ﻫﺪﻯ ﻧﺤﻄﻪ ﺗﺎﺝ ﻉ ﺭﺍﺳﻲ ﺍﻟﻠﻲ ﻛﺎﻥ ﻣﻌﺎﻱ ﺭﺍﺟﻞ ﻭﻭﻓﻲ ﺑﻜﻠﻤﺘﻪ ﻭﺩﺍﺭ ﺍﻟﻤﺴﺘﺤﻴﻞ ﺑﻴﺶ ﻳﺎﺧﺪﻧﻲ ..
ﺳﻤﻴﻪ : ﻫﺪﻯ ﻛﻠﻪ ﻛﻼﻡ ﻓﺎﺿﻲ .. ﻣﺎﻳﺪﻳﺮ ﺷﻲ ﻻﻳﺸﺮﻱ ﻭﻻﻳﺒﻴﻊ ..
ﻧﻘﻮﻟﻬﺎ ﻭﺑﻜﻞ ﺻﺮﺍﺣﻪ ﻧﺎﺩﻣﻪ ﻧﺎﺩﻣﻪ .. ﺑﻨﺎﻛﻞ ﺍﻟﺠﻴﻔﻪ ..
ﻧﺠﺎﺡ ﺑﺼﺪﻣﻪ : ﺷﻦ ﺗﻘﻄﻔﻲ ﺍﻧﺘﻲ ﺧﻴﺮﻙ؟؟
ﻧﺴﺮﻳﻦ : ﻫﺒﻠﺘﻲ !! ؟
ﺳﻤﻴﻪ ﻧﺎﺿﺖ ﻣﻦ ﺣﺪﺍﻫﻢ ﻭﺩﻣﻮﻋﻬﺎ ﻳﻨﺰﻟﻮﺍ ﻭﺧﺸﺖ ﺩﺍﺧﻞ ..
🍁🍁🍁🍁🍁🍁
ﻭﻫﻲ ﻋﻨﺪﻫﺎ ﻋﻠﻢ !! ؟
ﻏﺎﻟﻴﻪ : ﻻ ﻣﺎﺗﻌﻠﻤﺶ ﻟﻌﻨﺪ ﺗﻮ ..
ﺭﻣﺰﻱ ﺑﺨﻮﻑ : ﻭﻋﻤﺘﻲ ﺷﻨﻲ ؟
ﻏﺎﻟﻴﻪ ﺗﻨﻬﺪﺕ ﺑﻀﻴﻖ ﻭﺯﻋﺖ ﻧﻈﺮﻫﺎ ﻉ ﺍﻟﺤﻮﺵ ﺑﻌﺪﻳﻦ ﺷﺒﺤﺘﻠﻪ ﻭﻗﺎﻟﺖ : ﺭﻣﺰﻱ ﺣﺒﻴﺒﻲ .. ﻓﻲ ﺣﺎﺟﺎﺕ ﻓﻲ ﺍﻟﺪﻧﻴﺎ ﻧﺘﻤﻨﻮﻫﺎ ﻭﻧﺤﺎﺳﺒﻮﺍ ﺳﻬﻞ ﺍﻧﻬﺎ ﺗﺼﻴﺮ .. ﻟﻜﻦ ﻓﻲ ﻣﻮﺍﻗﻒ ﺗﺼﻴﺮ ﻭﺍﺟﺪﻩ ﺗﺒﻴﻦ ﺍﻧﻬﺎ ﻣﺴﺘﺤﻴﻠﻪ ..
ﻗﺎﻃﻌﻬﺎ ﺑﻌﺪ ﺑﻠﻊ ﺭﻳﻘﻪ ﻭﻗﺎﻝ : ﺍﺧﺘﺼﺮﻱ ﻳﺎﻏﺎﻟﻴﻪ .
ﺗﻌﺒﻮﺍ ﻋﻴﻮﻧﻬﺎ ﺩﻣﻮﻉ ﻭﻫﻲ ﺗﺸﻮﻓﻠﻪ ﻗﺎﻟﺖ : ﺍﻧﺖ ﻭﺭﺍﻧﻴﺎ ﻣﺴﺘﺤﻴﻞ ﻳﺼﻴﺮ ﻣﻨﻜﻢ ﻭﻟﺪﻱ ..
ﺗﻘﻮﻝ ﻣﻦ ﻏﺮﺱ ﻣﻮﺱ ﻓﺼﺪﺭﻩ ﻟﻤﺎ ﺳﻤﻊ ﺟﻤﻠﺘﻬﺎ ﺍﻷﺧﻴﺮﻩ .. ﻭﻣﺶ ﻣﺼﺪﻕ ﺍﻥ ﺍﻛﺜﺮ ﺍﻧﺴﺎﻧﻪ ﻭﻗﻔﺖ ﻣﻌﺎﻫﻢ ﻭﺷﺠﻌﺘﻬﻢ ﻭﻫﻲ ﺍﻟﻠﻲ ﻭﺻﻠﺘﻬﻢ ﺑﺒﻌﺾ .. ﺗﻮﺍ ﺟﺎﻳﻪ ﺗﻘﻮﻟﻪ ﻣﺴﺘﺤﻴﻞ ﻳﺼﻴﺮ ﻣﻨﻜﻢ ..
ﺗﻌﺮﻓﻮﺍ ﻣﻦ ﻗﻮﺓ ﺍﻷﻟﻢ ﺍﻟﻠﻲ ﺳﺒﺒﺘﻬﻮﻟﻪ ﻫﺎﻟﺠﻤﻠﻪ ..
ﺷﺎﻓﺖ ﻏﺎﻟﻴﻪ ﻗﺪﺍﻣﻬﺎ ﺣﺎﺟﻪ ﻟﻴﻬﺎ ﺳﻨﻴﻦ ﻣﺎﺭﺗﻬﺎﺵ ﻋﻠﻴﻪ ..
ﻋﻴﻮﻧﻪ ﻏﺰﺭﻭﺍ ﺑﺪﻣﻌﺘﻬﻢ ... ﻭﻃﺎﺣﺖ ﺩﻣﻌﻪ ﻣﻦ ﺍﻟﻌﻴﻦ ﺍﻹﻳﺴﺎﺭ ..
ﻭﻫﻮ ﻣﺎﺯﺍﻝ ﻣﺤﺎﻓﻆ ﻉ ﻣﻼﻣﺢ ﺍﻟﻐﻀﺐ ﻉ ﻭﺟﻬﻪ ..
ﻏﺎﻟﻴﻪ ﺑﺼﺪﻣﻪ : ﺭﻣﺰﻱ !
ﺭﻓﻊ ﺣﻮﺍﺟﺒﻪ ﻭﺯﻓﺮ ﺑﻘﻮﺓ ﻭﻗﺎﻝ : ﺗﻌﺮﻓﻲ .. ﺍﺣﻤﻢ .. ﺗﻌﺮﻓﻲ ﻛﺎﻥ ﺭﺍﻧﻴﺎ ﻳﺎﺧﺪﻫﺎ ﻏﻴﺮﻱ .... ﻧﺪﻳﺮ ﺍﻟﻌﺒﻴﺘﺮ ﺍﻷﺳﻮﺩ ..
ﻭﻟﻒ ﻭﻃﻠﻊ ﻃﻮﻝ ﻣﻦ ﻓﻢ ﺍﻟﺒﻮﺍﺑﻪ ﻭﻫﻮ ﻳﺴﻤﺢ ﻓﻲ ﺩﻣﻮﻋﻪ ﺑﻌﻨﻒ ..
ﻭﻏﺎﻟﻴﻪ ﺍﻟﻠﻲ ﻧﺰﻟﻮﺍ ﺩﻣﻮﻋﻬﺎ ﻗﻠﺒﻬﺎ ﺍﻧﻘﺒﺾ ﺑﻘﻮﺓ ..
🍁 ﻣﻌﺮﻭﻑ ﻋﻨﻪ ﻃﺒﻌﻪ ﺣﺎﺭ ﻭﻭﺍﻋﺮ ﻣﺎ ﻳﺘﺤﻤﻠﺶ ﺣﺪ ﻳﺎﺧﺪ ﻣﻨﻪ ﺷﻲ ﻫﻮ ﻣﺎﻳﺒﻴﺶ ﻳﻌﻄﻴﻪ ﻭﻻﻳﺴﻠﻢ ﻓﻲ ﺣﺎﺟﻪ ﻏﺎﻟﻴﻪ ﻋﻠﻴﻪ .
ﻳﺎﺑﺎﻝ ﺍﻟﺒﻨﺖ ﺍﻟﻠﻲ ﻳﺤﺒﻬﺎ ﻭﻳﺒﻴﻬﺎ ﻣﻦ ﺻﻐﺮﻩ ﻭﻣﺎﻳﺒﻲ ﺷﻲ ﻣﻦ ﺍﻟﺪﻧﻴﺎ ﻏﻴﺮﻫﺎ ..
ﻏﻴﺮ ﻫﻜﻲ ﻫﻮ ﻣﺎﺯﺍﻝ ﻳﻌﺘﺒﺮ ﺻﻐﻴﺮ ﻓﻲ ﺳﻨﻪ ﻣﺎﻓﺎﺗﺶ 20 ﺳﻨﻪ ..
ﻳﻌﻨﻲ ﻋﻮﺍﻃﻔﻪ ﺣﺘﻜﻮﻥ ﻣﻨﺠﺮﻓﻪ ﻭﺣﺘﺤﻜﻢ ﻓﻲ ﻣﻜﺎﻥ ﻋﻘﻠﻪ ..
ﻳﻌﻨﻲ ﻣﺘﻮﻗﻊ ﻣﻦ ﺷﺎﺏ ﻓﻴﻪ ﻫﺪﺍ ﻛﻠﻪ ﺍﻱ ﺷﻲ ..
🍁 ﻣﺴﺤﺖ ﺩﻣﻮﻋﻬﺎ ﻏﺎﻟﻴﻪ ﻭﻃﻮﻝ ﻃﻠﻌﺖ ﻣﻦ ﺍﻟﺤﻮﺵ ﺍﻟﻘﺪﻳﻢ ﻣﺘﻮﺟﻬﻪ ﻟﻠﺤﻮﺵ ..
ﻭﺣﺎﻣﻠﻪ ﻉ ﺻﺪﺭﻫﺎ ﺍﺛﻘﺎﻝ ﻫﻤﻮﻡ ﻣﺘﺠﻤﻌﻪ 💔
🍁🍁🍁🍁🍁🍁🍁🍁
ﺑﺲ ﻓﻲ ﻣﻜﺎﻥ ﺗﺎﻧﻲ ..
ﺳﺮﺕ 💓
ﻓﻲ ﺣﻮﺷﻬﻢ ..
ﻓﻲ ﻋﺸﻬﻢ ﺍﻟﺠﻤﻴﻞ 💕💕
ﻛﺎﻧﻮﺍ ﻳﺘﺒﺎﺩﻟﻮﺍ ﻓﻲ ﺍﻷﺷﻮﺍﻕ 💓
ﻳﺪﻭﺏ ﻳﺮﻭﺍ ﻓﻲ ﻋﻄﺶ ﻋﺸﻘﻬﻢ 💕
ﺭﻥ ﺍﻟﺘﻠﻴﻔﻮﻥ ..
ﺑﻌﺪ ﻭﻫﻮ ﻳﺸﻮﻓﻠﻬﺎ : ﺍﺍﺍﻩ ﻳﺎﺳﻤﺤﻪ ﺍﻧﺘﻲ ﺩﻳﻤﺎ ﺫﺍﻫﺒﻪ ﺷﻴﺮﺗﻲ ﻧﺴﻴﺖ ﺍﻟﺮﺍﺟﻞ ﻣﺮﺓ ..
ﺿﺤﻜﺖ ﻭﻭﺟﻬﻬﺎ ﻣﺤﻤﺮ ﻣﻦ ﺍﻟﺨﺠﻞ 💕
ﻭﺧﺮ ﻭﻣﺸﻲ ﻟﻠﺰﻳﺎﻧﻪ ﺧﺪﻱ ﺗﻠﻴﻔﻮﻧﻪ ﻭﻗﺎﻝ : ﻋﻤﺮﻱ ﺳﺎﻋﻪ ﺯﻣﺎﻥ ﻣﺶ ﻣﻌﻄﻞ 💓💓
ﺩﻻﻝ ﺑﺈﺑﺘﺴﺎﻣﻪ : ﻭﺍﻧﺎ ﻓﻲ ﺍﻧﺘﻈﺎﺭﻙ 💓
ﺗﻨﻬﺪ ﻭﻫﻮ ﺭﺍﻓﻊ ﺣﻮﺍﺟﺒﻪ .. ﺑﻌﺪﻳﻦ ﻟﻒ ﻭﻃﻠﻊ ﺑﺴﺮﻋﻪ ..
ﻭﺩﻻﻝ ﺗﻀﺤﻚ ..
ﻃﺒﻌﺎ ﻫﻲ ﻛﺎﻥ ﺗﺒﻴﻪ ﻳﻄﻠﻊ ﺑﺶ ﺗﺠﻬﺰ ﻧﻔﺴﻬﺎ ﻟﻴﻪ ﻭﻳﻘﻀﻮﺍ ﻣﻊ ﺑﻌﺾ ﻟﻴﻠﻪ ﻣﻦ ﺍﺟﻤﻞ ﻟﻴﺎﻟﻲ ﺍﻟﻌﻤﺮ 💕
ﺑﺲ ﻓﻲ ﺍﻟﻠﻲ ﻗﺎﻋﺪ ﻳﻨﺤﺮﻕ ﺑﻨﺎﺭ ﺍﻟﻐﻴﺮﺓ ﻭﺍﻟﺤﻘﺪ ﻭﻣﺶ ﻧﺎﻭﻱ ﻉ ﺧﻴﺮ ..
ﺭﺍﻗﺪﻩ ﻉ ﺳﺮﻳﺮﻫﺎ ﻭﻫﻲ ﺗﺒﻜﻲ .. ﻭﺗﺬﻛﺮ ﻛﻴﻒ ﺗﺠﺎﻫﻠﻬﺎ ﺗﻤﺎﻣﺎ ﺭﻏﻢ ﻛﻞ ﺍﻟﻠﻲ ﺩﺍﻳﺮﺍﺗﻪ ﺑﺶ ﺗﻠﻔﺘﻠﻪ ﻧﻈﺮﻩ ﺑﺲ ﻣﻊ ﺍﻷﺳﻒ ﻭﻻ ﻋﺒﺮ ﻭﺟﻮﺩﻫﺎ ﺍﺻﻼ ...
🍃 ﺗﻨﻼﻡ ﻭﻣﺎﺗﻨﻼﻣﺶ ..
ﺑﺲ ﻳﻌﻨﻲ ﻣﻦ ﺍﻟﺒﺪﺍﻳﻪ ﻫﻮ ﺣﻄﻬﺎ ﻓﻲ ﺍﻟﺼﻮﺭﺓ ...
ﻭﻫﻲ ﻗﺒﻠﺖ ...
ﻟﻜﻦ ﻫﻲ ﻣﺎﻛﺎﻧﺶ ﻋﻨﺪﻫﺎ ﺧﻴﺎﺭ ﻗﺪﺍﻡ ﻃﻐﻴﺎﻥ ﺳﻠﻄﺔ ﺍﻟﻌﺎﺩﺍﺕ ..
ﺍﻭﻭﻑ ..
ﺑﺼﺮﺍﺣﻪ ... ﻟﻶﻥ ﻣﺶ ﻗﺎﺩﺭﺓ ﻧﺤﺪﺩ ﺍﺫﺍ ﻛﺎﻧﺖ ﻫﻨﺪﺍ ﺿﺤﻴﻪ ﺍﻭ ﺟﻼﺩ 🍃
ﺯﻱ ﻣﺠﺪﻭﻟﻴﻦ ..
ﺑﺲ ﺑﺼﺮﺍﺣﻪ ﻣﺠﺪﻭﻟﻴﻦ ﻭﺍﺿﺢ ﺍﻧﻬﺎ ﺿﺤﻴﻪ ...
ﺿﺤﻴﻪ ﺗﺴﺮﻉ ﻫﺎﻧﻴﺒﺎﻝ ...
ﺑﺲ ﻫﻮ ﻣﺎﺗﺴﺮﻋﺶ ... ﻳﻌﻨﻲ ﻛﺎﻥ ﻳﻌﻠﻢ ﺑﺎﻟﻐﻴﺐ ..
ﻛﺎﻥ ﻳﻌﻠﻢ ﺍﻥ ﺣﺒﻪ ﺍﻟﻘﺪﻳﻢ ﺍﻟﻤﺤﻔﻮﺭ ﻓﻲ ﺟﺪﺭﺍﻥ ﺍﻟﻘﻠﺐ ﺣﻴﺮﺟﻊ ﻳﻄﻠﻊ ﻗﺪﺍﻣﻪ ﻣﻦ ﺟﺪﻳﺪ؟ ..
ﻻ ﻭﻓﻲ ﻭﻗﺖ ﺍﺑﺪﺍ ﺍﺑﺪﺍ ﻣﺶ ﻣﻨﺎﺳﺐ ...
ﻭﻻ ﻣﻤﻜﻦ ﻳﻜﻮﻥ ﻣﻨﺎﺳﺐ؟
ﻻ ﺍﻛﻴﺪ ﻣﻨﺎﺳﺐ ﺩﺍﻡ ﻗﺪﺭ ﺍﻟﻠﻪ ﻫﻜﻲ ...
ﺑﺲ ﺍﻟﺤﻜﻤﻪ ﺍﻹﻟﻬﻴﻪ ﻏﺎﻟﺒﺎ ﺗﻨﻌﺮﻑ ﺑﻌﺪ ﻭﻗﺖ ﻃﻮﻳﻞ ...
ﺑﺲ ﻓﻲ ﺍﻟﻮﻗﺖ ﺍﻟﺤﺎﻟﻲ ..
ﻫﻮ ﻳﻜﻠﻢ ﻓﻲ ﻣﺮﺗﻪ ﻓﻲ ﺍﻟﺘﻠﻴﻔﻮﻥ ﻭﻛﺎﻥ ﻳﻘﺎﻭﻡ ﻭﻳﻘﺎﻭﻡ ... ﻭﻳﺠﺎﻫﺪ ﻗﻲ ﻧﻔﺴﻪ ﺑﺶ ﻳﺘﻘﺒﻞ ﺷﻲ ﻗﻠﺒﻪ ﺭﺍﻓﻀﻪ ﻭﺑﻘﻮﺓ ..
ﺍﻣﺎ ﻫﻲ ﻓﻜﺎﻧﺖ ﺗﺒﻲ ﺗﺤﺎﻭﻝ ﺗﺠﻴﺒﻠﻪ ﺳﻴﺮﺓ ﻋﻦ ﺍﻟﻠﻲ ﻋﺮﻓﺎﺗﻪ ﺑﺲ ﻣﻊ ﺍﻷﺳﻒ ﻣﺎﻗﺪﺭﺗﺶ .. ﻟﻜﻦ ..
ﻣﺠﺪﻭﻟﻴﻦ : ﺣﺒﻴﺒﻲ ﺍﻣﺘﻰ ﺗﺠﻲ ﻟﻄﺮﺍﺑﻠﺲ ..
ﻫﺎﻧﻴﺒﺎﻝ : ﻛﺎﻥ ﺳﺨﺮ ﺍﻟﻠﻪ .. ﺍﻟﺴﺒﺖ ﻫﺪﻯ ﻻ ﺍﻟﺴﺒﺖ ﺍﻟﻠﻲ ﺑﻌﺪﻩ ..
ﻣﺠﺪﻭﻟﻴﻦ : ﺗﻤﺎﻡ ﻧﺒﻲ ﻧﺸﻮﻓﻚ ﺣﺒﻴﺒﻲ ﺑﺎﻫﻲ؟
ﻫﺎﻧﻴﺒﺎﻝ ﺍﺑﺘﺴﻢ ﺑﻀﻴﻖ ﻭﻫﺰ ﺭﺍﺳﻪ ﺑﺈﻳﺠﺎﺏ ﻭﻗﺎﻝ : ﺑﺎﻫﻲ ..
🍁🍁🍁🍁
ﻭﺍﻩ ﻳﺎﻗﺪﺍﺵ ﻓﻬﺎﻟﺤﻴﺎﻩ ﻓﻲ ﺿﺤﺎﻳﺎ .. ﺫﻧﺒﻬﻢ ﺍﻟﻮﺣﻴﺪ ﺍﻧﻬﻢ ﺣﺒﻮﺍ ﺑﻌﺾ ﻓﻲ ﻇﺮﻭﻑ ﻏﻴﺮ ﻣﻮﺍﺗﻴﻪ ..
ﻭﻣﺤﻴﻂ ﻻﻳﻤﻜﻦ ﻳﻘﺒﻞ ﺣﺒﻬﻢ ..
ﻛﺎﻧﺖ ﺗﺘﺼﻞ ﺑﻴﻪ ...
ﻣﺎﻳﺮﺩﺵ ..
ﺗﺒﻌﺖ ﻓﻲ ﺍﻟﺮﺳﺎﻳﻞ ...
ﻣﺎﻳﺪﻭﺭﺵ ..
ﺧﺎﻓﺖ ﻫﻠﺒﻪ ..
ﻧﺎﺿﺖ ﻭﻣﺸﺖ ﻟﻠﺪﺍﺭ ﺍﻟﺘﺎﻧﻴﻪ ..
ﻭﺍﻗﻔﻪ ﻣﻦ ﺑﻌﻴﺪ ﺍﺷﺮﺕ ﻟﺨﺎﻟﺘﻬﺎ ﺍﻟﻠﻲ ﺷﺒﺤﺘﻠﻬﺎ ﺑﻌﻴﻮﻧﻬﺎ ..
ﺧﺎﻟﺘﻬﺎ ﻓﻬﻤﺖ ﻭﻧﺎﺿﺖ ﺑﻬﺪﻭﺀ ﻭﻃﻠﻌﺖ ﻭﻟﺤﻘﺘﻬﺎ ..
ﻭﺻﻠﻮﺍ ﻟﻠﻜﻮﺟﻴﻨﻪ ..
ﺭﺍﻧﻴﺎ ﺑﺨﻮﻑ : ﺧﻮﻳﻠﻪ ﻧﺘﺼﻞ ﺑﺮﻣﺰﻱ ﻫﻠﺒﻪ .. ﻭﻧﺒﻌﺖ ﻓﺮﺳﺎﻳﻞ ﻣﺎﻳﺮﺩﺵ .. ﺍﻧﻲ ﺧﺎﻳﻔﻪ ..
ﺧﺎﻓﺖ ﻏﺎﻟﻴﻪ ﻷﻧﻬﺎ ﺗﻌﺮﻑ ﺍﻟﺤﺎﻟﻪ ﺍﻟﻠﻲ ﻛﺎﻥ ﻋﻠﻴﻬﺎ ﻟﻤﺎ ﻃﻠﻊ ﻣﻦ ﺣﺪﺍﻫﺎ ..
ﻃﻮﻝ ﻣﺸﺖ ﻟﺪﻭﻻﺏ ﺍﻟﻜﻮﺟﻴﻨﻪ ﻭﻳﻦ ﻣﺎﺗﻌﻮﺩﺕ ﺗﺨﻠﻲ ﺗﻠﻴﻔﻮﻧﻬﺎ ..
ﻭﻃﻮﻝ ﺍﺗﺼﻠﺖ ﺑﻴﻪ ..
ﻧﺎﺩﻱ ... ﻣﺮﺓ .. ﺍﺗﻨﻴﻦ ﻓﻲ ﺍﻟﺘﺎﻟﺘﻪ ﻓﺘﺢ ﺍﻟﺨﻂ ..
ﻏﺎﻟﻴﻪ ﺑﺨﻮﻑ ﻭﻫﻲ ﺗﺸﺒﺢ ﻟﺮﺍﻧﻴﺎ : ﺭﻣﺰﻱ ! ؟
ﺭﻣﺰﻱ : ﺍﻳﻮﻩ .
ﻏﺎﻟﻴﻪ : ﻭﻳﻨﻚ ﺍﻧﺖ .
ﺭﻣﺰﻱ : ﺗﻮﺍ ﻛﻴﻒ ﺧﺸﻴﺖ ﺍﻟﻘﻄﻌﻪ ..
ﺭﺍﻧﻴﺎ ﺗﺸﺒﺢ ﻟﺨﺎﻟﺘﻬﺎ ﺑﺈﺳﺘﻐﺮﺍﺏ ..
ﻏﺎﻟﻴﻪ : ﺑﺎﻫﻲ .. ﺗﺼﺒﺢ ﻉ ﺧﻴﺮ ..
ﺭﻣﺰﻱ : ﻗﺪﺍﻣﻚ ﻛﻞ ﺧﻴﺮ .. ﻭﺻﻜﺮ ..
ﺭﺍﻧﻴﺎ ﻭﻫﻲ ﺗﺸﻮﻑ ﻟﺨﺎﻟﺘﻬﺎ ﻛﻴﻒ ﺗﺼﻜﺮ ﻓﻲ ﺍﻟﺘﻠﻴﻔﻮﻥ : ﻋﻼﺵ ﻣﺎﻗﻠﺘﻴﻼﺵ ﺍﻧﻲ ﻧﺴﺄﻝ ﻋﻠﻴﻪ؟؟
ﻏﺎﻟﻴﻪ ﺗﺸﺒﺤﻠﻬﺎ ﺑﺤﺰﻥ ﻭﻣﺶ ﻗﺎﺩﺭﺓ ﺗﺮﺩ ..
ﺭﺍﻧﻴﺎ : ﺍﺻﻼ ﻫﻮ ﻋﻼﺵ ﻣﺎﻳﺮﺩﺵ ﻋﻠﻴﺎ ..
ﻏﺎﻟﻴﻪ ﻏﻴﺮﺕ ﻋﻴﻮﻧﻬﺎ ﻋﻨﻬﺎ ﻭﻫﻲ ﺗﺤﺎﻭﻝ ﺗﺸﺪ ﺩﻣﻌﺘﻬﺎ ﺑﺶ ﻣﺎﺗﻨﺰﻟﺶ ..
ﺭﺍﻧﻴﺎ ﺩﻣﻮﻋﻬﺎ ﻧﺰﻟﻮﺍ : ﺧﺎﻟﺘﻲ ﺷﻦ ﻓﻲ ..
ﺗﻨﻬﺪﺕ ﻏﺎﻟﻴﻪ ﻭﺷﺒﺤﺘﻠﻬﺎ ..
ﻭﺑﺪﺕ ﺗﺤﻜﻴﻠﻬﺎ ﻉ ﺍﻟﻠﻲ ﺻﺎﺭ ...
🍁 ﺍﻣﺎ ﺑﺎﻗﻲ ﺍﻟﺤﻮﺵ ..
ﻓﻜﺎﻧﺖ ﺭﺑﺎﺏ ﻣﻮﻃﻴﻪ ﺍﻟﻌﻴﻦ ﻉ ﺧﺎﻻﺗﻬﺎ ﻧﻌﻴﻤﻪ ﻭﻏﺎﻟﻴﻪ .. ﻭﺣﺘﻰ ﻧﻮﺭ ﺟﺒﺪﺕ ﺭﻭﺣﻬﺎ ﻣﻨﻬﺎ ..
ﺗﻌﻠﻖ ﺭﺑﺎﺏ ﺑﺄﻣﻬﺎ ﺷﺒﻴﻪ ﺟﺪﺍ ﺑﺘﻌﻠﻖ ﺭﺯﺍﻥ ﺑﺄﻣﻬﺎ ..
ﻳﺤﺒﻮﺍ ﻭﻳﻜﺮﻫﻮﺍ ﻭﻳﺎﺧﺪﻭﺍ ﻣﻮﺍﻗﻒ ﺑﻨﺎﺀﺍ ﻉ ﺣﺎﻻﺕ ﺍﻣﻬﺎﺗﻬﻢ ..
🍁🍁🍁🍁🍁🍁
ﻃﺮﺍﺑﻠﺲ ..
ﺣﻲ ﺍﻷﻧﺪﻟﺲ ..
ﻛﺮﻳﻢ ﻫﻠﺒﻪ ﺷﻜﻠﻪ ..
ﻟﻴﻠﻰ : ﻫﻠﺒﻪ ﻳﺎﻟﻤﻴﺎﺀ .. ﻭﻏﻴﻮﺭ ﻫﻠﺒﻪ ﺑﺎﻟﺴﻴﻒ ﻗﻨﻌﺘﻪ ﺑﺨﺪﻣﺘﻲ ﻓﻲ ﺍﺳﺘﻌﻼﻣﺎﺕ ﺍﻟﻌﻴﺎﺩﻩ ..
ﻟﻤﻴﺎﺀ : ﺍﻣﻤﻢ .. ﺣﻠﻮ ﺍﻟﻠﻲ ﻗﻠﺘﻴﻪ .. ﺑﺲ ﺍﻷﻫﻢ ﻣﻦ ﻫﺪﺍ ﻛﻠﻪ ﺍﻧﺘﻲ ﻭﺍﺛﻘﻪ ﻓﻴﻪ؟ﻳﻌﻨﻲ ﻣﺘﺄﻛﺪﻩ ﺍﻥ ﻫﻮ ﺻﺎﺩﻕ ﻣﻌﺎﻙ ﻭﻳﺒﻴﻚ ﺑﺠﺪﻳﻪ؟
ﻟﻴﻠﻰ : ﺍﻛﻴﺪ ﻃﺒﻌﺎ ..
ﻟﻤﻴﺎﺀ : ﻛﻮﻳﺴﻪ ﺍﻟﺜﻘﻪ .. ﺑﺲ ﻻﺯﻡ ﺗﻜﻮﻧﻲ ﺣﺬﺭﺓ ﻭﺗﺮﺩﻱ ﺑﺎﻟﻚ .
ﻟﻴﻠﻰ ﺑﺈﺑﺘﺴﺎﻣﻪ : ﻣﺎﺗﺨﺎﻓﻴﺶ ﻋﻠﻴﺎ ..
ﺍﺑﺘﺴﻤﺖ ﻟﻤﻴﺎﺀ ﻭﻗﺎﻟﺖ : ﻣﺎﻳﻨﺨﺎﻓﺶ ﻋﻠﻴﻚ ﺍﺻﻼ .. ﻣﺴﺘﺤﻴﻞ ﺗﺨﻠﻲ ﺣﺪ ﻳﺠﺮﻱ ﺑﻴﻚ ﻧﻌﺮﻓﻚ ﻋﺎﻗﻠﻪ ..
ﺿﺤﻜﺖ ﻟﻴﻠﻰ ﻭﻧﺎﺿﺖ ﻭﻫﻲ ﺗﻘﻮﻝ : ﺑﺎﻫﻲ ﻧﻮﺿﻲ ﺍﻟﻤﺴﻠﺴﻞ ﺑﻴﺒﺪﺍ ..
ﻧﺎﺿﺖ ﻟﻤﻴﺎﺀ ﻭﻫﻲ ﻣﺒﺘﺴﻤﻪ ﻓﻲ ﻭﺟﻬﻬﺎ ﻭﻣﺠﺮﺩ ﻣﺎﻋﻄﺖ ﻟﻴﻠﻰ ﺑﻘﻔﺎﻫﺎ ... ﺗﻼﺷﺖ ﺍﻹﺑﺘﺴﺎﻣﻪ .. ﻭﺍﻟﻨﻈﺮﻩ ﺍﺻﺒﺤﺖ ﻧﻈﺮﻩ ﺣﺴﺪ ﺻﺎﻓﻲ 🍃
🍁🍁🍁🍁🍁
ﻣﻘﻌﻤﺰ ﻳﺘﻔﺮﺝ ﻉ ﺍﻟﺠﺰﻳﺮﺓ ﺍﻟﺮﻳﺎﺿﻴﻪ ..
ﻭﻗﻌﺪ ﻳﺴﻤﻊ ﻓﻲ ﺗﻠﻴﻔﻮﻧﻪ ﻳﺮﻥ ﻭﻣﺎﻳﺒﻴﺶ ﻳﺮﺩ .. ﻟﺴﺒﺐ ﻭﺍﺣﺪ ..
ﺧﺎﻳﻒ ﻳﻐﻠﻂ ﻣﻌﺎﻫﺎ ﻓﻲ ﺍﻟﺪﻭﺓ ﻭﻻﻳﻘﻮﻝ ﻛﻼﻡ ﻳﺠﺮﺣﻬﺎ ﺑﻴﻪ ..
ﻭﻗﻒ ﺍﻟﺘﻠﻴﻔﻮﻥ ﺭﻥ ..
ﺣﻮﺍﻟﻲ 3 ﺩﻗﺎﻳﻖ ﻭﻫﻮ ﻗﻌﺪ ﻳﺸﻮﻓﻠﻪ ﻭﻳﺮﺍﺟﻲ ﻳﺸﻮﻑ ﺭﻗﻤﻬﺎ ..
ﺑﻌﺪ ﻋﻄﻠﺖ ... ﺷﻮﻳﻪ ..
ﻭﺟﺖ ﺭﺳﺎﻟﻪ ..
" ﻣﺎﻛﻨﺘﺶ ﻧﺤﺴﺎﺑﻚ ﺑﺘﺴﻠﻢ ﻓﻴﺎ ﺑﺎﻟﺴﺎﻫﻞ .. ﺧﺴﺎﺭﺓ .."
ﺟﻦ ﺟﻨﻮﻧﻪ ﻟﻤﺎ ﻗﺮﺍﻫﺎ .. ﻭﻃﻮﻝ ﺍﺗﺼﻞ ﺑﻴﻬﺎ ..
ﻫﻲ ﺭﺩﺕ ﻣﻦ ﺍﻭﻝ ﻣﺎ ﻧﺎﺩﻯ ...
ﺭﺍﻧﻴﺎ ﺑﺼﻮﺕ ﺑﺎﻛﻲ : ﻣﻌﻘﻮﻟﻪ ﻫﻜﻲ ﻳﺎﺭﻣﺰﻱ !! ؟؟
ﺭﻣﺰﻱ : ﻭﺍﻟﻠﻪ ﻳﺎﻋﻤﺮﻱ ﻣﺎﻧﺴﻠﻢ ﻓﻴﻚ ﻟﻮ ﻛﺎﻥ ﻧﻤﻮﺕ .. ﻟﻜﻦ ﺍﻟﻠﻲ ﺳﻤﻌﺘﻪ ﻣﻦ ﻏﺎﻟﻴﻪ ﻣﺎﺧﻼﺵ ﻓﻴﺎ ﻋﻘﻞ .. ﺧﻔﺖ ﻧﺮﺩ ﻋﻠﻴﻚ ﻭﻧﺠﺮﺣﻚ ﺑﻜﻠﻤﻪ ... ﻭﺍﻧﺘﻲ ﺗﻌﺮﻓﻴﻨﻲ ﻟﻤﺎ ﻧﻌﺼﺐ ..
ﺭﺍﻧﻴﺎ : ﻧﻌﺮﻓﻚ ﻟﻤﺎ ﺗﻌﺼﺐ ﻭﻟﻤﺎ ﺗﻜﻮﻥ ﺭﺍﻳﻖ .. ﻧﻌﺮﻓﻚ ﻟﻤﺎ ﺗﻜﻮﻥ ﻣﻀﺎﻳﻖ ﻭﻟﻤﺎ ﻣﺮﺗﺎﺡ .. ﻧﻌﺮﻓﻚ ﻟﻤﺎ ﺗﻜﻮﻥ ﺯﻋﻼﻥ ﻭﻟﻤﺎ ﺗﻜﻮﻥ ﺭﺍﺿﻲ ..
ﻧﻌﺮﻑ ﺷﻦ ﺗﺤﺐ ﻭﺷﻦ ﺗﻜﺮﻩ .. ﻧﻌﺮﻑ ﻛﻞ ﺍﺣﻼﻣﻚ ﻭﻣﺸﺎﺭﻛﺎﺗﻚ ﻓﻴﻬﻢ .. ﺍﻧﻲ ﺣﺎﻓﻈﺎﺗﻚ ﺣﻔﻆ ﺑﻤﻼﻣﺤﻚ ﺑﺤﺮﻛﺎﺗﻚ ﺑﻨﺒﺮﺓ ﺻﻮﺗﻚ ..
ﺍﻧﺖ ﻟﻴﺎ ﻛﻞ ﺷﻲ ﻳﺎﺭﻣﺰﻱ .. ﻧﻤﻮﺕ ﻟﻮ ﻓﻲ ﻳﻮﻡ ﺗﺨﻠﻴﻨﻲ ﻟﻐﻴﺮﻙ ..
ﺭﻣﺰﻱ ﺑﻌﺼﺒﻴﻪ ﻭﺍﻟﺪﻣﻌﻪ ﺍﻟﻐﺎﻟﺒﻪ : ﻧﺨﻠﻴﻚ ﻟﻌﻴﻨﻚ .. ﻭﺩﻳﻨﻲ ﻳﺎﺭﺍﻧﻴﺎ ﻧﻘﺘﻞ ﻉ ﺧﺎﻃﺮﻙ ﺍﻟﻘﺘﻞ .. ﻣﺶ ﺗﻘﻮﻟﻲ ﻛﻼﻡ ﻭﻳﻘﻮﻝ ﻓﻴﻪ ﻭﺧﻼﺹ .. ﺍﻧﺘﻲ ﻏﻴﺮ ﺟﺮﺑﻲ ﺗﺨﻠﻴﻨﻲ ﻭﺗﻌﺪﻱ ﻟﻐﻴﺮﻱ ﻳﺎﺭﺍﻧﻴﺎ ﻭﺷﻮﻓﻲ ﺭﻣﺰﻱ ﺷﻦ ﻳﺪﻳﺮ ..
ﺭﺍﻧﻴﺎ ﺑﻀﺤﻜﻪ ﻣﻦ ﺑﻴﻦ ﺩﻣﻮﻋﻬﺎ : ﻧﺤﺒﻚ ﻭﻧﻤﻮﺕ ﻋﻠﻴﻚ ﻣﻮﺕ 💕
ﺭﻣﺰﻱ ﺿﺤﻚ ﻭﻫﻮ ﻳﻤﺴﺢ ﻓﺪﻣﻮﻋﻪ : ﻻﺯﻡ ﻧﺘﻤﺮﻣﺪ ﺑﻴﺶ ﻧﺴﻤﻌﻬﺎ ..
ﺿﺤﻜﺖ ﻭﻫﻲ ﺗﺴﻤﻊ ﻓﺪﻣﻮﻋﻬﺎ .. ﻭﻫﻮ ﻧﻔﺲ ﺍﻟﺸﻲ ..
ﻭﻛﻤﻠﻮﺍ ﺑﺎﻗﻲ ﻛﻼﻣﻬﻢ ﺍﻟﺤﻠﻮ .. ﻭﻛﺈﻥ ﺷﻴﺌﺎ ﻟﻢ ﻳﻜﻦ ...
ﺑﺲ ﻫﺎﻟﺤﺐ ﻟﻌﻨﺪ ﺍﻣﺘﻰ ﺣﻴﻘﻌﺪ ﺻﺎﻣﺪ ﻓﻲ ﻣﻮﺍﺟﻬﺔ ﻭﺍﻗﻊ ﻣﺮﻳﺮ 🍃
🍁🍁🍁🍁🍁🍁
ﺗﺎﻧﻲ ﻳﻮﻡ ..
ﺍﻟﺴﺎﻋﻪ 5:00 ﻋﺼﺮﺍ ..
ﻛﺎﻧﻮﺍ ﻛﻠﻬﻢ ﻣﺘﺴﻘﺪﻳﻦ ﻟﺤﻮﺵ ﺣﻤﻴﺪﻩ .. ﻳﻮﻡ ﺍﻟﺘﺎﻟﺚ ..
ﺭﻓﻌﻮﺍ ﻣﻌﺎﻫﻢ .. ﺍﻟﺴﻮﻳﻘﻪ .. ﻭﺍﻟﺰﻣﻴﻄﻪ .. ﻭﺍﻟﺤﻮﻳﺮﺓ .. ﻭﺍﻟﺴﻔﻨﺰ ...
ﻫﺎﺩﻱ ﺍﺳﺒﺎﺭﻫﻢ ..
ﻭﻣﻌﺎﻫﻢ ﻣﻜﺴﺮﺍﺕ ﻭﺣﻠﻮﻳﺎﺕ ﺻﻨﺪﻭﻕ ﻣﺸﺮﻭﺏ ﻭﺯﻳﻪ ﻋﺼﻴﺮ ﺭﺍﻧﻲ .. ﺍﻭ ﻛﻤﺎ ﻫﻮ ﻣﻌﺮﻭﻑ ﻗﺒﻞ ﺑﺈﺳﻢ ﻋﺼﻴﺮ " ﺍﻟﺤﺒﻴﺒﺎﺕ "
ﺩﺭﺳﻮﺍ ﺍﻟﺴﻴﺎﺭﺍﺕ ﻭﻧﺰﻟﻮﺍ ..
ﺍﺳﺘﻘﺒﻠﻬﻢ ﺍﻟﺼﺪﻳﻖ ..
ﺍﻟﻨﺴﺎﻭﻳﻦ ﻣﺸﻮﺍ ﺑﺮﻭﺍﺣﻬﻢ ﻟﻠﺤﻮﺵ ..
ﻭﺍﻟﺼﺪﻳﻖ ﺧﺪﻱ ﺍﻟﺮﺟﺎﻟﻪ ﻭﻣﺸﻲ ﺑﻴﻬﻢ ﻟﻤﺮﺑﻮﻋﺘﻬﻢ ﺍﻟﺨﺎﺭﺟﻴﻪ ﺍﻟﻤﺸﺘﺮﻛﻪ ..
ﺍﻭﻝ ﻣﺎﺧﺸﻮﺍ ﺗﻔﺎﺟﺌﻮﺍ ﺑﺤﻤﻴﺪﻩ ﻣﻘﻌﻤﺰﺓ ﻉ ﺍﻟﺼﺎﻟﻮﻥ ﻭﻻﺑﺴﻪ ﻗﻔﻄﺎﻥ ﻛﺒﻴﺮ ﻭﻣﻜﻴﺎﺟﻬﺎ ﻛﺎﻥ ﺣﻠﻮ ﻭﺗﺴﺮﻳﺤﺘﻬﺎ ﺣﻠﻮﺓ ..
ﺍﺑﺘﺴﻤﺖ ﺑﻔﺮﺡ ﺷﺪﻳﺪ ﻟﻤﺎ ﺷﺎﻓﺘﻬﻢ ..
ﻭﻃﻮﻝ ﺧﻮﺍﺗﻬﺎ ﺟﻮﻫﺎ ﻭﺑﺪﻭﺍ ﻳﺤﻀﻨﻮﺍ ﻓﻴﻬﺎ ..
ﻫﻲ ﻛﺎﻧﺖ ﺗﻀﺤﻚ ﻭﺗﺸﺪ ﻓﻲ ﺩﻣﻌﺘﻬﺎ ﺑﻘﻮﺓ ..
ﺑﺎﻟﺬﺍﺕ ﻣﻨﻴﻦ ﺟﻲ ﺩﻭﺭ ﻏﺎﻟﻴﻪ ﻓﻲ ﺍﻟﺴﻼﻡ ...
ﺣﻀﻨﻮﺍ ﺑﻌﺾ ﺑﻘﻮﺓ .. ﻭﺍﻟﺰﻭﺯ ﻏﻠﺒﺘﻬﻢ ﺍﻟﺪﻣﻮﻉ ...
ﺣﻮﺍﺀ " ﺍﺧﺖ ﺍﻟﺼﺪﻳﻖ :" ﻻﻻ ﻳﺪﻱ ﻃﺎﺣﺖ ﻭﺍﻧﻲ ﻧﺪﻳﺮﻟﻬﺎ ﻓﻲ ﺍﻟﻤﻜﻴﺎﺝ ... ﻭﺧﺮﻥ ﻋﻦ ﺑﻌﻀﻜﻦ ﻭﺧﺮﻥ ..
ﺿﺤﻜﻮﺍ ﻛﻠﻬﻢ ﻭﺣﻤﻴﺪﻩ ﻭﻏﺎﻟﻴﻪ ﺿﺤﻜﻮﺍ ﻣﻦ ﺑﻴﻦ ﺩﻣﻮﻋﻬﻢ ..
ﺷﻮﻳﻪ
ﻭﺑﺪﺕ ﺭﺍﻧﻴﺎ ﺍﺩﺭﺑﻚ ﺑﻌﺪ ﻋﻄﻮﻫﺎ ﺍﻟﺪﺭﺑﻮﻛﻪ .. ﻭﻫﻤﺎ ﻳﻐﻨﻮﺍ ..
ﺑﺲ ﻃﺒﻌﺎ ﻛﺎﻧﺖ ﻓﻲ ﻭﺟﻮﻩ ﺑﺎﻫﺘﻪ ...
ﻭﺟﻮﻩ ﺯﻳﻨﺐ ﻭﺭﺑﺎﺏ .. ﻳﺼﻔﻘﻮﺍ ﻭﻳﻐﻨﻮﺍ ﻭﻫﻤﺎ ﻣﻦ ﺩﺍﺧﻞ ﻣﻀﺎﻳﻘﺎﺕ ﻫﻠﺒﻪ ... ﺟﻮ ﻟﻌﻴﻮﻥ ﺣﻤﻴﺪﻩ ﻻﺍﻛﺜﺮ ...
ﻓﺎﻃﻤﻪ ﺗﺸﻮﻑ ﻓﻲ ﺑﻨﺘﻬﺎ ﻭﻓﺮﺣﺎﻧﻪ ﻣﻦ ﺩﺍﺧﻞ ﺑﻄﻴﺮ ..
ﺑﺎﻳﻦ ﻋﻠﻴﻬﺎ ﻣﺘﻬﻨﻴﻪ ﻭﻓﺮﺣﺎﻧﻪ .. ﺗﺸﺒﺢ ﻷﻫﻞ ﺭﺍﺟﻠﻬﺎ ﻛﻴﻒ ﻳﺘﻌﺎﻣﻠﻮﺍ ﻣﻌﺎﻫﺎ ﻭﻷﻣﻪ ﻭﻣﻌﺎﻣﻠﺘﻬﺎ ﺍﻟﻄﻴﺒﻪ ..
ﺣﺴﺖ ﺑﺮﺍﺣﻪ ﻛﺒﻴﺮﺓ .. ﻭﺩﻋﺖ ﻣﻦ ﻗﻠﺒﻬﺎ ﺍﻧﻬﺎ ﺍﺩﻭﻡ ... ﻭﺍﻧﻪ ﻳﻠﺤﻖ ﺍﺧﺘﻬﺎ ﺑﻴﻬﺎ ..
💕 ﺑﻌﺪ ﺣﻮﺍﻟﻲ ﺳﺎﻋﻪ ﻭﻧﺺ ..
ﺩﺧﻠﻮﺍ ﺣﻤﻴﺪﻩ ﻟﺪﺍﺭ ﻧﻮﻣﻬﺎ ﻭﻧﺎﺿﺖ ﻣﻌﺎﻫﻢ ﻛﻔﺎﻳﻪ ..
ﻏﻴﺮﻭﻟﻬﺎ ﺍﻟﻘﻔﻄﺎﻥ ﻭﻟﺒﺴﻮﻫﺎ ﺍﻟﺒﺪﻟﻪ ﺍﻟﻜﺒﻴﺮﻩ .. ﻭﻃﺒﻌﺎ ﻣﺤﺰﻣﻮﻫﺎﺵ ..
ﻷﻥ ﺍﻟﻌﺮﻭﺳﻪ ﻣﺎﺯﺍﻝ ﻣﺎﺳﺒﻌﺘﺶ ...
ﺑﻌﺪ ﻣﺎﻛﻤﻠﻮﺍ ﻃﻠﻌﻮﻫﺎ ..
ﻭﻛﺎﻧﺖ ﻏﺎﻳﻪ ﻓﻲ ﺍﻟﺠﻤﺎﻝ 💕
ﻭﻫﻲ ﻣﻦ ﺍﻟﻨﻮﻉ ﺍﻟﻠﻲ ﺍﻟﻌﺮﺑﻲ ﻳﻄﻠﻊ ﻋﻠﻴﻬﺎ ﺍﻛﺜﺮ ﻣﻦ ﻏﻴﺮﻩ ..
ﺩﺭﺑﻜﻮﺍ ﻋﻠﻴﻬﺎ ﻣﻦ ﺟﺪﻳﺪ ﻭﻏﻨﻮﺍ ﻭﻛﺎﻧﻮﺍ ﻛﻠﻬﻢ ﻫﺎﻟﻤﺮﻩ ﻓﺮﺣﺎﻧﻴﻦ ﻣﻦ ﻗﻠﻮﺑﻬﻢ ...
ﺑﻌﺪﻫﺎ ﺑﺸﻮﻳﻪ ..
ﻗﺎﻟﻮﻟﻬﻢ ﻫﻴﺎ ..
ﺍﺿﺎﻳﻘﺖ ﺣﻤﻴﺪﻩ ﻟﻤﺎ ﺷﺎﻓﺘﻬﻢ ﻧﺎﺿﻮﺍ ...
ﻭﻏﺎﻟﻴﻪ ﺍﺿﺎﻳﻘﺖ ﻷﻧﻬﺎ ﻣﺎﺣﺼﻠﺘﺶ ﻓﺮﺻﻪ ﺗﻬﺪﺭﺯ ﻉ ﺍﺧﺘﻬﺎ ﺍﻛﺜﺮ ﻭﺗﻄﻤﻦ ﻋﻠﻴﻬﺎ ..
ﺑﻌﺪ ﺍﻟﺴﻼﻡ ...
ﺳﻘﺪﻭﻫﻢ ﺍﻫﻞ ﺍﻟﺼﺪﻳﻖ ..
ﻃﻠﻌﻮﺍ ﻭﺭﻛﺒﻮﺍ ﺍﻟﺴﻴﺎﺭﺍﺕ ﻭﺗﻮﻛﻠﻮﺍ ...
🍁🍁🍁🍁🍁🍁
ﺍﻟﺴﺎﻋﻪ 9:00 ﻟﻴﻼ ..
ﻓﻢ ﺍﻟﺒﻮﺍﺑﻪ ..
ﻳﻬﺒﻞ ﺭﺍﺟﻠﻬﺎ ..
ﺭﺍﻧﻴﺎ ﺑﻀﺤﻜﻪ : ﻭﺍﻟﻠﻪ ﺣﺘﻰ ﺍﻧﻲ ﺗﻔﺎﺟﺌﺖ ﺑﻴﻪ ﻃﻠﻊ ﻣﺶ ﻋﺎﺩﻱ ..
ﻧﻮﺭ : ﺭﺑﻲ ﻳﻬﻨﻴﻬﻢ ..
ﺟﺘﻬﻢ ﺭﻓﻘﻪ ﻭﺳﺄﻟﺖ : ﻧﻮﺭ ﺑﻠﻮﺯﺗﻲ ﺍﻟﺒﻴﻀﺎ ﻳﻮﻣﻬﺎ ﻣﺎﺭﻳﺘﻨﻴﺶ ﻭﻳﻦ ﺣﻄﻴﺘﻬﺎ؟
ﻧﻮﺭ : ﺍﻳﻪ ﻓﻲ ﻛﻴﺴﻪ ﺑﻴﻀﺎ ﻭﻗﺘﻬﺎ ﻗﻠﺘﻲ ﻣﺎﺧﺎﻃﺮﻳﺶ ﻧﻔﺘﺢ ﺍﻟﺸﻨﻄﻪ .
ﺿﺤﻜﺖ ﺭﻓﻘﻪ ﻭﻗﺎﻟﺖ : ﺍﻳﻪ ﺍﺫﻛﺮﺕ ..
ﺭﺍﻧﻴﺎ ﺑﺈﺑﺘﺴﺎﻣﻪ : ﻣﺮﻭﺣﻴﻦ ﻏﺪﻭﺓ ..
ﺭﻓﻘﻪ : ﺍﻳﻪ ﻣﻦ ﺍﻟﺼﺒﺢ ..
ﻫﺰﺕ ﺭﺍﺳﻬﺎ ﺭﺍﻧﻴﺎ ﺑﺈﻳﺠﺎﺏ ﻭﻫﻲ ﻣﺒﺘﺴﻤﻪ ..
ﻭﺭﻓﻘﻪ ﺍﺑﺘﺴﻤﺖ ﻭﻭﻟﺖ ﺧﺸﺖ ﺩﺍﺧﻞ ..
ﻛﺎﻧﺖ ﻳﻠﻤﻮﺍ ﻓﻲ ﺣﺎﺟﺎﺗﻬﻢ ﻭﺣﺎﺟﺎﺕ ﺍﻟﻮﻻﺩ ﻫﻲ ﻭﺍﻣﻬﺎ
ﻟﻄﻴﻔﻪ : ﺍﺭﻗﺪﻱ ﺑﻜﺮﻱ ﻏﺪﻭﺓ ﺑﻮﻙ ﺑﻴﺠﻲ ﻣﻦ ..8
ﺭﻓﻘﻪ : ﺣﺎﺿﺮ ..
ﻟﻄﻴﻔﻪ : ﺧﻞ ﺑﻨﻄﻠﻊ ﻧﺸﻮﻑ ﺧﻮﺗﻚ ..
ﻧﺎﺿﺖ ﻟﻄﻴﻔﻪ ﺣﻄﺖ ﻃﺮﻑ ﺭﺩﺍﻫﺎ ﻉ ﺭﺍﺳﻬﺎ ﻭﻃﻠﻌﺖ ﺑﺮﺍ ...
ﻟﻘﺖ ﺍﻟﻮﻻﺩ ﻣﻊ ﺳﻨﺪ ..
ﻟﻄﻴﻔﻪ : ﺍﻭﻳﺲ .. ﻗﻴﺲ ... ﺷﻮﻳﻪ ﻭﺗﺨﺸﻮﺍ ﺗﺮﻗﺪﻭﺍ ..
ﺍﻟﺰﻭﺯ ﻗﺎﻟﻮﺍ : ﺣﺎﺿﺮ ..
ﻟﻔﺖ ﺑﻌﺪﻫﺎ ﻭﺧﺸﺖ ﺩﺍﺧﻞ ﻭﻭﻟﺖ ﻟﻠﺪﺍﺭ ﺍﻟﻠﻲ ﻛﺎﻧﺖ ﻓﻴﻬﺎ ﻫﻲ ﻭﺑﻨﺘﻬﺎ ..
🍁 ﺍﻷﺟﻮﺍﺀ ﻛﺎﻧﺖ ﻣﺶ ﻭﻻﺑﺪ .. ﻛﻞ ﺣﺪ ﻉ ﺣﺎﻟﻪ ..
ﻭﻓﺎﻃﻤﻪ ﻛﺎﻧﺖ ﺗﺮﺍﻗﺐ ﻓﻲ ﺍﻟﻮﺿﻊ ﻭﻋﺎﺭﻓﻪ ﻭﻣﺘﺄﻛﺪﻩ ﺍﻥ ﻓﻲ ﺷﻲ .. ﺑﺲ ﻣﺎﺗﺒﻴﺶ ﺗﺴﺄﻝ ...
ﻓﺎﻃﻤﻪ ﺑﻄﺒﻌﻬﺎ ﺍﻧﺴﺎﻧﻪ ﻣﺴﺎﻟﻤﻪ ﻣﺎﺗﺤﺒﺶ ﺍﻟﻤﺸﺎﻛﻞ ﻭﻣﺎﺗﺘﺤﻤﻠﻬﺎﺵ ﺑﺎﻟﺬﺍﺕ ﻟﻮ ﻛﺎﻧﺖ ﺑﻴﻦ ﺻﻐﺎﺭﻫﺎ ﺗﻔﻀﻞ ﺍﻧﻬﺎ ﻣﺎﺗﺪﺧﻠﺶ ﺧﻮﻑ ﻣﻦ ﺍﻧﻬﺎ ﺗﻤﻴﻞ ﻟﻄﺮﻑ ﻉ ﺣﺴﺐ ﺍﻟﺘﺎﻧﻲ ﻭﺗﺰﻳﺪ ﺍﻟﻤﺸﻜﻠﻪ ﺗﻜﺒﺮ ﺍﻛﺜﺮ ﻭﺍﻛﺜﺮ ...
ﺍﻣﺎ ﺍﻟﺤﺎﺝ ﺭﻣﻀﺎﻥ ﻓﻤﻊ ﺍﻟﺴﻨﻴﻦ ﻻﻥ ﻋﻈﻤﻪ ﻭﻗﻠﺒﻪ .. ﻭﻭﻻ ﺑﻌﻴﺪ ﻋﻨﻬﻢ ﺷﻮﻱ .. ﻻﻫﻲ ﺑﻌﺒﺎﺩﺗﻪ .. ﺑﻨﺨﻼﺗﻪ .. ﺑﺎﻟﺴﻌﻲ ﺑﺎﻟﺠﺮﺩﻳﻨﻪ .. ﻭﻛﺎﻥ ﺧﺎﻟﻂ ﺣﺪ ﻣﻦ ﺍﻟﻌﻴﻠﻪ ﺍﺣﻔﺎﺩﻩ ﻻﻧﻬﻢ ﻛﺎﻧﻮﺍ ﻣﺼﺪﺭ ﺑﻬﺠﻪ ﻟﻴﻪ ..
ﺯﻱ ﺗﻮﺍ ﻣﻘﻌﻤﺰ ﻫﻮ ﻭﻣﺎﻟﻚ ﻭﻣﺮﻭﺍﻥ ﻭﺣﻤﺰﺓ ﻳﻬﺪﺭﺯﻭﺍ ﻉ ﺍﻳﺎﻡ ﺯﻣﺎﻥ ..
ﺗﻔﺎﺟﺌﻮﺍ ﺍﻟﺘﻼﺗﻪ ﻟﻤﺎ ﻋﺮﻓﻮﺍ ﺍﻥ ﺟﺪﻫﻢ ﻳﻌﺮﻑ ﺍﻧﺠﻠﻴﺰﻱ ﺑﻠﺒﻞ ﻓﻴﻪ ..
ﻳﺼﻠﺢ ﻟﺤﻤﺰﺓ ﻭﻣﺎﻟﻚ ﺍﻟﻠﻲ ﻉ ﺍﺳﺎﺱ ﻭﺍﺧﺪﻳﻦ ﻛﻮﺭﺳﺎﺕ ﻭﻋﻨﺪﻫﻢ ﻟﻐﻪ ...
ﻭﻗﺎﻟﻠﻬﻢ ﺍﻧﻪ ﻣﺘﻌﻠﻤﻬﺎ ﻓﺘﺮﺓ ﻟﻤﺎ ﻛﺎﻧﻮﺍ ﺍﻷﻧﺠﻠﻴﺰ ﻓﻲ ﻟﻴﺒﻴﺎ ﺑﻘﻮﺍﻋﺪﻫﻢ ﻭﻛﺎﻥ ﻳﺨﺪﻡ ﻓﻲ ﻣﻜﺎﻥ ﻣﻌﺒﻲ ﺍﻧﺠﻠﻴﺰ ﺗﻌﻠﻢ ﻣﻨﻬﻢ ﺍﻟﻠﻐﻪ .. ﻭﻟﻤﺎ ﺳﺄﻟﻮﻩ ﻉ ﺍﻹﻳﻄﺎﻟﻴﻪ ..
ﺭﺩ ﻋﻠﻴﻬﻢ " ﺍﻧﻪ ﻳﻌﺮﻓﻬﺎ " ﺑﺎﻟﻠﻐﻪ ﺍﻟﻄﻠﻴﺎﻧﻴﻪ ..
ﻭﺍﻟﻮﻻﺩ ﺿﺤﻜﻮﺍ ... ﻭﻗﻌﺪﻭﺍ ﻳﺮﺍﺟﻌﻮﺍ ﻓﻲ ﻛﻠﻤﺎﺕ ﻳﻌﺮﻓﻮﻫﺎ ﻭﻫﻮ ﻳﻘﻮﻟﻠﻬﻢ ﻋﻨﻬﺎ ...
ﻣﺮﻭﺍﻥ : ﺑﺎﻫﻲ ﺳﻴﺪﻱ ﺗﻌﺮﻑ ﻓﺮﻧﺴﻲ ..
ﺍﻟﺤﺎﺝ : ﺑﻮﻥ ﺳﻮﺍﺭ .. ﻭﺑﻮﻧﻮﻱ ﺑﺲ ﺍﻟﻠﻲ ﻧﻌﺮﻓﻬﻦ ..
ﺿﺤﻜﻮ ﺍﻟﻮﻻﺩ ..
ﻭﻛﺎﻧﻮﺍ ﻣﺴﺘﻤﺘﻌﻴﻦ ﻉ ﺍﻷﺧﺮ ﺑﻬﺪﺭﺯﺗﻬﻢ ﻣﻊ ﺟﺪﻫﻢ 💕
🍃🍃🍃🍃🍃
ﻭﻣﺮﻭﺍ ﺍﻷﻳﺎﻡ ...
ﻭﻛﺎﻥ ﺍﻟﻮﺿﻊ ﻛﻤﺎ ﻫﻮ ﻋﻠﻴﻪ ..
ﻭﺍﻟﻠﻲ ﻫﺪﺍ ﻳﺒﻲ ﻳﺮﻭﺡ ﺧﻼﺹ ﻣﺶ ﻣﺘﺤﻤﻠﻴﻦ ﺍﻷﺟﻮﺍﺀ ﺍﻟﻤﺸﺤﻮﻧﻪ ﺍﻛﺜﺮ ﻣﻦ ﻫﻜﻲ ...
🍁 ﻓﻲ ﺍﺣﺪ ﺍﻷﻳﺎﻡ ﺍﻟﻠﻲ ﻣﺮﺕ ﻭﻫﻮ ﺍﻟﺜﻼﺕ ..
ﻣﺸﺖ ﺣﺪﻫﻢ ﻫﻲ ﻭﺳﻌﻴﺪﻩ ﻭﺍﻣﺎﻝ ﻟﺤﻮﺵ ﻋﻴﺖ ﻋﺒﻮﺩﻩ ..
ﺍﺳﺘﻘﺒﻠﻮﻫﻢ ..
ﺣﺪﻫﻢ ﻃﻮﻝ ﺍﻟﻮﻗﺖ ﻋﻴﻮﻧﻬﺎ ﻋﻠﻲ ﻣﺮﺍﻡ ﻭﻋﺎﺟﺒﺘﻬﺎ ﻉ ﺍﻵﺧﺮ ...
ﺑﺎﻟﺬﺍﺕ ﻭﻫﻲ ﺗﺠﻴﺐ ﻓﻲ ﺍﻟﻀﻴﺎﻓﻪ ﻭﺗﻀﻴﻒ ﺑﺄﺳﻠﻮﺏ ﺣﻠﻮ ﻭﺍﺑﺘﺴﺎﻣﻪ ..
ﻭﻛﺎﻧﺖ ﺭﺍﻗﻴﻪ ﻫﻠﺒﻪ ﻓﻲ ﻫﺪﺭﺯﺗﻬﺎ .. ﻭﺳﻌﻴﺪﻩ ﻋﺎﺟﺒﺘﻬﺎ ﻫﻠﺒﻪ ..
ﺑﻌﺪﻳﻦ ﻧﺎﺿﺖ ﻣﺮﺍﻡ ﺧﺸﺖ ﻟﻠﻜﻮﺟﻴﻨﻪ ﺗﻐﺴﻞ ﻓﻲ ﺍﻟﻤﺎﻋﻴﻦ ..
ﻓﺘﺤﺖ ﺣﺪﻫﻢ ﺍﻟﻤﻮﺿﻮﻉ ﻣﻊ ﻣﺮﺿﻴﻪ .. ﻭﻣﺮﺿﻴﻪ ﺗﻔﺎﺟﺌﺖ ..
ﻣﺮﺿﻴﻪ : ﻭﺍﻟﻠﻪ ﺷﻦ ﺑﻨﻘﻮﻟﻚ ﻳﺎﻭﺧﻴﺘﻲ ﻳﺎﺣﺪﻫﻢ ﻧﺸﺎﻭﺭ ﺳﻴﺪﻫﺎ ﻭﺧﻮﺗﻬﺎ ﻭﺍﻟﺒﻨﻴﻪ ﻧﻔﺴﻬﺎ ﻭﻧﺮﺩﻭﺍ ﻋﻠﻴﻜﻢ ..
ﺳﻌﻴﺪﻩ : ﺻﺪﻗﻴﻨﻲ ﻛﺎﻥ ﻭﻟﺖ ﻣﻦ ﻧﺼﻴﺐ ﺳﻠﻴﻤﺎﻥ ﺣﺘﻌﻴﺶ ﺍﻣﻴﺮﺓ ..
ﻣﺮﺿﻴﻪ ﺍﺑﺘﺴﻤﺖ ﻭﻗﺎﻟﺖ : ﺍﻟﻠﻲ ﻓﻴﻬﺎ ﺍﻟﺨﻴﺮﺓ ﻳﺠﻴﺒﻬﺎ ﺭﺑﻲ ..
🍃🍃🍃
ﻭﻳﻌﺪﻭﺍ ﻳﻮﻣﻴﻦ ..
ﻭﻳﺠﻲ ﻳﻮﻡ ﺍﻟﺴﺒﻮﻉ ...
ﻣﻊ ﺍﻟﺴﺎﻋﻪ 8:00 ﻣﺴﺎﺀﺍ ..
ﺟﺘﻬﻢ ﺣﻤﻴﺪﻩ ﻫﻲ ﻭﻋﺮﺑﻬﺎ .. ﻭﻛﺎﻧﻮﺍ ﺟﺎﻳﺒﻴﻦ ﻣﻌﺎﻫﻢ ﻗﺼﺎﻉ ﺍﻟﻌﺸﻲ ﻭﺍﺗﻴﺎﺕ .. ﺭﺟﺎﻟﻪ ﻭﻧﺴﺎﻭﻳﻦ ..
ﻛﺎﻧﻮﺍ ﺩﺍﻳﺮﻳﻦ ﻛﺴﻜﺴﻲ ﻭﻣﻜﺮﻭﻧﻪ ﻣﺒﻮﺧﻪ ..
ﻭﺟﻨﺒﻬﺎ ﻋﺼﺒﺎﻥ ﻭﻣﺒﻄﻦ ﻭﺍﻟﻤﺴﻴﺮ ﻭﺍﻟﺰﻳﺘﻮﻥ ..
ﻃﺒﻌﺎ ﻟﻮ ﻛﺎﻥ ﺣﻮﺵ ﺍﻫﻞ ﺍﻟﺒﻨﺖ ﻗﺮﻳﺐ ﻳﺠﻴﺒﻮﺍ ﺍﻟﻌﺸﻲ ﻭﺍﺗﻲ
ﺍﻣﺎ ﻟﻮ ﻛﺎﻥ ﺑﻌﻴﺪ ﻳﺮﻓﻌﻮﺍ ﺧﺮﻭﻑ ﺍﻭ ﺳﻘﻴﻄﻪ ﻭﻣﺎﻳﺘﺒﻌﻬﺎ ﻣﻦ ﺳﺒﻴﺰﺓ ﻭﺧﻀﺮﺍ ﻭﻣﺸﺮﻭﺏ ﻓﻲ ﺍﻟﻨﻬﺎﺭ ﻟﺤﻮﺵ ﺍﻫﻞ ﺍﻟﺒﻨﺖ ..
💕 ﺣﻤﻴﺪﻩ ﻛﺎﻧﺖ ﻃﺎﻟﻌﻪ ﺗﺠﻨﻦ ﺑﺎﻟﺒﺪﻟﻪ ﺍﻟﺼﻐﻴﺮﺓ ...
ﻭﺧﻮﺍﺗﻬﺎ ﻓﺮﺣﺎﻧﺎﺕ ﺑﻴﻬﺎ ....
ﻫﻲ ﻛﺎﻧﺖ ﺗﺮﺍﻗﺐ ﻓﻴﻬﻢ ﻭﺣﺴﺖ ﺍﻥ ﻓﻲ ﺷﻲ ..
ﺭﺍﺟﺖ ﻟﻴﻦ ﺗﺠﻲ ﺣﺪﺍﻫﺎ ﻏﺎﻟﻴﻪ ..
ﺣﻤﻴﺪﻩ : ﻓﻲ ﺷﻲ ﻭﻻ؟
ﻏﺎﻟﻴﻪ ﻭﺯﻋﺖ ﻧﻈﺮﻫﺎ ﻉ ﺍﻟﺼﺎﻟﻪ ..
ﺣﻤﻴﺪﻩ ﻫﺰﺕ ﺭﺍﺳﻬﺎ ﺑﺄﻳﺠﺎﺏ : ﻭﺍﺿﺢ .. ﺗﻮ ﻧﺘﺼﻞ ﺑﻴﻚ ﻭﻧﻔﻬﻢ ﺍﻛﺜﺮ ..
ﻏﺎﻟﻴﻪ ﻭﻫﻲ ﺗﺸﺒﺢ ﻟﺨﻮﺍﺗﻬﺎ ﺍﻟﻠﻲ ﻛﻞ ﻭﺣﺪﻩ ﻓﻲ ﺗﺮﻛﻴﻨﻪ .. ﻫﺰﺕ ﺭﺍﺳﻬﺎ ﺑﺈﻳﺠﺎﺏ ...
ﺑﺮﺍ ...
ﻛﺎﻧﻮﺍ ﺍﻟﻮﻻﺩ ﻣﻌﺠﺒﻴﻦ ﻫﻠﺒﻪ ﺑﺎﻟﺼﺪﻳﻖ ﻛﺎﻥ ﺭﺍﺟﻞ ﻛﻮﻳﺲ ﻭﺍﺳﻠﻮﺑﻪ ﻓﻲ ﺍﻟﻜﻼﻡ ﻳﺠﺬﺏ ...
ﻭﻛﺎﻥ ﺧﻠﻴﻔﻪ ﺍﻟﻠﻲ ﺍﺻﺮ ﺍﻧﻪ ﻳﺤﻀﺮ ﻳﺸﺒﺤﻠﻪ ﺑﻨﻈﺮﺍﺕ ﻏﻴﺮﺓ ﺷﺪﻳﺪﻩ ﻭﻣﻦ ﺩﺍﺧﻞ ﻗﻠﺒﻪ ﻛﺎﻥ ﻳﻨﺤﺮﻕ ﺣﺮﻕ ...
💕 ﺑﻌﺪ ﺣﻮﺍﻟﻲ ﺗﻼﺕ ﺳﺎﻋﺎﺕ ﻣﻦ ﺟﻴﺘﻬﻢ ..
ﺭﻭﺣﺖ ﺣﻤﻴﺪﻩ ﻫﻲ ﻭﻋﺮﺑﻬﺎ ﻭﻓﻲ ﺩﺍﺧﻠﻬﺎ ﻧﻔﺲ ﺷﻌﻮﺭ ﺍﻟﻀﻴﻖ ..
ﻭﻛﺬﻟﻚ ﻏﺎﻟﻴﻪ ...
🍁🍁🍁🍁
ﺗﺎﻧﻲ ﻳﻮﻡ ...
ﺍﻧﺼﺪﻣﻮﺍ ﻏﺎﻟﻴﻪ ﻭﻓﺎﻃﻤﻪ ..
ﺑﺎﻟﺒﻨﺎﺕ ﻓﻲ ﻭﻗﺖ ﻭﺍﺣﺪ ﺑﻴﺮﻭﺣﻮﺍ ..
ﻣﻊ 9:00 ﺍﻟﺼﺒﺢ ..
ﻛﺎﻧﻮﺍ ﺧﻴﺮﻱ ﻭﺳﻌﺪ ﻭﻋﺒﺪﺍﻟﺴﻼﻡ ﺟﺎﻳﻴﻦ ..
ﻭﻧﺴﺎﻭﻳﻨﻬﻢ ﻋﻮﻟﻮﺍ ﻉ ﻓﻄﻮﺭﻫﻢ ..
ﺑﺘﺎﺗﺎ ﻏﺎﻟﻴﻪ ﻣﺎﺑﺘﺶ ﺗﺴﺄﻝ ﻭﻻ ﻭﺣﺪﻩ ﻗﻌﺪﺕ ﺳﺎﻛﺘﻪ ﻭﻫﻲ ﺗﺮﺍﻗﺐ ﻓﻴﻬﻢ ﻭﺧﻼﺹ ...
ﻓﺎﻃﻤﻪ : ﺧﻴﺮﻛﻦ ﻣﺎﻗﻠﺘﻦ ..
ﻧﻌﻴﻤﻪ ﻭﻫﻲ ﺗﺴﻜﺮ ﻓﻲ ﺳﺎﻛﻮﺍ ﻭﻟﺪﻫﺎ : ﻗﻠﺖ ﻳﻤﻲ ﺑﻨﺮﻭﺡ ﺑﻌﺪ ﺍﻟﺴﺒﻮﻉ ..
ﺷﺒﺤﺖ ﻟﺰﻳﻨﺐ : ﺍﻧﺘﻲ ﻗﻠﺘﻲ ﺑﺘﺰﻳﺪﻱ ﺍﺳﺒﻮﻉ ﺍﺧﺮ؟
ﺯﻳﻨﺐ ﻭﻫﻲ ﺗﻠﺒﺲ ﻓﻲ ﻋﺒﺎﻳﺘﻬﺎ : ﺧﻼﺹ ﻳﻤﻲ ﻫﺪﺍﻛﺎ ﻫﻮ ..
ﺷﺒﺤﺖ ﻟﻜﻔﺎﻳﻪ ﻟﻘﺘﻬﺎ ﺗﻠﺒﺲ ﻓﻲ ﺑﻨﺘﻬﺎ ﻣﺎﺑﺘﺶ ﺗﺴﺄﻟﻬﺎ ﻭﻃﻠﻌﺖ ﻣﻦ ﺣﺪﺍﻫﻢ ..
ﻭﻫﻤﺎ ﺍﻟﺘﻼﺗﻪ ﻛﺎﻧﻮﺍ ﻣﻀﺎﻳﻘﺎﺕ ﻉ ﺍﻵﺧﺮ ...
ﺗﺴﻘﺪﺕ ﺯﻳﻨﺐ ﻫﻲ ﺍﻷﻭﻟﻰ ﺳﻠﻤﺖ ﻉ ﺍﻣﻬﺎ ﻭﻉ ﺍﺧﺘﻬﺎ ﻛﻔﺎﻳﻪ ﺑﺲ ﻭﻃﻠﻌﺖ .. ﻭﺭﺑﺎﺏ ﺩﺍﺭﺕ ﺯﻳﻬﺎ ﺑﺎﻟﺰﺑﻂ .. ﺍﻣﺎ ﺭﺍﻧﻴﺎ ﺍﻟﻠﻲ ﺍﺿﺎﻳﻘﺖ ﻣﻦ ﺣﺮﻛﺎﺕ ﺍﻣﻬﺎ ﻭﺍﺧﺘﻬﺎ .. ﺳﻠﻤﺖ ﻉ ﺧﺎﻻﺗﻬﺎ ﻛﻠﻬﻢ ﻭﺣﻀﻨﺖ ﻏﺎﻟﻴﻪ ﺍﻟﻠﻲ ﺑﻜﺖ ﻃﻮﻝ ﻭﻗﺎﻟﺖ ".. ﺳﺎﻣﺤﻴﻨﺎ .." ﻭﻃﻠﻌﺖ ..
ﻓﺎﻃﻤﻪ ﻻﺣﻈﺖ ﻭﺑﺪﺕ ﺗﻔﻬﻢ ﻛﻮﻳﺲ ﺍﻥ ﺍﻟﻤﺸﻜﻠﻪ ﻫﺎﻟﻤﺮﻩ ﺑﻴﻦ ﺑﻨﺎﺗﻬﺎ ﻓﻲ ﺑﻌﻀﻬﻢ ...
ﻧﻌﻴﻤﻪ ﺍﺿﺎﻳﻘﺖ ﻫﻠﺒﻪ ﻣﻦ ﺣﺮﻛﺔ ﺯﻳﻨﺐ .. ﺣﻀﻨﺖ ﻏﺎﻟﻴﻪ ﺍﻟﻠﻲ ﻛﺎﻧﺖ ﺗﺒﻜﻲ .. ﺳﻠﻤﺖ ﻋﻠﻴﻬﺎ ﻭﺑﻌﺪﻳﻦ ﻉ ﺑﺎﻗﻲ ..
ﻭﻧﻮﺭ ﺳﻠﻤﺖ ﻉ ﺧﺎﻻﺗﻬﺎ ﻭﻫﻲ ﺗﺒﻜﻲ ﻭﺣﻀﻨﺖ ﺧﺎﻟﺘﻬﺎ ﻏﺎﻟﻴﻪ ﺑﻘﻮﺓ ..
ﺑﻌﺪﻳﻦ ﻃﻠﻌﺖ ﻃﻮﻝ ...
ﺷﻮﻳﻪ ﻭﺧﺸﻮﺍ ﺍﻻﻭﻻﺩ ﻣﺎﻟﻚ ﻭﺣﻤﺰﺓ ﻭﻣﺮﻭﺍﻥ ﺳﻠﻤﻮﺍ ﻉ ﺣﻨﺎﻫﻢ ﻭﻉ ﺧﺎﻻﺗﻬﻢ ..
ﻭﺗﺴﻘﺪﻭﺍ ..
ﺍﻣﺎ ﻛﻔﺎﻳﻪ ..
ﺣﻀﻨﺖ ﻏﺎﻟﻴﻪ ﻭﻗﺎﻟﺖ : ﺯﻳﻨﺐ ﻭﺗﻌﺮﻓﻴﻬﺎ ﺗﺰﻋﻞ ﺻﺢ ﻟﻜﻦ ﻗﻠﺒﻬﺎ ﻣﻦ ﺩﺍﺧﻞ ﺍﺑﻴﺾ ﻭﺍﻧﺘﻲ ﺑﺎﻟﺬﺍﺕ ﺑﺮﻭﺣﻚ ﻋﻨﺪﻫﺎ ..
ﻏﺎﻟﻴﻪ ﻣﺎﺭﺩﺗﺶ ﺑﺤﺮﻑ ﺗﺒﻜﻲ ﻭﺑﺲ ...
ﺑﻌﺪﺕ ﻛﻔﺎﻳﻪ ﺑﺎﻟﺴﻴﻒ ﻭﻫﻲ ﺗﺒﻜﻲ ﻭﻣﺸﺖ ﻷﻣﻬﺎ ﺣﻀﻨﺘﻬﺎ ﻭﻛﺒﺖ ﻉ ﺭﺍﺳﻬﺎ ﻭﻃﻠﻌﺖ ..
ﻫﺎﻟﻤﺮﺓ ﻓﺎﻃﻤﻪ ﻣﺎﺑﺘﺶ ﺗﻄﻠﻊ ﺗﺴﻘﺪﻫﻢ ﻟﺒﺮﺍ ﻭﻫﻲ ﺗﺸﻮﻑ ﻟﻐﺎﻟﻴﻪ ﻛﻴﻒ ﺗﺒﻜﻲ ﻭﺟﻌﺘﻬﺎ ﺑﻨﺘﻬﺎ ﻭﻣﺸﺘﻠﻬﺎ ﺣﻀﻨﺘﻬﺎ ﻃﻮﻝ ...
🍁 ﺳﻘﺪﻭﺍ ﺍﻷﻭﻻﺩ ﻭﺍﻟﺤﺎﺝ ﺭﻣﻀﺎﻥ ﺧﻮﺍﺗﻬﻢ ﻭﺭﺟﺎﻟﺘﻬﻢ ..
ﻭﻛﻠﻬﻢ ﺗﺴﻘﺪﻭﺍ ﻭﻃﻠﻌﻮﺍ ﻭﺭﺍ ﺑﻌﺾ ﺑﺮﺍ ﺍﻟﻘﻄﻌﻪ ..
ﺍﻛﺜﺮ ﺣﺪ ﻛﺎﻥ ﻣﻀﺎﻳﻖ ﻫﺎﻧﻴﺒﺎﻝ ﻷﻭﻝ ﻣﺮﺓ ﺗﺼﻴﺮ ..
ﻭﻳﺮﻭﺣﻮﺍ ﺧﻮﺍﺗﻪ ﻫﻜﻲ .. ﻭﺍﻟﻮﺩﺍﻉ ﻳﻜﻮﻥ ﺑﺎﺭﺩ ...
🍁🍁🍁
ﺍﻳﻪ ﻭﺗﻮﺍ ﺣﻄﻲ ﺍﻟﺰﻳﺘﻮﻥ ﻓﻲ ﺍﻟﻄﻦ ﻭﺧﻠﻄﻴﻬﻢ ..
ﺭﺯﺍﻥ ﻭﻫﻲ ﺗﺨﻠﻂ ﻓﻲ ﺍﻟﻄﻦ : ﺭﻭﺣﻦ ..
ﺳﻌﻴﺪﻩ ﻭﻫﻲ ﺍﻃﻔﻲ ﻉ ﺍﻟﺸﺎﻫﻲ : ﺇﻥ ﺷﺎﺀ ﺍﻟﻠﻪ ﻣﻌﺎﺩ ﻳﻮﻟﻦ ..
🍁🍁🍁🍁
ﺍﻟﺴﺎﻋﻪ 6:30 ﻋﺼﺮﺍ ..
ﺣﻂ ﻓﻨﺠﺎﻥ ﺍﻟﻘﻬﻮﺓ ﺑﻌﺪ ﺷﺮﺏ ﻣﻨﻪ ﻭﻗﺎﻝ ..
ﺿﻮ : ﺍﻧﻲ ﺍﻟﺤﻖ ﻣﺎﻧﺤﺒﻪ ﻭﻣﺎﻧﻘﺒﻠﻪ ... ﻟﻜﻦ ﻛﺮﺍﺟﻞ ﻫﻜﻲ ﻣﺎﻓﻴﺶ ﻋﻠﻴﻪ ﺷﻲ ﻣﺶ ﻣﺰﺑﻮﻁ ..
ﻋﺒﻮﺩﺓ؛ﺍﻧﻲ ﺭﺍﺟﻴﺘﻚ ﺗﺮﻭﺡ ﺑﺶ ﻧﺴﺄﻟﻚ ﺑﺤﻜﻢ ﺍﻧﻚ ﺗﻌﺮﻓﻪ ﺍﻛﺜﺮ ﻗﻠﺖ ﺷﻬﺎﺩﺗﻪ ﻓﻴﻪ ﻫﻲ ﺍﻟﻠﻲ ﺑﻨﻘﺮﺭ ﺑﻌﺪﻫﺎ ..
ﺿﻮ : ﺳﻴﺪﻱ ﺍﻟﻤﻮﺿﻮﻉ ﺷﻮﺭ ﻣﺮﺍﻡ ﺭﺍﻫﻮ ..
ﻋﺒﻮﺩﺓ ﺗﻨﻬﺪ ﻭﻗﺎﻝ : ﻳﺎﻣﺮﺍﺍﺍﺍﻡ .... ﻣﺮﺍﺍﺍﺍﺍﺍﺍﻡ ...
ﺷﻮﻳﻪ ﻭﺧﺸﺖ ﻣﺮﺍﻡ ﻟﻠﺼﺎﻟﻪ ..
ﻣﺮﺍﻡ : ﻧﻌﻢ ﻳﺎﺳﻴﺪﻱ ...
ﻋﺒﻮﺩﺓ : ﺍﻗﺮﺑﻲ ...
ﻗﺪﻣﺘﻠﻬﻢ ..
ﺿﻮ : ﻋﺎﺭﻓﻪ ﺑﻤﻮﺿﻮﻉ ﻭﻟﺪ ﻋﻴﺖ ﻋﺒﺪﺍﻟﻠﻪ ..
ﻫﺰﺕ ﺭﺍﺳﻬﺎ ﺑﺈﻳﺠﺎﺏ ..
ﺿﻮ : ﻭﺑﺎﻫﻲ ﺷﻦ ﻗﺮﺭﺗﻲ ...
ﻣﺮﺍﻡ ﺷﺒﺤﺘﻠﻪ ﻭﻗﺎﻟﺖ ..........:
🍁🍁🍁🍁🍁🍁
ﺗﺎﻧﻲ ﻳﻮﻡ ...
ﻃﺮﺍﺑﻠﺲ ..
ﺍﻟﺴﺎﻋﻪ 10:00 ﺻﺒﺎﺣﺎ ..
ﻣﺼﺒﻲ ﺗﻮﺍ ﻓﻲ ﺍﻟﻄﺎﺑﻮﺭ ﻧﺴﺤﺐ ﺍﻟﻔﻠﻮﺱ ﻭﻧﺠﻴﻚ ...... ﺗﻢ .. ﺻﻜﺮ ..
ﻛﺎﻥ ﻭﺍﻗﻒ ﻗﺪﺍﻡ ﺍﻟﺸﺒﺎﻙ ﻓﻲ ﺍﺣﺪ ﺍﻟﻤﺼﺎﺭﻑ ﻓﻲ ﻃﺎﺑﻮﺭ ﻓﻴﻪ 3 ﻧﻔﺎﺭ ...
ﻋﻨﺪ ﺑﺎﺏ ﺍﻟﻤﺼﺮﻑ ..
ﺍﻧﻔﺘﺢ ﺍﻟﺒﺎﺏ ﻭﺧﺸﺖ ﻭﻫﻲ ﺗﻬﺪﺭﺯ ﻓﻲ ﺍﻟﺘﻠﻴﻔﻮﻥ ..
ﻋﺮﻭﺑﻪ : ﺗﻤﺎﻡ .. ﺍﻧﺎ ﻫﻸ ﺑﺎﻟﺒﻨﻚ ﺃﺳﺤﺐ ﺍﻟﻤﺼﺎﺭﻱ ﻭﺑﺠﻲ ﻟﻌﻨﺪﻙ ﺩﻏﺮﻱ .... ﺍﻳﻪ ﺣﺒﻴﺒﺘﻲ ... ﺗﻤﺎﻡ .......
ﺟﺖ ﻋﻨﺪ ﺍﻟﺸﺒﺎﻙ ﻭﻭﻗﻔﺖ ﻭﻛﺎﻧﺖ ﺍﻟﻨﻔﺮ ﺍﻟﺮﺍﺑﻊ ..
ﻭﺭﺍﻩ ﺑﺎﻟﺰﺑﻂ ...
ﻋﺮﻭﺑﻪ : ﻫﻬﻬﻬﻬﻬﻬﻬﻬﻪ .. ﻳﺤﺮﻕ ﺣﺮﻳﺸﻚ ﻳﺎﻣﻨﺎﺳﻚ .. ﻃﻴﺐ ﺳﻜﺮﻱ ﺍﺣﺴﻦ ﻣﺎﺍﻧﻔﻀﺢ ﻗﺪﺍﻡ ﺍﻟﻌﺎﻟﻢ ..
ﻫﻮ ﻏﻤﺾ ﻋﻴﻮﻧﻪ ..
ﻭﻋﺎﺻﻔﻪ ﻗﺎﻳﻤﻪ ﻓﻲ ﺻﺪﺭﻩ 🍃💓💓
ﻳﺒﻲ ﻳﺘﻠﻔﺖ ..
ﻋﺮﻭﺑﻪ : ﻳﺎﺭﻭﺣﻲ ﺍﻧﺎ ﻋﺮﻭﺑﻪ ﺷﺠﺮﺓ ﺍﻟﺪﺭ ﻣﺎﻓﻲ ﺷﻲ ﺑﻔﻮﺕ ﻓﻴﻪ ﺍﻻ ﻭﺑﻨﺠﺢ ﻭﻧﺠﺎﺡ ﺳﺎﺣﻖ ........ ﻫﻬﻬﻬﻬﻬﻪ .. ﻻﺍﺍ ﺍﻧﺎ ﺭﺡ ﺳﻜﺮ ﻳﺎﺷﺤﺎﻃﻪ ﺍﻧﺘﻲ ...... ﺭﺡ ... ﺭﺡ ﺍﺣﻜﻲ ﻟﺴﺎﻣﻲ ﻭﺑﺘﺸﻮﻓﻲ ........
ﻓﻮﻕ ﻃﺎﻗﻪ ﺍﻟﺘﺤﻤﻞ ﺍﻟﻠﻲ ﻗﺎﻋﺪ ﺑﺼﻴﺮ ..
ﻟﻘﻲ ﺭﻭﺣﻪ ﻣﺘﻠﻔﺖ ﻻﺇﺭﺍﺩﻳﺎ ..
ﻫﻲ ﻟﻤﺎ ﻛﺎﻧﺖ ﺗﺘﻜﻠﻢ ﺭﻓﻌﺖ ﺭﺍﺳﻬﺎ ﻭﻫﻲ ﺗﻘﻮﻝ : ﺧﻠﺺ ﺭﻭﺣﻲ ﺍﻭﻝ ....................
ﻃﻮﻝ ﺍﻟﻌﻴﻮﻥ ﺗﻌﺒﻮﺍ ﺩﻣﻮﻉ ...
ﻭﺍﻟﺠﺴﻢ ﻛﻠﻪ ﻳﺮﻋﺶ ..
ﻭﺍﻟﻘﻠﺐ ﻳﺮﺟﻒ ﻓﺮﺟﻔﺎﻥ ﻣﺶ ﻃﺒﻴﻌﻲ ...
ﻭﻣﻨﺎﺳﻚ ﺍﻟﻠﻲ ﺗﻜﻠﻢ ﻓﻴﻬﺎ ﻛﺎﻧﺖ ﺗﻨﺎﺩﻱ : ﺍﻟﻮﻭﻭ .. ﻋﺮﻭﺑﻪ ... ﺭﻭﺑﻲ ...
ﻧﺰﻟﺖ ﺍﻟﺘﻠﻴﻔﻮﻥ ﻣﻦ ﻉ ﻭﺫﻧﻬﺎ .. ﻭﻗﺎﻟﺖ ..
ﻋﺮﻭﺑﻪ : ﺍﺣﻤﻢ .. ﺩﻭﺭﻙ ..
ﻫﻮ ﺍﺑﺘﺴﻢ ﻭﻗﺎﻝ : ﻻ ﺩﻭﺭﻙ ﺍﻧﺘﻲ .. ﺑﻌﺪ .. ﻭﻭﺧﺮ ﻭﺟﻲ ﻭﺭﺍﻫﺎ ..
ﻭﻫﻲ ﻟﻘﺖ ﺭﻭﺣﻬﺎ ﻗﺪﺍﻡ ﺍﻟﺸﺒﺎﻙ ﺑﻤﺴﺎﻓﻪ ...
ﺍﻟﻤﻮﻇﻒ : ﺗﻔﻀﻠﻲ ﻳﺎﺍﺧﺘﻲ .. ﺧﻠﻮﻟﻚ ﺍﻟﺪﻭﺭ ..
ﻫﻲ ﻗﺪﻣﺖ ﻭﺣﺎﺳﻪ ﺭﻭﺣﻬﺎ ﺗﻤﺸﻲ ﺑﺎﻟﺴﻴﻒ ..
ﻃﻠﻌﺖ ﺍﻟﺸﻴﻚ ﻣﻦ ﺍﻟﺸﻨﻄﻪ ﻭﻫﻲ ﺗﺮﻋﺶ ﻭﻣﺪﺍﺗﻪ ﻟﻠﻤﻮﻇﻒ ..
ﻫﺎﻧﻴﺒﺎﻝ : ﻫﺪﻳﻦ ﺻﺪﻑ ﻭﻻﺻﺪﻑ ..
ﻫﻲ ﺍﻟﺘﻔﺘﺖ ﺷﺒﺤﺘﻠﻪ ..
ﻟﻘﺎﺗﻪ ﺣﺎﻁ ﺍﻳﺪﻳﻪ ﻭﺭﺍ ﻇﻬﺮﻩ ﻭﻳﺸﺒﺢ ﻟﻠﻤﻮﻇﻒ ﺑﻘﺮﻧﺔ ﺣﻮﺍﺟﺐ ...
ﺍﺑﺘﺴﻤﺖ ﻭﻗﺎﻟﺖ : ﺻﺪﻑ ﻗﺎﺻﺪﻫﺎ ﺍﻟﻘﺪﺭ ..
ﻛﻠﻤﻬﺎ ﺍﻟﻤﻮﻇﻒ ..
ﺍﻟﺘﻔﺘﺖ ﺍﻟﻘﺪﺍﻡ ﻭﻗﻌﺪﺕ ﺗﻜﻠﻢ ﻓﻴﻪ ﺍﺑﺘﺴﺎﻣﺘﻬﺎ ﻉ ﻭﺟﻬﻬﺎ ﺍﻟﻠﻲ ﻛﺎﻥ ﺍﺣﻤﺮ ﻭﻗﻠﺒﻬﺎ ﺍﻟﻠﻲ ﻳﺪﻕ ﺑﻘﻮﺓ ﺷﺪﻳﺪﻩ 💓.
ﻭﻫﻮ ﺑﻨﻔﺲ ﺍﻟﺤﺎﻟﻪ 💓..
ﺑﻌﺪ ﻛﻤﻠﺖ ﻟﻔﺖ ﻭﺷﺒﺤﺘﻠﻪ ﻭﻗﺎﻟﺖ : ﺷﻜﺮﺍ ..
ﻭﺟﺖ ﺑﺘﻤﺸﻲ .
" ﻋﺮﻭﺑﻪ .."
ﻏﻤﻀﺖ ﻋﻴﻮﻧﻬﺎ ﺷﻮﻳﻪ ﻭﻓﺘﺤﺘﻬﻢ ﻭﺑﻠﻌﺖ ﺭﻳﻘﻬﺎ ...
ﺍﻟﺘﻔﺘﺖ ﻭﻗﺎﻟﺖ ﺑﺼﻮﺕ ﻳﺮﻋﺶ : ﻥ .. ﻋﻢ ..
ﻫﺎﻧﻴﺒﺎﻝ ﺍﺷﺮ ﻉ ﺍﻟﻜﺮﺍﺳﻲ ﻭﻗﺎﻝ : ﻣﺎﺗﺮﻭﺣﻴﺶ .. ﺧﻠﻴﻚ ﻫﻨﻰ ﻧﻜﻤﻞ ﻭﻧﺠﻴﻚ ..
ﻫﻲ ﺷﺒﺤﺘﻠﻪ ﺷﻮﻳﻪ ﺑﻌﺪﻳﻦ ﻗﺎﻟﺖ : ﻃﻴﺐ ..
ﺍﺑﺘﺴﻢ ﻭﺗﻠﻔﺖ ﻟﻠﺸﺒﺎﻙ ..
ﻭﻫﻲ ﻣﺸﺖ ﻗﻌﻤﺰﺕ ﻉ ﻭﺣﺪﻩ ﻣﻦ ﺍﻟﻜﺮﺍﺳﻲ ﻭﻫﻲ ﺗﺸﻮﻓﻠﻪ ...
ﻭﻣﺴﺤﺖ ﻃﻮﻝ ﺩﻣﻌﻪ ﻃﺎﺣﺖ ﻣﻦ ﻋﻴﻨﻬﺎ ...
.... ﻳﺘﺒﻊ .
