فوط + رايكم
#سلسلة_عشق_محرم 🔥🔥
#رغبة_محرمة 🔥🔥💔
🔱 #من_تأليفي_Macilia_ch 🔱
#الفصل_الأول : #العروس_الهاربة 👰💃
♠️ الحلقة 5: ♠️
بعد 7 سنين
لجين تحكي :
فقت من النوم مأخر اليوم ...قعدت متسطحة على السرير بلا ما نقوم من الفرش ..تبسيمة واسعة غزات ملامحي و خلات وجهي ينور لمجرد ما تفكرتو و جاء بين عيني ...هزيت يدي اليسرى للفوق نخزر فالخاتم لي مزين صبعي ...رعشة خفيفة سرات في بدني كي تفكرت بوستو تاع البارح ...تبسمت و حشيت راسي فالمخدة و انا نخمم فيه و فكل تفصيلة تخصو ...جبل اسم على مسمى ...فوسط همومي و مشاكلي لقيتو كي الجبل واقف ورايا و ساندني من أول يوم تلاقينا فيه ..من اول ما تصادفت عيوننا ببعض عرفت انو راح تكون بيناتنا حكاية و هاذ الشي لي صرا ...بعدما هربت من البلاد و سافرت بعيد ...بديت بداية جديدة بعدما غيرت اسمي و هويتي ...صرت شخص جديد اما كي تلاقيتو لجبل حسيت كأني انولدت من جديد بروح جديدة و رميت كل لي عشتو حتى هويتي الحقيقية نسيتها ..و نسيت لجين القديمة ..بعدما غيرت اسمي من لجين لتالا و بديت بداية جديدة انفتحت الأبواب في وجهي وحدة ورا الثانية ..و أولهم قرايتي لي كانو راح يحرموني منها ...كملتها و تخرجت و اليوم رجعت محامية عندها اسم و ضاربين المثل بيا فبلاد الغربة ...صح الغربة ما واتاتنيش بزاف اما كانت افضل الف مرة من البلاد و العايلة لي كنت عايشة فيها
تحررت و اخيرا بعد هروبي من هذاك المستنقع البائس لي كان خانقني و كابس عليا النفس كأنو ما تربيتش وسط عايلة الأصح اني تربيت وسط وحوش ياكلو فلحم بعض عايشين على القتل و الدم و المرا عندهم ما تسوا شي ...لي يشوفهم من برا يقول عليهم ناس مثقفين و واعيين اما لي يعرفهم من داخل يعرف معدنهم الحقيقي .
قمت من الفرش بعد جهد جهيد ...برا كانت تشتي و الحالة مقلبة و الجو بارد ...مشيت حليت لخزانة ..جبدت منشفة و ثيابي ..و مشيت نتحمم ...
نصلت ثياب النوم من فوقي خليتهم طاحو على الأرض و دخلت تحت المرش بعدما ريڨليتو ...غمضت عيوني نستحلى فالماء السخون لي يطيح فوقي ...تبسمت كي تفكرت انو غدوة خطبتي من الانسان لي اختارو قلبي و حبو اما كل ما نتفكر حياتي قبل سبع سنين تحكمني غصة في حلقي تفسد عليا فرحتي ...
و خصوصي زواجي من هذاك العبد لي ما نعرف حتى اسمو و ما حوستش اني نعرف لانو كان ميهمنيش ...انا متأكدة انو عاود الزواج درك و راهو عايش حياتو و طلقني غيابيا ...منظنش انو مزالو يقلب عليا بعد هاذ السنين ....هزيت راسي يمين و يسار نطرد فالأفكار الخايبة لي غزات تفكيري ...مش راح نفسد فرحتي بسبة احداث صارو من الماضي ..حتى مني انا تبدلت بزاف و نضجت على قبل ما رجعتش بنت 17 رجع عمري 24
و نعرف الصح من الغلط ...مع هك مش نادمة على اي شي درتو من قبل الشي الوحيد لي نادمة عليه هو أمي لي خليتها تم وحدها و انا هربت بجلدي يا درا درك واش تكون حالتها و كيفاه عايشة ....دمعو عيوني كي تفكرتها توحشتها برشا لو تصرا معجزة و نرجع نقابلها مرة وحدة برك و نشم ريحتها ...رجعتي للبلاد مستحيلة حتى لو رجعت بهوية مختلفة مراحش نقدر نقابلها ....عضيت شفتي و نزلت راسي نلعن فالظروف و فقلة حيلتي حتى امي مش قادرة نشوفها و لا نشبع منها مهما حياتي تحسنت اما شوقي لأمي قاعدلي غصة في حلقي .
خرجت من الحمام لابسة الكاب ...شعري يقطر و عيوني مذبالة ...هزيت يدي مسحت وجهي بكفوف يدي و تنهدت تنهيدة كبيرة تبين الوجع لي داخلي .
حسيت بيدين خشان تلفو على كرشي ..تبسمت على جنب و سكرت عيوني كي دخلت ريحتو لنيفي ...جبدني ليه محضنني من ورا ...ظهري لاصق في صدرو العريض ...حط ذقنو فوق كتفي و غطس راسو وسط شعري المبلول يحكي بصوت يذبح
جبل: شبيها أميرتي قالبة وجهها ؟؟ مش لازمك تفرحي .. غدوة خطبتنا
تبسمت تبسيمة عريضة فهاذ اللحظة نسيت كل غشي و الشي لي كان شاغل بالي بمجرد لمسة منو ...جبل هو الراجل الوحيد لي يقدر يفرحني بكلمة ولا بلمسة و يطلعني لسابع سماء كي ما نكونش فصحني و يحاول يفرحني ..هو الوحيد لي يفهمني من ملامح وجهي بلا ما نحكي ...
تلفت لعندو بشوية و يديه محاوطين خصري
بعدلي خصلة من شعري لتالي يحكي قريب من وجهي
جبل: شكون غششلي حبيبتي هممم ؟
هزيت يديا حطيتهم على صدرو نلعب بقفالي شوميزتو ذابلة عيوني و عاضة على شفتي نحكي
شي متوترة
جبل: صدقتك
جبدني من خصري و قعدني على السرير و هو طابس على ركبتو مقابلني
جبل: واش تفاهمنا من قبل مش وعدنا بعض انو ولا واحد منا يخبي شي على الثاني حتى لو كنا مغششين من بعض هااا؟
ايه صح اما
جبل: اما واش تالا ؟؟
كبست على يدي لي محطوطة على السرير نخزر فيه بلا أي كلمة مش عارفة واش نحكيلو ...نقولو انو من الاول مكنتش صادقة معاك و كل لي حكيتهولك على حياتي مزيف ؟؟ مش قادرة نحكيلو حتى شوقي لأمي و نفضفضلو لاني خبرتو انو انا يتيمة ..هاذ الشي الوحيد لي منغصلي فرحتي مع جبل اني خبيت عليه هويتي الحقيقية ..إذا جاء شي يوم و عرف حقيقتي و واش مخبية عليه مش قادرة نخمن واش راح تكون ردة فعلو ؟؟ مش قادرة نخمم فهاذ الاحتمال ....و لا انو نخسر جبل لانو راح نهبل رسمي انا بلا وجود جبل في حياتي ما نسوا شي
أنت تقرأ
♤ رغبة محرمة ♤ { من تأليف و كتابة Macilia Ch }《 Forbidden Desire》_مكتملة_
Lãng mạnسلسلة_عشق_محرم 🔥🔥 قصة تحت عنوان رغبة محرمة 《مكتملة》 من تأليف و كتابة 🔱 #Macilia_ch 🔱 ممنوع منعا باتا النقل ❌❌ كرونيك راح تجمع بين #صراع_العشائر ، #الثأر ، #الدم ، #ثلاثي_حب ، #التضحية ، #العشق ، #الخيبة ، #الغدر ، #القتل ، و أكيد #التشويق و #ال...
