♕ #سـلسـلة_عشـق_مـحرمـ ♕
🔱 #رغــبــةّ_مـحـرمـة 🔱
#من_تأليفي_Macilia_ch
#الفصل_الثالث : شرارة عشق
الحلقة 40:
بعد ساعتين جابلو الڨارد هذاك التحاليل ..شاورلو حتى يخرج و يغلق الباب وراه
آدم: اخرج و اغلق الباب وراك حتى نعيطلك
هزلو راسو و مشى غالق الباب
غير خرج فتح التحاليل يقرا فيهم و مع كل كلمة يوساعو عيونو
آدم: كيفاه هاذي آدم خلفاوي و لجين خلفاوي احتمال يكونو اما ولاد عم و لا ولاد خال !!! واش هاذ الخرطي يا ####
كرفس الورق بين يديه و رماهم على طول يدو
آدم: حاتم ادخل
فتح الباب و وقف باستقامة
حاتم : أنعم آغا
آدم: تروح دوك تقول لهذاك يبدل التحاليل و اقعد فوق راسو حتى يبدلهم و مدلو دراهم على قد ما يسحق و ما تتزحزحش من تم حتى تديهم لجين و دير بالك بلاك تدي التحاليل الصحيحة
حاتم: حاضر
مشى رايح للمختبر مخلي آدم وراه يغلي مكرز
فوت يدو بالزربة على شعرو فرفشو معصب
آدم: كيفاه ولاد عم مستحيل هاذي بالوقت سمع طرق على الباب
آدم: ادخل
👤: آغا جبنا الآغا مراد
آدم: دخلوه و اقعدو برا
فسحولو لمراد يجوز ...دخل يتمختر بعكازتو متصنع القوة اما فداخلو يترعد من الخوف
قعد مقابلو يبلع فريقو و يزيد و آدم يخزر فيه بعيون تقدح نار
آدم: راح ندخل طول فالموضوع واش حكيتو انت و لجين لبارح فالاصل علاه رحتلها احكي !!
نشف ريقو و هو يلعب بعينيه من و من مكانش متوقع يجيبو و لا يسمع فالاصل كان متوقع اما مش بالسرعة هاذي
مراد: هو رحتلها عادي بنتي و حبيت نحكي معاها
آدم: على شكون راك تضحك قووووول ...درك تحكي الصح بالسياسة و لا تحب نستعمل معاك الطريقة الصعبة احكيييي
تهز من صياحو خايف منو يعرفو كي يجن جنونو كيفاه يولي
مراد: اعرف تحترم الكبار منك قبل
آدم: مزالك تتذاكى معايا
جبد سلاحو من خصرو و وجهو عليه نزل زر الامان و قرب منو حطو فوق رجلو
آدم: نبدا برجلك واش رايك ؟ مع كل اجابة غالطة نثقبلك بلاصة في بدنك
رجع وجهو ابيض و الخوف مسيطر عليه
مراد: ما حكيناش فشي مهم
قحرلو بعيونو لي تقدح نار و قوصو فرجلو خلاه يصيح بعلو صوتو من الوجع
آدم: واش حكيت مع لجين بواش خبرتها !!! واش الشي لي خلاها تعمل تحليل الحمض النووي لواش كانت حابة توصل احكيييي
شاف فيه بملامح باردة و صوب مسدسو لرجلو الثانية
كبس على شفافو متوجع منزل راسو العرق البارد ينزل من جبينو يجبد الهواء بسيف مش قادر يتحمل يعرف اذا راوغ حياتو راح تروح فاللعب
مراد: حكيتلها الحقيقة على والديها لي جابوها
نزل سلاحو يخزر فيه حاير
آدم: واش قصدك !! اختصر
نطق بصوت متقطع يتوجع
مراد: خبرتها انو عمتك تكون امها الحقيقية
ترخف بكلو مصدوم و الدم جمد فعروقو درك قدر يربط الخيوط من حكاية التحاليل
مشى شدو من فكو مزير عليه
آدم: علاه خبرتها لوين كنت حاب توصل !!!
مراد
مراد: بابا طلب مني نخبرها و كان مصر منعرف علاه صدقني
آدم: شيبة النار هذاك
طلقو مخليه ينزف بغزارة يفتح عيونو و يعاود
آدم: لجين نعرفها مكانتش راح تصدقك هكاك برك حتى لو جبتلها الف دليل واش لي خلاها تصدق احكيييي
مراد: خليت مرتي تحكيلها انو كل الكلام لي قلتو صح
طبس يهمس قرب وذنو يصر على سنيه
آدم: تروح كي الشاطر درك تخلي مرتك تعيط للجين و تقوللها انو كل لي قلتو غالط و انو اجبرتها تحكي الكلام هذاك شوف كيفاه تقنعها فهمت لا لالا؟
مراد: فهمت
آدم: مليح مزال عندنا كلام نحكو فيه اما لليوم يكفي تزيد شوية ينشف الدم منك و تموت هنا و انا مستحقك عيني راح تكون عليك تزغد هك و لا هك نجيب أجلك فاهم
مراد: ايه فهمت
آدم: حاااتم
فتح الباب و قرب منزل راسو
آدم: اديه داويه و رجعو منين جبتو
حاتم: حاضر .
أنت تقرأ
♤ رغبة محرمة ♤ { من تأليف و كتابة Macilia Ch }《 Forbidden Desire》_مكتملة_
Lãng mạnسلسلة_عشق_محرم 🔥🔥 قصة تحت عنوان رغبة محرمة 《مكتملة》 من تأليف و كتابة 🔱 #Macilia_ch 🔱 ممنوع منعا باتا النقل ❌❌ كرونيك راح تجمع بين #صراع_العشائر ، #الثأر ، #الدم ، #ثلاثي_حب ، #التضحية ، #العشق ، #الخيبة ، #الغدر ، #القتل ، و أكيد #التشويق و #ال...
