فوط + رايكم
#سلسلة_عشق_محرم 🔥🔥
#رغبة_محرمة 🔥🔥💔
🔱 #من_تأليفي_Macilia_ch 🔱
#الفصل_الاول : #العروس_الهاربة 👰💃
♠️ الحلقة 17: ♠️
جمدت في بلاصتها مشوكية من لي صار ...علا صوت صياح نساء عايلتها ...هزت راسها شافت في امها لي مصدومة كيفها و عاودت شافت في باباها لي غارق فدمو ...رمشت عيونها ورا بعض تحاول تستوعب الشي لي صرا
شاف آدم فشي لي عملو من لي سمع صوت صياحها خرج يجري ناسي وين راه ...في لحظة غضب و بلا ما يخمم مرتين و لا يتردد جبد سلاحو من خصرو و قوص عليه ...زم شفافو كي سمع صوت خطوات من تحت مشى شدها من يدها يكركر فيها وراه ...ما قدرت تعمل حتى ردة فعل ...علقت عيونها جهة امها لي واقفة بلا حركة ....الوقت لي وصل عباس و البقية للفوق و شافو جثة مراد و عرفو من النساء واش صرا كان آدم و لجين في الممر السري خارجين
صاح في وجه رجالو وجهو احمر
عباس: طوقوا القصر ما تخلوهمش يهربوا كيفاه حتى دخلو للقصر حتى اتحركو
خرجو من النفق لقاو الشوفور يستنى فيهم و باقي رجالو تم
آدم: خلونا نخرجو من المنطقة قبل ما يحاصرونا
👤: حاضر
شاف في لجين لقاها في عالم ثاني نفخ على جنب و ركبها معاه و قلعو من تم مخليين الغبار وراهم
...لجين طول الطريق سارحة وجهها اصفر جامدة بلا حركة غير رموشها لي يتحركو و الدموع المتحجرين في جفونها مزال منظر باباها مرمي فالارض غارق فدمو بين عينيها معرفتش اذا تأثرت بموتو و غاضها و لا شي ثاني مع انو ولا مرة حسسها بأبوتو دايمن جابد روحو عليهم و نافر منهم ..دخلت في صدمة و عقلها مقدرش يستوعب كل لي صرالها ضربة وحدة
مع العشية قاع وصلو لقصر آل خلفاوي ..الدنيا كانت قريب ليل ....تفتحت البوابة الكبيرة و دخلو السيارات وحدة ورا ختها ...
آدم: قادرة تمشي؟
زمت شفافها و قفلت عيونها تغلي من داخل حابة تعاتبو على الشي لي دارو اما مش قادرة قواها خارت حاسة روحها مخدرة مش قادرة تخطي خطوة وحدة حتى
نزلت من السيارة بطلوع الروح تكركر في رجليها بسيف و آدم وراها يراقب فيها بعينيه ...الكل تجمع فالصالة كل واحد فواش يخمم ..الخبر وصلهم يفور
ادهم : و الحل درك قال راح يدخل و يخرج بسكات من تم بلا ما يفيقولو اما ظهر عمل مصيبة
رشيد: ميهمش هاذ الشي راهو خلصنا من واحد فيهم
ادهم: و اذا رجعو ينتقمو و قتلو واحد منا كيفاه
آدم: مع الشي لي جبتو مش راح يحركو نملة
تلفتولو كلهم مركزين نظرهم عليهم
رشيد : مالا قدرت تنجح
آدم: اكيد جدي و لو
أدهم: مبروك بابا
رشيد: مبروك علينا كلنا
نزلت تجري من الدروج وجهها و عينيها حمر جمر شي من البكاء و شي من الزعاف و صفوان وراها يحاول يهدي فيها بعدما عرفت بلي صرا من مرت عمها
بشرى: مبروك واش يا #### قتلتو بابا و فرحانين اه؟؟..
وقفت مقابل الجد حالتها حالة و الدموع ماليين خدها
بشرى: كنت حاسبتكم بشر و عايلتي الثانية حتى اني حسبتكم افضل من عايلتي الأصلية مع اللخر طلعتو اضرب من بعض و انتو الكارثة ...مش كنتو حابين السلام و الخرطي هذاك علاه قتلتو بابا مالا و يتمتوني جاوبو
حبست من الكلام صدرها طالع هابط مغششة للتوب لوكان لقات درك تنسفهم من على وجه الارض على فرحتهم و لا مبالاتهم بموت باباها ...هزت يدها تبعد في شعرها لي لصق في وجهها ....على تلفيتتها لمحت لجين واقفة فكوانة دموعها على خدها جامدة بلا حركة
جن جنونها مكرزة شادة على قبضة يدها بقوة وهي تتذكر فكلام مرت عمها تاع قبيل كي قاتلها بلي لجين جات مع راجلها و دخلاتو من الممر السري و قتلو باباها
عضت على شفتها بزور و اندفعت جهتها
جات تتلاح عليها زرب مد يدو وقفها و جبدها من وسطها مزير عليها عندو مكبلها بيديه..ظهرها لاصق في صدرو ....قعدت تفرفط و تصيح بين يديه هايجة و مكرزة عيونها حمر خارجين
بشرى: سيبني سييييبنييييي عليها اليوم نخرج روحها سيبنيييي
صفوان: اهدي بشرى الزعاف مش مليح و نتي حامل
لزت على سنيها و قلبت عيونها فالهواء مغزلة منو ...هزت يدها و ضرباتو بمرفقها لكرشو بكل قوتها ..الشي لي خلاه يرخف قبضة يدو عليها
أنت تقرأ
♤ رغبة محرمة ♤ { من تأليف و كتابة Macilia Ch }《 Forbidden Desire》_مكتملة_
Storie d'amoreسلسلة_عشق_محرم 🔥🔥 قصة تحت عنوان رغبة محرمة 《مكتملة》 من تأليف و كتابة 🔱 #Macilia_ch 🔱 ممنوع منعا باتا النقل ❌❌ كرونيك راح تجمع بين #صراع_العشائر ، #الثأر ، #الدم ، #ثلاثي_حب ، #التضحية ، #العشق ، #الخيبة ، #الغدر ، #القتل ، و أكيد #التشويق و #ال...
