فوط + رايكم للتشجيع 💜
♤ #سـلسـلة_عشـق_مـحرمـ ♤
🔱 #رغــبــةّ_مـحـرمـة 🔱
#من_تأليفي_Macilia_ch
#الفصل_الرابع : ذئاب لا تعرف الرحمة
الحلقة 56 :
حل الباب و حط رجلو لداخل و ركب فطوموبيلتو رايح للمقبرة بعدما تطمن على أمو و فهم حكاية قصي مليح....وقفو صوت التلفون يصوني ...جبدو من جيبو يشوف شكون يعيطلو فرد وقت يحط فحزام الأمان ...لقاها لجين ..حمحم حتى يعدل صوتو و قبل الاتصال ...غير جاوبها سمع صوت حاجة تتخبط بعدها صوت التلفون وقت طاح ...تخلع قلبو فبلاصتو و لبو العرق يحكي
آدم : لجين ألوووو جاوبيني لجييييين متحيرينيش عليك لجيييييين
قطع الاتصال و عيط لرجالو لي حطهم يحرسوها بعد عدة محاولات حتى واحد ما جاوب ...هبل فمخو و نطر حزام الامان قريب قلعو من بلاصتو و خرج من الطوموبيل يجري و يعيط للحراس لي تم
آدم: اتجمعو اجرووو حااااااتم
تصطفو الكل قدامو مش عارفين شبيه
وجهو حمر قريب يطرشق واقف مقابلهم صدرة طالع هابط من الزعاف و الخوف فرد مرة
هز صبعو يحكي
آدم: نص يجي معايا للمقبرة و النص الآخر جيبولي كل كاميرات المراقبة لي فالمقبرة و الطريق لي تدي ليها و الطريق لي تخرج منها فاهمييين
هزولو ريوسهم و تنفضو يجرو من و من
شور لي معاه يتبعوه و عاود ركب فالطومو تاعو و قلع بأقصى سرعتو و باقي الحراس وراه فطوموبيلات منفصلة ...شد فران قاوي جنب مدخل المقبرة و هبط يجري يسابق فالريح
توزعو الحراس يقلبو على لجين و بشرى و على الحراس لي يحرسوهم و آدم على راسهم
نطق واحد من الحراس يصيح
آغاااا لقيت الحراس
مشاو الكل يجرو لوين واقف ...تصدمو من المنظر لي لقاوهم فيه ...الكل ميت غارقين فدمهم اما برصاص و لا طعنة سكين
زم آدم شفافو راح يطرطق...كتم صرختو وقت حط يدو بين سنانو ...فجأة سمع صوت تلفون يصوني ...عقد حواجبو و راح تبع الصوت ...رنة التلفون هاذي يعرفها...غير لحق لمصدر الصوت لمح تلفون لجين مرمي فالأرض ...مشى بخطوات ثقال جهتو و طبس رفدو
غير دورو جهة الشاشة و قرا نيمرو المتصل جن و هبل فمخو كيفاه راح ينسى نمروه و تم فهم الحكاية
فتح الخط و حطو على وذنو و بدا يصيح
آدم: يا ##### و نحكمك ن#### يا ط#### أرواح و قابلني اذا كنت راجل تعرف تستقوا على النساء يا ر###
بعد التلفون من وجهو شوية مكمش ملامح وجهو يضحك ...عاود رجعو لوذنو يحكي
جبل : أعصابك خويا العزيز لا يتطرشقلك عرق
زم شفافو يتوعد فيه صدرو طالع هابط من الزعاف
آدم: أرواح ن#### و نقطع لحمك قطعة قطعة حتى يخرجو عيونك من الوجع و نعمل من فخاذك سكالوب
جبل : هذا تهديد و لا بلاش شبيك متوحش قاع هك ...اه تفكرت ...شاف فلجين لي غير كيما فاقت من المخدر..ترمش فعيونها تحاول تصحصح قاعدة فوق كرسي مقابلو و بشرى حطوها فشمبرة وحدوخرا
أنت تقرأ
♤ رغبة محرمة ♤ { من تأليف و كتابة Macilia Ch }《 Forbidden Desire》_مكتملة_
Romanceسلسلة_عشق_محرم 🔥🔥 قصة تحت عنوان رغبة محرمة 《مكتملة》 من تأليف و كتابة 🔱 #Macilia_ch 🔱 ممنوع منعا باتا النقل ❌❌ كرونيك راح تجمع بين #صراع_العشائر ، #الثأر ، #الدم ، #ثلاثي_حب ، #التضحية ، #العشق ، #الخيبة ، #الغدر ، #القتل ، و أكيد #التشويق و #ال...
