فوط + رايكم
#سلسلة_عشق_محرم 🔥🔥
#رغبة_محرمة 🔥🔥💔
🔱 #من_تأليفي_Macilia_ch 🔱
#الفصل_الأول : #العروس_الهاربة 👰💃
♠️ الحلقة 10 : ♠️
طاح الليل و خيم السكات..وصل وقت العشاء ..الكل اتلموا فالطابلة فصالة الأكل ..الخدامات يجرو هنا و لهيه ..رايحين جايين من الكوزينة كل وحدة واش رافدة و كل وحدة بواش مكلفة دير ...
الريس الكبير قاعد فراس الطابلة ..على يمينو قاعد ولدو أدهم و عايلتو ..مرتو سهام ..ولدو أدهم و لجين و على اليسار قاعد منصف و مرتو ولادو الزوج منصف و مرتو بشرى جنبها سيرين
الكل غاطسين فصحنهم و غايسين لبعيد ..بشرى كانت تلعب بصحنها فادة مش عينها تاكل و لا حاملة منصف لي قاعد جنبها ..خصوصي كي عرفت انو جدو ما عاقبوش كيما يلزم ..تأففت بينها و بين روحها تحسب فالدقيقة لي يوفى هاذ العشاء و تطلع ترقد
سيرين بدورها كانت تقحر للجين من تحت لتحت مضيقة عيونها فيها مش حاملتها حتى طرف و مش هاضمة وجودها
حمحم رشيد يحكي و هو يخزر لبشرى
رشيد: بنتي شبيك ما كليتي شي؟
هزت راسها و تبسمتلو بسيف
بشرى: مش شاهية ناكل حاجة
رشيد: لازم تهتمي بروحك اكثر و ماكلتك و صحتك ما تنسايش رامي حاملة روحين داخلك
صفوان: هذا اذا صح قال مش شاهية سم الهاري
همس صفوان بين شفافو بصوت خافت اما بشرى قدرت تسمعو
تبسمت تبسيمة صفرة كابسة على الشوكة لي فيدها تحاول تهدي روحها و تكبت زعافها على شوية كانت غرستلو الشوكة فيدو و شفات غليلها منو
شافت فالرايس تحكي
بشرى: اكيد جدي عندك حق ..من اليوم راح ندير بالي على صحتي و اكلي حتى ينولد ولدي ولا بنتي بصحة مليحة
تبسملها و هو يخزر فصفوان لي فعالم ثاني
رشيد: بنتي اطلبي مني اي شي راهو فخاطرك بمناسبة هاذ المناسبة السارة
تبسمتلو بفرحة كي لمعت في عيونها فكرة
بشرى: حابة نخدم
صفوان هز كاس الماء يشرب اما كي سمع رغبتها ..شرق يكح و يعاود مش مصدق وذنيه
ضحكت بشرى على حالتو بينها و بين روحها
رشيد: طلبك مقبول من غدوة راح نحكي مع مدير أعمالي حتى يلقالك خدمة تناسبك فواحد من مصانعنا
صفوان: جدي واش راك تقول كيفاه راح تسمحلها تخدم و واش من خدمة راح تعرفلها تي حبست قرايتها فالمتوسط واش راح تعرف
تبسمت بمرارة على كلامو ..مكانتش دايرة فبالها انو يدعمها فقرارها و كانت متوقعة ردة فعلو هاذي اما مع هك انجرحت من كلامو
رشيد: ايه منبعد كي حبست قرايتها فالمتوسط انت تشوف هاذ الشي عيب يا متعلم ؟
صفوان: لا جدي حاشى اما راح تكون مضيعة للوقت و الجهد
رشيد: مش راح يكون مضيعة للوقت ..بشرى ذكية و حاذقة و تلقطها على الطاير ..متاكد راح تتعلم بسرعة مش هك بشرى
شافت في صفوان بطرف عينها متشمتة فيه..مرجعش عندو راي عليها ولا يقدر يفرض اوامرو عليها
بشرى: اكيد جدي راح نتعلم بلخف و راح ندير جهدي حتى نفيدكم
رشيد: متاكد من هاذ الشي
الباقي كان ساكت ما حكاو و لا كلمة قعدوا يتبعو حديثهم فصمت ..لجين كانت تخمم في امها و مش دايرة بال لحتى حد ..بعد كلام آدم اللخر سكتت و محبتش نكمل تتناقش معاه
خلاتو يحسب انو فهمت و راح دير كيما يحب اما فالحقيقة راح دير واش لي فبالها .
أنت تقرأ
♤ رغبة محرمة ♤ { من تأليف و كتابة Macilia Ch }《 Forbidden Desire》_مكتملة_
Romanceسلسلة_عشق_محرم 🔥🔥 قصة تحت عنوان رغبة محرمة 《مكتملة》 من تأليف و كتابة 🔱 #Macilia_ch 🔱 ممنوع منعا باتا النقل ❌❌ كرونيك راح تجمع بين #صراع_العشائر ، #الثأر ، #الدم ، #ثلاثي_حب ، #التضحية ، #العشق ، #الخيبة ، #الغدر ، #القتل ، و أكيد #التشويق و #ال...
