فوط+ رايكم
♕ #سـلسـلة_عشـق_مـحرمـ ♕
🔱 #رغــبــةّ_مـحـرمـة 🔱
#من_تأليفي_Macilia_ch
#الفصل_الثالث : شرارة عشق
الحلقة 37:
غير سمعوا صوت الخبطة و عياطها و هي تتكركر فالدروج جاو يتجاراو لقاوها مرمية فآخر دروج الطابق الثاني طايحة غارقة فدمها
شهقت امها تصيح بعلو صوتها و مشات ليها طبست طلعتلها راسها حطاتو فحجرها تبكي و تصيح
صفية: بنتيييي اه بنتييييي فيقي سيرييين
مشات سهام تهدي فيها و ناصر جبد تلفونو يرجف عيط للاسعاف
الوقت هذاك حبست طوموبيل آدم و وراه الڨارد ...نزل أيهم و آدم فنفس الوقت
فتح أيهم الباب الوراني خرج بنتو لي كانت راقدة رفدها بين يديه راسها على كتفو و آدم مشى داخل القصر يشوف واش صاير كي لقى سيارة الإسعاف فالساحة
لمح المسعفين خارجين من القصر يجرو فالنقالة رمى عينو لمح سيرين متسطحة فوقها وجهها مضروب و الدم يشرشر من راسها
خرجوا الجماعة وراهم
آدم: بابا جدي واش كاين ؟
سهام: سمعنا صوت خبطة لقينا سيرين مرمية غارقة فدمها
حطوها المسعفين داخل سيارة الإسعاف ركبت صفية معاهم و قلعوا رايحين للسبيطار
شيعهم آدم بعينيه حتى خرجو و تلفت لعندهم
آدم: راح نروح وراهم امي اقعدي هنا اهتمي بأيهم و بنتو
سهام: بنتو !!
راح أدهم و ناصر و الجد ركبو فطوموبيل وحدة و قلعو وراهم
آدم: أيهم راح يفسرلك راني رايح وراهم
سهام: باهي ولدي
عقد حواجبو مش فاهم واش صاير لحق عند انو يستفسر
أيهم: أمي واش صرا؟
سهام: سيرين طاحت من الدروج و تخبط راسها نظن إصابتها خطيرة
شافت فلي هازها تحكي
سهام: شكون هاذي؟
أيهم: بنتي
سهام: ياه هاذي حفيدتي
أيهم: ايه خليني ندخلها نحطها راهي راقدة منبعد نروح ورا الجماعة
سهام: ايه دخلها دخلها طلعها لجناحي راح نهتم بيها كي عيوني انت روح مرتاح
تنهد بصوت خافت
أيهم: حاضر
الوقت هذاك تسرسب جبل هارب من القصر حط ثيابو و اوراقو فالباكاج تاع الطوموبيل و قلع خارج من القصر
جبل: عايلة مهابل
خبط الفولون بكل قوتو يلعن في سيرين
جبل: بنت ال### اما فشيت غلي فيها تبسم بمكر مركز عيونو مع الطريق
جبل: مغرورة متعجرفة من الاول كنت حاب نخبطها بطريحة ما فادتني بوالو لو تموت و تخلص على الأقل نكسب وقت .
طلع لجناح والديه مشى دخل لشمبرتهم محملها بين يديه طبس حطها على السرير بشوية و غطاها
دخلت سهام من وراه مشبكة يديها ببعض تخزر فيها بهيام
سهام: ما شاء الله على حفيدتي
أيهم: امي بلا ما نوصيك و اذا ناضت عيطيلي و حطي عينك عليها متخليهاش وحدها
سهام: ايه ايه بلا ما توصي
أيهم: راني رايح
وصلو واحد من الحراس للسبيطار ...دخل و راح للاستقبال يسقسي عليها قابلو صفوان فالباب
أيهم: صفوان !!
صفوان: أيهم
أيهم: وين حاطينها؟
صفوان: راهي فالعملية
أيهم: واش قالو على حالتها ؟
صفوان: الضربة لي كلاتها قوية سببتلها ارتجاج فالمخ و عمق فتحة راسها كبيرة
أيهم: نعرف سيرين راسها محجر مش بالساهل يتفقس راح تخرج منها سالمة
صفوان: ان شاء الله
أيهم: الجماعة وينها
صفوان: امي انهارت حطوها فغرفة ترتاح بعدما مدولها مخدر اما البقية قدام غرفة العمليات
أيهم: باهي نظن العملية راح طول خلينا نخرجو للجنينة نشمو شوية هواء و ندردشو ما بيد تخلص هيا
هزلو راسو بايه بلا ما يحكي من حالتو يبان عندو شحال ما ذاقش طعم النوم طبطبلو على كتفو و خرجو للجنينة
أنت تقرأ
♤ رغبة محرمة ♤ { من تأليف و كتابة Macilia Ch }《 Forbidden Desire》_مكتملة_
Romanceسلسلة_عشق_محرم 🔥🔥 قصة تحت عنوان رغبة محرمة 《مكتملة》 من تأليف و كتابة 🔱 #Macilia_ch 🔱 ممنوع منعا باتا النقل ❌❌ كرونيك راح تجمع بين #صراع_العشائر ، #الثأر ، #الدم ، #ثلاثي_حب ، #التضحية ، #العشق ، #الخيبة ، #الغدر ، #القتل ، و أكيد #التشويق و #ال...
