♤ رغبة محرمة ♤ { من تأليف و كتابة Macilia Ch }《 Forbidden Desire》_مكتملة_

♕البارت 15 ♕

فوط + رايكم

#سلسلة_عشق_محرم 🔥🔥
#رغبة_محرمة 🔥🔥💔
🔱 #من_تأليفي_Macilia_ch 🔱
#الفصل_الأول : #العروس_الهاربة 👰💃
⁦♠️⁩ الحلقة 15: ⁦♠️⁩

فمصنع السيارات التابع لآل خلفاوي

شادة بين يديها كومة ملفات ..طالعة بيهم فالدروج ...وصلت للايتاج الخامس ...تلهث نفسها مقطوع ...العرق البارد مالي جبينها
حبست ترد فالنفس ...
فهد: اوو شكون هنا
هزت راسها على صوتو وجهها رجع اصفر و عيونها ذبلانة
تفجع من حالتها خصوصي كي سمع انو هي حامل ...زرب حرق الدروج لي بينهم و وصل لعندها ...شد الملفات لي حاكمتهم و سندها على الحيط يحكي
فهد: شبيها حالتك رجعت هك و علاه راكي متعبة روحك قد هك
بلعت ريقها تحكي بصوت متقطع
بشرى: حالتي ما بيها شي شوية تعب برك و هاذي خدمتي راني نخدم فيها
فهد: رافدة كل هاذ الملفات و طالعة فالدروج بشرى: يا ذكي حتى انت كنت هابط من الدروج علاه لانو المصعد معطل مالا من وين حابني نطلع
فهد: المصعد مش معطل
بشرى: كيفاه مش معطل ؟ صفوان خبرني انو المصعد تعطل و ننزل من الدروج نجيب الملفات من تحت وو
كبست على شفافها تلعن فيه بين شفافها
بشرى: يعني دارها بلعاني
هز كتافو بمنعرف
فهد: يمكن حسبتلو المصعد معطل
بشرى: لا مش حسبتلو دارها بلعاني ل### درك نفرجك فيه
دزت الباب و دخلت تقلب على المصعد بعيونها ...غير لمحاتو وين جاي زربت تمشي جيهتو تغلي من الزعاف و فهد يمشي وراها رافد الملفات لي خلاتهوملو
فهد: ايي استناي شدي صوالحك
تفتح المصعد و خرجت منو تزرب في مشيتها شعرها يتمايل وراها كابسة قبضة على يدها وجهها احمر ...لي يجوز من حذاها يستغرب منها
وصلت لمكتب صفوان و زدمت للداخل بلا احم و لا دستور حتى بلا ما دق ..تلفتو لعندها مستغربين من دخولها
تسمرت في بلاصتها كي لقات وحدة شعرها اشقر قاعدة جنب صفوان حاطة يدها على فخضو قريب تقعد على حجرو
قربت منهم مركزة نظرها على صفوان تحكي و تأشرلو بطرف عينها على لي قاعدة معاه
بشرى: شكون عود السباڨيتي الاشقر لي قاعدة معاك ؟
شد روحو حتى ميضحكش اما فرد وقت حمد ربي انو لي معاه ما تفهمش لهجتهم
صوفيا: Qu'est ce qui se passe ici ?  qui est-elle (واش راهو صاري هنا ..شكون هاذي؟ )
طلعت حاجبها و تبسمت تبسيمة صفرة تستنى فيه يرد عليها
صفوان:  Elle est ma secrétaire( هاذي تكون سكريتيرتي )
صوفيا : Est-ce  qu'elle entre brutalement comme ça? ( و تدخل هك بوقاحة؟)
صفوان : Ne vous en souciez pas et continuons notre conversation. Je la réprimanderai plus tard pour ce qu'elle a fait, ne vous inquiétez pas
( ما تعمريش راسك بيها و خلينا نكملو كلامنا منبعد نعرف كيفاه نعاقبها على عملتها متقلقيش روحك)
تبسمتلو و كملت تدحنس عليه و تذبلو في عيونها ...فرد وقت تمشي يدها على طول صدرو
عضت شفافها ببعض مغزلة و الدموع تجمعوا في عيونها ...كانت متوقعة تسمع كلمة مرتي من فمو اما لا  رجعها مجرد سكريتيرة برك ...خيبتها كانت باينة من عيونها ...اكيد داير في بالو ما تعرفش اللغات الأجنبية و لا تحكي بيهم و لا تفهمهم حتى بما انو حبست قرايتها فالمتوسط ...هي الحمارة لي مزالها حتى لدرك متوقعة منو يتبدل و يحس بيها ..لعنت روحها الف لعنة و عطاتهم بظهرها و حلت الباب خارجة ...قفلتها من وراها و سندت ظهرها عليها ...خلات دموعها ينزلو بسكات ..صدرها يطلع و يهبط
فهد كان واقف يستنى بعيد على مكتب صفوان يخزر للحيط  مش حاب يتقابل معاه فرد وقت قعد يقارع لبشرى تخرج حتى يمدلها الملفات و يروح على روحو ...
على تلفيتو لمح بشرى جاية جيهتو دموعها على خدها ...استغرب من حالتها و مشى جيهتها
فهد: بشرى واش صرا ؟
هزت عيونها المدمعين تخزر فيه و بلا ما تحكي كلمة ..ترمات عليه و كبشت في شوميزتو بزوج يدين  مغطسة راسها في صدرو تبكي ..فهد تكوانسا في بلاصتو ما لقى ما يدير ..حس بدموعها شمخولو شوميزتو عرف انو صرات حاجة بيناتهم ...اكتفى انو يلف يدو عليها يمسح على ظهرها ...
رخى ملامح وجهو فاهمها و حاسس بوجيعتها الكل يعرف علاقة بشرى و صفوان و من كلامها تاع مقبيل باين كي الشمس مش حابب وجودها جنبو .
تحل الباب و خرج صفوان حتى يجيب الملفات لي وصى بشرى تجيبهم و ما جابتهمش
تشل في بلاصتو و وساعو عيونو كي لمحها داخلة في راجل ثاني مكبشة فيه بيديها ...تقلب وجهو و رجع احمر ..عروق رقبتو قريب يطرشقوا كابس على قبضة يدو بقوة ...جاء يروح لعندهم و يبهدلهم اما خمد ضربة وحدة و تراجع ...الكل لي هنا ما علابالهمش انو بشرى تكون مرتو و الاهم من هاذ الشي مش حاب يدير فضيحة هنا و يخلي جدو يسلب منو ادارة المصنع ..بلع السكينة بدمها يتحلف فيهم بعيونو...ركز عيونو فوجه كابشة فيه لقاه فهد و شكون غيرو الفار الصغير لي يحط عينو على ملك غيرو ...هز راسو ناوي يكمل شغلو فأسرع وقت و يفضالهم عاود رجع دخل لمكتبو يتهز و يغلي من الزعاف.