سلسلة_عشق_محرم 🔥🔥
قصة تحت عنوان
رغبة محرمة 《مكتملة》
من تأليف و كتابة 🔱 #Macilia_ch 🔱
ممنوع منعا باتا النقل ❌❌
كرونيك راح تجمع بين #صراع_العشائر ، #الثأر ، #الدم ، #ثلاثي_حب ، #التضحية ، #العشق ، #الخيبة ، #الغدر ، #القتل ، و أكيد #التشويق و #ال...
واقف فنص الغابة شايد بندقية الصيد بين يديه مصوبها للفوق ...عين مغلوقة و عين مضيقها ...كي لمح فريستو تتحرك حط صبعو على الزناد و تيرا عليها جابها في راسها قدقد طاحت تتهاوى بين الشجر حتى تخبطت فالارض ...نزل بندقيتو يتبسم ..هز يدو شور لواحد من رجالو لي تم يجيبوها و مشى داخل للكوخ لي فنص الغابة من برا يبان كوخ عادي اما داخل كأنو قصر ...الدنيا كانت باردة و السماء رجعت مغيمة ....راح قعد قدام الشميني ...حكم عصا يدور فالحطب لي تم حتى تزيد النار لي انعكست على لون عينيه قعد يتأمل فالنار تاكل الحطب بتمعن بلا ما يرمش حتى ...قاطع سهوتو فهد يحمحم حط العصا من يدو و تلفت ليه 👤: شبيه وجهك مضروب هك ؟ صرات حاجة؟ فهد: الشي لي كنا نستناو فيه تلغى آدم قدر يقنع جدو يتراجع اما الحالة متوترة بين العشيرتين بسبة لي دارو آدم 👤: من يوم يومو ميقعدش بلا مشاكل فهد: متقلقتش من الموضوع ؟ الشي لي كنت تحوس عليه ما صارش و زيد بانت عقبة جديدة 👤: قصدك جبل قطب حواجبو مستغرب فهد: ايه هو رجع و حاب يسترجع كنيتو و يستولي على كلشي نزل راسو يتبسم نص تبسيمة ...حط الڨارو بين شفايفو ثواني حتى خرجو من فمو و نفخ الدخان فالهواء فهد: راني نشوف فيك مش مستغرب توقعت ردة فعل وحدوخرا هز راسو ليه يخزر فيه بحدة مضيق عيونو فيه 👤: واش هو الشي لي يفسد علاقة زوج خاوة بين ليلة و نهار ؟ زم شفافو يخمم...من نهار اختفاء جبل فجأة حس انو علاقتو هو و آدم تصدعت فهد: علاقتهم كانت مليحة حتى راح آدم لكندا و جاب لجين معاه و من تم علاقة الخاوة فسدت بسبة هز راسو مصدوم عينيه مفتوحين على وسعهم كي ربط الخيوط ببعضها يخزر فيه مش فاهم 👤: لي فبالك هذاك هو لي خلات علاقتهم تفسد مرا فهد: قلتلي من قبل راح تعمل اي شي حتى تخلي علاقة آدم و جبل تفسد اما مكنتش متوقع هك ...طيرتها لابليس و درك واش راح يصرا؟ 👤: نخلو الخاوة ياكلو بعض فهد: و تفضالك الساحة وقتها
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
واقفين قدام البلوك ..آدم ، سيرين و جبل ... من لي دخلوها لغرفة العمليات و آدم على أعصابو رايح جاي فالممر ...أعصابو تالفة و ثيابو كلها مسخين بالدم ...فوت يدو على شعرو بعصبية ينفخ سيرين قلبت عيونها منو دوخها و مش حاب يقعد فبلاصة وحدة ..اما جبل فكان فعالم ثاني قاعد على الكرسي لي تم منزل راسو يلوم في روحو لوكان مجابهاش معاه و لا بالاحرى ما تجاهلهاش و خلا عينو عليها مكانش صرالها شي ثواني و خرج الطبيب من البلوك ...تنفض آدم لعندو يجري يسقسي فيهو الباقي وراه آدم: واش راهي مرتي؟ زم جبل شفافو بغيض و الصهد طلعلو لراسو حتى لدرك مش متقبل انو لجين مرت خوه من شهرين برك كانو راح يتزوجو و جوهم باهي عايشين فالعسل اما فجأة خلاص كلشي بكلمة وحدة الطبيب: مع الاسف حالتها حرجة قدرنا نوقفو النزيف و كليتها اليسرى انصابت بضرر كبير اضطرينا نستأصلوها اما الخطر على حياتها مزالو قائم بحالتها مراحش تقدر تكمل بكلية وحدة احتمال كبير تحبس وظيفتها لازم واحد يتبرعلها بكليتو آدم: انا مستعد نتبرعلها جبل: راح نتبرعلها نطقو لزوج فرد مرة باندفاع كبير عوجت شفافها تهمس سيرين: من زهركم حتى واحد من العايلة هنا و لا كنتو تفضحتو الطبيب: مع الاول لازم ديرو فحوصات حتى نشوفو اذا طابقت انسجتكم مع المريضة و الاهم لازم يكون عندكم نفس زمرة دمها ...تلفت عند آدم ...واش هي زمرة دمها تبسم جبل على جنب عارف انو آدم ميعرف والو عليها و بالتالي ميعرفش زمرة دمها ...جاء يحكي سبقو آدم آدم: +B و هي نفس زمرة دمي وساعو عيونو مصدوم يرمش في عيونو مرات ورا بعض يحاول يستوعب الموقف آدم: و بما انو انا راجلها و من نفس زمرة دمها انا راح نتبرعلها الطبيب: ايه اكيد بعد شوية راح تجي ممرضة تديك حتى تنحي دم للتحاليل لازم نتاكدو اذا الانسجة نتا و مرتك مطابقة و اذا ما طابقتش نشوفو واحد آخر آدم: باهي عاود الطبيب دخل للبلوك ..شيعو آدم بعينيه و تلفت لجبل لي يقحرلو ...قلب عيونو منو يحكي آدم: مش وقت عرك درك اما حسابي معاك منبعد
