#سلسلة_عشق_محرم 🔥🔥
#رغبة_محرمة 🔥🔥💔
🔱 #من_تأليفي_Macilia_ch 🔱
#الفصل_الأول : #العروس_الهاربة 👰💃
♠️ الحلقة 14 : ♠️
تهزت و تحطت على الباب لي تخبط بقوة ...تلفتت لمصدر الصوت شافاتو جاي جيهتها يمشي وجهو مقلوب على آخرو
قلبت عيونها و كملت تلبس في ثيابها تحت نظراتو لي ياكلو فيها ...وقف قريب منها ساند مرفقو على الحيط ...مطلع حاجبو يخزر فيها بغش
صفوان: علاه كذبتي عليهم ؟ احكي ترا
كمشت ملامحها بعدم فهم و دارتلو
بشرى: على واش تحكي بالضبط
صفوان: على التوأم لي عندك
شاف فيه و تبسيمة باهتة على شفافها
بشرى: مش كذب
صفوان: حابة تهبليني ولا شاه؟
بلڨت عيونها فيه مغزلة منو
بشرى: انت لي طرش و لا منعرف واش ..المرة الجاية نقي وذنيك ولا افتحهم ...اصلا نتا هذاك الوقت كنت لاهي تخربش في تلفونك و مش سامع بالدنيا اما دقيقة دقيقة مش قلت اني مش حامل منك و رقدت مع ح
قاطعها كي هز يدو حطها على فمها سكتها مش متحمل تكمل في كلامها
صفوان: بلا ما تعاودي فالهدرة فهمنا و مزالني عند كلامي
نطرتلو يدو من فوق شفايفها بغش ..تخزر فيه بعيون حمر ...مزالو ناوي يوجعها بكلامو المسموم ...نكرانو بلي فكرشها فحد ذاتو قاعد يقتل فيها عرق بعد عرق
بشرى: مالا بلا هدرة زايدة المرة الجاية منسحقكش فوق راسي كبيرة و واعية راح نمشي وحدي للفحص الجاي مش مستحقة مزيتك ...ختمت كلامها بضحكة باهتة على شفايفها و دورت ماشية جهة السرير تتخمد ترقد
زرب في مشيتو و شدها من ذراعها مدورها لعندو ...لمح لمعة الدموع في عيونها حس روحو كثرلها خصوصي فحالتها هاذي لازم يتجنب اي كلام ممكن يضرها
صفوان: مش بكيفك راح نمشي معاك مش علاجالك اما علاجال جدي لي منبهني ما نخطيكش ولا لحظة
بشرى: علاه خايف نروح #### مع شي حد
تقلب وجهو و صاح عليها فرد صيحة
صفوان: بشررررى متهبلينيش ليل ليل و تخرجيني من ملتي
بشرى: علاه شا قلت انا مش انت...
صفوان: خلاص بلا هدرة زايدة روحي ترقدي غدوة لازم تنوضي بكري مراحش نقبل أي تأخر خصوصي من اليوم الأول
بشرى: أطلق ذراعي بالاول حتى نروح نتخمد
نفخ على جنب و طلقها
جبدت يدها منو بغزول و مشات تسطحت على السرير ...جبدت الغطاء عليها بكلها ساندة راسها على المخدة عاطياتو بظهرها ...نزلو دموعها تبكي بسكات من وضعها لي راهي فيه...كانت متحمسة للخدمة مع الاول خصوصي كي عرفت بلي راح تخدم مع صفوان و تقابل وجهو نهار كلو و تشبع من شوفتو ..اما درك مش حاملة حتى تشوف في وجهو فرد وقت مشاعرها مخربطة خصوصي ففترة حملها رجعت حساسة و هرموناتها متقلبة ضعف حالتها الطبيعية ...حابة قربو فنفس الوقت كارهاتو مش عارفة واش لازم دير خصوصي فهاذ الفترة و هوما متناقرين
بدل ثيابو و مشى تسطح جنبها على ظهرو ...مشيع عيونو للسقف ...شاف فيها بطرف عينو كيفاه متغطية و عاطياتو بظهرها ضحك بحسرة من يامات برك كانت راقدة في حضنو ما جازتش ليلة و هوما بعاد على بعض اما كلشي تقلب بين ليلة و نهار ..مش عارف احساسو فهاذ اللحظة واش هو ...دايمن كان يشوف فيها إنسانة بلا كرامة ...طول مدة زواجهم ما عارضاتوش و لا حكات شي خصوصي كي ينبزها و لا ينفعل عليها على أتفه حاجة ..مكانش شايفها من اصلو غير كي يدي حاجتو منها و يفرغ طاقتو و يتخمد بعدها يرقد ناسي وجودها من جديد ...اما مهما كان الإنسان خايب و يخمم غير فمصلحتو مش لازم يتجاهلوه بذي الطريقة و يعفسو عليه و يلغو وجودو من اساسو...غلطة بشرى انو حبت و داست على كرامتها و كبريائها و كلشي يميزها حتى ترضي الطرف الآخر لي مش شايفها اصلا و مش عاطيها قيمة ولا حتى يوثق فيها مع انو هاذ الزوج مهمين فأي علاقة زوجية حتى و لو قلوبهم مش ملك للطرف الآخر ...مشكلة بشرى انو قبلت بالذل و سكتت و ما ثارتش على الطرف الآخر و لا لملمت طرف الكرامة لي عندها و انسحبت بسكات من حياتو ..واش دير بواحد مش مقيمها و لا شايفها من اصلو خصوصي اذا كان راجلها شريك حياتها ...اما يقولو ما راحش تعرف قيمة الشي لي بين يديك حتى تفقدوا .
أنت تقرأ
♤ رغبة محرمة ♤ { من تأليف و كتابة Macilia Ch }《 Forbidden Desire》_مكتملة_
Romanceسلسلة_عشق_محرم 🔥🔥 قصة تحت عنوان رغبة محرمة 《مكتملة》 من تأليف و كتابة 🔱 #Macilia_ch 🔱 ممنوع منعا باتا النقل ❌❌ كرونيك راح تجمع بين #صراع_العشائر ، #الثأر ، #الدم ، #ثلاثي_حب ، #التضحية ، #العشق ، #الخيبة ، #الغدر ، #القتل ، و أكيد #التشويق و #ال...
