فوط + رايكم
#سلسلة_عشق_محرم 🔥🔥
#رغبة_محرمة 🔥🔥💔
🔱 #من_تأليفي_Macilia_ch 🔱
#الفصل_الأول : #العروس_الهاربة 👰💃
♠️ الحلقة 12 : ♠️
وقف من الارض ينفض في يديه ...مركز عيونو فالتاكسي لي راهي تمشي و تبعد
وصلو رجالو بالوقت و تستفوا واحد ورا الثاني وراه
آدم: واش درتو فيها ؟
كلشي حاضر كيما طلبتو
آدم: مليح مالا خلينا نمشو
تنفست براحة كي بعدت على آدم ...سندت راسها لتالي مغمضة عيونها صدرها طالع هابط تحاول تسترجع انفاسها الضايعة ..تبسيمة صغيرة ترسمت على شفايفها ...عاودت حلت عيونها تخزر فشوفور التاكسي
لجين: تقدر توصلني ل####
اي اكيد
لجين: مرسي خويا ربي يوفقك
آمين آمين
دورت وجهها تخزر من زجاج الطاكسي ...هزت يدها تمسح العرق لي على جبينها تبلع في ريقها لي شاح
اختي تفضلي قرعة ماء بلي ريقك
تلفتت لعندو و شدتها تتبسم
لجين: الله يسلمك جات في وقتها
حلت القرعة و جغمت منها ...عدات لسانها على شفتها تستبن فطعم الماء لي جاها شوية بيزار ...طلعت كتافها و كملت تشرب من القرعة الصغيرة حتى لحقتها للنص ..غلقتها و حطتها على جنب ..سندت راسها على الكارو تتفرج مع الطريق ..تحسب فالدقايق و الثواني وقتاه توصل و تشوف امها و تشبع من شوفتها مهما حقدوا عليها اهلها و كانو ظالمين اما مش راح يسخاو و فيها و يقتلوها هي من دمهم و مش راح يفرطو فيها بسهولة و يخسروا عليها رصاصة و فرات
بعد ثواني قليلة حست جفونها ثقال و راح ترقد ...حاولت تقاوم النعاس لي هبط عليها ضربة وحدة اما مقدرتش ...سرعان ما سيطر عليها و استسلمت للنوم .
هز عيونو للروتروفيزور يخزر فيها مضيق عيونو ...تبسم كي لقاها غطت فالنوم ...جبد تلفونو و بعت ميساج و عاود رجعو لجيبو يطبل بصباعتيه فوق الفولون و يدندن .
وقف على تلة عالية و خذا نفس عميق من الهواء لي يشرح الصدر ...مركز عيونو مع لي تحت ...خرج باكي دخان من جيبو و جبد قارو و بريكي معاه و شعلو بين صباعتيه ...حطو في فمو و خذا نفس طويل منو و نفخ الدخان فالهواء يخزر فالغيوم البيضاء لي مزينة السماء ...بالوقت جاه ميساج ...جبد تلفونو بيدو الاخرى يقرا فالميساج ...تبسم و لمعو عيونو يحكي
👤: بدا اللعب الصحيح
واقفين فنص الطريق ..الرجال بالبدلات السوداء منتشرين هنا و لهيه قاطعين الطريق
و آدم فوسطهم يستناو فالطاكسي لي راكبة فيها لجين تجي ...خمس دقايق ، عشر دقايق ، عشرين ، نص ساعة و مش مبينة
زفر بقوة فالهواء و تلفت لرجالو يصيح
آدم: مش قلتو كلشي مريڨل و راح تجوز منا !! شبيها مش مبينة حتى لدرك ..احكووو
نزلو ريوسهم مش عارفين واش يقولو
جبد سلاحو من ورا خصرو مغشش عيونو حمر راح يخرجوا من بلاصتهم بسبة الزعاف ..كبس على زر الامان و صوبو عليهم ..جاء يطلق اول رصاصة اما صوت التلفون منعو ...نفخ فادد و جبدو من جيبو مكرز ...غير شاف اسم المتصل تقلبو ملامح وجهو و تنفس براحة تبسيمة خفيفة غزات شفايفو ...كبس على الزر و جاوب
آدم: هاذو خدايمك باينة
👤: حبيت نلعب معاك شوية ما يجيش ولا
آدم: روح نتا و لعبك ت#### وقت لعب دوك
👤: اووو هك تشكرني ..الشي لي فشلوا فيه رجالك انا لوحدي قدرت نعملو
آدم: وينها درك؟
👤: معايا ما تخافش
آدم: جيبها ل### نلقاك تم
👤: حاضر
قفل عليه الخط و تنفس براحة مغمض عيونو ...عاود حلهم و شاف في رجالو بغش
آدم: ### امشو قدامي لا نتبلى فيكم اليوم
ركب في الرانج الكحلة ديالو و رجالو وراه فطوموبيلات متفرقة
يسوق و يخمم كيفاه راح يعاقبها كي يوصل لعندها اما فنفس الوقت مش حامل يشوف لمعة الدموع في عيونها ...اما لازم تتربى و ترجع عقلها لراسها ...مش حاسة بحجم الخطر لي راهي فيه اما لازم يتصرف اليوم قبل غدوة و ينهي المسألة فأقرب وقت هي افضل طعم ممكن يستهويهم و يجو يجرو كي الكلاب الجيعانة اما هو لي لازم يخير البلاصة لي راح ينهي فيها كلش ...تبسم كي لمعت في راسو فكرة ..من جهة راح ينهي سلالتها عن الوجود و منها تتعاقب بطريقة مش راح تخطر على بالها (و لا على بالكم💁🤭🤭 )
صبر سبع سنين لا اكثر من مرت خوه وهو بين يديه يلقف دمو يشرشر فكل بلاصة ..حلف يمين اهو ما يخلي حتى ذكر من عشيرة آل رضوان يعيش و هاي جات الفرصة ليديه و راح يستغلها على اكمل وجه .
أنت تقرأ
♤ رغبة محرمة ♤ { من تأليف و كتابة Macilia Ch }《 Forbidden Desire》_مكتملة_
רומנטיקהسلسلة_عشق_محرم 🔥🔥 قصة تحت عنوان رغبة محرمة 《مكتملة》 من تأليف و كتابة 🔱 #Macilia_ch 🔱 ممنوع منعا باتا النقل ❌❌ كرونيك راح تجمع بين #صراع_العشائر ، #الثأر ، #الدم ، #ثلاثي_حب ، #التضحية ، #العشق ، #الخيبة ، #الغدر ، #القتل ، و أكيد #التشويق و #ال...
