فوط + رايكم
♕ #سـلسـلة_عشـق_مـحرمـ ♕.
🔱 #رغــبــةّ_مـحـرمـة 🔱
#من_تأليفي_Macilia_ch
#الفصل_الثالث : شرارة عشق.
الحلقة 45 :
عاونتها صفية حتى تقعد و حطتلها مخدة ورا ظهرها كمشت ملامحها بوجيعة حاسة كل بدنها يوجع من الطيحة...بالوقت دخل ناصر مع أيهم
قرب منها باباها و طبس باسها من راسها لي ملفوف
ناصر: الحمدالله على سلامتك يا روح قلبي
سيرين: ريڨلت وراق الخروج
ناصر: ايه انا متأكدة حابة تخرجي مزال غير كيما فقتي و درتي عملية لازملك تقعدي فالمشفى
بوزت شفافها تحكي
سيرين: لا بابا تعرف نكره السبيطارات و ريحة الدوايات اصلا ني مليحة قعدتي هنا و لا فالقصر كيفكيف
ناصر: لي تحبيه يا روحي اصلا راح يجي الطبيب و ممرضة مرة على مرة يفحصوك
سيرين: خلاص مالا مريڨلة
صفية: اكيد جعتي غير نرجعو للقصر نطبخلك كل لي تحبيه
سيرين: طليتي على قلبي جعت هههه
ضحكو كلهم فرد مرة...هزت عيونها تقلب على صفوان ...عقدت حواجبها كي طاحت عينها على أيهم
سيرين: بابا شكون هذا؟
عقد حواجبو مستغرب يخزر لوين تأشر بصبعها
ناصر: هذا أيهم ولد عمك أدهم
سيرين: أيهم !!!
ميلت راسها مستغربة تفلي فيه من فوق لتحت
سيرين: تبدلت بزاف اما وقتاه رجعت ؟
أيهم: عندي كثر من سمانة
سيرين: مالا رجعت بعدما طحت؟
أيهم: لا رجعت قبل
سيرين: كيفاه هاذي مش متفكرة انو رجعت
صفية: يمكن من الطيحة اثرت عليك بالدواء ترجعي تتذكري
ناصر: متذكرة كيفاه طحتي؟
قطبت حواجبها تخمم
سيرين: ايه متفكرة كنت نازلة من دروج الجامعة بعدما كملت آخر اكزامان و تعثرت و انا نازلة بطالوني و طحت
بلعو ريقهم يخزرو فبعض متوترين
صفية: بنتي الطيحة لي طحتيها فالجامعة كانت خفيفة ما صرالك والو ما عدا انو تكسرت رجلك برك و صرات قبل 3 شهور اما الطيحة لي طحتيها من تقريب خمس ايام طحتي فالقصر و تخبط راسك بقوة
سيرين: واش تحكي مش فاهمة ؟!!
ناصر: ما تقلقيش بنتي الطبيب خبرنا انو ممكن تفقدية ذاكرتك جزئيا بسبة الضربة لي خذيتيها من راسك
سيرين: واش يعني هذا ؟
أيهم: راح نجيب الطبيب
ناصر: ايه روح جيبو
صفية: يعني انو فقدتي ذكريات 3 شهور اللخرة و متفكرتهم
شافت فيهم هايمة و مستغربة
سيرين: يعني مطحتش فلافاك ؟
صفية : لا
حطت يدها على خدها تحاول تتذكر اما شي كأنو ذاكرتها انمسحت ذكريات 3 شهور مش متفكرتهم ...شافت في امها ترمش في عيونها بالزربة مش مستوعبة فكرة انو متقدرش تتذكر
سيرين: أمي علاه مش قاعدة نتذكر لي صرالي حاسة عقلي صفحة بيضة
قربت قعدت توالها تربت على كتفها
صفية: اهدي يا روحي فترة و تعدي
دخل الطبيب و الممرضة بالوقت و وراهم أيهم
الطبيب: ممكن تخرجو برا حتى نفحصها
ناصر : اي اكيد
صفية: سيرين رانا برا اوكي اهدي
شيعتهم حتى خرجو و غلقو الباب ترمش فعيونها مش مستوعبة حاسة روحها نسات حاجات مهمة لازم تتفكرهم
فحصها الطبيب و مدلتها الممرضة إبرة حتى تهديها و تضبط اعصابها
الوقت هذاك ناصر كان كمل إجراءات الخروج وقت خرج الطبيب من غرفتها حكى معاهم مدة قصيرة و شرحلهم وضعها و انو الشي لي صاريلها عادي بما انو الضربة كانت قوية
دخلت صفية لعندها لقاتها هادية من تأثير الإبرة قربت عاونتها تلبس و خرجو من المشفى راجعين للقصر .
أنت تقرأ
♤ رغبة محرمة ♤ { من تأليف و كتابة Macilia Ch }《 Forbidden Desire》_مكتملة_
Romantizmسلسلة_عشق_محرم 🔥🔥 قصة تحت عنوان رغبة محرمة 《مكتملة》 من تأليف و كتابة 🔱 #Macilia_ch 🔱 ممنوع منعا باتا النقل ❌❌ كرونيك راح تجمع بين #صراع_العشائر ، #الثأر ، #الدم ، #ثلاثي_حب ، #التضحية ، #العشق ، #الخيبة ، #الغدر ، #القتل ، و أكيد #التشويق و #ال...
