فوط + رايكم للتشجيع
♤ #سـلسـلة_عشـق_مـحرمـ ♤
🔱 #رغــبــةّ_مـحـرمـة 🔱
#من_تأليفي_Macilia_ch
#الفصل_الرابع : ذئاب لا تعرف الرحمة
الحلقة 50 :هز يدو خبط التلفون على الحيط طاح تكسر شقف شقف ....صاح على طول صوتو ينهج صدرو طالع هابط و تنفسو مش مستقر
آدم: جببببببببل يا #####تتفضت لجين من بلاصتها وقت سمعت صوت آدم يصيح ...مسحت جبينها من حبيبات العرق و خزرت فبشرى ....لقاتها فعالم ثاني مش سامعة بلي حواليها
تنهدت تنهيدة من عروش قلبها و مشات عند آدم تطمن عليه ...مشات تقلب عليه بعينيها وقت لمحاتو قربت لعندو و وقفت وراه ....هزت يدها حطتها على كتفو تحكي مقطبة حواجبهالجين: آدم واش صرا !
تلفتلها بالشوية عروق رقبتو مكبوسين و عيونو حمر جمر النار خارجة منهم
آدم: جبل ل ### هو ورا العملة انا مقدرتش نحمي عايلتي و ...غص فكلامو مش قادر يكمل يحكيرمشت عيونها ورا بعض تستوعب لي قالو
كمل يحكي بصوت مخنوق
آدم: كيفاه قدر يعمل شي كيف هاذ هو مستحيل يكون خويا و لا معتبرنا عايلتو من الاول حطيتلو الف عذر على تصرفاتو اما درك طفح الكيل يكفي لهنا و خلاص فاض الكاسلجين: اهدا متوترش أعصابك مش وقتو
قاطعها يحكي بانفعال
آدم: وقتاه راح يكون الوقت المناسب برايك اه !!لجين: آدم مش وقتو أمي فالعملية بين الحياة و الموت و ..
آدم: مش راح نستنى دقيقة زيادة مش راح نستنى مكتف اليدين ضربتو التالية مش راح نغامر اني نخسر فرد آخر من عايلتي تعبت من الخسارة
تلفت عاطيها بظهرو رايح ...زربت شداتو من يدو تحكي بغصة واحلة في حلقهالجين: راح تخليني وحدي فالوقت هذا لي محتاجتك فيه ! من جدك تحكي!
شاف فيها و جبد يدو بهدوء يحكي
آدم: مش راح تفهمي خطورة الوضع لي رانا فيه درك عقلك مراهوش يخمم فالوقت هذا ....و شكون قالك مخليك وحدكلجين: راح تمشي و مخليني وراك
آدم: راح نروح و نرجع
لجين: اما محتاجتك جنبي فالوقت هذا
آدم: ما تكونيش انانية و خليني نروح نفري شغلي و نرجع راح نخلي نص الرجال هنا
لجين: انانية !! حاجتي بيك نتا واش راح ندير بيهم هوما
نفخ على طول صوتو و مشى مخليها وراه بلا ما يزيد كلمة
يبست فبلاصتها و طاح منها النص وقت راح و خلاها ...قعدت يدها معلقة فالهواء ...نزلت عينها تخزر فيها بعدها نزلتها شوية شوية ...هزت راسها تشوف فخيالو يبعد ...تجمعو الدموع فعيونها حاسة بغصة كبيرة واحلة فحلقها ....حست بخيبة كبيرة وقت راح و خلاها و وقت سماها أنانية و هي كل لي كانت طالباتو انو يوقف جنبها فوقت محنتها كانت محتاجتو حتى تتسند عليه و يخفف عليها ...للحظة حست انو تسرعت كي سلمتلو قلبها و وثقت فيه و اختارت تكمل حياتها معاه ....تنهدت بخيبة كبيرة مجتاحة قلبها المكسور و مشات راجعة تكركر فرجليها حتى توقف جنب بشرى .
أنت تقرأ
♤ رغبة محرمة ♤ { من تأليف و كتابة Macilia Ch }《 Forbidden Desire》_مكتملة_
Lãng mạnسلسلة_عشق_محرم 🔥🔥 قصة تحت عنوان رغبة محرمة 《مكتملة》 من تأليف و كتابة 🔱 #Macilia_ch 🔱 ممنوع منعا باتا النقل ❌❌ كرونيك راح تجمع بين #صراع_العشائر ، #الثأر ، #الدم ، #ثلاثي_حب ، #التضحية ، #العشق ، #الخيبة ، #الغدر ، #القتل ، و أكيد #التشويق و #ال...