♤ رغبة محرمة ♤ { من تأليف و كتابة Macilia Ch }《 Forbidden Desire》_مكتملة_

♕الحلقة 27♕

فوط + رايكم

سلسلة_عشق_محرم 🔥🔥
#رغبة_محرمة 🔥🔥💔
🔱 #من_تأليفي_Macilia_ch 🔱
#الفصل_الثاني :  ⁦⚔️⁩ #صراع_الأخوة ⁦⁦⚔️⁩
⁦♠️⁩  الحلقة 27 : ⁦♠️⁩

واقفة قدام التاقة تخزر من ورا الريدو بعيون ضايعة  و قلب مجروح ...وجهها شاحب و نفسيتها تاعبة  من كل الاحداث لي صرات الفترة اللخرة كل ما تشوف التحضيرات لي قايمة تحت قلبها ينغص عليها مش بيدها الغلط الوحيد لي دارتو انو حبت و مش ساهل تنزع حب بنادم من قلبك هي حبت من كل جوارحها  ...اليوم خطبتو خطبة الانسان لي حباتو لي رسمت معاه مستقبلها لي من وقت مش بعيد كانت فرحانة معاه و يحضرو لعرسهم اما درك واش صرا؟ ..راح يتزوج من وحدوخرا ..ضحكت باستهزاء وسط دموعها المحصورين في عينيها ...من يامات برك شداتو مع وحدة فالدوش و درك راح يتزوج مع وحدوخرا ...مخهت تحرق من التخمام و معرفتش واش دير اما الشي لي تعرفو انو هاذي كانت إشارة انو تغلق صفحتها هي و جبل ..جاء الوقت لي تعفس على قلبها جهتو و تحط حد لحكايتهم ...مكانش لازم من الأول يتقابلو علاقتهم و حبهم لبعض محرم و كيما هو خلاص اختار طريقو حتى هي راح تختار طريقها ...صار الوقت انو تحط حد لكل شي ...تفكرت كلام آدم اذا ما قدرش يخليها تحبو ف90 يوم راح يطلقها و هي مستحيل تحبو و لا تحس بحاجة من جهتو ...راح تتحمل حتى يخلاصو 90 يوم و تروح على روحها و مش راح تشوف وراها
تنهدت تنهيدة طويلة تخفي وراها جروح كبيرة حاسة روحها قاعدة تغرق شوية شوية و مكانش لي يجي يسلكها من القاع المظلم لي هي فيه ...حاسة حياتها كلها كذبة و لعبة شكون مزال عايش هك فوقتنا شكون مزال عايش تحت عادات و تقاليد مترحمش هك النفس متتنفسوش ...تربات في وسط عايلة المرا عندهم متسواش لازم تخدم عليهم و تربي ولادها و تسكت و ما طالبش بأبسط حقوقها حتى الخرجة مكانش الا بقوانينهم و نفتحهم هوما 
زمت شفافها بوجيعة و دارت ...على تلفيتتها
قابلها واقف يخزر فيها مصغر عيونو
قرب منها حارق المسافة لي بيناتهم ...فرمشة عين صار مقابلها عينو فعينها ...هز يديه حاوط وجهها بكفوف يدو مركز نظراتو داخل عينيها
آدم: تقبلي تتزوجيني
وساعو عيونها و شهقت
آدم: خلينا نبداو من أول و جديد و نفتحوا صفحة جديدة واش رايك؟
سحب يديه منها و تراجع خطوات للور و ركع على ركبتو قدامها ...جبد باطة حمرة و فتحها بانلها خاتم فينو يهبل متوسطو ألماسة مزيناتو من شكلو خذالها عقلها كيما تحب بالضبط بسيط و فرد وقت مميز و ياخذ العقل
رجفت فبلاصتها من الموقف لي تحطت فيه
بلعت ريقها و شافت فيه..الكلام هرب منها و حلقها نشف
آدم: لجين
رمشت عيونها مرات ورا بعض كي نطق باسمها بصوتو الخشين و المبحوح حست بكمية مشاعر كبيرة من صوتو خلات دقات قلبها تدق بقوة وسط صدرها
آدم: تقبلي تتزوجي بيا ؟؟

بحلقت فيه بعيونها مترددة فرد وقت مستغربة من روحها علاه مترددة المفروض ترفض اما لقات روحها ضايعة تخمم اذا تقبل و لا ترفض ...عدات عيونها على وجهو بالزربة تفلي فملامح وجهو ...مش فاهمة روحها فنفس الوقت تخمم في عرضو بعد كل لي عمايلها ابداهم من هروبها ليلة عرسهم لحبها لخوه بقى متمسك فيها حتى انو مكانش ريحة مرا وحدوخرا فحياتو عكس جبل لي خيب توقعاتها و رجعت تشك فأنو حبها صح  من تصرفاتو فالفترة اللخرة ...نفضت راسها تحاول متخممش فيه و تركز مع آدم ...قلبها و عقلها لزوج اتفقوا لأول مرة أنو تمدلو فرصة مش راح تخسر شي ...حابة تكتشف العبد هذا لي قدامها اكثر و تعرف الإجابة لأسئلتها منها علاه مزال متمسك فيها و تبرعلها بجزء منو علاه و واش حاب منها و الاهم من كل هذا اذا صح ناويها مرتو مش حاجة أخرى
ما ملش و هو راكع على ركبتو قدامها مع انو بدات رجلو تسطر عليه و لا جرح العملية قاعد يوجع فيه كل همو يسمع جوابها حتى لو وافقت زكارة في جبل مش راح يهمو راح يخليها تحبو كيما وعدها في 90 يوم و يخلي قلبها ينطق باسمو راح يخليها تعرف طعم الحب الحقيقي ...هو وعدها من زمان انو راح يحميها مهما صار اما الشي لي مكانش متوقعو انو تهرب نهار عرسها مكانش يعرفها بالجرأة ذي اما مع هك الشي لي صدمو انو لقاها راح تنخطب لخوه علاه ما قدرش يلقاها فسبع سنين كاملين بعدما قلب عليها الدنيا اما كي أصر عليه جبل يجي لكندا لقاها تم ...من الاول علاقتو مع جبل مش قوية من بكري جابد روحو عليهم و مش حاب أي تواصل معاهم اما  كي دور الحكاية في راسو و إصرار جبل على انو يجي يحضر خطبتو فجأة خلاتو يشك فيه و فنواياه و الشي الأول لي جاء على بالو انو من الاول قاعد يستغل فلجين و يلعب عليها و عليه
لجين: موافقة
خرج من سرحتو على كلمتها ...رمش عينيه كي شافها قاعدة مقابلاتو ...عقد حواجبو حاير كيفاه ما حسش بقربها
لجين: مش راح تلبسلي الخاتم
دوح براسو يضحك و خرج الخاتم من البواط ...شد يدها يرجف في بلاصتو قلبو يدق بقوة مش عارف واش صرالو
استغربت لجين من رعشة يدو شافت فيه مضيقة عيونها و سرحت في تفاصيل وجهو
دخل الخاتم في صبعها و هزلها يدها لمستواه و طبعلها بوسة مرصوصة على كف يدها
ناض و نوضها معاه سرحو لزوج فعيون بعض ...كل واحد فيهم فواش يخمم ...قرب منها آدم و طبس عليها وين اتوحدت أنفاسهم
حط يدو ورا وسطها و يد ورا رقبتها ...استناها تبعد أما لا دارت العكس سكرت عيونها تستنى فيه يبوسها ...حست بشفايفو يلامسو في شفايفها و نفسو السخون يضرب في وجهها ..زيرت على عيونها أكثر تستنى فيه يبوسها ...استغربت كي حست عليه وقت سحب روحو عليها ..تكبست و حلت عيونها قابلها راخي ملامح وجهو و كاتم ضحكتو
آدم: بما انو راح نتزوجو مش راح نمسك حتى ليلة العرس
وساعو عيونها مطلعة حاجبها
ضحك عليها يحكي
آدم: راح نبدل ثيابي منبعد نحكو عندي مفاجئة ليك
شيعاتو بعيونها حتى راح
خرجت لسانها تعدي فيه على شفايفها
لجين: راح من بالي الموضوع هذا ...وين كان مخي كي قبلت بعرضو ياخي حمارة ناوية بعد 90 يوم ترجعي حامل بلاصة ما تطلقي
حاوطت وجهها بكفوف يديها تهز في راسها
آدم: مكنتش علابالي بلي مزروبة قد هك على الصغار
جمد الدم في عروقها ....نزلت يديها من وجهها تخزر فيه بعيون القطة لي دارت عملة و حاشمة ...تبسمتلو تبسيمة صفرة و دارت تجري جهة الباب هاربة منو و من نظراتو جهتها .