فوط + رايكم
♕ سـلسـلة عشـق مـحرمـةّ ♕
🔱 #رغــبــةّ_مـحـرمـة 🔱
#من_تأليفي_Macilia_ch
#الفصل_الثالث : شرارة عشق
الحلقة 31 :
قبل 24 ساعة
كبس على يدها لي محاوطة يدو يتبسم معاها ...هذا نفس طويل و دار لعندهم يحكي
آدم: قررنا انا و لجين نجددو زواجنا قبل عرس جبل و سيرين و ناويين يكون بعد أسبوع
الكل تفاجأ من الخبر و فرحلهم فرد وقت ما عدا سيرين و جبل و سهام لي قاعدين يغلو من داخل
شرق جبل و هو يشرب ....بزع كل لي ففمو على الأرض عيونو خرجو من الصدمة ...جمد فبلاصتو مش مصدق...شاف فلجين يحاول يعرف رد فعلها لقاها هادية و تتبسم تخزر فآدم بهيام ...نزل عيونو ليديهم المتشابكة كابس على الكاس لي فيدو بغل ....صر على سنانو يغلي من داخل اما راسم على وجهو قناع البرود ..قرب منهم يقحر لآدم و يتبسم بسيف
جبل: مبروك
قال كلمتو و مشى بلا ما يشوف فلجين
محمدتمشى لآخر الكلوار ...وقف يخزر من من كي ما لقى حتى واحد جبد تلفونو كمبوزا نمرو فهد و حطو في وذنو ثواني حتى جاوبو
فهد: الو
جبل: خرج الامر عن السيطرة اسمعني مليح درك و نفذ لي نقولك عليه حرف بحرف
فهد: حاضر
جبل: اول شي .....
كمل ملا عليه لي يديرو و قفل الخط ...رجع على وراه ...جاز على للكوزينة و تعدى عليها ...حبس في بلاصتو كي جات لبالو فكرة ...تلفت براسو يتفحص بعينيه الخدامات لي تم استقر نظرو عليها و تبسم بخبث
قربت منو رئيسة الخدم تحكي
محتاج شي ؟
نطق بلا ما ينحي عينو منها
جبل: حاب على كاس عصير بارد
حاضر
عوج فمو و خرج من تم
اروى سمعتي السيد واش قال
جات تحكي قاطعتها
سمية : خليني انا نديهولو اروى مشغولة و فطريقي نجيب الغسيل لي نشرتو صباح
تنهدت بقلة صبر تحكي
اهيه روحي ازربي متخليهش يستنى
سمية: حاضر
رافدة السنيوة بيدها و اليد الزاوجة تعدل فشعرها ...تتبسم مع روحها مش مصدقة انو طلبها و وقتاه فليلة خطبتو
دقدقت على باب جناحو ...ثواني حتى فتحلها الباب و دخلها بنطرة و غلق الباب
شد السنيوة لي فيها العصير حطها على جنب و تلفتلها
جبل: حاب تخدميلي خدمة بالمقابل اطلبي واش تحبي؟
عضت شفافها و قربت منو تدحنس عليه
سمية: اي شي؟
قلب عيونو فادد
جبل: اي
سمية: اما مش طلبتني حتى!!! خزرت فيه بطرف عينها ... تعرف يعني كي قلت الجملة لي تفاهمنا تكون شيفرة بيناتنا وقت تطلبني قلت
جبل: مش وقتو كاين شي اهم ركزي اذا حابة ترجعي غنية و فوقها ...عض شفتو يخزر فيها بخبث ..غمزها بطرف عينو
جبل: تعرفي البقية
سمية: مستعدة ندير أي شي حتى ترضى عليا
جبل: مالا اسمعي ...راح نمدلك منوم نسحق تخلطيه مع القهوة لقاع العايلة و مش غير هوما حتى الحراس لي برا و لي يخدمو فالقصر
سمية: علاه بصح؟
جبل: ما تناقشينيش نفذي برك اذا مش حابة نشوف وحدوخرا
تربثت تحكي بقلقة
سمية: لا لا راح نفذ بالخرف الواحد
تبسم على جنب بمكر و مشى للطابل جبد ساشية كحلة مدهالها
جبل: شدي و نفذي بي قتلك عليه بلا اغلاط
سمية: حاضر
حكمت الساشي و خرجت من تم مخها مخربط مش فاهمة والو فرد وقت ما اهتمتش لي يهمها واش لي راح تربحوا من ورا هاذ الشي
غير خرجت بعث ميساج لفهد و رجع التلفون لجيبو نازل لتحت لعندهم وين مجمعين راسم قناع البرود على ملامح وجهو
شوية وقت دخلت مع سينية القهوة ...تبسم بانتصار و هو يشوف فيهم يترشفوا من القهوة ...حكم فنجانو و ترشف منو حتى هو ...هذا وين بدا اللعب الصحيح .
أنت تقرأ
♤ رغبة محرمة ♤ { من تأليف و كتابة Macilia Ch }《 Forbidden Desire》_مكتملة_
Romansسلسلة_عشق_محرم 🔥🔥 قصة تحت عنوان رغبة محرمة 《مكتملة》 من تأليف و كتابة 🔱 #Macilia_ch 🔱 ممنوع منعا باتا النقل ❌❌ كرونيك راح تجمع بين #صراع_العشائر ، #الثأر ، #الدم ، #ثلاثي_حب ، #التضحية ، #العشق ، #الخيبة ، #الغدر ، #القتل ، و أكيد #التشويق و #ال...
