The Hired Wedding Intruder

Intruder 15

SIDNEY

Nagising ako dahil sa magagaang halik ni Andrew sa mukha ko. Iminulat ko agad ang mga mata at bahagyang lumayo sa kanya. Inaantok na tiningnan ko siya.

"Why?" inis na tanong ko dahil alam kong maaga pa. "Ano'ng oras na ba?" dagdag na tanong ko dahil mukhang madilim pa sa labas.

"4:30," he answered. I frowned. Muli kong ipinikit ang mga mata ko dahil maaga pa naman pala. Hindi ko alam kung bakit ginigising niya ako nang maaga.

He heaved a deep sigh. "Lalabas lang ako. I'll be back at 5:30. Be sure you're ready to go. Mamamasyal tayo," he said.

Marahan akong tumango at hindi na siya tiningnan. Ibinalot ko sa kumot ang katawan ko. Gusto ko pa talagang matulog. Isang oras pa.

Umangat ang kama dahil sa pag-alis niya. Narinig ko ang pagsarado ng pinto. Siya na ang mahilig mag-exercise sa umaga! Naramdaman ko na hinila na naman ako ng antok. Hindi ko na namalayan ang oras at kung gaano ako katagal natulog.

***

Naramdaman kong may tumatapik sa balikat ko. Dahil inaantok pa ako, gumalaw ako at umiwas palayo sa tumatapik sa 'kin. Ang aga-aga!

"Kung hindi ka babangon diyan, ako na ang magbibihis sa 'yo!" sabi ng isang tinig. Gumalaw ang kama kaya bigla akong natauhan. Si Andrew! Napabalikwas ako ng bangon, hindi ko napansin na nasa harap ko pala siya kaya nauntog ang noo ko sa balikat niya.

"Aray!" daing ko dahil sa pagsakit ng ulo ko. Hinaplos ko ito. Ang lapad-lapad kasi ng balikat niya! Bahagya kong nilingon si Andrew. Nakahubad siya at pawisan. Napailing siya dahil sa nangyari sa 'kin.

"Masakit ba?" tanong niya. Napaigtad ako nang haplusin din niya ang noo ko. Parang concern siya. Hindi ko alam kung nagpapanggap lang ba siya o totoo ang ipinapakita niya. Hindi ko maintindihan ang drama niya.

"Okay na ako," naiilang na sabi ko. Kinakabahan kasi ako sa ganitong ugali ni Andrew. Kapag patuloy pa siyang naging mabait, baka hindi ko na mapigilan ang sarili. Baka mahulog na ako sa kanya. At 'yon ang nakakatakot. My heart is at risk for this man.

"Go change," he said. Umalis na siya sa kama at pumunta muna sa maliit na terrace. I sighed. Kinuha ko ang mga gamit ko saka tumuloy sa banyo. Nagtataka na ako sa sarili ko kung bakit ko siya sinusunod. Kung bakit ako narito at kasama siya. Hindi ko ba talaga siya kayang takbuhan o takasan? Nagmadali ako sa pagligo. Baka mainip kasi si Andrew sa paghihintay.

Medyo see through ang suot kong damit. Suot ko ang swimsuit na pinili ni Andrew para sa 'kin. It is a black and white two-piece swimsuit. Nang lumabas ako sa banyo, siya naman ang pumasok.

Nang lumabas siya, sando at beach shorts ang suot niya. Tumingin siya sa 'kin. Hindi ko alam kung bakit ako kinabahan sa tingin niya. Bumilis na naman ang tibok ng puso ko. 

"Let's go," he said. Tumayo na ako sa kinauupuan. Dala ko ang sling bag ko. Mabuti na lang nagdala rin ako ng camera. Kahit kinakabahan ako na kasama si Andrew, excited naman ako sa pupuntahan namin.

Umarkila ng isang bangka si Andrew. Ginawa niyang tour guide si Manong. Bago kami sumakay sa bangka, may iniabot na paper bag sa 'kin si Andrew. May snorkel, fins at snorkel vest. Pinagpalit niya ako sa isang comfort room.

Matapos nagpalit, sumakay na kami sa bangka. Una kaming dinala ni Manong sa Big Lagoon. It was a popular snorkeling spot in El Nido. Madalas may mga sea turtles dito ayon kay Manong. Sayang! Hindi water-resistant ang camera ko.

Bumaba kami ni Andrew sa tubig. Sabay kaming sumisid. Natuwa ako dahil may nakita akong mga sea turtles. Marami ring makukulay na isda ang lumalangoy. Kitang-kita rin ang mga sea weeds at corals.