The Hired Wedding Intruder

Intruder 24

SIDNEY

Kinakabahan ako habang nagluluto ng hapunan namin ni Andrew. Nagpagupit ako ng buhok. Medyo mahaba pa rin ito pero may layers at bangs na. Bagay naman ito sa 'kin. Pati ang kilay ko pinakialaman din nina Ericka kahit ayoko. 

We did some shoppings too because they insisted. Medyo revealing pa ang damit na binili nila para sa 'kin. Those clothes and dresses have their own purpose for our plans. Wala na akong nagawa kundi ang sumang-ayon sa kanila. Gusto ko ring malaman kung mahal ba ako ni Andrew. May checklist silang ginawa para sa 'kin upang malaman ko kung mahal na ba ako ni Andrew. At sisimulan ko na ang plano ngayon.

Nakahanda na ang pagkain sa mesa nang dumating si Andrew. My hands are sweaty because I'm too nervous to face him. Dumiretso siya sa kwarto at hindi ako napansin. Sa tingin ko pagod na pagod siya sa trabaho niya. Siguro maraming problema sa opisina kaya seryosong-seryoso siya ngayon.

Sumunod ako sa silid dahil nag-aalala ako para sa kanya. I opened the door. Natigilan ako. He was sexily taking off his sando. I looked away when he noticed me. Baka akalain niya binobosohan ko siya. Pero asawa ko naman siya kaya ayos lang siguro? I blushed with the thought.

Kumuha siya ng maliit na towel. Sinimulan na niyang punasan ang pawis sa katawan niya. Nilingon ko na siya dahil ang awkward kung iiwas ako ng tingin. Nakakunot ang noo niya habang hindi inaalis ang tingin sa 'kin. He looks at me like there's something wrong with my face. Bigla akong na-conscious sa matiim na pagtitig niya sa 'kin. Siguro dahil napansin niya na may nagbago sa hair style ko.

"M-May problema ba?" nag-aalinlangang tanong ko. Pinagsalikop ko ang mga palad ko at hindi ako mapakali. I play with my fingers. Hindi ako sanay sa mga ginagawa kong ito. I hope that he would say the magic words. I hope plan A already works. Nakakunot pa rin ang noo niya. Kinakabahan na ako dahil baka hindi niya nagustuhan ang itsura ko ngayon.

"Ano'ng nangyari sa 'yo?" takang tanong niya sa 'kin. With his words, I finally stopped holding my breath. Tiningnan ko siya nang masama. I am waiting for him to compliment me. Sabi nina Ericka, kung mahal ka ng isang tao mapapansin agad niya ang mga nagbago sa 'yo at gagawin niya ang lahat para purihin ka. At kahit pangit ka pa, pupurihin ka pa rin niya. Kahit hindi niya nagustuhan ang itsura mo, kahit may kapintasan ka pa, he will do everything to compliment and comfort you kahit alam mong pampalubag loob lang 'yon. Pero iba ang nangyari ngayon. He is asking like he has no idea on what happened to me at all.

"Wala! Paglabas ko kanina sa office bigla na lang boom! Nagka-layers at bangs na ako! Magic!" naiinis sabi ko sa kanya na may kasabay pang pag-irap. Napansin ko na umangat ang sulok ng labi niya. Tila gusto niya akong pagtawanan dahil sa sinabi ko. He was totally amused with what I've said and he was so handsome at the same time.

"Magbihis ka na. Nakahanda na ang pagkain sa mesa," sabi ko sabay labas sa loob ng silid. Naiinis ako. Ayoko nang tumingin sa kanya dahil baka mawala pa ang galit ko. Nakasimangot na umupo ako sa harap ng mesa. Bahala siya sa buhay niya! 

Pakiramdam ko tuloy kalokohan lang ang listahan na ginawa nina Ericka at Vina. Pinagti-trip-an lang siguro nila ako. Siguro pinagtatawanan na nila ako ngayon sa mga isip nila dahil nagpauto ako sa kanilang dalawa. Mas lalo nga akong gumanda sa hairstyle ko pero bakit hindi man lang napansin ni Andrew? May diperensya ba ang mga mata niya?

Nakasimangot pa rin ako nang umupo si Andrew. He wears his sando and shorts. Nakakaloko ang ngiti niya sa 'kin. Inirapan ko siya. He laughed softly. Hindi ko siya pinansin at nagsimula na akong kumain. Hindi ko man lang siya hinintay. Wala akong pakialam sa kanya. 

I wear a long face while eating. My mood is already ruined because the first plan already failed. Muntik ko nang makalimutan na kailangan kong itanong sa kanya kung masarap ba ang luto ko. Ayoko na sanang dagdagan pa ang kahihiyan na naramdaman ko pero nilunok ko ang pride ko at nagtanong sa kanya.