She's the Gang Leader

Chapter25

[ Alexa ]

Invisible.
Yan ako.
Ganyan ko dini-describe ang buhay pag-aaral ko sa SFU..
boring diba?
Bakit?
Kasi yun ang pinili ko.
Simple.

Simple lang naman ako.. Hindi ako nag-iinarte kahit may kakayahan akong mag-inarte. Kahit galing ako sa pamilyang kabilang sa alta-sosyedad ay hindi ko ginustong mamuhay ng marangya katulad ng karamihan sa mga estudyante dito. isa lang akong simpleng babae na ang buhay ay bahay, Eskwelahan at libro. Nabago lang ang lahat ng iyon nung makilala ko ang isang tao na hindi ko aakalaing magiging parte ng buhay ko... at kakainisan ko.
Naalala ko pa nun kung gaano ako ka-excited pumasok sa St. Ferg's University dahil sa isang tao.

Si Lee Alcantara.

Hindi ako member ng kahit anong Club na binuo ng mga taong umiidolo sa kanya. Isa lang akong hamak na simpleng babae na humahanga sa isang katulad nyang hindi maabot ng katulad ko.
Hindi naman sa masyado akong sumisenti.. Yun kasi ang katotohanan. Ano ba namang laban ko sa mga babaeng nagkakandarapa sa kanya? Kaya naman nagkakasya na lang ako sa pasilip-silip sa kanya mula sa malayo..

Si Lee Alcantara ay kabilang sa kilalang pamilya pagdating din sa negosyo. Kilala din ang pamilya nila na kabilang sa pinaka-kilalang Gang na matagal nang naghahari sa Gang World. Ang Mugen-Dai..

Nagsimula ang pagbabagong iyon isang hapon papauwi ako.

Makulimlim nung mga oras na iyon na para bang nagbabadya ang isang malakas na ulan. Halos lahat ng estudyante ay nakauwi na..
Medyo maaga pa nun para sakin kaya naman nagpasya akong maglakad hanggang papalabas ng University. Exercise ng konti dahil nakakatamad mag-jogging sa umaga.

Malayo-layo nadin ang nalakad ko mula sa University ng makarinig ako nang mga hiyawan ng mga lalaki kasabay ng tila may nabalibag na kung ano, Nakarinig din ako ng tila may nabasag.
Agad kong hinanap kung san nanggaling ang mga ingay na yun.

Sa paghahanap ko ay may nakasalubong pa akong ilang grupo ng mga lalaking sa tingin ko ay taga-ibang University.

Ang gugulo ng mukha! nakaka-stress! Nagtatawanan lang sila na lumabas sa isang eskina. Parang mga mukhang Adik.

Napahinto ako sa paglalakad sa isang Eskinita kung saan nanggaling yung grupo ng mga lalaking nakasalubong ko kanina ng tila ba may namataan akong kakaiba.

Napasinghap ako sa gulat nang sa paglapit ko ay makita ko ang isang lalaking duguan ang damit na nakatihaya lang sa daan katabi ang ilang basag na bote. Ito siguro yung narinig ko kanina.
Wala naman sa sarili kong agad na sumaklolo at agad nilapitan ang lalaking nakahiga.

"kuya.. Ok ka lang?" Sabi kong napaupo sa tabi nya habang niyuyugyog ang balikat nya. Actually, may takot ako sa dugo pero titiisin ko muna ngayon.

Muli kong niyugyog ang balikat nya..
hindi pa naman siguro sya patay diba?

"kuya.. naririnig mo ba ako." Muli kong tanong ng hindi sya sumagot.
Hindi ko gaanong makita ang mukha nya dahil sa nakatabon ang buhok nito sa mukha nya.

Jusko! Ano ba kasing nangyari sa kanya?

Nakita ko ang nagkalat nyang gamit sa kalsada kaya kaya agad ko munang kinuha yon para din naman malaman ko kung sino tong hinayupak na to na nakahilata lang sa daan. Sa pagdampot sa mga gamit nya ay nakita ko ang wallet nya, katabi nun ang ID nya. Laking gulat ko nang sa pagtingin ko sa ID nya ay ang pangalan ng diko inaasahan na tao ang mababasa ko..

******

"Kamusta na ho sya Uncle?"