She's the Gang Leader

Chapter43

[ Cody ]

"Summer is missing..."

Pagkarinig ko nun ay parang bigla akong nawala sa katinuan, hindi ko din namalayan na nabitiwan ko na pala ang laptop na hawak-hawak ko maging ang mga importanteng papeles ay nabitiwan ko din.

"Hindi oras ngayon para pagtripan nyo ko." Gusto kong sabihin nila na ginu-goodtime lang nila akong tatlo. Pero kahit na natanong ko na iyon ay nagsimula na akong kabahan.

"How i wish we're just joking.. but hell yes, She's missing!" Singhal ni Clint sakin na halata sa mukha ang takot.

Hindi na ako nakapag-pigil at nilapitan ko na sila. Buti na lang at wala na ang konseho, pero alam kong narinig nila ang pagkawala ni Summer. Malaking issue ito lalo na at si Summer ang subject, pero pakialam ko ba sa issue nila?

"Sinubukan nyo na bang tawagan ang cellphone niya?" baling kong muli sa kanila.

Hindi sila sumagot sa halip ay may inilabas si Lee sa bulsa nito at laking gulat ko ng makita ito. Cellphone iyon ni Summer at hindi ako pwedeng magkamali.

"Kanina pa namin siya tinatawagan hanggang sa napadaan kami sa bakanteng lote ng lumang building, at ito na lang ang nakita namin." si Lee.

Maingay at madaldal si Summer pero hindi naman sya tanga para malaglagan ng cellphone?! Hindi ako pwedeng mag-panic at lalong hindi ako pwedeng kakitaan ng panghihina ng mga taong nasa harapan ko, pero kahit anung gawin ko, mamatay ako sa pag-aalala sa kay Summer. Mamatay ako pag wala sya..

"Naglibot-libot pa kami para hanapin sya pero maging mga taga-inferi ay hindi alam kung nasan siya." Si Dash

"Actually, kanina pa syang tanghali hindi makita. Nag-aalala nadin sina Dianne at Alexa, pinuntahan na nila ang mga lugar na pwedeng makita si Boss pero, wala din." Si Lee

"Alam na ba to ni Uncle Virlourd?" Kahit pa nalaman ko na Taga-Inferi si Uncle ay hindi naman maiaalis na malapit kami sa isa't-isa kaya naman nag-aalala din ako kung anong mararamdaman niya tungkol dito.

"Oo, kami ang nagtimbre kay Czar at sya na ang tumawag kaya naman kanina pa sila hindi mapakali.. Nagpatawag nadin sila ng mga pwedeng maghanap at mag-imbestiga.. pero hindi pa ito alam ng media. Ayaw muna nilang may makisali na iba maliban sa kanila." Si Dash

"Alam na pala nila, eh bakit ngayon nyo lang sinabi? bakit ngayon lang kayo nagpunta dito??" Gusto kong manggigil dahil kanina pa ako nakaupo sa pesteng conference room na to' tapos wala akong kamalay-malay na nawawala na pala yung taong mahal ko?!

"Kanina pa kami nasa labas pero hindi naman kami pinapapasok ng nagbabantay at wala daw pwedeng pumasok, importante daw yung meeting nyo kaya naman naghintay nalang kami dito." Si Clint.

Nanginginig ang mga kalamnan ko, hindi ko alam kung anong pwede kong gawin, san ako magsisimula at kung anong unang gagawin ko para kay Summer. Tila biglang nakaramdam ng panghihina ang mga tuhod ko lalo na at si Summer ang pinag-uusapan.. Naiinis ako! Inis na inis ako sa sarili ko! Peste, naiinis na talaga ako! Asan na naman kaya yung babaeng iyon?

"Tatayo na lang ba tayo dito? Wala ba tayong gagawin para kay Pillow? Hindi ba natin sya hahanapin?" Tila Naiiyak na usal ni Clint na ginising ang iritable kong diwa. sa mga sinabi niya. Tama sya, hindi pwedeng wala kaming gawin, hindi pwedeng maghintay lang kami ng balita. Hindi pwedeng Hindi kami makialam dahil unang-una, si Summer ang pinag-uusapan!

Matapos kong mabigyan ng instruction ang tatlo ay nagpasya na kaming lumabas ng kwartong iyon, ngunit bago pa man kami tuluyang makaalis ay nilingon ko muna ang guard na nagbabantay.