Lascivious Casanova (R-18) (Erotic Island Series #7)

Lascivious Casanova 08

(LC) Chapter 08

"Bilisan mo, Jax!" Hinihingal na sigaw ko pagkapasok sa loob ng sasakyan niya.

"Nasaan ang jacket ko?"

Sinamaan ko siya ng tingin. Iyan pa talaga ang una niyang sasabihin?

"Naiwan ko! Hinubad ko kasi bago pumasok sa bahay! Paandarin mo na nga lang at mamaya na tayo mag-usap!"

Pumalatak siya ngunit sumunod naman. Nakayuko pa ako para itago ang sarili ko kung sakaling lumabas si Nanay. Nagluluto siya nang pumasok ako. Dadalhin niya iyon kay tatay kaya naman pati sa pagbibihis ay nagmamadali ako sa takot na maabutan niya si Jax sa labas.

"Stop being stupid, Clementine. My car's tinted. Kahit lumabas pa diyan ngayon ang nanay mo at maghalikan tayo, hindi niya tayo makikita dito sa loob."

"Bakit naman kita hahalikan?!"

"That's just my example para tumigil ka diyan sa kakayuko mo... O siguro..." binitin niya ang sasabihin at sinulyapan ako. Bumaba ang mga mata niya. "O siguro talagang sinasadya mo lang na ipakita sa akin 'yang malaking dede mo?"

Napaayos ako ng upo at napatingin sa suot kong damit. Ginamit ko ang dress na ito last year sa christmas party. Kulay pulang pasando na dress at malalim ang neckline kaya't labas ang malaking parte ng dibdib ko.

Inangat ko ang aking isang kamay at tinakpan 'yung tinitignan niya. Masama ang tingin ko kay Jax dahil sa lantaran na pagtingin niya doon na para bang normal nalang ito sa kanya at sanay na sanay na siyang makakita ng ganito.

"Nagmamadali ako! Ngayon ko nga lang napansin na ito pala ang naisuot ko! Huwag ka ngang feelingero diyan, Jax! Kahit ikaw nalang ang nag-iisang lalaki sa mundo, hindi kita papatulan!"

"Sigurado ka?" Nakangisi niya akong nilingon. "Baka sa susunod na araw lang isinisigaw mo na ang pangalan ko-"

"Bakit? Kailan ko ba hindi isinigaw ang pangalan mo? Kulang nalang nga isumpa ko 'yung pangalan mo dahil sa mga problemang dala mo! Bakit kasi hindi nalang si Senyora ang magturo sayo? Idinadamay niyo pa akong mag-lola!"

Umalingawngaw sa loob ng sasakyan ang matunog na halakhak niya. Halos maluha siya nang muli niya akong harapin. Sinulyapan niya ang kalahati ng hita kong nakalitaw sa suot ko na dress. Sandali niya lang na tinignan iyon at ibinalik din kaagad ang tingin sa daan.

"Bakit hindi mo kay Lola sabihin iyan?" Sinulyapan niya ulit ako. May paghahamon na sa mga mata niya. "Sabihin mo nga mamaya. Tignan natin kung kaya mo?"

Nakangisi siya at hindi inalis ang tingin sa akin. Matalim ang tingin ko sa kanya nang una. Kalaunan nga lang ay napunta sa harapan ang tingin ko at napahawak ako sa handle na nasa itaas ng pinto sa gilid ko dahil sa malubak na dinaanan namin.

"Ohh!" si Jax na may kasamang pagtawa.

Na-curious ako kung ano ang ikinakatawa niya kaya naman nilingon ko siya. Naabutan ko siyang nakatingin sa dibdib ko. Pinamulahan ako at walang magawa nang titigan niya ang umaalog kong dibdib dahil sa mahabang daanan na lubak lubak. Ibinato ko sa kanya ang telepono ko na sira sira nang hindi niya alisin ang mga mata roon kahit nahuli ko siya. Bahagya pang nakaawang ang nakangising mga labi niya at para bang kaonti nalang ay maglalaway na.

"Tigilan mo nga iyan! Pati ako pinagnanasahan mong gunggong ka!"

"Suotan mo kasi ng seatbelt para hindi umaalog iyan!" hindi matigil ang halakhak niya at ako naman ay sobrang pula hanggang sa makarating sa mansion nila.

Nakaabang na kaagad si Senyora na mayroon dalang pamaypay at nagmamadaling bumaba sa hagdan nang makita kami. Nagtawag siya ng katulong at nagpahanda ng miryenda. Hindi ko alam kung para kanino subalit sa palagay ko'y para sa amin ni Jax dahil kami lang naman ang dumating.