《Poyun》 ဖော့ယွင် (မြန်မာဘာသာပြန်)

အပိုင်း(၇)-လွန်ခဲ့သောသုံးနှစ်က အသက်စတေးသွားခဲ့သော ကျန်းထင်

ကုံကျိုးမူးယစ်ဆေးဝါး တိုက်ဖျက်ရေး အဖွဲ့ခွဲ၏ ခေါင်းဆောင် ဖြစ်သူကျန်းထင်မှာလွန်ခဲ့သော သုံးနှစ်က အသက် စတေးသွားခဲ့ပြီး ဖြစ်သည်။
---------------------------------------------
'ဆောင်းဦး မိုးစက် ဇိမ်ခံပစ္စည်း အရောင်းဆိုင်၊ တစ်ပတ်နွမ်း အိတ်၊ လက်ဝတ်ရတနာနှင့် ဇိမ်ခံပစ္စည်း ရောင်းဝယ်ရေး။'

ယန်ရှယ်တစ်ယောက်ရဲကားထဲမှထွက် ကာ လက်ပိုက်လျက် ဆိုင်းဘုတ်ကို ကြည့်လိုက်ပါ၏။         

ထိုအခိုက် မာရှန့်က လှမ်း၍နှုတ်ဆက် လိုက်လေသည်။

" အစ်ကိုယန် သတင်းပို့တဲ့ လူကဟိုမှာ။ ကျွန်တော်တို့အခုပဲ ... "             

ယန်ရှယ်က လက်ကာပြလိုက်၏။ မာရှန့်လည်း ပြောထွက်လု နီးနီး စကားလုံးများအားပြန်မျိုချလိုက်ရတော့သည်။     

" စစ်ဆေးရေး အရာရှိတွေ အားလုံးကို သတင်းပို့လိုက်။ ရှိသမျှတစ်ပတ်နွမ်းဆိုင်တိုင်းကို ပိုက်စိပ်တိုက်ရှာစရာမလိုတော့ဘူးလို့။"  

သူကမနှေးမမြန် အသံအနေအထား နှင့် အမိန့်ပေးလိုက်သည်။ 

" တည်ကြက် ရဲ့ ကျောပိုးအိတ် တွေ့ပြီ"            

အရာရှိ သုံးလေးယောက်က စတိုးဆိုင်၏ ဝင်ပေါက်ကိုပိတ်လိုက်လေသည်။ ဆိုင်ရှင်ဖြစ်သူမှာ တုန်လှုပ်ခြောက်ခြားသွားကာ ဒေါသသံတို့ ရောပြွန်းလျက် စစ်ဆေးရေး အရာရှိတို့အား ရန်ထောင်လေတော့သည်။ ထိုအချိန်တွင် နည်းပညာ သမားများမှာတော့ ထင်သာမြင်သာရှိလှသော အမည်းနှင့်အဝါစပ်ကြားကျောပိုးအိတ်အား သဲလွန်စစုဆောင်းသည့်အိတ်ထဲသို့ ထည့်လိုက်လေသည်။ ထို့နောက် ပဏာမအဆင့်အနေနှင့် လက်ဗွေရာများတိုက်စစ်ကြ၏။       

စတိုးဆိုင်အပြင်လျှောက်လမ်းတွင်တော့ အရာရှိတစ်ဦးက ခုံတန်းရှည်တွင်ထိုင်နေသောကျန်းထင်၏ဘေးတွင် ရပ်လျက် ၎င်း၏ထွက်ဆိုချက်များကိုမှတ်တမ်းတင်လျက်ရှိသည်။ သူ က ခုံနောက်ကို သက်တောင့်သက်သာမှီလျက် ခေါင်းကိုမော့သည်ဆိုရုံလေးမော့ထားကာရှည်သွယ်သွယ်ခြေအစုံအား ခွဲ၍ထိုင်နေလေ၏။ ယန်ရှယ်ကသူ့ထံလာနေသည်ကိုမြင်ပါသော်လည်း မတ်တပ်ရပ်မည်ပုံမပေါ် ။ ကိုယ်ဟန် အနေအထားမှာအိမ်ရှိသားရေဆိုဖာကြီး ပေါ်တွင်အေးအေးလူလူထိုင်နေသည်ဟုပင်အောက်မေ့ရသည်။