တစ်စစ်စစ်နဲ့ နာလိုက်တာ...
သူဘယ်ရောက်နေတာလဲ?
ဘာလို့ဒီလောက်တောင်အေးနေတာလဲ?
ဦးနှောက်ကသာ တရစပ်တွေးနေပေမဲ့ လေးလံနေတဲ့မျက်ဝန်းတွေကို မဖွင့်နိုင်သေးဘူး။ အဲရစ် တစ်ကိုယ်လုံးက ကိုင်ရိုက်ထားသလိုပဲ နေရာအနှံ့နာကျင်နေတယ်။ အထူးသဖြင့် ပခုံးတစ်ဝိုက်က အရမ်းနာတယ်။ စဥ်းစားနေတုန်းရုတ်တရက် နွေးထွေးမှုလေးတစ်ခုက ပခုံးပေါ်သို့ဖြတ်ပြေးသွားတယ်။
ဘယ်သူလဲ? အာငွေ့ပေးနေတာ ?
ထိုင်းမှိုင်းနေတဲ့မျက်ဝန်းတွေကို အားတင်းပြီးဖွင့်ကြည့်လိုက်သည်။ ထိုမှ အဲရစ်ရဲ့ညာဘက်ပခုံးထက်မှာမျက်နှာအပ်ထားတဲ့ လူတစ်ယောက်ကိုတွေ့လိုက်ရတယ်။
"James...???"
သူ့ခေါ်သံကိုကြားလိုက်လို့ထင်ပါရဲ့။ ဂျိမ်းစ်ဟာ ခေါင်းမော့ကြည့်လာတယ်။ တော်သေးတာပေါ့...ညကတွေ့လိုက်ရတာ တကယ်ကြီးကို ဂျိမ်းစ်ဖြစ်နေတာပဲ။
နှုတ်ခမ်းထက်မှာ သွေးစတစ်ချို့ကခိုတွဲလို့၊ ဘေးဘက်သို့ထွေးထုတ်လိုက်ပြီးနောက် ဂျိမ်းစ်က ဤသို့ပြန်ဖြေလာသည်။
"အင်း"
"ဘယ်... ဘယ်အချိန်ရှိပြီလဲ?"
အအေးဓာတ်နဲ့တုန်ယင်နေတဲ့ အဲရစ်ရဲ့အသံဟာ အနည်းငယ်ထစ်အနေတယ်။
"သုံးနာရီလောက်ရှိပြီ"
သူ့ရဲ့နောက်ကျောဘက်မှာရှိနေတဲ့ ဂျိမ်းစ်ကိုလှည့်ကြည့်ဖို့ပြင်လိုက်ပေမဲ့၊ ပခုံးနှစ်ဖက်လုံးကိုတင်းတင်းကျပ်ကျပ်ဆုပ်ကိုင်ခြင်းခံလိုက်ရသည်။ ထို့နောက် ကြားလိုက်ရတာက...
"ငြိမ်ငြိမ်နေ"
"...."
တစ်ဖန် ညာဘက်ပခုံးထက်ပေါ်က ပူနွေးမှုလေးကိုခံစားလိုက်ရတယ်။ နောက်ထပ်သုံးလေးကြိမ်လောက် သွေးပုပ်တွေကိုစုပ်လိုက်၊ ထွေးထုတ်လိုက်နဲ့လုပ်နေပြီးမှ ဂျိမ်းစ်တစ်ယောက် လုပ်ရမှာတွေပြီးဆုံးသွားတဲ့ပုံပဲ။ အခုမှ သူ့ဘက်သို့လှည့်ကြည့်လာတော့တယ်။
"ရူးနေတာလား ဟမ်! ညကြီးမိုးချုပ် တောထဲလိုက်လာရအောင်..."
ဒဏ်ရာပေါ်သို့ ဆေးမှုန့်တစ်ချို့ကိုသိပ်ထည့်နေရင်းမှ ဂျိမ်းစ်က ထိုသို့ကြိမ်းမောင်းလာသည်။ ခပ်အေးအေးနေတတ်တဲ့ ဂျိမ်းစ်ကောင်လေးထံမှ မကြုံစဖူး ကြားလိုက်ရတဲ့ဆူပူသံကြောင့်၊ ဖြူဖျော့နေတဲ့နှုတ်ခမ်းထက် နှစ်ခြိုက်ပြုံးတစ်ခုကထွက်ပေါ်လာရသည်။
YOU ARE READING
𝙴𝙻𝚈𝚂𝙸𝚄𝙼 (hiatus)
Romansa"Where do you wanna live the most?" He asked. "A place where you are..." I whispered, staring at him. Then, I felt him grin. <<Elysium : မင်းရှိတဲ့နေရာက Paradise>> *MAIN COUPLE: The Crown Prince & his bodyguard Alexandros Patrick Edison...
