Newearth: Vanguardia Series: Malayan Quest ( On Going )

Chapter 31

Chapter 31

Limitation, not today! 

Matiim pa ring nakatingin si Edison kay Hemuel, dahil nais nitong tansyahin mabuti ang maaring kilos nito. 

"Maging alerto kayo 4th seat Zarava, at 5th seat Bolts," untag ni Edison kina Khaliraia, at Vilan.

Matapos niyang magsalita ay nawala si Hemuel at napatingin sila sa taas, dahil naramdaman nila ang prisensya ni Hemuel.

Mabilis silang nagsiilag sa atake ni Hemuel na galing sa taas, at pinagmamasdan  at hinihintay nilang mawala ang usok na gawa ng pag atake ni Hemuel, ngunit hindi pa nawawala ito ay naramadaman na nila ang prisensya ni Hemuel na mabilis na papunta sa kanila.

"Law Of Shapening: South west Aggression," usal ni Vilan, matapos ay gumagawa ito ng hand sign at may isang diagram ang lumabas.

Mula sa diagram ay may lumabas na isang malakas na hangin, dahilan para itulak si Hemuel kaya hindi siya nakapag patuloy sa kanyang pag atake.

Namangha naman si Edison sa pambihirang kaalamanan ni Vilan sa pag gamit ng Law Of Shapening.

Ilang buwan palang si Vilan bilang W.A.R.D.S  ng 11th District ay  ngayon lang ito nakasama ni Edison, dahil katulad ng Bolts twin ay kaka tapos lang din ni Vilan ng training niya. Ang impormasyon  lang na alam ni Edison tungkol kay Vilan ay base sa file report nito na may 1x1 na litrato nitong nangungulangot.

Matapos ng isang Law Of Shapening ay bahagyang nawala sa balanse si Hemuel, kahit na matagumpay siyang nakababa. " Mukhang mahihirapan akong lumapit sa mga kumag na ito, kung hindi ako makakaisip ng paraan,"  bulong ni Hemuel sa kanyang sarili.

"4th seat Zarava at 5th seat Bolts, pagkakataon na natin habang nagiisip pa siya," ani Edison, dahil alam nitong napaisip ang kalaban nila.

Mabilis namang nagbigay ng instruction si Edison para sa kanilang strategy plan, para sa kanilang gagawing opensa. "5th seat Bolts suporta ka sa mga atake ko, 4th seat Zarava bahala ka na sa aming dalawa para protektahan kami," anito

Matapos ng instruction ay inihanda na nila ang kanilang sarili, para sa kanilang gagawing pag atake. Isang mabilis na pag sulong ang ginawa ni Edison, at Khaliraia habang si Vilan ay humahabol sa kanilang likuran.

" Sa wakas kayo na ang lalapit sa akin," sigaw ni Hemuel na puno ng emosyon sa kanyang mukha.

Habang nasa kalagitnaan si Edison ng kanyang pag sulong ay may mga kidlat na sumusunod sa kanya na nakakagawa ng kaonting pag yanig, at si Khaliraia naman ay itim na enerhiya ang bumabalot sa kanya.

Unang atake ay mula kay Edison na nasalag naman ni Hemuel, at nakagawa ito ng isang nakakasilaw na kislap. Sumunod ay isang sipa galing kay Khaliraia na nasa ilaliman ni Hemuel na ikinagulat niya. 

Akmang sasalagin ni Hemuel ang atake na galing sa baba nang biglang nawala ang dalawa, at may narinig siyang usal galing kay Vilan. "Law Of Shapening: Three Spherical arrow,"

Galing sa diagram ay may lumabas na tatlong bilog na enerhiya papunta kay Hemuel, at habang papalapit ito ay nag sasama-sama ito at nagmistula itong ulo ng palaso. Isang nakaka yanig na pwersa galing sa atakeng iyon ang bumalot sa lugar na iyon..

Hindi basta-basta ang mga Law Of Shapening na ginagawa ni Vilan, dahil mga piling high level W.A.R.D.S—Captain level— lang ang nakakagawa nito na merong mataas na Tirium pool. 

"Vice captain Royston ,at 5th seat Bolts mukhang matibay ang hayop na iyan," wika ni Vilan, at nakatingin ito sa usok na gawa ng Law Of Shapening na ginawa niya.