Newearth: Vanguardia Series: Malayan Quest ( On Going )

Chapter 8

Chapter 8

Operation: Retaliation

Isang araw matapos ng piging ay lihim na naghahanda ang buong Central para sa kanilang mission ang bawiin ang siyudad na nakuha ng grupong Jar'ghal.

Isang spesyal, at lihim ang mission na iilang W.A.R.D.S, at Kapitan lang ang may alam maging ang mga high-commander ay walang alam dito, ito ay matapos kausapin ni Levi si Commander-In-Chief Ceds sa totoong plano nito.

Tinanong naman ni commander-in-chief Ceds si Levi kung bakit iniba niya ang kanyang plano. Isa lang ang dahilan nito. Dahil may ispiya sa loob ng pagpupulong na iyon.

Napapayag naman si Cyndi na Commander-In-Chief ng Central dahil alam din nito ang nasa isipan ni Levi.

Nakaupo naman si Cyndi ng may kumatok sa pintuan. Agad naman niyang sinabihan ito na pumasok.

"Commander-In-Chief." Sabay saludo ni Jake Harbaut.

"Napapadalas naman ang dalaw mo dito. Bakit nakapag isip ka na ba Jake Harbaut?" Ani Cyndi habang inaayos ang mga papel na nasa harapan niya.

Matunog naman itong ngumiti bago ito magsalita. "Alam niyo na ho ang sagot diyan."

Napabuntong hininga naman si Cyndi, at tumigil ito sa kanyang ginagawa matapos ay sumandal ito.

"Ano panga ba ang aasahan ko sa katulad mo na isa sa nagbigay sakin ng kabiguan nang talikuran niyo akong lima." Ani Cyndi na biglang sumilip ang nakaraan sa kanyang isipan.

"Oh siya ano ba ang masamang hangin ang nag dala sayo ditong bata ka?" Dugtong pa nito, at minuwestra ang upuan kay Jake.

"Ang pinunta ko dito ay tungkol kay Levi." Ani Jake.

"Marahil ay nagtaka kayo kung bakit matapos niyo siyang hindi tanggapin sa kanyang huling pagsasanay ay nagkaroon siya ng Perks. " Si Jake habang hinila ang upuan sa harap ni Cyndi matapos ay umupo.

"Naalala niyo ba noon ang Project: Vanguard." Dugtong ni Jake.

Naalala naman iyon ni Cyndi. Ang Research na ipinagbawal ni Cyndi noon, dahil pagkawasak lamang ang bunga ng proyektong iyon.

Ang isang proyekto na si Condrad ang nagsaliksik, at ang dahilan bakit natanggal si Condrad sa Central.

"Nang nagkasagupa kami noon ni Condrad ay sinabi niya na ang tungkol sa proyekto na iyon, at naniwala nalang ako ng makilala ko ang batang si Levi." Ani Jake, at napaiwas ng tingin dahil sa matalim na tingin ni Cyndi.

"Ang ibig mong sabihin ay nasa batang iyon ang isa sa mga Vanguardia kahit na hindi siya ang hinirang?" Direktang tanong ni Cyndi.

"Siya ang isa sa mga Vanguardia, dahil ayon kay Condrad ay nakausap niya ang Dyosa ng mga mensahero na si Hiraia---"

"--Na ang napiling Vanguardia ay isang batang puro, at walang kahit anong kapangyarihan na taglay." Matapos ay tumayo si Jake.

"Hindi ko din alam kung bakit noong sinanay ko siya ay nagkaroon siya ng Perks. Ang intensyon ko lang ay sanayin siya para maging malakas na City Patrol---"