Unicode
သရဲရာဇဝင်များထဲ၌ချစ်ကျွမ်းဝင်ခြင်း -
Chapter 4.1
ON JULY 24, 2021 BY HOT TOFU
Arc 1 : ရင်ခွဲရုံထဲမှ ထူးဆန်းသောအသံ
နောက်တစ်နေ့မနက်ခင်းတွင်၊
ယောင်းယီတစ်ယောက်
မည်းနက်နေသည့်မျက်တွင်းများဖြင့်
အိပ်ယာမှထလာခဲ့သည်။
အိပ်ချင်မူးတူးဖြစ်စွာသွားတိုက်
မျက်နှာသစ်လုပ်နေသည်မှာ၊
ဘေစင်ထဲသို့ခေါင်းနစ်လုမတတ်ပင် ဖြစ်နေသည်။ထို့ကြောင့်
အိပ်ချင်စိတ်ပြေလာစေရန် သူ၏မျက်နှာကို
ရေအေးအေးဖြင့် ပြင်းထန်စွာ
ပွတ်တိုက်လိုက်သည်။
“Phew—”
မျက်နှာပေါ်ရှိရေများအားလုံးကို
မျက်နှာသုတ်ပဝါဖြင့်ပွတ်သုတ်လိုက်သည်။
ယောင်းယီ၏သွားများသည်
အေးစက်မှုဒဏ်ကြောင့်
တဂတ်ဂတ်ရိုက်ခတ်လို့နေပြီး
မျက်နှာမှာလည်း ပန်းရောင်သမ်းလို့
နေလေသည်။
ယခုတိုက်ခန်း၏ရေပေးဝေမှုစနစ်သည်
အလွန်ဆိုးဝါးလှသည်။ရေဘုံပိုင်မှရေသည်
အပြင်ရှိမြစ်ရေထက်တောင်အေးစက်နေပြီး၊
အပူချိန်မှာအနှုတ်သုညဖြစ်လုနီးပါးရှိသည်။
ထိုကဲ့သို့သောအပူချိန်နဲ့သာဆို
တစ်နေ့နေ့တစ်ချိန်ချိန်
ရေပိုက်ခဲသွားသည်ရှိသော်
အံ့ဩစရာမဟုတ်တော့ပေ။
ရေမိုးချိုးသုတ်သင်
ရှင်းလင်းပြီးသည့်အခါ၊
ယောင်းယီ အဝတ်များကို အလျင်အမြန်ဝတ်ဆင်လိုက်ပြီး၊
သူ၏လွယ်အိတ်ကိုဆွဲယူ၍၊အိမ်ထဲမှ ထွက်လိုက်သည်။
၇ နာရီထိုးခါနီးဖြစ်သည်။ အကယ်၍သာ သူအနေဖြင့်အခုနေအိမ်မှမထွက်ပါက၊
အစောပိုင်းဘတ်စ်ကားကိုလွတ်သွားမည်ဖြစ်ပြီး တက္ကစီခအတွက် ငွေကုန်ရမည်ဖြစ်သည်။
ကော်ရစ်တာအလယ်ရှိ ဓာတ်လှေကားဆီသို့
လျှောက်သွားလိုက်ပြီး၊ခလုတ်အားနှိပ်ကာ
ယောင်းယီသူ့အလွှာဆီသို့
ရောက်လာမည့်ဓာတ်လှေကားကို အချိန်အတော်ကြာစောင့်ဆိုင်းနေခဲ့သည်။
မတတ်နိုင်ပေ။
ယခုတိုက်ခန်း၌နေထိုင်သူအများစုသည်
ရုံးဝန်ထမ်းများဖြစ်ကြပြီးယခုလိုအချိန်၌
အိမ်မှထွက်ကာအလုပ်သွားကြသည့်
လူများသည့်အတွက်ဓာတ်လှေကားသည် အလွှာတိုင်းလိုလိုစီတွင်၊ ရပ်တန့်ရလုနီးပါးဖြစ်နေလို့သည်။
YOU ARE READING
သရဲရာဇဝင္မ်ားထဲ၌ခ်စ္ကြ်မ္းဝင္ျခင္း
HorrorMyanmar Translation [ BL ] This is my third translation. I hope you enjoy it. Both unicode and zawgyi are available. Genres : Horror Love Stroy Warning : ေၾကာက္တတ္ပါက ညမဖတ္ရ။ ေမးခြန္း : ေၾကာက္မက္ဖြယ္ရာ အစဥ္အလာမျပတ္သရဲ ရာဇဝင္ထဲက အဓိကဇာတ္ေကာင္ရဲ႕...
