ON SEP 24, 2021 BY HOT_TOFU
Chapter 21.1, Arc 2: ထပ်ခိုးထဲမှချစ်သူ
"ဗိုက်တောင်နည်းနည်းဆာလာသလိုဘဲ"
ယောင်းယီအဝတ်အစားများကို
လဲလှယ်ပြီးသည်နှင့်သူ၏ဗလာ
ကျင်းနေသောဝမ်းဗိုက်ကိုပွတ်သပ်
လိုက်ပြီးနောက်ကုတင်ဘေး၌မှေး
ကိုထောက်၍အင်တင်တင်ပုံစံဖြင့်
ထိုင်ချလိုက်လေသည်။
အောက်ထပ်ကလှုပ်ရှားသံတွေ
ဘာတစ်ခုမှကိုမကြားရပါလား။
လူတွေအကုန်လုံးအစောကြီး
ကတည်းကထွက်သွားကြပြီ
လား?
ဒါဆိုလည်း၊သူအခုအချိန်အောက်ဆင်း
ပြီးမုန့်သွားယူလို့အဆင်ပြေလောက်ပြီ
မလား။
ယောင်းယီသည်ငယ်ရွယ်ပြီးတောင့်တင်း
ခိုင်မာသည်။သူ၏ခန္ဓာကိုယ်သည်အချိန်
အတော်ကြာအသုံးပြုခဲ့ပြီးပြီဖြစ်သည့်
အတွက်ဗိုက်ဆာသည့်ခံစားချက်ကို
သည်းခံဖို့ရန်လုံးဝမဖြစ်နိုင်တော့ပေ။
ထို့ကြောင့်သူ၏အစာအိမ်သည်ဂနာမငြိမ်
ဖြစ်လာပြီးမကျေနပ်ချက်ကိုထုတ်ဖော်
ပြသ၍အစာကိုတောင်းဆိုဆန္ဒပြလေ
သည်။
နောက်ထပ်နာရီဝက်ကြာသည်းခံ
ခဲ့ပါသော်လည်းသိပ်မကြာခင်မှာတင်
ကိုးနာရီထိုးတော့မှာဖြစ်သည်။
ထိုအခါမှသာအပြင်ထွက်ပြီးမုန့်ယူရန်
ဆုံးဖြတ်ချက်ချလိုက်သည်။
ယခုချိန်လောက်ဆိုယခုစံအိမ်ကြီးထဲတွင်
တာဝန်ကျသည့်အစေခံများအားလုံး၏
တာဝန်သည်အမြဲတမ်းပြီးဆုံးသွားလေ့ရှိ
ပြီးအပြင်သို့ပြန်ထွက်သွားလေ့ရှိကြသည်။
အလုပ်ကိုရူးသွပ်ပုံရသည့်ယခုစံအိမ်ပိုင်ရှင်
အမျိုးသားသည်လည်းအခုချိန်လောက်ဆို
ထွက်သွားလောက်ပြီဟုထင်သည်။သူ့ဘက်
ကအရမ်းကြီးနှစ်နှစ်ခြိုက်ခြိုက်အိပ်ပျော်
နေမိလို့သာထိုလူထွက်သွားတဲ့အသံကိုမ
ကြားလိုက်မိတာနေမှာ။
ထိုကဲသို့သူကိုယ်သူနှစ်သိမ့်ပြီးချိန်မှာတော့
ယောင်းယီသည်တံခါးပေါက်ဆီသို့ဦးတည်
သွားရန်သူ၏သတ္တိများကိုစုစည်းလိုက်
တော့သည်။သူ၏လက်ကိုတံခါးရွက်ထိပ်
၌တင်ကာဖွင့်ဖို့ရန်လုပ်ဆောင်လိုက်သည်။
ESTÁS LEYENDO
သရဲရာဇဝင္မ်ားထဲ၌ခ်စ္ကြ်မ္းဝင္ျခင္း
TerrorMyanmar Translation [ BL ] This is my third translation. I hope you enjoy it. Both unicode and zawgyi are available. Genres : Horror Love Stroy Warning : ေၾကာက္တတ္ပါက ညမဖတ္ရ။ ေမးခြန္း : ေၾကာက္မက္ဖြယ္ရာ အစဥ္အလာမျပတ္သရဲ ရာဇဝင္ထဲက အဓိကဇာတ္ေကာင္ရဲ႕...
