သရဲရာဇဝင္မ်ားထဲ၌ခ်စ္ကြ်မ္းဝင္ျခင္း

၁၁.၂ {U}

Unicode

သရဲရာဇဝင်များထဲ၌ချစ်ကျွမ်းဝင်ခြင်း -
Chapter 11.2

ON Aug 14, 2021 BY HOT TOFU

Arc 1 : ရင်ခွဲရုံထဲမှ ထူးဆန်းသောအသံ

""....ဒါပေမဲ့ကျွန်တော်ထင်တာကတော့
အဲ့သူနာပြုနာမည်ကယူရီဖြစ်ဖို့များလောက်တယ်""

ယောင်းယီသည်သူ၏ဘေးနားပတ်ဝန်းကျင်ကို
လုံးဝထည့်တွေးမစဉ်းစားဘဲ,သူ၏မျက်လုံးများသည်
မဖော်ပြနိုင်သည့်ခံစားချက်များဖြင့်ဖုံးလွှမ်းသွားခဲ့ပြီး
အန်းလင်အသက်ရှိစဉ်ကာလများတုန်းတွေ့ခဲ့ရသည့်သူ၏အမှတ်တရများကိုပြန်လည်စဉ်းစားနေမိသည်။

ထိုနေ့သည်ယောင်းယီပထမဦးဆုံးအကြိမ်
ယခုဆေးရုံတွင်အလုပ်စဆင်းသည့်နေ့ဖြစ်သည်။
သူဟောခန်းမဆောင်ထဲ၌ရှိနေချိန်သူ၏ဘေးမှ
အရပ်မြင့်မားသည့်လူတစ်ယောက်
ဖြတ်လျှောက်သွားသည်ကိုမြင်လိုက်ရသည်။
ထို့အချိန်လေးအတွင်းမှာဘဲ
သူ၏မသိစိတ်မှစေ့ဆော်မှုကြောင့်
သူနောက်ပြန်လှည့်ကြည့်မိလိုက်သည်။

ထိုအချိန်အမှတ်မထင်ဘဲမြင်တွေ့လိုက်ရသည်မှာ,
ချောမောကာဖြူဖွေးသောအသားအရည်ပိုင်ရှင်
ဆံပင်အနက်ရောင်ဖြင့်သူနာပြုမလေးသည်
ချိုမြိန်စွာဖြင့်ပြုံးပြလာသည်ကို
ထိုအရပ်မြင့်မားသည့်လူသည်
သူ၏ခေါင်းနောက်ကိုကို့ရိုးကားယားဖြစ်စွာ
ပွတ်သပ်နေသည့်ပုံကိုကြည့်ရသည်မှာ
တနည်းတစ်ဖုံဖြင့်ရှက်သွေးဖြာနေသလိုပင်။

တကယ်လို့အန်းလင်မှာသာ သူကြိုက်နေတဲ့
တစ်ယောက်ယောက်ရှိနေတယ်ဆို,သူနာပြုမထဲက
ယူရီကလွဲလို့အခြားဘယ်သူမှမဖြစ်နိုင်တော့ဘူး,
ဟုတ်တယ်မလား?

""ယူရီ? အဲ့ဒါဆိုအဲ့အမျိုးသမီးကအခုဘယ်မှာလဲ?""

လူတိုင်းယောင်းယီကိုပြန်လှည့်ကာစိုက်ကြည့်
လာကြသည်။ယောင်းယီလည်းသူ၏ခေါင်းကို
အကူအညီကင်းမဲ့စွာခါယမ်းလိုက်ပြီး,သူလည်း
လုံးဝမသိသည့်အကြောင်းကိုပြသလိုက်သည်။

""ကျွန်တော်တို့အခုဘယ်နှစ်လွှာကို
ရောက်နေလဲဆိုတာကျွန်တော်မသိဘူး။
ဒါပေမဲ့တကယ်လို့ယူရီသာခါတိုင်းလို
ပုံမှန်အတိုင်းဂျုတီချိန်ရှိနေမယ်ဆို,
ရှစ်လွှာကဝန်ဆောင်မှုကောင်တာမှာ
ရှိနေလောက်တယ်။တစ်ခါတစ်လေဆို
သူမအနေနဲ့ခုနစ်လွှာကိုလည်းသွားလေ့ရှိတယ်""