သရဲရာဇဝင္မ်ားထဲ၌ခ်စ္ကြ်မ္းဝင္ျခင္း

၁၃.၂ {U}

Unicode

သရဲရာဇဝင်များထဲ၌ချစ်ကျွမ်းဝင်ခြင်း -
Chapter 13.2

ON Aug 19, 2021 BY HOT TOFU

Arc 1 : ရင်ခွဲရုံထဲမှ ထူးဆန်းသောအသံ

Amy နှင့် Cao ထံမှထွက်ပေါ်လာသည့်
အော်ဟစ်သံများသည်လူတစ်ယောက်၏နား
များကိုတောင်ကန်းသွားစေနိုင်သည်။
သူတို့၏မျက်လုံးများသည်ပွင့်ဟနေပြီး,
မကျေမချမ်းနိုင်ဖြစ်နေသောအကြည့်များ
ထဲတွင်နောင်တတရားများပါဝင်နေခဲ့သည်။

သူတို့မသေဆုံးခင်နောက်ဆုံးချိန်
အတောအတွင်းထိုလူသုံးယောက်၏
ခေါင်းထဲ၌တွေးလိုက်မိသည့်အတွေးမှာ
အံ့ဩစရာကောင်းလောက်အောင်ကို
တူညီနေခဲ့သည်။သူတို့အကုန်လုံးသရဲရာဇဝင်ထဲမှ
ရှေ့နောက်မညီဖြစ်နေသည့်ကွဲပြားခြားနားချက်
များစွာကိုစောစောရှာမတွေ့မိခဲ့သည့်အတွက်
နောင်တရနေကြသည်။တကယ်လို့သူတို့သာ
လုံခြုံရေးစောင့်၏စွဲလမ်းနေမှုသည်ထိုဆရာဝန်
ဖြစ်နေသည်ဆိုတာကိုသိရှိခဲ့ပါက,သူတို့အနေဖြင့်
ထိုဆရာဝန်အပေါ်အလွန်မတရားဆက်ဆံမိခဲ့မည်
မဟုတ်ပေ,အဲ့ဒါဆိုသူတို့လည်းအခုလိုအလွန်
စိတ်ပျက်စရာကောင်းစွာသေဆုံးရမည်မဟုတ်။

သို့သော်,လောက၌နောင်တတရားအတွက်
ကုသစရာဖြေဆေးမရှိသလို,
နောင်တတရားထက်ဆိုးဝါးသည့်
စိတ်ခံစားချက်မျိုးလည်းနောက်ထပ်မရှိနိုင်ပေ။

သိပ်မကြာခင်အချိန်အတွင်းမှာဘဲ,
ထိုလူငယ်သုံးယောက်သည်သူတို့၏
နောက်ဆုံးသောထွက်သက်ကိုကြီးလေးလှစွာ
သောနောင်တတရားများအားရင်ဝယ်ပိုက်ရင်း,
မျက်လုံးများမှာပွင့်ဟလျက်သေဆုံးသွားကြသည်။

ယောင်းယီကတော့,ဘေးပတ်ပတ်လည်ကို
စူးစမ်းချင်စိတ်ပြင်းပြစွာဖြင့်အမှောင်ထဲမှ
ထွက်လာသည့်လူသားစားအငြိုးတကြီးဝိဉာဉ်များ
နှင့်မရေမတွက်နိုင်လောက်အောင်ကိုများပြားသည့်
ပုံပျက်ပန်းပျက်သရဲများကိုလိုက်ကြည့်နေမိသည်။
ထိုနေရာမှာတင်,တောင့်ခဲသွားပြီး,သူ၏
သူငယ်အိမ်များမှာလည်းပြူးကျယ်သွားခဲ့သည်။

လောက၏ငရဲပြည်ကဲ့သို့ဖြစ်နေသည့်
လူနာဆောင်ထဲမှမြင်ကွင်းများကို
မြင်လိုက်ရသည့်အခါ,ဘေးတွင်ကပ်ထားသော
သူလက်ချောင်းများသည်မသိမသာ
တုန်ယင်သွားခဲ့သည်။