သရဲရာဇဝင္မ်ားထဲ၌ခ်စ္ကြ်မ္းဝင္ျခင္း

၁၄.၂ {U}

Unicode

သရဲရာဇဝင်များထဲ၌ချစ်ကျွမ်းဝင်ခြင်း -
Chapter 14.2

ON Aug 21, 2021 BY HOT TOFU

Arc 1 : ရင်ခွဲရုံထဲမှ ထူးဆန်းသောအသံ

အနားယူခန်းထဲ၌တိတ်ဆိတ်စွာ
နားထောင်နေခဲ့သည့်သူနာပြုသရဲမ: ""........""

""....ခင်များတို့နှစ်ယောက်က
တကယ်ကိုကောင်းကင်ဘုံကနေ
ချီးမြောက်ပေးစားထားတဲ့
ဖူးစာရှင်တွေပါဘဲ.....""

Patter—

တောက်ပသောမျက်ဝန်းများကို
မှေးစင်းရင်း,ယောင်းယီသူ၏
ခြေလှမ်းများကိုရပ်တန့်ကာ,
ထိုမျက်စိမျက်နှာပျက်နေသည့်
ကောင်စုတ်လေးနှစ်ကောင်ကို
လှမ်းကြည့်လိုက်သည်။

ဘေ့စ်ဘောဦးထုပ်သည်
လုံခြုံရေးစောင့်ကိုယ်စား,
ပျားသကာကဲ့သို့ချိုမြိန်လှသော
ပန်းသဖွယ်,စကားလုံးများကိုအသုံးပြု၍
ထိုသူနာပြုသရဲမစိတ်ဝင်စားလာစေရန်
ထပ်ကာထပ်ကာတန်ဆာဆင်
မြူဆွယ်နေခဲ့သည်။သို့သော်,
အနားယူခန်းထဲမှသရဲမသည်
တုတ်တုတ်မျှမလှုပ်,အရင်ကအတိုင်း
တိတ်ဆိတ်နေဆဲဖြစ်သည်။
ထို့ကြောင့်သူမတတ်နိုင်စွာဖြင့်
စိတ်ဓာတ်ကျလာတော့သည်။

""ဝူးး...ကျွန်တော်တို့
တောင်းပန်ပါတယ်...
ကျွန်တော်တို့ကိုထွက်သွားခွင့်
ပေးပါတော့....""

ဘေ့စ်ဘောဦးထုပ်သည်
မျက်ရည်များစွာဝေ့သီရင်း,
ဆို့နင့်စွာပြောလိုက်သည့်ပုံမှာ,
သူ့အနေဖြင့်မျှော်လင့်ချက်
အားလုံးပျက်သုန်းသွားသလိုပင်။

ဟူဒီကောင်လေးသည်
ဘေ့စ်ဘောဦးထုပ်၏
ပခုံးပေါ်သို့သူ၏လက်ကို
တင်လိုက်သည်။
ထိုထိတွေ့အားပေးမှုသည်,
ဘေ့စ်ဘောဦးထုပ်ကို
အနည်းငယ်တော့
စိတ်သက်သာရာရသွားစေခဲ့သည်။

ဘေ့စ်ဘောဦးထုပ်သည်
ဟူဒီကောင်လေးအား
သူ၏ပူဆွေးသောကများကို
ပြန်လည်မျှဝေရန်,
ခေါင်းကိုနောက်သို့လှည့်လိုက်စဉ်,
သူ၏နောက်တွင်ရှိနေပြီးပခုံးပေါ်သို့
လက်ကိုတင်ထားသည့်လူမှာ
သူ၏သူငယ်ချင်းကောင်း
ဟူဒီကောင်လေးဟုတ်မနေဘဲ,
ထိုအစားအဖြူရောင်
ဂျုတီကုတ်ကိုဝတ်ဆင်ထားသည့်
ဆရာဝန်ဖြစ်နေကြောင်း
သိလိုက်ရသည်။