ON SEP 22, 2021 BY HOT_TOFU
Chapter 22.3, Arc 2: ထပ်ခိုးထဲမှချစ်သူ
ထိုလူသည်-ယခုစံအိမ်ကြီး၏ပိုင်ရှင်
ဖြစ်သည်။
သူ၏ခေါင်းထဲတွင်အကြိမ်ပေါင်းများစွာ
ယခုစံအိမ်ပိုင်ရှင်ကြီးနှင့်ဘယ်လိုပက်ပင်း
တိုးမိမလဲဆိုတာကိုတွေးပြီးသားဖြစ်သော်
လည်းယောင်းယီသည်တကယ်ကြုံရသည့်
အခါစကားလုံးများဖြင့်ယက်ကန်ယက်ကန်
ဖြစ်နေဆဲဖြစ်သည်။
"ကျွန်-ကျွန်တော်၊အာ၊ကျွန်တော်၊အမ်..."
ယောင်းယီကျုံကျုံလေးနောက်သို့
ပြန်ဆုတ်ရင်းတုန်ရီနေမိသည်။သူ၏
တည်ရှိမှုအစစ်အမှန်ကိုတောင့်တင်း
ခိုင်မာပြီးစတီးလိုမျိုးကြွက်သားတွေ
နှင့်ပြည့်နှက်နေသည့်ယခုအမျိုးသား
အားမပြောပြရဲပေ။
"မင်းက အဲ့ကော်ဖီဆိုင်မှာအလုပ်လုပ်တဲ့
ယောင်းယီ၊ဟုတ်တယ်မလား?"
စံအိမ်ပိုင်ရှင်ကိုကြည့်ရသည်မှာ
နှစ်ထောင်းအားရအံ့ဩသွားသည့်ပုံပင်။
သူ့အားပျော်ရွှင်မှုများပြည့်နှက်နေသည့်
မျက်နှာဖြင့်ကြည့်လိုက်ပြီးပွေ့ဖက်ဖို့
အတွက်ရှေ့ကိုတောင်တိုးလာခဲ့သည်။
ယောင်းယီသည်လွန်စွာထိတ်လန့်သွားပြီး
ပြန်မပွေ့ဖက်ခင်သူကိုင်ဆောင်ထားသည့်
ဘက်စုံသုံးဓားကိုမြန်မြန်ဆန်ဆန်အဝေး
သို့လွှတ်ပစ်လိုက်သည်မှာတစ်မျိုးထင်သွား
မှာကိုစိုးရိမ်သည့်အပြင်လူသတ်ဖို့ရန်ကြံစည်
နေသည်ဟုစွပ်စွဲခံရပြီးထောင်ကျသွားမှာ
ကိုကြောက်ရွံ့နေသည့်အတွက်ဖြစ်သည်။
"ကိုယ်မင်းကိုအရမ်းလွမ်းနေခဲ့တာ!မင်းကို
တောင်လိုက်ရှာနေသေးတယ်၊မင်းဘယ်
တွေကိုရောက်နေတာလဲ?"
ဗီလာပိုင်ရှင်သည်ယောင်းယီကို
သူ၏လက်မောင်းများကြားထဲ၌
တင်းကြပ်စွာပွေ့ဖက်လိုက်သည်။
ယောင်းယီသည်အရပ်မြင့်မားပါသော်
လည်းယခုစံအိမ်ပိုင်ရှင်၏မာကျောသော
ခန္ဓာကိုယ်နှင့်နှိုင်းယှဉ်လိုက်သည့်အခါ
သေးငယ်သွားသလိုပင်။
"အမ်၊ဟု-ဟုတ်တယ်။ကျွန်တော်ပါ!
ကျွန်တော်လည်းခင်များကိုအတော်
လေးသတိရနေခဲ့တာ ဟဟားဟားဟား!"
YOU ARE READING
သရဲရာဇဝင္မ်ားထဲ၌ခ်စ္ကြ်မ္းဝင္ျခင္း
HorrorMyanmar Translation [ BL ] This is my third translation. I hope you enjoy it. Both unicode and zawgyi are available. Genres : Horror Love Stroy Warning : ေၾကာက္တတ္ပါက ညမဖတ္ရ။ ေမးခြန္း : ေၾကာက္မက္ဖြယ္ရာ အစဥ္အလာမျပတ္သရဲ ရာဇဝင္ထဲက အဓိကဇာတ္ေကာင္ရဲ႕...
