သရဲရာဇဝင္မ်ားထဲ၌ခ်စ္ကြ်မ္းဝင္ျခင္း

၁၅.၃ {U}

Unicode

သရဲရာဇဝင်များထဲ၌ချစ်ကျွမ်းဝင်ခြင်း -
Chapter 15.3

ON Aug 25, 2021 BY HOT TOFU

Arc 1 : ရင်ခွဲရုံထဲမှ ထူးဆန်းသောအသံ

အန်းလင်သည်သူ၏ခေါင်းကို
စောင်းရင်း,ဆေးရုံအပြင်ဘက်တွင်
ပရမ်းပတာဖရိုဖရဲဖြစ်နေသည့်
ဝိဉာဉ်အစုအဝေးကြီးနှင့်
မကောင်းဆိုးဝါးများစွာတို့ကို
စိုက်ကြည့်လိုက်ပြီး,သူ၏မျက်လုံးများထဲ၌
မှိန်ဖျော့သည့်အလင်းရောင်တစ်ခုဖြတ်ပြေး
သွားတော့သည်။

Whoosh—

အမှောင်ထုထဲတွင်,
ဘယ်ကနေရောက်လာမှန်း
မသိသောလေပွေကြီးသည်
မရေမတွက်နိုင်သော
ဝိဉာဉ်များစွာနှင့်
မကောင်းဆိုးများအား
တစ်စုတစ်စည်းတည်း
စုဝေးတိုက်ခတ်ကာအမည်းရောင်
ပြာမှုန့်များအဖြစ်သို့ကူးပြောင်းသွားစေပြီး,
ဆေးရုံအပြင်ဘက်ရှိရာသက်ပန်
မှောင်မဲနေသောညအမှောင်ထုကြီးထဲမှ
လွင့်ပါးပျောက်ကွယ်သွားစေသည်။

ရှပ်—

ရှပ်—

ထိုအရပ်မြင့်မြင့်အရိပ်မည်းသည်
နောက်သို့ပြန်လှည့်လိုက်ပြီးနောက်
ကော်ရစ်တာ၏အနက်ရှိုင်းဆုံးထဲသို့
တိုးဝင်ကာဝင်ရောက်
ပျောက်ကွယ်သွားတော့သည်။

ယောင်းယီသည်ဘေ့စ်ဘောဦးထုပ်နှင့်
ဟူဒီတို့ကိုလှည့်စားရန်အတွက်
စတိုခန်းဆီသို့သွားနေသည့်
ဟန်ပြုမူခဲ့သည်။
ထိုစတိုခန်းထဲတွင်
အသုံးဝင်လောက်မည့်
ပစ္စည်းများကိုရှာဖွေရန်
မတွေးထားခဲ့သော်လည်း
အံ့ဩစရာကောင်းစွာဖြင့်,
ထိုအခန်းထဲတွင် baijiu
အရက်ပုလင်းအချို့
ရှိနေခဲ့သည်။သူတို့စီစဉ်ထားသည့်
အတိုင်းအလောင်းကိုမီးရှို့ရန်
အသုံးပြုရာတွင်
ဒီထက်ပိုသင့်လျော်သည့်
လောင်စာမျိုးထပ်မရှိနိုင်တော့ပေ။

ဒါပေမဲ့လည်းဘယ်လိုဖြစ်ပြီး
baijiu ပုလင်းတွေက
ဒီစတိုခန်းထဲမှာရှိနေရတာလဲ?

ဘေးတွင်အလွန်စိတ်လှုပ်ရှား
ပျော်ရွှင်နေသည့်မျက်နှာများဖြင့်
ယောင်တိယောင်ချာလုပ်နေသည့်
ဘာအတွေးအခေါ်မှရှိမနေသော
ငတုံးနှစ်ကောင်ကိုကြည့်လိုက်ပြီး,
ယောင်းယီသူ၏နှုတ်ဖျားမှ
ထွက်ကျလာတော့မည့်
လှောင်ပြောင်သရော်သည့်
စကားများကိုပြန်လည်
မြိုချလိုက်တော့သည်။