ON Sep 10, 2021 BY HOT_TOFU
Chapter 18, Arc 2: ထပ်ခိုးထဲမှချစ်သူ
ယောင်းယီသည်စံအိမ်ပိုင်ရှင်
အမျိုးသားအားစောင့်ကြည့်
လေ့လာနေစဉ်၊ဒုတိယထပ်ရှိ
အဓိကအိပ်ခန်းဆောင်တွင်
လှပသောအမျိုးသမီးသည်
သူမ၏ခါးအထိရှည်လျားသော
ဆံနွယ်အရှည်ကြီးကိုဂရုတစိုက်
ဖြီးသင်းနေဆဲကာလဖြစ်သည်။
သူမ၏ပင်လယ်ရေညှိများသဖွယ်၊
ကောက်ကွေးကာရှည်လျားသော
ဆံပင်ရှည်ကြီးအားဖြီးသင်းပြီးချိန်
မှာတော့မှန်တင်ခုံကြီးအရှေ့ရှိ
များပြားကာအမျိုးအစားစုံလင်
လှသောစကင်းကဲပစ္စည်းများကို
တစ်ခုခုပြီးတစ်ခုယူကာသူမ၏
မျက်နှာအပေါ်သို့တင်၍လိမ်းကျံ
တော့သည်။မရေမတွက်နိုင်လောက်
သည့်အကြိမ်အရေအထိလိမ်းကျံပြီး
အဆုံးမှသာ၊ကျေနပ်သွားပြီး
စကင်းကဲခြင်းကိုရပ်တန့်လိုက်သည်။
သို့သော်ဖြူဆုတ်ကာပင်ပန်းနွမ်းနယ်နေပုံ
ရသည့်သူမ၏ပုံစံကိုမှန်ထဲတွင်ကြည့်ရင်း
ထိုလှပသောအမျိုးသမီးသည်ပထမဆုံး
အကြိမ်နှလုံးသားထဲမှပေါက်ဖွားလာသည့်
တဏှာရာဂခံစားချက်များကြောင့်စိုးရိမ်မှု
ဖြင့်သက်ပြင်းချလိုက်မိသည်။
သူမ၏ငယ်ရွယ်သောချစ်သူလေးသည်
အခုမှလူပျိုပေါက်အရွယ်လေးသာ
ရှိသေးသည်။ထိုလူငယ်လေးအား
ဆွဲထားရန်သူမဆီတွင်လုံလောက်သည်
ထက်ပိုသည့်ငွေပမာဏရှိနေပါသော်လည်း
လူများသည်အခြားအရာများထက်
ရုပ်ရည်ကိုပိုပြီးအလေးထားကာ
ဖက်တွယ်တတ်ကြသည်။
တကယ်လို့သူမ၏ရုပ်ရည်ကသာ
မလုံလောက်ပါကသူမ၏ချစ်သူလေး
သည်မကြာခင်မှာတင်သူမကို
ထားသွားမှာဖြစ်သည်။
ထိုအကြောင်းကိုတွေးလိုက်ရုံနှင့်တင်၊
လှပသောအမျိုးသမီးသည်ခဏတာ
တုန့်ဆိုင်းသွားပြီး၊အနီးနားရှိဗီဒိုထဲတွင်
ဖွက်ထားသည့်ဗူးဒူးအရုပ်ကိုထုတ်ယူ
လိုက်သည်။
လျှို့ဝှက်အကန့်ထဲတွင်
ထည့်ပိတ်ထားသည့်ဝတ်စုံပြည့်
ဝတ်ဆင်ထားသောထိုဗူးဒူးအရုပ်
ကိုကြည့်ရသည်မှာအံ့ဩစရာကောင်း
လောက်အောင်ကိုအသက်ဝင်နေခဲ့သည်။
ထိုအရုပ်ကိုထုတ်ယူပြီးသည့်နောက်
ထိုလှပသောအမျိုးသမီး၏မျက်လုံးများ
ထဲတွင်အန္တာရာယ်ပြုလိုသည့်
အရိပ်အယောင်များဖြတ်ပြေးသွားတော့သည်။
ထို့နောက်အရုပ်ကိုစိုက်ကြည့်ရင်း
ငွေမျှင်ရောင်အပ်ကိုယူကာ
အရုပ်၏နှလုံးနေရာသို့
ထိုးစိုက်လိုက်သည်။
YOU ARE READING
သရဲရာဇဝင္မ်ားထဲ၌ခ်စ္ကြ်မ္းဝင္ျခင္း
HorrorMyanmar Translation [ BL ] This is my third translation. I hope you enjoy it. Both unicode and zawgyi are available. Genres : Horror Love Stroy Warning : ေၾကာက္တတ္ပါက ညမဖတ္ရ။ ေမးခြန္း : ေၾကာက္မက္ဖြယ္ရာ အစဥ္အလာမျပတ္သရဲ ရာဇဝင္ထဲက အဓိကဇာတ္ေကာင္ရဲ႕...
