သရဲရာဇဝင္မ်ားထဲ၌ခ်စ္ကြ်မ္းဝင္ျခင္း

၃.၂ {U}

Unicode

သရဲရာဇဝင်များထဲ၌ချစ်ကျွမ်းဝင်ခြင်း -
Chapter 3.2

ON JULY 24, 2021 BY HOT TOFU

Arc 1 : ရင်ခွဲရုံထဲမှ ထူးဆန်းသောအသံ

ဆေးပညာကိုလေ့လာခဲ့သည့် မည်သူမဆို၊မျက်စိသူငယ်အိမ်ကို
ကျော်လွန်သည်အထိ မည်းနက်နေသောထိုမျက်ဆံများသည်၊
သေဆုံးပြီးသားလူများနှင့်သာသက်ဆိုင်သည့်
အကြောင်းကိုသိရှိပြီးသားဖြစ်လိမ့်မည်။

ထို့အပြင် ထိုမျက်လုံးများသည်လည်း သူ့ကိုမကျေမချမ်းမှုအပြည့်ဖြင့် တည်မြဲစွာစိုက်ကြည့်နေခဲ့တာဖြစ်သည်။

ဓာတ်လှေကားသည် လွန်စွာတိတ်ဆိတ်သွားခဲ့သည်...

တိတ်ဆိတ်နေလွန်းသဖြင့် သူ၏ဒရမ်တီးသလိုခုန်နေသော
နှလုံးခုန်သံကိုတောင်
ရှင်းရှင်းလင်းလင်းကြားနေရသည်။
အလွှာနံပါတ်များတဖြည်းဖြည်း
တိုးလာသည်နှင့်အမျှ၊ယောင်းယီ၏
လက်ချောင်းများမှာလည်းတဆတ်ဆတ်
တုန်ရီလာကာ၊ဖုန်းကိုဆုပ်ကိုင်ထားသည့်
လက်များကပါမတည်ငြိမ်နိုင်တော့ပေ။

အချိန်အတော်လေးကြာပြီးသည့်နောက်၊
ယောင်းယီအသိပြန်ဝင်လာတော့သည်။
ထို့နောက်အသက်ကိုပြင်းပြင်းရှူထုတ်လိုက်ပြီး၊
လက်ထဲမှဖုန်းကိုဆုပ်ကိုင်ကာ၊
သူအခုလေးတင်မြင်လိုက်ရသည့်မြင်ကွင်းကို
ကြံဖန်ပြီးအကြောင်းရှာဖို့မကြိုးစားခင် သူ၏စိတ်ကိုအရင်ဆုံးငြိမ်အောင်
ထိန်းသိမ်းလိုက်ရသည်။

ဤကမ္ဘာလောကကြီးတွင် သရဲဆိုသည်မှာမရှိပေ။

တစ္ဆေ၊သရဲများသည် အယူသည်းမှုများသာဖြစ်သည်၊
ထိုမျက်လုံးများသည်လည်း
သေဆုံးပြီးသားလူတစ်ယောက်ဟုတ်မဟုတ်
ပြောပြနိုင်ရလောက်သည်အထိ
တိကျသေချာမှုမရှိနိုင်ပေ၊
တစ်ချို့သောမျက်လုံးရောဂါများသည်လည်း မျက်စိသူငယ်အိမ်ကြီးမှုကိုဖြစ်စေနိုင်သည်။

ထို့အပြင်....ထိုမိန်းကလေးမှာ သေချာပေါက်ကို
အသက်ရှင်နေဆဲလူဖြစ်မည်မှာသေချာသည်။

သူမှားကြည့်မိတာဘဲဖြစ်လိမ့်မည်။
ဒါမှမဟုတ်သူ့လိုလူစိမ်းတစ်ယောက်ကို
ခြောက်လှန့်ရန်အတွက်
ထိုမိန်းကလေးဘက်မှစီစဉ်ထားသည့် နောက်ပြောင်မှုတစ်ခုလည်းဖြစ်ကောင်းဖြစ်နိုင်သည်။