သရဲရာဇဝင္မ်ားထဲ၌ခ်စ္ကြ်မ္းဝင္ျခင္း

၅.၁ {U}

Unicode

သရဲရာဇဝင်များထဲ၌ချစ်ကျွမ်းဝင်ခြင်း -
Chapter 5.1

ON JULY 25, 2021 BY HOT TOFU

Arc 1 : ရင်ခွဲရုံထဲမှ ထူးဆန်းသောအသံ

Slosh—

အန်းလင် ပြောင်မွတ်ချောမောနေသည့်
ကြွေပြားများဆီသို့ရေလောင်းချကာ ကြမ်းတိုက်တံဖြင့် အိမ်သာကြမ်းပြင်များကို
စတင်ပွတ်တိုက်တော့သည်။
အန်းလင် လုံ့လဝီရိယရှိရှိ
သန့်ရှင်းရေးလုပ်နေစဉ်၊
ဆရာဝန်တစ်သိုက်သည် အိမ်သာထဲသို့
စကားပြောစနောက်ရင်း ဝင်လာခဲ့သည်။
သူတို့၏ရီမောစနောက်သံများသည်
အန်းလင်ကိုမြင်လိုက်သည့်အခါ ချက်ချင်းကိုရပ်တန့်သွားတော့သည်။
ယခုအိမ်သာသည်
ဆေးရုံအတွင်းမှဆရာဝန်များအတွက် သီးသန့်ဆောက်ပေးထားခြင်းဖြစ်ပြီး၊
အရမ်းမကြီးပေ။ အိမ်သာသုံး၊လေးခန်းလောက်သာရှိသည်။
အန်းလင်၏ ၆ပေ၇လက်မနီးပါးအရပ်ကြီးသည် ယခုလိုသေးငယ်သည့်အခန်းကျဉ်းလေးထဲတွင် သိသာထင်ရှားလွန်းနေသည်။

""ကျစ်..ဌာနမှူးဘာတွေးနေမှန်းကို
မသိတော့ပါဘူး။လူတစ်ယောက်ကို
ပညာတတ်သလား၊
မတတ်သလားတောင်မစစ်ဆေးဘဲ ဒီတိုင်းအလုပ်ခန့်လိုက်ရတယ်လို့ကွာ။
အဘယ်အချိန်ကစပြီး ငါတို့ဆေးရုံရဲ့သတ်မှတ်ချက်တွေက
အဆင့်နှိမ့်သွားရတာလဲ?""

မျက်မှန်ဝတ်ဆင်ထားပြီးမျက်နှာတစ်ပြင်လုံး
ဝက်ခြံအပြည့်ဖြစ်နေသည့် ဆရာဝန်သည် သူ၏လုပ်ဖော်ကိုင်ဖက်များအား
မျက်စပစ်ပြလိုက်ပြီးလှောင်ပြောင်
ရယ်မောကာသရော်သံပြု၍ သူ၏အသံကိုအန်းလင်ကြားစေရန်တမင်တကာ အသံကိုမြင့်ပြီးပြောလိုက်သည်။
ကျန်သည့်ဆရာဝန်နှစ်ယောက်လည်း အထင်အမြင်သေးစွာဖြင့်အတူတူ
လိုက်ကာလှောင်ပြောင်ရီမောကြတော့သည်။

""ငါတို့ဌာနမှူးက ပရဟိတ
လုပ်ပေးလိုက်တာပါကွာ။
နောက်ဆုံးတော့လည်း အလယ်တန်းပညာရေးအဆင့်နဲ့လူက ဒီလိုအလုပ်တွေကိုဘဲလုပ်နိုင်တဲ့ဟာ...""
သူပြောနေရင်း အန်းလင်ကို လှမ်းရှိုးလိုက်တယ်။

ထိုဆရာဝန်သုံးယောက်ဝင်လာကတည်းက
အန်းလင်ကြမ်းတိုက်တာကိုရပ်၍
ဘေးဘက်တွင် မဝံ့မရဲမတ်တပ်ရပ်နေခဲ့တာဖြစ်ပြီး အပြင်ထွက်ဖို့မကြိုးစားခင်အထိ အချိန်အကြာကြီးတွန့်ဆုတ်နေခဲ့တာဖြစ်သည်။