Chapter 29.1, Arc 2: ထပ်ခိုးထပ်မှချစ်သူ
သူ၏နှလုံးသားသည်ဆက်လက်ခုန်ပေါက်နေဆဲ
ဖြစ်သည့်အတွက်သူသည်ရှင်သန်နေကောင်း၊
ရှင်သန်နေဆဲဖြစ်လိမ့်မည်။
ထိုသရဲရာဇဝင်သည်လည်း၊
ပုံပြင်အစပိုင်းရှိဇာတ်ကောင်များ၏
နောက်ကြောင်းရာဇဝင်များသာ
တူညီ၍ကျန်သည့်အရာမှန်သမျှသည်
လုံးဝကြီးကိုကွဲပြားခြားနားနေခဲ့တာဖြစ်သည်။
ဘယ်လိုလောကကြီးမျိုးမှာမှသူ့ကိုယ်သူ၊
ထိုဆာလောင်ငတ်ပြတ်ပြီး
သေဆုံးသွားရသည့်ချစ်သူငယ်လေးအဖြစ်
မြင်ယောင်လို့ရမှာတုန်း!?
ထိုသနားစရာကောင်းသော
ငနုံလေး၏ကံကြမ္မာသည်သူ့ထက်တောင်
ကြေကွဲစရာကောင်းနေသေးသည်!
ထိုလူကြည့်ရတာမသေခင်အတော်လေး
နာကျင်ခံစားခဲ့ရမည့်ပုံပေါက်သည်!
ထိုအကြောင်းကိုတွေးရင်းတွေးရင်း၊
ယောင်းယီ၏တုန်လှုပ်နေသော
စိတ်ဝိဉာည်လေးသည်ဖြည်းဖြည်းချင်း
ငြိမ်သက်သွားတော့သည်။
ဟုတ်သည်၊သူ့အနေဖြင့်အသက်ရှင်သေးသည့်
အပြင်အကောင်းတိုင်းရှိနေသေးသည်
မဟုတ်ပါလား၊ထို့ကြောင့်အစာငတ်ပြတ်ပြီး
သေဆုံးသွားစရာအကြောင်းလုံးဝမရှိပေ!
"ငါမလိမ်ပါဘူး၊ပြီးတော့
ငါကမသေလည်းမသေသေးပါဘူး။ ငါအကောင်းကြီးတိုင်းရှိနေပါသေးတယ်"
အကြာကြီးတိတ်ဆိတ်နေပြီးကာမှ၊
နောက်ဆုံးမှာတော့ယောင်းယီအများနှင့်
သဘောထားကွဲလွဲနိုင်မည့်အဖြေမျိုးကို
ထုတ်ပြောလိုက်တော့သည်။
သူအနေဖြင့်ထိုအကြောင်းအရာကို
ထောက်ပြ၍သူသည်ထပ်ခိုးထဲတွင်
ပိတ်မိနေခဲ့တာမဟုတ်ဘဲ၊
ထိုအစားလူအယောင်ဟန်ဆောင်ထားသည့်
သရဲနှစ်ကောင်၏လှည့်စားခြင်းကို
ခံခဲ့ရတာဖြစ်သည်ဟုထုတ်ပြောလေသည်။
သူ၏ငြင်းဆိုသံကိုကြားရသည့်အခါ၊
ထိုသူစိမ်းများ၏မျက်လုံးများထဲမှ
ထူးဆန်းသောအမူအရာသည်
ပိုလို့ပင်တိုးပွားလာပြီး
ပိုလို့ပင်မနှစ်မြို့ဖွယ်ရာကောင်းလာခဲ့သည်။
ထိုအကြည့်များသည်ယောင်းယီ၏
ခန္ဓာကိုယ်အားအလိုအလျောက်
တင်းကြပ်သွားစေပြီးသူ၏နှလုံးသည်လည်း
တဒိတ်ဒိတ်ခုန်လှုပ်သွားခဲ့သည်။
YOU ARE READING
သရဲရာဇဝင္မ်ားထဲ၌ခ်စ္ကြ်မ္းဝင္ျခင္း
HorrorMyanmar Translation [ BL ] This is my third translation. I hope you enjoy it. Both unicode and zawgyi are available. Genres : Horror Love Stroy Warning : ေၾကာက္တတ္ပါက ညမဖတ္ရ။ ေမးခြန္း : ေၾကာက္မက္ဖြယ္ရာ အစဥ္အလာမျပတ္သရဲ ရာဇဝင္ထဲက အဓိကဇာတ္ေကာင္ရဲ႕...
