Chapter 26.1, Arc 2: ထပ်ခိုးထဲမှချစ်သူ
သေလုနီးပါးဖြူဖျော့နေသည့်
အသားအရည်နှင့်ကြောက်စရာကောင်းလှသော
မကောင်းဆိုးဝါးဝိဉာဉ်သည်
သူ့ချစ်သူလေး၏အသံကိုကြားလိုက်ရလေသည်။
ယောင်းယီ....
သူ့ရဲ့ယောင်းယီလေး-ကြောက်နေရှာတယ်...
"သူ့ကိုငါ့ဆီပြန်ပေး-သူ့ကိုငါ့ဆီပြန်ပေး!!!"
မကောင်းဆိုးဝါးဝိဉာဉ်၏မျက်လုံးများထဲ၌
ရက်စက်ကြမ်းကြုတ်လှသော
အကြင်နာကင်းမဲ့မှုများပြည့်နှက်သွားခဲ့သည်။
ထို့နောက်ချက်ချင်းကိုသူ၏တစ်ကိုယ်လုံးအား
လွှမ်းခြုံထားသည့်အနက်ရောင်မြူခိုးများ
သည်အပြင်ဘက်သို့ပေါက်ကွဲသွားခဲ့ပြီး
မယုံနိုင်စရာကောင်းလှသည့်အမြန်နှုန်းဖြင့်
အလျင်အမြန်ပြန့်နှံ့သွားတော့သည်။
ထို့ကြောင့်မရေမတွက်နိုင်လှသော
အက်ကွဲကြောင်းနေရာလွတ်များစွာတို့သည်
ယခုလိုနိုးထလာသည့်ထိန်းမနိုင်သိမ်းမရ
စွမ်းအားများကြောင့်လုံးဝကိုပျက်သုန်းသွားခဲ့သည်။
အမျိုးသား၏ချောမောခန့်ငြားလှသော
မျက်နှာသည်လည်းရူးသွပ်မှုနှင့်သွေးဆာမှုတို့
အကြားရှုံတွ့သွားခဲ့ပြီးသူ့ချစ်သူလေး၏
အငွေ့အသက်များကိုနေရာတိုင်းလိုလိုတွင်
ရှာဖွေနေသည်နှင့်မျှသူ၏စိတ်ခံစားမှု
အခြေအနေမှာလည်းပိုပိုပြီး
သွေးရူးတန်းရူးဖြစ်လာခဲ့သည်။
သို့သော်လည်းသူအနေဖြင့်ဘာကိုမှရှာမရပေ။
ဗီလာပတ်ပတ်လည်တစ်ဝိုက်လှိုင်းငယ်များ
ကဲ့သို့ဂယက်ထနိုင်သည့်နေရာလွတ်
တစ်နေရာသာရှိပြီးထိုအရာသည်လည်း
စွမ်းအင်ပေါက်ကွဲခြင်းကြောင့်
အချိန်တိုအတွင်းမှာတင်
နယ်နမိတ်တစ်ခုအဖြစ်၊
ဖြစ်ပေါ်လာခြင်းဖြစ်သည်။
ထိုအချိန်အတွင်း၊ဗီလာအတွင်း၌
အညစ်အကြေးများအပြင်
ကျိုးပဲ့နေသောပရိဘောဂများစွာဖြင့်
ပွထနေခဲ့သည်။
မီးဖိုချောင်ထဲရှိနံရံများသည်လည်း
သွေးအစွန်းများဖြင့်ပြည့်နှက်နေခဲ့ပြီး
ထို့အပြင်ဘာမှန်းသေချာမပြောပြနိုင်သည့်
ပုတ်အက်အက်အရည်များသည်လည်း
နေရာအနှံ့ပြန့်ကျဲနေခဲ့သည်။
ဒါ့အပြင်အိမ်အတွင်းပြင်ဆင်မှုနှင့်
အသွင်အပြင်များသည်အရင်တုန်းက
အတိုင်းတထပ်တည်းနီးပါးတူညီပါသော်လည်း
ဗီလာကြီးတစ်ခုလုံးသည်လုံးဝကို
အစီစဉ်မကျဖြစ်လို့နေသည်။
YOU ARE READING
သရဲရာဇဝင္မ်ားထဲ၌ခ်စ္ကြ်မ္းဝင္ျခင္း
HorrorMyanmar Translation [ BL ] This is my third translation. I hope you enjoy it. Both unicode and zawgyi are available. Genres : Horror Love Stroy Warning : ေၾကာက္တတ္ပါက ညမဖတ္ရ။ ေမးခြန္း : ေၾကာက္မက္ဖြယ္ရာ အစဥ္အလာမျပတ္သရဲ ရာဇဝင္ထဲက အဓိကဇာတ္ေကာင္ရဲ႕...
