သရဲရာဇဝင္မ်ားထဲ၌ခ်စ္ကြ်မ္းဝင္ျခင္း

၁၀.၂ {U}

Unicode

သရဲရာဇဝင်များထဲ၌ချစ်ကျွမ်းဝင်ခြင်း -
Chapter 10.2

ON Aug 12, 2021 BY HOT TOFU

Arc 1 : ရင်ခွဲရုံထဲမှ ထူးဆန်းသောအသံ

အလင်းရောင်လုံးဝကင်းမဲ့နေသော
မျက်ဝန်းများထဲတွင်ယောင်းယီသူ၏
ချုံးချုံးကျကာမောပန်းနေသော
ကိုယ့်ပုံရိပ်ကိုယ်ပြန်မြင်နေရသည်။
ထိုမျက်ဝန်းများထဲတွင်တစ်ချိန်တစ်ခါတုန်းက
ရဲရဲတောက်နေသည့်မီးပွားလေးများလို
တလက်လက်ရွှန်းစိုတောက်ပကာ
ပြည့်နှက်နေသည့်အချစ်များ
ဖုံးလွှမ်းမနေတော့ပေ။ယခုအခါ,
အောက်ခြေကိုမြင်ဖို့ရန်တောင်
ခက်ခဲလှသည့်နက်ရှိုင်းသော
အကြည့်များသည်သူ၏နောက်ကျောမှ
တဆင့်တွယ်တက်လာသည့်မြေပွေးတစ်ကောင်
အလားစိုက်ကြည့်နေခဲ့သည့်အတွက်
ယောင်းယီကျောရိုးတစ်လျှောက်လုံး
အေးစိမ့်သွားတော့သည်။

ယောင်းယီသူ၏အကြည့်များကို
ပြန်လည်ရုတ်သိမ်းလိုက်ပြီး,
သွားများကိုတင်းနေသည်အထိ
အံကိုကြိတ်ကာကော်ရစ်တာဘက်သို့
ပြန်လှည့်ပြေးချိန်သူ၏
မျက်နှာတစ်ခုလုံးတွင်ထိတ်လန့်
ကြောက်ရွံမှုများဖြင့်ပြည့်နှက်နေခဲ့သည်။

သူအနေဖြင့်ဘယ်အချိန်ထိ
ပြေးနေခဲ့သလဲဆိုတာကိုတောင်
ပြောပြဖို့ရန်ခက်ခဲသည်,သူတကယ်ကို
နောက်ထပ်တစ်လှမ်းလှမ်းဖို့ရန်
အမှန်တကယ်အလွန်ပင်ပန်းနေသည့်
အချိန်ကြမှသာရပ်နားခဲ့သည်။ထို့နောက်
ခါးကိုကိုင်းကာသူကိုယ်သူလဲကျမသွားစေရန်
အတွက်လက်များကိုဒူးပေါ်ထောက်ရင်း
လေကိုတဝကြီးရှုသွင်းလိုက်ပြီးသူ၏
မျက်နှာတစ်ပြင်လုံးတွင်လည်း
ချွေးများတဒီးဒီးစီးကျလို့နေသည်။

Patter—

ကြည်လင်နေသည့်အရည်စက်လေး
တစ်စက်သည်ကြွေပြားခင်းထားသည့်
ကြမ်းပြင်ပေါ်သို့ပြုတ်ကျသွားခဲ့သည်။
ဆေးရုံကြမ်းပြင်သည်အလွန်
သန့်ရှင်းနေသည့်အတွက်
ကိုယ်ပုံရိပ်ကိုယ်တောင်
ပြန်မြင်ရသလိုဖြစ်နေသည်။

နဖူးမှစီးကျလာသည့်ချွေးများသည်
သူ၏မျက်ရည်များနှင့်အတူရောနှောကာ
သူ၏ပါးမို့မှတဆင့်စီးကျလာခဲ့သည်။