ON SEP 22, 2021 BY HOT_TOFU
Chapter 21.1, Arc 2: ထပ်ခိုးထဲမှချစ်သူ
အိမ်ဝင်ခန်းမသည်ဗီလာ၏
ပထမဆုံးထပ်တွင်တည်ရှိသည်။
လူသတ်ချင်နေသည့်ရည်ရွယ်ချက်ကို
မနည်းဖိနှိပ်ချုပ်ချယ်ထားရသည့်
မကောင်းဆိုးဝါးဝိဉာဉ်သည်ဆိုဖာပေါ်
၌အိပ်ငွေ့ချခံထားရသည့်သူအလား
ထိုင်ရင်းသူကိုယ်သူပြန်လည်တတွတ်
တတွတ်စကားပြောနေလေသည်။
"သတ်...သတ်...သတ်..."
မကောင်းဆိုးဝါးဝိဉာဉ်ထဲမှ
ထွက်လာသောအနက်ရောင်
မီးခိုးလုံးများသည်အနီးနား
ပတ်ဝန်းကျင်တစ်ဝိုက်တွင်
အရာဝတ္ထုတစ်ခုအဖြစ်
ပေါင်းစည်းသွားကြသည်။
ဤသို့ဖြင့်အနက်ရောင်
တိမ်လုံးကြီးများသည်ဝင်ပေါက်ဝ
တစ်ခုလုံးအားပျစ်နှစ်နေသည့်ရွံများ
သဖွယ်ဖုံးအုပ်ကာဝင်ပေါက်ခန်းမ
နံရံတွေအပါအဝင်ကြမ်းပြင်များပါ
မကျန်ဒီရေတက်သည့်အလား
လှိုက်တက်သွားခဲ့သည်။
ထိုအနက်ရောင်မီးခိုးလုံးများ
ပျံ့နှံ့သွားသည့်ဘယ်နေရာမဆို
ရှေးကာလများစွာကတည်းက
စွန့်ပစ်ခံထားရသည့်အစိတ်အပိုင်း
များသဖွယ်ပြိုလဲပျက်စီးသွားခဲ့ပြီး
မိုးဒဏ်လေဒဏ်များ၏ဒဏ်ကို
နှစ်ပေါင်းများစွာခံယူထားရသည့်
နေရာပျက်ကြီးအလားပြောင်းလဲ
သွားခဲ့သည်။ဤသို့ဖြင့်မရပ်မနား
ထိုမီးခိုးလုံးများကြောင့်စံအိမ်ကြီး
တစ်ခုလုံးသည်အိမ်အိုဟောင်းကြီး
သဖွယ်တိုက်စားခံလိုက်ရလေသည်။
လမ်းပျောက်နေသည့်ဝိဉာဉ်သရဲ
များစွာတို့သည်လည်းထိုမြူခိုးများ
ထဲမှပေါ်ပေါက်လာကာအသက်ရှိစဉ်
ကာလတုန်းကစွဲကျန်ရစ်နေခဲ့သည့်
အမုန်းတရားနှင့်လူ့သွေးသား
ဆာလောင်မှုမှလွဲ၍အခြားဘာဆို
ဘာမှအသိမရှိကြတော့ပေ။
မချိတင်ကဲဝေဒနာကြောင့်စူးစူးရှရှ
အော်ငိုနေသည့်ကြောက်စရာအသံ
များစွာထွက်ပေါ်လာခဲ့ပြီးနားမခံသာ
သောအသံများလည်းကျွက်ကျွက်ညံ
လာတော့သည်။
သူထိုင်နေသည့်ဘေးပတ်ပတ်လည်
ဝန်းကျင်၌သရဲပေါင်းမြောက်များစွာ
၏ဝန်းရံခြံရံခြင်းကိုခံထားရသော
ယွင်းယူ၏အမူအရာသည်မပြတ်
မသားဖြစ်နေသော်လည်းထိတ်လန့်
စက်ဆုပ်ဖွယ်အကောင်းဆုံးရာဇဝင်
များထဲမှကြောက်စရာအကောင်းဆုံး
ဖြစ်သည့်စေတန်ကိုသရုပ်ဖော်ထား
သလိုပင်။
YOU ARE READING
သရဲရာဇဝင္မ်ားထဲ၌ခ်စ္ကြ်မ္းဝင္ျခင္း
HorrorMyanmar Translation [ BL ] This is my third translation. I hope you enjoy it. Both unicode and zawgyi are available. Genres : Horror Love Stroy Warning : ေၾကာက္တတ္ပါက ညမဖတ္ရ။ ေမးခြန္း : ေၾကာက္မက္ဖြယ္ရာ အစဥ္အလာမျပတ္သရဲ ရာဇဝင္ထဲက အဓိကဇာတ္ေကာင္ရဲ႕...
