သရဲရာဇဝင္မ်ားထဲ၌ခ်စ္ကြ်မ္းဝင္ျခင္း

၄.၂ {U}

Unicode

သရဲရာဇဝင်များထဲ၌ချစ်ကျွမ်းဝင်ခြင်း -
Chapter 4.2

ON JULY 24, 2021 BY HOT TOFU

Arc 1 : ရင်ခွဲရုံထဲမှ ထူးဆန်းသောအသံ

ထို စာမျက်နှာကိုဖွင့်လိုက်သည်နှင့် အရည်အသွေးကောင်းမွန်သည်
ပုံတစ်ပုံပေါ်လာသည်။

ထိုဓာတ်ပုံမှာ နူးညံ့ပုံရသည့်
ကောင်မလေးတစ်ဦး၏ကိုယ်တစ်ဝက်၊ ကျောင်းသားဓာတ်ပုံဖြစ်သည်။
သူမ၏မျက်နှာကိုမှတ်မိသွားသည်နှင့် ယောင်းယီ၏မျက်စိသူငယ်အိမ်မှာ အနည်းငယ်ကျုံသွားခဲ့သည်။

ထိုမိန်းမငယ်မှာ သူ့နောက်သို့လိုက်နေသည့်
သရဲမဖြစ်သည်။

ယောင်းယီဆက်လက်ပြီး
ထိုအင်တာနက်စာမျက်နှာအား
အောက်သို့ဆွဲချရင်း
ဖတ်ရှုပြီးချိန်မှာတော့ သူမ မည်ကဲ့သို့သေဆုံးသွားခဲ့ရသည့်ကို
သိရှိခဲ့ရသည်။

တကယ်ကို စိတ်မချမ်းမြေ့စဖွယ်သေဆုံးမှုဖြစ်သည်။

ထိုသတင်းစာမျက်နှာအရ၊
ထိုမိန်းကလေး အမည်လွှဲ
ရှောင်လန်[1] သည်
သူမ၏မိဘနှင့် ကျောင်းဘက်မှ
ဖိအားပေးမှုကြောင့်
သူမ၏အချစ်ဦးနှင့်
လမ်းခွဲခဲ့ရပြီးနောက်ပိုင်း သူမ၏စိတ်အခြေအနေသည် အလွန်အမင်းမတည်မငြိမ်
ဖြစ်လာခဲ့ပုံရသည်။ထို့ကြောင့်
သူမသည် ယောင်းယီယခုလက်ရှိ
နေထိုင်သည့် အဆောက်အဦး၏
ခေါင်မိုးပေါ်သို့သတ်သေရန်
ရည်ရွယ်ချက်ဖြင့်တက်သွားခဲ့သည်။
ထို့နောက်တိုက်ပေါ်မှ
ခုန်ချခဲ့ပါသော်လည်း
တိုက်အောက်တွင်ရှိနေသည့်
ရှုပ်ထွေးနေသောဝိုင်ယာကြိုးများဖြင့်
ငြိမိလေသည်။ဤသို့ဖြင့် သူမ၏လည်ပင်းသည် ဝိုင်ယာကြိုးများနှင့် ရစ်ပတ်ခံရကာ
အဆုံးမှာတော့ခေါင်းနှင့်ကိုယ်တစ်ခြားစီ
ဆွဲဖြဲခံလိုက်ရတော့သည်။

လမ်းတစ်ဝက်လုံးနီးပါးသူမ၏သွေးများဖြင့် ပြည့်နှက်သွားခဲ့သည်ဟုသတင်းထဲ၌ ဖော်ပြထားသည်။

ဆယ်ငါးထပ်မြင့်သော
အဆောက်အအုံထိပ်မှခုန်ချခြင်းသည် သေချာပေါက်သေဆုံးမည်ဖြစ်သည်။
သို့သော်အနည်းဆုံးတော့၊သူမအနေဖြင့် ကြမ်းပြင်ပေါ်သို့ကျပါကမြန်မြန်သေနိုင်မည်ဖြစ်သည်။ယခုအခါမှာတော့ တိုက်ခန်းအောက်မှ
ဖော်ပြထားသောဝိုင်ယာကြိုးများသည် ထိုမိန်းမငယ်၏သေဆုံးမှုအပေါ်တွင်
မေးခွန်းတပ်လိုက်သလိုပင်။