သရဲရာဇဝင္မ်ားထဲ၌ခ်စ္ကြ်မ္းဝင္ျခင္း

၈.၁ {U}

Unicode

သရဲရာဇဝင်များထဲ၌ချစ်ကျွမ်းဝင်ခြင်း -
Chapter 8.1

ON Aug 1, 2021 BY HOT TOFU

Arc 1 : ရင်ခွဲရုံထဲမှ ထူးဆန်းသောအသံ

"အန်းလင်....သေပြီတဲ့လား?""

ယောင်းယီ သူနာပြုချုပ်၏စကားကို
ကြောင်တောင်တောင်ဖြင့်ပြန်မေးလိုက်မိသည်။
သူ၏လက်ချောင်းများကိုတင်းကြပ်စွာ
ဆုပ်ကိုင်မိလိုက်သည်မှာလက်သီးဆုပ်
သဖွယ်ဖြစ်သွားတော့သည်။ယခုလက်ရှိ
သူ၏နှလုံးသားထဲတွင်ရောထွေးနေသည့်
ခံစားချက်များဖြစ်ပေါ်လာခဲ့သည်။

""အိုင်၊ဘယ်သူကတွေးမိမှာလဲ။
အဲ့ကောင်လေးကမူးရူးပြီးရင်ခွဲရုံတစ်ခုလုံးကို
မီးရှို့ခဲ့တာလေ။ကျွန်မတို့ဆေးရုံတစ်ခုလုံးတောင်
မီးလောင်ပြီးပြာကျတော့မလိုဖြစ်သွားသေး!""

ထိုသနားစရာကောင်းလှသည့်လူငယ်လေး၏
သေဆုံးမှုအပေါ်စိတ်မကောင်းစွာဖြင့်
သက်ပြင်းချလိုက်သည်။သို့သော်လည်း
သူမမျက်နှာပေါ်မှအတင်းတုပ်လိုသည့်
အပြုအမူကိုမဖုံးကွယ်ထားနိုင်ခဲ့ပေ။

""တကယ်တော့လည်း၊သူအနေနဲ့
သေသွားတာကဘဲပိုပြီးပျော်ရလိမ့်မယ်လို့ ကျွန်မထင်တယ်။မဟုတ်ရင်
သူရဲ့အသွင်အပြင်နဲ့သာဆို သူ့ဘဝ
တစ်လျှောက်လုံးတစ်ကိုယ်တည်း
အထီးကျန်ဖြစ်နေမှာ...""

""ဟုတ်ပါ့၊အဲ့ဆင်းရဲတဲ့ကောင်လေး
အန်းလင်ကတကယ်အရမ်း
သနားစရာကောင်းတယ်။သူကြည့်ရတာ
အရမ်းရုပ်ဆိုးတဲ့အပြင်ဘာပညာမှလည်း
မတတ်ထားဘူး။သူ့လိုယောက်ျားမျိုးကို ဘယ်မိန်းကလေးကလက်ထပ်ချင်ကြမှာ
မဟုတ်ဘူး။ကျွန်မသာသူ့လို yaksha[1]
မျက်နှာမျိုးကို ညလယ်သန်းခေါင်ကြီး
မြင်လိုက်ရရင်လန့်ဖြန့်ပြီး
သေသွားလောက်တယ်....""

ဤသို့ဖြင့် သူတို့၏ဘေးနားတွင်ရှိနေသော
သူနာပြုများသည် စကားဝိုင်းထဲသို့
ပါဝင်လာကြပြီး စတင်ပြောဆိုလာကြသည်။

[1] သူတစ်ပါးကိုမကောင်းကြံစည်နေသည့်
ယုတ်မာသောဝိဉာဉ်အမျိုးအစားဖြစ်ပြီး၊
ရက်စက်ဆိုးရွားသော သို့မဟုတ် ကြောက်စရာကောင်းသည့်မျက်နှာမျိုး
ပိုင်ဆိုင်ထားသည့်လူမျိုးကိုဖော်ပြရာတွင်
အသုံးပြုသည်။