ဒီနေ့က ကိုနေ့ရဲ့မွေးနေ့လေ။
အဲ့တာကြောင့် မနက်စောစောထဖြစ်တယ်။
ကျောင်းဖွင့်ရက်ဆိုတော့ ကျောင်းမသွားခင် ဘုရားသွားဖို့ပြင်ဆင်ရမယ်လေ။
ပထမဦးဆုံးအနေနဲ့ မျက်နှာသစ်၊သွားတိုက်ပြီးလျှင် ကိုနေ့ကိုသွားနှိုးဖို့ကြံရွယ်လိုက်တယ်။
အအိပ်မက်တတ်တဲ့ကိုနေက သူ့ကိုမနက်အစောငါးနာရီခွဲလောက်ကြီးလာနှိုးလို့ဆိုပြီး ဆူလွှတ်လိုက်မှာကလည်းကြောက်ရပါသေးတယ်။
ဘာပဲဖြစ်ဖြစ်လေ…ကိုနေကိုယ်တိုင်က ထိုတာဝန်ကိုပေးထားသည်ဆိုတော့လည်း သွားနှိုးပေးရုံပေါ့။
အခန်းထဲကထွက်တော့ ဘုရားခန်းမှာ ဘုရားဝတ်ပြုနေတဲ့မေမေ့ကိုတွေ့ရသည်။မေမေ့ကိုကြည့်ပြီး မေမေ့အကြောင်းစဉ်းစားမိပြန်တော့ ဖတစ်ဆိုးလေးဖြစ်တဲ့ကျွန်တော့်ကို လိုလေသေးမရှိရလေအောင် ပြုစုစောင့်ရှောက်ပေးနိုင်ခဲ့တဲ့မေမေ့အား အာဂမေမေလို့သမုတ်လိုက်ပါရစေ။
မိခင်တာဝန်ကျေပွန်ရုံသာမက ဖခင်တာဝန်ကိုပါထမ်းဆောင်နေရတဲ့မေမေဟာ ကျွန်တော့်ဘဝရဲ့သူရဲကောင်းကြီးပမာပါပဲ။
ဖေဖေဆိုတာ မေမေပြဖူးတဲ့ ဓာတ်ပုံလေးတွေမှာသာမြင်ခဲ့ရဖူးတဲ့ကျွန်တော့်အဖို့ မေမေသည်သာလျှင်ခင်တွယ်ရာပါ။
မေမေသည် ကျွန်တော့်အပေါ် မိခင်လိုတစ်မျိုး၊ဖခင်လိုတစ်ဖုံ၊ညီအစ်ကိုမောင်နှမ,မရှိသူကျွန်တော့်အဖို့ အမတစ်ယောက်လို၊သူငယ်ချင်းတစ်ယောက်လို၊တိုင်ပင်ဖော်တိုင်ပင်ဖက်တစ်ယောက်လိုပါပဲ။
မေမေဟာ ဖတစ်ဆိုးလေးဖြစ်တဲ့ကျွန်တော့်အား လိုလေသေးမရှိရလေအောင်ထားနိုင်ဖို့ စီးပွားရေးကိုကြိုးစားရှာဖွေခဲ့တယ်။
တကယ်လည်း လိုလေသေးမရှိရလေအောင်ထားနိုင်ခဲ့ပါတယ်။
စီးပွားရှာနေရလို့ တစ်ဦးတည်းသောမိသားစုဝင်လေးဖြစ်တဲ့ကျွန်တော့်ကိုအချိန်မပေးနိုင်ဘူးလို့မထင်လိုက်ပါနဲ့။
မေမေဟာ သူ့ရဲ့အားလပ်ချိန်တွေမှန်သမျှအား ကျွန်တော့်ကိုသာ ရာနှုန်းပြည့်ပေးထားတတ်ပါတယ်။
ဒါ့ကြောင့် အလုပ်ကပင်ပန်း၊သားဖြစ်သူကိုလည်းဂရုစိုက်ရသေးသည့် မေမေ့အားကျွန်တော်စာနာမိပါတယ်။
ဒါ့ကြောင့် မေမေ့အတွက်နဲ့ ကျွန်တော်,စာကြိုးစားတယ်။
ကျွန်တော်ကြီးရင် မေမေ့ကိုအပြည့်အဝအနားပေးပြီး မေမေ့ကိုလိုလေသေးမရှိပြုစုထားရှိနိုင်ရမယ်လို့ သန္နိဋ္ဌာန်တည်ထားတယ်။
ESTÁS LEYENDO
ချင်းတွင်းသက်သေ(ခ်င္းတြင္းသက္ေသ) COMPLETED
Romanceလရောင်ဆိုတာ နေမင်းကြီးဆီကမှ အလင်းပြန်ထွန်းလင်းရတဲ့အမျိုးမဟုတ်လား။ အဲ့လိုပဲ လရောင်ရဲ့ဘဝမှာလည်း ကိုနေမရှိလို့မဖြစ်ဘူး။ ကျေးဇူးပြုပြီး လရောင်ရဲ့ဘဝထဲကနေ ထက်ပြီးထွက်ခွာမသွားပါနဲ့တော့နော် လေရာင္ဆိုတာ ေနမင္းႀကီးဆီကမွ အလင္းျပန္ထြန္းလင္းရတဲ့အမ်ိဳးမဟုတ္လား။ ...
