.........................................
كانت راقدة في سريرها الكبير وبتتقلب بي ضيق اتلاقو حاجبينها دليل ع الانزعاج كانت بتهذي بي كلام م مفهوم وصرخت بصوت عالي:مااااااااااامااااااااا 💔
فتحت عيونا بي صعوبة وقعدت في السرير وهي بتضم رجلينا عليها والدموع مالية عيونا،،فجاة سمعت صوت تطبيق الاذان الاشتغل في تلفونا، ،عاينت للساعة كانت 4 ونص بعني الصبح اذن خلاص ولانها في بلد اجنبية كاتت بتستخدم التطبيق دا،،مسحت دموعا ودخلت الحمام اخدت شور دافي ولبست بجامة رياضية مريحة طلعت صلت وبعد خلصت رفعت يدينها وبدت تدعي وكالعادة دموعا خزلتا ونزلت💔ختمت دعاءها بي ربنا يرحمك ي ماما ويغفر ليك😭💔
اخدت مسافة وهي قاعدة في المصلاية وبتبكي بعدها شالت تلفونا عاينت للساعة كانت 5 اتوجهت ع الغرفة الكانت عبارة عن جيم مصغر طلعت ع الة المشي وفضلت تجري
......................................
"السـودان"
قاعد في الحديقة بتاعت البيت واولادو الاتنين جنبو كان ماسك الجريدة بي يد وكبابة الشاي بي يد تانية خت الكباية في التربيزة وقال:
عبد الحميد:اها ي محمد الشغل في الشركة ماشي كيف؟!
محمد;كويس والله ي حاج م تشيل هم انت
عبد الحميد:الليلة حانزل معاك الشركة كفاية خلاص اصلا انا بقيت كويس
ايمن:ي ابوي انت م تسمع الكلام وتاخد ليك اسبوع كدة راحة
عبد الحميد:اسبوع شنو جنيت انت خلاص كفاية اليومين ديل بعد دا امشي اشوف شغلي
ايمن:انت خايف ع الشغل دا ليه م واثق في محمد ولا شنو😂
محمد وهو بضرب ايمن في راسو:انت بس فالح في المشاكل
ايمن:الحاج دا واثق في اسيل ي زول ومسفرا برا بس انت م بيوثق فيك نهائي
عبد الحميد :م تحاول معاي ي ايمن م حاقعد مهما قلت وبعدين م قصة ثقة انا زهجت من قعدة البيت بس
محمد;عارف ي ابوي ايمن دا اصلا مجنون م تشتغل بيهو
ايمن وهو بيضحك:خلاص ي ابوي البريحك وي محمد م تنسى مواعيد الادوية بتاعتو
محمد:حاضر ي دكتور ايمن😂
ودع ابوهو واخوهو وشال مفاتيح عربيتو واتحرك وبعد بشوية ابوهو واخوهو طلعو ع الشركة
.........................
.....................
"كـندا"
كانت مشغلة موسيقا وبترقص زومبا عاينت للساعة ولقتها 7 ونص قرابة ساعتين وهي بتعمل في رياضة زي م اعتادت يوميا وقفت الموسيقى وطلعت من الجيم بتاعا.اتوجهت للحمام واخدت دش منعش بعدها فتحت الدولاب عشان تختار حاجة تلبسا💕
...................................................
"السـودان"
في بيت فخم وراقي شديد :
جا داخل غرفتو بعد ساعتين من الجري المتواصل اخد دش منعش وبعد مسافة كان واقف قدام المراية وهو لابس طقم رسمي اسود 🖤سرح شعرو لي ورا ورفع الجزو القدام لي فوق بي جل زي م متعود ،،بعدها بقى يهذب في لحيتو الكثيفة شوية وكانت مدياهو منظر حلو وجذاب شديد🖤
........................... .......................
وقفت قدام المراية وهي بتعاين لنفسها بي رضا كانت لابسة جيب شورت اسود مخطط بالابيض وبودي بالابيض شاكاها وفوق ليها جاكيت جينز واسبورت اسود كانت رافعة شعرها كعكة اكتفت بي روج نود ع خفيف كدة ،،وطلعت ركبت عربيتا واتوجهت ع الشركة💜
بعد مسافة وقفت قدام باب الشركة اتحولت ملامحا لي حزم وجدية عكس الشخصية الضعيفة الكانت في غرفتها وهي بتبكي،دخلت الشركة واتبادلت التحية مع الموظفين ودخلت مكتبا اخدت نفس وشالت التلفون واتصلت بالسكرتيرة
اسيل:هاندا احضري لي الملفات التي طلبتها منك
هاندا:حاضر
بعد خمس دقايق كانت هاندا واقفة وشايلة الملفات
هاندا:انسة اسيل هذه هي الملفات التي طلبتها بالاضافة الى ان الشركة الالمانية غيرت موعد الاجتماع الى اليوم
اسيل: ومتى اصبح الاجتماع؟!
هاندا:بعد 4 ساعات تقريبا
اسيل:حسنا يمكنك الانصراف
بعد هاندا طلعت اسيل بقت بتراجع في ملف الشركة وبعدها قعدت تبحث عنها في النت بعد مسافة قطبت حواجبها بي استغراب من الحاجة الشافتها
................................................
نزل من العربية وهو بعاين للمبنى القدامو وهو مدخل يدينو في جيوبو طلع الفريم بتاعو ودخل الشركة بي كل ثقة سمع انبراشات المرظفات وتعليقهم عليهو ابتسم بي خفة بس كانت كفيلة بي انها تخلي غمازتو تظهر❤️اتجاوز الموظفات القرب يغمى عليهم بسبب غمازتو ودخل مكتبو ع طول
بعد مسافة الباب اتفتح رفع راسو وابتسم لم شاف صحبو قدامو
وائل:شنو ي مان من اول اسبوع كدة سيطرت شديد😂
ايهم:سيطرة شنو م فاهم🌚
وائل:م تعمل لي فيها اهبل عارف كويس انك مكسر الشابات البرة ديل كلهم😉
ايهم:وانت عارف اني م عندي ليهم حاجة 😉
وائل:قصدك عامل فيها تقيل وبتاع صحبي من الجامعة وبعرفك😂
عاين لي صحبو واتبادلو الضحكات قطع ضحكهم صوت التلفون وهو بضرب وكانت السكرتيرة بتوريهم انو فضل ربع ساعة للاجتماع
كسرة:
"ايهم حسن 23 سنة اتخرج من ادارة اعمال هو وصحبو وائل واسسو شركتهم في الامارات ورجعو السودان عشان ابو ايهم احتاج ليهو بسبب مشاكل في شغلو 💕
............................................................
قطع دهشتها صوت تلفونا وهو بضرب عاينت للمتصل وابتسمت😊
اسيل:ايموني😍
ايمن:سووولا مشتاقين والله💕
اسيل:كتير والله كيفكم وبابا كيفو؟!
ايمن:كويسين والله والحاج نزل الشركة الليلة عارفاهو م بحب قعاد البيت
اسيل:اي اكيد بكون زهج
اتونست مع اخوها مسافة بعدها ايمن جاهو مريض واستاذن منها وهي شالت التلفون اتصلت لي محمد وابوها واتونست معاهم مسافة بعدها رجعت لي شغلها
"اسيل عبد الحميد 21 سنة عندها اخوانا محمد دا الكبير 28 سنة وايمن 24 سنة وهي اخر العنقود💕امها زينب اتوفت لم اسيل عمرها كان 19 سنة واسيل اتاثرت بيها شديد💔قرت ادارة اعمال وبعد اتخرجت كانت رغبتها انها تسافر كندا وتستلم شركة ابوها وهو رحب بالفكرة 💕اسيل عبارة عن مجموعة من الشخصيات بتكون ضعيفة شديد وهي براها وبتبكي لم تتذكر امها بس حازمة في شغلها شديد وبتتصنع القوة قدام الناس💛"
عاينت للساعة القدامها ولقت انو زمن الاجتماع جا قفلت اللابتوب وشالتو مع الملف واتوجهت على غرفة الاجتماعات هي وطاقم العمل بتاعها اتبادلت التحية مع كل الموجودين والمندوب بتاع الشركة بدا في الكلام :
جو: انسة اسيل اعتقد انك قراتي الملف الخاص بالشركة صحيح؟!
اسيل:نعم مستر جو لقد قراته
جو:حسنا دعينا لا نطيل الحديث ونوقع ع الاتفاقية ومدا ليها وثائق
اسيل شالت الورق منو وبقت بتعاين فيهو رفعت راسا وقالت:أليس هذا المبلغ كبير للغاية سيد جو؟!
جو:انسة اسيل نحن شركة لها نفوذها ومكانتها وبالتالي ستعود عليكم ارباحا ايضا
اسيل:لكن من ضمن شروطكم ان ارباحنا 40 %فقط
جو:بالطبع لاننا سنقوم بالتمويل فيحق لنا ان نزيد عليكم في النسبة
اسيل:هل انتم حقا تستطيعون تمويلنا سيد جو؟!
جو بصدمة:اااااا بالطبع ماذا تقصدين؟!
اسيل فتحت اللابتوب وقلبتو عليهو:سيد جو كما تعلم شركتك م الان تمر بازمة مالية واذا قبلت بهذا الاتفاق فنحن من سنخرج بالخسارة
جو:ولكن ي انسة اسي
قاطعو صوتها وهي بتقول:هل ظننتم بتقديمكم زمن الاجتماع بانني لن اعرف؟!للاسف ي سيد جو انا لا اقبل بالخسارة ابدا
طلعت من غرفة الاجتماعات واتوجهت ع مكتبا وطلبت انها تلتقي بالفريق العامل كلو
لها بقيـــة💕
